اذهب إلى المحتوى
محاورات المصريين

25 يناير ... موعد المصريين (7)

أحمد سيف
 مشاركة

Recommended Posts

Diab عضو جديد

Diab

بتاريخ:
بتاريخ: (معدل)

أحلي كومنت علي راصد

الوحيد الملتزم بحظر التجول فى مصر هو حسني مبارك

تم تعديل بواسطة Diab

أن تأتي متأخراً خيراً من أن لا تأتي أبداً

Better Late Than Never

رابط هذا التعليق
شارك
  • الردود 360
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

المشاركات الأكثر تفاعلاً

aimen
aimen

اتفرج وشوف الشعب المصرى بيعمل ايه http://www.youtube.com/watch?v=h5GSfSRY2PQ الشباب المصرى بينظف ميدان التحرير

الغريب
الغريب

البابا شنودة يعلن تأييده لمبارك أعلن بابا الإسكندرية وبطريرك الكرازة المرقسية شنودة الثالث أمس الأحد تأييده للرئيس المصري حسني مبارك، الذي يواجه انتفاضة شعبية تتصاعد وتيرتها يوما بعد يوم. وقال شنو

المهندسه
المهندسه

اعتقد يا اغابى ان ده مش وقت مسيحيين ومسلمين تانى بقه كفايه ال بيحصل لنا دلوقت فى مصر اخونا الغريب او غيره انا و انتى و كلنا مش بنغلط لما ننقل خبر كما هو من مصدره و بلاش الحساسيات ال مش وقتها دلوقت

مغتربة عضو جديد

مغتربة

بتاريخ:
بتاريخ:

الجزيره الحمد لله رجعت اشتغلت لحسن انا كان هيجيلى شلل امبارح من العربيه

قال ايه مستضيفين رجاء الجداوى!!!!!!!!!!!!!!! md2: md2:

رجعت علي التردد العادي؟؟

ولا التردد التاني اللي كانت بتعلن عنه الجزيرة؟

و طبعا رجاء الجداوي بعد ما خدوا رأيها عن المشهد السياسي

أكيد سألوها..مفيش أعمال جديدة؟؟

حسبنا الله و نعم الوكيل

عندى انا رجعت على التردد القديم بس معرفش باقى الناس

انا مش فى مصر

EjGPv-c584_381280136.jpg

ما اجمل الانوثه عندما تمتطى صهوه الحياه

رابط هذا التعليق
شارك
moory عضو جديد

moory

بتاريخ:
بتاريخ:

اللجان الشعبيه فى القاهره .. تتصدى لقناصه..تستهدف قادة اللجان الشعبيه من فوق المنازل

كنت سمعت امبارح تصريح للعقيد عمر عفيفي على قناة بي بي سي، عن مصادر موثوقة جدا عنه

بيقول فيه ان هناك طائرات اسرائيلية دخلت مصر كانت تحمل أسلحة قناصة و قناصيين اسرائيلين لقمع المظاهرات و محركيها

<br class="Apple-interchange-newline">

إحنا بنعيش مرة واحدة بس،

عيش حيياتك زي ما انت عاايزها، خليها أحسن حياة

رابط هذا التعليق
شارك
شرف الدين عضو جديد

شرف الدين

بتاريخ:
بتاريخ:

بسم الله الرحمن الرحيم

اولا: بخصوص الشرطة

يا جماعة لازم نفضل دايما فاكرين ... ان الشرطة كلها مش أمن دولة ولا الشرطة كلها مباحث ولا الشرطة كلها فساد

في رجال شرطة كتير شرفا

انا ماليش قرايب بيشتغلوا في الشرطة صحيح

لكن انا بقولها وبأعلى صوتي

في رجال شرطة كتير شرفاء

وأي مصري من اول ما اتولد لحد ما يموت مفيش يوم بيعدي إلا لما يستفيد من ضابط أو عسكري شرطة

ضباط الشرطة هما اللي بينظموا المرور ( صحيح في ناس منهم بتاخد اتاوات لكن مش كلهم )

ضباط الشرطة هما اللي بيخلصوا لنا ختم الجوازات واحنا داخلين بلدنا (صحيح ممكن يوقفوا اي شخص ملتحي مدة عشان التحقيقات لكن دي مش هيا الحاجة الجامدة)

