25 يناير ... موعد المصريين (6)

[اغابي]

انا زهقت ويأست

لا اظن انه هايمشي

لا اظن

طب

خليك

:hysterical:

تم تعديل 30 يناير 2011 بواسطة اغابي

[ozoozo]

انا زهقت ويأست

لا اظن انه هايمشي

لا اظن

طب

خليك

:hysterical:

شوفتي الراجل بتاع حقوق الانسان قال ايه علي الجزيره من شويه

1-هناك اسلحه جديده وقنابل محرمه ارسلت امس من اسرائيل ليبدأو استعمالها من بكره

2-كان في حالات اغتصاب واختطاف امبارح لكن الناس خايفه تتكلم

شوفتي الناس الميته في اسكندريه الراجل بيقول ظابط المباحث ضرب ابنه في منتصف جبهته من مسدسه يعني مش رصاصه طايشه

وكل ده والبقره مطنشه

اذا الشعب يوما اراد الحياه

فلابد ان يستجيب البقر:sad:

[عبير يونس]

حاجة لازم اقولها

و مفرحاني اوي ا وي اوي

صاحبة العمارة عند اختي في مصر الجديدة

عندها ولد واحد

منزلاه في عز البرد يا حبيبي

واقف بطل مع الشباب اللي في الشارع عشان يحموا الأهالي

هذا الشاب الصغير

مسيحي

و 90% من سكان ال 30 شقة مسلمين

كان ممكن حتى تقول ده ابني الوحيد

و متخليهوش ينزل

الشاب المسيحي ده

وحيد مامته

هو و اللي زيه - بعد ربنا سبحانه و تعالى- بيحموا أختي و بنتها اللي لوحدهم و معاهمش رجالة

الفتنة الطائفية كانت أكذوبة كبرى عيشنا فيها النظام

اللهم أرنا في هذا النظام الفاسد عجائب قدرتك

آآآآآآآآآميييييييييييييييييين

[ozoozo]

انا النهارده حزين

لا قلبي هو اللي حزين

انا كنت ماشي في الشغل ومطاطي راسي والسعوديين كل واحد يقولي ربنا معاكم غمه وتنزاح زي مايكون اليهود محتلين بلدي

كنت باشتري حاجات من بنده النهارده

شايف الحزن في وجوه كل المصريين

سمعت واحد سعودي ومراته بيقولها شوفتي ياعيني المصريين شكلهم عامل ازاي

انا فعلا حزبن

لا لا قلبي هو اللي حزين

[م تيمور المراغي]

1 - نفسنا مش قصير اوي كده

2 - رافعين راسنا قدام كل الدنيا اننا نزلنا وبنحارب من غير سلاح جيش وشرطه و بلطجيه ماسكينلنا سنج

واحنا من غير سلاح واقفين رجاله قصاد كل دول

3- نفسنا مش قصير يا اوز وبالنا طويل والحريه مش بتيجي في نص ساعه لأ

4 - انا مش عارف بكتب نقط ليه كان ممكن اتكلم على طول بس اهي حركه لشد الانتباه وخلاص!!

5 - مش امريكا اللي حتقول للملايين دي ايه الخطوات المقبله ,, احنا زي ما احنا معتصمين وفي حالة عصيان مدني ومش حنتوقف عن ترديد يسقط حسني مبارك

6 - البرادعي هو اففضل المتاح حاليا لتمثيلنا امام العالم وفي مفاوضاتنا مع الحكومه هو منظم وعقليته خارقه في المفاوضات

7 - مطالبنا هي اوكي بقاء الرئيس حتى الانتخبات الرئاسيه نوفمبر المقبل لكن :

8 - تعديل المادتين 76 و 77 من الدستور للسماح لكل المستقلين بالترشح المباشر لمنصب الرئيس

9 - انتخابات الرئاسه تجرى تحت اشراف دولي مباشر من الامم المتحده والاتحاد الاوروبي وبمراقبة منظمات حقوق الانسان والفرز يكون تحت اشراف دولي

10 - لا يترشح مبارك للانتخابات المقبله ,,

تاني حقول محتاجين نفس طويل والبرادعي افضل المتاحين ليس للرئاسه ولكن لحمل مطالب الشعب

وتاني حقول ماحدش في اي دوله عربيه وقف وقفة رجوله زي اللي وقفناها دي ولا يقدر يقول بم يبقى كل مصري يفتخر ويرفع راسه فوق السحاب ,,

[الســـاري]

صدقنى يا استاذ محمد انا اكتر واحدة اتمنى البرادعى بصراحة راجل محترم

لكن مش عارفة ليه اول شفته نهاردة حسيت انه نزل من مستواه او انه بيصيد فى المية العكرة

مع انه هو اكبر من كدا هو راجل له تاريخ مشرف فى الحرية والديمقراطية وغنى عن التعريف وله حصانة دبلوماسية

ما عجبنيش نهاردة انه ينزل بميكرفون فى الميدان مش عارفة ليه اتنرفيزت

استاذتي اغابي

لا اعرف حقيقة لماذا كل هذا الهجوم على هذا الرجل ..

