الدعوة إلى مظاهرات مليونية أخرى يوم الثلاثاء لإسقاط حكومة شفيق

[se_ Elsyed]

دعوات على فيس بوك لمظاهرة مليونية بميدان التحرير الثلاثاء المقبل

شارك اضغط للتكبير

تظاهرة مليونية بميدان التحرير - مصراوي

احفظ الخبر

اطبع

أضف تعليق ارسل

2/20/2011 1:15:00 PM

كتب - مصطفى مخلوف:

يبدوا أن إصرارهم لن يهدأ.. وعزيمتهم لن تخمد.. وصبرهم لن ينفذ.. ومظاهراتهم المليونيه مستمرة، حتى تتحقق مطالب الثورة كاملة، كما أكد شبابها.

ففي دعوة لمليونية جديدة، بميدان التحرير الثلاثاء 22 فبراير، أكد الالاف من شباب ثورة 25 يناير أن المليونيه تهدف إلى إسقاط حكومة شفيق، وتطالب بتشكيل حكومة تكنوقراط جديدة.

وقال الشباب في الدعوة التي نشروها على الفيس بوك " هنرجع تانى ميدان التحرير، وهنفضل قاعدين فيه، المجلس الأعلى سايب حكومة مبارك تعمل اللى هى عايزاه، والاتحاد الأوروبي ريقه نشف عشان يطلبوا تجميد أرصدة مبارك، والفريق شفيق عمال يوعدنا بأمال وأحلام وخلاص، الثورة لم تخمد و لن تهدأ"

وأشار الشباب إلى ان عودتهم للتحرير، هدفها، تشكيل حكومة تكنوقراط جديدة فى أسرع وقت، وتجميد أرصدة مبارك و عائلته فى الداخل وطلب تجميدها فى الخارج.

وقال المشاركون في الدعوة إن " المعركة الآن أعنف و أطول، لقد قام الشباب بفصل الرأس عن الجسد؛ ولكن الجسد ما زال يتحكم فى كل شئ ، و يأخذ أوامره من الرأس المفصولة"

يذكر أن الحكومة التكنوقراطية، هي الحكومة المتخصصة غير الحزبية التي تتجنب الانحياز لموقف أي حزب كان

[se_ Elsyed]

قبل الهجوم على مثل تلك الدعوات .. دعوني أسأل سؤال :

- هذ هذه الحكومة التي إختارها المخلوع حسني مبارك هي حكومة وطنية تعبر عن أفكار الثورة التي من أولها هو " التغيير الكام ؟

وهل هذه الحكومة تتكون من كفاءات تستطيع أن تُحدث نهضة بمصر ؟

وهل جميعهم لا يدينون بالولاء والطاعة للحزب المحظور ؟

[أحمد سيف]

يتهيألي الكل الآن تأكد إن ده نظام بيخاف ما بيختشيش ... والوسيلة الوحيدة لانتزاع حقوقنا منه هي بالضغط عليه<br>وربنا يخليكم ماحدش يقولي الجيش ضامن والكلام العاطفي ده ... الجيش انتظر لما الثوار انتصروا على عصابة العادلي قبل ما يتحرك وكان تحركه بهدف تجميد الأوضاع والمحافظة على بقاء النظام وليس بهدف دعم الثوار ... الجيش لن يقدم لكم أكثر مما تنتزعوه بأنفسكم وإذا وقفتم الآن فسيتوقف الجيش عن تلبية المطالب<br>أتمنى أن يكون بجانب التظاهر في ميدان التحرير محاصرة لمبنى التلفزيون كما حدث في آخر أيام الثورة ... الإعلام هو أكثر نقاط النظام حساسية وقد عّوّدنا على تقدّيم تنازلات حقيقية عندما يتم تهديد مبنى التلفزيون ... مرة لما انهار الأمن المركزي وكان الثوار على وشك اقتحام المبنى فاستعان بالجيش ووضع مصيره في قبضته ... والثانية لما المجلس العسكري أصدر بيانه الأول بما يعني عمليا سقوط النظام عندما حاصره الثوار يوم جمعة الخلاص

