ليبيا تشتعل غضبا - متابعة أخبار الثورة الليبية

[fatfouta]

رصد | السفير حسام زكي: 4 طائرات عسكرية يومياً لنقل المصريين من طرابلس إلى القاهرة

[Alattar]

هو ما فيش أخبار عن الخطاب بتاع المحروس؟؟ هو طلع قاله ولا لسه؟؟

لسه ماطلعش

ماهم كلهم كده يقولوا بعد قليل ويطلعوا لنا نص الليل

بس تصدقي يا فتفوتة..كلمة حق لازم تتقال

و ده مش كلامي لوحدي..ده كلام ناس معايا في الشغل ومش مصريين

بيقولولي..الرئيس بتاعكم..طريقة القائه في الخطابات و الكلام اللي بيقوله..جااااامد

كان أحسن ر ئيس بلد عربي يتكلم صراحة..و طبعا عرفنا ده كويس أوي بعد ما شفنا المحروس بتاع ليبيا و هو بيتكلم

و أنا بصرف النظر عن اختلافنا معاه..بس فعلا كنت بحب أسمعه لما يقول أي خطاب...

:sofa:

و ياريت ما حدش يضرب والا بهدد من دلوقتي.. هستخدم خاصية التعديل و أمسح كل الكلام ده

تم تعديل 22 فبراير 2011 بواسطة Alattar

[fatfouta]

الراجل بيتكلم اهو يا لهوى والله فظيييييييييع

[fatfouta]

خطاب ابن القذافى للشعب الليبى

تم تعديل 22 فبراير 2011 بواسطة fatfouta

[Alattar]

يالهوي أنا زهقت

ده شكله هيحكي قصة حياته..ومين عبد الفتاح ده؟؟

و السادات مين اللي قاتله ده..ده انت ضااااايع

تم تعديل 22 فبراير 2011 بواسطة Alattar

[Simba]

بيقول وحتي السادات قاتلناه

[pink rose]

بيقول وحتي السادات قاتلناه

دا مبرشم تمام

[Alattar]

أنا صدعت...منك لله

و ايه الخرابة اللي بيتكلم منها دي..

و ايه الورقة الفلوسكاب اللي كاتب فيها الخطاب دي

دي قطعها من الكشكول السلك بتاع ابنه؟؟

لا حول ولا قوة الا بالله

تم تعديل 22 فبراير 2011 بواسطة Alattar

[fatfouta]

ماحدش كاتب له الخطاب ده بيرتجل من نفسه كده

ونفسى اطلع جملة مفيدة واحدة

[م تيمور المراغي]

القذافي يدعي من يحبه من الشعب للخروج الأربعاء

الله يخرب بيته يعني بيقول بكره مدبحة

اللي بيحبو مين غير الافارقة المرتزقة ؟؟

بيقول لهم انا ملك ملوك افريقيا تعالوا شوفوا شغلكم

حسبنا الله ونعم الوكيل ,,

[Simba]

بيقولوا لهم اخرجوا عليهم وداهموهم في بيوتهم

وكل شوية يقول القذافي المجد

القذافي الثورة

الله يخرب بيته

كل خمس دقايق يقول ازحفوا عليهم وطهروا دارنا

هتولعها يا بن المجنونة

[Alattar]

ماحدش كاتب له الخطاب ده بيرتجل من نفسه كده

ونفسى اطلع جملة مفيدة واحدة

لأ يا فتوفتة..بصراحة مش عاوزين نظلم الراجل

فيه ورقة فلوسكاب قدامه..مش عارف قاطعها من أني كشكول

وشكله والله أعلم مش عارف يقرأ من خطه اللي هو كاتبه

[tarek hassan]

ماحدش كاتب له الخطاب ده بيرتجل من نفسه كده

ونفسى اطلع جملة مفيدة واحدة

هو بيحكي فيلم عمر المختار

[pink rose]

بيقول السفن مش هاتنزل في مطار بني غازي

يخرب بيت الهبل

[fatfouta]

ماحدش كاتب له الخطاب ده بيرتجل من نفسه كده

ونفسى اطلع جملة مفيدة واحدة

لأ يا فتوفتة..بصراحة مش عاوزين نظلم الراجل

فيه ورقة فلوسكاب قدامه..مش عارف قاطعها من أني كشكول

وشكله والله أعلم مش عارف يقرأ من خطه اللي هو كاتبه

عجبكم كده؟؟؟؟

اهو غير النظارة

وبيقرأ فى الكتاب الاخضر... :)

[Alattar]

بيقول السفن مش هاتنزل في مطار بني غازي

يخرب بيت الهبل

بصراحة عنده حق..أنا شخصيا ضد ان السفن تنزل في المطارات

العشا بتدن..مش هنصلي بأه ولا ايه؟؟

تم تعديل 22 فبراير 2011 بواسطة Alattar

[pink rose]

مين الجرذان دول ؟؟؟؟؟؟؟؟

يالهوي لحسن يكون بيقصد المصريين و التونسيين اللي قال الحمار ابنه انهم هما اللي حرضوا الناس

[المهندسه]

والراجل ده بيقول ايه على السادات

بيتكلم على اسياده ليه ؟؟؟

ده مجنون والله

ربنا يشفى الكلام و يضرك يا شيخ

[عصام أبوالفتح]

الحمد لله اننا مصريين

طيب مين اللى هايعدم الشعب كله ؟

[fatfouta]

مين الجرذان دول ؟؟؟؟؟؟؟؟

يالهوي لحسن يكون بيقصد المصريين و التونسيين اللي قال الحمار ابنه انهم هما اللي حرضوا الناس

لسه سألا نفس السؤال وقالولى يعنى الفيران