ضباط الشرطة هما اللي بيطلعوا لينا شهادات الميلاد - شهادات الوفاة - البطايق الشخصية - الجوازات - كل ده

ضباط الشرطة هما اللي كانوا بيحرسوا المساجين اللي هربوا ( واحنا لسه منعرفش إذا كان الهروب ده تمثيلية أو حقيقة وإذا كان حقيقة ايه اللي وراه )

ضباط الشرطة هما اللي بيحرسوا الفنادق والمتاحف والمناطق السياحية

وغيره كتير كتير كتير

في تجاوزات وتجاوزات كتير كتير بتحصل فعلا في الاقسام وتلفيق القضايا وكل ده

لكن ده برضه ميخلناش ناخد العاطل في الباطل

ولازم نعرف قاعدة أساسية

عدم وجود شرطة يؤدي إلى وجود شرطة

علشان كده: تحيا الشرطة

ولا يمكن لمجتمع أن يعيش بدون شرطة

وربنا ينتقم من الظلمة اللي خلوا الشعب يبص لقوات الشرطة اللي مهمتها الأساسية انها تحميه ( تحمي الشعب ) على انها عدو ليه يجب عليه قتالها.

ونقول لكل رجل شرطة شريف

أنت منا ونحن منك. لا نريد منك أن تكون معنا ضد هذا النظام - نريدك فقط أن تكون فقط على الحياد - لو جت لك أوامر بالضرب امتنع عن تنفيذها - لو جت لك أوامر باعتراض مظاهرة الغد المليونية امتنع عن تنفيذها - افتكر انت شعار الشرطة هو ( الشرطة في خدمة الشعب ). وليس أن ( الشرطة والشعب في خدمة الوطن ). مفيش وطن بدون شعب يا رجل الشرطة - الوطن = الشعب . انت في خدمة الشعب.

يا كل رجل شرطة شريف. كل اللي عايزينه منك انك تفضل عالحياد. مش عايزينك تكون معانا ... فقط مش عايزينك تكون ضدنا.

النقطة التانية: بخصوص موضوع البابا شنودة والكلام ده.

مع إني كنت ضد البابا في مواقف عدة سابقة ولسه ضده لحد دلوقت وعارف من البداية انه مع مبارك وحتى النهاية.

لكن مش وقت الكلام ده دلوقت خالص واحنا لازم نعرف ان البابا عند المسيحيين غير شيخ الأزهر عندنا. وعشان كده مش وقت انتقادات دلوقت.

ان شاء الله بعد سقوط رأس الفساد ... كل التوابع هتنهار ... أما الزبد فيذهب جفاء وأما ما ينفع الناس فيمكث في الأرض.

النقطة الثالثة: انا مطمئن إن الشباب واعي وفاهم وعارف إن النظام بيراهن على الوقت - على أساس إن الناس شوية وهتزهق.

لكن الشباب خلاص أعلنها بكل صراحة - هو يمشي احنا مش هنمشي.

النقطة الرابعة: يا رجال الجيش الشرفاء - عايزينكم تكونوا على الحياد لما المظاهرات تطلع على القصر الجمهوري. مش عايزينكم تكونوا ضدنا

اللهم احفظ مصر من الفتن؛ ما ظهر منها وما بطن

اللهم احفظ مصر من الفتن؛ ما ظهر منها وما بطن

رابط هذا التعليق
شارك
darlengs عضو جديد

darlengs

بتاريخ:
بتاريخ:

انا دورت علي معلومات عنه لقيتو كان مسئول عن نقل ايمن نور لما كان مسجون لعنبر فيه مريض ايدز و مريضي جرب كنوع من التعذيب المعنوي بعد ما رفض يوقف مقاله الاسبوعي اللي كان بيرسله من السجن

رابط هذا التعليق
شارك
Diab عضو جديد

Diab

بتاريخ:
بتاريخ:

اللجان الشعبيه فى القاهره .. تتصدى لقناصه..تستهدف قادة اللجان الشعبيه من فوق المنازل

علي فكرة حاول تغربل لانهم عندهم اخبار فشنك زي تعيين جودت الملط وزير مالية وقالوا علي العربية انه نفي الخبر ده

