لصالح مَن تكتب تقارير وفاة الشهداء "حوادث عادية"؟

[aimen]

من الطبيعى جدا أن يتم تكريم شهداء ثورة 25 وخصوصا بعد سقوط نظام الرئيس السابق مبارك وتحية وتأكيد القوات المسلحة على تكريم هؤلاء الشهداء، ولكنها كانت مفاجأة كبيرة عندما التقينا ببعض أهالى هؤلاء الشهداء اليوم حينما كانوا يحضرون تكريم أبنائهم فى ميدان التحرير، والمفاجأة أن بعضهم أكد لنا أن الأطباء لا يريدون استخراج شهادة وفاة لأولادهم على أنهم قُتلوا برصاص ويحاولون أن يحولوا الموضوع إلى حوادث عادية. أكد لنا والد الشهيد أحمد أمل محمد أنه تعرف على ابنه بالصدفة من صورة على موبايل وأنه كان قد دفٌن على أنه شخص آخر وقال إن ابنه قتل عن طريق طلقتين ناريتين الأولى فى قلبه والأخرى فى رأسه، ولكنهم فى شهادة الوفاة قالوا إن سبب القتل قيد البحث، رغم تشريح الجثة والأكثر من ذلك أنه قال لهم إذا لم تأخذوا شهادة الوفاة الآن فلن تأخذوها بعد ذلك. أما والد الشهيد عبد الحميد محمد فقد وجدناه فى حالة مزرية ويفترش وسط الطريق فى قلب ميدان التحرير ويصرخ بأعلى صوته "عايز شهادة وفاة لابنى الشهيد، ابنى اتقتل يوم 30 برصاص حى عند كارتة بلبيس وقالوا حادثة مُوتوسيكل" وعاود الصراخ "ابنى كان عريسا عنده 22 سنة وكان حافظ القرآن، أنا مش طالب أكثر من شهادة وفاة يا عالم" أما أم الشهيد محمد أبو غنيمة فأكدت أنها لن تأخذ عزاء ابنها حتى تأخذ بثأره ولا يكفيها إلا رأس حبيب العادلى وأعوانه وقالت إن ابنها محمد (16 عاما) وهو الولد الوحيد مع أختين بنات وكان يعمل مع والده يوم الجمعة 28 وعندما رأى الشباب جرى وراءهم فنادى عليه أبوه وقال له "عندنا شغل" فقال له أنا رايح فى سبيل الله ووجدوه فى الثلاجة بعد ثلاثة أيام. وأكد والد الشهيد أن هناك مشاكل كبيرة فى شهادات الوفاة وأن الأطباء لا يريدون كتابة تقرير الوفاة أن الموت بطلقات نارية ولولا المشكلة الكبيرة التى قام بها فى المستشفى لكانوا كتبوا التقرير أنه حادث عادى مثلما فعلوا مع العديد من الناس، وحتى بعد صدور الشهادة لا يريدون إعطاءنا التقرير الطبى وأنا بعد عناء كبير حصلت فقط على صورة منه وليس الأصل. ونحن نطرح سؤالاً نريد له إجابة من المسئولين، لصالح من يريدون التغطية وكتابة تقارير وفاة الشهداء على أنها حوادث عادية؟

[أحمد سيف]

هذا الخبر مع غيره الكثير مما نسمعه كل يوم يجعلنا نتسائل: هل حصل فعلا تغيير في النظام؟

ولماذا إصرار القوات المسلحة على الاحتفاظ بنفس الوجوه القديمة لإدارة المرحلة الانتقالية؟

[Om Zayd]

لا حول و لا قوة إلا بالله العلي العظيم

ليه ما يتجمعوش و معاهم الشباب امام وزارة الصحة و يطالبوا بحقوقهم

أظن دي مش هتبقى مظاهرة "فئوية" و بتعطل مصالح البلد

[fatfouta]

اللى يقبل من اهالى الشهداء بحاجة ذى كده

يبقى انا اسفة وانا بقول هو كده بيفرط فى حق ابنه او بنته اللى دمهم سال عشان بلدنا تبقى حرة

وحسبى الله ونعم الوكيل

[Om Zayd]

بس فيه حاجتين لازم ناخد بالنا منها

ليس كل من قتل بالرصاص شهيدا

لكن في جميع الحالات لا بد من ذكر سبب الوفاة الحقيقي

أما اعتبترهم شهداء او لا فيحتاج الى تدقيق

الشيء الآخر .. مصدر الخبر

جريدة اليوم السابع

ممكن تكون محاولة لتشكيك الناس و دعم الحالة الضبابية

خالد صلاح ليس فوق مستوى الشبهات

الحل و كما غي أغلب المشاكل

الاستماع لهذه الشكاوى و التحقيق السريع فيها

[مغتربة]

لصالح من يريدون التغطية وكتابة تقارير وفاة الشهداء على أنها حوادث عادية؟

لصالح قناصه الداخليه الذين حتى الان لم نسمع عن واحد منهم اوقف على خلفيه تحقيقات بشان ما حدث

