إخواني المغتربين..بعد ما حدث..متي العودة؟؟

[ViralMind]

والله يا استاذ عطار حضرتك جبت المفيد..

و بعدين فيه حاجات كتير ممكن البعض يراها انها بسيطة.. و لكن انا اشوفها انها مهينة او غير آدمية او غير مقبولة.

بالنسبة للبهدلة.. طيب يا سيدى احنا اتعودنا عالبهدلة و التعامل مع المصالح الحكومية و الجو الفاسد اللى موجود.. لكن ليه نطلع اولادنا فى الجو ده؟

و بعدين هو احنا ماضيين مع مصر كونتراتو اننا لزمن ولا بدن نعيش فيها؟ يعنى انا علشان ههاجر و مش هرجع يبقى انا كده خاين؟ انا كل مرة بحاول اسأل نفسى يعنى ايه مصر.. والله ما بعرف الاقى اجابة.. يمكن مصر هى شوية احاسيس جوانا.. ممكن ناخدها معانا فى اى حتة.

[mezo]

والله الموضوع ده بيختلف حسب ظروف شخص والتانى وهنا معظم الى دخل بيهاجم الراجل وهو بس الحاجة الوحيدة الى غلط فيها انه قال هيقطع الباسبور المصرى ودى انا مش معاه فيها مع انى تفكيرى نفس تفكيره انى مش راجع مصر بردك نهائى ومبحسش بالاحاسيس الى كل الاخوة هنا بيتكلموا عنها يمكن علشان بردك انا مريت بظروف شخصية وجو عام فى مصر بالاضافة لجو الفساد يخلينى اقول كدة وانا متغرب برة مصر بقالى اكتر من 8 سنين اول مرة اشتقت فيهالمصر فى اول اجازة ويمكن علشان والدتى الله يرحمها كانت عايشة وقتها لكن من بعدها عمرى ماشتقت انزل لمصر ولو ليوم واحد ولما كنت باخد اجازة من شغلى فى الخليج مكانتش بتزيد عن 12 يوم وبدور هرجع امتى بسرعة من اول يوم ولما رحت كندا فى اللاندنج قلت خلاص مش هرجع مصر تانى لانى لاقيت المكان الى حسيت انه يناسب تفكيرى وشخصيتى وفترة اللاندنج البسيطة هناك قدرت اتلاحم مع اسر عربية ومصرية هناك وزرنا بعض وحسيت بجو الالفة والتواصل الى انتم بتتكلموا انه مش موجود غير فى مصر حتى بعد الثورة ماقامت ولحد دلوقتى مش حاسس بالاحساس الى يخلينى عايز ارجع تانى وخصوصا ان ابويا وامى توفاهم الله ده غير انى من القاهرة الى مفيهاش جو التراحم والتلاحم الى الاخوة بيتكلموا عنه هنا لان كل واحد دلوقتى بقى فى حاله فكل واحد ليه ظروفه غير التانى ومش لازم الهجوم على شخص لمجرد انه قال رائيه وهو حر فيه وقرار اخده وهيتحمل ايجابياته وسلبياته

تم تعديل 15 سبتمبر 2011 بواسطة mezo

[التونسى]

سبحان الله . انا لما نزلت مصر ديسمبر 2010 .. كنت اخدت قرار انى حستقر فيها خلاص .. بعد ما كنت مذبذب ومتردد .. بين الاستقرار ببلاد الفرنجه او الاستقرار بوطنى الحبيب مصر .. وضحيت بمميزات كتيره جدا اهمها وظيفتى .. ومكنش اصلا عندى اى تخطيط لحياتى فىى مصر .. كنت راجع وسايبها على الله واللى يحصل يحصل .. ورجعت مصر (وأنتخت) قيمة شهر .. وهوب قامت الثورة المجيده 25 يناير .. ويشاء القدر ان احضرها بمصر بكل تفاصيها .. المجيده ,, والمرعبه .. وشهر ورا شهر .. وانا بقضى أغلب وقتى فى البيت .. بين التلفزيون والنت .. بتابع الاخبار .. ماهو مفيش اى نشاط ليا ممكن اعمله.. ولا عندى صحاب ... ومحدش فاضى لحد ..كله بيحضن فى همه .. والحاله طبعا كانت اكثر تعقيدا .. طيب حبدأ حياتى ازاى فى مصر بعد سنين الغربه الطويله فى ظل الثوره اللى من طبيعتها عدم الاستقرار والتقلب .. فضلت صابر على امل .. والدنيا من حواليا بمصر بتزادد تعقيد .. وفى نفس الوقت الشركه اللى كنت بشتغل فيها بانجلترا دوروا عليا عن طريق زميلى فى العمل ..وكلمونى .. وابدوا استعدادهم التام لعودتى لعملى بنفس الكونتراكت.. والمميزات.. تقديرا لتاريخى معاهم ... ولانهم كانوا محتاجينى برده .. ورغم ذلك فضلت معاند ومتشبث بالامل انى ممكن ابدأحياتى بمصر واستغنى عن الغربه ((اللى معدتش غربه اوى صراحه)).. وفضلت مع الشركه فى مراسلات وتسويف ومماطله حوالى 3 شهور .. هما يقولولى ((عوووووود يا محموووووووووود )) .. ونا بتحجج باى شئ عشان افكر واقرر كويس .. وفى النهاية قررت الرجوع ثانية لبلاد الانكليز غير مأسوف عليا.. وحاليا وبصراحه انجلترا احلوت فى عنيا شويه .. عرفت قيمة العمل والاستقرار والنظام .. لكنى برده لسه بفكر فى الرجوع لمصر .. لكن المره دى ان شاء الله مش حرجع كده ((جهجهونى)) لكن حخطط .. واللى رايده ربنا يكون .. وأهى كلها ارض الله