عندما كان بالخارج قال الكثير انه بعيد عن المظاهرات و يكتفي بشحن الجو والمظاهرين وهو مريح برة مصر

وعندما عاد ودخل لقلب قلب المظاهرات برضو بينرفز

اعتقد يا سيدتي ان المشكلة ليس في شخص البرادعي نفسه بقدر ما هي رغبة الجميع ان لا يظهر اي شخص وكأنه المحرك الوحيد لهذه الثورة

ايا كان

لا اعتقد ان البرادعي قد نسب لنفسه في اي وقت انه هو المحرك الوحيد او الرئيس لكل هذه التحركات

لكن جمال الحركة الشعبية التي صمت كل الاطياف يجعل الكل لا يرغب ان يحملها لشخص بعينه

[عبير يونس]

انا النهارده حزين

لا قلبي هو اللي حزين

انا كنت ماشي في الشغل ومطاطي راسي والسعوديين كل واحد يقولي ربنا معاكم غمه وتنزاح زي مايكون اليهود محتلين بلدي

كنت باشتري حاجات من بنده النهارده

شايف الحزن في وجوه كل المصريين

سمعت واحد سعودي ومراته بيقولها شوفتي ياعيني المصريين شكلهم عامل ازاي

انا فعلا حزبن

لا لا قلبي هو اللي حزين

شفت بقى

اهو كل ده من العنب المفعص اللي مانتاش راضي بيه

لا بجد

ايه يا أستاذ اوزوزو اللي بتقوله ده

حزين ايه و مطاطي ايه؟؟

ده انت ان مفرحتش دلوقتي حتفرح امتى امال؟؟

و مطاطي ليه يا باشا؟؟

يا نهار أبيض

ده الايام دي تحديدا هي أيام رفع الرأس

مبتشفش لما البوليس يحاصر العصابة و رئيس العصابة يفضل يهاجم لآخر لحظة

و ممكن ياخد رهينة يحاول يفلت بيها

مفيش عصابة بتسلم أبدا

لازم يحاولوا الهرب لآخر نفس

هي دي طريقة المجرمين

اللا مبارك بيحاول يلعب بالكروت كلها لآخر نفس

و الاشاعات دلوقتي لازم ناخد بالنا منها كويس اوي

و منخافش ابدا

و لا نسمح للاحباط يخش جوانا

نعمل لجان شعبية داخل نفوسنا لمنع تسرب اليأس إليها

لو فقدنا اليقين بالله

حنضيع بجد

ربنا مستحيل يخذلنا

مستحيل

مستحيل

مستحيل

يارب نحسن بك الظن

يارب نحسن بك الظن

يارب نحسن بك الظن

[بركة]

http://www.youtube.com/watch?v=HXn8vXkrcaM&feature=related

[الســـاري]

انا النهارده حزين

لا قلبي هو اللي حزين

انا كنت ماشي في الشغل ومطاطي راسي والسعوديين كل واحد يقولي ربنا معاكم غمه وتنزاح زي مايكون اليهود محتلين بلدي

كنت باشتري حاجات من بنده النهارده

شايف الحزن في وجوه كل المصريين

سمعت واحد سعودي ومراته بيقولها شوفتي ياعيني المصريين شكلهم عامل ازاي

انا فعلا حزبن

لا لا قلبي هو اللي حزين

{و لا تهنوا و لا تحزنوا و أنتم الأعلون إن كنتم مؤمنين * إن يمسسكم قرحٌ فقد مس القوم قرحٌ مثله و تلك الأيام نداولها بين الناس}

{و لا تهنوا في ابتغاء القوم إن تكونوا تألمون فإنهم يألمون كما تألمون و ترجون من الله ما لا يرجون و كان الله عليماً حكيماً}

[King TUT]

الجزيرة | وزارة الدفاع الاسرائيلى ترفض النفى او التاكيد على ارسال اسلحة لمصر

[kwala]

فعلا الواحد قلبه حزين...احنا كنا برده في بنده انهاردة

وقلت لجوزي فيه جو كآبة منتشر في المكان...لإن المصريين اللي كانوا بيعملوا ليه حس وروح كلهم شاحبين الفترة دي وماشيين ساكتيين!!!

القلب حزين علشان هوا بعيد...زائد القلق على الأهل والاصحاب والجيران وعلى مصر حبيبتنا كلنا

ربنا يجمعنا على خير يا مصر يا حبيبتي