مايكل منير يهدد !!

[ComingSoon]

مايكل منير يتهم الإخوان بـ"الانتهازية" ويهدد بـ"ثورة لفصل الدين عن الدولة"

انتقد مايكل منير، رئيس منظمة أقباط الولايات المتحدة ما وصفه بـ"انتهازية الإخوان"، قائلاً فى بيان له اليوم: "لقد قمنا بالثورة من أجل فصل المال عن السلطة، ونحن مستعدون الآن للقيام بثورة لفصل الدين عن الدولة".

وأضاف منير: "على الإخوان مراعاة أنهم لم يقوموا بالثورة ولم ينخرطوا فيها، وأن محاولة تديين الثورة سوف يلاقى رفضاً من جميع شباب الثورة"، وأكد أن مؤشرات الإخوان المسلمين فى السيطرة على الثورة يعبر عن انتهازية واضحة من جانب الجماعة التى اعتدنا منها هذه الانتهازية فى جميع المواقف، حسب قوله.

استنكر منير سيطرة الإخوان على ثورة شباب 25 يناير خلال الاحتفال بيوم النصر، أمس الجمعة، وزعم بأن الإخوان حولوا الاحتفال إلى "يوم دينى" بداية من خطبة د.يوسف القرضاوى، فضلاً عن منع عدد من قيادات الثورة من الصعود للمنصة بميدان التحرير وعلى رأسهم وائل غنيم.

[م تيمور المراغي]

الغريبه ماسمعناش صوته الا لما الثوره نجحت

ههههه

آه يا ثورة الشباب لو كنتي لا قدر الله فشلتي

كان الكل تبرأ منك

وكان منير مراد ده ولا جاب سيره انه يعرف عنك حاجة :happy:

عموما

اللي غيران مننا

يعمل زينا ;)

[Scorpion]

طب ايه المطلوب مننا بالظبط يا استاذ ComingSoon ينقلك الكلام الخايب ده ...

نتخانق يعني مع بعض .. و لا كلمة من هنا علي كلمة من هنا و تولع علشان ناس تستريح ...

يا ريت .. يا ريت بجد نفكر في الأهم و نسيب المواويل دي بقي ..

المفروض ان فيه حاجة اتغيرت جوانا ...

حاجات تفهمنا ان اللي بيحارب من بره .. حيفضل طول عمره بره ...

احنا اللي جوه اللي المفروض نفهم ... نكبر ... ننضج ...

بلاش الأخبار اللي مالهاش لازمة دي ..

بلاش نقسمها تاني بالعافية بعد ما صدقنا اننا اتقابلنا ...

[aimen]

طب ايه المطلوب مننا بالظبط يا استاذ ComingSoon ينقلك الكلام الخايب ده ...

نتخانق يعني مع بعض .. و لا كلمة من هنا علي كلمة من هنا و تولع علشان ناس تستريح ...

يا ريت .. يا ريت بجد نفكر في الأهم و نسيب المواويل دي بقي ..

المفروض ان فيه حاجة اتغيرت جوانا ...

حاجات تفهمنا ان اللي بيحارب من بره .. حيفضل طول عمره بره ...

احنا اللي جوه اللي المفروض نفهم ... نكبر ... ننضج ...

بلاش الأخبار اللي مالهاش لازمة دي ..

بلاش نقسمها تاني بالعافية بعد ما صدقنا اننا اتقابلنا ...

استاذ كامل

كلامك واسلوبك بيعجبنى جدا ..

لا اسكت الله لك صوتا

تحياتى

[ComingSoon]

قبل ماتسألني ليه نقلت ... اسأل مايكل ليه قلت

مصدر الخبر

http://youm7.com/News.asp?NewsID=354579

[صافى]

نفهم من كدة انة دة طلب لرجوع الفتنة الطائفية من جديد احنا ما صدقنا اننا نرفع الهلال مع الصليب ونحافظ على بعض فى المظاهرات هجى واحد خسيس يدب الفتنة من جديد

حسبى اللة ونعم الوكيل

[aimen]

