هل توافق على تحول نظام الحكم في مصر لكي يكون نظام برلماني ؟

[مصري أصيل]

الاول نشرح ببساطة فكرة الحكم البرلماني ... يعني الرئيس يبقى رمز وله صلاحيات محدودة .. لكن من يحكم ويُسير الامور هو رئيس الوزراء وله حرية إختيار الوزراء .. وبيتحاكم ويتحاسب مسئولية كاملة أمام البرلمان

------------------

النظام الرئاسي في دول العالم الثالث .. غالباً ما يرتبط تفكيره بفكرة " الحاكم الإله "

هذه حقيقة

يعني الحاكم هو أبونا اللي ربنا وعيب نحاسبة

والحاكم يلغوص في الدستور ... ويقعد إبنه جنبه يحكم .. عادي خالص وزي الفل

الحاكم صورة تتعلق في كل مكان حتى التواليتات ....

الحاكم في الدستور هو بابا وماما وأنور وجدي ..

عشان كده نفسي نتحول 180 درجة .... ونخوض تجربة الحكم البرلماني ..

أظن الكلام ده كلام رائع جداً و أظن أنه من الصعب أن يرفضه أحد فقط لى سؤال

هل يتم اختيار رئيس الوزراء عن طريق الرئيس كما هو مطبق حاليا أم عن طريق الانتخاب و ما هو المتبع في الدول التى تطبق هذا النظام ؟ يا ريت لو حد عنده خلفيه يعرفنا

أعتقد و من خلال مشاهدتي لحديث الجنزوري أن أهم الاسباب التى ادت الي إقالته و كما ذكر هو فى حديثه أنه كان يريد أن يكون رئيس وزراء بحق و حقيقي بمعنى انه اراد الا يكون سكرتير للرئيس ينفذ فقط مطالبه و لكنه أراد ان تكون توجيهاته و تعليماته للوزراء نابعه من قرار شخصى منه مما أدي الى اقالته و هذا ما نطالب نحن بتطبيقه الان

أتمنى ايضاً ان نلغي موضوع 50% عمال و فلاحين من مجلس الشعب و ان يكون أقل مؤهل مسموح به لدخول مجلس الشعب هو شهاده جامعيه.

أتمني أيضاً أن يتم تحديد نسبة 20% كحد أقصى لعدد الافراد المسموح لهم بدخول مجلس الشعب من حزب معين و ذلك لمنع التكتل و ان يستولى حزب معين علي القرار السياسى و يكون المبدأ الساري هو الاختيار بأعلى نسبة تصويت و ليس لأن حزب معين يريد ذلك و الا لن نكون قد تقدمنا خطوه واحده فى طريق الاصلاح.

أو يتم حل جميع الاحزاب و أولها الحزب الوطني و ان يكون انتساب اعضاء مجلس الشعب بصوره مستقله و لا أعرف ما هى الفائدة التي عادت علينا من وجود أكثر من عشرون حزب سياسي بدعوى الديمقراطيه فهل عشنا لحظه واحده من لحظات الديمقراطيه؟ فالأحزاب السياسيه لم تستطع تغير شيء طوال ثلاثون عاماً و من قام بالتغير هم شباب مصر الذي كنا قد فقدنا الأمل فيه و لكنه أعادالأمل لمصر كلها. و الحمد لله رب العالمين

[alex fox]

الاول نشرح ببساطة فكرة الحكم البرلماني ... يعني الرئيس يبقى رمز وله صلاحيات محدودة .. لكن من يحكم ويُسير الامور هو رئيس الوزراء وله حرية إختيار الوزراء .. وبيتحاكم ويتحاسب مسئولية كاملة أمام البرلمان

------------------

النظام الرئاسي في دول العالم الثالث .. غالباً ما يرتبط تفكيره بفكرة " الحاكم الإله "

هذه حقيقة

يعني الحاكم هو أبونا اللي ربنا وعيب نحاسبة

والحاكم يلغوص في الدستور ... ويقعد إبنه جنبه يحكم .. عادي خالص وزي الفل

الحاكم صورة تتعلق في كل مكان حتى التواليتات ....

الحاكم في الدستور هو بابا وماما وأنور وجدي ..

عشان كده نفسي نتحول 180 درجة .... ونخوض تجربة الحكم البرلماني ..

نظام رائع...

ولكن هل هايكون ناجح فى مصر حاليا...

