ليبيا تشتعل غضبا - متابعة أخبار الثورة الليبية

[tarek hassan]

أنا الآن تأكدت أن القذافي سقط فعلا

خطاب يائس ليس فيه غير أفكار ضئيلة جدا

المسكنة بذكر الماضي - تأليب الشعب ومطالبته بإنقاذه - التهديد الأجوف مع أنه فعل كل ما في وسعه - الترغيب

القذافي لم يعد موجودا إلا تحت الأرض

لم يبق له غير فضائية وفلول مسلحة ستنقلب عليه مع الصبر

أتمنى على الشعب الليبي أن ينقض عليه وعلى فلوله الآن لحسم المعركة

تم تعديل 22 فبراير 2011 بواسطة tarek hassan

[شرف الدين]

انا اللي عايز اعرفه إزاي الراجل ده بقى حاكم

ده حتى ولا ييجي معاه ابتدائية

----------------------------------

بس بصراحة يا جماعة

لو مشي القذافي ...

مش هنلاقي حد يخطب يضحكنا تاني كده

[رضوي]

دة اصلاً مش معترف ان فيه مظاهرات في ليبيا غير مظاهرات تأييد ؟؟؟؟؟؟؟؟؟؟؟؟؟؟؟؟؟؟؟؟؟؟؟

وبيطلب من كل الشعب يطلع يساعد نفسه ويحمي نفسه

بيقولهم عيب عليكوا ............ وبيتهم كل المتمردين بالعته والتعاطي ....... وبيقول نقبض عليهم ونعالجهم لأن المخدرات دي مضرة علي القلب

دة انا اللي هيجيلي القلب وانا بتفرج عليه

[mamdowh]

صحونى لما يخلص وعايز ترجمة الكلام لو سمحتم لانى مش فاهم ولا كلمه منه

[pink rose]

انا اللي عايز اعرفه إزاي الراجل ده بقى حاكم

ده حتى ولا ييجي معاه ابتدائية

----------------------------------

بس بصراحة يا جماعة

لو مشي القذافي ...

مش هنلاقي حد يخطب يضحكنا تاني كده

قريت تعليقات على الفيس بوك

ايها الاخوة الليبين لا تقتلوا القذافي لكن اسجنوه في قفص لتسلية الشعوب العربية

واحد تاني بيقول مش معقول كده لا عادل امام و لا القذافي كمان

[arkan]

بالله ده رئيس عصابة حتى مش رئيس دولة

بيقول المقملين (معذرة طبعا) وشفتوا بيمسح بقه بازاى بفوطة مش منديل

والله حسبنا الله ونعم الوكيل

بخلاف التخلف العقلي في شخصيته دى مش طريقة ادارة ازمة

[اغابي]

مش معقول التخلف اللى هو فيه داه - حرام عليه يرحم نفسه شوية

cr((: cr((: cr((:

خلاص القذافى جابلى شلل اطفال

يارب انصر شعب ليبيا وحافظ عليهم ورجعلنا المصريين بخير

[raouf]

الجزيرة قطعت الخطاب

زهقوا يا عينى عندهم حق والله

كملوا الاسكتش الضاحك قصدى الخطاب على قناة الليبية

والله هم يبكى وهم يضخك

[شرف الدين]

بدأ الزحف المقدس

ثورة ثورة ثورة !!!!!!!!!!!!!!!!!!!!!

---------------------------

هو ايه التوك توك اللي راكبه ده

[لونا]

أشكركم شكرًا جزيلًا على الترجمة :happy:

و أما عن الخرابة اللي بيصور منها

فهي و الله أعلم القصر اللي ضربه الأمريكان

و سابه من يومها على حالته

عشان يكون شاهد على التاريخ

ما حدش يروح يرمي قنبلتين عليه؟؟

أو يضربه بصاروخ ؟

[عصام أبوالفتح]

يا جماعة اخواننا الليبين طلعوا فاهمين غلط

ليبيا مفيهاش نظام أصلا عشان يسقط

[رضوي]

هي مين الملايين اللي بيتكلم عليها دي ؟؟؟؟

في حياتي عمري ماشوفت خطاب رئيس دولة بالشكل دة

دة كارثة يخربيتك

بصراحة زمان كنت بتسلي لما بسمعه او بشوفه ....... بيضحكني

لكني النهاردة مش قادرة اسمعه بعد كل القتلي اللي وقعوا دول ............ فين القادة العرب ؟؟؟؟؟؟

دة بيقول هطهر ليبيا بيت بيت ؟؟؟؟؟

يارب انصر اخواتنا الليبيين

[Alattar]

انتوا عارفين..خلص الخطاب بتاع البعيد...فتحت علي اليوتيوب خطاب مبارك الأولاني

والله يا جدعان ده احنا اللي كان عندنا ده فعلا كان بيعرف يتكلم..ده كان أستاذ

بصرف النظر عن الهبل اللي كان بيقوله مبارك..بس شوفوا الطريقة و الأسلوب..مش الخرابة

اللي كان بيتكلم منها الأخ ....

[عنبو]

[eslam elmasre]

الشعب يريد إنهاء الخطاب

الشعب يريد إنهاء الخطاب

الشعب يريد إنهاء الخطاب

[مغتربة]

و اكيد هاننتظر ترجمة الفاضلة مغتربة

لا يا جماعه الخطاب الفظيع دا مينفعش معاه ابدا ترجمه

انا هنزل لكم الملخص بتاعه الى فيه الخلاصه

http://www.youtube.com/watch?v=tS-k4Ma383M

بجد بجد ربنا يكون فى عون الشعب الليبى و يخلصهم مما بلاهم

[mamdowh]

مش عارف ليه كل ما أشوفه أفتكر المرحوم محمود شكوكو

[أحمد سيف]

مش عارف ليه كل ما أشوفه أفتكر المرحوم محمود شكوكو

أنا الحقيقة كنت دائما أشبهه بشكوكو

ولكني اليوم أجد نفسي ملزما بالاعتذار لعائة المرحوم شكوكو على مقارنة هذا السفاح به

شكوكو الله يرحمه كان راجل طيب ويعرف ربنا ... أما القذافي فهو مجرم حرب وقاتل لشعبه

[mamdowh]

مش عارف ليه كل ما أشوفه أفتكر المرحوم محمود شكوكو

أنا الحقيقة كنت دائما أشبهه بشكوكو

ولكني اليوم أجد نفسي ملزما بالاعتذار لعائة المرحوم شكوكو على مقارنة هذا السفاح به

شكوكو الله يرحمه كان راجل طيب ويعرف ربنا ... أما القذافي فهو مجرم حرب وقاتل لشعبه

إعتذار واجب وأنا اوؤيدك

[رضوي]

شكوكو مين حرام عليكو

دة غلب اي مهرج اساسا

ربنا ينتقم منه ........ ولا ضمير ولا انسانية بقي فيه بني ادم يعمل كدة في شعبه ياعالم