بس للعلم وعقبال ما يغور بقي

أن تأتي متأخراً خيراً من أن لا تأتي أبداً

Better Late Than Never

رابط هذا التعليق
شارك
YOUR BROTHER عضو جديد

YOUR BROTHER

بتاريخ:
بتاريخ:

يا ريت يا جماعة ماحدش يخرجنا عن شعورنا ويقول ان الشرطة مظلومة

بعد اللى شوفناه على التليفزيون واللى أصلا عارفينو عن بتوع الداخلية الجبناء

الناس اللى مضروبة بالرصاص الحى فى جبينها فى اسكندرية

وبعدين قطاع الداخلية معروف بوقاحتو وسفالتو من اصغر مخبر لحد وزير الداخلية على حد سواء مافيش أشراف

علشان اللى شايف نفسو شريف ومش عايز يبقى ظالم , حرامى , مفترى عمروا ما يفكر يشتغل فى السلك دة

حسبى الله ونعم الوكيل.... وطوبى للشهداء

معلشي لو سمحت يا استاذى الفاضل

لو سمحت ما تعممش - فى ظباط كتير مالهمش اى ذنب فى اللى بيحصل - مش بتتكلم حضرتك عن يهود

ماهما الشرطة مصريين - دول اللى كانو ينزلو فى نص الليل وحضرتك فى سابع نومة وبتاكل رز مع الملايكة وهما بيستقبلو الرصاص فى جسمهم بدالك علشان يحموك ويوفرولك الامن - طول السنين شايلين عنكم بلاوى من قطاع الطرق واللصوص وتجار المخدرات وقاطنى الجبال ياريت ما ننساش دور الشرطة وتعبهم لو سمحتم بغض النظر عن البعض منهم اللى متهور فى تعامله مع المواطنين

ياريت برضوه ما تسخنش الجو لان اى ظابط هيموت دمه وذنب اولاده فى رقبتك

وما اعتقدش ان داه هو هدف المظاهرات انهم يقتلو ظباط الشرطة

ولا ايه بلاش تسخين ضد الشرطة لو سمحت

واذا كان على الشهداء فى الظباط والمجندين شهداء كتير اوى

ياريت تحاسب على كلامك

يا ريت يا سيدتى الفاضلة انتى اللى تحاسبى على كلامك وترتقى بمستوى الحوار

معلهش ان كان ليكى مخبر ولا صول ولا حتى بلك أمين فى الداخلية يبقا هما ناس شرفا

انتى لو عندك حد اتاخد من 10 سنين من بيتو ومارجعش لدلوقتى علشان مش عاجب ظابط شرطة

ولا حد قتلو ظابط شرطة علشان مش راضى يديلو إتاوة.. وأغلبية ظباط الشرطة كل معارفهم من الحرامية وتجار المخدرات

بيستقبلوا الرصاص من الحرامية وتجار المخدرات والمسجلين ممكن بس دول مابيبقوش على مزاجهم ... ممكن مش كلهم بس مش أقل من 90%

انا ماباسخنش حد على حد .. انا بابقى حزين لما باشوف حد متعور من الطرفين دول أخواتنا كلهم

يا ريت تصحصحى وتعرفى ايه اللى بيحصل فى البلد

رابط هذا التعليق
شارك
عنبو عضو جديد

عنبو

بتاريخ:
بتاريخ:

جودت الملط بيقولوا عليه راجل شريف

بس المشكله اننا مش دولة مؤسسات احنا دولة اشخاص

لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش

دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش

رابط هذا التعليق
شارك
م تيمور المراغي عضو جديد

م تيمور المراغي

بتاريخ:
بتاريخ:

نبأ عاجل : أحمد أنور ما زال عالق في باريس

و الطيارة أتأجلت للمرة الثالثة ،،،

أدعولي ربنا يفرجها من عنده

ان شاء الله ترجع لبيتك واهلك بالسلامه يا احمد :give_rose:

المجد لولادك المخلصين ...

