لماذا منع حرس القرضاوي وائل غنيم من إعتلاء المنصة ؟

[Diab]

لماذا منع حرس القرضاوي وائل غنيم من إعتلاء المنصة ؟

حد عنده إجابة

إمبارح تقريبا مكنش في حد غير الأخوان علي منصة ميدان التحرير حتي صلاة الجمعة

القرضاوي وصفوت حجازي

ليه حرس القرضاوي منعوا وائل غنيم من المنصة

صفوت حجازي لما صحفي سأله في ندوة في نقابة الصحفيين علي وضع الأخوان بعد الثورة وايه اللي هيعملوا في الأنتخابات كان هياكله واتعصب عليه

إيران بعتت سفن حربية في قناة السويس لأول مرة من أيام ثورة الخوميني

عودة القرضاوي

طارق البشري علي رأس اللجنة

فتح المعبر في نفس يوم ما قال القرضاوي أفتحوا المعبر

هو ايه اللي بيحصل في البلد

يا أركتكت ما تسألنا الجماعة بتوع 6 أبريل ايه اللي بيحصل خلف الكواليس

تم تعديل 19 فبراير 2011 بواسطة Diab

[عبير يونس]

لماذا منع حرس القرضاوي وائل غنيم من إعتلاء المنصة ؟

حد عنده إجابة

إمبارح تقريبا مكنش في حد غير الأخوان علي منصة ميدان التحرير حتي صلاة الجمعة

القرضاوي وصفوت حجازي

ليه حرس القرضاوي منعوا وائل غنيم من المنصة

صفوت حجازي لما صحفي سأله في ندوة في نقابة الصحفيين علي وضع الأخوان بعد الثورة وايه اللي هيعملوا في الأنتخابات كان هياكله واتعصب عليه

إيران بعتت سفن حربية في قناة السويس لأول مرة من أيام ثورة الخوميني

عودة القرضاوي

طارق البشري علي رأس اللجنة

فتح المعبر في نفس يوم ما قال القرضاوي أفتحوا المعبر

هو ايه اللي بيحصل في البلد

يا أركتكت ما تسألنا الجماعة بتوع 6 أبريل ايه اللي بيحصل خلف الكواليس

سبحان الله

يعني الشيخ كان بيخطب خطبة الجمعة

وائل غنيم كان حيطلع يقول ايه؟؟؟

و ايه علاقة الكلام ده بإيران؟؟

هو الشيخ القرضاوي متعاون كمان مع المد الشيعي؟؟؟!!!

و التشكيك في طارق البشري كمان

المعبر كان لازم يتفتح لأن اغلاقه كان واحدة من جرائم النظام البائد

و بعدين سبحان الله الشيخ القرضاوي كان بيؤكد كل شوية على الوحدة الوطنية

مخاوف حضرتك انها تقلب ثورة اسلامية مش في محلها

و مش حتنفع في مصر

تركيبة مصر مسلمين و أقباط

لا تمت من قريب و لا بعيد بتركيبة إيران

لا إله إلا الله

ده همة ثايرين على ثورتهم الاسلامية منذ عام 1979

يا ريت نبطل ندي إيران أكبر من حجمها

و بلاش نردد اشاعات الحرب النفسية اللي عايزة تهلكنا

عشان منعرفش نقيم راسنا تاني

و نفضل محلك سر

[Diab]

مصر بلد مسلمة وهتفضل إن شاء الله

الموضوع مش شائعات

ترتيب الأحداث بالتسلسل المنطقي عجيب

والموضوع مش مد شيعي قد ماهي حكاية مصالح

انتماء القرضاوي للأخوان معروف ولازال

ارتباط الاخوان بحماس موجود

ارتباط حماس بإيران موثق

احنا اللي بنحذر من الثورة المضادة واعضاء اللجنة الإلكترونية وغيرهم كل ده كلام حلو

لكن مصر صيد ثمين

بل أثمن صيد لبلد علي وجه الأرض

حكاية ان احنا نعمر بلدنا ونطورها وشوارع حلوة وخدمات ونحترم إشارة المرور والحاجات الحلوة دي

ياريت

بس التفاؤل الزيادة عن اللزوم يبقي تغييب

السياسة قذرة

واللي عاوزين نفضل في الحضيض كتير

كتير قوي

أحذر عدوك مرة وأحذر صديقك ألف مرة

ملحوظة أخيرة

حكاية ان احنا ندي ايران حجم اكبر من حجمها

لا معلش ايران للأسف قوة مهم جد

ا زي ما موسكو كانت قبلة الشيوعية

زي ما امريكا قبلة الرأسمالية

قم هي قبلة الشيعة بمزاجنا غصب عننا هي دي المشكلة

حضرتك إقرأي سبب المشكلة في البحرين هتعرفي

تم تعديل 19 فبراير 2011 بواسطة Diab

[tarek hassan]

على فكرة قرار فتح معبر رفح قبل الخطبة وليس بعدها كما جاء في التليفزيون المصري

[م تيمور المراغي]

.......................

