المركز القومى للجمال !!

[عادل أبوزيد]

الحمد لله سيتم إفتتاح المركز القومى للجمال ... !!!!

رجاء من فريق الإشراف عدم نقل الموضوع إلى "دعوة للإبتسام"

شخصيا لم أفهم المقصود بالمركز القومى للجمال ... ماذا أفعل "راجل صعيدى .. متخلف"

إشتممت و أكرر إشتممت من صياغة الخبر أن هناك شيئا يراد إخفاؤه .... شئ

و جال فى خاطرى موضوع مشروع باب العزب الذى تم إيقافه بحكم المحكمة و أتذكر أن الوزير الفنان كان صاحب فكرته ... هل هناك علاقة ؟

سأضع الموضوع كما ورد فى جريدة الأخبار اليوم و ألتمس من الأعضاء "المتنورين" أن يبسطوا الأمر ل "راجل صعيدى زى حالاتى"

[Cleo]

ميلاد حلم هذا الجهاز في ضمير فاروق حسني وزير الثقافة كان كما يقول منذ 15 سنة ولم ير النور إلا في حكومة د. نظيف

غنيلى شوى شويى.... :angry:

يقول فاروق حسني وزير الثقافة وصاحب الحلم. تمتلك مصر كنزا معماريا تراكم عبر السنين وشرف لمصر أن يكون لديها هذا التاريخ المعماري المتميز والرائع في الصعيد والدلتا والقاهرة والإسكندرية.. ولكن للأسف الشديد أن بعض قاطني هذه الثروة المعمارية لا يعرفون قيمتها الحقيقية وتركوا الاعتداءات تقع عليها من كل شكل ولون..

الثروة المعمارية أوشكت على الإفلاس.... منطقة الكوربة و ميدان الجامع و غيرها من مناطق مصر الجديدة - القديمة - أفلست من تراثها المعمارى المميز... فأغلب الفيللات و العمارات القديمة ذات الطابع المعمارى الخاص تنهار فعل اللوادر و المعاول ليبنى بدلا منها غابات أسمنتية قبيحة... ومن لا يصدق فليمر بشارع نزيه خليفة فى الكوربة. و هو ليس الوحيد الذى تتم فيه مثل هذه المذابح..

ووقع الاختيار علي احد المباني المطلة علي ساحة 'المحكي' بالقلعة ليكون مقرا للجهاز

ياااااااادى القلعة...!!!

ولله شكله كدة بيرسم على إنه يأجرها مفروش..!!

المحور الثاني كما يضيف فاروق عبدالسلام

هم تلات محاور زى فرحات براقع..!!!! :angry:

.. ولكن للأسف الشديد أن بعض قاطني هذه الثروة المعمارية لا يعرفون قيمتها الحقيقية وتركوا الاعتداءات تقع عليها من كل شكل ولون.. لافتات شركات 'وفتارين' محلات تصل بارتفاعاتها إلي الدور الثاني محطمة 'عرانيس' و'كرانيش' ذات قيمة جمالية رائعة ونادرة.

إلا أخبار الله يرحمها المسافرخانة إيه؟؟ :blink:

وإعادة صياغة الميادين العامة وفقا لرؤية معمارية وبصرية يدخل ضمن نطاق عمل الجهاز..

:blink:

إلحقنا يا أبو حلاوة..!!! بيقولك تخطيط الميادين وفقا لهلاوس سمعية وبصرية..!! هى ناقصة مرستان..!!

*****

وطبعا لا يخفى علينا جميعا إن فيه شركات و "خبرات" wlch:: غالبا ما ستكون أجنبية هتشارك بخبرتها فى هذا المشروع "القومى" وأهو "كلله" يطلع منها سبوبة حلوة و لقمة طرية hpc:!:

[mnman]

انا مش قادر امسك نفسي من الضحك!! اصلي قريت عنوان اموضوع !!

المركز القومي للجمال !! بكسر الجيم!! ومفردها جمل!!!

وقلت في عقل بالي ياواد يامنمان هي اية الحكاية!! هي امريكا قررت تجيب للجمال حقوقها في مصر!! وامرت بأنشاء مركز لتلقي الشكاوي!! ولا يمكن الحكومة الجديدة ليها وجهة نظر في الثروة الجملية!! و كيفية استثمارها!! و يمكن يدربوا الجمال علشان السائح لما يجي تقولة هاي و باي!! ويبقي الجمل المصري بنفس مهارة الببغاء البرازيلي !! ويرطن لغات!!

