25 يناير ... موعد المصريين (3)

[fatfouta]

شوفتوا الفيديو؟؟

عم عفيفى بيقول للشباب وكل الناس فى مصر مش هنرجع يوم الجمعة ومافيش رجووووووووع إلا بحقنا

[se_ Elsyed]

لليوم الثالث على التوالي ... إنهيار تام في البورصة المصرية وخسائر يومية بمليارات

هو الريس مش ناوي يرجع من جده ولا استحلى القاعده جنب اخوه بن علي ؟

[لماضة مصرية جدا]

متهيالي كده.....ابتدوا يفقدوا السيطرة....مع تزايد جرعة التخبط

وزارة الأوقاف تنوى وقف صلاة الجمعة بمساجد وسط البلد بالتنسيق مع الداخلية

تبدأ وزارة الداخلية خطة مع وزارة الأوقاف لمنع إقامة شعائر صلاة الجمعة فى المساجد الكبرى فى منطقة وسط القاهرة حتى لا تتجدد المظاهرات عقب صلاة الجمعة القادم

وكشفت مصادر ان الساعات الماضية شهدت إجتماعات مكثفة بين قيادات شرطية وقيادات وزارة الأوقاف للتنسيق بخصوص إقامة صلاة الجمعة من عدمها وكذلك نوعية خطبة الجمعة التى ستنحصر فى تحريم التظاهر وتجريمه والدعوة للهدوء

مصدر الخبر

[se_ Elsyed]

وزارة الأوقاف تنوى وقف صلاة الجمعة بمساجد وسط البلد بالتنسيق مع الداخلية

طب كده هايلخبطونا ... ولازم يوضحوا ...

بالنسبة لصلاة العشا .. هانصليها جمع تقديم وقصراً مع الظهر .. ولا هايدخلوها راس في راس مع يوم الثلاثاء وبكده ممكن نصوم في ذو القعدة ووقفة عرفات تبقى في ديسمبر على أساس إن فبراير 28 يوم ؟

[se_ Elsyed]

أخيراً إتحركوا بعد فوات الآوان

إيقاف التداول في البورصة المصرية بعد أن بلغت الخسارة في الدقائق الأولى مليارات ولم يحدث من قبل حتى في عز الازمات الإقتصادية ...

إحنا كده دخلنا في شبه حالة طواريء ..

[fatfouta]

كلنا خالد سعيد..

أمين الفتوى في الأزهر: "المظاهرات حرام شرعا" .. والله حرام عليك إنت .. المظاهرات حرام وانتخاب مبارك واجب والتوريث حلال والسرقة والفساد مكروه وبيع الغاز لإسرائيل مستحب والرشوة من مرسيدس فرض و40 مليون فقير إبتلاء من الله .. برافو عليك يا شيخنا .. للأسف مبقناش نثق في اللي زيك

[لماضة مصرية جدا]

مايقرب من خمسة آلاف مواطن يفترشون شارع الجيش أكبر شوارع مدينة السويس ويمنعون مرور السيارات فيه احتجاجا على التعامل العنيف معهم، وقطع شبكات المحمول الثلاثة وضعف شبكة الإنترنت

الامس....الساعة الواحدة صباحا

موقع الدستور الاصلي

[se_ Elsyed]

سيتم إعادة التدوال الساعة الـ 11:30 بتوقيت مصر ...

إعجن ياللي بتعجبن ..

قولناها مليون مره .... الديكتاتور خربها وقعد على تلها ... قصدي مات على تلها لأنه بقى عامل زي أسامه بن لادن مش عارفين هو حي ولا ميت ولا فين أراضيه !!!!!

[لماضة مصرية جدا]

رويترز

قال شهود عيان ان نشطاء يحاولون الاطاحة بالرئيس المصري حسني مبارك دخلوا في مناوشات مبكرة مع الشرطة في الشوارع خلال الساعات الاولى من صباح يوم الخميس

ربنا يستر....ربنا معاهم....ربنا معاهم

[fatfouta]

الجزيرة....تم قطع التليفونا كلها عن السويس....الموبايل.. والأرضي

[الغريب]

السلام عليكم و رحمة الله و بركاته

من أجمل ما سمعت البارحة

ان ما قام به الشعب المصري بداية من يوم "25 يناير" و حتي الآن...هو شرف لا يمكن اي حزب في مصر..(ده ع اعتبار ان احنا عندنا احزاب اصلا)...ان تدعي ان لها فضل فيه