[Alattar]

لكنى برده لسه بفكر فى الرجوع لمصر .. لكن المره دى ان شاء الله مش حرجع كده ((جهجهونى)) لكن حخطط .. واللى رايده ربنا يكون .. وأهى كلها ارض الله

نفس التفكير والله يا أستاذ محمود...ربنا يصلح الحال و نتجمع كلنا في مصر قريبا ان شاء الله

تم تعديل 15 سبتمبر 2011 بواسطة Alattar

[akramgroup]

للأسف فيها حاجه حلوة وبرضو بنحبها

http://www.youtube.com/watch?v=5OLsmkWP8KI

[عبير يونس]

انا عاوز اتكلم على جزئيه بس دلوقتى وهى انك بتسمع الاخبار من القنوات الاخباريه او الانترنت والكلام ده خطر جدا وفيه مبالغه كبيره قووووووى انا لسه راجع من مصر مكملتش اسبوع وكل الى قعدتهم فى مصر تسع ايام قضيتهم فى الشارع مابين اسنكدريه والشرقيه وطول ما انا ماشى بالعربيه مستنى حد يطلع عليا علشان يقلبنى وياخد منى العربيه ملقتش حد مع انى كنت سايق بالليل قولت طيب ندخل بقى على الناس عادى الناس عاديه والحياه طبيعيه جدا بس الحاجه اليى انا حسيت بتغيرها بجد ان الناس مبقتش بتخاف ودى حاجه مهمه قوى وفيه امل عند الناس ان بكره احسن ان شاء الله

من الاخر الاعلام بيهول الحاجات بشكل مفزع يحسسك انك هتنزل مصر هتتخطف او تتسرق والله وانا جاى من المطار كل شويه اقول لزوج اختى هيه هنتسرق امتى يقول اصبر شويه مش دلوقتى لحد ما وصلنا البيت

اما بالنسبه للتغير اليى الناس بتتكلم عليه فمعتقدش انه هيحصل من يوم وليله ولكننا بدأنا الزحف نحو الطريق اليى التغير ممكن الزحف ده يطول او يقصر ولكن الاهم اننا بدانا فى التحرك نحو التغير

تحياتى

عنبو

تعرف كلامك ده يوافق قناعة أكيدة عندي

كل واحد بيجذب لنفسه ما يتوقعه

سواء خير أو شر

بدليل في البيت الواحد

و أفراد الأسرة الواحدة

و في نفس التوقيت

تلاقي واحد فرحان

و واحد زعلان

و واحد زهقان

و واحد حاسس بهدوء و سكينة

مع انهم في نفس المكان و الظروف

احساسنا و إدراكنا للأمور هو حل اللغز

غيّر تفكيرك

تتغير حياتك

بإمكاني أن أصنع حياة كاملة

بتفكيري و أحاسيسي

[eslam elmasre]

قدامي لا يقل عن 10 سنين غربه وهرجع ان شاء الله

يعني هكمل ال 28 سنة بالمملكه مغترب

اهديكم الرابط ده

http://www.youtube.com/watch?v=FAB7JvJMPd4

28 سنة غربة وترجع بعدها

ياه

انا لو مكانك مارجعش تاني لان الرجوع في الحالة دي مالوش لازمة

بجد حال المغترب بيصعب عليا وانا حالي بيصعب عليه

بس انا اتعودت على كده وهو شايف اني مضرر من كده لكن الحقيقة اني اتعودت

وعندي امل كبير ان الحال يتصلح ويمكن اولادي يجنوا ثمرة هذا التغيير ويمكن ما عاصرهوش لكن عندي امل

عندي امل لاني مش متخيل اني افضل طول حياتي اجمع في فلوس وما استمتعش بيها

او ابني بيت ماسكنش فيه

او شاليه ما صيفش فيه غير يومين طول السنة

اذا كانت الفلوس وسيلة لتحقيق اشباع لي فانا احمد الله علي ما انا فيه

باكل واشرب واتفسح واتمتع بالفلوس اللي وهبهالي ربنا واعيش واسافر وازور اهلي واجاملهم ويجمالوني

اشارك في افراحهم واواسيهم في احزانهم بالكلام والعمل

اشارك بايجابية مع كل اصدقائي ومعارفي

وازور امي يوماتي واطمن علي اخواتي واشوفهم وقت ما اعوز

مش متخيل اني في يوم من الايام يأتي عليا وانا خارج مصر تعبان ومافيش حد جنبي

او بمر بازمة ولا اجد من يشاركني ازمتي

الاحاسيس دي عندي لا تقدر بثمن وشعرت بها لما كنت في رحلة عمل في دولة مجاورة لم تستمر اكثر من شهرين وكنت بعيد عن امي وزوجتي واولادي

كان اليوم يمر عليا سنة وقلت يا رب ما تكتبها عليا تاني

اذا كنت بفكر كده فمش معنى ده اني بعارض اللي بيفكر عكس تفكيري لكن كل واحد ادرى بنفسه وظروفه من غيره

مش هاتغرب ابدا

ولا هافكر مجرد التفكير اني اتغرب

ولا عايز عسل الغربة لاني بخاف من مرارتها

ولما كنت بسمعت الاغنية دي

http://www.youtube.com/watch?v=QUsUQljgsGc

اعيط لان كان اخويا متغرب وكان اول واخر واحد فينا يتغرب لكنه رجع وماطولش الغياب

اخويا كان مسافر في العراق مدرس في جامعة كركوك وقت حرب الخليج الاولى وانقطعت اخباره لمدة ستة اشهر وكنت بحلم اشوفه بيخبط علينا الباب ويعاكسني زي زمان ولما اتصل من نويبع ما صبرناش لغاية ما يجي

