كيبيك .. هل يوجد سن محدد للهحرة ؟ علشان ورقى اترفض فدرالى

[drhootttaa]

السلام عليكم

كان عندى سؤال و هو هل كيبيك بتقبل سن محدد ؟ لأن فى ناس قالولى لحد 36 سنة و انا سنى 44.

شكرا

[bonjourrr]

اتقديم لكيبك لا يشترط سن بس المشكلة ان كل ما سنك بيعدى 35 بتنقص درجات المهم فية حاجات تانية غير السن زى التعليم و الخبرة و سن الزوجة و الاولاد و تخصصك ممكن يخلوك تعدى

[nobel]

معلش يا باشا

ممكن تفهمناعلشان نقدر نساعدك اترفض فيدرال ازاى لانى اعرف ناس فوق ال 44 و اتوافق و الدنيا مشيت

يعنى فى الميل كان ايه اللى مكتوب

[إيوان]

غريبة جدا انا عن نفسى اول مرة اسمع الموضوع ده يا ريت حضرتك تدينا معلومات اكتر لو سمحت لان الرفض بسبب السن بعد النجاح فى المقابلة شىء غريييييييييييييييييييييييييييييب

إيوان

[drhootttaa]

شكرا للردود يا جماعة .. بس للأسف كل شئ راح .. المحامى طلع كان بيضحك علينا و من الأول وظائفنا مكنتش مطلوبة و هو كان بينيمنا و يطلب طلبات صعبة و لما حققناها اللعبة انكشفت و قلنا فلوسكوا موجودة

و تم التأكد بعد ما سألنا محاميين تانيين و فى كندا ذات نفسها

حسبى الله و نعم الوكيل ..

اللى عايز تفاصيل عن الموضوع دا ياريت يقول و انا حشرح كل حاجة

[nobel]

مساء الخير يا فندم

كيبيك مفيهاش لستة وظائف

لان كله يقدر يقدم بغض النظر عن وظيفته بس فى وظائف بتاخد درجات ووظائف لأ

اكيد حضرتك عندك خلط فى حاجة لان الفيدرال بيبقى بعد المقابلة يبقى منين المحامى قالك اترفضت فيدرال و حضرتك ما اخدتش السى اس كيو اصلا لسة

[drhootttaa]

أنا وظيفتى مستشار بالنيابة عمرى 45 سنة حاصل على ماجيستير فى القانون و معى الايلتس و حاصل على الايلتس 4,5 و لدى خبرة عملية لمدة 18 سنة فى المجال النيابى .

زوجتى سيكرتيرة لمدة 15 سنة و تدقن الللغة الفرتسية و الانجليزية عمرها 44 سنة ..

روحنا لمحامى متخصص فى الهجرة الى كندا , و قالنا ان ينفع نسافر فدرالى بس لازم نجيب الايلتس و حصلت عليه ب 4,5 لكن بعد كدا نفس المكتب بس الفرع اللى فى كندا ان الوظائف دى اللى هى مستشار بالنيابة و سكرتيرة غير مطلوبين فى الفدرالى.

روحت للمحامى تانى فقال لنا طالما بندير يبقى ينفع ( الوصف الوظيفى ) و راح قلنا الاحسن حدخلكم الورق كيبيك بأسم المدام لأن وظيفة المدام كسكرتيرة مطلوبة فى كيبيك

محامى اخر قالنا مينفعش لأن السن بتاع كيبيك أصغر من 44 سنة , مش بتاخد فوق ال44 سنة .

هل الكلام دا صحيح ام لأ ؟ برغم ان المحامى الاولانى قال ان كل الكلام دا غلط .

ياريت لو حد يعرف محامى يكون صفر ناس و مش نصاب و ببيفهم يقدر يدلنى

ياريت يدينى عنوانه و رقمه و تلفونه .

و اكون شاكر لكم

تحياتى...

تم تعديل 21 فبراير 2011 بواسطة drhootttaa