25 يناير ... موعد المصريين (7)

[أحمد سيف]

النظام نفسه أطول بينما الناس وراها مسؤوليات وأشغال وهتتعب من التظاهر في النهار والحراسه في الليل وده هو هدف التأخير المتعمد الذي يمارسه مبارك ونظامه في كل خطوه ... انهاك المتظاهرين وكسب المعركة بالنقاط وليس بالضربة القاضية.

استمرار التظاهر في ميدان التحرير كان له هدف رمزي وتحقق ... والآن كسر حاجز الخوف من الأمن وضمنت حرية التجمع والتظاهر بعد دحر ميليشيات الأمن المركزي ... لكن طالما المراكز الحيوية القريبة من الميدان مثل وزارتي الداخلية والإعلام لم تصل اليها الجماهير فالنظام لن يهتم كثيرا بتجمع الناس في الشوارع والميادين المفتوحة.

رأيي أن يتم استغلال الزخم الذي تحقق - والذي من الصعب أن يتكرر لو خمد - والانتقال للخطوة التالية ... وهي اختبار موقف الجيش الفعلي بمحاولة السيطرة على ماسبيرو أو بنقل المعركة الى سراي القبة ... الجيش سيكون أمام حل من اثنين ... إما البقاء على الحياد وفي هذه الحالة سيتلقى النظام ضربة إضافية لأنه سيدرك أن الجيش قد تخلى عنه ... أو سيرد بالقوة المسلحة وبذلك ينكشف موقفه أمام الناس وتتّضح نواياه ويدخل في معركة خاسرة مع الشارع (مع احتمال حدوث حالات عصيان بالجملة وانهيار القيادة العسكرية الموالية لمبارك) ... وفي الحالتين فإن النظام خاسر ... أما بقاء الغموض في موقف الجيش مع استمرار النظام في تنفيذ مخططه وزيادة ساعات حظر التجول تدريجيا لتشمل اليوم بأكمله والعودة التدريجية للأمن الى مراكزه وانحسار التغطية الإخبارية مع بقاء حظر الانترنت والاتصالات وبدء الخلافات والانشقاقات بين قادة الانتفاضة فمعناه الموت البطئ للثورة وهذا ما يسعى اليه النظام.

[mekkawy]

http://www.youtube.com/watch?v=9m8BGPxNTfo&feature=player_embedded

http://www.youtube.com/watch?v=tuiIhW5VVbk&feature=player_embedded#at=27

mf_p:

يا ريس دي من سنتين و ده رأي عام ف التخريب

بص ف لحية الشيخ الله يكرمك مفيهاش ولا شعرة بيضا .. بأة دي يوم 25 يناير 2011؟؟؟ .. انا عارف انه مش موضوعنا ولا وقته بس معلش لزوم الحق

[أحمد سيف]

انا النهارده حزين

لا قلبي هو اللي حزين

انا كنت ماشي في الشغل ومطاطي راسي والسعوديين كل واحد يقولي ربنا معاكم غمه وتنزاح زي مايكون اليهود محتلين بلدي

كنت باشتري حاجات من بنده النهارده

شايف الحزن في وجوه كل المصريين

سمعت واحد سعودي ومراته بيقولها شوفتي ياعيني المصريين شكلهم عامل ازاي

انا فعلا حزبن

لا لا قلبي هو اللي حزين

بالعكس يا أستاذي ... أنا شايف تعاطف غير مسبوق مع المصريين من العرب جميعا ونظرة إكبار واحترام للشعب المصري لم أرها من فترة طويلة ... ويكفي أن تقرأ تعليقات المشاهدين العرب على شاشة الجزيرة مباشر لتدرك أن الثورة المصرية الآن أصبحت النموذج الذي يتطلع اليه الجميع وأن المصريين اصبحوا أبطالا ورموزا للحرية في أعين الجميع بعد أن كانت صورتهم لفترة طويلة مقترنة بالذلّ والجبن والهوان.

إرفع رأسك فأنت مصري.

[pink rose]

لااااااااااااا اثبتوا

مطاطي راسك ليه يا استاذ محمد؟؟؟؟؟؟؟؟؟

دا انا ما عرفتش ارفع راسي و افتخر و اقول بعلو الصوت اني مصرية غير اليومين دول

امبارح كنت في مطار جدة و اختي اتصلت بيا قالت انه المخفي عين نائب له

كان هاين عليا اتنطط و اصوت من الفرحة انا مصرية انا مصرية

قولت الحمدلله مدام بدأ بالتنازلات يبقى احنا ماشيين صح

و دا وقت اننا نكمل و نحس اننا عملنا حاجه بجد

هو مرعوب و الكلاب اللي حواليه مرعوبين زييه

اوعي اليأس يدخل قلبك

الليل مهما طال لابد النور هايطلع

و احنا صبرنا 30 سنة على ابن التيييييت دا مش قادرين نصبر كمان كام يوم

و الله هايغور في ستين الف داهية ومصر بولادها اللي يفرحوا القلب هما اللي هايبقوا

امبارح و اول و انا شايفة البلد بتولع كان هايجيلي انهيار عصبي و الله و عياط هيستيري و الضغط ارتفع

بس رجعت قولت في نفسي لما بيكون في مرض مش كويس منتشر الحاجة الوحيدة اللي بتطهره الناااااااااااااااااااااااار

و احنا بلدنا بقالها 30 سنة اتملت امراض الدنيا يمكن النار تطهر الارض و النفوس

عارف حتى لو ما حصلش حاجه فعليه احنا برضو كسبانين

كسبنا اننا غيرنا فكرتنا عن شباب مصر

كسبنا اننا عرفنا ان ما فيش فرق في البلد دي بين مسلم و مسيحي

كسبنا اننا عيدنا اكتشاف نفسنا

كسبنا اننا قهرنا الخوف من امن الدولة و الامن المركزي و المباحث و الشرطة

كسبنا اننا حسينا لاول مرة من زماااااااااااااااااااان اوي اننا لسا عندنا كرامة

مكاسب مهمة اوي يا استاذ محمد مش عاوزين نضيعها باليأس و النفس القصير

البيه التنح اللي لزق و مش عاوز يطلع نفسه طويل مع انه على باطل يبقى الاولى اللي على الحق هما اللي نفسهم يطول

