أخطر وثيقتين عن خطة وزارة الداخلية المصرية السري

[mhamed]

اوامر مفصلة من وزير الداخلية المصري الحبيب العدلي لكيفية التعامل مع المتظاهرين

دنيا نيوز-تشير وثيقتان ونشرهما موقع الجزيرة الالكتروني بخصوص خطة وزارة الداخلية المصرية السرية للتعامل مع التظاهرات التي تطالب باسقاط نظام الرئيس المصري محمد حسني مبارك .

وتشير الوثيقتان الى اوامر مفصلة من وزير الداخلية المصري الحبيب العدلي لكيفية التعامل مع المتظاهرين والتصدي للاحتجاجات وتشويه اهدافها عبر تكليف رجال الامن واصحاب السوابق بنشر

الشائعات والقيام باعمال النهب والسلب .

كما تظهر الوثائق خطة قطع الانترنت والاتصالات وتمويه وسائل الاعلام وترتيب التعامل مع السجناء والتظاهر بعجز قوى الامن امام المحتجين وتشكيل اللجان الشعبية لحفظ الامن في غياب الاجهزة المكلفة.

ويبدو ان الوثيقتين جزء من خطة كاملة لم يتسن التعرف على بقية تفاصليها بسبب عدم تسريب بقية وثائق الخطة

[جويرية]

ويبدو ان الوثيقتين جزء من خطة كاملة لم يتسن التعرف على بقية تفاصليها بسبب عدم تسريب بقية وثائق الخطة

اهو نفسي اعرف موضوع التسريبات ده معناه ايه

تسريبات ويكيليكس و الوثائق اللي بيعتروا عليها ، دي بيلاقوا مرمية مثلا و يجمعوها

طيب الوثيقة مش مفروض بتبقي في حوزة شخص أو عدد من الأشخاص معروف اسمائهم

طيب الأدارة الأمريكية ليه مش بيقبضوا علي الناس اللي بتسرب المعلومات دي

و بالنسبة للوثائق اللي في الموضوع ده هيا ليه مكرمشة كدة ، هما لقيوها في مكتب ولا في سلة مهملات

[suavemente]

أنا أتخدعت زيك لما شوفت الأعلان ده على الأنترنت أن تم تسريب خبر مهم من وزار ةالداخلية و أنا متأكد 100 % أن اللى عمل كدة هو واحد عادى جدا و كتب الورقة دى على الكمبيوتر و طبعها و بعدين كرمشها علشان تبان أنها سرية !

يا جماعة نفسى نشغل مخنا شوية ... الوثيقة مليانة أخطاء محدش واخد بله منها الا واحد ليه خلفية عسكرية

الأخطاء بالترتيب :-

1- الورق المهم جدا فى الشرطة و الجيش لا يتم كرمشته بهذه الطريقة الساذجة بل يتم تقطيعه ( بالشريدر ) أو حرقه

2- درجة السرية ( و هى الدرجة التى يتم ترتيب درجات السرية بها فى الوحدات العسكرية و الشرطة ) خاطئة أيضا

ماهى درجات السرية فى الوثائق العسكرية ؟

تتدرج من الاقل سرية الى الكثر سرية كالتالى

1- محظور

2- سرى

3- سرى جدا

4- سرى للغاية

المكتوب هنا ( سرى و هام للغاية ) و هى درجة غير موجودة أصلا ( تحشيشة و أسف للفظ تحشيشة لأنها فعلا كدة)و هذا يؤكد أن الورقة دى مضروبة 100% على أيد واحد حشاش و مش دارس أى حاجة عسكرية و الحمد لله أنه غلط علشان الناس تعرف حقيقته

3- درجة السرية تكتب فى أعلى و أسفل الصفحة و ليست أعلى الصفحة فقط !

أنا عارف أن حضرتك واخدها من على النت و مش غلطتك لأنها أنتشرت قوى فى بداية الأزمة و أنا نفسى صدقتها لولا أنى كنت ظابط أحتياط فى الجيش و درسنا مادة الأمن الحربى كنت أتخدعت زى ما الاف أتخدعوا بيها

فرحمة بعقولنا و مش كل حد يقول حاجة نصدقها كفاية خداع بقى

للتأكد من درجات السرية يرجى الرجوع للرابط التالى :

http://www.yemencsf.org/vb/showthread.php?t=14041&page=3

درجات سرية أخرى wataak.doc

تم تعديل 15 فبراير 2011 بواسطة suavemente

[suavemente]