تم تعديل 20 فبراير 2011 بواسطة أحمد سيف

[ComingSoon]

يتهيألي الكل الآن تأكد إن ده نظام بيخاف ما بيختشيش ... والوسيلة الوحيدة لانتزاع حقوقنا منه هي بالضغط عليه<br>وربنا يخليكم ماحدش يقولي الجيش ضامن والكلام العاطفي ده ... الجيش انتظر لما الثوار انتصروا على عصابة العادلي قبل ما يتحرك وكان تحركه بهدف تجميد الأوضاع والمحافظة على بقاء النظام وليس بهدف دعم الثوار ... الجيش لن يقدم لكم أكثر مما تنتزعوه بأنفسكم وإذا وقفتم الآن فسيتوقف الجيش عن تلبية المطالب<br>أتمنى أن يكون بجانب التظاهر في ميدان التحرير محاصرة لمبنى التلفزيون كما حدث في آخر أيام الثورة ... الإعلام هو أكثر نقاط النظام حساسية وقد عّوّدنا على تقدّيم تنازلات حقيقية عندما يتم تهديد مبنى التلفزيون ... مرة لما انهار الأمن المركزي وكان الثوار على وشك اقتحام المبنى فاستعان بالجيش ووضع مصيره في قبضته ... والثانية لما المجلس العسكري أصدر بيانه الأول بما يعني عمليا سقوط النظام عندما حاصره الثوار يوم جمعة الخلاص

نعم الجيش هو الضامن وهو المؤسسة الوحيدة المتماسكة حتي الان

والتحريض علي الجيش ليس من مصلحة احد ولاتنسي ان هذا الجيش لم يطلق طلقة واحدة علي الشعب ان انهيارة هو انهيار لمصر

والحق يقال الجيش لم يمنع احد من التظاهر لكن لايستطيع الجيش ان يقوم بشئ الا اذا اثبت الشعب انه يريده

استمروا في الضغط وسيلبي الجيش المطالب

ليس هذا الكلام لمصلحة الجيش بل هو نقطة تعقل حتي لاتأخذنا الحماسة

[Alattar]

هو ده المطلوب...لأن أي سكوت أو تراجع دلوقتي معناه رجوعنا 30 سنة ورا

و شيئا فشيئا هيبدأ تراجع فلول النظام..

و في التظاهرات الشعب كان بيقول انه يريد اسقاط النظام..وليس اسقاط الرئيس فقط

بالعكس..أنا شايف ان مبارك لو كان فعلا استعان بحكومة وحدة وطنية و عين كفاءات بجد

مش مجرد لواءات و رجال جيش و خلاص..أنا شايف ان فيه ناس كتير و أنا منهم كنا هندعم

إكماله لبقية فترته..ومش بعيد لو شفنا منه حاجات كويسة كمان..كنا رشحناه لفترة رئاسية كمان

احنا كنا محتاجين التغيير...و ليس تخلي الرئيس عن منصبه فقط

عشان كده يبقي غلطان اللي يفتكر ان الثورة انتهت..الثورة لو انتهت دلوقتي..يبقي

هيتم القضاء عليها..و علي مطالبها...

تم تعديل 20 فبراير 2011 بواسطة Alattar

[fatfouta]

انا مع المظاهرة المليونية دى لاننا لازم نضرب عالحديد وهو سخن لو الموضوع برد يبقى ولاااااا كإننا عملنا حاجة

وكمان شايفة ان شفيق مستفز ومافيش فايدة معاه بيتصرف وكانه دائم فى الوزارة ولسه بيحامى على مبارك وعيلته ده العالم كله بينادى وبيقول ليكم فلوس عندنا وهو بيرميها عالجيش والجيش عامل نفسه مش سامع

بس اللى مخوفنى هو ان كل شوية فى القنوات المصرية يجيبوا بيان للجيش انه هيتصدى لاى عمل مثل هذه الوقفات

[Diab]

انا مع المظاهرة المليونية دى لاننا لازم نضرب عالحديد وهو سخن لو الموضوع برد يبقى ولاااااا كإننا عملنا حاجة