مصر لسه زى ماهى مافيش حاجة اتغيرت غير ان الناس حست بالحرية بعد خلع مبارك وبعض رجاله...

لكن الناس لسه زى ماهى لسه مافيش الوعى الكافى عند اغلبية الناس لقيام مثل هذا النظام وممكن يتم استغلاله من قبل المتسلقين الجدد واحنا ماصدقنا خلصنا من النهب واستغلال الناس البسطاء...

علشان كده انا بقول ان النظام الفرنسى اللى هو نظام وسطى بين الدولة الرئاسية والدولة البرلمانية هو الأصلح حاليا...

[ابو محمود]

ياجماعة انا شايف ان التغيير لازم يحدث حتى لو لم يكن هناك من يفهم معنى الديموقراطية الحقة او النظم التى تعمل بها

ما سائنى انى كلما قابلت احدآ ايآ كان متعلم او نصف متعلم او دون ذلك تجدة يبرق عنية ويقولك طب مين هيحكومنا بعد الرئيس مبارك يادى النيلة الناس هنا مستنية حد يحكمهم وبس ودى المصيبة الكبرى

يعنى انا من رآيي ان الناس المتخصصين فى القانون يسرعو بكل جد الى اختيار الطريق البرلمانى للحكم ومن هنا سنتعلم جميعآ بالتجربة الفارق بين الحرية والاستعباد المهم اننا نبدأ وبسرعة الى تعريف الناس بالفارق ليس بالكلام لكن بالفعل علشان لما الناس تتذوق الحرية اكيد هتقرف من الحكم المركزى العفن الذى اتى بنا للحدث البشع عندما تم قتل ابناءنا على يد اتباع لحاكم قذر وعفن وعندما فضحتهم الكاميرات تظاهرو بكل ندالة وهات يا تبرير بأن ما فعلوة هو اوامر عليهم والنبى الناس دى عايزة الحرق وكمان الناس المحكومة عايزة تشوف بديل للمرمطة والتزوير والكذب اذآ لابد من تغيير طريقة الحكم كى نجرب ونتعلم اللاعب او التلميذ لابد من تعليمة حتى يصبح محترفآ بلاش بقى نكسر مقاديف بعض ونقول اننا لابد من ان نتعلم اولآ الديموقراطية زى اللى بيقول علشان نخف ونشفى من مرض قبل اخذ الدواء لابد من ترك انفسنا للمرض حتى نعرف ان الدواء فعال

[Om Zayd]

أظن الشباب المصري أثبت ان عنده وعي و فهم

أكيد أول مرة هتبقى صعبة و يمكن ملخبطة .. بس عشان احنا كثير .. حتى لو نسبة صغيرة هيا اللي عندها وعي في ممكن تبقى تجربة ناجحة.. فينا كثير يقدروا يخوضوا بينا التجربة دي

يوعوا اللي حواليهم

الإعلام ممكن يساعد جدا

لكن نظام رئاسي دون دستور يقيد سلطته .. قد يخلق مبارك آخر

لنفس سبب قلة الوعي

نحتاج لكسر النظام الأبوي في الحكم

نحتاج أن يفهم الناس أن الحاكم خادم الشعب

[الباشمهندس ياسر]

نلغي شرط الخمسين ف المائة من الاميين

و بعدين هوافق

[ذهبية]

لست مع التغير المفاجىء ابداا لانة بيعمل زى الصدمة و بينهار بعدها المجتع يعنى مينفعش واحد قاعدمسجون و فجاة تطلعة و تدلعة و تحطة فى قصر و رفاهية يتجنن يحصل عندة صدمة نفسية شديدة

او واحد فقير جدااا و فجاة تنزل علية ثورة بالملاين مينفعش بدل ما الثورة دى تتحط فى مكان صح هيستخدمها فى اشباع رغبات كان محروم منها و سعتها بس هتمون نقمة علية

ينفع واحد مريض و لسة خارج من عملية و تروح تفسحة مرة واحدة

لازم فترة نقاهة الاول

يا جماعة مينفعش

من حال الى حال و النقيض طبعا انا مش معاة

لو فية نظام يمسك العصيا من النص انا موافقة علية

لكن فجاة الرئيس يفقط سلطاتة و يبقى محدود السلطات ارفضها

ولا انة يكون الهة و مطلق الحرية بدون رقابة ارفضها ايضا

انا احبذ الوسيطية

بالذات

ان مجتمعنا لسة بيتعلم يمشى لسة بيتعلم يقرا لسة بيتعلم حرية

مينفعش اركبة حصان ولا اديلة كتاب عن الدستور يقراة وهو لسة بيتعلم

[Mohammad Abouzied]