بالنسبة بقى للي حاصل على الارض

ليا رأي و مش عارفه صح و لا غلط

شبابنا و اهلنا بقالهم ست ايام واقفين بس في ميدان التحرير محلك سر

و بيقولوا الامن هاينتشر في كل مصر ما عدا ميدان التحرير

دا معناه انهم هايسبونا نهبهب في ميدان التحرير و هما هايكملوا حياتهم عادي

دا هايخلي الناس تزهق و تحس ان ما فيش اي تقدم

انا شايفة ان كده ما ينفعش

لازم الامر يتطور

كل محافظات مصر مقلوبة بس معلش في الاتحاد قوة و في التفرق ضعف

ليه الناس في المحافظات ما تطلعش على القاهرة

اولا العدد هايزيد جدا

ثانيا الوقفة لازم تكون بتهدد البيه بشكل مباشر

لازم المكان يتغير

لازم يكون عند جحره عشان يترعب

حاجه تانية هما حاليا شايفين ان الناس طالعة و قاعدة و بيقولوا الاجواء كأنها احتفالية

و البيه الحماااااااااار هايطلع تاني بمنتهى قلة الادب يقولوا مش قولتلكم دول بيتسلوا خاليهم يتسلوا

لأ احنا لا طالعين نتسلى و لا نرفه عن نفسنا شوية و ماشيين

عشان كده لازم الناس دي يختاروا حد يتكلم و يتفاوض بالنيابة عنهم مع البهايم اللي لحد دلوقتي مش فاهمين او بيتغابوا علينا

البرادعي انسان ايده نضيفة و مخه مرتب و ذكي و عاش و شاف الناس المحترمة عايشة ازاي

و عشان كده اول ما جه اتكونت الجمعية الوطنية للتغيير و بدأت حملة التوقيعات عدد كبير وقع على البيان و لله الحمد انا منهم

فا الشباب يتوكلوا على الله و الكل يمضى على التوكيل انه يتكلم بالنيابة عننا مع السلطة الزايلة ان شاء الله

انا شايفة انهم يستغلوا الجمع و الحشود الموجودة و يبدأوا حملة التوقيعات و انا شايفة ان ما شاء الله الاعداد كبيرة يبقى كده البرادعي له الحق انه يتكلم بالنيابة عننا بدل ما يطلع افندي حمار يقول باي صفة السايح دا بيتكلم عن شعب مصر

احنا عاوزين نديله بقى الشرعية اللي يتكلم بيها عننا

الراجل ما قالش انه عاوز يبقى رئيس و كرر كتير ان مصر لازم تخلص نفسها انا مش المخلص

و اهو حصل مصر كلها بدأت تخلص نفسها زي ما هو كان نفسه

يبقى جه الوقت اننا نختار حد بنثق فيه و في نزاهته يمثلنا و يتكلم عننا في المرحلة دي

ياااااااااااااااااا رب نصرك الذي وعدت

بدأنا يا رب نغير من نفسنا ارضى عنا يا رب و غيرنا للاحسن

و وفق ارض الكنانة و خير اجناد الارض لما تحب و ترضى

اللهم آمين

اللهم آمين

اللهم آمين

[wsadani]

فعلا هى دلوقتى سياسة النفس الطويل .

بس ليه اتغير موقف أمريكا دلوقتى ؟

[samehmagdy]

اسرائيل بتدافع عن احتلالها لمصر بكل ما تملك من قوة

الاول كنت بعتقد ان حسنى واعوانه عملاء لاسرائيل وامريكا

ولا يهتمو الا لمصالحهم الشخصيه فقط

دلوقتى انا متاكد اننا محتلين من اسرائيل فعليا وحسنى هو الحاكم باسم اسرائيل والشرطه هى من افراد الجيش الاسرائيلى المحتل لينا

اسرائيل بتبعث بتعزيزات للشرطه المصريه وكانها بتعبث بتعزيزات لقواتها اللى كانت بتضرب اخوانا فى غزه

مجلس الوزراء الاسرائيلى يجتمع ويتابع بقلق بالغ ما يحدث فى مصر وكأن الشعب المصرى بيهاجم الجيش الاسرائيلى فى مصر وعلى وشك الانتصار عليهم

احنا كنا مغفلين ومضحوك علينا اوووووووى للدرجه دى ازاى

كل عسكرى وظابط دلوقتى فى الشرطه يعتبر مجند فى جيش الاحتلال الاسرائيلى

وكل واحد مات منهم فمات وهو مجند فى جيش اسرائيل هو مماتش وهو بيدافع عن بلده

لااااا دى مات وهو بينفذ اوامر اسياده من جنرالات اليهود

ولحد دلوقتى الموجودين منهم بينفذو المطلوب منهم وبيضربو الناس العزل وبينشرو الرعب وكانهم احتلو بلد تانيه وان البلد دى مش بلدهم

وكل شهيد مات فى الثوره مات وهو بيحارب اسرائيل زيه زى شهدائنا فى 73

رحمه الله على الشهداء

ولعنه الله على كل خائن

[عبير يونس]

جاء لي حالا كلام جديد

من احدى صديقاتي و هي محل ثقة عندي

من مصدر موثوق فيه لديها من ضباط الأمن من أسرتها

و قد نشرته في الفيسبوك على صفحتها

هذا التفسير

اعتبرته مقنعا جدا

فليس من المعقول ان كل ضباط الشرطة صغارا و كبارا ليس منهم رجل رشيد

إليكم نص الكلام

الشرطة تعرضت للخيانة من مسئوليها

رجال الشرطة يوم الجمعة الموافق 28 يناير، لم ينسحبوا وإنما غرر بهم.

تخلت عنهم قياداتهم واضطروا للتخلص من الذي الرسمي كي ينجوا بأنفسهم. فالجيش صرح لهم بعدم مسئوليته عن أي فرد منهم إذا ما تعرض للاعتداء.