وكمان شايفة ان شفيق مستفز ومافيش فايدة معاه بيتصرف وكانه دائم فى الوزارة ولسه بيحامى على مبارك وعيلته ده العالم كله بينادى وبيقول ليكم فلوس عندنا وهو بيرميها عالجيش والجيش عامل نفسه مش سامع

بس اللى مخوفنى هو ان كل شوية فى القنوات المصرية يجيبوا بيان للجيش انه هيتصدى لاى عمل مثل هذه الوقفات

بيان الجيش انه هيتصدي للوقفات الفئوية أو اللي بتعطل الأنتاج

مثلا الناس اللي بتقطع الطرق أو تشل المترو أو بتوقف القطارات

انما مظاهرات التحرير لا

تحياتي

[fatfouta]

انا مع المظاهرة المليونية دى لاننا لازم نضرب عالحديد وهو سخن لو الموضوع برد يبقى ولاااااا كإننا عملنا حاجة

وكمان شايفة ان شفيق مستفز ومافيش فايدة معاه بيتصرف وكانه دائم فى الوزارة ولسه بيحامى على مبارك وعيلته ده العالم كله بينادى وبيقول ليكم فلوس عندنا وهو بيرميها عالجيش والجيش عامل نفسه مش سامع

بس اللى مخوفنى هو ان كل شوية فى القنوات المصرية يجيبوا بيان للجيش انه هيتصدى لاى عمل مثل هذه الوقفات

بيان الجيش انه هيتصدي للوقفات الفئوية أو اللي بتعطل الأنتاج

مثلا الناس اللي بتقطع الطرق أو تشل المترو أو بتوقف القطارات

انما مظاهرات التحرير لا

تحياتي

ربنا يطمنك يا استاذ دياب

[الغريب]

بس اللى مخوفنى هو ان كل شوية فى القنوات المصرية يجيبوا بيان للجيش انه هيتصدى لاى عمل مثل هذه الوقفات

متهيألي المقصود بالوقفات الإحتجاجية في بيانات الجيش هي الوقفات الفئوية ، وليس المظاهرات الشعبية

[جسار]

بصراحة كده ما يدار فى الخفاء أكثر بكثير مما يظهر منه فى العلن

فليس من المعقول ولا المنطقى الأستمرار على ذلك المنوال وهذه الطريقة ، فكيف لنا كشعب أن نطمئن

على مصير ثورتنا وهؤلاء الوزراء الفاسدون قابعون فى اماكنهم يدبرون المؤامرات ويدبرون لعودة النظام

القديم ولو بوجه جديد مثل عمر سليمان كمرشح قوى للرئاسة من طرف رأس النظام المخلوع ومن قوى خارجية

كأمريكا و أسرائيل ، كيف لنا ان نطمئن ووزير البترول سامح فهمى والذى يقبض على مفاتيح خزانة النفط

والغاز المصرى وله حساب مشترك مع عائلة مبارك ، وكيف لنا أن نهنأ بثورتنا و مفيد شهاب وزير مجلسى الشعب

والشعب المنحلين مازال قابعا فى الوزارة وهو من افسد الحياة السياسية بمعاونة فتحى سرور وصفوت الشريف

وهذا الاخير الذى ثبت تورطه وقيامه بالتخطيط لضرب الثورة عن طريق جمع التبرعات من رجال الاعمال لتمويل

الهجمة البربرية على المتظاهرين يومى الأربعاء والخميس المشهوران ، و الأسئلة والشكوك تطال الجميع بما فبهم

وزيرة القوى العاملة خادمة سوزان مبارك ، وممدوح مرعى المعادى لحركة القضاة الشرفاء ومتورط فى تنظيم أنتخابات

مجلس الشعب الاخيرة ، والسيد مشعل اللى بقاله سنين نايم فى وزارة الانتاج الحربى ومسيطر على موارد المصانع الحربية

و أخيرا وليس بآخر السيد الفريق رئيس الوزراء وكلامه المعسول والذى ليس له من غرض سوى كسب الوقت حتى تهدأ الامور