ويبدو ان الوثيقتين جزء من خطة كاملة لم يتسن التعرف على بقية تفاصليها بسبب عدم تسريب بقية وثائق الخطة

اهو نفسي اعرف موضوع التسريبات ده معناه ايه

تسريبات ويكيليكس و الوثائق اللي بيعتروا عليها ، دي بيلاقوا مرمية مثلا و يجمعوها

طيب الوثيقة مش مفروض بتبقي في حوزة شخص أو عدد من الأشخاص معروف اسمائهم

طيب الأدارة الأمريكية ليه مش بيقبضوا علي الناس اللي بتسرب المعلومات دي

و بالنسبة للوثائق اللي في الموضوع ده هيا ليه مكرمشة كدة ، هما لقيوها في مكتب ولا في سلة مهملات

تساؤلات حضرتك صح و قمت بالرد عليها

[أبو محمد]

وانا عمرى ما سمعت عن جهاز لاسلكى له وضعين .. وضع منهم اسمه وضع تشفير .. طب والوضع التانى اسمه إيه ؟

حاجة تانية لاحظتم حكاية إن أفراد الشرطة والمباحث الجنائية وعناصر الأمن تكون لابسة اللبس المدنى ؟ .. هم بتوع المباحث فى العادة بيلبسوا إيه ؟

حاجة تالتة

هى اللجان الشعبية دى كانت إشاعات روجتها الشرطة ؟

حاجة رابعة

إفراغ أقسام الشرطة من الأسلحة والذخيرة والمسجونين .... اللى فى الاقسام مش مسجونين .. دول محجوزين .. هذا هو الاسم الميرى .. المسجونين بيبقوا فى السجون

الورقتين مليانين غلطات تدل على إن اللى كاتبهم لا يمكن يكون ضابط شرطة

[تامر مصطفى]

قمت في فترة سابقة بالرد على نفس الوثيقة التي انتشرت

ارجو التفضل بمراجعة ردي هناك

http://www.egyptiantalks.org/invb/index.php?showtopic=116405&st=0&p=692834&fromsearch=1entry692834

تحياتي

[suavemente]

وانا عمرى ما سمعت عن جهاز لاسلكى له وضعين .. وضع منهم اسمه وضع تشفير .. طب والوضع التانى اسمه إيه ؟

حاجة تانية لاحظتم حكاية إن أفراد الشرطة والمباحث الجنائية وعناصر الأمن تكون لابسة اللبس المدنى ؟ .. هم بتوع المباحث فى العادة بيلبسوا إيه ؟

حاجة تالتة

هى اللجان الشعبية دى كانت إشاعات روجتها الشرطة ؟

حاجة رابعة

إفراغ أقسام الشرطة من الأسلحة والذخيرة والمسجونين .... اللى فى الاقسام مش مسجونين .. دول محجوزين .. هذا هو الاسم الميرى .. المسجونين بيبقوا فى السجون

الورقتين مليانين غلطات تدل على إن اللى كاتبهم لا يمكن يكون ضابط شرطة

حضرتك قمت بلفت أنظارنا لملحوظات جديدة و أعترف أنى لم أركز فيها لأنى بمجرد قراءة العنوان ( هام وسرى للغاية ) و الشعار عبارة عن أستيكر دائرى ملزوق !

و مدققتش فى القراية زى ماحضرتك عملت و قريت كل كلمة , لذلك أحييك

بس اللى هايجننى فعلا" ليه مافيش حد من الشرطة يطلع فى التليفزيون و يشرح للناس و يفهمهم الكلام ده ؟ أنا حاسس أننا أحنا بندن فى مالطة و مش كتير بيقرأوا المنتديات دى و مثقفين زى حضراتكوا

أعتقد فعلا" أن لو فى حد فيكم يعرف مثلا" ظابط كبير يقولوا يشرحوا و يفندوا الأتهامات الموجهة ليهم حتى يستعيدوا ثقة الناس تانى ,. و او غلطوا فى حاجة يقولوا و يعتذروا زى بلاد العالم المتحضرة , لكن أتمنى لو أعترفوا فعلا ماتهيجش الناس أكتر . يجب أن يكون هناك قاعدة( العفو عند المقدرة )

شكرا أ محمد

[abdulmuttaleb]

سيدي الفاضل هذه الوثائق مفبركة من وجهة نظري كما في الفيديو التالي:ـ

http://www.youtube.com/watch?v=5bVUNNTTO74