و في نفس الوقت تم حرق العديد من مراكز الشرطة دفعة واحده في جميع أنحاء الجمهورية وتسريح سجنائها على يد مجهولين ، لنشر حالة البلبلة والذعر بين صفوف الشرطة.

وفي اليوم التالي كانت الأمور أكثر سوءاً عندما تم هذا الأمر على مستوى السجون الكبرى فتسرح سجنائها ويذبح ويقتل رجال الشرطة.

هذه الأنباء وردتنا من رجال شرطة هم متخفون الآن في ذي رجال الجيش كي يقوموا بواجبهم النزيه تجاه أبناء وطنهم. فهم كانوا (كبش فداء) لتشتيت المواطن عن مطالبه و جعله يندفع بتركيزه نحو مطلب وحيد وهو الشعور بالأمان.

هذه الأعمال مدبره، الغرض منها نشر الذعر والخوف في قلوب أبناء الوطن. كي يتراجعوا عن مطالبهم ويتخوفوا من المستقبل فيعودوا بخطواتهم إلى الوراء أملين في الأمن الزائف الذي دُفنا فيه أعواماً كثيرة.

هذه المعلومات وردتنا من أبناء وطننا العاملين في الشرطة. يناشدونا أن نصل بأصواتهم عبر قنوات الإنترنت التي مُنعوا منها.

ولم أتردد في أن يكون لي هذا الدور الضئيل الذي لا نملك سوه الآن ونحهن خارج وطننا الحبيب.

حييتي يا مصر في عزة وكرامه وأمن وسلامة.

أميل جدا لتصديق ذلك

فقد عرفنا على المستوى الشخصي في محيط العائلة والأصدقاءالعديد من ضباط الشرطة الشرفاء

و كنت في قمة الذهول مما حدث

و ألجمتني الصدمة حتى عن الاستفسار

الفساد مهما كثر

فهو كالبالون

دبوس صغير

كفيل به

[Salwa]

اسرائيل بتدافع عن احتلالها لمصر بكل ما تملك من قوة

الاول كنت بعتقد ان حسنى واعوانه عملاء لاسرائيل وامريكا

ولا يهتمو الا لمصالحهم الشخصيه فقط

دلوقتى انا متاكد اننا محتلين من اسرائيل فعليا وحسنى هو الحاكم باسم اسرائيل والشرطه هى من افراد الجيش الاسرائيلى المحتل لينا

اسرائيل بتبعث بتعزيزات للشرطه المصريه وكانها بتعبث بتعزيزات لقواتها اللى كانت بتضرب اخوانا فى غزه

مجلس الوزراء الاسرائيلى يجتمع ويتابع بقلق بالغ ما يحدث فى مصر وكأن الشعب المصرى بيهاجم الجيش الاسرائيلى فى مصر وعلى وشك الانتصار عليهم

احنا كنا مغفلين ومضحوك علينا اوووووووى للدرجه دى ازاى

كل عسكرى وظابط دلوقتى فى الشرطه يعتبر مجند فى جيش الاحتلال الاسرائيلى

وكل واحد مات منهم فمات وهو مجند فى جيش اسرائيل هو مماتش وهو بيدافع عن بلده

لااااا دى مات وهو بينفذ اوامر اسياده من جنرالات اليهود

ولحد دلوقتى الموجودين منهم بينفذو المطلوب منهم وبيضربو الناس العزل وبينشرو الرعب وكانهم احتلو بلد تانيه وان البلد دى مش بلدهم

وكل شهيد مات فى الثوره مات وهو بيحارب اسرائيل زيه زى شهدائنا فى 73

رحمه الله على الشهداء

ولعنه الله على كل خائن

الكلام ده مش صح.

انا مقدرة انفعالك طبعا.

وانا ايضا رأيت (جزء ) من اجتماع مجلس الوزراء الاسرائيلى على البى.بى.سى.

ازاى حضرتك تقول ان اسرائيل محتلة مصر؟؟؟يعنى ايه الكلام ده؟؟؟ الكلام ده خطير وملهوش اى اساس من الصحة ..

هو اللى حصل فعلا .............بكل شفافية ووضوح وخلينا نتكلم برأس بارد جدا...

تم التعامل بين مؤسستين...اسمهم نظام مصر واسرائيل............هو ده اللى حصل بالظبط.

يعنى تعامل مصالح ..

بمعنى ؟؟؟

اتنين بتعاملوا مع بعض بمبدأ ....الدنيا مصالح ياسى صالح شوف مصلحتك.

اديلك الغاز بثلاث قروش ...وآخد منك عمولة .

وتدينى شوية حماية من ولاد عمك...

كدة يعنى ..

وفيه اتفاقية وكلنا ماشيين عليها ومفيش مشاكل وكله تمام من اتنين وتلاتين سنة ....صح؟؟

قامت حركة 25 يناير.....اللى الشباب والمصريين قوى سموها ثورة ..

وفيه ناس اسمتها انتفاضة ..,ناس اسموها ( تسالى ) وكل واحد اطلق الاسم اللى يريحه..

خافوا ...

خافوا مش بمعنى ...اترعبوا ؟؟؟ لالالالالا

هما بس شوية قلق....

شفت البورصة عندهم حصل فيها ايه؟؟ ......بسبب اللى عملناه ؟؟ شفت الغاز؟؟؟

اجتمعوا .....حانعمل ايه دلوقت؟؟؟

خصوصا ان فيه شوية دبابات دخلت منطقة ...غلط..؟؟

قالك بلاش نتهور دلوقت....اكيد عملوا كدة علشان يحموا نفسهم ...بس ده مش موجه لنا ومش لازم نسميه اختراق ف الاتفاقية بتاعتنا..

معايا؟؟؟

مش هو ده اللى حصل؟؟؟

طيب..................

حانهول الدنيا ليه؟؟؟

ومين قالك وأكد لك ان فعلا .......حد أخد منهم اسلحة ايه ومش عارف ايه؟؟ وانهم بيحاربونا وانهم مندسين داخل الشرطة ؟؟؟

كل ده مش حقيقى .

