حكومة شفيق لازم ترحل

[محمد عبدالعزيز]

بالنسبة لموضوع الشرطة ووزارة الداخلية, حتى الآن لم أتعامل مع أى جهة شرطية أو تابعة لوزارة الدخلية بعد الثورة, أول تعامل سيكون غدا مع المرور, ويارب يكون فى تغيير للأفضل.

ولكن تابعت حلقة الأمس من برنامج بلدنا بالمصرى على قناة ON TV, وكان الضيوف مجموعة من ضباط الشرطة الذين شاركوا فى الوقفة الاحتجاجية أمس, وكان الهدف من الحوار هو تحسين العلاقة بين الشرطة والشعب بعد الانسحاب يوم 28 يناير.

للأسف حدث لى إحباط وتأكدت بنسبة كبيرة جداً إن أفراد الشرطة الحاليين لا يناسبون المرحلة الجديدة فى تاريخ مصر بعد الثورة, لأن كل هدفهم كان إثبات عدم تحملهم أى مسئولية عما حدث وإلقاء كل المسئولية على المظاهرات كبيرة العدد, وكذلك كانت هناك محاولات مستميتة لنفى أى اتهام لأى شخص له علاقة بوزارة الداخلية بقتل شهداء الثورة.

هذا تسجيل للحلقة لمن يريد مشاهدتها.

http://www.youtube.com/watch?v=ucAdyefUnqk

للأمانة أمناء الشرطة كانوا أكثر موضوعية ورغبة فى الإصلاح من حضرات السادة الضباط.

[أبو محمد]

أنا غير منحاز لأحمد شفيق أو وزارته .. أو أى وزارة سابقة أو أى وزارة حتيجى .. ولا أرشح أى وزارة

أنا فقط أعلق على موضوع عنوانه "حكومة شفيق لازم ترحل" ..

وقريت جميع التبريرات .. لم أجد تبريرا واحدا مبنيا على حقائق ثابتة أو على تجارب فعلية .. كلها بمنطق أن الوزراء من وجوه الحزب الوطنى اللى .. واللى .. واللى .. والتجارب على مدى 30 سنة بتثبت فساد الحزب الوطنى و "نظاااام حكمه" .. وهذا تبرير لازم ولكنه ليس تبرير كافى

بنفس منطقك يا أحمد إنت وسى السيد .. المفروض نقول المجلس الأعلى للقوات المسلحة لازم يرحل .. لأن "جميع" أعضاؤه من اختيار مبارك شخصيا ..

[المهندسه]

طيب احنا ليه حكمنا على احمد شفيق انه فاشل كرئيس وزراء ....و قولنا ان الموضوع كان كبير عليه

الاحداث ال مرت بيها مصر كانت اكبر مننا كلنا...كان مطلوب من الحكومه جبل من المطالب ارضاء للشعب

و حفاظ على ماء وجه الحاكم...واختيار وزراء جدد..والاعتصامات المفاجئه لبعض العاملين...و التحقيق مع بعض المسئولين وكثير جدا من المهام

فى وقت وجيز و كل صاحب مشكله ما ...يريد النتيجه الفوريه من الوزاره الجديده و الاتكون فشلت

حكومه احمد شفيق سيتضح صلاحيتها من عدمه بعد هدوء الوضع قليلا...

الصوره حاليا بها كثير من الغمامه ...تداخل احداث و احداث ...تداخل اشخاص ...ظهور ادله فساد...

لابد من الانتظار الى ان تتضح الرؤيه و تبدأ الحكومه الجديده عملها الحقيقى

نترك الفرصه للحكومه فتره ثم نعيد تقييمها

صبرنا 30 سنه على رؤساء وزراء فاسدين...نصبر اشهر معدوده كمان لحين وضوح الرؤيه

[ComingSoon]

اخر كلام

حكومة شفيق لايمكن ان ترحل

لماذا ؟

لأن من يحكم البلد الان هو المجلس العسكري بقيادة المشير طنطاوي

المشير طنطاوي هو وزير الدفاع في حكومة شفيق

بمجرد حل هذه الوزارة اصبح المشير طنطاوي مجرد ضابط سابق في الجيش ولا سلطة له

فكيف يحل وزارة هو نفسة يستمد سلطاتة منها ؟!!!

[se_ Elsyed]

بنفس منطقك يا أحمد إنت وسى السيد .. المفروض نقول المجلس الأعلى للقوات المسلحة لازم يرحل .. لأن "جميع" أعضاؤه من اختيار مبارك شخصيا ..

