نوارة .. إسراء .. أسماء

[Om Zayd]

السلام عليكم و رحمة الله و بركاته

انا ملاحظة ان تقريبا الكل ناقش الجزء الاول .. و ساب تماما الجزء التاني

اتنين في التحرير مع بعض .. كتبوا كتابهم هناك .. ما قالهاش .. خلاص روحي انتِ كفاية كده

على فكرة في عز الثورة كانوا عاملين حضانة في التحرير و شفت الاطفال قاعدين يرسموا و يلونوا

في يوم فاكرة ان 3000 طفل عملوا مظاهرة في قلب التحرير

المجتمع محتاج يعيد تفكير و تقييم حاجات كثير

لا أنكر انني لا افضل نزول النساء للمظاهرات عادة.. ربما خوفا عليهن .. لكن هذه المرة تختلف

هذه المرة كانت مصر كلها يجب ان تخرج و تنتفض ضد الظلم و القهر

لم يكن دور نساء مصر في التحرير و الميادين فقط

بالمناسبة وجعني قوي ان عمر عفيفي رأيه انها ثورة عوانس

مش لاقيين حد يتزوجهم لان الحالة الاقتصادية سيئة

[Simba]

التلاتة دول بحس ان عندهم فراغ عاطفي

حبوا انهم يملوه بالسياسي

وحاسس ان قريب هيخرجوا من اللعبة لا حصلوا سياسي ولا حصلوا عاطفي

يعنى كده بقى يا سمبا اى شاب مش متزوج يبقى نزل ووقف المظاهرات عشان عنده فراغ عاطفى برضو؟؟

يبقى ليها حق بقى المراة لما تعمل مظاهرة مليونية تطالب بحقوقها

يعنى الثورة قامت ومافيش فايدة برضو نظرتنا للبنت اللى مش متزوجة انها عانس ودماغها فاضية وعاوزة اى حاجة تشغلها وخلاص

كانوا بيتكلموا على المطالب الفئوية فى احدى البرام التليفزيونية وواحدة اتصلت قالت انا ليا مطلب فئوى مع انى متزوجة يعنى بس معلش اسمعونى

قالت انا نفسى بعد الثورة الناس تغير نظرتها للبنت العانس والست المطلقة....رد عليها المذيع وقالها عندك كل الحق

معنى كده ان الست المتزوجة بقى مالهاش فى السياسة ومش وطنية ومالهاش غير فى الطبيخ والغسيل وبس وخليها بقى فى المطبخ احسن

اتغيروا بقى دى الثورة قامت وانتوا لسه دماغكم اللى فيها فيها

وانت يا سى تيمور يا اللى كل شوية استنوا لما اكلم انجى اسألها...ماتعملناش حجة يا سيدى :closedeyes:

والله يا فتفوتة اي حد قال كلمة حق واي حد نزل وواجه قوات الامن علي راسي من فوق

لكن انا سمعت التلاتة في برامج كتير هما صحيح علي حق لكن مش بيقدروا علي حوار اللي قدامهم

مش بقلل منهم ولا حاجة لكن ما يكون فيه حد بيتصدر برامج وهيأثر علي الرأي العام يبقي فيه كلام تاني خالص

[Simba]

التلاتة دول بحس ان عندهم فراغ عاطفي

حبوا انهم يملوه بالسياسي

وحاسس ان قريب هيخرجوا من اللعبة لا حصلوا سياسي ولا حصلوا عاطفي

السلام عليكم و رحمة الله و بركاته

استاذي الفاضل

ممكن سؤال لو سمحت

هو حضرتك عرفت منين ان عندهم فراغ عاطفي......يعني حضرتك تعرفهم...."عاطفيا" قبل كده بشكل يدعو افتراض ان عندهم فراغ او امتلاء عاطفي

و هو حضرتك تعرف انهن كانوا رايحين التحرير عشان حبة سياسة و معاها حبة عواطف و ضربوهم في الخلاط و كتروا الدقة علي الوش

و بكده هما روحوا بالانتصار السياسي بس يا حرام لسه فيه حالة خواء عاطفي.....و طبعا جالهم حرقان من موضوع الدقة

معترضة علي فكرة حضرتك

حكمنا علي شخص منعرفوش......و افترضنا كمان انه خسر و لا كسب...بمعيار مين....و بمنطق مين

"احساس" حضرتك مش في محله

و ليك مني كل التحية

يا جماعة افهموني الله يخليكم

انا بقول لما يكون فيه حوار سياسي خصوصا في التلفزيون ويجيبوا لهم مضللين وحواه علشان يقلبوا الراي العام علي الثورة يبقي فيه هنا خط احمر