رحنا له نويبع وكان حاله يصعب علي الكافر لان كل تحويلاته ماخدهاش الا من كان سنة وكل ممتلكاته سبها هناك ورجع بالهدمة اللي عليه

لكن ربك بيعوض وهو دلوقتي مدير عام في شركة بترول ومافكرش يسافر بعد كده ابدا رغم العقود المغرية اللي كانت بتنهال عليه لكن جاتله عقدة من السفر

الغربة كربة

[ahmos1]

حزين حزين على ما اقرأة مصر تمر بمحنة و دائما ماكنا نعمل و ندعو لها و دائما ماكنا نهفوا الى التغيير و دائما الامل كان موجود فى اننا كبلد نستحق اكثر

لم نجترىء يوم على نقد امنا و الياس منها بهذا الشكل العنيف فماذا حدث و لماذا كل هذة القسوة على بلدنا ؟

تم تعديل 15 سبتمبر 2011 بواسطة ahmos1

[الغريب]

من قلب مصر

أؤكد لكم أن مصر بخير

وأن العودة دنت للغاية

محدش يسمع كلام عن مصر من الإعلام ، الإعلام "أكل عيشه" تهويل الأمور والمشاكل ، وإلا فالمذيعيين هيسكتوا والنشرة تنتهي في خمس دقائق ومحلات التوك شو هتقفل

عن نفسي المرة دي حسيت أن مصر أجمل بكثير بعد الثورة

وقرار عودتي النهائي أعتقد أنه قرّب للغاية لنفس الأسباب التي ذكرها إسلام في مداخلته المعبرة عن حال المغتربين

المقارنة بين دفء الأهل والوطن & وبين زحمة المواصلات = أعتقد أنها مقارنة ظالمة للغاية

تحياتي...

[ViralMind]

بص يا عم

انا مش حقولك مصر هى امى و مشربش من نيلها , لان مشاعرك دى ان مريت بيها فى فترة المراهقة , بس حبيت أقولك إن الحياه مش بس اكل وشرب جيدين و مواصلات مريحه و حكومة محترمة...الخ

طبعا دى حاجات فى غاية الاهمية لا خلاف عليها و لكن فى حاجات تعرفها للما تتغرب ,أحاسيس متتحكيش ربما متكنش واخد بالك منها دلوقتى

و بعدين خد بالك الحياه هناك مش جنة زى ما انت فاكر .. انا طبعا مرحتش كندا او دول غربية من قبل لكن قريت وسمعت , الشغل هناك يعنى شغل و اذا كنت متبحش اللمه فمؤكد إنك بتحب التراحم و الالفه و ستفتقدها هناك و لو كونت عيله ربنا يعينك و تربيهم على دينا و عادتنا .

و نصيحة اخيرة ..خد بالك من قرفك وكرهك للحياه فى بلدنا و حبك و تعلقك بالعيش بالخارج ربما يؤثر ذلك فى المستقبل على دينك و اخلاقك و قيمك زى ما أثر على اخرين.

شوف يا باشا..

بالنسبة للدين.. اكيد محتاج ترتيب خاص و مجهود اكبر ان الواحد يحافظ على دينه فى بلاد الغرب..

انا اول مرة سافرت بلاد الفرنجة.. كان وقتها آخر رمضان و حضرت العيد.. تصدق ان انا مفتكرتش ان فيه عيد اصلا الا بعديها بكام يوم؟ هههههههه

بس اكيد الموضوع بيفرق لما الواحد يعيش حياة كاملة.. و بالتالى الموضوع بيكون اكثر تنسيقا.

كل انسان جواه الخير و الشر.. و لكن طالما النبتة الصالحة موجودة, و القيم مزروعة فيك من و انتا صغير, اكيد بيختلف عن حد لسه بيدور على القيم علشان يتعلمها.. صحيح ان كل انسان مهما كان عمره او درجة ايمانه بقيمه ممكن جدا انه يتعرض لاى نوع من الانحراف و مفيش حصانة ابدا, و لكن الاساس الصالح بيفرق كتير. و علشان كده مينفعش ان الواحد يتغر بأخلاقه و ايمانه.

بصراحة انا شخص انطوائى و مبحبش التعامل كتير مع الناس.. و علاقاتى الاجتماعية فى اضيق الحدود.

انا شايف ان التركيز كله عالمشاعير و الاحاسيس.. خصوصا الشق الاجتماعى.. و ده انا اصلا مفتقده و انا هنا.. يعنى مش موجود فى حياتى.. فبالتالى اكيد لما اسافر الوضع سيكون كما هو.

على فكرة الغرب فيه حياة اجتماعية جميلة جدا و قوية جدا.. هما بس منظمين اولياتهم و وقتهم..

انا اعرف ناس من اطيب ما يكونوا.. حكاية ان الاصالة و الجدعنة و الشهامة حاجة حصرية للمصريين دى كدبة كبيرة قوى.. زى بالظبط الكدبة بتاعت ان مصر ائمن بلد فى الدنيا.

و حتى والله عندهم نفس الحركات بالظبط.. و نفس الطيبة.. و القيم الجميلة.

فضلوا يضحكوا علينا و يقولوا لنا مصر بلد الامن و الامان.. و يحسسوك ان الناس فى اوروبا و امريكا ماشيين يقتلوا بعض... تروح هناك.. تلاقى ناس زى الناس اللى عندك بالظبط.. فيهم الطيب و فيهم الشرير.. فيهم الجدع و فيهم الخبيث.. و تكتشف الخدعة الكبيرة ان الامان هناك اكبر بكتير جدا عن الامان فى مصر.