رغم ان شهاده كل الشهود متواتره بان اغلب الاصابات كانت من رصاص قناصه حى مصوب للقلب مباشره

[aimen]

حسبى الله ونعم الوكيل

اللهم انتقم منهم يارب

اللهم انتقم من كل شخص خان الأمانه وتسبب فى حرق قلب ام على ابن - ابنتها

[Alattar]

والله يا جماعة الواحد كل شوية بيحس القلق..حاسس ان احنا ما عملناش حاجة كبيرة لحد دلوقتي

كل اللي عملناه ان بعض رؤوس الفساد طارت..ولكن الفساد ده زي المرض

استشري في الجسد كله..و لسه محتاج حملات للتطهير

يعني الي الآن لسه فيه حاجات ما زالت مش مفهومة

يعني مثلا..أحمد عز يمنع من السفر..و يتحفظ علي أمواله

طيب ما هو اللي اداله كل السلطات دي جمال مبارك..طب ليه جمال مبارك ما يتمنعش من السفر هو كمان؟؟

و بعدين الجيش أصدر أوامر بمنع جميع الوزراء الحاليين و السابقين من السفر..عشان التحقيقات..و الكلام ده

طيب..ورأس الأفعي..مبارك و عائلته..مش هما كانوا أولي بالقرار ده؟؟

ليه ما حدش جاب سيرتهم؟؟؟

ده حتي صهر علاء مبارك..اتمنع من السفر..طيب ماهو اللي اداله كل حاجة هو علاء نفسه

لأن حتي الراجل لما بيتكلموا عنه ما بيقولوش اسمه...بيقولوا صهر علا ء مبارك..

يعني الراجل ده يتحفظوا علي أمواله مثلا و يمنعوه من السفر..و سايبين علاء مبارك؟؟

فيه عقل في الدنيا يقول كده؟؟؟؟؟

و حبيب العادلي اعترف انه أخذ أوامر من مبارك مباشرة لضرب المتظاهرين...يبقي ليه مبارك

ما يتمش استدعائه للنيابة لسؤاله عما هو منسوب اليه؟؟

حاجة من اتنين

!!يا إما فعلا كان فيه شبه اتفاق بين الجيش و مبارك..انه لما يخرج من الحكم ما يتحاكمش هو و عائلته

يا إما فيه حاجة مش مفهومة بتحصل في الكواليس..و بصراحة انا مش مع ان فيه مخطط لعودة مبارك و الكلام ده

لأنه ان شاء الله مستحيل هيرجع تاني..

و برضه مش عاوز حد يفهم اني محبط...أو عاوز أصدر إحباطي للناس..بس أتحدي اذا أي حد قال انه فاهم

!!ايه اللي بيحصل اليومين دول؟؟..و بيحصل لمصلحة مين؟؟

تم تعديل 19 فبراير 2011 بواسطة Alattar

[aimen]

بس فيه حاجتين لازم ناخد بالنا منها

ليس كل من قتل بالرصاص شهيدا

لكن في جميع الحالات لا بد من ذكر سبب الوفاة الحقيقي

أما اعتبترهم شهداء او لا فيحتاج الى تدقيق

الشيء الآخر .. مصدر الخبر

جريدة اليوم السابع

ممكن تكون محاولة لتشكيك الناس و دعم الحالة الضبابية

خالد صلاح ليس فوق مستوى الشبهات

الحل و كما غي أغلب المشاكل

الاستماع لهذه الشكاوى و التحقيق السريع فيها

للأسف يا ام زيد ...ناس كثيرة بتحاول لكنها لا تعرف لمن تذهب ...شفت فيديو لأسرة بسيطة جدا لا تجيد القراءة ولا الكتابة تبحث عن ابنها المعتقل فى فترة حظر التجول ...

صدقا كانوا يعتقدون ان من ييصور الفيديو ...شخص مهم وانه يمكنه مساعدتهم لللعثور على ابنهم ....غرقى متعلقين بقشة ...

كمان اول امس عمرو الليثى بيقول للناس لا تتصلوا على واانما اذهبوا للنائب العام وخدوا حقوقكم

المشكلة انه مش كل الناس لها القدرة على معرفة الطريق الصحيح لتوصيل شكواها ولا تعرف لمن تلجأ ولا تجد ردا من البعض الأخر

الله المستعان

اللهم فك اسرهم واعدهم الى اهاليهم سالمين

تم تعديل 19 فبراير 2011 بواسطة aimen

[أحمد سيف]

و بصراحة انا مش مع ان فيه مخطط لعودة مبارك و الكلام ده

لأنه ان شاء الله مستحيل هيرجع تاني..