الموقف هنا مختلف يا عمنا

الجيش من أول يوم كان موقفه مغاير تماماً لموقف مبارك وحكومته وكبروا في نظرنا قوي قوي نظراً لإحترامهم للناس

كمان لما واحد ييجي من اول يوم يقول إنه سيتولى غدارة البلاد لمدة 6 شهور فقط وسيسلمها بعد ذلك لحكومة مدينة منتخبة وغنه هايراقب التعديل المطلوب للدستور و و و و

يبقى لازم أثق فيه ....

[أبو محمد]

بالنسبة لموضوع الشرطة ووزارة الداخلية, حتى الآن لم أتعامل مع أى جهة شرطية أو تابعة لوزارة الدخلية بعد الثورة, أول تعامل سيكون غدا مع المرور, ويارب يكون فى تغيير للأفضل.

بهذه المناسبة .. أريد أن أنقل لكم التنبيه الآتى :

اللى إدارة المرور اللى بيتبعها اتحرقت يحافظ على رخصة عربيته زى عينيه .. ربما تكون هى الوثيقة الوحيدة التى تثبت ملكيته لسيارته بعد احتراق الملفات

حتى الداتا بيز لو كان لها باك أب فهى لا تثبت الملكية .. ده إذا كانت الداتا بيز لسه موجودة

التنبيه ده عرفته اليوم من إبن شقيقتى الذى ذهب لتجديد الرخصة فحصل على تصريح تسيير لمدة ثلاثة أشهر فقط .. وسمع هذا التنبيه من أحد الضباط

[أحمد سيف]

طيب احنا ليه حكمنا على احمد شفيق انه فاشل كرئيس وزراء ....و قولنا ان الموضوع كان كبير عليه

الاحداث ال مرت بيها مصر كانت اكبر مننا كلنا...كان مطلوب من الحكومه جبل من المطالب ارضاء للشعب

و حفاظ على ماء وجه الحاكم...واختيار وزراء جدد..والاعتصامات المفاجئه لبعض العاملين...و التحقيق مع بعض المسئولين وكثير جدا من المهام

فى وقت وجيز و كل صاحب مشكله ما ...يريد النتيجه الفوريه من الوزاره الجديده و الاتكون فشلت

حكومه احمد شفيق سيتضح صلاحيتها من عدمه بعد هدوء الوضع قليلا...

الصوره حاليا بها كثير من الغمامه ...تداخل احداث و احداث ...تداخل اشخاص ...ظهور ادله فساد...

لابد من الانتظار الى ان تتضح الرؤيه و تبدأ الحكومه الجديده عملها الحقيقى

نترك الفرصه للحكومه فتره ثم نعيد تقييمها

صبرنا 30 سنه على رؤساء وزراء فاسدين...نصبر اشهر معدوده كمان لحين وضوح الرؤيه

احنا مش عايزينه يمشي عشان فاشل

لكن لإنه جزء من نظام سقط ولا يريد الاعتراف بسقوطه

ولإنه يعمل بكل جهد لإجهاض الثورة والالتفاف على مطالبها

ولأنه لايزال يتعامل مع الشعب باستخفاف وكأنهم مجموعة من القاصرين الذين لا يدركون مصلحتهم

ولأنه مازال يختار وزراءه من رموز الفساد في العهد البائد ومن الموالين له

ولأنه مازال يستجيب لمطالب الناس ببطء شديد وبالقطارة وبمنتهى البرود والكبرياء كما كان رئيسه المخلوع يفعل

ولأنه مازال يتفوه بالأكاذيب والادعاءات دول خجل أو مواربة

ولأن وجوده فيه استفزاز للناس التي جرحت أو استشهد أبناءها في موقعة الجمل في بداية وزارته المشؤومة

ولأنه لم يتخذ أي اجراءات ذات مغزى في محاسبة من اجرموا وأفسدوا خلال الثورة

ولأنه مازال يلحّ بصورة غريبة على انهاء الاعتصامات السلمية في الوقت الذي سكت فيه تماما عن اعتداءات الشرطة على الناس في الوادي الجديد

ولأن استجابته الوحيدة لمطالب رفع المرتبات كان لرجال الشرطة كمكافئة لهم على التزامهم بتعليمات المجرم حبيب العادلي وترك الشعب بمفرده مواجهة البلطجية والمجرمين

ولأن البلد مليئة بالكفاءات التي لا خلاف عليها ولا شك فيها التي تستطيع إدارة المرحلة الانتقالية بكفاءة

هناك عشرات الأسباب الأخرى وممكن أفضل أعدد لكم للصبح

المسألة ليست عداوة شخصية أو عند طفولي بل رغبة في الحفاظ على مكتسبات الثورة التي حققها الشعب بدماءه وتضحياته