بالنسبة بقى لموضوع الشغل..

يا راجل يا طيب و هو حد يكره انه يشتغل بجد و يتقن عمله بما يرضى الله؟

انا اصلا قرفت من كم الاهمال اللى فى مصر..

امال هما متقدمين ليه؟ علشان الشغل هناك شغل بجد... مفيش دكتور بينسى الفوطة فى بطن مريض.. و مفيش سواق قطر ينام و هو ماشى.. مفيش واحد بيهمل فى شغله.. و مفيش وزير حرامى!! كل واحد شايف شغله بما يرضى الله.. و يا ريت نتعلم و نبقى ربعهم حتى.

هو احنا بقينا نبص عالمصايب اللى فى بلدنا على انها مميزات ولا ايه؟ يا نهار اثود!

عموما بكررها تانى.. مصر حلوة علشان هى بلدنا.. مش حلوة علشان اى وهم تانى بتحولوا تصوروه او تتخيلوه.

تم تعديل 15 سبتمبر 2011 بواسطة ViralMind

[ViralMind]

هو الاستاذ alaaeldein ماشى عمال يقيمنى احمر بسبب و بدون سبب... ههههه

مستنى تعليقك يا افندم

[alaaeldein]

هو الاستاذ alaaeldein ماشى عمال يقيمنى احمر بسبب و بدون سبب... ههههه

مستنى تعليقك يا افندم

:)

ابدا يا باشا والله

تقييمى ليه سبب انى معترض على جملة ان مصر عمرها مهتتغير اسمحلى دى عباره غلط تماما ولاسباب كتير اوى خاصه بتاريخ مصر وبتاريخ دول تانيه كانت اسوء من مصر كمان

والسبب التانى جملة حضرتك ان الخروج من مصر فى حد ذاته النجاح بردو مش متفق مع حضرتك خالص لان النجاح مش ماديا فقط وحتى لو ماديا هتلاقى ان اغلب اللى بيطلع بره مش بيوصل بسهوله ده اصلا لو وصل

لكنى متفق مع حضرتك وبشده ان مصر بنحبها عشان بلدنا ومش عشان شربنا من نيلها وشوية الاغانى اللى بيضحكوا علينا بيها من صغرنا

تحياتى و اسف لو تقييمى ضايقك :wub:

تم تعديل 15 سبتمبر 2011 بواسطة alaaeldein

[Nileman]

لسة راجع من أجازة في مصر و بصراحة اتخنقت

غلاء في الاسعار مبالغ فيه لعدم وجود اي نوع من الرقابة

انفلات في النظام المروري بطريقة بشعة يعني تلاقي واحد راكن صف تالت و قافل الشارع بدون اي مبالاة عشان يشتري علبة سجاير

وواحد ماشي عكس بسرعة 120 كيلو في الساعة على طريق مصر اسكندرية الصحراوي!!!

ده غير الاعتصامات و الوقفات الاحتجاجية اللي في كل مكان

متهيألي مصر محتاجة وقت كتير قوي عشان نحس بالتغيير للأحسن

تم تعديل 15 سبتمبر 2011 بواسطة Nileman

[عبير يونس]

بص يا عم

انا مش حقولك مصر هى امى و مشربش من نيلها , لان مشاعرك دى ان مريت بيها فى فترة المراهقة , بس حبيت أقولك إن الحياه مش بس اكل وشرب جيدين و مواصلات مريحه و حكومة محترمة...الخ

طبعا دى حاجات فى غاية الاهمية لا خلاف عليها و لكن فى حاجات تعرفها للما تتغرب ,أحاسيس متتحكيش ربما متكنش واخد بالك منها دلوقتى

و بعدين خد بالك الحياه هناك مش جنة زى ما انت فاكر .. انا طبعا مرحتش كندا او دول غربية من قبل لكن قريت وسمعت , الشغل هناك يعنى شغل و اذا كنت متبحش اللمه فمؤكد إنك بتحب التراحم و الالفه و ستفتقدها هناك و لو كونت عيله ربنا يعينك و تربيهم على دينا و عادتنا .

و نصيحة اخيرة ..خد بالك من قرفك وكرهك للحياه فى بلدنا و حبك و تعلقك بالعيش بالخارج ربما يؤثر ذلك فى المستقبل على دينك و اخلاقك و قيمك زى ما أثر على اخرين.

شوف يا باشا..

بالنسبة للدين.. اكيد محتاج ترتيب خاص و مجهود اكبر ان الواحد يحافظ على دينه فى بلاد الغرب..

انا اول مرة سافرت بلاد الفرنجة.. كان وقتها آخر رمضان و حضرت العيد.. تصدق ان انا مفتكرتش ان فيه عيد اصلا الا بعديها بكام يوم؟ هههههههه

بس اكيد الموضوع بيفرق لما الواحد يعيش حياة كاملة.. و بالتالى الموضوع بيكون اكثر تنسيقا.

كل انسان جواه الخير و الشر.. و لكن طالما النبتة الصالحة موجودة, و القيم مزروعة فيك من و انتا صغير, اكيد بيختلف عن حد لسه بيدور على القيم علشان يتعلمها.. صحيح ان كل انسان مهما كان عمره او درجة ايمانه بقيمه ممكن جدا انه يتعرض لاى نوع من الانحراف و مفيش حصانة ابدا, و لكن الاساس الصالح بيفرق كتير. و علشان كده مينفعش ان الواحد يتغر بأخلاقه و ايمانه.

بصراحة انا شخص انطوائى و مبحبش التعامل كتير مع الناس.. و علاقاتى الاجتماعية فى اضيق الحدود.