وهو من اتحفنا به مبارك قبل الرحيل .... وبعدين هو فين الرحيل ده الراجل قاعد فى قصره الفخم فى شرم الشيخ

هو و عائلته وبيتفسحوا فى أيلات الاسرائيلية عند اصدقاؤه وبياكل الكافيار والشوكولاته السويسرى ولا على باله

ثورة وغضب شعبى ، وهى شرم الشيخ دى مش مقاطعة مصرية والأ هى من بقية املاكه ، لقد شاهدت بعثة ال CNN تحاول

عمل لقاء معه فى الشرم فكان المنظر غريبا جدا بوجود رجال حراسة يحملون الرشاشات ووضعوا على اعين المراسلين

قطعا سوداء لحجب الرؤية و فى الآخر منعوهم من مقابلته ... يعنى ايه رأس الأفعى يفضل قاعد ومتهنى فى ارض مصر

وهو دماء الشهداء الذين سقطوا كانت رخيصة لهذه الدرجة حتى لانعلن كشعب عن ضرورة محاكمته كمسئول رئيسى

عن تلك المجازر والا مازال هناك ولاء مستتر داخل القيادة العسكرية الحاكمة لذلك الطاغية ...ز

[Diab]

أهم حاجة ثقة الشعب في الجيش

لانه هو الوحيد اللي محافظ علي تماسك الدولة

لكن لازم يوضحوا مبررات التلكؤ في أتخاذ القرارات

بلاعة الفساد اتفتحت خلاص وبشاير الريحة تزكم الانوف

لو اتشال الغطا كله ممكن يغم علينا من قوة الريحة

لكن سنتماسك وربنا يلطف بينا :closedeyes:

[se_ Elsyed]

نريد أن نُسقط فكرة " الوزير اللي في السلطة وفوق مستوى الشبهات "

يعني عازوين تفهموني إن رشيد وجرانة ومغربي ريحتهم فاحت تاني يوم تركوا فيه السُلطة ... وبالتال الباقي دول طاهرين وصفحتهم بيضا ؟

لأ والف لا طبعاً

الموجودة الان كلهم حزب وطني .. ومنهم من قتل نفسه دفعاً عن الباطل

وأؤكد أنه لا تعارض مطلقاً بين إحترمنا للمؤسسة العسكرية وبيين فكرة " العيب في الذات الملكية " اللي ودتنا في داهيه 60 سنة

فالجيش نفسه دلوقت اللي بيبحذر أيها السادة من الإقتراب من سيرة مبارك وبيقول إنها خط احمر

والجيش نفسه اللي مش عاوز ياخد قرار ضده وضد فساده وثروته ولسه سايبه في شرم الشيخ

والجيش نفسه اللي مش مبين مستقبلنا شكله إيه وهايرسي على إيه

[se_ Elsyed]

ماشي .. مصدقك يا رينجو

مبارك يتقدم بإقرار الذمة المالية للجهات القضائية المعنية

الأحد، 20 فبراير 2011 - 16:15

مبارك (أ ش أ)

تقدم الرئيس السابق محمد حسنى مبارك بإقرار الذمة المالية النهائى للجهات القضائية المختصة طبقا للقانون.

وأكد الممثل القانونى للرئيس السابق أن مبارك كان قد التزم منذ توليه المسئولية بتقديم إقرارات الذمة المالية فى مواعيدها القانونية والتى تم مراجعتها بمعرفة الجهات المختصة.

وفى هذا الإطار نفى الممثل القانونى لمبارك نفيا قاطعا كل ما تردد ونشرته وروجته بعض وسائل الإعلام فى الداخل والخارج على مدار الأسابيع الماضية من معلومات مغلوطة وكاذبة، وشائعات مغرضة لا أساس لها من الصحة تتعلق بحجم ثروته أو وجود ثمة أرصدة أو أى ممتلكات له بالخارج بما يستهدف الإضرار بسمعته ونزاهته وذمته المالية، والإساءة لتاريخ مبارك المشرف فى خدمة الوطن طوال 62 عاما.