خلينا نفكر بالعقل وبدون تسرع وبدون اى انفعال ..

خلينا نفكر بكل العقل حتى ف الأخبار اللى بنسمعها او بنشوفها على فضائيات مشكوك فى مصداقيتها .

لحد دلوقت...

لحد دلوقت...

ارادة الشعب هى اللى انتصرت ومحدش يقدر يقف ضد طوفان الشعوب اذا خرجت من القمقم وطالبت بالعدل والمساواة وقبلهم الحرية ..

قليل من التفاؤل مطلوب ........حتى لايصاب الجميع بالاحباط والخوف وهو المطلوب ..أو..هذا هو ما يريدونه .

دى ثورة قام بها شبابنا ...وتبعه شيوخنا ..ونساءنا واطفالنا .

قام بها الشعب المصرى المطحون يطلب بحقه فى ....الحياة الكريمة ....فقط لاغير.

نحن لانحارب احد...

هذا حقنا...

هذه بلادنا...

اذا تغير النظام ....نلتزم بمعاهدة السلام...لكن؟؟؟

الغاز....،نحتاجه نحن لشعبنا المرهق ....ليست لدينا اى ميزانية للرفاهية حتى نوزع مواردنا بأبخس الاسعار ..

بس خلاص..

وبين البايع والشارى يفتح الله..

مفيش مشاكل تجارية سوف تؤدى لمشاكل حربية ...

و...

مصر بلدنا احنا....

ودى مشاكلنا احنا الداخلية .

وده ثمن الصمت اللى استمر ثلاثون عاما .

لكن؟؟

خلاص ..

انكسر حاجز الصمت...واتكلمنا.

وشوية شوية كل شئ حايتحل .

مساء الثقة .. :clappingrose:

[hyyyr]

انا مع الكلام ده

الكلام عن اسرائيل والاسلحة مجاش غير في الجزيرة وبصراحه هي مش كلامها كله صح

لا تسمع للجزيرة ولا للفضائيه المصريه

او لو سمعت تفكر قبل ما تصدق

مش للدرجه دي ولا يمكن النظام يتورط في حاجه زي ضرب المتظاهرين وخصوصا وعيون العالم علينا

ولو عمل مفيش مصري هيسيبوة دول ولادناوبعدين مهما كان عددهم بالالف لسه ملايين في البيوت

ودة يخلينا نعرف ان فيه كلام مغلوط هدفه اننا نخاف او نفقد الثقة في الجيش

كل الدول معانا مع الشعوب الحرة الابيه

سوريا اهم بيتظاهروا علشانا

ربنا ينصرنا

اعتقد كمان انه حتي لو فضل الريس مش هيكون سلوكه كما كان ابدا

لانه عارف الرد هيكون ايه

دة لو قعد اصلا

[بركة]

صفة اكتشفتها في المصريين لم اكن اعلم انها عامة

الا وهي العند

العند والمثابرة والاصرار

هذه كلمة قالتها لي صديقة لبنانية من زمان ...المصري لما بيحط حاجة براسه بيفضل وراها لما تتحقق

وكانت على حق

أما ما روى عن رسول الله صلى الله عليه و سلم فى ذكر مصر

قوله صلى الله عليه و سلم

(ستفتح عليكم بعدى مصر فاستوصوا بقبطها خيرا فإن لكم منهم ذمه و رحما ) رواه مسلم.

و قوله صلى الله عليه و سلم

(إذا فتح الله عليكم مصر فاتخذوا بها جندا كثيفا فذلك الجند خير اجناد الأرض ، قال أبو بكر لم يا رسول الله؟

قال لأنهم و أزواجهم فى رباط إلى يوم القيامة ).

[Mostafa Kasem]

حذار لشباب مصر

الشرطة منتشرة في كل انحاء مصر ما عدا نصف البلد

لان لن يكون هناك اي تغطية في شوارع القاهرة ماعدا ميدان التحرير

السيناريو انهم سيمنعون الناس من الذهاب للمظاهرة عن طريق اصطيادهم في الشوارع قبل الوصول لميدان التحرير

ارجو من رجال الشرطة الشرفاء الا يضربون الشعب المصري بنيرانهم

هذه مؤامرة لتشتيت الشعب كله وضربه في بعضه

الرجاء التنبيه على رجال الشرطة ان العالم كله اصبح ضد مبارك و هو يلعب بالنار غدا الاثنين بتخطيطه لاصطياد المتظاهرين قبل الوصول لميدان التحرير

سيزيد هذا من غضب الشعب عليكم و ستكونون

في المواجهة حيث ستكون بلا رجعة مع الشعب كله

ارجو الانضمام للشعب في تلبية طلباته و الالتفاف حول الجماهير

اتقوا الله في مصر يا رجال الشرطة الشرفاء

[Mostafa Kasem]

بيان ده منشور على صفحة خالد سعيد

ايه رأييكم

معلومات خطيرة جدا ياجماعة مصر محتاجانا كله يعمل شير ويشارك

بسم الله الرحمن الرحيم

...

أولا عشان الناس تعرف المصدر بتاعى منين. انا باتصل على شخص فى مصر شاب عادى بسيط بس هوا بيتطوع فى مراكز حقوقية وقانونية، بيحاول يعمل أى حاجة عشان يساعد،

الكلام ده لسه عارفاه منه حالاً هو حالياً موجود فى غرفة عمليات بتتعاون مع الجيش هما بيشتغلوا هناك كمتطوعين بينشروا أرقام استغاثة ولما حد بيتصل بيهم بيوجهوهم للجان الاعانة الشعبية أو لو الموضوع خطير بيتصلوا مباشرة بالجيش

الموضوع ايه بقى

كلنا كنا بنتكلم ومختلفين على كذا نقطة

1. ليه الشرطة انسحبت بالكامل وتخلت عن مهامها الأمنية

2. مين اللى بيقوم بعمليات التخريب والحرق والاعتداء على الناس

3. كنا متضايقين من موقف الجيش المتخاذل وبنقول ليه مش بيدخل وازاى مش قادر يسيطر على الوضع ويحمى الناس أو يقوم بانقلاب عسكرى ويخلص كل حاجة

اجابة كل الأسئلة دى ان فيه خطة فعلية حقيقية من النظام ، هوا اللى بيحرك الشرطة بيستخدمهم كارت ارهاب عشان يضغط على الناس ويضمن بقاؤه فى السلطة، ببساطة سحب كل قوات الأمن وتحرير المساجين من السجون ونشر كل البلطجية والمسجلين خطر فى الشوارع ومعاهم تفويض مفتوح انهم يعملوا كل حاجة، تخريب وحرق وتعتدى على الناس وقتل وحرق، حد عنده فكرة ان امبارح ناس منهم دخلت على مستشفى الدمرداش ومستشفى القصر العينى وقتلت دكاترة وناس كتير هناك !!!