نلغي شرط الخمسين ف المائة من الاميين

و بعدين هوافق

دي مشكلة كبيرة وللاسف مع علم الجميع انها من النقاط القاتلة الى تطلع لبناء مجتمع حر وواعي

الا ان فيه من سوف يستميت لعدم الغاء هذا البند بحجة حقوق العمال والفلاحين

ربنا يستر على مصر من افكار مستورده جاءات لترسيخ دكتاورية الفرد

[مسافر]

اولا لابد من تنظيف المجتمع من الفساد

ثانيا

شرح للناس مساوئ نظام حكم الفرد

ثالثا تعريف الناس بفوائد احكم البرلماني

لانه في ظل وجود الفاسدين والمنتفعين من النظام السابق

سيأتي دسستور عاجز او برلمان ناقص

ينفذ منه الفاسدون ويدلسوا ويقولوا

هذا ما ارادته الثورة

[امير مجروح]

اوافق

انا دلوقتى وجدت إجابة لسؤالى الى هو ايه ..

لماذا رئيس اسرائيل لا يظهر فى الصورة ودائما الى بيظهر وبيحكم ويتحكم رئيس الوزراء ؟

لانها دولة برلمانية

[engmido]

مش موافق لسبب بسيط هو ان فكرة الرئيس القائد ليست عيبا وصلاحيات الرئيس ليست عيبا

وانما اساءة استخدام هذه الصلاحيات هى العيب

والدليل على كده ان امريكا ام الحريات والديمقراطيات الحاكم الاول هو رئيس الجمهورية

وهناك قرارات مصيرية على سبيل المثال اتخذها جورج بوش وهى غزو العراق

وبعدين ثبت فشلها...ويقال ان الكونجرس عمله استجواب

[se_ Elsyed]

مش موافق لسبب بسيط هو ان فكرة الرئيس القائد ليست عيبا وصلاحيات الرئيس ليست عيبا

وانما اساءة استخدام هذه الصلاحيات هى العيب

والدليل على كده ان امريكا ام الحريات والديمقراطيات الحاكم الاول هو رئيس الجمهورية

وهناك قرارات مصيرية على سبيل المثال اتخذها جورج بوش وهى غزو العراق

وبعدين ثبت فشلها...ويقال ان الكونجرس عمله استجواب

موقف أمريكا مختلف تماماً لإنها دوله فيدرالية وكل ولاية لديها القانون والميزانية الخاصة بها ...

[الغريب]

نظام رئاسي أو برلماني يحتاج لأحزاب قوية

فهل الفترة الانتقالية ستوفر هذه النوعية من الأحزاب

أيضا برجاء التعرف أكثر على النظام الرئاسي ، لأن البعض حينما نطلق هذه الكلمة سرعان ما يتخيل النظام المصري القديم أو اليمني أو الجزائري وينسى أن دول تقدمت في ظل النظام الرئاسي منها الولايات المتحدة وفرنساوروسيا

[suavemente]

أنا صوّت طبعا على الحكم البرلمانى لأننا زهقنا من الحكم المركزى , ده مش فى الدولة بس ده فى كل حاجة فى حياتنا فى المؤسسات و المستشفيات و المصانع كل حاجة بأسم المدير

لكن بعد الفوضى اللى حصلت دى , أحنا لسة قدامنا كتير قوى علشان نعرف يعنى أيه ديمقراطية أصلا لأنها لا تدرس فى المدارس و لا فى الكنائس و لا الجوامع و لم تتم ممارستها أصلا يبقى لازم حملات توعية.

الناس فاكرة أن الديمقراطية يعنى فوضى و أزعق براحتى فى مظاهرات و أطالب بحفوفى لكن مفيش واجبات!

و ماتقولوليش أن النظام هو اللى سرق كل المحلات اللى أتسرقت , أنا شفت بنفسى عيل شايل 3 مراوح من كارفور و فرحان قوى و دخل التاريخ من أضيق أبوابه , طبعا اللجنة الشعبية بتاعتنا أديته علقة سخنة و حبسناه فى محل ميكانيكى لحد الصبح هو و 3 كمان ومكنش فيهم واحد لا شرطى ولا مسجون هارب كانوا من نفس المنطقة بتاعتى و راجعين بالغنائم من أرض المعركة . يبقى أحنا محتاجين شوية نتعلم ديمقراطية صح زى ما أستاذ موعود ماقال و لكن مفيش مدتين كمان هى مدة واحدة بس و كفاية

- يجب أن تكون الأذاعة و الأعلام مستقلة ( مثل هيئة الاذاعة البريطانية ) لكن هتفضل وزارة يبقى هاتفضل مسيسة و اعلام السجاجيد الحمراء مازال كما هو .