رابط هذا التعليق
شارك
عنبو عضو جديد

عنبو

بتاريخ:
بتاريخ:

يا ريت يا جماعة ماحدش يخرجنا عن شعورنا ويقول ان الشرطة مظلومة

بعد اللى شوفناه على التليفزيون واللى أصلا عارفينو عن بتوع الداخلية الجبناء

الناس اللى مضروبة بالرصاص الحى فى جبينها فى اسكندرية

وبعدين قطاع الداخلية معروف بوقاحتو وسفالتو من اصغر مخبر لحد وزير الداخلية على حد سواء مافيش أشراف

علشان اللى شايف نفسو شريف ومش عايز يبقى ظالم , حرامى , مفترى عمروا ما يفكر يشتغل فى السلك دة

حسبى الله ونعم الوكيل.... وطوبى للشهداء

معلشي لو سمحت يا استاذى الفاضل

لو سمحت ما تعممش - فى ظباط كتير مالهمش اى ذنب فى اللى بيحصل - مش بتتكلم حضرتك عن يهود

ماهما الشرطة مصريين - دول اللى كانو ينزلو فى نص الليل وحضرتك فى سابع نومة وبتاكل رز مع الملايكة وهما بيستقبلو الرصاص فى جسمهم بدالك علشان يحموك ويوفرولك الامن - طول السنين شايلين عنكم بلاوى من قطاع الطرق واللصوص وتجار المخدرات وقاطنى الجبال ياريت ما ننساش دور الشرطة وتعبهم لو سمحتم بغض النظر عن البعض منهم اللى متهور فى تعامله مع المواطنين

ياريت برضوه ما تسخنش الجو لان اى ظابط هيموت دمه وذنب اولاده فى رقبتك

وما اعتقدش ان داه هو هدف المظاهرات انهم يقتلو ظباط الشرطة

ولا ايه بلاش تسخين ضد الشرطة لو سمحت

واذا كان على الشهداء فى الظباط والمجندين شهداء كتير اوى

ياريت تحاسب على كلامك

يا ريت يا سيدتى الفاضلة انتى اللى تحاسبى على كلامك وترتقى بمستوى الحوار

معلهش ان كان ليكى مخبر ولا صول ولا حتى بلك أمين فى الداخلية يبقا هما ناس شرفا

انتى لو عندك حد اتاخد من 10 سنين من بيتو ومارجعش لدلوقتى علشان مش عاجب ظابط شرطة

ولا حد قتلو ظابط شرطة علشان مش راضى يديلو إتاوة.. وأغلبية ظباط الشرطة كل معارفهم من الحرامية وتجار المخدرات

بيستقبلوا الرصاص من الحرامية وتجار المخدرات والمسجلين ممكن بس دول مابيبقوش على مزاجهم ... ممكن مش كلهم بس مش أقل من 90%

انا ماباسخنش حد على حد .. انا بابقى حزين لما باشوف حد متعور من الطرفين دول أخواتنا كلهم

يا ريت تصحصحى وتعرفى ايه اللى بيحصل فى البلد

واضح انك يا سيدتى اللى نايمة بتشخرى وعايمة فى مية البطيخ

الاسلوب ده مش كويس يا بيرزر

ارجو ضبط النفس

ايه ياعم سين سين ايه رايك نعمل لجنة مشرفين شعبيه على النت

عن فريق لجنة مشرفين شعبين

عنبو

لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش

دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش

رابط هذا التعليق
شارك
شرف الدين عضو جديد

شرف الدين

بتاريخ:
بتاريخ:

د. نبيل فاروق

الثورة فى (مصر) اشتعلت بالفعل ...

ربما لا تبدو للأمن كثورة ، وإنما كموجة من الغضب ، يمكن السيطرة عليها ، ولكنها فى الواقع ، وبكل المقاييس ....ثورة ....

وسيناريو أية ثورة فى التاريخ ، لم يبدأ بثورة ؛ لأن الثورة نفسها هى المشهد الأخير من السيناريو ...

السيناريو يبدأ دوماً بموجة غضب ...

غضب ضد الظلم ....

والقهر ...

والفقر ....

والتعذيب ...

والجوع ....

ولقد بدأت تلك الموجات منذ زمن طويل ...

بدأت مع الاعتصامات ، والاحتجاجات ، وفقدان الأعصاب ، وتحدًَّى السلطة ...

ووفقاً لسيناريو كل الثورات ، لم يفهم النظام ما يحدث ...

ولم يتعامل معه كما ينبغى ....

النظام دوماً يراها كموجة ...

موجة واحدة ...