يا أركتكت ما تسألنا الجماعة بتوع 6 أبريل ايه اللي بيحصل خلف الكواليس

اللي اعرفوا ان مافيش اي خلافات على الاطلاق مابين وائل غنيم والاخوان المسلمين بالعكس الاتنين اعضاء في ائتلاف شباب الثوره ويوميا على اتصال مع شباب العدالة والحريةو حملة دعم الدكتور البرادعي و شباب حزب الجبهة الديموقراطي

حتى غنيم احتمال يحضر حفل التعارف الليله للاعضاء الجدد في الحركه

شويه وحتصل حاضر يا ديبو عشان فرق التوقيت واجيب الاخبار ,,

[Alshiekh]

لماذا منع حرس القرضاوي وائل غنيم من إعتلاء المنصة ؟

حد عنده إجابة

إمبارح تقريبا مكنش في حد غير الأخوان علي منصة ميدان التحرير حتي صلاة الجمعة

القرضاوي وصفوت حجازي

ليه حرس القرضاوي منعوا وائل غنيم من المنصة

صفوت حجازي لما صحفي سأله في ندوة في نقابة الصحفيين علي وضع الأخوان بعد الثورة وايه اللي هيعملوا في الأنتخابات كان هياكله واتعصب عليه

إيران بعتت سفن حربية في قناة السويس لأول مرة من أيام ثورة الخوميني

عودة القرضاوي

طارق البشري علي رأس اللجنة

فتح المعبر في نفس يوم ما قال القرضاوي أفتحوا المعبر

هو ايه اللي بيحصل في البلد

يا أركتكت ما تسألنا الجماعة بتوع 6 أبريل ايه اللي بيحصل خلف الكواليس

أولا وائل غنيم ليس إلا شخص لمعه النظام حتى يغطى به على المحركين الحقيقيين للثورة ، واعتقد كفاية عليه الدعاية التى عملها النظام له فهناك الكثيرين لم يتم حتى الإشارة إلى اسمائهم فى الإعلام الحكومى والخاص.

ثانيا الشيخ القرضاوى لم يكن له دور فى الثورة ، فلا هو دعا للثورة ، ولا الناس هتفت بإسمه ليعود ، ولا الجماهير فكرت يوما ان تنادى بعودته ، ومجيئه فى رأيى هو عمل كنت سأفعله لو كنت فى بلد قريبة من مصر حتى أشارك الأهل والأصدقاء فرحة تحقيق حلما عشنا نتمناه كثيرا ، وهو لم يفعل أكثر مما تمنيناه ، وصعوده للخطابة ليس فيه أى إشارة لاعتلاء الإخوان أكتاف الثورة لأنهم يعرفون حجمهم الحقيقى فى الشارع المصرى وهم غير مستعدين البتة لأن يقودوا البلاد.

ثالثاالموافقة على مرور سفن ايران العسكرية ، فمن اسبوعين كانت هناك سفن حربية أمريكية عبرت قناة السويس وهى تمر باستمرار ، ماالفرق إذن؟

رابعا فتح معبر رفح ، أنت تعلم انه نظرا للأحداث التى حدثت فى مصر وانعدام الأمن فقد كان المعبر مغلقا لدواعى أمنية ، وقرار فتح المعبر ليس بصفة دائمة وإنما لتسهيل دخول وخروج العالقين فى الجانبين .

دى كلها أمور عادية ويكفى أن نراقب ولا نثير بلبلة وإذا جدت فى الأمور أمور فنحن موجودون والشعب موجود.

[عبير يونس]

مصر بلد مسلمة وهتفضل إن شاء الله

الموضوع مش شائعات

ترتيب الأحداث بالتسلسل المنطقي عجيب

والموضوع مش مد شيعي قد ماهي حكاية مصالح

انتماء القرضاوي للأخوان معروف ولازال

ارتباط الاخوان بحماس موجود

ارتباط حماس بإيران موثق

ايران - حماس- الإخوان

ليس مثلث متساوي الاضلاع

بل انه مجرد زاوية ضلعاها غير مرتبطين لكنهما يلتقيا في نقطة (حماس)

حماس تنال تأييد من يؤمنون بالحاكمية لله سواء من السنة أو الشيعة

و ده مش معناه إن الأخوان حيسمحوا بالمد الشيعي

حماس هي النقطة المشتركة و هي صاحبة المصلحة من ايران و الإخوان

خط الشيعة ممتد في جهة

و خط الإخوان في اتجاه آخر

و عمرهم ما يتقابلوا

احنا اللي بنحذر من الثورة المضادة واعضاء اللجنة الإلكترونية وغيرهم كل ده كلام حلو

لكن مصر صيد ثمين

بل أثمن صيد لبلد علي وجه الأرض

حكاية ان احنا نعمر بلدنا ونطورها وشوارع حلوة وخدمات ونحترم إشارة المرور والحاجات الحلوة دي

ياريت

بس التفاؤل الزيادة عن اللزوم يبقي تغييب

السياسة قذرة

واللي عاوزين نفضل في الحضيض كتير

كتير قوي

أحذر عدوك مرة وأحذر صديقك ألف مرة

كلام حضرتك سليم

و أنا مطلبتش تفاؤل زيادة

بالعكس تماما

قلت مرة في أحد مداخلاتي

ان التفاؤل شديد يؤدي للإحباط الشديد و السريع

بس كمان منقعدش نضرب أخماس في أسداس

و نتصور أبشع السيناريوهات المحتملة!!!