مبارك ومن بعده النظام عايز يخلى الناس تنشغل بالدفاع عن بيوتها وأرواحها عن التظاهر ، عايز يجهض الثورة وفى نفس الوقت يخلى الناس هيا اللى تطلب رجوع قوات الأمن وتستغيث وساعتها يقول ان وجوده مهم وضرورى عشان يحافظ على الأمن والاستقرار والنظام

موقف الجيش/ الجيش حاليا يا جماعة بيلعب لعبة سياسية من الطراز الأول وهى كالآتى: مش عايز يعمل انقلاب عسكرى مع انه يقدر فى ساعات بسيطة بس فى الحالة دى هيتقال انه انقلاب من الجيش ضد حكومته وهيبقى فاقد الشرعية وهيحط النظام فى صورة المجنى عليه دا غير انه هيضطر انه ينزل فى قلب البلد وفى الحالة دى هيبقى خطر جدا على حدود مصر وأمنها القومى لأن الجيش لازم يكون فى الميدان ومتأهب لأى خطر، كمان هوا لو حاول يسيطر على الأمن بالكامل جوه البلد وفى الشوارع وقبض على كل البلطجية والناس بقت فى أمان وهوا برضه يقدر هوا كده هيلغى أى مبرر ان يكون فيه قلق جوا البلد يستدعى بعدين تدخله للسيطرة على النظام، يعنى ببساطة لما تكون البلد مستقرة ومفيهاش اضطرابات والأمن مستتب يبقى خلاص فين المشكلة

طيب امال هوا عايز يوصل لايه؟ الجيش عايز انتقال السلطة وسيطرة الجيش عليه يكون من خلال الناس يعنى يكون مكتسب شرعية من الشعب، لما يحصل انفلات أمنى ويبقى فيه اضطرابات والناس رافضة وجود مبارك والنظام الحاكم هتبقى ذريعة انه مع الوقت يتدخل ويقول للحاكم انت الناس مش عايزاك والبلد مش مستقرة أمنيا ولازم تيجى لحظة يتدخل فيها الجيش عشان يسيطر على الأوضاع فيبقى قدامه حل من اتنين لا يتنحى وينقل الحكم للجيش بشكل سلمى يا اما يرفض وساعتها يتقبض عليه ويتحاكم عسكريا وفى كل الأحوال الجيش هيكون استلم القيادة بخطة سياسية وتحت مظلة الشرعية لأنه محمى من الناس ودا هيصد أخطار كتير

اولا هيمنع اى تدخل خارجى لأنه بساطة فى حالة الانقلاب العسكرى ممكن أمريكا تتدخل عشان تنقذ النظام

ثانيا فى الحالة التانية الجيش مش هيسيب الميدان القوات هتفضل موجودة هناك ودا مهم يقدر بس ينزل مجموعة كتايب فى البلد وبعدها يعمل تعبئة يستدعى الاحتياط اللى هما الشباب اللى موجودين فى المظاهرات دلوقتى، الناس ساعتها هتجرى وغيرهم هيتطوعوا لأنهم هيحسوا دلوقتى ان ده واجب وطنى لنم بيخدموا بحق وحقيقى هيبقى كل واحد تبع منطقته

الى بيعملوا الجيش دلوقتى انه عايز يدى الناس اكبر فرصة ممكنة للصمود وانها تفضل فى حالة ثورة ورفض للنظام وبيساعدهم برضه فى الحماية لكن بخطة والحمد لله الناس لسه مش ساكته، النهاردة لسه ميدان التحرير مولع على آخره والمظاهرات شغالة وبره مصر فى كل حتة فى العالم فى احتجاجات ومظاهرات قدام السفارات المصرية

ياجماعة مثال بسيط على اللى أنا قلته/ حد يعرف ان الجيش استول على وزارة الداخلية فى اللحظة اللى انا باتكلم فيها دى ؟؟

من امبارح كان فيه اشتباكات بين قوات الداخلية اللى عند الوزارة وبين الناس، زكنا بنسمع أخبار ان دبابات الجيش موجودة على مقربة بس مش بتتدخل وكنا هنتجنن ومش فاهمين ليه ميروحوش يسيطروا على المبنى ويحموا الناس ويخلصوا الحكاية

لكن الجيش استنى. استنى ليه عشان لما الوضع يتفاقم زى ما حصل وبدأت عناصر القناصو من الداخلية تضرب وفيه 14 واحد ماتوا والوضع اشتعل ساعتها يقدر يتدخل راح فعلا وسيطر على الوزارة حاليا، دلوقتى بقى اسمه انه بيحمى الناس وأمن الناس يعنى واخد شرعية

معلوماتى انه جارى السيطرة على مواقع تانية استراتيجية ومهمة، المهم انه بعد وقوع وزارة الداخلية فى ايد الجيش بقى مفيش حاجة اسمها شرطة ولا بوليس دلوقتى فى مصر بعنى لى واحد ماشى فى الشارع مينفعش ظابط شرطة يوقفه بس الجيش هوا اللى يقدر أفراد الشرطة دلوقتى بقى بالظبط أفراد عاديين واى واحد منهم يتعرضلك تقدر تموته دا حاليا مواطن عادى زيه زيك

