صورة نادرة

[Alshiekh]

التقطت هذه الصورة اليوم الجمعة 18/2/2011 للمصلين فى ميدان التحرير

[م تيمور المراغي]

ده ريكورد

لم يتحقق لاي صلاة جماعة في نفس اللحظة على مر تاريخ

ولا حتى في المسجد الحرام

الصبح لما اوصل مكتبي حعمل مقارنة بين المسطحين ان شاء الله مدعوما بالصور وحنزله هنا

اللهم اعز مصر ,,

[عبير يونس]

التقطت هذه الصورة اليوم الجمعة 18/2/2011 للمصلين فى ميدان التحرير

ما شاء الله و لا قوة إلا بالله

ما كان الله ليخذل يدي عبد رفعهما دعاء

فما بالكم بهذا الجمع الغفير

الله أكبر الله أكبر الله أكبر

الحمد لله الذي بنعمته تتم الصالحات

اللهم أتم علينا عدلك و كرمك يارب

آمين

[hOuSsAm]

التقطت هذه الصورة اليوم الجمعة 18/2/2011 للمصلين فى ميدان التحرير

انا مش مصدق عينى من المنظر

بسم الله ماشاء الله

سبحان من جمع العدد ده على قلب رجل واحد

تفتكروا اى دولة فى العالم بعد هذا المشهد تقدر تقول بم مع مصر

والله يا جماعة احنا اقويا اوى بس منهم لله الظلمة اللى فرطوا فى قوتنا دى

[م تيمور المراغي]

مجموع المساحات بعد توسعة خادم الحرمين ثلاثمائة وسته وستين الف ومائة وثمانية وستين مترا مربعا ( 366168) م2

واصبحت الطاقة الاستيعابيه للمصلين في المسجد الحرام في الظروف العادية بعد التوسعة 460 الف مصل ,, بحيث لو اضفنا اليهم مجموع المصلين داخل المسجد الحرام والسطوح والساحات اصبح الاجمالي 820 الف مصل يقترب في اوقات الذروة الى مليون مصل

العدد امس على اقل تقدير كان اكثر من مليون مصل

لكن بيني وبينكم لما عملت المقارنه ووحدت طبعا مقاسات الصور كانت النسب زي مانتوا شايفين وبتظهر مسطح المسجد الحرام اكبر مره ونصف من ميدان التحرير لكن مع اضافة الشوارع الجانبيه وميدان الشهيد عبد المنعم الرياض وحول المتحف المصري يبقى بالفعل عدد المصلين بالامس كان الاعلى تاريخيا منذ مبعث النبي صاى الله عليه وسلم

اللهم احفظ مصر وكل بلاد المسلمين

[المهندسه]

بسم الله ما شاء الله

عارفين يا جماعه و انا بتفرج يوم الجمعه عليهم ..قعدت اقول ...غريب اوى الشعب المصرى ده ..عنده صمود غريب و عجيب..مش بيخاف و ربنا خاصه بنوع اخر من انواع الشجاعه ال حبى بيها خلقه...اعتقد ان المصرى له تركيبه مختلفه سيكلوجيا و نفسيا....تستحق الدراسه...علشان كده هم خير اجناد الارض لان تركيبتهم مختلفه اكيد

انا فخوره بصمودهم برغم تخوفى ال ذكرته قبل كده...بس فخوره اوى ان هو ده المصرى ..

[Alattar]

سبحان الله العظيم

أتمني أن يتكرر هذا المشهد مرات و مرات

وزي ما قال أحد الأعضاء هنا من قبل مش فاكر اسمه بصراحة..و أعتذر له عن اقتباس مداخلته

ياريت نشوف جمعات و جمعات بعد كده...جمعة النظافة ..و جمعة التبرع بالدم

الناس تروح بالآلافات علي المستشفيات في المناطق المختلفة و يتبرعوا بالدم

و جمعة كفالة اليتيم..نلاقي الآلافات رايحين الجمعيات اللي فيها أيتام..و بيتصدقوا

و هكذا

[م تيمور المراغي]

ان شاء الله ده حيتكرر كل صلاة جمعه في مصر ,,

الناس استقرت ضمائرها على تلك الرغبة

المصريين بقوا عاملين زي مملكة النحل او النمل

الكل منتظم وله دور بدون اي اتفاق مسبق بينهم

نموذج من الوجدان الجمعي اللحظي لم يسبق له مثيل

موعدنا القدس

نحررها

ان شاءا لله ,,

[fatfouta]

يا الله

ده امبارح ده؟؟

الحمد لله انى مصرية....أحبك يا بلاى

وبعد المنظر ده انا مش خايف على بلدى مهما حصل لان الشعب خلاص عرف طريقه