اتحدى الا تبكى بعد ان ترى الفيديو

[raouf]

بدون اى مقدمات شوفوا الفيديو للاخر

http://www.youtube.com/watch?v=mUfMnUzrXMA&feature=youtube_gdata_player

[se_ Elsyed]

أنا قبلت التحدي ... ولم ولن ابكي

فياريته كان حرامي بس كان صلح حال البلد اللي كانت بٍكر

ياريته كان حرامي بس ما زرعش في البلد حاجات مازالت تؤتي ثمارها الخبيثة حتى الان ومنها عسكرة البلد كلللللللللللللللللللها وبقى في عسكري بيحكم في كل خرم

يا ريته كان حرامي وما كنش قتل الاف مؤلفة من شباب مصر في حروب لا ناقة لنا فيها ولا جمل ومنها حرب اليمن والحروب الأفريقية المختلفة

يا ريته كان حرامي وكانت وكسة 67 ما حصلتش نتيجة غباءة وغباء المحيطين به من كل جانب

- يا ريته كان حرامي وكان أسس بلد ديمقراطية شعبها الذي يحميها مش العسكر بره وجوه

[Simba]

أنا قبلت التحدي ... ولم ولن ابكي

فياريته كان حرامي بس كان صلح حال البلد اللي كانت بٍكر

ياريته كان حرامي بس ما زرعش في البلد حاجات مازالت تؤتي ثمارها الخبيثة حتى الان ومنها عسكرة البلد كلللللللللللللللللللها وبقى في عسكري بيحكم في كل خرم

يا ريته كان حرامي وما كنش قتل الاف مؤلفة من شباب مصر في حروب لا ناقة لنا فيها ولا جمل ومنها حرب اليمن والحروب الأفريقية المختلفة

يا ريته كان حرامي وكانت وكسة 67 ما حصلتش نتيجة غباءة وغباء المحيطين به من كل جانب

- يا ريته كان حرامي وكان أسس بلد ديمقراطية شعبها الذي يحميها مش العسكر بره وجوه

انا معرفش انجازاته بس اللي اعرفه انا واحد من اللي بيقعدوا علي الكرسي بيلزقوا بغرا

هو احنا مش بنعرف نبص لقدام لايه ابدا

ناس لسه بتبكي علي مبارك

وناس لسه بتبكي علي عبد الناصر

اه يا شعب

[عبير يونس]

مشفتوش و مش عايزة اشوفه

مادام بيتكلم عن عبد الناصر اللي حكم من 60 سنة

يبقى مش عايزة اشوفه

هو احنا كنا بندعو للتغيير عشان نرجع لورا تاني؟؟؟!!!

لازلنا نعيش في الماضي

و نبكي على الأطلال!!!

امتى حنعيش الحاضررررررررررر؟؟؟!!!

العيش في الماضي هو قمة السلبيات القاتلة

مفيش شك أن الماضي لو كان فكرتنا عنه حلوة بيبقى بالنسبة لنا أمان لأننا عرفناه

بينما المستقبل دايما في الفكر السلبي بيبقى مخيف

و بين الأمان اللي في الماضي و بالتأكيد ما عادش موجود

و الخوف من المستقبل اللي برضه لسه مش موجود

بيتوه مننا الحاضر

اللي احنا فيه

و نفضل مغيبين زي ما احنا

و ما نتحركش و لا خطوة

لم أبكي

و لن أبكي

أمامي حياة أريد أن أحياها

الآن

عذرا أستاذي

لا وقت للبكاء

[fatfouta]

بصراحة مافيش حاجة تتقال بعد كلام سى السيد و مصرية متغربة

تسلموا يا رب

[raouf]

انا قصدى فقط من ناحية الشرف والامانة يا شباب

من تاحية الوطنية صعب تجد من يحب بلده مثل عبدالناصر

عبدالناصر له سقطات واخطاء كثيرة وهى تقع فى فترات حكم كل الشعوب اللا ديموقراطية

غلطته اعتماده على ناس كانوا جيدين ولكن تغيروا بعد ان حكموا

فلا اتصور ان هذه اخلاق عبدالحكيم عامر قبل ات يكون ذو سلطة

وغيره وغيره

السلطة تغير الاشخاص وطباعهم

ولكن الاكيد انها لم تغير فى طهارة يد عبدالناصر وذمته المالية

ارجو ان تكون الفكرة وضحت

[Simba]

بصراحة مافيش حاجة تتقال بعد كلام سى السيد و مصرية متغربة

تسلموا يا رب

وسمبا لو سمحتي :closedeyes:

[fatfouta]

بصراحة مافيش حاجة تتقال بعد كلام سى السيد و مصرية متغربة

تسلموا يا رب

وسمبا لو سمحتي :closedeyes:

وسمبا كمان

[se_ Elsyed]

معليش يا صديقي رؤوف وإنت عارف إني باحبك

لا يُمكن للديكتاتورية والشرف أن يجتمعا سوياً

هاحكي لك حاجه ظريفة قوي .... كان زمان في جنبنا فرن بلدي .. فكان في ولد شغال فيه إسمه حسن .. الواد ده ما بيفوقش من المخدرات طول اليوم .... ففي مره كنا قاعدين ومتسلطن فبيقول لي : عارف يا أستاذ احمد .. أنا جربت كل أنواع المخدرات .. لكن الحمد لله وفضل ونعمه من ربنا ما جرتش حقن الماكس ولا مره