فاكرين فيلم مش فاكره بتاع مين لإني لسه صاحي من النوم .. لما كان البطل المجرم بيزور دولارات وجه في مره بيسلم الضحية دولارت مزيفة مقابل دولار مزيفه ... وكان مأجر ناس على إنهم شرطة وكبسوا عليهم .. فسألوا الضحية : الفلوس دي بتاعتك ؟ قال لأ والله يا باشا .. راحوا واخدينها

احنا دلوقت كده

البيه قدم إقرار ذمة مالية بيقول إن مرتبه كان 120 ج .. وإن كل اللي حيلته هي شقة في بشتيل و430 ج في بنك ناصر

يبقى اللي موجود في أوروبا وامريا حلال علينا لنهم مش ملكه

[المهندسه]

انا اوافقكم على كل ال بتقولوه ...لكن اعتقد ان التشكيك فى الجيش دلوقت مش فى مصلحتنا احنا كشعب

الجيش معندوش اى مصلحه او طمع فى كرسى ...و ال حصل ده عبء عليه لان ده مش من اختصاصاته و عاوز يفضى لمهمته الرئيسيه

ياريت نثق فى الجيش اكتر من كده و ربنا الحافظ بأذن الله

بس انا عندى سؤال ياريت حد يفهمنى و يوضحلى لو انا مش مستوعبه

كل لقاءات و بيانات احمد شفيق بتبدو مطمئنه و بتبدو بتحاول تحقق اى تغير ...يعنى انا سمعته من يومين بيقول انه هيبنى ب 15 مليار حوالى 30 الف شقه 80 متر فى كل محافظه و اعتقد انه كده هيقضى على مشكله السكن ...و باقى الحديث كان مطمئن...انتوا ليه بقه مش متقبلينه برضه و مش عاوزينه

فاهمونى يا جماعه و استحملونى معلش لو انا مش فاهمه ...

بس محدش يقولى لانه كان اختيار النظام ...بلاش الجمله المبهمه المعنى دى...ماهوالراجل لما كان ماسك الطيران المدنى كان عاجبنا كلنا ...طيب ليه فى اعتراض عليه دلوقت هو احنا لسه شوفنا انجازاته ..ده ما بقلوش كام يوم؟؟؟

[Simba]

حلو الكلام

بس رجعنا تاني لنقطة الصفر

يعني لما تسقط الحكومة وهي شكلها كده كده هتسقط ان مكانش دلوقتي بعدين لان الناس كلها بتغلي

مش المفروض ان اصحاب الدعوات الاول يجهزوا الاشخاص اللي هتقود المرحلة الجاية

ولا هي حكومة شفيق هتمشي وخلاص

مش المفروض يتفقوا ناس واثقين فيها

ولا هتتساب لاختيار الجيش

ولا هتتساب لاختيار الحزب الوطني اللي هيمشي

يعني ارحلوا ارحلوا وخلاص ولا هما عارفين ماشيين ازاي

[aimen]

حلو الكلام

بس رجعنا تاني لنقطة الصفر

يعني لما تسقط الحكومة وهي شكلها كده كده هتسقط ان مكانش دلوقتي بعدين لان الناس كلها بتغلي

مش المفروض ان اصحاب الدعوات الاول يجهزوا الاشخاص اللي هتقود المرحلة الجاية

ولا هي حكومة شفيق هتمشي وخلاص

مش المفروض يتفقوا ناس واثقين فيها

ولا هتتساب لاختيار الجيش

ولا هتتساب لاختيار الحزب الوطني اللي هيمشي

يعني ارحلوا ارحلوا وخلاص ولا هما عارفين ماشيين ازاي

ياعم سمبا الناس روحها طلعت من الكلام

مش عاوزين الأشكال المرتبطة بالحزب الوطنى

مش عاوزين تسويف

لو صحيح احمد شفيق عاوز يصلح ما البلد مليئة كفاءات

بيسوق الهبل ونفس طريقة الرئيس الراحل حسنى

نقول تغيير وزير الخارجية والبترول

يروح يجيب وزير للسياحة

بيتكلم على مبارك وكانه بيأخد منه اوامر وكانه الناس دى ولا عملت ثورة ومنتظرة نتائجها ولا حاجه