نوارة نجم انا قريت لها من فترة كبيرة وما بيعجبنيش اسلوبها

وهي هي بنفسها اللي كانت دايما تقول علي اي حد بيتكلم في التلفزيون بيتكلم عن اسمه مش باسم جموع الثورة مع انها هي اللي كانت متصدرة للكلام مع الجزيرة علي طول

دي البنت اللي اتعرف اسمائها لانها اتكلمت باسم الثورة وانا متأكد ان فيه مليون واحدة تانية ثقافتها سياسيا اعلي وطريقة حوارها

وجود اي حد بيتكلم عن الثورة من الثورة علي التلفزيون انا بكون حاطط ايدي علي قلبي لاني كنت بحس انها حرب تانية لوحدها خصوصا في الايام الاولي لما التلفزيون جند كل الحواه ومعدومي الضمير في حملة رجعت الناس مخها مغسول بتايد

[م تيمور المراغي]

من ثمار ثورة 25 يناير

المذيعات المحجبات يعدن إلى التلفزيون المصري بعد سنوات من الاستبعاد

فيما وصف بأنه إحدى ثمار ثورة 25 يناير، وافق اتحاد الإذاعة والتلفزيون المصري على عودة المذيعات المحجبات إلى الظهور مجدداً على شاشته بعد سنوات من الغياب القهري.

وكان رئيس الاتحاد د. سامي الشريف، والمشرف عليه اللواء طارق مهدي، قد اتخذا القرار بعد أن تبناه رئيس قطاع القنوات الإقليمية عادل معاطي، بالسماح للمذيعات المحجبات بالظهور على الشاشة وتقديم البرامج دون حساسية، كما كان الوضع طيلة العشرين عاماً الماضية.

إلى ذلك، رحب العديد من الإعلاميين بالقرار، واعتبروه بمثابة اعتذار لأكثر من 37 مذيعة محجبة تم منعهن من الظهور على مختلف قنوات التلفزيون المصري، كما اعتبروه تصحيحاً للمسار الإعلامي.

وقالت الإعلامية المحجبة لمياء فهمي عبدالحميد إن القرار انتصار للمذيعة المحجبة، مؤكدة مدى الظلم الذي تعرضن له طيلة سنوات المنع، مشيرة أيضاً إلى أن الإعلامية المحجبة شأنها شأن أي إعلامية أخرى تقوم بدور محوري في إدارة الحوار وتوضيح الرؤى بين ضيف البرنامج وبين المتفاعلين من الجمهور، وليست أقل كفاءة من غيرها، مشددة على أن الشاشة والجمهور هما الحكم.

تصحيح المسار

ووصفت الإعلامية سهير شلبي، قرار عودة المذيعات المحجبات إلى التلفزيون المصري بالعادل، وأنه جزء من تصحيح المسار الإعلامي الذي شابته أخطاء كثيرة خلال السنوات الماضية، مثل افتقاد العدالة في الأجور والاستعانة بمذيعات من الخارج رغم كفاءة العاملين بالتليفزيون الحكومي، بالإضافة بالطبع إلى خفض سقف الحرية.

وأضافت أنها لا تعلم السبب وراء منع المذيعات المحجبات من العمل، مؤكدة أن الحجاب لا يعني "صبغة دينية" كما كان يصفه البعض بقدر كونه جزءاً من مكون المرأة المصرية.

ورفضت شلبي التضييق على المذيعات المحجبات أو وضعهن في أعمال إدارية ما دامت لديهن الكفاءة والتمكن من أصول المهنة، مشيرة أيضاً إلى أنه لا ينبغي أن يقتصر أداء المذيعات المحجبات على البرامج الدينية، ودعتهن أيضاً إلى تقديم برامج اجتماعية وثقافية وإخبارية.

قوالب جامدة

وأوضح الإعلامي محمود سلطان، أن هناك معايير يجب أن تتوافر في مقدم أو مقدمة البرامج منها الشكل المقبول، سواء كانت المذيعة محجبة أم غير ذلك، وكذلك جودة الصوت، والثقافة الواسعة، أما غير ذلك فيعد قوالب جامدة رسخها التلفزيون المصري عبر سنوات طويلة، وكان من بينها منع مذيعات لمجرد أنهن محتشمات.

وأكد سلطان أن قرار منع ظهور المذيعات المحجبات كان خاطئاً منذ البداية، معتبراً عودتهن هو القرار الصواب لخلق ألوان مختلفة من الثقافات داخل التلفزيون الرسمي، الذي حررته ثورة 25 يناير من المحاذير الحكومية الجائرة.