شوفت الإيمان والورع ؟

أهو أمثال عبد الناصر كده .... إيه فايدة الشرف مع يدكتاتورية متأصلة وكذب ونفاق ووعود براقه لم نحمل بها حتى مش مثلاً إتحقق منها 1 % حتى

فاكر أهداف الثورة ومنها :

1- إقامة حياة ديمقراطية سليمة

2- القضاء على الفساد

[عنبو]

انا طول عمرى بكره عبد الناصر وبقول عليه زعيم عصابه اللى هم مجلس قيادة الثوره وهم اساسا عباره عن كلب ومسك عضمه

شوف اللواء جمال حماد بيقول ايه عليهم

انا كنت بكره عبدالناصر والسادات مكنتش لا بحبه ولا بكره او بمعنى اصح مكنتش شاغل نفسى به قوى

بس بعد لما قريت كتاب للواء الشاذلى كرهت السادات

وطبعا بكره حسنى بالفطره من اول لما اتولدت وهو رئيس جمهوريه عمرى ما حسيت من جهته كده ان رئيس خالص

قولت يمكن انا مش مصرى او هو مش مصرى ولما كبرت شويه ولقيت الناس كلها مثلى قولت يبقى اكيد هو اللى مش مصر

عاوز رئيس مصرى احبه يا جماعه قبل لما اموت

ده الحلقه الاولى لجمال حماد احد قادة الثوره () وهتلاقى بقية الحلقات على اليوتيوب كامله

http://www.youtube.com/watch?v=Ok72X0aZjmw&feature=related

وده الحلقه الاولى لسعد الدين الشاذلى صانع حرب اكتوبر

http://www.youtube.com/watch?v=dC9em6D5UuI&feature=related

تحياتى

[عبد الله غريب]

السلطة تغير الاشخاص وطباعهم

ولكن الاكيد انها لم تغير فى طهارة يد عبدالناصر وذمته المالية

ارجو ان تكون الفكرة وضحت

وضحت يا رؤوف باشا، موافقك عليها.

و ممكن مع السلطة الضغوط الخارجية التي تسعى لتحويل الحاكم إلى جلاد لشعبه و حامي لمصالح تلك القوى الخارجية في بلده يعني يبقى كأنه شغال مندوب للقوى الخارجية و حارس لمصالحها في البلد و المنطقة، و هو ما لم يفلحوا فيه مع عبد الناصر، لا أدافع عنه لكن هذا ما أشعر به.

تم تعديل 18 فبراير 2011 بواسطة عبد الله غريب

[Alshiekh]

بدون اى مقدمات شوفوا الفيديو للاخر

طيب إسمع التسجيل ده وقل لى كيف يعرض هذا الرجل الغلبان 50000 ( خمسين الف جنيه ) لتسيير مظاهرات لتأييده وعدم عودة الضباط إلى معسكراتهم وترك الحكم للمدنيين ( عام 1954 ) ، هذا التسجيل هو جزء من برنامج إذاعى مصرى اسمه " شاهد على العصر "

http://www.googleithere.com/toeyma.mp3

[raouf]

يا شباب لا يوجد حاكم لم يكن له اخطاء او سقطات الا الخلفاء الراشدين وكام لهم بعض السقطات ايضا ولكنها بسيطة لا تقارن بما فعلوه

تفتكرو محمد على ؟

هل فيه حد يختلف على انه بانى مصر الحديثة

هل حد يختلف على انه بيحب مصر رغم ان اصوله ليست مصرية

ولكن مع كل هذا فهو ديكنانور

وورث مصر

واعتبرها عزبة خاصة له ولعائلته

ولكن عند الحديث عنه نتغاضى عن كل ذلك لانه بنى دولة قوية ومتقدمة حعلتها فى طليعة الدول

نصدقوا ان محمد على ارسل جيوش الى المكسيك ؟

اه والله المكسيك على حدود امريكا وكان بيحتل فى مناطق بجوارها

المهم سبب وضعى الفيديو اظهار طهارة يده مقارنة بشيخ المنصر اللى كان عندنا وليس مقارنة شاملة

[عنبو]

يا شباب لا يوجد حاكم لم يكن له اخطاء او سقطات الا الخلفاء الراشدين وكام لهم بعض السقطات ايضا ولكنها بسيطة لا تقارن بما فعلوه

تفتكرو محمد على ؟

هل فيه حد يختلف على انه بانى مصر الحديثة

هل حد يختلف على انه بيحب مصر رغم ان اصوله ليست مصرية

ولكن مع كل هذا فهو ديكنانور

وورث مصر

واعتبرها عزبة خاصة له ولعائلته

ولكن عند الحديث عنه نتغاضى عن كل ذلك لانه بنى دولة قوية ومتقدمة حعلتها فى طليعة الدول

نصدقوا ان محمد على ارسل جيوش الى المكسيك ؟

اه والله المكسيك على حدود امريكا وكان بيحتل فى مناطق بجوارها

المهم سبب وضعى الفيديو اظهار طهارة يده مقارنة بشيخ المنصر اللى كان عندنا وليس مقارنة شاملة

وهو هتفرق فى ايه يابشمهندس واحد بيسرق ويحط فى جيبه والتانى فاكر ان البلد دى عزبة وارثها عن ابوه

الاتنين ضيعوا البلد