مبارك استحاله يرجع ... وهو لما قال أنا مكنتش عايز أرشح نفسي لفترة سادسه أنا صدقته تماما ... مش علشان هو بني آدم صادق أو أهل ثقة لا سمح الله فهو عندي كذاب أشر ... ولكن لأن صحته الجسدية والعقلية لم تكن تتحمل أن يحكم فترة أخرى

هو كان عايز الستة شهور الإضافية ليرتب انتقال سلس للحكم لمن يأتي بعده سواء كان عمر سليمان (مرشح الجيش) أو جمال مبارك (مرشح الحزب) وعشان كده كام مصمم على أن يظل في السلطة لحد نهاية فترته

المهم أن هذه الثورة الشعبية قوّت موقف الجيش وسمحت له بفرض مرشحه واستبعاد جيمي حالما استعان به حسني لإنقاذ الموقف بعد أن خرج عن السيطرة

والآن يقوم الجيش بتجميد الأمور لمدة الشهور الستة اياها على أمل أن تهدأ الناس وتعود الحياة الى طبيعتها ويمضي مخطط نقل السلطة لرجل من داخل النظام يحظى بثقة الجيش وأمريكا (وغالبا سيكون عمر سليمان) كما كان مخططا سلفا

ودور أحمد شفيق في هذا المخطط محوري فهو من سيحافظ على تماسك النظام وسيطرته خلال هذه المرحلة الحرجة مع التضحية ببعض كباش الفداء والأوراق المحروقة وتقديم بعض التنازلات الجزئية الى ان يتقبل الناس الفكرة نتيجة ضغوط عدم الاستقرار والخوف من المجهول أو دعاية الحزب الوطني التي تعمل بكامل طاقتها الآن لغسل أدمغة الشعب بأسلوب تدريجي

هذا هو تحليلي لما حدث ويحدث الآن والوسيلة الوحيدة لمنع استكمال هذا المخطط هي إزاحة أحمد شفيق عن موقعه وتطهير البلد من جميع وجوه النظام السابق

[mfarag]

و بصراحة انا مش مع ان فيه مخطط لعودة مبارك و الكلام ده

لأنه ان شاء الله مستحيل هيرجع تاني..

مبارك استحاله يرجع ... وهو لما قال أنا مكنتش عايز أرشح نفسي لفترة سادسه أنا صدقته تماما ... مش علشان هو بني آدم صادق أو أهل ثقة لا سمح الله فهو عندي كذاب أشر ... ولكن لأن صحته الجسدية والعقلية لم تكن تتحمل أن يحكم فترة أخرى

هو كان عايز الستة شهور الإضافية ليرتب انتقال سلس للحكم لمن يأتي بعده سواء كان عمر سليمان (مرشح الجيش) أو جمال مبارك (مرشح الحزب) وعشان كده كام مصمم على أن يظل في السلطة لحد نهاية فترته

المهم أن هذه الثورة الشعبية قوّت موقف الجيش وسمحت له بفرض مرشحه واستبعاد جيمي حالما استعان به حسني لإنقاذ الموقف بعد أن خرج عن السيطرة

والآن يقوم الجيش بتجميد الأمور لمدة الشهور الستة اياها على أمل أن تهدأ الناس وتعود الحياة الى طبيعتها ويمضي مخطط نقل السلطة لرجل من داخل النظام يحظى بثقة الجيش وأمريكا (وغالبا سيكون عمر سليمان) كما كان مخططا سلفا

ودور أحمد شفيق في هذا المخطط محوري فهو من سيحافظ على تماسك النظام وسيطرته خلال هذه المرحلة الحرجة مع التضحية ببعض كباش الفداء والأوراق المحروقة وتقديم بعض التنازلات الجزئية الى ان يتقبل الناس الفكرة نتيجة ضغوط عدم الاستقرار والخوف من المجهول أو دعاية الحزب الوطني التي تعمل بكامل طاقتها الآن لغسل أدمغة الشعب بأسلوب تدريجي

هذا هو تحليلي لما حدث ويحدث الآن والوسيلة الوحيدة لمنع استكمال هذا المخطط هي إزاحة أحمد شفيق عن موقعه وتطهير البلد من جميع وجوه النظام السابق

+1111111111111111111111111

للاسف اجد تحليل حضرتك سليم تماما

معتقدش ان االاسوء او هو اللون لاسود ( مبارك ) هيرجع دا كارت محروق

لكن البطء غير المفهوم فى قرارات شديدة السهولة بيقول اننا مش متجهين للافضل ( الابيض )

احنا متجهين للون الرمادى

استيعاب او احتواء الثورة و الدفع بمرشح مدعوم من الجيش \ بقايا النظام

و الشواهد عديدة

مثل البط فى محاسبة المسئولين عن اطلاق النار - اطلاق البلطجية من السجون - موقعة الجمل الشهيرة

العادلى محبوس على ذمة قضية اموال مش جنائى

تواجد بعض المسئولين السابقين اللى من السهل جدا ازاحتهم بدون تاثير على البلد و الاقتصاد ( روساء الصحف القومية والمجلات)

التعامل بسياسة القطرة قطرة مع المطالب

عدم وجود جدول واضح لتحقيق المطالب مع وعد بالاصلاح ( زى مبارك و نظامة بالضبط - مطلوب الشعب يديهم شيك على بياض )

و يا رب اكون غلطان