يا جماعه الله يكرمكم نرجو الإبتعاد عن جرائد الخيبة والوكسة

اليوم الساقع و باقى الجرائد القومية اهرام اخبار جمهورية

عملاء الأمن و باقى ذيول النظام يريدو اشغالنا بقضايا وهمية

للمرة الثانية انشر كلام نواره

اسامة سرايا ومنى الشاذلي بيعملوا فتنة طائفية؟ هي بقت كده؟ اسامة سرايا منزل استفتاء على الغاء المادة التانية من الدستور مع ان ماحدش جاب سيرة الغائها والكنيسة قالت مش عايزين نلغيها وادي واحد مسيحي علماني كاتب عن المادة التانية للدستوروبعدين منى الشاذلي طالعة في العاشرة مساء تقول عودة القرضاوي زي عودة الخوميني؟ هي بقت كده؟ على فكرة احنا غلطنا اننا سيبنا الميدانوانا شايفة اننا نعمل مسيرة مليونية لشرم الشيخ، مش باهرج، وجود مبارك في شرم الشيخ غلط، وهو اللي بيدي التعليمات دي في التليفون، وامن الدولة الظاهر صحي تاني وعمر سليمان بياخد التعليمات وعمال يحقن فتنة طائفية وبيطلعوا اشاعات كاذبة عن مسيرات بكرة ضد ومع المادة التانية مع ان ماحدش هوب ناحية المادة التانيةوبعدين القذافي بيقطع باقة الجزيرة وباقة القنوات المسيحية معاها فاتقطعت معاها قامت الناس خافت، بس قناة اقرأ كمان اتقطعتماحدش يخاف.. ماحدش يخافده شغل قذر ومفقوس وانا واثقة ان الناس مش حتستجيب للقذارة دي بس هم عايزين يولعوهاكده يا مبارك؟ بقى انت صاحي وبتلعب؟طب خليك مكانك.... احنا جايين لك شرم الشيخ، مش حنقعد في الميدان، حنروح شرم الشيخ

[م تيمور المراغي]

الثوره في ايد شعب مصر

الثوره في ايد الشباب

اي اطراف تانيه غير اللي فوق

يقفوا بقى انتباه من حديد

اللى يتقال لهم عليه

يردوا بكلمة آمين

هيا دي الخلاصه ,,

[aimen]

مبارك بيحكم مصر من شرم الشيخ، بلال فضل قال غيرنا مقره، وهيكل قال انه بيحكم مصر من شرم الشيخ، ومراته وابنه جم شرم الشيخ، وشفيق بيقول عليه الرئيس

انا عايزة اقولكم ان واحدة حكت لي ان ظابط مصري في الانتربول تعرفه قالها: عاجبكم البلد كده بقت في ايد الاخوان؟

وبرضه واحد على الفيس بوك حاطط صورة عمر سليمان قال البلد بقت زي ايران

وهم بيحاولوا يثبتوا الكلام ده من خلال ترويع المسيحيين يعني مثلا بنت مقاول كنيسة العمرانية اتخطفت واتكتب على الحيطة الاسلام هو الحل، وبعد شوية البنت رجعت، واظن بعد ما عرفنا ان العادلي هو اللي فجر كنيسة القديسين نقدر نعرف مين اللي عمل كده

ومسلطين ناس من بلطجيتهم يثيروا جدل حول المادة التانية اللي اساسا ماهياش في المواد اللي حتتعدل من الاصل، طب ناس قالت حنخرج في مسيرة لالغاء المادة التانية، الناس التانية اللي قالت حنخرج في مسيرة عشان ما تتلغيش دول خارجين ليه واللجنة قالت انها مش حتلغيها وده جواب نهائي؟ والكنيسة قالت مش عايزين نلغيها وده جواب نهائي؟

بعد ما فشلت اسفين يا ريس مطلع لنا مسيرات طائفية ابن الكلب.. الراجل ده لازم يمشي من مكانه

لازم يمشي لازم يمشي لازم يمشي

ويتقبض عليه ويتحاكم

حنروح ازاي شرم الشيخ؟

كل محافظة حتطلع على الاقل 400 اتوبيس فيه على الاقل 50 واحد، كده تبقى كل محافظة مطلعة على الاقل عشرين الف

وممكن يبقوا اكتر، على حسب فيه ناس حتتطوع وناس حتتبرع تطلع اتوبيسات على حسابها، وحيبقوا كتير

