25 يناير ... موعد المصريين (7)

[م تيمور المراغي]

صباح العزه والكرامه ومصر الابيه الغنيه بشبابها ورجالها ونسائها ,,

شعب يرفع الراس وكل الدنيا في غاية الدهشه من صموده المثير للاعجاب في الوقت ذاته ,,

يا شعب مصر انتم اصبحتم ملهمين لباقي الشعوب المقهوره والمغلوبه على امرها

الامر الان اصبح لا يخصكم وحدكم بل اصبحتم رمز انساني عالمي للحريه والكرامه

لا تهنوا ولا تحزنوا وانتم الاعلون ان شاء الله

وكما قال سعد بن ابي وقاص رضي الله عنه : انما النصر صبر ساعه ,,

انا اتشرف اني مصري من شعب كريم ,,

ولو جمال حمدان رحمة الله عليه عايش معانا دلوقتي كان وفاكم حقكم من الثناء ,,

مطالبنا ان شاء الله :

تغيير مواد الدستور لكي تتيح الترشح المباشر للمستقلين

الالتفاف حول رمز شعبي يقوم بحمل مطالب الناس لتحقيقها داخليا وخارجيا ( ارشح الدكتور البرادعي ) على ان لا يكون من المرشحين الرئاسيين بعد ذلك

الانتخابات الرئاسيه المقبله تكون تحت الاشراف الدولي الكامل لضمان الشفافيه والنزاهه

لا يتقدم حسني مبارك لخوض انتخابات نوفمبر المقبله ,,

بسم الله وتحيا مصر ,,

[الغريب]

يا جماعة لازم الكل يشوف الفيديو ده

http://www.facebook.com/video/video.php?v=159983217385498&oid=158901657489942&comments

انا مالقتوش على اليوتيوب لسه

ده فيديو عملتو المصري اليوم بيوضح احداث و مشاهد مافيش ولا قناة جابتها

أيه الفيديو الكارثة ده

أتفرجوا ياناس علشان تشوفوا الداخلية بتعمل أيه في الناس

ولسه ياما هنشوف فيديوهات اليومين الجيين

الفيديو ده بيثبتلي أن الناس في مصر كبار .. كبار قوي .. أكبر من أي حد .. من أي حد

[moory]

الناس دلوقتي ما بقتش تخااف خلاص،

ولا بقى يهمها شرطة ولا ارهاب ولا حتى قتل

ولو فعلا جهاز الشرطة و الظباط الشرفاء دول لو لسه موجودين زي ما بيقولو انهم اتعرضو لطعنة في الظهر و انهم مظلومين

لسه قدامهم الفرصة انهم يثبتو ده قدام الشعب و العالم كلو

انهم يتحدو مع الناس و مطالبهم،

مش كفاية انهم بس يرجعو يأمنو المتظاهرين

الناس ثقتها انعدمت فيهم، ازاي هأمن لظابط او شرطي، خاني و قتلني في عز احتياجي ليه،

لو أي حد يعرف ظابط شرطة، ياريت يوصولو كده، و يوقولو لسه قدامكو فرصة تثبتو ان فيه لسه فيكم شرفاء

غيير كده، اي حد هايسكت هيبقى متواطئ معاهم، لان الحقيقة بانت للكل،

[اغابي]

لما مصر لها كل هذا التاثير على العالم ليه حكومتنا كانت حاطانا فى خانة الشحاتين

ليه ما نمليش شروطنا ليه دايما فى اى اتفاقي احنا الطرف الضعيف

ليه حتى لما بيجى حد يستثمر يقوللنا احمدو ربنا بو سو ايدهم هيشغلوكم

علشان هما يكوشو على الفلوس كلها كلها ويوهمو الشعب بان مصر فقيرة

طب انت عارفة ان اكتر وزارات مظلومين فى المرتبات يكونو التربية والتعليم والصحة والداخلية

تصدقى ان مرتبات ظباط الشرطة ضعيفة جدا ومكافاه نهاية الخدمة اى كلام

مرتبات المدرسين سيئة

ومرتبات الاطباء تكسف

هما فقط وزارة الكهربا والبنوك اللى رواتب كويسة ومكافاه نهاية الخدمة تشرح القلب بعد كدا علمى على الكل