ويتعامل مع كل موجة ، بالأسلوب الوحيد الذى يفهمه ...

بالقمع ...

النظام ، أى نظام غاشم ، لا يرغب أبداً فى التعامل مع شعبه ، باعتباره راع ، ومسئول عن رعيته

إنه يصَّر دوماً على التعامل باعتباره السلطة ....

الطاغية ....

الفرعون ...

وهذا لأن هدفه لا يكون دوماً صالح الشعب ، بل يكون لديه ، فى أجندته الخاصة ، هدف واحد لاغير ....

البقاء ...

ولأنه نظام ديكتاتورى ، فهو يرفض ، وبشدة ، فكرة تداول السلطة ؛ لأن تداولها يعنى أن يكون على العرش اليوم ، وبين الناس فى الشارع غداً ...

وهذا ما يرفضه ...

وبشدة ...

ومن أهم سمات النظم الديكتاتورية ، عبر التاريخ كله ، هى أنها أكثر الدول التى تتحدًَّث بمناسبة وبدون مناسبة ، عن الديمقراطية ....

والحرية ...

والشفافية ...

والعدالة الاجتماعية ...

ثم لا يشعر الشعب بذرة واحدة من كل هذا !!!!!...

ولذلك يثور الشعب ...

ويبدأ سيناريو الثورات باحتجاجات سلمية ، ووقفات احتجاجية ، ومطالب متواضعة ....

وتواصل السلطة عنادها ، وإصرارها على البقاء ...

وتبدأ موجات الغضب ....

فى البداية ، تكون موجات فئوية محدودة ، يمكن السيطرة عليها ، واحتوائها بعدد من التصريحات المغلوطة ، والمنانشيتات الصحفية الكاذبة ...

ثم تمتزج المطالب الفئوية ....

وتزداد حدة الموجات ...

وتزداد ...

وتزداد ...

ومع إصرار السلطة على سياسة قمع الموجات ، والعناد مع الشعب ، ومع تحديها للإرادة العامة ، ومواصلة تشبثها بالبقاء فى السلطة ، تبلغ حدة الغضب الشعبى ذروتها ....

وتنطلق موجة كبيرة ...

موجة لا تحمل أية مطالب فئوية هذه المرة ...

بل مطالب شعبية ...

مطالب شعب ، لم يعد يحتمل سياسة القمع والتخويف ، وغياب الديمقراطية الحقيقية ، والشفافية السياسية ....

وتكون تلك الموجة ، فى المعتاد ، أعنف من كل ما سبقها ...

أعنف بكثير ...

ولكن النظم الديكتاتورية دوماً لا ترى الحقيقة ...

ربما لأنها نظم عمياء ...

أو صمَّاء ...

أو ربما لأنها لا ترى شعبها ، ولا جوعه ، ولا نفاد صبره ...

لأنها لا ترى دوماً سوى شئ واحد ...

مقعد السلطة ...

ذلك المقعد ، الذى هى مستعدة للتضحية بالشعب كله ، فى سبيل البقاء عليه ...

وإلى الأبد ....

وهنا تنطلق أقوى موجة ، لدى كل الشعب ، وكل القلوب ، وكل العقول ...

موجة اليأس ...

تلك الموجة ، التى يشعر معها الشعب بأنه صار أشبه بفأرحاصرته فى ركن ميت ...

فأر فقد كل أمل فى الحياة ، ولم تعد لديه سوى وسيلة واحدة ...

الهجوم ...

وحتى عند هذه النقطة ، يواصل النظام شعوره بالسيطرة على الموقف ، فمازال لديه أمن وحشى ، مثلما كان لدى رئيس (تونس) المخلوع ، ونظم سيادية قوية ، مثل التى كانت لدى شاه (إيران) الراحل ، وسيطرة اليكترونية رقمية ، كالتى تمتع بها ديكتاتور (رومانيا) ...

وعندما تنطلق الموجة العملاقة ، لا يهادن النظام ، بل يستخدم الأسلوب الوحيد الذى تربى عليه وأتقنه ...

القمع ...

النظام سيسعى إلى ضرب الغاضبين بمنتهى الوحشية ، وإصدار قرارات قمعية ، وتصريحات إعلامية كاذبة ...

سيضرب رجال الأمن ....

