معاً نحارب الفساد والفتنه

[عنبو]

السلام عليكم ورحمة الله وبركاته

تحيه طيبه وبعد

وما هى الا ايام من رحيل الطاغيه الا وبدأ يظهر على الساحه شيوخ الفته مطالبين بان مصر تبقى دوله اسلاميه طيب وهم كانوا فين

ليه مطالبوش بان مصر تبقى دوله اسلاميه ايام الطاغيه ليه الكلام ده بدا يظهر دلوقتى وفى التوقيت الحرج ده !!!!

________________________________________________________________________________

على الجانب الاخر ظهر بعض الجماعات المسيحيه المتشدده تطالب بالغاء الماده التانيه من الدستور ؟ وايضاً هسأل نفس السؤال

وانتوا كنتوا فين ايام الطاغيه وليه ظهرتم فى التوقيت الحرج ده !!!!!!!

________________________________________________________________________________

وفى نفس الوقت ايضاً ظهر من يشكك فى ان وائل غنيم تدرب على يد امريكا لاسقاط مبارك ؟

طيب يعنى امريكا عاوزه تسفط مبارك ليه ؟ ايه الهدف يعنى

هل علشان مثلاً بتحب الشعب المصرى وعاوزه يبقى فيه ديمقراطيه يبقى مرحباً بامريكا

هل علشان ان مبارك كان واقف ليهم زى اللقمه فى الزور فى المنطقه وكان حامى المنطقه منهم طبعا الكلام ده لا يستحق التعليق عليه

هل علشان مصر تبقى فوضى طيب ومصر مكنتش فوضى ولا احنا كنا عايشين فى مارينا امال الاتوات اللى كنا بندفعها دى كنا بندفعها

لمين والبلطجيه اللى كنا بنتجنبهم دول كانوا فين , ولا ولا ...............الخ

طبعاً ده كلام هبل فى هبل فاللى قام بالثوره الشعب المصرى اللى اساسا فيه منهم ناس فاكره ان الفيس بوك ده اكله

قامت بالثوره من اجل الحريه من اجل الكرامه

___________________________________________________________________________________

دلوقتى لازم كل واحد فينا يضع مصلحته الشخصيه سواء مسلمين مسيحين واين كان الانتماء لدينا

وندور على مصلحة مصر وبس مصر فقط لا غير

عاوز نرفع شعار دلوقتى اسمه مصر فوق الجميع

____________________________________________________________________________________

طبعاً ممكن يكون اللى بيعمل القرف اللى فوق ده النظام القديم فهو لا يزال فى الحكم احنا بس شلنا مبارك واحد

بس لسه فيه مليون مبارك لازم نشيلهم

ولازم نضيع عليهم اى فرصه كل واحد مننا دلوقتى يرفع شعار مصر فقط لا غير مصر فوق الجميع

وميسمعش لاى كلام يدعو الى الفتنه والتشكيك فى الناس

دعونا نعمل من اجل مصر

دعونا ندع مصالحنا الشخصيه والزعامه المزعومه ونعمل من اجل مصر

هنا نقضى على الفساد والفتنه

انا شايف ان اهم مرحله دلوقتى هو توعية الناس

وده احنا لينا دور وياريت اللى يعرف حد فى وسائل الاعلام يكلمه ويخليه يتكلم فى الموضوع ده

عاوزين نستخدم كل الاسلحه اللى لدينا لمحاربة من يحاول ان يقتل الثوره

تحياتى

عنبو

[رضوي]

السلام عليكم ورحمة الله وبركاته

لن يقتل الثورة الا تلك المطالب الفئوية ........ والتي مالبثت أن كتمت في العصر السابق ......... ولكننا نجدها اليوم تهرع لتحقيق اهدافها المنشودة ........ خوفاً من جفاف البئر

أو ظناً منها أن مصر في حالة فوضى ..... وأن هذا هو الوقت السليم للضغط فيه لتحقيق اهداف فردية كانت او فئوية علي أفصى تقدير

من يلجأ اليوم لطريقة الضغط علي الجراح ........ أو التهديد بالفوضى ......... هم بالفعل اما لايدركون اين يقف الوطن وماينبغي فعله من أجله

أو اشخاص غلبت عليهم المصالح الشخصية ....... ينتهزون الفرص مستغلين حال البلاد

أو هم من أعداء الوطن

لابد من وقفة حازمة لنوقف مثل تلك الفتن

حقاً انها التوعية .............. هى السلاح الفعال الذي ينبغي ان نحارب به من أجل وقف تلك الهراءات

من أجل النهوض بمصرنا الغالية

حان وقت تطبيق الشعارات

حان وقت حب مصر

الفاضل عنبو

حقاً مصر ستظل دائماً فوق الجميع

تقبل تحياتي علي موضوعك القيم

[م تيمور المراغي]

موضوع رائع واسلوب انيق مش غريب عليك يا عنبوش ,,

بالنسبه لدعوتك لنبذ المصالح الشخصية جانبا والتوحد من اجل الصالح العام ومن اجل مصر تم انشاء الائتلاف الشعبي لثورة 25 يناير -"والذي يضم "شباب 6 أبريل" وشباب العدالة والحرية وشباب الإخوان المسلمين، وكذلك شباب حزب الجبهة الديمقراطي بالاتفاق مع جروب خالد سعيد .

ودي كانت من اوائل المواقف اللافظه للزعامه الشخصية والموجهه ناحيت التكاتف والتكامل بين مختلف التيارات السياسية الشبابيه الفاعلة والمؤثره على الساحة في مصر وتنتظر وتقبل انضمام المزيد ,,

لا نسعى لتكوين حزب سياسي ,,

لا يطمح افرادنا في الحصول على اي منصب سياسي ,,

الائتلاف شعبي من الدرجة الاولى قوامه الرئيسى من الشباب المستقل عن اى حزب او تيار إلا ان علاقتنا بالأحزاب و القوى السياسيه هى علاقه احترام و تعاون متبادل فى اطار الحملات المختلفه والعمل الجبهوى بيننا و بين شباب الأحزاب و التيارات السياسيه على الحد الادنى المشترك مع التشديد على استقلالية افكارنا و عدم تلونها بيأى لون حزبى او ايدولوجى