حد يفهّمنييييي .. عز بريء .. العادلي محدش حقق معاه

[fatfouta]

انا مش فاهم النائب العام ازي وجه التهمه دي بس للحبيب العدلي استغلال نفوذ وغسل اموال

بس كدا امال فين الشهداء وفين هروب الشرطه من الميدان الله يستر من الا جاي

لازم البلاغات تيجى من اهل الشهداء نفسهم وماحدش منهم يسكت

[Om Zayd]

و زكريا عزمي

مين اللى قال زكريا عزمى ده؟؟ ده يبقى احسن حاجة عملوها والله

لا ده انا كنت بكمل على أمنيات س س

[خالد شحاته]

المفروض محدش يسكت لان حبيب العدلي كان اختابوت لابد من حساب عسير له والحمد لله انه اتحول علي سجن طره يارب كان يدخل مع مسجين صح علشان يظبتوه بس اكيد بردك الا له ظهر مش هينضرب علي بطنه وده كان وزير سابق ممكن يتعمل له في طره الف حساب ده عاوز شويه بلطاجيه علشان يربوه صح

تم تعديل 17 فبراير 2011 بواسطة خالد شحاته

[المهندسه]

عجبنى اوى الشعر ده فى مصراوى قولت انقله لكم بمناسبه القبض على احمد عز و حبيب العادلى

إمسك حرامى

إمسك حرامى إمسك حرامى

.........

بيضربى دايما أسفل حزامى

وضربه بيوجع مؤثر ودامى

ولا لاقي حد عنى يحامى

إمسك حرامي إمسك حرامي

.........

بيسرقني دايما فى صورة فاتورة

وحقه بياخده وفوق منه تورة

وله ذمة واسعة قايسها بمازورة

إمسك حرامي إمسك حرامي

.........

بيسرقنى دايما ويخرج لسانه

في كرسيه متبت ولازق مكانه

ويحلف يمين وعمره ما صانه

إمسك حرامى إمسك حرامى

.........

حرامي ارارى مصنف خطير

وعمره مايشبع وكرشه كبير

ويطلع يصرّح وعامل وزير

إمسك حرامي إمسك حرامي

..........

بيسرق فى عرقي ورزق عيالى

مقطع فى جلدي وجيبي اللى خالي

ولامرة حتى سايبنى في حالى

إمسك حرامي إمسك حرامي

.........

بيكسر لى ضهري ويلوي دراعي

ولا عنده قلب لبؤسي يراعي

ومن حضن بلدي يريد انتزاعي

إمسك حرامي إمسك حرامي

.........

بياكل فى لحمي وبيمص دمي

وكل اللى شاغله يزود في همي

وبلدى اللي أمه ماهى برضه أمي

إمسك حرامي إمسك حرامي

.........

بيسرق فى صوتى يسود يزور

ورايح لمجلس عنى يعبر

قرادة ولازقة ولن يتغير

إمسك حرامى إمسك حرامى

........

أبعد عنه لظلمه بظلمه يلاقيني

وأغمّض عنيه في نومي يجيني

وماعدت أملك سوى بس ديني

إمسك حرامي إمسك حرامي

.........

قوانينه واسعة و هفهافة

ويقول دى نزيهة وشفافة

وضميره محتاج لنضافة

إمسك حرامى إمسك حرامى

.........

لو كان عليا أسيبها و اهاجر

بس ها تيجي منين التذاكر

بحبك يا بلدي والحب شاطر

إمسك حرامي إمسك حرامي

.........

