سؤال مستفز لمغتربي مصر .... كنت فين يا كوكو !!!

[Ahmed Anwer]

و اللي جم مصر زي د/ البرادعي و وائل غنيم

اتهموهم بإنهم عملاء ايضا

لا مؤاخذة ده تضبيش

و علي فكرة كان فيه كتير في ميدان التحرير مغتربين و مبعوثين

نزلم من مطار القاهرة علي ميدان التحرير

الإغتراب ليس تهمة و لا نقيصة

بالعكس أنا شايف المغترب ممكن جدا يكون افيد ممن يعيش علي أرض مصر

من الآخر أحيان كثير يستحسن تشوف الصورة من بعيد

الإحتكاك بمجتمعات و نظم ديمقراطية و بلاد متقدمة بيدي رؤية افضل لسوء الواقع المصري

و كمان حلول عملية مجربة

ليكن شعارنا من تأليفي

الرزق في كل بلاد الله ،،

و الوطن للجميع

[شرف الدين]

مغترب مش مغترب ميهمنيش

شاركت بجسدي أو بدمي أو بقلمي أو بلساني أو حتى بقلبي ميهمنيش

وافق الآخرون أو رفضوا ميهمنيش

المهم إني ربنا استجاب دعانا.

والثورة نجحت

واللي بيقول إنها لسه منجحتش

عمره ما هيقول على أي حاجة إنها نجحت ؟

لأن اللي متخيل إن الثورة عشان تنجح يبقى لازم مصر تبقى زي أمريكا تاني يوم يبقى شخص واهم

الثورة فعلت شيئا لم يحدث من قبل فيما نعلمه من تاريخ مصر كلها

للدرجة التي جعلت شخصا مثل محمد حسنين هيكل يقول أنه يحمد الله أنه عاش إلى أن رأى هذا اليوم

وهذا في حد ذاته نجاح ما بعده نجاح.

الثورة أخذت على عاتقها تحقيق هدف محدد وهو إسقاط رأس النظام

وهو أصعب الأهداف كلها.

وقد تحقق الهدف.

وتحقق الهدف يعني النجاح.

أما باقي الأهداف فهي في مرحلة ما بعد الثورة... وهي مرحلة البناء

ومرحلة البناء دائما أصعب من مرحلة الهدم.

ولكن هذه المرحلة ليست على عاتق رجال الثورة وحدهم أو على عاتق الثورة وحدها

هذه المرحلة مسؤول عنها الشعب بأسره وقواده من رجالات المجلس العسكري