خير الأمور الوسط

و تفاءلوا بالخير تجدوه

ملحوظة أخيرة

حكاية ان احنا ندي ايران حجم اكبر من حجمها

لا معلش ايران للأسف قوة مهم جد

ا زي ما موسكو كانت قبلة الشيوعية

زي ما امريكا قبلة الرأسمالية

قم هي قبلة الشيعة بمزاجنا غصب عننا هي دي المشكلة

حضرتك إقرأي سبب المشكلة في البحرين هتعرفي

البحرين تنتهز فرصة لا أكثر

و يمكن بتشجيع من إيران

لا أستطيع أن أجزم

حكام البحرين السنة همة اللي بيخافوا من إيران و المد الشيعي الحقيقي

و اللي أرضيته ممهدة تماما في البحرين ذات الأغلبية الشيعية

بينما الصورة مختلفة تماما في مصر

[Diab]

شكرا للجميع علي التوضيح

استاذ محمد

استاذة مصرية مغتربة

ومنتظر الأخبار باشمهندس تيمور

[mekkawy]

في العالم مرض اسمه الاسلاموفوبيا

و في مصر المرض ده اسمه الاخوانوفوبيا

خلوني أرد بما أعلم و بما أرى:

أولاً: الشيخ القرضاوي ليس له حرس .. و أنا راجع من مصر لجدة من شهرين الشيخ كان معايا على نفس الطيارة .. مكنش معاه اي حد اللهم الا موظف مسانده لأن الشيخ كبير جداً و بيتحرك بصعوبة

ثانياً: الشيخ القرضاوي رئيس أكبر هيئة لعلماء المسلمين فشرفاً للجميع أن يخطب هو هذه الجمعة المباركة .. فمصر دائماً و أبداً وجهة العلماء.

ثالثاً: الصورة لا تعبر عن أي منع ولا تحمل هذا العنوان المجلجل عن منع وائل غنيم

رابعاً: وائل غنيم شاب زي كل شباب الثورة يطلع أو ينزل من على المنصة مش هتفرق

خامساً: المنصة كانت مليانة ناس كتير جداً من غير الاخوان .. و لا أظن التنظيم إخواني لأن الإخوان مش هيجيبوا مغني يغني .. و هل وائل الابراشي إخوانجي؟

سادساً: لو كل اللي كانوا على المنصة إخوان .. يبا مصر كلها بقت إخوان و يا مراحب يا مراحب

سابعاً: الشيخ قال في خطبته و دعا لحرية و مدنية لا تحكمها (جنس ولا عقيدة ولا دين) ....

إزيك بجــــــة

[Diab]

الاخوان بيتبعوا مبدأ خدوهم بالصوت

بص يا مكاوي

لو نفخت في واحد من الاخوان

فوووووووووو

شوية هوا بس

هيطلع يقولك اي يا عيني

الحقوني بيكهربوني

وتبدأ الميديا في فيديوهات اليوتيوب

والمظاهرات علي سلم نقابة المحاميين و تحس أنك قتلته

بالمناسبة انا قصدي انك عملته فوووووووو بعد الثورة مش ايام مبارك

مبارك نكل بيهم نعم

ضخم من قدرتهم بصورة مهولة وابتز الكل بيهم

لكن تقول انهم نفرين تلاتة وعصافير الجنينة وان غرضهم ان الناس سوا سوا مع بعضيها فسوري يبقي انت باصص علي قمة جبل الجليد ولا تعرف عن الأخوان غير قليل

مثال أخير وأكيد مريت بيه

فاكر لما كنت بتبقي قاعد بين المحاضرات ويدخل واحد يمسك المصحف ويقرأ بصوت عالي عشان يسكت الكل بالعافية عشان واحد جنبه هيقول كلمتين

كنت تقدر تفتح بقك وتكمل كلامك

كنت هتعتبر نشاز وتسقط من نظر دفعتك انك لا تحترم كلام ربنا

نفس الكلام بقي بس علي أوسع

الاخوان هيعملوا كدة في الحياة السياسية

لو خالفتهم يبقي انت مش بتحب الدين وعاوز مصر علمانية

للأسف مصر فيها تفسير مختلف للأسلام

في اسلام علي طريقة السلفيين

واسلام بتاع الجماعات الاسلامية وموجودة وعملوا مؤتمر في اسكندرية قريب

وكل واحد منهم في ناحية ولا يوجد نقطة إلتقاء بينهم

تحب تقرأ كتاب إسكات الكلب العاوي يوسف القرضاوي بتاع مقبل الوادعي اللي يعتبر من أكبر شيوخ السلفية

ياعم انت بتتكلم في ايه الموضوع علي كبير وواسع قوي

بالمانسبة الموضع ده ليس للنقاش وليس لطرح الشائعات احنا عاوزين نسلم البلد لربان ماهر يقدر يمسك دفة السفينة بين الامواج الهادرة اللي حوالينا وفي كتير

لكن بالنسبة لي لا زويل و لا محمد غنيم ولا الجنزوري ولا الناس دي

انا عاوزين

رجل بيحب البلد دي + سياسي + طاهر اليد + مستقل بدون أيدوولوجيات

يا جماعة انا متعاطف مع الكل مسلم مسيحي سلفي اخواني

كلنا مصريين بس العملية مش بالسذاجة اللي بيتم بيها الطرح

تم تعديل 19 فبراير 2011 بواسطة Diab

[wsadani]

بسم الله الرحمن الرحيم

بصراحة يصعب على تحليل الموقف الحالى فكما أرى ان الثورة المصرية فاجأت العالم كله ولكن بعد المفاجأة التى أخذت يوم أو أثنين أنكبت ثلاثة دول على دراسة الوضع ( بيذاكروا من أول وجديد)

أيران- أمريكا -اسرائيل

أيران وجدت الفرصة سانحة الأن فها هى مصر القوى الأقليمية التى تقف أمام المد الشيعى بقوة وتدعم السعودية أمامها بعض من الوقت لتلفت لسياستها لخارجية بل زادوا فى ذلك الى محاولة تصوير أن الثورة فى مصر مثل الثورة الايرانية