يارب الرحمة!!

منمان مدرب قرود!!

[عوف]

الفكرة في حد ذاتها براقة ومغرية ومثيرة

لكن المشكلة في انعدام الثقة في شخص من طرحها

لو طرحها غيره للقيت قبولا واسعا

[Mohammad Abouzied]

عادي جدا كل حاجة ناقصة عندنا ها يعملوا لها مجلس

طيب ما هو المحجوب عمال يجمل في الاسكندرية على قفا الناس

هو بس حكاية المجلس دي شكلها اننا محتاجين مجلس يوجهنا الى تجميل بلدنا والمفروض اننا فعلا نعمل على ذلك بدون مجلس ولا يحزنون

[Salwa]

يعنى الموضوع ده جد جدا ......بس ممكن تسمحوا لى اتكلم بحريتى ؟؟؟

مش عارفة ليه حاسة اننا بنتوسع ونتحضر رأسيا مش افقيا ..

يعنى كلنا كدة على بعضنا عاملين زى مانهاتن ....مفيش مساحات كتير ......كله على فوق ..

آه..مفيش فايدة فيه ..لازم تتقبلونى بكل عيوبى ...لازم اخرج عن الموضوع ..

يعنى هم بالظبط زى لعيبة الفوتبول فى فريق ما ......

احدى عشر لاعب فى الملعب .....هم بس اللى بيلعبوا طول الماتش .....ممكن التغيير ثلاث مرات ...

مع ان الفريق رسميا ممكن يصل ل24 والا 26 حتى .

وساعات بيكون فيه ناس اكثر خبرة بس على طول قاعدين على البنك ..قصدى احتياطى ....المدرب ابدا ابدا لا يعطيهم فرصة للعب ....مع انه لو عطى لهم فرصة ممكن يجيبوا اجوال ....

.

آه.......الطفل المعجزة ....هو بقى بيقول ان الفكرة دى تجول فى نافوخه بقالها 15 سنة ....// هى بتجول وتعيد وتزيد ومحدش بيرد عليها //....

لحد بقى ايه ......

لما وصل سيدنا / النظيف.......وبركاته حلت على المجتمع بتاعهم .....مجتمع الصفوة ......ده هم اللى سموه كدة /// قصدى سمموه كدة ///....

فصلوا له هيئة .......كانهم بيفصلوا بدلة .....// ولو انها حاتبقى واسعة عليه قوى //....

هو مفيش حد غيرهم ؟؟؟...نفس اللعيبة ونفس المساحة .؟؟

فين الجمهور .........؟؟؟

شيلوا الحكم .......شيلوا المدرب ........اللعيبة دى لازم تتكهن زى المكن القديم ......

مش عاوزين نضربهم بالرصاص زى الحصان الميرى ....

وكمان ايه ؟؟؟

السيدة الحديدية صاحبة الأزرع المتعددة والثلاث روؤس سوف تفتتح المشروع العملاق ....

ياجماعة ارحموها .......شوفوا غيرها يفتتح شوية ....

عبث....عبث.....عبث..............

وبصراحة مفيش حتى صوت يقول لهم .......هو اللى اختشوا ماتوا ؟؟؟

دى بتتقسم علنى .........

هو فيه ايه ؟؟؟؟

[DARWEEN]

والله شيء جميل إننا نهتم بالجمال ونركز عليه ...

بس هو فيه جمال من غير نظافه ؟؟؟؟ لأ

يبقى أحنا عاوزين المركز القومي للنظافه ...

طيب هو فيه نظافه وجمال من غير ناس شكلها حلو كده ومصحصح وصحتها حلوه ؟؟؟ لأ

وينفع الناس يكونوا كده وهما جعانين ؟؟؟ برضه لأ

يبقى الأول أكلوا الناس وبعدين قولولهم ... فين الجمال

مساء الجمال

[ragab2]

المركز القومى للجمال !!, بدون تعليق

الحمد لله سيتم إفتتاح المركز القومى للجمال ... !!!!

عشان كدة

جابوا رئيس وزراء نظيف وأبيض وجميل

طب

والمصريين السمر والسود

هايعملوا فيهم ايه .. ؟

[mnman]

طب

والمصريين السمر والسود

هايعملوا فيهم ايه .. ؟

أصل في مناقصة في بوركينا فاسوا رسيت علي الحكومة لتوريد عدد 60 مليون بني ادم اسمر في اسود!! حاجة كدة كحلي !! ;) ;) afr2:

وحيكون شعار المرحلة القادمة نحو مصر خالية من السكان!!