الحجاب حرية شخصية

بدوره، أكد د. علي رضا، رئيس قسم الإذاعة والتلفزيون في كلية الإعلام جامعة القاهرة، أن الحجاب حرية شخصية ولا يتعارض مع ممارسة العمل الإعلامي، وأن قرار منع المذيعات اجتراء على الحرية، مؤكداً أن قرار إعادتهم يفتح المجال لإعادة التفكير والتنظيم لسياسات التعيين داخل التلفزيون الرسمي، والتي حرمت الإعلامية ذات المهارات الكبيرة من دخوله لمجرد التزامها بالحجاب دون النظر لجوانب موضوعية أخرى، مثل الثقافة والذكاء وسرعة البديهة والقدرة على استيعاب الآخر وربط الأفكار، والقدرة على التواصل، وهي الصفات والمهارات الأساسية التي يجب أن تتوافر في الإعلامي أو الإعلامية.

وأشار إلى أن قرار المنع السابق جاء في إطار سياسات النظم السياسية السائدة التي كانت ترى ممارسة الشعائر الدينية، مثل الصلاة أو الالتزام بالزي الشرعي كالحجاب نوعاً من التطرف تجب محاربته.

وكانت إدارة التلفزيون الرسمي ترفض منذ سنوات عودة المذيعات المحجبات للعمل على الرغم من حصولهن على أحكام قضائية بذلك، وقد سبق وعلق وزير الإعلام السابق أنس الفقي على ذلك قائلاً: "إن المحجبة مكانها المنزل لا العمل الإعلامي أمام الكاميرات، لأن المشاهد لا يرغب في الحصول على المعلومة من رمز ديني!".

وأطلت المذيعة المحجبة للمرة الأولى في التلفزيون المصري في مطلع السبعينات من القرن الماضي، حينما قررت المذيعة كريمان حمزة ارتداء الحجاب وسمح لها فيما بعد بإعداد برنامج ديني لا يتجاوز بضع دقائق.

بعدها ساد عرف غير مكتوب أو معلن داخل أروقة التلفزيون فحواه أن من ترغب في ارتداء الحجاب عليها أن تبتعد عن البرامج الجماهيرية والاكتفاء بالبرامج الدينية، لكن حينما طالبن بحقهن في تقديم مختلف البرامج رفض طلبهن فأصبحن أمام خيارين: إما التقدم بالاستقالة كما فعلت المذيعة كاميليا العربي، أو اللجوء إلى القضاء كما فعلت كل من رانيا رضوان وغادة الطويل ومها مدحت وهالة المالكي.

وبالفعل حصلن على أحكام قضائية من محكمة القضاء الإداري بإلغاء قرار منعهن من الظهور على شاشة التلفزيون، إلا أن هذا القرار لم ينفذ إلا بعد ثورة 25 يناير

[ابو محمود]

السلام عليكم و رحمة الله و بركاته

قريت التوبيك ده النهاردة أول مرة....و فوجئت من الربط الامني البوليسي بموضوع الزواج

وجهة نظري الخاصة التي لا الزم بها احد

انها الرغبة المحمومة في تشويه كل ما هو جميل

عندي قناعة ان ما كان ينقصنا في مصر هو ثقافة الجمال.....مش بس شوارع نضيفة و مباني جميلة.....لا ازاي عقلنا يحلل كل الامور بمنطق بيحث يري فيه شيء جميل

للاسف....الفكرة اللي ربطت بين عدم زواج البنات و حالة الفراغ.....هي جزء من منظومة القبح اللي غرقانين فيها

جزء من السلسلة الجاهزة اللي بيتحط فيها الولد قبل البنت...و بتبتدي بكلمة ذاكر....خش كلية (هندسة او طب).....اتخرج....اتجوز

و اي اختلال في اي حلقة من حلقات السلسة اللي معرفشي مين فرضها قالب جاهز ع البشرية يعني....زلازم اللي يفلت منها لازم تطوله نظرية القبح دي

نظرية القبح تعالي اسمعيها.....مقترنة بعبارة..."يا عيني"

لو البنت جميلة......يا عيني.....ما هي حلوة اهه

لو البنت راقية....يا عيني......ما هي مش لاقية حد كويس

لو البنت سعيدة و راضية بحياتها.......يا عيني اصلها بتداري

لو البنت اشتغلت في عمل تطوعي عشان هي اتربت علي ده......يا عيني اكيد بتدور علي عريس بس بطريقة جديدو

لو البنت انخرطت في اي عمل سياسي.......يا عيني اصلها عندها فراغ و عايزة تملاه....(و بعدين فراغ ايه اللي يتملي عن وجود كائن انساني....بحالة عشق للوطن)