وبدأ الخطوات الفعلية فى البحرين التى وان تم لهم المراد فسوف يمتد لهم الأمر الى السعودية

أمريكا من جهة ليس أمامها الا دهم السعودية ومحاولة دعم مصر بسرعة للعودة الى وضعها الطبيعى

أسرائيل من جانبها تحاول الضرب فى حزب الله الموالى لايران

لا أعلم تحديدا هل الصورة بهذا الشكل ام ان هناك أجزاء أخرى لم تكتمل وهل سيدخل لاعبون أخرون فى هذا الصراع أم لا

تساؤلات كثرة فى هذه الفترة

[ComingSoon]

حكاية المد الشيعي اصلاً من اختراع ال سعود عشان يستمروا في سرقة ونهب خيرات الجزيرة العربية

وعشان يبررروا للشعب وقوفهم المخزي مع امريكا في كل مكان

اما نكون مع امريكا او مع ايران

وطبعاً الشعب السني المرعوب هيختار الوقوف الي جانب الدولة الصليبية الشقيقة خوفاً من المد الشيعي

وتوتا توتا خلصت الحدوتة

[م تيمور المراغي]

...........

ومنتظر الأخبار باشمهندس تيمور

انا اتصلت بالحركة يا دياب والرد كان كالتالي :

1- موقف الحركة من وائل غنيم ايجابي وليس سلبي وهو حائز على رضاء ودعم الائتلاف الشعبي بالكامل ومنهم شباب الاخوان المسلمين والذين كما هو معروف عنهم على اتصال وثيق وتنسيق مباشر مع قياداتهم وموحدين موقفهم بالطبع تجاه كل طيف سياسي او شخص مؤثر موجود على الساحة ,,

2 - وائل غنيم ليس عضوا في ائتلاف شباب الثوره والذي يضم بالاضافة الى الحركة شباب العدالة والحريةو حملة دعم الدكتور البرادعي و شباب الإخوان المسلمين و شباب حزب الجبهة الديموقراطي ولكنه يحوز على الثقة ,,

دي المعلومات اللي اتقالت لي يا دياب بخصوص غنيم ,,

تحيتي ,,

[Diab]

شكرا يا تيمور

بعد ما الشعب الليبي يخلع العبيط القذافي -إن شاء الله - نعمل دوري الشعوب المتحررة

بس الزمالك هيبقي الرابع برضه :P

تم تعديل 19 فبراير 2011 بواسطة Diab

[جويرية]

حملة دعم الدكتور البرادعي

سؤال خارج الموضوع بعد اذنك يا باشمهندس

مش هوه البرادعي الحمد لله قال انه مش حيرشح نفسه

[hOuSsAm]

شكرا يا تيمور

بعد ما الشعب الليبي يخلع العبيط القذافي -إن شاء الله - نعمل دوري الشعوب المتحررة

بس الزمالك هيبقي الرابع برضه :P

بمناسبة الزمالك والدورى

احنا بردوا لما نروح نلاعب تونس او الجزاير على ارضهم هنتضرب العلقة التمام ولا خلاص كدة هتبقى روح الرياضة هى السايدة

بما اننا بقينا شعوب ثورجية زى بعضينا

والله يا جماعة لو تحصل مبادرة كروية بعمل مباريات ودية بين الشعوب المتحررة حتى الان لدعم اقتصاديات بلادها وكمان لنشر روح الرياضة والتعاون والحب بين الشعوب العربية

وعشان نورى للعالم اننا كشعوب عربية بنحب بعض وان اللى كان بيوقع بينا ايدى خفية تحمل اجندات وكشاكيل وكراريس (الا فين الراجل اللى كان واقف ورا الراجل بتاع الاجندات)

[ابو محمود]

الشيء الوحيد اللى كسبناة من النظام الفاسد هو تمكن اعلامة من اصابتنا بالحول او التلقى السمعى مع انتفاء دور العقل والتفكير لما نسمعة ونجح فى خلق واستفحال حالة التشكيك والتضخيم فى عقولنا لكل من يقاومة او ينتقضة ولو كان صاحب فكر او اتجاة مضاد للنظام وعلى مدى ثلاثون عامآ نجح النظام الى تحويل الشعب المصرى .. اغلبيتة ... الى ودان تسمع وفم ينطق وعيون تسجل مشاهد .

مما سهل لة ابتزاز عقولنا وتوهان مرضى لها ومما يدعو للدهشة ان كثيرآ من ابناء الشعب خلطو بين المنهج السنى والشيعى والغريب انهم ايضآ خلطو بين مصالح قومية ومصالح شخصية فأصبح من الطبيعى ان يختلف رئيس الدولة (رأس النظام ) مع دولة اخرى لها (رأس نظام ) فيتم قطع الاتصال والعلاقات مع العبث بمصالح افراد هذة الدول فنج مثلآ ان الشعب الموجة اعلاميآ يتباهى بخسائرة ويتقبلها لان رأس نظامة لابد ان نحافظ علية وعلى كبرياءة .. وهذة مصيبة نظام فاسد لا زالت لة اذناب تحاول افاقة القطيع من الصحوة التى اشعلتها جموع شباب مصر ممن تخلصو من تلك التأثيرات الاعلامية بغسل عقولهم من خلال مراجعة ما يتلى عليهم من ابواق الاعلام بأن مرروة الى العقل ليتم فلترتة ومن ثم ازالة العوالق الفاسدة منة وتخريج نتائج من الفم بالكلمات تكون كفيلة بتغيير الهدف مما نتج عنة ان الشعب المصرى افاق من الغيبوبة ونزل الى الشارع مع ابناءة ليقول لا للفساد