أنا وانا باكلمه جاله تليفون وسمعت المكالمة: فيه اتوبيس جاى من اسكندرية على القاهرة كان بيديله ارقام فورية للاتصال بالجيش فى حالة تعرضه فى الطريق لأى اضطرابات لأن ببساطة الداخلية القذرة حررت كل المساجين فى السجون حاليا وفيه منهم مجموعات طلعت على طريق مصر اسكندرية، كان بيقوله لو اى حد اتعرضلك وقالك انه شرطة متقفش لأن مفيش شرطة بس الجيش دلوقتى اللى من حقه يوقفك

ياجماعة انا عرفت منه كمان معلومة مهمة/ الجيش عنده أوامر من القيادة بالضرب من أول ما نزل الشارع لكن محصلش ، ليه رئيس الأركان ادى الأمر فعلا وهوا لازم يعمل كده لأنه مازال تحت القيادة الوطنية لكن اللى رفض الجنود

رفضوا يضربوا نار على الناس فى الشارع، طبعا دى المفروض ان اسمه عصيان أوامر وخيانة لكن هتحاسب مين ولا مين هتحول كل جنود الجيش لمحاكمة عسكرية عشان تعاقبهم !!!

الحاجة التانية انه من قبل يوم 25/1 كان فيه أوامر برفع حالة الطوارئ فى الجيش للحالة القصوى المستوى الأحمر تقريباً - مش فاكره اوى هوا قالى اسمها ايه بس الولاد بقى يمكن يعرفوا اسمها أكتر منى :) - المهم ان تبع الخطة دى كان المفروض يحصل استدعاء فورى للاحتياط، اللى هما الشباب اللى فى الشوارع وكان الهدف انه بكده يجهض المظاهرات لأن مين اللى هيفضل فى الشارع عشان يطلع فى المظاهرة ! الجيش ببسلطة مابعتش اى استدعاءات وبالتاى محدش راح، كان رد الجيش على القيادة فى الحالة دى: احنا بعتنا بس محدش جه، طيب عشان نبعت ناس بأمر عسكرى لغاية البيوت عشان يستدعوهم، عدد الشباب الاحتياط أكبر بكتير من عدد العساكر يعنى محتاجين نسرح بقى الجنود من كل الوحدات يلفوا على مصر يستدعوا الاحتياط وساعتها الجيش هيفضى، تحب نعمل كده ويبقى فيه قلق جوه الجيش ولا نخليهم نستعين بيهم أحسن فى أماكنهم قوة تكون موجودة ساعة اللزوم ؟

طبعا خطة بنت لذينه ومسكوا الريس من ايده اللى بتوجعه لأن مفيش قدامه خيار تانى :)

ياجماعة انا بيحكيلى حكايات عن ان الناس العادية فى مصر دلوقتى شباباها وبناتها ورجالها بيقوموا بأعمال بطولية، بيقولى أنا مش مصدق اللى باشوفه، بيمسكوا المجرمين والأفراد الشرطة اللى بيقعوا فى ايديهم وبيعلقوهم فى أعمدة النور فى الشوارع وبيسلموهم للجيش

الناس قلبها على قلب بعض وبيحكيلى عن كمية التعاون والتضافر اللى موجودة ما بين الناس والله تبكى

الناس بتطلع الشباب واى حد فى الشارع بيوتها تدخل الحمام وبدوهم أكل وشرب ونظموا نفسهم بينهم وبين بعض ناس تفضل عند البيوت تحميها وناس تروح على التحرير وهكذا

دا غير اللجان الشعبية اللى بتساعد المواطنين والجيش

بيقولى ان المركز اللى هوا فيه اللى راحه متطوع طبعا فيه كم شباب متطوع بالهبل وكان كل شوية يجيله تليفون ويقولى معلش استنينى ثوانى، وسامعه كل كلمة الناس بتقولها حواليه حاساها خلية نحل بتتحرك

بيحكيلى ان مثلا المركز فيه بورد تحت فى الدخل اللى بيعلقوا عليها اعلانات وكده، بيقولى من امبارح بالليل لقوا حد معلق 100 جنية بدبوس، وقعت من أى حد وحد لاقاها راح ببساطة معاقها بدبوس وسابها لغاية صاحبها ما يجى ياخدها

تخيلوا !!! الورقة متعلقة من امبارح بالليل وعشرات عدوا عليها ومحدش بياخدها لأنها ببساطة مش بتاعته مع ان كان ممكن ميت واحد يلاقى أى عذر حتى لو هياخدها يجيب بيها مساعدات طبية لناس محتاجة بس محدش عمل كده لأنها ببساطة مش بتاعتهم وسايبنها لصاحبها

بيقولى أنا كل ما أعدى عليها بابقى عايز ابكى

ياجماعة هوا وغيره شباب بقالهم اكتر من 4 تيام مناموش ولا روحوا بيوتهم.. الناس فى مصر كلها شغالة، واحنا مش اقل منهم لازم نساعد، بدل ما نقعد نكومنتعلى بعض ونحلل فى الأوضاع نشتغل

قالى اعملى شير وابعتى لكل الناس كل حاجة ممكن تقع عليها ايديك، صور وفيديوهات بتصور وبتحكى عن اللى بيحصل

احنا عندنا نت لكن هما معندهومش

ارفعوا على اليوتيوب واعملوا شير لما الحاجة نسبة مشاهدتها بتزيد على اليوتيوب بتتحط فى الصفحة الرئيسية وكل الناس بتشوفها

ابعتوا لكل الأماكن وللناس العادية، ابعتوا فى كل حتة

أنا عاملة صفحة على الفيس زى أرشيف بجمع فيها حاجات من دى

http://www.facebook.com/pages/Egyptian-Rights-Violations/136493146415213

خدوا منها وابعتوا وأى حد يلاقى أى حاجة جديدة يبعتهالى فورا عشان أضيفها

http://www.facebook.com/notes/dina-khattab/adaft-mjmwt-kbyrt-mn-alaymylat-rja-arsal-alrsalt-mn-akbr-dd-mn-alnas-send-and-sh/497252364822