ودة طبعا حيرح الحكومة و تبقي بكدة نظفت مصر و نبتدي مع عشرة مليون بس علي مية بيضة!!

منمان مسئول مهم جدا ونظيف وجميل وأبيض!!

[METALLICA]

إن إقامة مركز للتزوق الفني والجمال لشئ متحضر ورائع . . . فإنه ينمي الإحساس الجمالي للمواطن المصري ويعمق عنده قيمة تراثه الفني و . . . . . .

هو المواطن أصبح خالي البال ولا تعوق حياته المشاكل بنسبة 90% على الأقل علشان ننمي إحساسه بالجمال !!!!

الموضوع ده فكرني بعريان بك الأليط الله يمسيكو بالخير يا أحمد رجب ، مصطفى حسين

تم تعديل 19 أغسطس 2004 بواسطة METALLICA

[Tamsite]

جميل جدا موضوع مركز للمحافظة على الجمال المعماري والذوق العام وكلام المانشتات ده

وسلمولي على أي محاولة اصلاح تأتي في ظل التغيير الشكلي للأوضاع

ماهو من كام شهر لما كان عبيد كابس على أنفاسنا، كان دايما يتقال في الجرايد الرسمية

( عاطف عبيد .......... لا يعلى عليه)

الخبير ، الفظيع اللي هيجيب الديب من ديله ، ويظبط البلد ، بس طبعا ما ننساش ، أن كله هيتم في ظل توجيهات السيد الرئيس ups:

وأخيرا ، جه صاحبنا فاروق حسني عشان يبين قد إيه الكبت اللي كان فيه ، وبعد كده ربنا صلح حاله ، وقدر يحقق حلم حياته ، بمباركة ماما سوزي ، وفي عهد نظيف وينشئ مركز للحفاظ على الجمال

ما هو طبعا ، عشان يعين فيه حبايبه ومحاسيبه ، ما هي بقت عزبة

طب بالله عليكم ، أعزائي القراء ، ايه هي الصلاحيات اللي ممكن تمنح للمركز الوهمي ده عشان يقدر يقوم بدوره زي ما اتقال عنه في المانشتات

يعني مثلا هيجري يضرب الناس بالجزمة لو شوهوا المعمار، وهدوا البيوت القديمة والفيلل و القصور، ولونوا الألوان الفحلقي والفحفحي ؟؟؟؟؟؟

ولا حاجة طبعا،

يلا بقى خلي المركز يتعمل والعزبة تتوسع شوية ،

prt: أحسن المحاسيب كتروا قوي في ظل الزيادة السكانية، يعني هيعملوا ايه الغلابة المحاسيب ؟ نسيبهوم يموتوا روحهم ، ولا نلمهم في المساحة الجديدة للعزبة ؟؟؟

[وليد صفوت]

لو مشيت فى شارع فؤاد فى وسط البلد أو ميدان طلعت حرب أو شوارع ميدان التحرير حتى ميدان رمسيس و الفجالة ..... و من رمسيس الى مصر الجديدة ...... حتعرف يعنى ايه فن العمارة ......

الناس بتوع زمان دول كانت دماغهم رايقة جدا جدا..... أو بمعنى أصح كانوا بيتقنوا فى عملوهم لدرجة عالية .....

أما فى زمن العمارات اللى شبه امشاط الكبريت ام شلن دى فمتنفعش يتسكن فيها

و افتتاح المركز ده المفترض ان الغرض منه اعادة وجه القاهرة لسابق عهدها من المعمار الفنى ذو الذوق الرفيع.....

طبعا ده مستحيل يحصل ......

لانهم لو عايزين يرجعوا المعمار لسابق عهده .....يبقى ماينفعش انهم يرمموا عمارة قديمة و يرجعوا ليها شكلها القديم و جنبها عمارة شكلها مقرف من عمارات اليومين دول !!!!

يبقى فين شكل القاهرة اللى رجع زى زمان ده؟؟؟؟

لو هما فعلا عايزين ينفذوها صح .....يبقى لازم يجددوا العمارات القديمة و يهدوا الجديدة كمان .....prt::)ups:

تحياتى.........

!......Cowards die often

[Arabisc]

المفروض ان ده جزء من مسؤليات وزارة البيئة اوالاسكان ? ايه علاقة وزارة الثقافة بالعمارات و يفط المحلات ?

