من تاريخ السينما المصرية للرئيس المتنحى حسنى مبارك

[صافى]

كل احترامى للرئيس السابق لمصر السيد محمد حسنى مبارك احب اقولك جمله من تاريخ السينما المصريه

السيد محمد حسنى مبارك (اسف على الازعاج) انت عملت لينا اكبر(مطب صناعى) بأختصار انت كنت (وش اجرام ) وطوووول عمرنا بنقول عليك ( دبوررر) ودلوقتى بقى عندك (زهيمر) ...بأختصار انت طلعت (محترم ألا ربع ) كل الشعب بقى ينادى (جعلتنى مجرما) وعملتنا الحلو ( عسل اسود) ومن السجون ( العيال هربت ) وسرقت من عيونا الفرح انت فاكر مصر ( كبارية) وعامل فيها ( الزعيم ) كنا نقول يا عم عديها (حين ميسرة) لية يا يا كبير( هى فوضى ) بأختصااار سيدى الرئيس حسنى مبارك (طييييييييييييييييييييير انت )

ومره تانى انا فى غايه الاسف بس حبيت اوضح لحضرتك اللى كان فى صدورنا وصدر كل مصرى من ناحيتك ايه :)

[م تيمور المراغي]

دي لقطه للرئيس السابق في فيلم لكمال الشناوي اعتقد كلنا شوفناها

شوفوا زمان كان باين عليه النزاهه والكفائة

منهم لله بطانة السوء هما اللي افسدوه

ولا نعفيه من المسئولية لابد ان يحاكموا جميعا ,,

http://www.youtube.com/watch?v=kH_R9kQGJAo

[م تيمور المراغي]

معلش انتوا اللي نكشتوني بقى

http://www.youtube.com/watch?v=r0pI-3KJk2E&feature=related

زي النكتة بتاعت واحد راح يعمل عمره عشان يتوب من انه نازل تريقه ونكت على الصعايده صبح وليل ما بيبطلش نكت عليهم

المهم وهو واقف ادام الكعبه ورافع ايده للسما

وقاعد بقى بيتوب خلاص

جاله واحد صعيدي

يعني ساب المليون واحد اللي واقفين دول ومالاقاش غيره هو

المهم دخل عليه بيساله :

يا بلدينا يا بلدينا

ماتعرفش وحيات والدك ,,

اتجاه القبله فين !!!

قام الراجل باصص للسما وقايل

يارب خليك شاهد ,,

هما الي بينكشوني آهو ,,

:happy:

[صافى]

مشكور على الاضافة وانا اول مرة اشوف الفيلم الاولانى دة واتمنى ان ربنا يرحمة ويسامحة ويسامحنا ان كنا تقلنا العيار علية حبتين هو بردوة بنى ادم

[م تيمور المراغي]

مشكور على الاضافة وانا اول مرة اشوف الفيلم الاولانى دة واتمنى ان ربنا يرحمة ويسامحة ويسامحنا ان كنا تقلنا العيار علية حبتين هو بردوة بنى ادم

العفو يا استاذه صافي ولك من اسمك في فعلك نصيب ,,

لكن نقول ان العفو العام المشروط عنه

لظروفه الصحية ,,

يكون بعد محاكمته وادانته,,

فلا احد فوق القانون ,,