فيديو يؤكد اوامر الرئيس السابق للجيش بضرب المتظاهرين

[fatfouta]

الفيديو ده بيؤكد ان حسنى مبارك اعطى اوامر للجيش بضرب الماظاهرين

والعسكرى اللى بيتكلم بيقول ماحدش هيضرب اخوه وابوه واحنا الشعب....معنى كده ان الجيش رفض قمع المتظاهرين

http://www.youtube.com/watch?v=81_UbBYL31o&feature=player_embedded#at=14

تم تعديل 16 فبراير 2011 بواسطة fatfouta

[rewsha]

طيب ممكن سؤال؟

هوه رئاسة الجمهوريه هاترفع سماعة التليفون وتتصل بكل عسكري على دبابه تقول له اضرب في الناس!!!!!!!!!!!!!

يعني مين اللي اعطى امر مباشر بالضرب للعساكر اللي على الدبابات ؟

العسكري قال امر من رئاسة الجمهوريه مش من الجيش

طب هيه الرئاسه في اتصال مباشر منها للعساكر دول؟

وله قادة العساكر دول همه اللي بلغهوهم ان في اوامر بالضرب بس الكل هايعصي؟

والاوامر دي صدرت من الرئاسه لمين بالظبط؟؟؟؟ :unsure:

[أسد]

المبالغة في كل شئ .. والتهويل .. وخلط الحق بالباطل

عمل ليس جيد

وغير نزيه

[capitshino]

مع احترامى للقوات المسلحة

مش اى حد يقول حاجة نصدقها .

[حلواني]

دا كلام غير معقول من شخص غير مسئول

انا لا اعتقد ان هذا العسكري يعرف اي حاجه

.............

تم تعديل 16 فبراير 2011 بواسطة Salwa

[المهندسه]

يا جماعه ده عسكرى غلبان عاوز بس يفرد نفسه و يحس بس انه مهم ...فقال يعمل بطل شعبى

العساكر دول والله غلابه و بيصعبوا عليا و لو كان عنده اوانر عمله ماكان استجرى يكسرها

طنطاوى مش بيرحم خااالص اى مخالف او اى ضابط او جندى مش بينفذ الاوامر

اسئلوا اى حد فى الجيش عن طنطاوى و انتوا تعرفوا ان لو كان فى اوامر كانوا هيضربوا

لكن ما ينفعش يبقى فى اوامر بالضرب و كمان بالدبابات ليه ؟؟؟دى مظاهرات فى مصر

مش فى اسرائيل

[Salwa]

تم حذف بعض المداخلات وسوف يتم اغلاق الموضوع لأنه لايعبر الا عن رأى فرد واحد ولا توجد اى ادلة على كلامه ...وهذا الفيديو سوف يؤدى الى مزيد من التخبط .

شكرا لحسن تفهمكم..

عن الادارة

سلوى .