بصراحة يجب ابعاد الشخص المسمى فاروق حسني عن اي حاجة

[ALsangry]

فعلا احنا محتاجين "" عوده "" الذوق والاحساس بالجمال للانسان المصرى

محتاجين لمسه جمال داخل بيوتنا الاول

نفسى اشوف اوراق خضراء على البلكونات بدل اربطه البصل والتوم

نفسى ما شفش حبال الغسيل بكل الوان المنشور عليها

نفسى الاقى مكان على الرصيف امشى عليه

نفسى الاقى اللون الاخضر فى كل بيت وكل شارع

نفسى امشى فى شوارع نظيفه وبدون مطبات

نفسى اشوف البيوت متلونه باجمل الالوان

الذوق والجمال ممكن يغير حاجات كتير فى الانسان المصرى

ممكن يغير "" الالة "" ويجعل منها انسان

[seastar44]

المركز القومى للجمــــال ... عضو جديد فى سلسلة المراكز القومية ...

يا سبحان الله .. امتى ربنا حايتوب علينا من مسلسل المراكز القومية .. التى ابتلينا بيها من أيام عصر النكبة الاشتراكية ...

أولا فى جميع بلاد العالم تكون هذه الانشطه .. أهلية وليست حكومية ...

ولكن لدينا فى مصر نشأت فى الخفاء جمعية المنتفعين بالسيده الفاضلة سوزان مبارك وهى تضم وزراء وفنانين ورجال أعمال وخلافه ...

أنا لا أعترض على الفكرة فى حد ذاتها .. ولكنها لا تحتاج الى مركز قومى ...

الجهاز الحكومى مش مستحمل نفخ أكثر من كده ...

طبعا المركز سوف يحتاج الى رئيس وأعضاء و وكلاء وسكرتيرين وقاعات مؤتمرات وفراشين وسواقين وبوابين .. الخ من مسميات الوظائف ... سيقول لى أحد الخبثاء .. اليس هذا فتحا لمجال العمل أمام البطالة .. وخلق لفرص عمل جديده ...عندها سوف أرد عليه .. بأن هذه الامور يجرى اعدادها مسبقا والناس اللى فيها معروفين مسبقا ... ولا عزاء للسيدات ..

مثل هذا العمل المفروض أن تقوم به الجمعية المصرية لمهندسى العمارة ..

واقسام العمارة بكليات الهندسة والفنون الجميله والفنون التطبيقية ... بالاشتراك مع المحافظات والمحليات (البلدية أيام العز )... ولسنا فى حاجه الى مزيد من المراكز القومية .. والاسماء الرنانه ... الاجهزة والجهات موجوده .. ولكن من يعطيها الفرصة للعمل ..

الامر الأهم والذى تهرب منه الحكومة ويهرب منه الجميع ... والمسئول عن القبح والتشوهات الموجوده فى المبانى المصرية بوجه عام .. والمسبب الرئيسى لكل الخراب والتفسخ الذى يعيشه المجتمع المصرى حاليا ..

قانون الاسكان للمبانى القديمه ... واكرر مرة أخرى .. قانون الاسكان للمبانى القديمة .. هذا القانون المأساه والذى جمد ايجارات المساكن القديمة على حالها منذ الستينات حتى اليوم .. بحيث أصبحت ايجارات هذه المبانى شيئا كوميديا ... يعنى ايجار الشقة فى أحسن مناطق جاردن سيتى .. مايجيبشى حق نصف كيلو لب .. تقزقزه وانت قاعد جنب التلفزيون فى سهره .. ومعذره اذا لم انسب الايجار لسعر اللحمه لانه حيبقى بالجرامات وليس بالكيلو جرام ..

من هنا يسعى أصحاب هذه التحف المعمارية الى ازالتها من الوجود ولو بأحكام المحاكم .. لان قيمة الارض وحدها تجعله يعيش فى عيشة راضية .

وأنا أعرف عمارات البواب فيها بياخد أجره أكتر من الايجار اللى بياخده صاحب العمارة ...

هذا هو سبب خراب الثروه المعمارية ...

والان نبحث عن مجلس قومى للجمال ...

انشاء الله قريبا .. سيتم افتتاح المركز القومى للفول والطعمية .. خلفا لجهاز الفول والطعمية بتاع زمان .. والا نسيتوه ..

وفى النهاية .. المركز القومى لرعاية المراكز القومية ...