ويضربون ويضربون ...

وسيتلقى الشعب الضربات ....

وربما يفر من امامها فى البداية ...

لكنه سرعان ما يعتادها ، وويستعد لها ، ويقارن بينها وبين كل ما يتحمله بالفعل ، ثم يتخذ قراره بالهجوم ...

أو معاودة الهجوم ...

وفى كل ثورات العالم أجمع ، وعبر التاريخ كله ، لم يصمد أى أمن ، مهما كانت قوته ووحشيته ، أو كان جبروته وظلمه ، أمام موجة غضب شعبية عارمة ...

بالطبع سينسى الأمن أنه جزء من الشعب ، وسيعتبر نفسه مجرد عبد وخادم مستكين ومطيع للنظام ...

وسيضرب بمنتهى القوة ...

والوحشية ...

والعنف ...

والشراسة ...

ولكن المشكلة أن الأمن ، مهما كان عدده ، هو أقل بكثير من الشعب ، حتى ولو نسى هو نفسه انه جزء من هذا الشعب ، وليس قوة احتلال أجنبية ، جاءت للسيطرة على شعب محتل ...

سيدرك الأمن هذا ، فقط فى حالة واحدة ...

عندما يواجه غضبه شعبية عارمة ...

سيدركه فقط ، عند فوات الأوان ....

وعندما ينتقل الأمر إلى المرحلة التالية من السيناريو ...

فكل سيناريو الثورات ، عبر التاريخ ، انتهى لصالح الشعب ....

والشعب وحده ...

والأمن ، فى كل الثورات ، عبر التاريخ أيضاً ، كان المشعل الأساسى للثورات ، والمزكى لنارها ...

والأمن ، عندما يحاول قمع الثورة ، فهو لا يفعل هذا ، فى المراحل الاخيرة ، من أجل النظام أو رجاله ...

أو حتى بقائه ...

إنه يفعل ذلك ، من أجل نفسه ...

ففى قرارة كل رجل أمن ، يعادى شعبه ، طاعة لنظام ديكتاتورى غاشم ، يدرك أنه يرتكب جريمة فى حق الشعب والوطن والتاريخ ...

وهو ، ككل مجرم ، يخشى العقاب ...

يخشى أن تنجح الثورة ، وينتصر الشعب ، ويحاسبه عما اقترفه ضده من جرائم ...

يخشى أن يصبح ضحية نظام ، أطاع أوامره ، فشاركه جريمته ...

الأمن يقاتل ، بكل العنف والشراسة ؛ لأنه يخشى الشعب ...

والشعب ، عندما تقترب نهاية السيناريو ، لم يعد يخشاه ...

والخطير جداً ، فى المشاهد الأخيرة للسيناريو ، أن الشعب لن يجد أمامه ، سوى أن يتعامل مع الأمن بالوسيلة نفسها ...

بالقوة ...

والعنف ...

والشراسة ...

والوحشية ...

وبأعداد هائلة ، لا قبل لأية أجهزة أمنية ، مهما كانت قوتها ، بالتصدى له ومواجهته ...

وهكذا ، وفى نهاية سيناريو كل الثورات ، يدفع الأمن الثمن ، فى حين يفر النظام ، الذى سخره لظلمه ، تاركاً الساحة تلتهمه ...

وفى المشهد الاخير ، دوماً تنجح الثورة ....

ربما يسقط ، من أجل نجاحها ، مئات الضحايا والشهداء ....

ولكنها دوماً تنجح ...

وعندما تهبط كلمة النهاية ، تكون للشعب الكلمة الأخيرة دوماً ...

ويبدأ عهد جديد ...

عهد صنعته ثورة ...

ثورة شعب .