مسكتك يالص وجبتك بايدى

ها تسمع أنينى ونبضة وريدى

ويوم ما هايرجع كل اللى راح

هارفع راياتى وأعلن عيدى

مسكت الحرامى مسكت الحرامى

[أحمد سيف]

تهمة حبيب العادلي الوحيدة أنه فشل في قمع الثورة

كل المؤشرات تدلّ على أن الثورة المضادة التي حذرت منها قد بدأت وبكره أفكركم

[امير مجروح]

لحظة اعتقال حبيب العادلى فى مقر وزارة الداخلية

http://www.youtube.com/watch?v=eXfKBzbHuaU&feature=player_embedded

[aimen]

تهمة حبيب العادلي الوحيدة أنه فشل في قمع الثورة

كل المؤشرات تدلّ على أن الثورة المضادة التي حذرت منها قد بدأت وبكره أفكركم

اعتقد يا استاذ احمد ان غدا - ان شاء الله - حيشهد تصعيد للأمور من قبل شباب الثورة

ردا على التسويف اللى بيحصل ده والألتفاف على كل الطلبات

[pink rose]

لحظة اعتقال حبيب العادلى فى مقر وزارة الداخلية

http://www.youtube.com/watch?v=eXfKBzbHuaU&feature=player_embedded

يا فندم الفيديو دا غلط

دا عبداللطيف المناوي رئيس قطاع الاخبار و هو بيجري في ماسبيرو و الجيش هربه من الناس

[fatfouta]

لحظة اعتقال حبيب العادلى فى مقر وزارة الداخلية

http://www.youtube.com/watch?v=eXfKBzbHuaU&feature=player_embedded

ده المناوى يا امير

لما كانوا بيطلعوا الجيش من ايد العاملين بالاذاعة والتليفزيون اللى كانوا عاوزين يفتكوا بيه

[امير مجروح]

لحظة اعتقال حبيب العادلى فى مقر وزارة الداخلية

ده المناوى يا امير

لما كانوا بيطلعوا الجيش من ايد العاملين بالاذاعة والتليفزيون اللى كانوا عاوزين يفتكوا بيه

اسف استاذة فتفوتة يظهر فى خطأ مطبعى...

[عصام أبوالفتح]

محدش حقق مع العادلى فى احداث المظاهرات وقتل الثوار وانسحاب الشرطة ... وده صحيح .. اليوم السابع اللى رتبوا الكلام بطريقة تتعمد الاثارة

التحقيقات بتهم اخرى كغسيل الاموال وغيرها

وضحكت على عمرو الليثى لما رزع الجرنال غضبان بعد ما قرأ العنوان .. طب اقرأ التفاصيل يا حبيبى

اللخبطة دى سلوك يوضح حيرة وانفعال المطبلاتيه القدام ... وايديهم بترعش على الطبلة دلوقتى ومش عارفين يطبلو على انهى لحن

لا اصدق اان فى ثورة مضادة ولا حاجة ... هم فقط يرتعشون .. ويجب ان تستمر مظاهرات الجمعة للضغط لتحقيق المطالب وابقاء صوت الثورة اعلى من اصوات الطبل المرتعش

[سكر]

محدش حقق مع العادلى فى احداث المظاهرات وقتل الثوار وانسحاب الشرطة ... وده صحيح .. اليوم السابع اللى رتبوا الكلام بطريقة تتعمد الاثارة

التحقيقات بتهم اخرى كغسيل الاموال وغيرها

وضحكت على عمرو الليثى لما رزع الجرنال غضبان بعد ما قرأ العنوان .. طب اقرأ التفاصيل يا حبيبى

اللخبطة دى سلوك يوضح حيرة وانفعال المطبلاتيه القدام ... وايديهم بترعش على الطبلة دلوقتى ومش عارفين يطبلو على انهى لحن

لا اصدق اان فى ثورة مضادة ولا حاجة ... هم فقط يرتعشون .. ويجب ان تستمر مظاهرات الجمعة للضغط لتحقيق المطالب وابقاء صوت الثورة اعلى من اصوات الطبل المرتعش

كلام فى الجون وفعلا احيك عليه

[Ahmed Anwer]