لو البنت كتبت شعر....يا عيني......أصلها عايشة حالة......يالا مش هنفرح قريب....(طب مش يمكن هي كده فرحانة)...او يجي اي بني آدم انسانيا هش يتخيل انها صيدة سهلة

لو البنت معملتشي و لا حاجة من اللي فوق دولم و رضيت انها تموت اكلينيكيا......و عقليا و روحا......يا عيني....احنا عارفين انتي بختك قليل كده ليه

اهي نظرية..."يا عيني" ....جك قلع عينك ياللي بتقول كده...(و آسفة في اللفظ).....هي تجسيد حي لكل مفردات القبح اللي عايشين فيها

و بلاش ننسبها للثروة....هي الثورة هتعمل ايه و لا ايه

الثورة زي ما بتفجر ملفات الفساد.....كمان بتعري حالة "القبح في الافكار"

الثورة مش بس ميدان تحرير...لو متغيرناش من جوانا و اتغيرت مفردات القبح اللي فعلا..."يا عيني" عمت عينينا ان احنانفتكر ان

عشق الوطن...حالة استثنائية غير حالة عشق الرجل...فيه رجل ممكن يكون وطن....بس مش ممكن كل الوطن نختصره في "رجل"

ايماني بمبدأ اني لازم انزل السفارة دلوقتي......و من ورا اهلي.....و لما روحت ملقتشي غير احمد.....محاط ب 3 بنات زيي

ساعتها مبصتشي ان "احمد"....ده منتهي الرجولة.....و لا البنات.....اللي كان متواجدين منتهي الانوثة

ساعتها مبصتشي انت في البطاقة مكتوب ايه...متجوز و تعول و لا مستني و لا محبط...و لا متنيل علي عينك

ساعتها مفكرتش احنا مين و لا فين....ساعتها كلنا كنا بنقول

"ياعيني "....

بس مش علينا......

مش علي ريهام.....

و لا علي احمد..

.و لا علي بسنت..

.و لا علي اروي

يا عيني علي مصر اللي كنا خايفين تضيع مننا و احنا في قارة تانية...و حسينا ان الغربة خلاص موتتنا ببطء

و احساس الغربة خنقنا و نزلنا الشارع....

يمكن معملناش حاجة.....و زي ما روحنا زي ما جينا

بس كنا واقفين في كتف بعض

و ماخدناش بالنا ان اللي ف كتفي ده ولد.....و انا "يا عيني" بنت

الثورة اللي عرت الفساد.....اهي بتعري القبح

و زي ما احنا كرهنا الفساد.....و هنحاربه

هحارب القبح

مؤمنة بثقافة الجمال.....مؤمنة ان الفكر لازم يكون جميل

و غير كده

يبقي معنديش غير اقول....."يا عيني" مصحوبة بمصمصة شفايف

تحياتي

بنات مصر ارجل من 1000 راجل وخليها فى سركم مصر خلفت بنات وشباب خلصونا من العار وياريت كل من ير يد ان يكتب كلمتين يحسس الاول علشان ما حدش يزعل منة ولا خلاص مش قادرين نتخلص من ما قبل الثورة

مصر اتغيرت ياريت بقى ننفض التراب من على عقول من يريد ان يرجعنا الى مين وفين ولية .....

انا مؤيد لكلام الاستاذة وياريت محدش يقلل من البنات ودورها فى المجتمع

[م تيمور المراغي]

بنات مصر ارجل من 1000 راجل وخليها فى سركم مصر خلفت بنات وشباب خلصونا من العار ...........

[م تيمور المراغي]

لا أنكر انني لا افضل نزول النساء للمظاهرات عادة.. ربما خوفا عليهن .. لكن هذه المرة تختلف

هذه المرة كانت مصر كلها يجب ان تخرج و تنتفض ضد الظلم و القهر

[Diab]

لا أنكر انني لا افضل نزول النساء للمظاهرات عادة.. ربما خوفا عليهن .. لكن هذه المرة تختلف

هذه المرة كانت مصر كلها يجب ان تخرج و تنتفض ضد الظلم و القهر

;) ;) ;) ;) ;) ;)

:lol: :lol: :lol:

تم تعديل 15 مارس 2011 بواسطة Diab

[suzuran port]

يعنى انت دلوقتى يا صاحب الموضوع عملت موضوع استفزيت بيه كل الاعضاء تقريبا بصراحه طلعت احلى ردود رغم اختلاقى على طريقتك الموجوده فى الموضوع مكنش لازم الاستفزاز لانك سمعت كلام وحش كتير

[م تيمور المراغي]

عروستي :happy:

الكلام لاركتيكت ام لام زيد ؟؟

تحيتي ,,