اللهم احفظ مصر من الفتن؛ ما ظهر منها وما بطن

اللهم احفظ مصر من الفتن؛ ما ظهر منها وما بطن

رابط هذا التعليق
شارك
darlengs عضو جديد

darlengs

بتاريخ:
بتاريخ:

انا بوافق ان فعلا مش كل ظباط الشرطه زي بعض واحد قريبنا اتعين في المباحث الجنائيه و دا حلم ظباط كتير لكنه بيتقي ربنا و ملوش في الضرب و التجبر و طلب نقله الجوازات و بردو مرتحش لان لو زمايلك انت مش زيهم بيكونو صعبين اوي و لما فكر يستقيل زوجته قالتله لو كل المحترمين استقالو مين اللي هيمسك البلدهييجي يوم و كل شئ يتغير للافضل و اهو اليوم جه مش معقول بعد كل دا الكل يتساوي حرام

رابط هذا التعليق
شارك
Alshiekh عضو جديد

Alshiekh

بتاريخ:
بتاريخ:

موقعة قصر النيل

الجماهير العزل فى مواجهة قوات الأمن المركزى بمصفحاتها واسلحتها وخراطيمها فى موقعة فوق كوبرى قصر النيل

http://www.youtube.com/watch?v=8UJF3NeX87s

--

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A
***************
رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة

رابط هذا التعليق
شارك
Alattar عضو جديد

Alattar

بتاريخ:
بتاريخ: (معدل)

الجزيره الحمد لله رجعت اشتغلت لحسن انا كان هيجيلى شلل امبارح من العربيه

قال ايه مستضيفين رجاء الجداوى!!!!!!!!!!!!!!! md2: md2:

رجعت علي التردد العادي؟؟

ولا التردد التاني اللي كانت بتعلن عنه الجزيرة؟

و طبعا رجاء الجداوي بعد ما خدوا رأيها عن المشهد السياسي

أكيد سألوها..مفيش أعمال جديدة؟؟

حسبنا الله و نعم الوكيل

عندى انا رجعت على التردد القديم بس معرفش باقى الناس

انا مش فى مصر

رجعت علي التردد القديم؟؟

معقولة الحكومة رجعت في كلامها ولا ايه؟؟

علي فكره الموضوع مالوش علاقة بكوننا في مصر أولأ

ما هو كله النايل سات

تم تعديل بواسطة Alattar

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

رابط هذا التعليق
شارك
hOuSsAm عضو جديد

hOuSsAm

بتاريخ:
بتاريخ:

نبأ عاجل : أحمد أنور ما زال عالق في باريس

و الطيارة أتأجلت للمرة الثالثة ،،،

أدعولي ربنا يفرجها من عنده

نحن نطالب برحيل احمد انور

ارحل

ارحل

ارحل

مش عايزينك خلاص فى باريس :D

اخى احمد

لعله خير باذن الله

كل تاخيره وفيها خير

بص

انزل لشارع وجمع شوية عيال فرنسيين اللى بيبقوا زى العسل دول واعمل مظاهرة قدام المطار تطالب برحيل النظام

بس اوعى تعمل ثورة شعبية فى فرنسا عالنظام الفرنسى ويمسكوك يسحلوك هناك

take care :D

طول ما املى معايا معايا وفى ايدي سلاح

حافضل اجاهد وامشى وامشى من كفاح لكفاح

طول ما ايدي فى ايدك اقوم واقف واهتف واقول

حيّ حيّ على الفلاح

داري يا داري انا احميك بايمـــــانى

طول ماذراعى معايا ابني واعلي بنياني

حافضل عايش فيها بجهدي واملى ابنيها

انا روحى فداها وفدا اهلى واوطـــــاني

زاحف يا شعبي تمحي الماضي رياحك

عهــدك جوا ف قلبي والبطولة جراحك

أيامنـــــا اللي جاية وارادتنا القويـــــة

تنصرنا يا وطني ويملا الدنيا صباحك

نمشي ونمشي والعزة تعيــــــش ويانا

لأ احنا منرجعش ولاتتراجع فى خطانا

تهتف اراضينا لنا والنصر ينــــادينا

يلا بينا يلا وربــنا معانا

رابط هذا التعليق
شارك
Alattar عضو جديد

Alattar

بتاريخ:
بتاريخ: (معدل)

الحكومة المصرية:الحزب الوطني هو من قدم صورة خاطئة لمبارك عن ان الشعب يحبه ومبارك مصدوم#jan25

مصدوم بس...طب مماتش لسه؟

هو الكلام ده منو مواقع اخبارية..ولا من جرائد مصرية؟؟

لأن واضح ان الجرائد المصرية بدأت تجيب فضايح دلوقتي

نفسي موووت أقرأ الجمهورية

تم تعديل بواسطة Alattar

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...