ودمتم لمصر ذخرا ... ومفخره

[Ahmed Mohsen]

يا جماعة إحنا لازم نعترف بمجهودات الحكومة في تجميل البلد، لا ينكر إلا أعمي مدي التطور الذي حدث في الطرق، ليس قصدي إنها أصبحت مثالية، ولكن تم القضاء علي الكثير من بؤر الإختناقات المرورية.

وبالنسبة لوزارة الثقافة والوزير الفنان، أنا لا أستطيع أن أحكم علي شخصه أو نواياه، ولكني بحكم عملي في شركة مقاولات من أكبر تخصصاتها ترميم الآثار والمباني التاريخية، فإنه يبذل جهدا كبيرا في ترميم وتطوير جميع معالم مصر التاريخية كالجوامع والمتاحف والمسارح، وأقرب وأشهر مثال هو مسرح سيد درويش بالأسكندرية.

أنا لا أشكر في الحكومة فأنا مقتنع أن لها سلبيات عديدة جسيمة وفي مجالات أساسية جدا جدا، ولكنها كلمة حق رأيت أنه من الواجب علي أن أقولها.

لا يجب علينا أن نمانع في تطوير وتجميل بلدنا، ولا يجب أن نكف عن مطالبتنا بتطوير وتجميل باقي شئون حياتنا الأساسية.

تم تعديل 24 أغسطس 2004 بواسطة Ahmed Mohsen

[أسد]

منذ أيام عدت من القاهرة إلى مقر عملي بالرياض ..

قضيت في مصر قرابة الشهر .. أمضيت نصفها تقريباً في القاهرة ..

حاولت أن أبحث عن أي تطوير حدث في مصر مقارنة بعشرة أعوام مضت .. مع ملاحظة أنني أزور مصر عدة مرات في السنة .. ولكني قررت أن أفعل ذلك هذا العام ..

وبالفعل .. شاهدت أشياءً كثيرة قد تطورت وتحسنت ..

شاهدت شوارع وطرق جديدة تطورت ..

شاهدت أحياء لم أزرها منذ سنوات .. ووجدتها للحق قد تغيرت للأفضل .. بكثير .. ولكن هناك قصور هام جداً هو المحافظة على أي تطوير أو تحسين ..

سأعطي أمثلة ..

ميدان رمسيس .. هناك جهود لتطويره .. وأقيمت هناك مساحات خضراء مسورة ومغلقة ..

ميدان التحرير هناك أسوار حديدية ذات تصميم جميل .. ولكن لم يحاول أحد تنظيف تلك الأسوار الخضراء والمطعمة باللون الذهبي منذ أن تم تركيبها .. فتحولت إلى لون مقارب للون الأسود بلون الإتساخ ...

هناك كراسي رخام للإستراحة في الميادين الرئيسية (الأوبرا ، التحرير .. الخ) لم يفكر أحد في تنظيفها منذ أن تم تركيبها .. وبالتالي فهي متسخة بشكل مزري ...

الأرصفة تم تغييرها .. ومعظم أرصفة أحياء القاهرة (الشوارع الرئيسية على الأقل) في حالة جيدة ... مع ملاحظة إرتفاع الأرصفة بشكل مبالغ فيه .. وتعرج طرف الرصيف كما لو أن مصر بلد بلا مهندسون يشرفون على تنفيذ مثل تلك الأعمال..

محطات الأتوبيس .. تم تغيير شكلها .. ولكنها متسخة جداً ... رأيت في بعض الشوارع عمال شركة النظافة يغسلونها بشكل منتظم (منطقة العروبة في مصر الجديدة) ...

لماذا لا تتم أي أعمال نظافة بشكل جيد ومنظم طالما أن هذا ممكناً ..

رأيت عمال ينظفون جدران دار الأوبرا الجديدة ... ويمسكون بفراش للتنظيف .. وإذا ذهب أي شخص إلى هناك سيجد المباني نظيفة ..

هناك مباني حديثة .. تكسو جدرانها وواجهاتها الزجاج والرخام .. وبسبب عدم تنظيفها فإنها متسخة جداً ...

هناك طرق وكباري جديدة وتطوير للمرور بشكل جعل السير في القاهرة أكثر سهولة عما قبل بالرغم من زيادة عدد السيارات .. ولكن من يقومون برصف الطرق في مصر ومن يشرف علهم ومن يستلم منهم تلك الأعمال كلهم من معدومي الضمير ..

هناك أشياء جميلة حدثت ... ولكنها تفسد بسبب عدم الصيانة أو إهمال الناس ... وعدم مراعاتهم لأصول النظافة ...