انا شايف ان التركيز كله عالمشاعير و الاحاسيس.. خصوصا الشق الاجتماعى.. و ده انا اصلا مفتقده و انا هنا.. يعنى مش موجود فى حياتى.. فبالتالى اكيد لما اسافر الوضع سيكون كما هو.

على فكرة الغرب فيه حياة اجتماعية جميلة جدا و قوية جدا.. هما بس منظمين اولياتهم و وقتهم..

انا اعرف ناس من اطيب ما يكونوا.. حكاية ان الاصالة و الجدعنة و الشهامة حاجة حصرية للمصريين دى كدبة كبيرة قوى.. زى بالظبط الكدبة بتاعت ان مصر ائمن بلد فى الدنيا.

و حتى والله عندهم نفس الحركات بالظبط.. و نفس الطيبة.. و القيم الجميلة.

فضلوا يضحكوا علينا و يقولوا لنا مصر بلد الامن و الامان.. و يحسسوك ان الناس فى اوروبا و امريكا ماشيين يقتلوا بعض... تروح هناك.. تلاقى ناس زى الناس اللى عندك بالظبط.. فيهم الطيب و فيهم الشرير.. فيهم الجدع و فيهم الخبيث.. و تكتشف الخدعة الكبيرة ان الامان هناك اكبر بكتير جدا عن الامان فى مصر.

بالنسبة بقى لموضوع الشغل..

يا راجل يا طيب و هو حد يكره انه يشتغل بجد و يتقن عمله بما يرضى الله؟

انا اصلا قرفت من كم الاهمال اللى فى مصر..

امال هما متقدمين ليه؟ علشان الشغل هناك شغل بجد... مفيش دكتور بينسى الفوطة فى بطن مريض.. و مفيش سواق قطر ينام و هو ماشى.. مفيش واحد بيهمل فى شغله.. و مفيش وزير حرامى!! كل واحد شايف شغله بما يرضى الله.. و يا ريت نتعلم و نبقى ربعهم حتى.

هو احنا بقينا نبص عالمصايب اللى فى بلدنا على انها مميزات ولا ايه؟ يا نهار اثود!

عموما بكررها تانى.. مصر حلوة علشان هى بلدنا.. مش حلوة علشان اى وهم تانى بتحولوا تصوروه او تتخيلوه.

شوف يا أستاذي الفاضل

النقاط متداخلة مع بعضها

في اللي نظروا لك على انك عايز تهاجر علشان مش راضي بالذل و الهوان اللي في مصر

و طبعا ده شيء يزعل لأن معنى كده ان اللي قاعدين فيها راضيين بالذل و الهوان رغم اني اعتقد انك لم تقصد ذلك بالطبع

و في اللي شافوك معجب بالغرب و طبعا خافوا على قيمك و دينك

و ردك عجبني فعلا

مفيش حد فوق الزلل و الانحراف مهما كانت قوة دينه

و فعلا القيم المغروسة في النفس بتتدخل لحماية الشخص ضد الإغراءات

و دخلنا في نقطة اللمة و الاحاسيس المفقودة في الغربة

و حضرتك وضحت انك اصلا بتتختق من اللمة و انك اصلا منطوي و علاقات بالناس محدودة فمش حتفرق هنا او هناك

و بعدين ذكرت ان الغرب في حياة اجتماعية و فيه امان و انه انضحك علينا ان مصر بلد الامان و الغرب مفيهوش امان

و تحثت عن الاهمال اللي في مصر و عدم الضمير

طبعا كل نقطة مما سبق تستحق موضوع مستقل للنقاش حولها

بس خلليني أقول لك ملخص

التوقعات المرئية

اولا انا مش ضد الهجرة نهائيا

بل انني اسعى لها

و لست ضد الغرب بالمرة و أيضا لست ضد العرب و لا مصر

لست ضد أحد بالمرة

بل و أرفض تماما اسلوب همة و احنا

كلنا بشر

عندنا مزايا و عيوب

يعني ابني كل يوم يجي يحكيلي ان المدرس بيشتم في الغرب الكفرة

و يلعن الامريكان و يدعي عليهم بالهلاك

و طبعا ابني بيتأثر جدا و بيحزن عشان خاله امريكاني و عايش في امريكا

و في نفس الوقت مسلم و بيصلي و بيصوم و بيعيّد و مراته محجبة

جا امبارح يقوللي الاستاذ بيقول الغرب مش نضاف و ما بيستحموش

قلت له يا حبيبي في كل مكان في الدنيا في ناس نضاف و بيستحموا و في ناس مبيستحموش

الحقيقة التعميم على اي الجانبين بغيض جدا

و اوعى تفتكر ان احنا بس اللي بنقع في فخ التعميم

لي زميلة امريكية

بتفكر بنفس الطريقة

كل حاجة تقوللي انتو العرب بتقولوا كذا

انتو العرب بتعملوا كذا و كذا

خلاصة القول

ان الغرب مش ملايكة

و مفيش حاجة اسمها مكان آمن

الأمان احساس داخلي بحت

و ملوش اي علاقة بالمكان

كل الموضوع انك رايح لبلد يحكمها قوانين

تمنع العنصرية

و يظل اللي في القلب في القلب

العنصرية بكل أسف مكانها القلوب

و هي مرض قبيح من أمراض القلوب

قد لا يكون منه شفاء

ستجد هناك من يكرهك بدون سبب

لمجرد انك عربي

حتى لو كنت عربي مسيحي

و لكن القوانين تمنعه من التصريح بذلك

لكنه رغم القوانين لن يعدم حيلة في اشعارك بالكراهية

نصيحتي الوحيدة

تسلح بالحب لكل الناس

فالحب سلاح عظيم يقتحم القلوب

بيد انه سلاح غير مدمر

و اهتم جدا بأفكارك عن الآخر

و لا تسمح لها أن تجنح بك في طريق التعميم

ربنا يكتبلك كل النجاح و التوفيق

آمين

[ViralMind]