[Simba]

حاولت مرارا و تكرارا أن أمسك نفسي عن الرد على كل ما أقرأه من إتهامات لوائل غنيم, لكن بصراحة, مش قادر أسكت أكتر من كدا, أولا أحب أوضح إن ماليش أي علاقة بوائل ,ولا أعرفه على الصعيد الشخصي أو العملي, لكن أنا فعلا مستفز بشدة من كمية الغباء و الإنسياق الأعمى وراء الثورة المضادة إللي دعمها شوية ناس ما عندهمش منطقية في التفكير بجد و إللي مالين البلد دي و أضروها طول عمرها بجهلهم أكتر من الفساد إللي كلنا عارفينه, يعني زي ما بيقول المثل: عدو عاقل خير من صديق جاهل

أولا: ترجمة جوجل

إنتوا عارفين شغلانة وائل غنيم إيه بالظبط في جوجل؟ مدير تسويق, يعني من الآخر كدا, بيبيع خدمات جوجل و إللي معظمها تسويق على الإنترنت, يعني الراجل شغلو ملوش علاقة بنظم التطوير داخل جوجل وإللي أعداد الموظفين فيها بالآلاف و لا تخضع لسيطرة مدير مدير مدير وائل أصلا, لإنها في إدارات تانية خالص, يعني إللي بيقولو إن دي مشكلة وائل, زي إللي يروح شركة إتصالات و يوقف عند الراجل بتاع الخازنة إللي بتدفع له فواتيرك, و يمسك في رقبته ويقوله: إنتوا ليه طلعتوا يسرا في إعلانكوا و ماجبتوش عادل إمام, يبقى إيه رأيك في الموقف ده؟ تقول على الزبون محب عادل إمام إيه بالظبط؟

و إن كان منصب وائل و سياسة الشركة تسمحله إنه يبعت و يقول يا جماعة فيه غلط في حاجة في أحد منتجاتنا أو خدماتنا, و ده إللي و ائل عمله باختصار في الفترة إللي فاتت, و للأسف إللي إنتوا ما تعرفوهوش طبعا إن معظم الشركات العالمية إللي سيادتكم بتستخدموا خدماتها بداية من إنتل إللي بتصنع البروسيسور لجهاز الكمبيوتر إللي إنت قاعد عليه حاليا, و إنتهاءا ببرامج الموبايل التافهة , فرق البحث و التطوير بتاعتها لا تخلوا من موظفين يهود أو إسرائيليين, عارفين ليه؟ عشان النظام إللي كان حاكمك 30 سنة كان موجه طاقة شبابك كلها لماتشات الكورة و الفيديو كليبات و إللي عاوز يعمل حاجة بجد يهاجر يعملها برا بالإشتراك مع الشركات دي, يعني من الآخر لو عاوزين تلوموا حد على الترجمة إللي مش عجباكم, متهيألي عرفتوا تلومو مين

ثانيا: علامة الأسد على التيشيرت

كل البلد عرفت إنها علامة ماركة عالمية "جيوردانو" لكن الناس برده مش قادره تفكر, وناس راحت جابت تاريخ الماركة و إللي إخترعها و نسيو إنهم أول ناس كانت بتفتخر إنها لابسه هدوم "ماركة" و "سينييه" و لو سألت 99 في المية من الشعب عن معنى رموز الماركات دي, مش هيعرف, لكن عشان و ائل غنيم , لاااازم يعرف, و لازم يفتش و را كل ماركة بيشتريها, و مالناش فيه بقى لو خامتها محترمة أو تفصيلتها بتليق عليه, أو حتى بساطتها مريحاه, لكن لما تشوف راجل محترم و هيبة و زي الفل, حاطط علامة ال بلاي بوي "راس الأرنب" على عربيته, مش مشكلة, و ما حصلش حاجة, تلاقي معظمنا ما يعرفش معنى العلامة دي إيه, و هيروح حالا على جوجل "الوحش" يدور على معناها

ثالثا: الحظاظة و إشارات اليد

كل أو معظم المصريين في مصر, واحد من أحلامهم إنهم يشتغلوا في دبي, أو على الأقل يزوروها عشان عاوزين يشوفوا تجربة هونج كونج الشرق الأوسط دي شكلها إيه, و أنا واحد كنت عايش وشغال هناك, و أحب أقولكم إناللغة الرسمية في شوارع دبي هي الإنجليزية, لإنها خليط من 120 جنسية مختلفة عايشين في مدينة واحدة, وده مثال صريح وواضح على تطبيق العولمة في أعتى صورها, يعني سيادتك هناك بتخاطب كل الثقافات و الجنسيات و الحضارات, و كل واحد فيهم ليه ترجمة خاصة لكل إشارة من إيده, يعني لو رحت لواحد كوري و شاورتله بإيدك بصباعك السبابة, تعتبر إهانة لا تغتفر, و جنسيات أخرى لو شاورت بإصبعك الإبهام زي ماحنا بنعمل هنا علامة ال"كله تمام" تعتبر عنده زي ماحنا بنستعمل الإصبع الأوسط "ومتهيألي فاهمين من غير توضيح المعنى عندنا" فلو حبيت تختزل كل الإشارات و العلامات و التعبيرات و الألوان إللي موجودة في مدينة زي دبي, يبقى هتعيش من غير هدوم و مش هتتحرك من مكانك طول اليوم, و الكلام ده يعرفه كويس جدا المغتربين هناك ولو أنا لابس ساعة نفس ماركة الساعة إللي لابسها نتنياهو شخصيا, مش هستغرب لإن إحنا في نفس العصر إللي خلاك تشوف إللي بيحصل في العالم كله بدوسة زرار, لكن لما تفكيري يكون من 1980, يبقى العيب فيا أنا و في قدرتي على الإستيعاب, و ده السبب الرئيسي لسقوط النظام البائد