مستوى النظافة في مصر مأساوي ... وكأن المصريين لا يهتمون بالنظافة ...!!!

[أسد]

عندما تسير في القاهرة .. تجد بنايات كثيرة مشابهة لما تراه وأنت تسير في أي من العواصم الأوروبية ...

ولكن الفارق كبير ....

بنايات مصر كلها ذات لون واحد ... لون "سخامي" لا يمكن لأحد أن يعرف ما اسم هذا اللون ..

ولكنه لون الإتساخ .. من شدة التلوث الذي تعاني منه القاهرة ..

بنايات مصر مهلهلة ومتآكلة ومتصدعة من شدة الإهمال ..

طبعاً الأسباب كثيرة من أهمها قوانين الإيجارات والعلاقة بين المالك والمستأجر ..

ومن الفوارق أيضاً .. أنك إذا نظرت على إمتداد البصر في أي من شوارع القاهرة ... تجد أن الشارع بلا ملامح ... ليس هناك ملمح معماري محدد لأي حي ... كل يبني على هواه ... وكل يصمم على هواه بدون أي سيطرة لأي جهة طالما أنه لا يخالف القواعد الأساسية .. أو طالما أنه يسلك أموره مع أصحاب العزبة .. رئيس ومهندسوا الحي ...

شوارع مصر بالفعل في أغلب أحوالها ذات إضاءة خافتة أو مظلمة ..

لابد أن تكون هناك جهة ما لتطوير المظهر المعماري في مصر ... أو لتطوير المظهر الجمالي ...

ولكن يجب أن تكون تلك الهيئة أو الجهة منشأة بالأصول الصحيحة وليست كما يتحدثون عنها ...

رأيت في أحد شواع وسط القاهرة وهو أحد الشوارع التي يتحدثون عن أنه سيتم تطويره طبقاً لخطط هذا المركز القومي للجمال .... رأيتهم ينصبون السقالات على البنايات هناك والعمال يطلون تلك البنايات باللون البيج أو الأصفر الفاتح ... والشبابيك لونها أخضر ...

هؤلاء العمال يلطشون كل شئ بالبوية .. أعمدة الإنارة .. ولوحات المحلات ... وواجهات البنوك الرخامية ... وأجهزة التكييف ... وكل شئ ...

كل ماسيقومون به هو أنهم سيقومون بطلاء البنايات ... وقد يغيرون أعمدة الإنارة ... ثم تحضر سيدة مصر الأولى .. لتمر بسيارتها في الشارع ... وتهليل وتطبيل في الصحف ....

ثم يترك الشارع لمصيره مثلما كان ... من يعبث يعبث .. من يقرر أن يدهن شباك بيته باللون الأحمر يفعل ... من يقرر أن يضع لوحة كبيرة بألوان مزركشة لمحله .. يفعل ... تعود المباني للونها الأول .. لون "السخام" ... تكسوا الأعمدة والأسوار طبقة سميكة من الجلخ والوسخ .. لا أحد ينظف أو يصون ما يتم عمله ...

للأسف ..

[ALsangry]

شاهدت أحياء لم أزرها منذ سنوات .. ووجدتها للحق قد تغيرت للأفضل .. بكثير .. ولكن هناك قصور هام جداً هو المحافظة على أي تطوير أو تحسين ..

بالظبط كده يا استاذ اسد

المطلوب هو " المحافظه " على ما يتم تجديده او تطويره

وعشان كده انا ذكرت فى ردى السابق ان الاهتمام بارجاع الذوق والاحساس للانسان المصرى لايقل اهميه عن توفير الخبز له !!!

ومش ممكن شخص لديه احساس بالتذوق الفنى او الجمالى ان يسئ او يشوه الى مكان يتواجد فيه سواء كان هذا المكان خاص او عام

ده غير انه ممكن يغير نظرته لاشياء كثيره اخرى

[seastar44]

الجمال يرتبط بالحالة النفسية للانسان ... كان الناس زمان لما يفكروا فى البناء بيفكروا ويهتموا بالقيمة الجمالية للمبنى ... وكان يتولى هذا مهندس معمارى محترف .. يعمل وفق قوانين للبناء تحدد الارتفاعات المسموحة والارتدادات وشروط البناء ومساحة المناور .. وتهوية المبنى والكثير من الشروط الصحية ...