شوف يا أستاذي الفاضل

النقاط متداخلة مع بعضها

في اللي نظروا لك على انك عايز تهاجر علشان مش راضي بالذل و الهوان اللي في مصر

و طبعا ده شيء يزعل لأن معنى كده ان اللي قاعدين فيها راضيين بالذل و الهوان رغم اني اعتقد انك لم تقصد ذلك بالطبع

و في اللي شافوك معجب بالغرب و طبعا خافوا على قيمك و دينك

و ردك عجبني فعلا

مفيش حد فوق الزلل و الانحراف مهما كانت قوة دينه

و فعلا القيم المغروسة في النفس بتتدخل لحماية الشخص ضد الإغراءات

و دخلنا في نقطة اللمة و الاحاسيس المفقودة في الغربة

و حضرتك وضحت انك اصلا بتتختق من اللمة و انك اصلا منطوي و علاقات بالناس محدودة فمش حتفرق هنا او هناك

و بعدين ذكرت ان الغرب في حياة اجتماعية و فيه امان و انه انضحك علينا ان مصر بلد الامان و الغرب مفيهوش امان

و تحثت عن الاهمال اللي في مصر و عدم الضمير

طبعا كل نقطة مما سبق تستحق موضوع مستقل للنقاش حولها

بس خلليني أقول لك ملخص

التوقعات المرئية

اولا انا مش ضد الهجرة نهائيا

بل انني اسعى لها

و لست ضد الغرب بالمرة و أيضا لست ضد العرب و لا مصر

لست ضد أحد بالمرة

بل و أرفض تماما اسلوب همة و احنا

كلنا بشر

عندنا مزايا و عيوب

يعني ابني كل يوم يجي يحكيلي ان المدرس بيشتم في الغرب الكفرة

و يلعن الامريكان و يدعي عليهم بالهلاك

و طبعا ابني بيتأثر جدا و بيحزن عشان خاله امريكاني و عايش في امريكا

و في نفس الوقت مسلم و بيصلي و بيصوم و بيعيّد و مراته محجبة

جا امبارح يقوللي الاستاذ بيقول الغرب مش نضاف و ما بيستحموش

قلت له يا حبيبي في كل مكان في الدنيا في ناس نضاف و بيستحموا و في ناس مبيستحموش

الحقيقة التعميم على اي الجانبين بغيض جدا

و اوعى تفتكر ان احنا بس اللي بنقع في فخ التعميم

لي زميلة امريكية

بتفكر بنفس الطريقة

كل حاجة تقوللي انتو العرب بتقولوا كذا

انتو العرب بتعملوا كذا و كذا

خلاصة القول

ان الغرب مش ملايكة

و مفيش حاجة اسمها مكان آمن

الأمان احساس داخلي بحت

و ملوش اي علاقة بالمكان

كل الموضوع انك رايح لبلد يحكمها قوانين

تمنع العنصرية

و يظل اللي في القلب في القلب

العنصرية بكل أسف مكانها القلوب

و هي مرض قبيح من أمراض القلوب

قد لا يكون منه شفاء

ستجد هناك من يكرهك بدون سبب

لمجرد انك عربي

حتى لو كنت عربي مسيحي

و لكن القوانين تمنعه من التصريح بذلك

لكنه رغم القوانين لن يعدم حيلة في اشعارك بالكراهية

نصيحتي الوحيدة

تسلح بالحب لكل الناس

فالحب سلاح عظيم يقتحم القلوب

بيد انه سلاح غير مدمر

و اهتم جدا بأفكارك عن الآخر

و لا تسمح لها أن تجنح بك في طريق التعميم

ربنا يكتبلك كل النجاح و التوفيق

آمين

ردى يا باشا اتكلم عن كذا نقطة نظرا للمداخلة اللى رديت عليها.. و اضفت نقطة الاجتماعيات من عندى.

اكيد التعميم شىء قبيح... ادخلى حضرتك على Yahoo news و اقرى الاخبار المتعلقة بالعرب و المسلمين.. هتلاقى من تحت فيه تعليقات... فيها كمية تعميم و كراهية و عنصرية شديدة جدا... ناس بتتكلم من غير حتى ما يفهموا هما بيتكلموا عن مين ولا بيقولوا ايه.

بالنسبة للموقف اللى حضرتك ذكرتيه..

كان عندنا جيراننا مصريين اخدوا الجنسية الامريكية.. بيروحوا و ييجوا..

لما كنا نروح صلاة الجمعة و الشيخ يدعى عالامريكان, هما يفضلوا يضحكوا.

عموما حضرتك قلتى بالظبط اللى انا عايز اقوله..

مفيش فرق بيننا و بينهم.. كلنا بنى آدمين.. و المكان عمره ما بيدى افضلية لحد.. وهو ده بالظبط اللى انا عايز اقوله.

بالنسبة لموضوع الاهانة و الكرامة..

الموضوع ده نسبى جدا.. و لم اقصد به تعميم او اللى حضرتك كتبتيه..

زى بالظبط الفقر.. لو انا قلت انا عايز اخرج من مصر علشان الفقر اللى فيها.. هل ده معناه ان كل المصريين فقراء؟ اكيد لا.. و لكن معناه انى عايش فى حالة مادية مش كويسة.