لما اهم وزارات زى التربية والتعليم والداخلية والصحة - حالهم فى الفلوس زفت وطين يبقى ايه تانى نفكر فيه

ما بالك باقى الشعب فى شباب متخرج من سنة 2002 عاطل وجامعين

فين الفلوس - لازم التغيير بواحد يخلى الناس دى تعيش عيشة كويسة ومحترمة

فعلا - عيش - حرية - كرامة انسانية

تم تعديل 31 يناير 2011 بواسطة اغابي

[أسد]

يا جماعة لازم الكل يشوف الفيديو ده

http://www.facebook....489942

انا مالقتوش على اليوتيوب لسه

ده فيديو عملتو المصري اليوم بيوضح احداث و مشاهد مافيش ولا قناة جابتها

رائع ....

عمل رائع

ليس الفيديو طبعاً ..

لكن الشعب رائع

[jasmin hamed]

اللجان الشعبية فى الاسكندريه ترفض تواجد الشرطه

[الغريب]

يا جماعة أنا صاحي النهاردة منهار للغاية ومنهزم نفسيا

وقولت خلاص الحرامي قاعد والناس هتروح بيوتها وكأن شئ لم يكن

أنما لما شوفت الفيديو بتاع moory الله يكرمه

أتغيرت 180 درجة

الناس في مصر تقدر بعون الله تعمل أي حاجة

تقدر تغير وجه العالم

أيه جبروت الشعب المصري ده .. أيه ده

ربنا ينصرهم ولا يخزيتهم ياااااارب

[اغابي]

يا ريت يا جماعة ماحدش يخرجنا عن شعورنا ويقول ان الشرطة مظلومة

بعد اللى شوفناه على التليفزيون واللى أصلا عارفينو عن بتوع الداخلية الجبناء

الناس اللى مضروبة بالرصاص الحى فى جبينها فى اسكندرية

وبعدين قطاع الداخلية معروف بوقاحتو وسفالتو من اصغر مخبر لحد وزير الداخلية على حد سواء مافيش أشراف

علشان اللى شايف نفسو شريف ومش عايز يبقى ظالم , حرامى , مفترى عمروا ما يفكر يشتغل فى السلك دة

حسبى الله ونعم الوكيل.... وطوبى للشهداء

معلشي لو سمحت يا استاذى الفاضل

لو سمحت ما تعممش - فى ظباط كتير مالهمش اى ذنب فى اللى بيحصل - مش بتتكلم حضرتك عن يهود

ماهما الشرطة مصريين - دول اللى كانو ينزلو فى نص الليل وحضرتك فى سابع نومة وبتاكل رز مع الملايكة وهما بيستقبلو الرصاص فى جسمهم بدالك علشان يحموك ويوفرولك الامن - طول السنين شايلين عنكم بلاوى من قطاع الطرق واللصوص وتجار المخدرات وقاطنى الجبال ياريت ما ننساش دور الشرطة وتعبهم لو سمحتم بغض النظر عن البعض منهم اللى متهور فى تعامله مع المواطنين

ياريت برضوه ما تسخنش الجو لان اى ظابط هيموت دمه وذنب اولاده فى رقبتك

وما اعتقدش ان داه هو هدف المظاهرات انهم يقتلو ظباط الشرطة

ولا ايه بلاش تسخين ضد الشرطة لو سمحت

واذا كان على الشهداء فى الظباط والمجندين شهداء كتير اوى

ياريت تحاسب على كلامك

تم تعديل 31 يناير 2011 بواسطة اغابي

[hOuSsAm]

دلوقت على البي بي سي

شاب بحراوي من البحيرة بايت في ميدان التحرير

قال احنا مش هنمشي الا لما هو يمشي - وخلي تلفزيون الحكومة اللي بيقول ان مفيش حاجة يتكلم زي ما هو عايز

المذيع سألوا: طب انت مش خايف على شغلك

قال له: انا مش بشتغل أصلا - أنا بطالة - 3/4 الشباب اللي في المظاهرات دول بطالة - هو اللي جابه لنفسه - احنا كلنا بطالة وقاعدين ومفيش ورانا حاجة

سأله المذيع : طب إذا لم يتغير الوضع خلال الأيام والأسابيع القادمة هيكون موقفكم ايه