المتتبع لحالة المبانى فى مصر , سيجد أن حتى المساكن الشعبية التى بنيت قديما فى امبابه بواسطة شركة عثمان باشا محرم .. وكذلك مساكن المطرية القديمه .. كانت آخر مابنى مطابقا للمواصفات ... ومنذ أن بدأت التأميمات .. وعند بداية تأميم شركات المقاولات العمومية ... بدأت الهوجة وتولى العسكر رئاسة مجالس ادارات الشركات وبدأ عصر الخراب والشح ... ووقف الشعب فى طوابير الجمعيات للحصول على فرخه والا كيلو لحمه أو كيلو سكر أو رز وانحدرت الاحوال حتى وقفوا طوابير علشان مشط كبريت أو صابونه والجاز بقى بالكوبونات .. الشعب اتلهى فى الوقوف والحجز فى طوابير الجمعية واصبح كل انسان يخصص من يومه جزءا للوقوف فى طابور الجمعية ...انتوا نسيتوها والا ايه ...

فى قطاع البناء أيضا انحدرت الاحوال الى الحضيض ... الاسمنت أصبح بالتصاريح والتصاريح مخصص جزء منها لمهلباتية الاتحاد الاشتراكى ومجلس الرمة .. ونشأت سوق سوداء لكل مواد البناء .. الحديد بتصريح .. الاسمنت بتصريح ... الخشب بتصريح .. الزجاج بتصريح ... والموجود من أردأ الانواع .. ونزلت للاسواق أنواع رخيصة من الاسمنت مثل الاسمنت الحديدى وأسمنت الكرنك ... غير مخصصة للاستخدام فى الخرسانة المسلحة .. ولكن خراب الذمم وغياب الضمير فى هذه الفترة الحالكة السواد فى تاريخ الامة .. مسخ عملية البناء وبدأت العشوائيات منذ ذلك الحين.. على يد الولية اللى اسمها أم ليله فى منطقة الاميرية .. وبدأ تخريط الاراضى وتخطيطها .. حتى والله بدون مسطره .. والشوارع الثعبانية تشهد على ذلك .. وعرض الشوارع فى بعض .. الاماكن أقل من 4 متر وكل واحد برز له ببلكونه على أد الحال .. واندثرت الخصوصية واصبحت الناس عايشه مع بعضيها .. وكترت الفضايح والفساد .

الناس من شدة الحاجة بقت تعمل أى حاجة .. أربع حيطان وعفشة ميه تلم العيلة وأم العيال .. خير من انتظار 10 سنين لشقق المحافظه .. ده اذا جت وصابه الدور وتحقق الحلم ..

وكشأن الحكومه فى هذا الزمن الاغبر ( أكيد عارفينه والا محتاجين توضيح ؟؟) .. كانت أرقام الانجازات بعشرات الآلاف من الوحدات السكنية فى كل خطبه من خطب الدجال ...

من أين سيأتى الجمال أذن ... بدلا من الطين استخدموا الطوب الاحمر .. والكل يبنى بسرعة علشان يتتاوى .. والبياض حين ميسره .. وكانت المبان بلون الطوب الاحمر المترب .. أسوأ لون ممكن عينك تشاهده ... ولكن الناس خدت عليه ..

لم يكتفى الزعيم الخالد .. بل أمم المبانى اللى فى وسط البلد أو أخضع اصحابها للحراسة .. وسكنها زبانية الاتحاد الاشتراكى والتنظيم الطليعى الله لا يكسبهم دنيا وآخره ... سكنوها بملاليم ... وقاعدين يستمتعوا بيها حتى يومنا هذا .. ويقاوموا أى تعديل لقوانين العلاقة بين المالك والمستأجر .. حتى يستمتعوا هم واحفادهم بما استولوا عليه ...

كيف اذا تطلبون من الملاك أن ينظفوا البيوت أو يعملولها صيانه فى ظل هذه القوانين الجائرة ... تكاليف أقل اصلاح أو صيانه سوف تكبد المالك قيمة ايجار المبنى لسنتين أو تلاثة .. ياكل فيهم هواء هو وأولاده ...

الملاك يدعون الله أن يرزقهم بزلزال يسويها بالارض علشان .. يستريحوا من القرف اللى هما فيه ..

الحكومه طبعا ودن من طين وودن من عجين .. أو قل على رأى اللمبى .. الحكومه فاكه ودانها .. علشان ماتسمع حاجه عن الموضوع ده .. بحجة السلام الاجتماعى .. فأين كان هذا السلام الاجتماعى عندما أخذت الارض من الفلاحين وأعيدت لأصحابها وهى مصدر رزقهم ...