رابعا: البكاء من غير دموع في برنامج منى الشاذلي

حد فيكم ممكن يقوللي لو مكان و ائل في أمن الدولة كان هيبكي قد إيه لمدة ال 12 يوم دول؟ و ممكن دكتور عيون يحكيلنا شوية عن جفاف الغدد الدمعية؟ ولو فاكرين منظر عيون وائل ساعة البرنامج كانت وارمة قد إيه؟ إنتوا عاوزينة يقولكم إيه؟ كنت عمال أعيط طول الفترة دي من الرعب و إللي كان ممكن يحصل فيا؟

خامسا: الكذب

تعالوا الأول في النقطة دي نتفق إن وائل صغير في السن, و مهما كان ناضج أو متفتح الفكر لكن خبرته قليلة مقارنة مع الساسة المحنكين إللي طول عمرهم حاكمينا, و بناء عليه, من السهل جدا إن ضباط أمن الدولة يقولوله لو قلت إنك إتضربت يبقى هتعمل حرب أهلية بين الشعب و الشرطة و الوضع متأزم جدا, و غالبا ده إللى أكده حسام بدراوي لما وصله بنفسه, وحتما و ارد جدا إنه إتهدد بإنهم ممكن يعملوا فيه أو في أهله حاجة لو قال إنه إتضرب, و لقاء منى الشاذلي كان بعد خروجه فورا, فكان لسا مش فاهم الثورة وصلت لفين, و لا إيه حجمها, و لا إذا كنا هنقدر نحميه أو لأ من بطش أمن الدولة وكل المعلومات إللي و صلتله إن فيه ناس ماتت, يبقى لو سيادتك مكانه, كنت هتقول إيه؟ لكن بعد ما نزل التحرير و فهم الحجم الحقيقي للثورة, و حس بحب الناس و حمايتهم لبعضهم, قال إللي كان مخبيه, عشان الناس ما ينضحكش عليها من أعوان النظام إللي عاوزينا نفتكر إن أمن الدولة دول خلاص, فهموا الدرس و مش هيعملوا كدا تاني, و بعدين كانوا عاوزين إيه من واحد مستضيفينه فورا بعد خروجه من أمن الدولة بعد 12 يوم, يفتكر هو كسر موبايله إمتى بالتحديد, و التاريخ و الساعة, ده ممكن لو كل واحد فينا إتغدى إيه أول إمبارح, لو عرفت تجاوب على السؤال ده يبقى نتكلم

سادسا: فيديو الإختطاف

هو مين أصلا إللي روج للفيديو ده و قال إن دي لحظة إختطاف وائل غنيم؟ أكيد و ائل نفسه هو إللي بعته و هو محبوس في أمن الدولة, صح؟ يعني رجعنا لثقافة القطيع, لما و احد بعت الفيديو ده على النت, الناس كلها قالت هو ده وائل, و بعتوه لبعض, و حاليا لما شوفنا و ائل كويس و عرفنا شكله, طلع الناس كلها بتقول إن ده مش وائل, طيب هو مين أصلا إللي قال إن ده و ائل؟ مش الناس برده؟ و ناهينا عن المحاولات إللي كانت في الأول بتقول إنه كداب برده, و قال إنه إتمسك بالليل و في الفيديو الصبح, هو مين إللي قال يا ناس إن إللي في الفيديو ده و ائل؟

سابعا: أدمن الصفحة

ودي من أكتر الحجات إللي فعلا مندهش إن الناس مش فاهماها, يا ناس يا خلق, الصفحة ممكن يكون ليها أكتر من أدمن, و أي واحد فيهم هيكتب حاجة على الوول هتطلع بإسم الصفحة, يعني إللي قال إنه ساكن في الإسكندرية هو الدكتور مصطفى إللي كان أدمن مع وائل, و في برنامج مصر النهارده, وهو ده اللنك للبرنامج عشان نفهم

http://www.youtube.com/watch?v=o4fsrYFRZQo

و بالتحديد من الدقيقة 5:00

و ده يطلع منه تضارب التصريحات على الصفحة, و الستاتس إللي كانت بتتلغي بعد ما تتبعت و يعرفوا إنها غلط أو مش بتعبر عن الكل

ثامنا: و أخيرا عشان كدا أكتر من اللازم: إزاي خرج من أمن الدولة أصلا

النظام كان و لا زال محتاج لرمز للثورة عشان يشن عليه حملة تشويه, و ضمنيا يبيض وجهه بهذة الحملة, يعني: أكبر مشكلة واجهها النظام و كانت عملاله إرتباك شديد جدا إن ما فيش قيادة للثورة, و لما لقوا موضوع وائل غنيم ده, كانت فرصتهم إنهم يعملوه رمز, و يعرفوا يشوهوا الثورة ضمنيا عن طريق تشويه الرمز ده, يعني ما سابوهوش عشان سواد عنيه, سابوه عشان لقوله لازمة عندهم, و هم إللي روجوله إعلاميا, و نوهوا قبل خروجه بيوم كامل عشان يفرشو الطريق لوسائل الإعلام و يقولولهم دي فرصتكم عشان تاخدو السبق الإعلامي, و قاللو هيفرجوا عنه الساعة كام بالظبط و هم عارفين كويس إللي هيحصل و إنه هيتحول لرمز بسرعة, لكن إللي ما عملوش حسابه, إن بكاء و ائل في برنامج منى الشاذلي, مسح تماما كلام رأس النظام السابق من صدور الملايين إللي تاعطفت معاه