قاله ( وده الكلام المهم ) احنا هنستنى لحد يوم الجمعة - وبعدها طالعين له على مصر الجديدة - هنقعد له هناك

امبارح بقى واحد من اسكندرية ابنه استشهد ( اسمه حسام - الشهيد حسام ) قال لهم انا قاعد له هنا

وانا عندي اتنين ولاد كمان - هنزلهم هما كمان يموتوا - ومش همشي إلا لما يمشي

انا مش معاك يا شرف الدين

مش العاطلين بس اللى موجودين فى ميدان التحرير

الاكترية اللى بيشتغلوا بس عايش يشموا هوا نضيف

عايزين حرية

لسه مكلم واحد صحبى من ميدان التحرير

وسامع صوت المظاهرات والهتافات

جسمى قشعر والله

سامع صوت الشباب

اكنى فى وسطيهم

قالى يا حسام الناس متامسكة هنا

قالى امبارح بس كنا ربع مليون

قالى المشكلة ان الناس بتروج اشاعات وبتقول الموضوع نام

قالى لاء منمش ومش هنروح بيوتنا الا لما ناخد حقنا

والشباب هنا مرابط فى ميدان التحرير لحد مياخدوا حقهم

الناس هناك محتاجين دعواتنا اوى

انا مبسوط بيهم اوى

لعلمكوا هو بيشتغل مدير مبيعات يعنى اللى فى المظاهرات مش العاطلين بس

كلهم ناس بتشتغل بس عايزة حقوقها

[الغريب]

البابا شنودة يعلن تأييده لمبارك

أعلن بابا الإسكندرية وبطريرك الكرازة المرقسية شنودة الثالث أمس الأحد تأييده للرئيس المصري حسني مبارك، الذي يواجه انتفاضة شعبية تتصاعد وتيرتها يوما بعد يوم.

وقال شنودة الثالث في تصريح للتلفزيون المصري الرسمي "اتصلنا بالرئيس وقلنا له كلنا معك والشعب معك. فليحفظه الله لمصر".

وأضاف "آلمني ما شهدته من تجاوزات خلال الأيام الماضية... ونحن ننتظر أن يعود الآلاف من الشوارع والمدن.. كلنا بانتظار مستقبل أفضل".

وأعرب بابا الإسكندرية عن استعداده "للتعاون مع الأزهر" للمساعدة على "حفظ الأمن والاستقرار ودوام صحة الناس في البلاد".

وأشاد بالقوات المسلحة التي قامت، وفقه "بعمل قوي في حماية المواطنين والتصدي للخارجين على القانون".

وتشهد مصر منذ الخامس والعشرين من يناير/ كانون الثاني الحالي احتجاجات واسعة تطالب الرئيس مبارك بمغادرة سدة الحكم، وإقرار إصلاحات سياسية واقتصادية.

وقد تحولت الاحتجاجات إلى مواجهات مع قوات الأمن أسفرت عن مقتل أكثر من مائة شخص على الأقل وإصابة المئات بجروح.

[أسد]

حدوتة مصرية

http://www.youtube.com/watch?v=_RMD6Vu0xlc

[hOuSsAm]

يا جماعة أنا صاحي النهاردة منهار للغاية ومنهزم نفسيا

وقولت خلاص الحرامي قاعد والناس هتروح بيوتها وكأن شئ لم يكن

أنما لما شوفت الفيديو بتاع moory الله يكرمه

أتغيرت 180 درجة

الناس في مصر تقدر بعون الله تعمل أي حاجة

تقدر تغير وجه العالم

أيه جبروت الشعب المصري ده .. أيه ده

ربنا ينصرهم ولا يخزيتهم ياااااارب

لاء يا غريب متنهارش

لحد الان الناس هناك مترابطة ومتماسكة

والدف واضح

مش هنروح الا لما يمشى

والاعداد بتزيد

الشباب ماشاء الله قوى جدا

دعواتنا بس

هما مش محتاجين غير الدعوات

وياريت زى ماريمو قالت الناس فى المحافظات (بعضهم مش كلهم عشان الباقى يحفظ الممتلكات) ينزلوا القاهرة