النوت دى فيها كم كبير من الايميلات ابعتوا عليها، وعلى المنتديات والمواقع وفى كل مكان

اى حد يفكر فى حاجة ممكن تساعد يعملها وينشرها عشان غيره يشترك معاه

اى حد يقدر يشارك فى وقفات احتاجية عند السفارة فى المكان اللى هوا فيه يروح ويصور ويبعت الصور والفيديوهات، الجزيرة والبى بى سى وغيرهم عليهم كم فيديوهات كتير ادخلوا عليها واعملوا شير

ياجماعة دا وقت مهم مصر محتاجانا ونقدر نساعد، احنا مش أقل من الناس اللى فى مصر دلوقتى وكويس ان ربنا أراد اننا نكون فى مكانا ده دلوقتى عشان نبقى سبب نقدر تعمل من خلاله حاجة لبلدنا

من فضلكم شير النوت دى لكل الناس

ربنا معانا ويحمى أهلنا وبلدنا وتحيا مصر

[aimen]

الكل

يدعو بان تتخلص مصر من السافل مبارك

بان تعود مصر لنا

اللهم احفظ مصر وابناء مصر

[شرف الدين]

بسم الله الرحمن الرحيم

ليا عدة نقاط عايز اوضحها بعد ما قريت كل مداخلات الأفاضل

أولا: حتى الآن تحققت مكاسب هائلة

1- العز بن العز اللي خلى الحزب اتهز - احمد عز طار

2- نظيف ابو مخ نضيف طار واكيد طار معاه بعض الوزراء سيئي السمعة

3- تم تعيين نائب للرئيس

( صحيح ده مكنش مطلب لينا لكن برضه اهو مكسب ومننساش إنه بقاله 30 سنة بيحكم ومش راضي يعين نايب، بعد كده لما يضطر يعين نايب له خلال يومين بس من الضغط يبقى ده مكسب كبير )

4- اختفى جمال مبارك عن الأنظار ( لكن الاختفاء ده منقدرش نقول عليه مكسب اكيد لأنه ممكن يكون اختفاء تكتيكي )

دي مكاسب المباشرة

ثانيا: المكاسب الغير مباشرة

1- الناس قهرت الخوف من الشرطة وابتدت تنزل الشوارع وتهتف من غير خوف

2- اظهرت الشدة معدن الشعب المصري الأصيل اللي كان محتاج النار دي عشان تجلي الصدا من عليه

3- اظهرت شباب مصر الرائع اللي عنده استعداد يفدي البلد بروحه - بس للأسف نظام الحكم الفاسد معيشه في غيبوبة مفاقش منها إلا يوم الجمعة بالليل

4- كشفت حقيقة بعض الناس اللي يمكن كنا فاكرين انهم زي الحكومة عايشين في البرج العاجي ومش هامههم لكن ظهر انهم برضه فيهم جزء خير كبير وأخص منهم بالذكر اتنين

خالد يوسف المخرج: اللي كنت بكرهه جدا وبكره افلامه جدا لكن بجد اول مرة احترمه كان يوم الجمعة حسيت انه يمكن في اتجاهات في افلامه انا برفضها تماما لكنه جريء وشجاع ومخافش من النظام وخرج مع الناس ضده

شيريهان: اللي اول ما سمعت صوتها في قناة الجزيرة قلت ياااااااه هي فين دلوقت - وكلمتها العظيمة ( محدش يعايرنا بالحرية اللي اديهالنا - الحرية دي من حقنا )

في مكسب كمان اتحقق عايز اقول عليه - ولو انه مكسب غريب شوية

اني اتأكدت اكتر واكتر ان في قيادات عندنا سواء في الجيش او الداخلية مخها نضيف ولسه بتقدر تحط خطط جهنمية ( لكن يا رب الخطط الجهنمية دي تكون في جميع الاتجاهات مش في اتجاه الشعب بس )

المهم ده اللي اتحقق ودي المكاسب اللي اتحققت لحد دلوقت

ثانيا: ايه المطلوب في الأيام اللي جاية

1- اننا نثبت على مطالبنا وأولها رحيل مبارك - ده المطلب اللي مفيش تنازل عنه مهما حصل

( وإلا يبقى معندناش إرادة - وأغنية شادية العظيمة - ولا شاف العناد في عيون الولاد وتحدي الزمن - يبقى الاغنية دي خلاص معادتش تنطبق علينا )

لازم نثبت مهما حصل ومهما كان ومهما طال الزمن ( حتى لو قطع علينا المية والنور ) وطالما هو الموضوع دخل في طور العند - يبقى عِند بعِند بقى.

ومش عايزين نقول مبارك يستنى لحد نوفمبر اوكي - زي ما المهندس تيمور ( احييه لأنه كان حامل راية 25 يناير هنا في المنتدى ) قال - لأننا لو تنازلنا عن الطلب ده يبقى كل اللي عملناه محلك سر - لأن لحد نوفمبر - * هيكون النظام رتب أوراقه من تاني - * صعب ان حالة التجمع والانصهار اللي فيها الشعب المصري دلوقت ترجع تاني لو مبارك رجع في كلامه وقرر الاستمرار في الحكم - *ثالثا: وده الأهم إن لو النظام فضل والناس رجعت هديت تاني أنا متأكد انه هتبدأ حملة اعتقالات رهيبة في جماعة 6 ابريل وما شابهها - وأول واحد هيعتقل هنا من منتدانا الباشمهندس تيمور

2- المظاهرات لازم تبتدي تتحرك من داخل ميدان التحرير باتجاه المواقع الاستراتيجية - زي التلفزيون - من غير تكسير برضه - ولازم المظاهرات تتحرك ناحية مصر الجديدة - وعايزين نفتكر ان الزين ما هربش إلا لما المظاهرات قربت من قصر قرطاج

وساعتها زي ما قال الاستاذ / أحمد سيف موقف قيادات الجيش هيتكشف بجد - والمواقف الضبابية دي هتبان ونعرف إذا كان الجيش فعلا معانا ولا هو بس بينيمنا