طبعا دا غير الوكسة بتاعه المن والشرطة والخيبة الكبيرة

كل ما الناس تضغط يكون هناك تنازل جديد

يوم الجمعه الماضى يوم المظاهرة المليوينة بعدها تم وضع عز وجرانه و المغربى فى السجن احتياطيا

يوم الجمعه تم السماح بفتح معبر رفح جزئيا

المطلوب ازالة كافة الرموز المرتبطة بنظام حسنى مبارك ..الحلقة الثانية والثالثة

الناس عاوزه حاجه ملموسة

مش عاوزه كلام

شبعنا من الكلام

تم تعديل 20 فبراير 2011 بواسطة aimen

[Alattar]

الرئيس الراحل حسنى مارك

البقاء لله

[aimen]

الرئيس الراحل حسنى مارك

البقاء لله

على فكرة انا متعمدها والله :closedeyes:

[aimen]

مامون فندى

الموجة الثانية لثورة مصر!

الشرق الأوسط

دونما موجة ثانية، ستكون ثورة الشعب المصري في 25 يناير (كانون الثاني) 2011 «زي قلتها»، وذلك لأن النظام ما زال قائما، النظام «لابد في الدُرَه» كما نقول بالعامية المصرية، أي أن بقاياه ما زالت موجودة وله الدور الأساسي في تشكيل المستقبل من خلال وزارة تسيير الأعمال التي كلها من النظام القديم ولها تأثير كبير على الجيش في قراراته، هذا إضافة إلى ما تبقى من النظام من رجال أعمال ومنتفعين من النظام القديم الذين لهم دور كبير في محاولة الالتفاف على إنجازات الشعب ومحاولاتهم المستمرة لتفريغ الثورة من مضمونها، وهذا ليس جديدا على مصر. ففي يوليو (تموز) 1952 استطاع النسق الثاني من المنتفعين من النظام الملكي أن يبقوا في أماكنهم، وسيطر أبناؤهم على الوزارات المهمة، في وزارة الخارجية خصوصا، وبدت ثورة يوليو أشبه بذلك المطعم الدوار على برج القاهرة الذي لف لفة واحدة وتوقف إلى الأبد. ثورة يوليو لفت نصف لفة، ولم تغير إلا القشرة في الواقع المصري، إذ ظل أبناء الباشاوات والبكوات القدامى هم عصب نظام يوليو، وجاء معظم أبناء منظمة الشباب والطليعة من هذا النسق الثاني. هذا النسق ما زال موجودا بعد ثورة 25 يناير، بل إن الوزارة الحالية برمتها ما زالت من ذات الوجوه التي أطلت على الشعب المصري لسنين عدة، وجوه بعضها لم يأت بالكفاءة ولكنها أتت بنظام المكافأة، وكنت أتمنى أن يزيح الجيش هذه الوجوه؛ حتى لو كان اسم الحكومة «حكومة تسيير أعمال»، فأي واحد من الشارع يستطيع أن يسيّر أعمال الوزارة أحسن مائة مرة من امرأة حاصلة على شهادة ابتدائية وضعها النظام السابق كوزيرة لأنها قريبة أهل الحكم. عيب أن يذلنا الجيش المصري العظيم ببقاء مثل هذه الوجوه ولستة شهور أخرى. عيب جدا، بل مقزز أيضا.

كنت جالسا في «ماريوت الزمالك» بعد استقالة حسني مبارك من منصب رئيس الجمهورية في مصر بيوم واحد، أي يوم 12 فبراير (شباط) 2011، ولاحظت في أكثر من «ترابيزة» أو طاولة إلى جواري، من الأمام ومن الخلف، أقارب وأنسباء أحد أبناء مبارك، يجلسون في طمأنينة رغم كل ما نشر عن تورط بعضهم في قضايا فساد، ومع ذلك هم مطمئنون، وهذا لا يعني سوى شيء واحد لا غير هو أن الثورة غيرت مبارك ولم تغير النظام؛ كما كنا ندعو في شعاراتنا في ميدان التحرير. «الشعب يريد إسقاط النظام»، ولكن النظام ما زال باقيا في مصر، ولم يصفر الحكم بعد ولم تعلن نتائج المباراة. واضح على وجوه أقارب مبارك في الفندق أن صفارة الحكم النهائية لم تطلق بعد، وأن احتمالية عودة أجزاء من النظام السابق واردة جدا.