[ViralMind]

هو الاستاذ alaaeldein ماشى عمال يقيمنى احمر بسبب و بدون سبب... ههههه

مستنى تعليقك يا افندم

:)

ابدا يا باشا والله

تقييمى ليه سبب انى معترض على جملة ان مصر عمرها مهتتغير اسمحلى دى عباره غلط تماما ولاسباب كتير اوى خاصه بتاريخ مصر وبتاريخ دول تانيه كانت اسوء من مصر كمان

والسبب التانى جملة حضرتك ان الخروج من مصر فى حد ذاته النجاح بردو مش متفق مع حضرتك خالص لان النجاح مش ماديا فقط وحتى لو ماديا هتلاقى ان اغلب اللى بيطلع بره مش بيوصل بسهوله ده اصلا لو وصل

لكنى متفق مع حضرتك وبشده ان مصر بنحبها عشان بلدنا ومش عشان شربنا من نيلها وشوية الاغانى اللى بيضحكوا علينا بيها من صغرنا

تحياتى و اسف لو تقييمى ضايقك :wub:

لا ولا يهمك.. ده حقك.. بس يفضل عدم الافراط سواء فى النقط الحمرا او الخضرا.

بالنسبة لجملة الخروج من مصر فى حد ذاته النجاح ... واضح انك فهمتها غلط خالص :closedeyes:

انا مقصدتش بيها اى نجاح مادى.. او نجاح اصلا.

انا قصدت يعنى ان مجرد الهجرة من مصر ده يعتبر نجاح كبير, نظرا لصعوبة متطلبات الهجرة و انها بتاخد وقت كبير.. و كمان لان الحياة فى كندا تحديدا بتكون مهيئة بظروف و جودة حياة اعلى بكتير من اللى موجودة فى مصر.

[عبير يونس]

بالنسبة لموضوع الاهانة و الكرامة..

الموضوع ده نسبى جدا.. و لم اقصد به تعميم او اللى حضرتك كتبتيه..

زى بالظبط الفقر.. لو انا قلت انا عايز اخرج من مصر علشان الفقر اللى فيها.. هل ده معناه ان كل المصريين فقراء؟ اكيد لا.. و لكن معناه انى عايش فى حالة مادية مش كويسة.

اوعى اكون تجاوزت لستة الخطوط الحمراء

انت عارف طبعا ان انا ما اقصدش ازعلك ابدا

:unsure:

انا عندي عيال عايزة اربيهم

[ViralMind]

بالنسبة لموضوع الاهانة و الكرامة..

الموضوع ده نسبى جدا.. و لم اقصد به تعميم او اللى حضرتك كتبتيه..

زى بالظبط الفقر.. لو انا قلت انا عايز اخرج من مصر علشان الفقر اللى فيها.. هل ده معناه ان كل المصريين فقراء؟ اكيد لا.. و لكن معناه انى عايش فى حالة مادية مش كويسة.

اوعى اكون تجاوزت لستة الخطوط الحمراء

انت عارف طبعا ان انا ما اقصدش ازعلك ابدا

:unsure:

انا عندي عيال عايزة اربيهم

ههههههههه ربنا يستر بس و انا اللى مآخدش كارت احمر :closedeyes:

[عبد الله غريب]

إحنا بنعاهدك يا غالية

http://www.youtube.com/watch?v=CzpNgAd34Xw

هنتغير .. و نغيرك يا مصر

[ابراهيم عبد العزيز]

بص يا عم

انا مش حقولك مصر هى امى و مشربش من نيلها , لان مشاعرك دى ان مريت بيها فى فترة المراهقة , بس حبيت أقولك إن الحياه مش بس اكل وشرب جيدين و مواصلات مريحه و حكومة محترمة...الخ

طبعا دى حاجات فى غاية الاهمية لا خلاف عليها و لكن فى حاجات تعرفها للما تتغرب ,أحاسيس متتحكيش ربما متكنش واخد بالك منها دلوقتى

و بعدين خد بالك الحياه هناك مش جنة زى ما انت فاكر .. انا طبعا مرحتش كندا او دول غربية من قبل لكن قريت وسمعت , الشغل هناك يعنى شغل و اذا كنت متبحش اللمه فمؤكد إنك بتحب التراحم و الالفه و ستفتقدها هناك و لو كونت عيله ربنا يعينك و تربيهم على دينا و عادتنا .

و نصيحة اخيرة ..خد بالك من قرفك وكرهك للحياه فى بلدنا و حبك و تعلقك بالعيش بالخارج ربما يؤثر ذلك فى المستقبل على دينك و اخلاقك و قيمك زى ما أثر على اخرين.

شوف يا باشا..

بالنسبة للدين.. اكيد محتاج ترتيب خاص و مجهود اكبر ان الواحد يحافظ على دينه فى بلاد الغرب..

انا اول مرة سافرت بلاد الفرنجة.. كان وقتها آخر رمضان و حضرت العيد.. تصدق ان انا مفتكرتش ان فيه عيد اصلا الا بعديها بكام يوم؟ هههههههه

بس اكيد الموضوع بيفرق لما الواحد يعيش حياة كاملة.. و بالتالى الموضوع بيكون اكثر تنسيقا.

كل انسان جواه الخير و الشر.. و لكن طالما النبتة الصالحة موجودة, و القيم مزروعة فيك من و انتا صغير, اكيد بيختلف عن حد لسه بيدور على القيم علشان يتعلمها.. صحيح ان كل انسان مهما كان عمره او درجة ايمانه بقيمه ممكن جدا انه يتعرض لاى نوع من الانحراف و مفيش حصانة ابدا, و لكن الاساس الصالح بيفرق كتير. و علشان كده مينفعش ان الواحد يتغر بأخلاقه و ايمانه.

بصراحة انا شخص انطوائى و مبحبش التعامل كتير مع الناس.. و علاقاتى الاجتماعية فى اضيق الحدود.