3- لازم كل نشطاء المحافظات زي ما قالت / الاستاذة ريمو يتحركوا للقاهرة - ودي فكرة ممتازة - ولازم عدد اكبر من سكان القاهرة يخرج - لازم الشباب يروحوا يدعو الناس في البيوت انها تخرج دعوة من أول وجديد تاني

4- لازم نستغل التجمعات الهايلة دي ونبدأ في السريع السريع في جمع التوقيعات اكتر على مطالب الجمعية الوطنية للتغيير في جميع المحافظات وأنا واثق إنها مش هتقل عن 5 مليون في أسوأ الأحوال - ساعتها ده هيقوي موقف الدكتور البرادعي جدا

( ومش عايزين يا جماعة نظن سوءا بالراجل - الراجل عمره ما طلب الحكم - ولا حتى مطالب التغيير السبعة كان فيها تنحي مبارك - مطالب التغيير السبعة هيا تغيير الدستور والانتخابات والحاجات التانية ) عشان كده هو أنسب رجل للمرحلة دي

5- لازم نصبر ونتأكد ان النصر حليفنا بشرط الصبر ( يا أيها الذين آمنوا اصبروا وصابروا ورابطوا واتقوا الله لعلكم تفلحون )

دي أنسب آية للموقف دلوقت - في تفسير الكشاف للزمخشري -

(وصابروا) أعداء الله في الجهاد أي غالبوهم في الصبر على شدائد الحرب لا تكونوا أقل صبرا منهم وثباتا والمصابرة باب من الصبر ذكر بعد الصبر على ما يجب الصبر عليه تخصيصا لشدته وصعوبته

(ورابطوا) وأقيموا في الثغور رابطين خيلكم فيها مترصدين.

ده اللي احنا عايزينه دلوقت المصابرة والمرابطة - وصدقوني النصر قادم

تم تعديل 31 يناير 2011 بواسطة شرف الدين

[عنبو]

http://www.youtube.com/watch?v=9m8BGPxNTfo&feature=player_embedded

http://www.youtube.com/watch?v=tuiIhW5VVbk&feature=player_embedded#at=27

mf_p:

يا ريس دي من سنتين و ده رأي عام ف التخريب

بص ف لحية الشيخ الله يكرمك مفيهاش ولا شعرة بيضا .. بأة دي يوم 25 يناير 2011؟؟؟ .. انا عارف انه مش موضوعنا ولا وقته بس معلش لزوم الحق

انا مالى ومال الحيه بيضا ولا حمرا

ده راجل اتكلم فى حاجه وقال فيها رأيه وكان شايف ان الاعتصامات والاضرابات تخريب قبل سنه قبل اتنين مش دى المشكله هو الراجل قال رأيه اللى

المفروض مستمد من الدين يعنى

خلاص هو حر ورأيه يحترم هنقول انه خاف على البلد وانه وانه وهنحسن الظن به

لكن متجيش بعد كده تقولى مباركه بقى ونركب الموجه لا هنا لازم نقف

ياااااااااارب انصرنا وا تخذلنا

عارف لو الانتفاضه منجحتش والله العظيم هتشوف العجب

ياااااااااارب لا تخذل شعبنا ياااااااارب

ياااااااااارب اول مره الناس تشعر بالامل يااااارب حققه ياااااااارب

[مسافر]

http://www.facebook.com/photo.php?fbid=494125657675&set=a.493689677675.268523.586357675

[الغريب]

كل حاكم ليه سياستين

داخلية وخارجية

كلنا بنناضل من أجل السياسة الداخلية

ولكن إسرائيل وأمريكا تناضلان أيضا من أجل السياسة الخارجية للحاكم

فهل يمكن أن نأتي بحاكم سياسته الداخلية شريفة وعادلة ، وسياسته الخارجية غير ذلك ،، حتى يرضى جميع الأطراف ؟؟

تغيير حقيقي في مصر - من وجهة نظري - يعني ببسطاة زوال إسرائيل

[مسافر]

ياريت حد يفهمني

الكل يتكلم عن تغيير الدستور

اولا التغيير حيكون في مواد الدستور كلها ام المواد الخاصة بالترشيح لرئاسة الجمهورية

ثانيا الغيير ده يقوم به اعضاء المحكمة الدستوريه ثم يعرض على مجلس الشعب ثم استفتاء الشعب

عليه

ثالثا مصر تستورد قمحها فهل اثناء تغيير الدستور سيكون هناك ضغوط من امريكا على الحكومة الموجودة لتمرير مواد لا يعرفها الشعب

رابعا هل سيكون استفتاء حقيقي ونجد من يشرح لنا الحقيقة كاملة حتى نعطي صوتنا بحق

خامسا اي مجلس شعب سيعرض عليه

امس سرور قال المجلس محتاج تصحيح

سادسا هل سيكون هناك وقت كافي ام حيلعبوا على الشعب ويكروتوه

[بندق أفندى]

الرئيس مبارك يعتقداعتقادا راسخا انه هذه الملايين التى تكرهه لا تفهم مصلحتها واذا كان فيه 10 مليون تكرهه فهناك 70 مليون لم يشاركوا لأنهم يحبونه ..

الرجل استهل عهده بتصريح علنى لا زلت أذكره انه الشعب المصرى غير مؤهل للديموقراطية وهذا ما يفسر لما كل مرة كانو يختارون نيابة عن الشعب فى كل انتخابات

عاوزين تاخدى منى بلدى يا ولاد الكلب؟ بعد ما فنيت عمرى فيها حربا وسلاما؟

أجيب قصر منين زى القصر الجمهورى؟ .. أحفادى يعيشو فين؟

عاوزين ايه أكتر من كده؟ ما أنا سايبكم ترغوا بقالى زمان ايه هتنهبوا؟

عاوزين تحرمونى من حبيبة قلبى شرم الشيخ .. أنا انكم شعب جاحد ما بيختشيش .. هذا هو ملخص خطاب وأفعال وتحركات مبارك الأيام الماضي

[SAW]

الرجاء نشر المستند و توزيعه في جميع وسائل الإعلام و المنتديات العربية و الغربية