لان التاثير كله فى القاهرة

ربنا ينصرهم ويوفقهم

المصريين دول ميستحقوش الا نشيلهم فوق راسنا

وفخور بكل واحد فيهم

[moory]

يا ريت يا جماعة ماحدش يخرجنا عن شعورنا ويقول ان الشرطة مظلومة

بعد اللى شوفناه على التليفزيون واللى أصلا عارفينو عن بتوع الداخلية الجبناء

الناس اللى مضروبة بالرصاص الحى فى جبينها فى اسكندرية

وبعدين قطاع الداخلية معروف بوقاحتو وسفالتو من اصغر مخبر لحد وزير الداخلية على حد سواء مافيش أشراف

علشان اللى شايف نفسو شريف ومش عايز يبقى ظالم , حرامى , مفترى عمروا ما يفكر يشتغل فى السلك دة

حسبى الله ونعم الوكيل.... وطوبى للشهداء

معلشي لو سمحت يا استاذى الفاضل

لو سمحت ما تعممش - فى ظباط كتير مالهمش اى ذنب فى اللى بيحصل - مش بتتكلم حضرتك عن يهود

ماهما الشرطة مصريين - دول اللى كانو ينزلو فى نص الليل وحضرتك فى سابع نومة وبتاكل رز مع الملايكة وهما بيستقبلو الرصاص فى جسمهم بدالك علشان يحموك ويوفرولك الامن - طول السنين شايلين عنكم بلاوى من قطاع الطرق واللصوص وتجار المخدرات وقاطنى الجبال ياريت ما ننساش دور الشرطة وتعبهم لو سمحتم بغض النظر عن البعض منهم اللى متهور فى تعامله مع المواطنين

ياريت برضوه ما تسخنش الجو لان اى ظابط هيموت دمه وذنب اولاده فى رقبتك

وما اعتقدش ان داه هو هدف المظاهرات انهم يقتلو ظباط الشرطة

ولا ايه بلاش تسخين ضد الشرطة لو سمحت

ياريت تحاسب على كلامك

أغابي،

لو فعلا عايزين يثبتو انهم شرفاء،

وبالذات انهم عارفين ان اتعمل فيهم مؤامرة

ماقدامهش غير انهم يثبتو كده عملي قدام الناس عشان تقدر الناس ترجع الثقة دي تاني

غير كده

يبقى كلهم، ايوم كلهم،

وياريت فعلا ماحدش يدافع عن الظلم،

انا ليا معارف و قرايب من الشرطة، والناس منتهى الاحترام و التقدير

بس في الموقف الي احنا فيه، احنا في موقف حياة او موت، مافيش مجال غير للعقل

[se_ Elsyed]

مش عايز حد يقول لى دول وزراء تصريف أعمال ، علشان حاسأل طيب فين رئيس وزارة تصريف الأعمال؟ وفين وزير مالية وزارة تصريف الأعمال؟ وفين وزير تعليم وزارة تصريف الأعمال؟ وفين وفين وفين .

والا دول على رأسهم ريشة؟

هو ايه اللى بيحصل؟

إيه يا عم محمد في إيه ؟

إنت مش عارف إنها دولة بوليسية في الأساس ويعتمد النظام على قطاعي الجيش والشرطة لحمايته هو شخصياً ..

وهل تعتقد إن أحمد شفيق وهو قاعد في الحمام دلوقت بيشكل الحكومة هايقدر يختار وزير الدفاع أو الداخلية أو الخارجية ؟

لأ يا عزيزي ... تلك هي الوزارات التي يسمونها " سيادية " وهي في أيد الحاكم بامره فقط ...

ولا تستبعد تماماً أن يُبقي مبارك على طنطاوي والعادلي في الوزارة الجديدة زي ما عمل كده عدة مرات

[hOuSsAm]

البابا شنودة يعلن تأييده لمبارك

أعلن بابا الإسكندرية وبطريرك الكرازة المرقسية شنودة الثالث أمس الأحد تأييده للرئيس المصري حسني مبارك، الذي يواجه انتفاضة شعبية تتصاعد وتيرتها يوما بعد يوم.

وقال شنودة الثالث في تصريح للتلفزيون المصري الرسمي "اتصلنا بالرئيس وقلنا له كلنا معك والشعب معك. فليحفظه الله لمصر".