كلمة أخيرة, الثورة لسا ما خلصتش, و خلو بالكم من وسائل الإعلام إللي لسا شغالة على نغمة الخسائر إللي لحقت بينا من الثورة و الكام يوم إللي فاتوا, و ما فيش حد فتحه بقه بإيه خسائر مصر طوال ال 30 سنة إللي فاتت, و لا حتى ال 10 سنين إللي فاتت كأحسن تقدير, و الإعلام لسا شغال بمبدأ حاوريني يا ويكا, و كلمة "ثورة الشباب" عشان يحجم الثورة في شريحة و احدة من المجتمع, و مش عاوزين يعترفوا إنها ثورة شعب بأكمله, كان معظمه خائف, لكن لو عاوزين العدد الحقيقي للثوار, دوروا على كام مصري نزل أو إحتفل بعد خطاب "التخلي" يومها

و خطاب التخلي ده لوحده قصة عاوزين حد يفهمهالنا من الفقهاء الدستوريين, الرئيس مبارك كان يشغل ثلاث مناصب: رئيس الجمهورية, و رئيس الحزب الوطني, و القائد الأعلى للقوات المسلحة, هل بتخليه عن منصب رئيس الجمهورية يكون قد تخلى ضمنيا عن منصب القائد الأعلى للقوات المسلحة؟ و إذا كان هذا هو الوضع الصحيح, فمن هو القائد الأعلى للقوات المسلحة الآن, و ما دور عمر سليمان الآن و قد أصبح نائب بلا رئيس؟ و زكريا عزمي وقد أصبح رئيس ديوان بلا رئيس؟

ولماذا هذا التأخير الغير مبرر لحبس حبيب العادلي و جرانة و عز؟ و أين بقية العصابة؟ و لماذا لم نسمع عن اللجنة اللتي تحقق منذ 3 أسابيع "كما قال الفريق أحمد شفيق" في الإعتداء على المعتصمين بالجمال و البغال؟ و من هم أعضاءها؟ و ما الذي و صلوا إليه الآن؟ و أين الضباط الذين إشتركوا في قتل الشهداء؟ و من هي اللجنة التي تبحث في هذا الموضوع؟ و ما الذي وصلوا إليه الآن؟ و كم هي محصلة رؤوس الأموال المملوكة لهذة العصابات التي أنهكت إقتصادنا؟

لازال النظام يعمل بفكرة دعونا نعمل في صمت, و إبقوا قابلوني, و بالنسبة للمظاهرات الفئوية, عيب جدااا طبعا, خليك بتاخد 120 جنيه في الشهر, و خلي طقم رؤساء مجلس الإدارات بياخدو بالملايين, ولو الناس عملت إضرابات قلهم لأ عيب, الإقتصاد يا أولاد إتفرجوا على البهوات و إنتوا ساكتين, ما نقدرش نخصم من مرتبات البهوات و نوزع عليكم عشان ما يزعلوش و بعدين خليكم على الإنترنت دوروا على وائل غنيم الماسوني "إللي لابس حظاظة" إللي كان سبب من أسباب ثورتكم و إنهشوا فيه و كفاية ثورتكم المباركة الطاهرة لغاية كدا, و لو زهقتوا ممكن تطلعوا مصطفى محمود تبكوا على أيام النعيم و الأمان إللي كنتوا فيه, و إللي ظباط الشرطة لغاية النهارده بيحسروكوا عليها عشان تتربوا يا شعب ناكر للجميل, أو خلينا نبقى إيد و احدة و عاوزين نعرف مين الراجل إللي كان و اقف ورا عمر سليمان, زي ماجتمعنا كلنا إيد و احدة و حاربنا العدو الجزائري إللي كان هيسلبنا أعز ما نملك: كاس أفريقيا, وسيبونا بقى عاوزين نلم فلوسكوا و نحرق الأوراق و ندوخكوا لغاية ما تنسوا إيه الموضوع و نرجع لكم بوشوش جديدة, غالبا هيكونوا أولادنا و قارايبنا إللي مسكناهم المناصب المهمة في البلد لما كنتوا نايمين من 30 سنة

أنا مش بقول نبطل شغل و نقعد نستنى المحاكمات أو القرارات, لأ, نروح الشغل, و نعمل فصول محو أمية لجيرنا البسطاء و ننضف الشوارع, و لما نقعد على الإنترنت و الفيس بوك و نكتب كلام أو ندور على حاجة, يا ريت نركز و نفهم إيه إللي محتاجين نحط فيه طاقتنا, و بلاش السلبية إللي عودونا عليها 30 سنة و عاوزين نرجع للمباريات الكرة و الفيديو كليبات و الكافيهات و و و , مش هو ده المنتخب إللي كنتم هتحاربوا الجزائر عشانهم؟ مش هم دول فنانين الجيل إللي كنتوا نازلين شتيمة في بعض عشانهم؟ ومش هم دول علماءنا إللي ما حدش كان بيعبرهم في البلد؟

وسيبوا وائل أو غيره في حاله, الراجل قال مائة مرة إنه مش عاوز حاجة غير إن مصر تنضف, و لو رشح نفسه لمنصب إبقوا ساعتها علقوله المشانق, و سيبكوا من العالم الهبلة إللي بتقول ده عاوز يمسك وزير الإتصالات, لإن رئيس الجمهورية هو إللي بيعين , حكومته, مش بالإنخاب أو بمزاج الأفراد ووائل كدا عمل إللي عليه, و الباقي علينا إحنا إنسوووووه و

يلا بينا نركز

و تحياتي

حسام عباس

[Om Zayd]

جبهة التهييس الشعبية said...