تم تعديل 15 فبراير 2011 بواسطة suavemente

[se_ Elsyed]

نظام رئاسي أو برلماني يحتاج لأحزاب قوية

فهل الفترة الانتقالية ستوفر هذه النوعية من الأحزاب

أيضا برجاء التعرف أكثر على النظام الرئاسي ، لأن البعض حينما نطلق هذه الكلمة سرعان ما يتخيل النظام المصري القديم أو اليمني أو الجزائري وينسى أن دول تقدمت في ظل النظام الرئاسي منها الولايات المتحدة وفرنساوروسيا

شرحنا موقف امريكا

اما فرنسا فهي من أرست النظام البرلماني في العالم أجمع

ولو قلت روسيا يا غريب هاقول لك : يبقى أنت اللي قتلت بابايا

روسيا يا عزيزي بعد البريسترويكا وسقوط الغول السوفييتي .. جالها بوريس يالتسين السكير اللي كان سفنجه ومش بيفوق خالص ... فلما الشعب ثار عليه تماماً مثل ثورتنا الان .. ثبتهم وقال لهم خلاص إدوني كام شهر ألم القزايز بتاعتي واكمل عدتي وأرحل ... والعيال صدقوا يا عيني ورحوا من ميدان التحرير بتاع موسكو .. وخلال شهور قليلة جداً قضى على كل معارضيه بالإستعانة بمدير الإستخبارات بوتين .. وسلمها له بعدها مقشرة ... وبوتين اللي لما جه يمشي هو كمان إداها مقشر لميدفيدف صاحبة وحبيبه

( بالمناسبة ميدفيدف باللغة الروسية تعني الذئب ... واحده روسيه قالت لي كده )

الفيلم ده مش بيفكرك بعُمر سليمان والرئيس الراحل مبارك اللي كان عاوز يديها له مقشرة ومتحمرة في سمنه ؟

كل سنة وإنت طيب

[أبو محمد]

نلغي شرط الخمسين ف المائة من الاميين

و بعدين هوافق

دي مشكلة كبيرة وللاسف مع علم الجميع انها من النقاط القاتلة الى تطلع لبناء مجتمع حر وواعي

الا ان فيه من سوف يستميت لعدم الغاء هذا البند بحجة حقوق العمال والفلاحين

ربنا يستر على مصر من افكار مستورده جاءات لترسيخ دكتاورية الفرد

السؤال الذى طُرح منذ بدأت الخصخصة ولم يجب عليه أحد إلى الآن :

أين كان نصف البرلمان وحقوق العمال فى الشركات التى بيعت كانت تضيع أمامهم ؟

النسبة دى كانت محطوطة لضمان الموافقة على تمرير أى قانون يريده سدنة الاشتراكية من أمثال هيكل الذى يتحكم إبن له فى الأسمنت .. ويتحكم الآخر فى البورصة .. ألا ليه مفيش حد بيسأل عن ثروة أسرة محمد حسنين هيكل ؟

[أبو محمد]

مش موافق لسبب بسيط هو ان فكرة الرئيس القائد ليست عيبا وصلاحيات الرئيس ليست عيبا

وانما اساءة استخدام هذه الصلاحيات هى العيب

والدليل على كده ان امريكا ام الحريات والديمقراطيات الحاكم الاول هو رئيس الجمهورية

وهناك قرارات مصيرية على سبيل المثال اتخذها جورج بوش وهى غزو العراق

وبعدين ثبت فشلها...ويقال ان الكونجرس عمله استجواب

فى أمريكا وفرنسا يوجد توازن دقيق بين السلطات وكل سلطة منهم مستقلة استقلالا كاملا وفى منتهى القوة .. لذلك رأينا نيكسون يطاح به قضائيا .. وكلينتون يتفضح أمام العالم والكونجرس يستجوبه .. هذا التوازن من الصعب تحقيقه فى بلدنا إلا بنصوص دستورية تحدد سلطات الرئيس