وأضاف "آلمني ما شهدته من تجاوزات خلال الأيام الماضية... ونحن ننتظر أن يعود الآلاف من الشوارع والمدن.. كلنا بانتظار مستقبل أفضل".

وأعرب بابا الإسكندرية عن استعداده "للتعاون مع الأزهر" للمساعدة على "حفظ الأمن والاستقرار ودوام صحة الناس في البلاد".

وأشاد بالقوات المسلحة التي قامت، وفقه "بعمل قوي في حماية المواطنين والتصدي للخارجين على القانون".

وتشهد مصر منذ الخامس والعشرين من يناير/ كانون الثاني الحالي احتجاجات واسعة تطالب الرئيس مبارك بمغادرة سدة الحكم، وإقرار إصلاحات سياسية واقتصادية.

وقد تحولت الاحتجاجات إلى مواجهات مع قوات الأمن أسفرت عن مقتل أكثر من مائة شخص على الأقل وإصابة المئات بجروح.

يا غريب اول حاجة محتاجين رابط الخبر

عشان منرميش الناس بالباطل

تانى حاجة الراجل متكلمش عن راى الكنيسة او موقفها الراجل بيتكلم عن نفسه شخصيا

وده حرية فكره وتعبيره يعبر عنه زى ميحب (يعنى اللى بيؤيد النظام ده مش حرام) المفروض اننا ديمقراطيين وعندنا حرية تعبير

اللى يهمنى انه متكلمش عن جموع المسحيين فى مصر لان المسحيين تصرفهم مختلف عن كلام البابا

والحمد لله ان الامور كلها واضحة للجميع

[jasmin hamed]

ارجوكم نزلو الفديو على اليو تيوب هاموت مش عارفه اشوفه

[se_ Elsyed]

كنت داخل أكتب تعليق على ما قاله مفتي الجمهورية الشيخ علي جمعه لبرنامج 90 دقيقة أمس

ولقيت البابا شنوده قايل كده

البابا شنودة يعلن تأييده لمبارك

أعلن بابا الإسكندرية وبطريرك الكرازة المرقسية شنودة الثالث أمس الأحد تأييده للرئيس المصري حسني مبارك، الذي يواجه انتفاضة شعبية تتصاعد وتيرتها يوما بعد يوم.

هؤلاء هم سبب الفتنة

ولا نلوم اي حد لو خرج عن شعوره وؤتكب حماقات ضد هؤلاء

لأن برضوا الدكتور علي جمعه كان غضبان ويقول كفايه كده وارجعوا بيوتكم وخلاص إنتوا قلتوا كل اللي عاوزينه ولا عاوزينها تولع وتخرب ؟

فرد عليه محمد مصطفى شردي بكلمة واحده وقال له : طب ما قولتش كده ليه لمبارك وقلت له كفايه كده ولا عاوزها تخرب وتولع ؟

حسبي الله ونعم الوكيل في رجال الدين اللي الدين بريء منهم

واللي باعوا نفسهم للسُلطة

الحمد لله ده كان ومازال رأينا فيهم من زمان ...

الحمد لله أننا لم نفتري عليهم

الله يرحمه مطرح ما راح طنطاوي كان بيقول : فساد إيه اللي هاكلم الرئيس عنه ؟ .. أنا مش شايف فساد .. هو فين الفساد ده ؟

وإنت يا نيافة البابا شنودة .. مش شايف شعب كنيستك المقهور طوال 30 سنة وبياكل تراب ؟

عفواً .. اصل نيافة البابا ما راحش منطقة الزرايب في المرج أو منشية ناصر والدويقة وشايف شعبه بياكل زبال وعايش على جمع القمامة وولا تعليم ولا صحة ولا غيره وكل عمله إنه يبقى زبال مدى الحياة .. عشان البابا يعيش ويكبر ويبقى حلو هو واللي حواليه

مش شايف شعب كنيستك اللي خرج فيه الشباب الصغير لمجرد التعبير عن رأيه وهو لا شايل حجر ولا عصى في إيده .. فمقابل ذلك ينضرب بالنار ويموت ؟