وبعدين لو فعلا السيد أحمد شفيق عبقرية نادرة في مجال الإدارة ويحظى بهذه الشعبية الجارفة يتنحى الآن ولما تتعمل انتخابات يبقى يرشح نفسه كرئيس وزراء أو حتى رئيس جمهورية ويطلب من الشعب اختياره

لكن هو مش هيعمل كده عارفين ليه ... لإنه مش معترف أساسا بالديموقراطية ولا بالشعب وهو نسخة أخرى من حسني مبارك لا تفهم إلا لغة القوة والغطرسه

[ذهبية]

سبب اخر لوجود احمد شفيق و اعتقد ان دة السبب الرئيسى فى انة لسة موجود

انة يمنع اى اتخاذ قانونى من الحكومة المصرية بكل المليارات اللى هربت خارج البلد

مش ملاحظين ان كل بنوك العالم من نفسها جمدت الرصيد لاى حدمشتبة بية من ضمنهم مبارك و اعوانة كلهم

و انصدمت بصراحةة لما قريت ان الحكومة المصرية

لم تقدم طلب رسمى منها بذلك

يااااااااااااااااااة الحكومة مستنية اية بقى انش اء الله علشان تطلب عودة المليارات المهربة مستنى اية يا احمد يا شفيق

مستنى لما تتحول لسندات و تتوة و يصعب الوصول اليها

فين باقى التحقيقات و اللى سمعناها كل يوم فى الاخبار

فين الفلوس اللى اتجمدت

فين الوزراء اللى اتحاكموا

مشفتش حد دخل السجن او حتى بس احتياطى

الحكومة مستنية ايةةةة

عرفتوا بقى احمد شفيق موجود لية

تم تعديل 15 فبراير 2011 بواسطة ذهبية

[خالد شحاته]

ممكن اسال سؤال

هل صحيح حكومه شفيق وهي حكومه تصريف اعمال للابد اي قرار للازم يصدق عليه المدلي الاعلي للقوت المسلحه

وانا فعلا مع رحيل حكومه احمد شفيق لان بجد الحكومه دي حاسس انها في وراها شي في الكوليس لان بعتبر النظام لم يرحل بوجود حكومه شفيق

وربنا يستر متكنش ثوره فوق ثوره بمعني ان الشعب اسقط مبارك والاخر الجيش يحكم البلد والكل يطلع منها وساعتها ربنا واحده هو الا عارف هتكون اخرتها ايه البلد دي

[لونا]

لو اتكلمت عن رأيي أنا ..

المفروض نصبر قليلًا على الحكومة..

و نعطيهم فرصة ليثبتوا جدارة .. أو فشل

و خاصة إن أحمد شفيق سمعته جيدة و كما علمنا أن يده نظيفة

هذا الرأي نبع من عقلي و تفكيري أنا

***********************************************

على الجانب الآخر ..

إحساسي هو ....

أي شيء يطلبه شباب التحرير فيجب أن نقف كلنا خلفه و نؤيده

لأننا اكتشفنا أن لديهم رؤية أبعد منا

و إصرار قادر على تنفيذ ما يريدوه

و لديهم شباب في الروح .. و ليس فقط في الجسد

يجب أن نساندهم

لأننا اكتشفنا أنهم صح ..

عندما كان يخاف بعضنا من أن تنقلب الثورة إلى ثورة رعاع و جياع

و اكتشفنا أنهم على صواب ..

عندما ناداهم البعض بالعودة إلى بيوتهم .. لأن التنازلات التي قدمها مبارك كافية

و اكتشفنا أنهم فهموا الجيش جيدًا ..

بينما خاف البعض من ركون الجيش إلى معسكر النظام

و لذلك يجب أن ترحل حكومة أحمد شفيق

[المهندسه]

ولأن استجابته الوحيدة لمطالب رفع المرتبات كان لرجال الشرطة كمكافئة لهم على التزامهم بتعليمات المجرم حبيب العادلي وترك الشعب بمفرده مواجهة البلطجية والمجرمين

انا للامانه عندى معلومه مؤكده من ضباط شرطه و هى ان فى يا جماعه بعض ضباط شرطه مش بيقبضوا راتب الشهر كامل يعنى بيقبضوا كل 15 يوم ...دى بعض الادارات داخل جهاز الشرطه و عاده بيكونونا اصحاب اعمال اداريه اكثر منها ميدانيه و الناس دى

لسه لغايه دلوقت ما اتصرفلهمش رواتب الشهر ده ..!!!فعلا صدق او لا تصدق لكن هذه الحقيقه!!!يعنى مش كل ال بنسمعه نصدقه من غير تأكيد