وفي نفس الوقت حنعمل دعوة لاهالي سيناء يطلعوا كلهم من الناحية التانية

حيطلع مسلمين ومسيحيين ولازم يبان انهم مسلمين ومسيحيين، يعني لازم يطلع معانا شيوخ ويطلع معانا قساوسة شايلين الصليب

المطالب:

القاء القبض على مبارك وزوجته واولاده

الاسباب:

1- عايزين فلوسنا

2- بيعمل لنا فتنة طائفية

3- عايزينه يتحاكم عشان دم الشهداء

مش مهم احنا بقى نوصل لحد شرم الشيخ

مطرح ما حيوقفونا حنقف ونقعد لهم في الشارع: الشعب يريد القبض على السفاح

الاهطل ابن الهاطلة مش عارف ان الناس طلعت عليه اساسا بعد ما عمل لنا فتنة طائفية وان لعبه بالفتن الطائفية ده هو اكتر حاجة جننت الناس منه

يا ريت اللجان اللي بتنسق تاخد الكلام ده في الاعتبار

وعايزين عمر سليمان... عمر سليمان في القصر الجمهوري؟ نروح له القصر الجمهوري

هو اللي عامل الفتنة الطائفية دي بتوجيهات من السيد الرئيس

هوبا؟

تم تعديل 20 فبراير 2011 بواسطة aimen

[ComingSoon]

والله يااخوانا عيب عليكم اللي بتكتبوه ده

مين قال ان واحد زي مايكل ده بيمثل المسيحيين وهيعمل فتنة

الموضوع الهدف منه اظهار ان بعض القوي الضعيفة تحاول انها تظهر كأنها من قامت بالثورة

وبصوا علي الكلام اللي تحتية خط

هتلاقي ان انا بسخر من كلامة الكبير علي الرغم من ضألته هو شخصياً ومن يمثل

[KLMO]

مايكل منير يتهم الإخوان بـ"الانتهازية" ويهدد بـ"ثورة لفصل الدين عن الدولة"

أطمئن ، الأتجاه الأمريكي ليس بصالحه. ولن تحدث ثورة في مصر في القريب العاجل. ولو حدثت، سوف تقمع بكل السبل، ولن تتدخل الدول الكبري

.

[Scorpion]

يا سيدي الفاضل .. البحث عن اخبار مماثلة و عرضها لا يفعل أكثر من اعطائها أهمية .. لا يفعل أكثر من اثارة ضغينة ... و نعلم جميعآ ما هي نهاية مواضيع مماثلة كل مرة تم اثارتها ...

محاربة تلك الأفكار أو تلك الفرقعات الأعلامية( اذا اردنا بالفعل محاربتها و ليس استخدامها ) يكون فقط بتجاهلها ... ف "طق الحنك" لا يستاهل حتي عناء الرد عليه ... فهناك الكثير من تلك الأحاديث التي تخون الطرفين ...

اذا تفرغنا لها فلقد وقعنا في حبائلهم مرة اخري و لعبنا لعبتهم ...

سيب اللي يتكلم يتكلم .. الكلام ماعلهوش جمارك

[KLMO]

سيب اللي يتكلم يتكلم .. الكلام ماعلهوش جمارك

أوفقك الرأي تماما، ولكني أردت توضيح فكرة أن أي ثورة ثانية في مصر في هذا التوقيت لن يسمح بها علي الأظلاق

.

[ComingSoon]

الثوره في ايد شعب مصر

الثوره في ايد الشباب

اي اطراف تانيه غير اللي فوق

يقفوا بقى انتباه من حديد

اللى يتقال لهم عليه

يردوا بكلمة آمين

هيا دي الخلاصه ,,

هو ده الكلام

مش الناس اللي رجليها بتخبط في بعض ومرعوبة من فزاعة اسمها فتنة

والله لو هنخاف من واحد زي مايكل ده مانستحقش نعيش في مصر

اصلهم ميعرفوش قيمة مصر

دي المحروسة ياعالم

:egyflag:

[aimen]

RT

@wael: لا لحديث عن مرشحي الرياسة-لا حديث عن المادة الثانية-لا حديث عن اساطير حول وائل غنيم او غيره-لا حديث سوى عن اسقاط الثورة المضادة #Jan25

[أبو محمد]

معا فى مواجهة الفتنة الطائفية

الإدارة