و ينطبق القول علي جماعة الاخوان المحظورة..(و هموت و اعرف ازاي محظورة و هي موجودة كده ع الساحة)

الخطاب في الاصل كان موجه للغرب و خصوصا عندما تلقت مصر مخاوف بعد مقتل ال 3 مصريين في السويس في مظاهرات سلمية

الخطاب كان للغرب.....رفعوا فزاعة الاخوان....و احتمال يتكلموا عن القاعدة قريب....عشان يبرروا القمع الغبي اللي حصل و اللي لسه هيحصل

الحل ان الناس تستمر....و تصمد

على فكرة يا لماضة ده فكر خبيث ظهر اليوم في مقال رئيس تحرير الجمهورية اليوم أنهم يقولوا أن الإخوان سيطروا على المظاهرات وهمهم تخريب البلد لعدة أمور :

1- تهميش الدور الشعبي بالمظاهرات.

2-إضفاء طابع التخريب عليها.

3-تخويف المواظنين من الإشتراك بها لأنها هتحطهم في خانة الإخوان.

4-كسب تأييد الشعب والعالم في قمع المظاهرات بالقوة.

أنما لازم ننتبه أن ده كله كلام فارغ

الهدف الأساسي لهذه الحملات القذرة أن يضيفوا على ثورة الشعب طابع التخريب وبالتالي يحق ليهم قمعها بكافة الصور..

ومن ضمن هذه الحملة أنهم دلوقتي بدأوا يخلوا ناس تبعهم تنضم لشبكة رصد ويضيفوا ردود بخصوص كيفية صنع القنابل ، علشان يقولوا شفتم عاوزين يعملوا أيه في البلد.. حسبي الله ونعم الوكيل

تم تعديل 27 يناير 2011 بواسطة الغريب

[لماضة مصرية جدا]

صاحب فكرة "ثورة الغضب":

إلى كل من ينتقد الثورة ..

إحنا من شهر 6 بنرجوكم تسمعولنا حتى ..

وقفنا على البحر ولابسين اسود واعترضنا ..

بعتنا رسائل لضباط الشرطة وطلبنا ايقاف التعذيب ..

عملنا إفطار في رمضان ..

كل مرة كنتم بتضربونا وبتهينونا وتشتمونا ..

كل مرة كنتم بتسخروا مننا في جرائدكم ..

كل مرة كنتم بتشتموا خالد الله يرحمه وتهينوا أهله ..

دلوقتي بتقولوا إننا دعاة التخريب؟

كلنا ضد أي عنف أو تخريب بس حقوقنا هناخدها غصب عنكم

- شبكة رصد-

[fatfouta]

هااااااااام و عااااااااجل:

عدم النزول اليوم سيعطى فرصة لقوات الامن ان ترتاح و تستعد بكل قوتها ليوم الجمعة

يجب ارهاقها بشكل كبير لتكون مستسلمة يوم الجمعة تماما و نكسب اخر جولة بالضربة القاضية

إنشرووووااا

[لماضة مصرية جدا]

السلام عليكم و رحمة الله و بركاته

من أجمل ما سمعت البارحة

ان ما قام به الشعب المصري بداية من يوم "25 يناير" و حتي الآن...هو شرف لا يمكن اي حزب في مصر..(ده ع اعتبار ان احنا عندنا احزاب اصلا)...ان تدعي ان لها فضل فيه

و ينطبق القول علي جماعة الاخوان المحظورة..(و هموت و اعرف ازاي محظورة و هي موجودة كده ع الساحة)

الخطاب في الاصل كان موجه للغرب و خصوصا عندما تلقت مصر مخاوف بعد مقتل ال 3 مصريين في السويس في مظاهرات سلمية

الخطاب كان للغرب.....رفعوا فزاعة الاخوان....و احتمال يتكلموا عن القاعدة قريب....عشان يبرروا القمع الغبي اللي حصل و اللي لسه هيحصل

الحل ان الناس تستمر....و تصمد

على فكرة يا لماضة ده فكر خبيث ظهر اليوم في مقال رئيس تحرير الجمهورية اليوم أنهم يقولوا أن الإخوان سيطروا على المظاهرات وهمهم تخريب البلد لعدة أمور :

1- تهميش الدور الشعبي بالمظاهرات.

2-إضفاء طابع التخريب عليها.