تهمة حبيب العادلي الوحيدة أنه فشل في قمع الثورة

كل المؤشرات تدلّ على أن الثورة المضادة التي حذرت منها قد بدأت وبكره أفكركم

إن شاء الله كله هيكون كويس

أيام منتصف الثورة

فعلا كل الظروف كانت تدعو للتشاؤم

شباب ميدان التحرير كانوا بيتضربوا لو خرجوا من الميدان ،،

مش من أي جهات أمنية ،،، لأ من الشعب نفسه

كل المؤشرات كانت تدل علي فشل الثورة

قوي عالمية ضدها ،، شعب ضدها ،،، ثعلب عجوز ضدها

طب الجيش ،،، طب الحرس الجمهوري ،،،، الخ

أي محلل عاقل كان يوصل لنتيجة حتمية هيا الفشل

و أنا كتبت مشاركة هنا بنفس المعني التشاؤمي

و ردت عليا زميلة عزيزة مش فاكر اسمها ،، دي كلها متغيرات بس أنتا نسيت الثابت الذي لا يتغير

سبحان الله ،، كله أتغير فعلا و لأهون أسباب

بص إن شاء الله ،،، السيناريو اللي هيحصل

الناس دي هتفضل ،،، مع بعض التضحيات ببعض رموز النظام كأكباش فداء

و بعض التنازلات الحقوقية كل يوم ،، و الدستور هيتعدل بشكل مرضي

حتي يأتي يوم صندوق الانتخابات ،،،

هيجيي ناس جديدة مع الوقت

مفيش حد هيتساب ،،، يمكن قادة الجيش نفسهم هيتحاسبوا

الوقت و الصبر و اليقظة ،،، هم المطلوبين حاليا

+ التركيز علي القضايا الأساسية

مش مهم هناء السمري و سيد و لا أحمد عز و لا الريس لسه في شرم الشيخ

أنتا مش هينفع تحارب في خمسين جبهة

المهم نزاهة الانتخابات و حريتها و الرقابة الدولية و القضائية

زي الثورة نفسها حطت رحيل الرئيس ((( هدف أعلي و أهم )) و بعديه أي هدف تاني

[Om Zayd]

إن شاء الله كله هيكون كويس

أيام منتصف الثورة

فعلا كل الظروف كانت تدعو للتشاؤم

شباب ميدان التحرير كانوا بيتضربوا لو خرجوا من الميدان ،،

مش من أي جهات أمنية ،،، لأ من الشعب نفسه

كل المؤشرات كانت تدل علي فشل الثورة

***********

و ردت عليا زميلة عزيزة مش فاكر اسمها ،، دي كلها متغيرات بس أنتا نسيت الثابت الذي لا يتغير

مصرية متغربة .. ربنا يكرمها

سبحان الله ،، كله أتغير فعلا و لأهون أسباب

بص إن شاء الله ،،، السيناريو اللي هيحصل

الناس دي هتفضل ،،، مع بعض التضحيات ببعض رموز النظام كأكباش فداء

و بعض التنازلات الحقوقية كل يوم ،، و الدستور هيتعدل بشكل مرضي

حتي يأتي يوم صندوق الانتخابات ،،،

هيجيي ناس جديدة مع الوقت

مفيش حد هيتساب ،،، يمكن قادة الجيش نفسهم هيتحاسبوا

الوقت و الصبر و اليقظة ،،، هم المطلوبين حاليا

+ التركيز علي القضايا الأساسية

مش مهم هناء السمري و سيد و لا أحمد عز و لا الريس لسه في شرم الشيخ

أنتا مش هينفع تحارب في خمسين جبهة

احنا قلقانين ان دي تكون بوادر إعادة انتاج رأس جديدة للسرطان اللي كان بيحكم البلد

الثورة المضادة ..أو الإيحاء بها شيء مقلق

لا يصرفنا الهدف الأساسي عن الانتباه لها حتى لا نخسر كل شيء

المهم نزاهة الانتخابات و حريتها و الرقابة الدولية و القضائية

زي الثورة نفسها حطت رحيل الرئيس ((( هدف أعلي و أهم )) و بعديه أي هدف تاني

اليقظة مهمة جدا

اليقين و الايمان بالله مهم جدا جدا جدا

ممكن نخاف و نقلق بس نحول ده لطاقة إيجابية و ليس تثبيط و انهزام

متنسوش الدعاء

ربنا يحفظ بلادنا و يعزها

تم تعديل 18 فبراير 2011 بواسطة Om Zayd