ليبيا تشتعل غضبا - متابعة أخبار الثورة الليبية

[المهندسه]

انا عاوزه اعرف يا جماعه ايه المكان الزباله ال واقف فيه ده

ده اسم الله قصر الحكم بتاعه

[fatfouta]

يا لهوى ده حكم على كل الشعب بالاعدام

مافيش حد عمل اى حاجة الا وهيعاقب بالاعدام

[jasmin hamed]

يا رب شر موته و على الهوا عشان يبقى عبره

هو فاكر نفسه ربنا بيهدد شعبه بالقتل

و الضرب بالدبابات

[arkan]

لا حول ولا قوة الا بالله

هو طالع يشعللها ويكمل نفس خطاب ابنه بتاع امس ولا طالع يقول حل للوضع المؤسف

بيستشهد بروسيا والصين سحقت الشعب معندوش فكرة عن ان في دول ديمقراطية

[fatfouta]

على فكرة جوزى بيقوللى ده ساعات بيقعد اربع ساعات يخطب

يعنى اللى عاوز ينام فيكم او وراه شغل يتفضل

سامعنى يا عطار ؟؟؟

[Howayda Ismail]

الراجل بيتكلم اهو يا لهوى والله فظيييييييييع

والله احنا شعوب من الجمال ان تتحمل قادة معهتوين وعندهم زهايمر

الراجل بيهلوس وبيجيب من الشرق والغرب فى كلام غير مترابط مؤكد ان القذافى هو المجد وليس

له منصب بل بندقية يدافع بها عن ارض جدوده ولن يتوانى عن استعمال القوة فى ذلك

بيناشد الاهالى بلم اطفالهم ( يقصد شباب الثوار )المضحوك عليهم بشوية برشام واتغرر بيهم

مطالبهم بمطاردة القلة الارهابية اللى تابعة لابن لادن والظواهرى

اصدر عقوبات ينهى بها على بقية الشعب ( بيقرا من كتابه الاسود قصدى الاخضر )

يعاقب كل ليبى رفع سلاحه على الدولة بالاعدام

وكل من سهل دخول مرتزقة

كل من خرق الدستور

كل من استعمل مفرقعات

اعدام ..... اعدام ......

التهديدات مازالت مستمرة وانه بيستعمل القانون ولن يسامح احدا هذه المرة

[Alattar]

انا عاوزه اعرف يا جماعه ايه المكان الزباله ال واقف فيه ده

ده اسم الله قصر الحكم بتاعه

دي حضرتك خرابة جه فيها و حط الميكروفونات و قالههم..أنا عاخطب هنا

يقولوله يا عم الحاج لسه القصر مش هنا

قاللهم..لأ..أنا عاخطب هنا يعني عخطب هنا

[pink rose]

لااااااااااا دا مجنون ابن مجانين

ايه اللي بيتقال دا

بيقول انا لسا ما استخدتش الرصاص

يا نهار طين عليك

[Alattar]

على فكرة جوزى بيقوللى ده ساعات بيقعد اربع ساعات يخطب

يعنى اللى عاوز ينام فيكم او وراه شغل يتفضل

سامعنى يا عطار ؟؟؟

أنا لسه في الشغل والله يا فتفوتة..هطلع ان شاء الله أصلي العشا

و ربنا يصلح الحال..و أروح أتغدي أنا و المودام..و نقعد نكمل الخطاب

[Howayda Ismail]

انا عاوزه اعرف يا جماعه ايه المكان الزباله ال واقف فيه ده

ده اسم الله قصر الحكم بتاعه

لا وانت الصادقة ياختى باين عليه مستخبى فى حفرة تحت الارض زى قرينه صدام

[fatfouta]

كل النسوان تطلع بسرعة

اللى عندها قريبها تطلع بسرعة

اللى عندها جوزها تطلع بسرعة

اللى عندها ابنها تطلع بسرعة

[Simba]

بيقول اللي عدها قريبها ولا حبيبها :blink: تطلع بسرعة

تأمن الشوارع مع الشباب

طيب اللي عند حبيبها دي عندها وقت تأمن دي محتاجة تأمين :happy:

[fatfouta]

بيقول احموا الآداب فى الشارع

[Alattar]

بيقول اللي عدها قريبها ولا حبيبها :blink: تطلع بسرعة

تأمن الشوارع مع الشباب

طيب اللي عند حبيبها دي عندها وقت تأمن دي محتاجة تأمين :happy:

بلاش احراج بأه يا سمبا

عادي يا أخي...يخلصوا للي بيعملوه و بعدين ينزلوا مع الشعب

[fatfouta]

نفس كلام عمر سليمان

بيقول على قطر يا اشقائنا يا اللى باعونا

بمحطاتهم القذرة

[arkan]

الجزيرة/ القذافي : خدوا النفط واتصرفوا فيه كل واحد يدير حصته كما يريد

يعني اخد جركنين جاز اعمل بيهم شوربه مثلا

ولا اسرح اقول بترول للبيع

ربنا يشفي

[Simba]

بيقول كنا بنمشي في مظاهرات سلمية نعيب في عبد الناصر

هو ناوي يعلن الحرب علي الاشقاء العرب في اخر الخطاب ولا ايه

[jasmin hamed]

خبر كويس

فى عبارات حربيه خرجت لاجلاء المصرين من بنغازى

الجيش بيستخدم كل وسائل النقل الممكنه

[fatfouta]

الجزيرة قطعت الخطاب

زهقوا يا عينى عندهم حق والله

[رضوي]

هو بيقول ايه ؟؟

ايه الاستفزاز دة ............ ايه البني ادم دة استغفر الله العظيم

فين الشعوب العربية ؟؟؟؟؟؟ فين وقفاتها ؟؟؟؟؟؟؟ فين الرؤساء العرب ؟؟؟

ماحدش طلع وقال كلمة حق ليه ؟؟

سايبين الناس تتقتل عيني عينك كدة ؟؟؟؟؟

يانهار ....... الليبيين دول صبورين اوي ازاي صبروا علي بني ادم زي دة طول المدة دي ؟؟؟

وايه الكلام الفارغ اللي بيتكلمه دة