3-تخويف المواظنين من الإشتراك بها لأنها هتحطهم في خانة الإخوان.

4-كسب تأييد الشعب والعالم في قمع المظاهرات بالقوة.

أنما لازم ننتبه أن ده كله كلام فارغ

الهدف الأساسي لهذه الحملات القذرة أن يضيفوا على ثورة الشعب طابع التخريب وبالتالي يحق ليهم قمعها بكافة الصور..

ومن ضمن هذه الحملة أنهم دلوقتي بدأوا يخلوا ناس تبعهم تنضم لشبكة رصد ويضيفوا ردود بخصوص كيفية صنع القنابل ، علشان يقولوا شفتم عاوزين يعملوا أيه في البلد.. حسبي الله ونعم الوكيل

السلام عليكم و رحمة الله و بركاته

كلام حضرتك مظبوط جدا

انا مش عارفة بس هما بقوا يستخفوا بعقولنا لغاية امتي

مش بعيد ان احنا نسمع قريب ان شبكة رصد....يقف وراءها "مختل" عقليا

ع العموم الشبكة ردت رد حازم النهاردة

عاجل وهام ...

لاحظنا وضع ردود تحتوى على تعليمات لكيفية صناعة "قنابل مولوتوف" بكثافة ونحن ننبه أعضاء الصفحة الكرام إلى عدم الإلتفات لمثل تلك الدعوات الخارجة عن أشخاص مخربين لا يعرفون ولا يحبون الخير لمصر .

وتحذير لهؤلاء الأشخاص سيتم الحذف الفوري والبات من الصفحة لأي شخص يضع هذه المعلومة مرة أخرى في أي مكان بالصفحة لذا على... من نسخ هذه الرسالة دون تفكير وبحسن نية التوقف عن ذلك وإلا عرض نفسه للحذف مع "القلة المندسة" في الصفحة

شكرا لسعة صدركم

احنا فينا عقول يا حكومة.....فينا عقوووووول...بلاش تستخفوا بيها اكتر من كده

[لماضة مصرية جدا]

يا شماتة ابلة ظاظا فيك يا .....

أمريكا تغير موقفها وتحث مبارك صراحة على تنفيذ اصلاحات

واشنطن (رويترز) -

حثت الولايات المتحدة الرئيس المصري حسني مبارك يوم الاربعاء صراحة على اجراء اصلاحات سياسية في ضوء الاحتجاجات التي تطالب باسقاطه مغيرة موفقها من حليف عربي رئيسي تغييرا واضحا

الخبر النهاردة الصبح علي رويترز....كدهون علي غيار الريق

بقية الخبر هنا هوت

امريكا باعتك يا حسانين

[لماضة مصرية جدا]

تظاهر عشرات النشطاء المصريين أمام سفارة بلادهم بالعاصمة الألمانية برلين الأربعاء تضامنا مع المظاهرات المتواصلة في مدن مصرية مختلفة احتجاجا على تردي الأوضاع المعيشية والسياسية وانتهاكات الشرطة لحقوق المواطنين. وطالب المتظاهرون بإنهاء ما أسموه التجويع والظلم وبرحيل الرئيس حسني مبارك

ع هامش الخبر

استحالة نعمل اي مظاهرة هنا في اي دولة عربية شقيقة...انا عارفة...

[Simba]

البورصة تخسر 25 مليار جنيه في ثالث أسوأ انهيار

ذعر المستثمرين المصريين يؤدي إلي تهاوي أسعار الأسهم

25 مليار

يجيبوا كام شقة دول ::

تم تعديل 27 يناير 2011 بواسطة سمبا

[fatfouta]

أستأذنكم أنا بقى...مانمتش بقالى تلات أيام والله

أهى لماضة جات تمسك برج المراقبة شوية :clappingrose:

[الغريب]

دي صورة لراجل من رجالة مصر بيعلم الناس كلها كيفية الأدب والأخلاق والذوق، وأن دي ثورة ناس محترمة مش مخربين

[fatfouta]

البورصة تخسر 25 مليار جنيه في ثالث أسوأ انهيار

ذعر المستثمرين المصريين يؤدي إلي تهاوي أسعار الأسهم

25 مليار

يجيبوا كام شقة دول :blush2:

ايوه صحيح قبل مامشى

سمباااا انت اللى كنت عاوز رابط قناة الراى ولا حسام؟

عموما اهو

http://bestfree-tv-live.com/toolbar/arria.htm