ايه ده ايه ده؟

مين طرد وائل غنيم من الميدان؟ مافيش حاجة زي دي حصلت.. يستحيل

19 February 2011 01:51

جبهة التهييس الشعبية said...

انا رجعت دلوقت لناس ومافيش حاجة من دي حصلت في الميدان

ماحدش طرد وائل غنيم من الميدان

رجاء التأكد من المعلومات قبل ترويجها

19 February 2011 01:53

Lawyer 2012 said...

يانوارة الكلام ده حصل ومنشور في الشروق ...

حرس القرضاوي منعه من إعتلاء المسرح

19 February 2011 02:01

aly said...

الكلام منشور في الشروق نقلا عن مصور اسمه ايه وبتاع

لكن مش معناه أنه حقيقي لأن الشروق مش قرآن

ده بيفكرني في ناس غاوية لامؤاخذة تقلب في ال....اليومين دول ومقال ضخم في جريدة بتقول أن الاخوان عملوا كذا وكذا وتحاشوا الكلام عن ماعرفش ايه

ارحمونا بقى من شغل الاشاعات ودق الاسافين ده

[أيمن عبد العزيز]

و خطاب التخلي ده لوحده قصة عاوزين حد يفهمهالنا من الفقهاء الدستوريين, الرئيس مبارك كان يشغل ثلاث مناصب: رئيس الجمهورية, و رئيس الحزب الوطني, و القائد الأعلى للقوات المسلحة, هل بتخليه عن منصب رئيس الجمهورية يكون قد تخلى ضمنيا عن منصب القائد الأعلى للقوات المسلحة؟ و إذا كان هذا هو الوضع الصحيح, فمن هو القائد الأعلى للقوات المسلحة الآن, و ما دور عمر سليمان الآن و قد أصبح نائب بلا رئيس؟ و زكريا عزمي وقد أصبح رئيس ديوان بلا رئيس؟

الأستاذ الفاضل سمبا

من واقع معلوماتي المحدودة أستطيع إجابتك على موضوع خطاب التخلي

أولا الرئيس السابق مبارك لم يكن يشغل الثلاثة مناصب اللتي تفضلت بذكرها فقط فهو رئيس الجمهورية و رئيس الحزب الوطني و القائد الأعلى للقوات المسلحة و بالتالي فهو رئيس المجلس الأعلى للقوات المسلحة و هو القائد الأعلى للشرطة لأنه رئيس المجلس الأعلى للشرطة و رئيس الكثير من المجالس العليا

ثانياً خطاب التخلي عن منصب رئيس الجمهورية و تسليم إدارة البلاد إلى القوات المسلحة ففيه مشكلة ظلت قائمة ليومين و هي أن هذا الإجراء ( تسليم إدراة البلاد للقوات المسلحة ) إجراء غير دستوري كما أن التخلي في حد ذاته غير دستوري و الصحيح هو الإستقالة و من المفترض أن يقدم رئيس الجمهورية إستقالته إلى رئيس مجلس الشعب و هو الأمر الدستوري و من ثم يقوم رئيس مجلس الشعب بإدارة البلاد لمدة ستين يوماً حتى إجراء إنتخابات رئاسية جديدة

ثالثاً لكون هذا الإجراء غير دستوري فلقد لاقى إعتراضات من فقهاء دستوريين و قضاة فما كان من المجلس الأعلى للقوات المسلحة إلا أن قرر تعطيل الدستور و حل مجلسي الشعب و الشورى

بقى سؤال .. و هو ما اللذي حدث حتى يتم نقل السلطة بهذه الصورة الغير دستورية ؟

في تصوري - و تصوري هذا هو الإجابة على سؤالك - أن ما حدث هو إجبار حسني مبارك على التخلي عن السلطة من قبل القوات المسلحة و اللتي كانت تواجه إحتمالين إحلاهما مر .. الأول هو أن يكتسح المتظاهرين قصر العروبة و يقفوا في مواجهة الحرس الجمهوري و اللذي لن يتوانى عن إطلاق النار و بالتالي ستكون مذبحة و تنهار الدولة حتماً

و الثاني أن ينحاز الجيش للشعب و بالتالي يحدث سيناريو مشابه و هو مواجهة الجيش للحرس الجمهوري و تكون أيضاً مذبحة .. و نتيجة الإحتمالين الأكيدة هي قتل الرئيس و عائلته إنتقاماً للمتظاهرين و ضياع البلد نتيجة الموجة الإنتقامية التالية لهذه المذابح

و عليه فقد قرر الجيش إجبار حسني بارك على الرحيل و لكون الإجبار كان من الجيش فقد تسلم إدارة البلاد و يمكنك هنا أن تسمي ما حدث " إنقلاب عسكري "