انا شايف ان التركيز كله عالمشاعير و الاحاسيس.. خصوصا الشق الاجتماعى.. و ده انا اصلا مفتقده و انا هنا.. يعنى مش موجود فى حياتى.. فبالتالى اكيد لما اسافر الوضع سيكون كما هو.

على فكرة الغرب فيه حياة اجتماعية جميلة جدا و قوية جدا.. هما بس منظمين اولياتهم و وقتهم..

انا اعرف ناس من اطيب ما يكونوا.. حكاية ان الاصالة و الجدعنة و الشهامة حاجة حصرية للمصريين دى كدبة كبيرة قوى.. زى بالظبط الكدبة بتاعت ان مصر ائمن بلد فى الدنيا.

و حتى والله عندهم نفس الحركات بالظبط.. و نفس الطيبة.. و القيم الجميلة.

فضلوا يضحكوا علينا و يقولوا لنا مصر بلد الامن و الامان.. و يحسسوك ان الناس فى اوروبا و امريكا ماشيين يقتلوا بعض... تروح هناك.. تلاقى ناس زى الناس اللى عندك بالظبط.. فيهم الطيب و فيهم الشرير.. فيهم الجدع و فيهم الخبيث.. و تكتشف الخدعة الكبيرة ان الامان هناك اكبر بكتير جدا عن الامان فى مصر.

بالنسبة بقى لموضوع الشغل..

يا راجل يا طيب و هو حد يكره انه يشتغل بجد و يتقن عمله بما يرضى الله؟

انا اصلا قرفت من كم الاهمال اللى فى مصر..

امال هما متقدمين ليه؟ علشان الشغل هناك شغل بجد... مفيش دكتور بينسى الفوطة فى بطن مريض.. و مفيش سواق قطر ينام و هو ماشى.. مفيش واحد بيهمل فى شغله.. و مفيش وزير حرامى!! كل واحد شايف شغله بما يرضى الله.. و يا ريت نتعلم و نبقى ربعهم حتى.

هو احنا بقينا نبص عالمصايب اللى فى بلدنا على انها مميزات ولا ايه؟ يا نهار اثود!

عموما بكررها تانى.. مصر حلوة علشان هى بلدنا.. مش حلوة علشان اى وهم تانى بتحولوا تصوروه او تتخيلوه.

أتفق معك فى كل ما قلته يا أخ ViralMind خصوصا فى جملة ( مصر حلوة علشان هى بلدنا.. مش حلوة علشان اى وهم تانى بتحولوا تصوروه او تتخيلوه )

الشعب المصري تعرض لعملية غسيل دماغ طوال السنوات الماضية

حصروا حب مصر فى مجموعة من الاغاني الوطنية مع أن حب مصر فى المقام الاول يجب أن ينتج عنه عمل بجد واخلاص وابداع وليس مجموعة اغاني فارغة حفظها المواطن المصري من صغره وهى فى الحقيقة لا تسمن ولا تغني من جوع

ركزوا على الكلام عن الحضارة الفرعونية وعظمتها حتى يغطوا على الواقع الحالي مما جعل المواطن المصري يهرب دائما من الواقع ويحن للماضي الذي كان فيه عزته

صدق الاخ ViralMind حين قال أن المواطن المصري خدعوه فقالوا أن الامان فى مصر لا يوجد له مثيل مع أن الامن والامان فى اروبا لا يختلف عن مصر إن لم يكن أفضل ولا نرى المواطن الاوربي يتكلم ويمضغ كلمة الامن والامان كما الوضع عندنا فى مصر لانه يراه شيئا طبيعا ومن اولى مهام حكومته وليس منة ولا فضل عليه

حكامنا ضخموا وفخموا موضوع الامن والامان لانه الانجاز الوحيد لهم

ومن كثر ترديد نغمة الامن والامان فى الاعلام المصري ظن المواطن المصري المسكين أن الامن والامان فى بلده لا يوجد له مثيل

فى الغرب هناك التزام واتقان للعمل واعطاء كل ذي حقا حقه ؟ نعم بلا شك

فى الغرب ادمية واحترام لحقوق الانسان ؟ نعم بلا شك

إذا هاجر الواحد منا للغرب هل سينال مستوى معيشي أفضل من مصر ؟ نعم بلا شك

لذلك لا نلوم أي شاب يسعى للهجرة للفكاك من المناخ السىء الموجود

الشباب يعاني فى مصر , ومعاناتنا ليست نابعة من ضيق ذات اليد فالمصري دائما يعذر بلده ولا يحملها فوق طاقتها لانه أعلم الناس بامكاناتها

المعاناة بسبب معدومي الضمير

والمعاناه بسبب الأنانيةالتي عليها بعض جيل الكبار ممن لا يريدون منح الفرصة للشباب للتعبير عن نفسه , فتجدهم يتمسكون بوظائفهم وبمناصبهم حتى الممات بلا أى رحمة ولا شفقة بشاب مقبل على الحياه يريد أن يبني نفسه ويعبر عنها فيجد الأبواب موصدة امامه فى مجتمع لا يعترف إلا بالشيوخ ومنتهي الصلاحية , والشاب المصري المسكين مهما كانت امكاناته وطاقاته ليس امامه فى نهاية المطاف إلا يرضخ للواقع ويعمل فى وظيفة صغيرة يكون فيها تحت سيطرة عقول متبلدة وروتينية اخرت مصر سنوات للوراء , وفي نفس الوقت يجد الشاب نفسه مجبورا لأن ينافق ويسبح بحمد فكر وسياسات هذا المدير حتى ينال رضاه

تم تعديل 16 سبتمبر 2011 بواسطة ابراهيم عبد العزيز