الثورة في مصر لن تحقق مكتسباتها إلا بدستور جديد، وبرلمان جديد، وبنظام برلماني لا رئاسي، لأننا في مصر نريد أن يكون كل منا ريسا، حتى سائق التاكسي الأجرة «يزعل» قليلا إذا لم تقل له «يا ريس»، نحن في مجتمع شديد الحساسية وشديد الغرور أيضا، لذا وجب علينا تقليص صلاحيات الرئيس، أي رئيس، وننقل الموضوع برمته إلى النظام البرلماني. الوضع الحالي في مصر يمكن أن يستمر من خلال قدرة النسق الثاني على المناورة. الحرس القديم بعد 25 يناير أثبت أنه حرس محدود الرؤية وعقيم الأفكار، ينظر إلى المصريين باحتقار، فها هو رئيس الوزراء يقول إنه لم يجد أفضل من من عينهم في الوزارة في بلد فيه 85 مليون مواطن. انظر خارج الدائرة وستجد آلاف المصريين الأذكياء القادرين على إدارة البلد.

في عام 1993 كتبت مقالا في الـ«كريستيان ساينس مونوتور» الأميركية، تناولت فيه جمال مبارك، ومن يوم هذا المقال وأنا أعيش في جحيم صنعه كتبة النظام في مصر. كل يوم كان يطلع أحد المتطوعين لتشويه صورتي لأنني «تحدثت عن الرئيس وأبنائه»، تعقدت كل حياتي بعد مقال واحد، فقد سلط النظام من يشوه صورتي في صحافة كانت مسعورة ضد من يتلفظ ولو بكلمة واحدة عن حسني مبارك وعائلته. الآن، وبعد هذه الثورة أستطيع العودة إلى بلدي بسلام، ولكن حتى قيام الموجة الثانية من الثورة، ما زلت وغيري خائفين من أن تؤول البلد مرة أخرى للنظام القديم.

تم تعديل 20 فبراير 2011 بواسطة aimen

[أحمد سيف]

كل لقاءات و بيانات احمد شفيق بتبدو مطمئنه و بتبدو بتحاول تحقق اى تغير ...يعنى انا سمعته من يومين بيقول انه هيبنى ب 15 مليار حوالى 30 الف شقه 80 متر فى كل محافظه و اعتقد انه كده هيقضى على مشكله السكن ...و باقى الحديث كان مطمئن...انتوا ليه بقه مش متقبلينه برضه و مش عاوزينه

الجملة دي لوحدها تخلينا نشكّ فيه

بقى ده كلام رئيس وزراء في حكومة تصريف أعمال

ولا كلام واحد مطّمن انه قاعد في كرسيه عشر سنين كمان

واضح إن حضرتك مش واخده بالك من الهدف الأساسي من الثورة دي

الناس ما قامتش بالثوره عشان ألدو يمشي وشاهين ييجي ... حتى لو كان شاهين هيبني لنا 30 ألف شقه بفلوسنا

الناس عملت ثوره علشان يبقى عندنا نظام ديموقراطي نقدر نختار بيه مين اللي يحكمنا ونمشيه لما ما يعجبناش شغله ونحاسبه كمان

واحنا ما اخترناش أحمد شفيق وشغله مش عاجبنا لحد دلوقت لإنه لسه محتفظ بالبرتيته القديمة ومصمم يعاند في الناس وياخذ تعليماته من مبارك المخلوع

وزي ما قلت قبل كده لو هو كفاءه إداريه فعلا وعنده شعبيه يتنحى الآن ولما تتعمل انتخابات ديموقراطيه يبقى يرشح نفسه والناس تختاره

إنما نظام أنا قاعد على قلبكم غصب عنكم ده مش هنقبله