مش شايف شعب كنيستك ومبارك بيحاول يلعب على لعبة فرق تسد والجيش الفلسطيني والقاعدة والكتاكيت الشرسة وكل ده كان من تأليفهم هم عشان يمزقوا وحدتنا ويألبونا على بعض ؟

مره أخرى حسبي الله ونعم الوكيل فيكم كلكم ياللي جيين بالتعيين وخايفين على كراسيكم وثرواتكم وكروشكم

[jasmin hamed]

البابا شنودة يعلن تأييده لمبارك

أعلن بابا الإسكندرية وبطريرك الكرازة المرقسية شنودة الثالث أمس الأحد تأييده للرئيس المصري حسني مبارك، الذي يواجه انتفاضة شعبية تتصاعد وتيرتها يوما بعد يوم.

وقال شنودة الثالث في تصريح للتلفزيون المصري الرسمي "اتصلنا بالرئيس وقلنا له كلنا معك والشعب معك. فليحفظه الله لمصر".

وأضاف "آلمني ما شهدته من تجاوزات خلال الأيام الماضية... ونحن ننتظر أن يعود الآلاف من الشوارع والمدن.. كلنا بانتظار مستقبل أفضل".

وأعرب بابا الإسكندرية عن استعداده "للتعاون مع الأزهر" للمساعدة على "حفظ الأمن والاستقرار ودوام صحة الناس في البلاد".

وأشاد بالقوات المسلحة التي قامت، وفقه "بعمل قوي في حماية المواطنين والتصدي للخارجين على القانون".

وتشهد مصر منذ الخامس والعشرين من يناير/ كانون الثاني الحالي احتجاجات واسعة تطالب الرئيس مبارك بمغادرة سدة الحكم، وإقرار إصلاحات سياسية واقتصادية.

وقد تحولت الاحتجاجات إلى مواجهات مع قوات الأمن أسفرت عن مقتل أكثر من مائة شخص على الأقل وإصابة المئات بجروح.

انا كنت بتفرج امبارح على التلفزيون المصرى

شيخ الازهر فى نفس البيان بردوا قال نفس الكلام ليه

التركيز على البا با بس

[moory]

راصد الاسكندرية || اللجاان الشعبيه بالاسكندريه ترفض دخول الشرطه الي الاحياء

طب والله حقهم

لازم حد من الداخلية يطلع و يعلن موقف الأمن،

لأن الناس مش هتأمن ليهم تاني

ازاي الناس تضمن ان مافيش خطة وضيعة تانية الداخلية بتعملها عشان تقضي على المظاهرات،

وخاصة ان لسه هباب العادلي الي متولي الوزارة حتى اعلان الوزير الجديد،

وكمان الي يقلق اكتر، ازاي اعلان اسم وزير الداخلية اتأخر لدلوقتي، مع ان الفريق شفيق بقالو يومين معاه التكليف،

<br class="Apple-interchange-newline">

[se_ Elsyed]

رأيه الشخصي ؟

إيه الكلام ده

تخيل سيادتك قاضي ... يعني رجل عدل وحكمه .... خلع ثوب القاضي وقعد على القهوة وقال : والله أنا رأيي الشخصي إن الجاني ده بريء ... وإنه رجل نزيه ومحترم بالرغم من إن يده ملطخه بالدماء ؟

أو حكم مباراة داخل وهو بيقول : أنا هاحكم بالعدل والحكمة .. لكن أنا ميولي الشخصية للأهلي مثلاً .. لكن ما تخافوش هاحكم بالعدل بين الاهلي والزمالك

لأ يا عزيزي حسام .... رأيه الشخصي ده يقوله في أكلة بامية او طبق ملوخية .. أما حينما يتعلق الأمر بشعب ونظام حكم جائر وظالم ... يبقى يحتفظ به لنفسه وما يقولهاش على العلن والناس مخنوقة وغضبانه وعندنا ميتم في كل مصر عشان الشهداء اللي راحو ضحية عشاننا واللي قتلهم مبارك اللي البابا بيأيده هو والمفتي ...

أسف ... لقد سقطوا جميعاً من نظري ...

فإذا كانوا لا يقولوان للفاسد أنت فاسد .. بأي شكل .. وبأي طريقة ... فلمن سيقولوها .. ومتى ؟