لكن زى ماقلت لكم .. أهل الحكومه مستنفعين ومش عاوزين يغيروا حاجه .. علشان الشقق السوبر فاخره اللى لهفوها من الحراسات والاوقاف وشركات التأمين .

ومش مهم الناس تاكل بعضها وعندهم المحاكم .. خللى المحاميين تاكل عيش ..

العيال اتجوزت مع أهاليهم فى الشقق ... انفرط عقد العائلة المصرية المترابطه ,أصبح الاخوة يحيكون المؤامرات بعضهم لبعض للفوز بشقة العائلة .. الابن طرد أمه أو أذاقها الهوان علشان يستولى على الشقه بعد موت ابوه ... واللى زور عقود علشان ينقل عداد الكهرباء باسمه ليثبت أحقيته فى الشقة ...

وصلت الامور فى كثير من الحالات للقتل ... نعم للقتل .. وثلاث جرائم من كل عشرة جرائم قتل يكون السبب فيها الصراع على السكن ...

فمن أين ستفكر الناس فى الجمال ... وهى مطحونه ..

نعود الى نقطه أخرى .. وهى كما قلت فى البدايه .. المهندس المعمارى والاستشارى المحترف ... وهذا انتهى دوره تماما فى الماضى .. حيث أن منظومة الفساد تسكن فى المحافظات والمحليات ... ومن يقول غير هذا يبقى بيضحك علينا وعلى نفسه ... تماما كما يحاول أن يضحك علينا من يسمون نفسهم ناصريين .. وهم لا يزيدون عن كونهم مثل جماعات عبدة الشيطان .. ولكنهم هنا يعبدون عجل أبيس ..

تراخيص البناء أصبحت فى يد مهندسين التنظيم .. ولو جدع تطلع رخصة بالطريق السليم ... صدقونى أنا أعرف مهندسين أصحاب مكاتب استشاريه .. ما عرفوش يطلعوا تراخيص لنفسهم وفى النهاية .. اللى طلع الرخصة وقبض مهندس التنظيم .. وما قلنالكوا من الاول انتوا اللى مابتسمعوش الكلام وبتضيعوا وقتكم ...

بالطبع مهندسين التنظيم ليس عندهم أى فكرة عن جماليات المبانى .. واتحدى لو امتحناهم دلوقتى كلية الهندسة هاتسحب شهاداتهم ..

ماتحاوله المحافظة .. تحت بند ما يسمونه تجميل القاهرة هو دهان واجهات العمارات المطله على الشوارع الرئيسية ( يعنى اللى بيمشى فيها الرئيس وزواره ) مش الشوارع العادية .. وده برضه من بند الضحك على الدقون ..

وأنا أدعو أى واحد يقترب من أى من هذه العمارات ويشوف المهزلة ... تلطيش فى تلطيش... والبوية المخففه بالمياه ملوثه كل حاجه .. يعنى خرابه .. والمفروض يتسجن كل من شارك فى هذا العمل الفسدان ... اللى راكب عربيته وماشى بيشوف من بعيد .. لكن لو قرب سوف يفجع بالمأساه .. طبعا السرقه فى الكميات على ودنه .. والبويات وهى من النوع البلاستيك يعنى بتتخفف بالمياه ... وهانروح بعيد ليه .. كل واحد بيشوف الهمج اللى بيدهنوا الارصفه وأعمدة النور ... وشوف الوساخة ... لايوجد شيىء اسمه مواصفات أو أصول صناعة ...

من هنا اذا أردنا أن يعود الجمال .. وقد بدأ يعود بالفعل فى المبانى الحديثة فى المدن الجديده والمناطق الجديده مثل النزهة الجديده والمقطم والمعادى ... وهذا نتيجة أنه أصبحت هناك وفره فى مواد البناء وأصبح السوق مفتوح .. وتطورت صناعة مواد البناء .. ولكن الاسعار حدث ولا حرج .. ( عالمية , يعنى بدون دعم ) ..

باختصار الهندسة عند مجالس المحافظات والمحليات قد لقيت مصرعها على أيديهم ... ولما كان عصر احياء الموتى وعصر المعجزات قد ولى وانصرم فلا أمل أن يأتى على ايدهم الملوثه أى جمال ..

نتعشم خيرا فى المركز القومى الجديد .. اذا أداره المتخصصون ..

وخلافا لذلك اقطعـــوا الامل ...