ولا اتصرفلهم اى مكافئات اطلاقا "كل جهاز الشرطه"...دى شهاده احاسب عليها امام الله ودى للامانه و مش دفاع اطلاقا عنهم لانى ابقى مختله لو جيت وسط كل هذا الكره لضباط الشرطه فى كل ال عملوه و ال الناس عندها حق فيه و ادافع عنهم ...المكافأه ال اتكلم عنها بعض الناس كانت قبل الثوره خااالص..بمناسبه عيد الشرطه

لان ضباط الشرطه بيتصرفلهم سنويا يوم 20 او 21 يناير مكافأه بمناسبه عيد الشرطه..

دى امانه حبيت انقلها ...

وهما معندهم تفسير اطلاقا ليه الوزير عمل كده و ما قبضهمش...لكن فى ارتباك كبير اوى فى الداخليه بسبب الاحداث دى و الوزير ماسبكهم لغايه دلوقت بقبضه من فولاذ و يريد فعلا اصلاح و مصدرلهم الوش الخشب على طول عكس حبيب العادلى ال كان مدلعهم على الاخر ..دى المعلومات ال عندى و هى مؤكده

لعل ترجع تانى الشرطه فى خدمه الشعب...وانا متفائله بأذن الله

[Sherief AbdelWahab]

أنا مستغرب من اللي بيطالب بإقالة شفيق وتعيين الملط.. نفس حيثيات رفض شفيق أقوى دليل على عدم صواب اختيار الملط.. الملط هو الآخر جزء من النظام ، وله مواقف بشعة في قضية العلاج على نفقة الدولة اللي ما أدانش ولو ببقين فارغين النوام اللي متورطين فيها واللي لسة التحقيق معاهم ما خلصش لغاية دلوقت ، ومش حتتفتح ملفاتهم رغم فقدانهم الحصانة بحل مجلس الشعب!

أنا مش شايف إن أحمد شفيق وحش.. الحكومة دي انتقالية .. أسلوبه الحازم اللي بيصل لحد العنف ضروري ، مع وزراء الحرس القديم اللي يخافوا ما يختشوش.. وياريت لو يمشي منهم كام واحد كمان ونقطة ومن أول السطر..

في الوقت نفسه .. لا أعتقد إن تيار المال السياسي ، أو الأحزاب ، أو التيار الديني عنده من الكوادر فعلياً ما يؤهله لعمل وزاري .. وبالتالي حيكون الاختيار المنطقي من مؤسسة مستقلة زي الجيش لفترة .. ويبقى إن الأحزاب تسابق الزمن علشان تنضج بما يكفي لممارسة حياة سياسية مدنية..

خلص الكلام

[محمد عبدالعزيز]

بالنسبة لموضوع الشرطة ووزارة الداخلية, حتى الآن لم أتعامل مع أى جهة شرطية أو تابعة لوزارة الدخلية بعد الثورة, أول تعامل سيكون غدا مع المرور, ويارب يكون فى تغيير للأفضل.

بهذه المناسبة .. أريد أن أنقل لكم التنبيه الآتى :

اللى إدارة المرور اللى بيتبعها اتحرقت يحافظ على رخصة عربيته زى عينيه .. ربما تكون هى الوثيقة الوحيدة التى تثبت ملكيته لسيارته بعد احتراق الملفات

حتى الداتا بيز لو كان لها باك أب فهى لا تثبت الملكية .. ده إذا كانت الداتا بيز لسه موجودة

التنبيه ده عرفته اليوم من إبن شقيقتى الذى ذهب لتجديد الرخصة فحصل على تصريح تسيير لمدة ثلاثة أشهر فقط .. وسمع هذا التنبيه من أحد الضباط

أشكرك يا أستاذ أبو محمد على التنبيه, وأحب أؤكد عل كلام حضرتك من خلال تجربتى النهارده مع مرور العجمى, وهو مدمر بنسبة كبيرة ومفيش ولا جهاز كمبيوتر واحد فى المبنى, ولذلك علقت نمر قديمة وادونى تصريح لمدة 6 شهور, والترخيص لأول مرة على فكرة مش تجديد.

بصراحة التجربة مكانتش أفضل من قبل كده, بالعكس أنا شايف إنها أسوأ بسبب الدمار اللى حصل وبسبب عدم تغيير الموظفين أو تغيير عقليتهم على الأقل. عموماً عندى أمل فى مستقبل أفضل إن شاء الله.

أهم حاجة دلوقتى إن يبقى عندنا انتخابات نزيهة والشعب يختار حكامه.