25 يناير ... موعد المصريين (8)

[عبير يونس]

لسه شايفة تقرير على بي بي سي عربي

وفيه لبنانيون عائدون لبلدهم في مطار لبنان

بجد دمي اتحرق

بيتكلموا كما لو كانوا نجيوا من جهنم

بصراحة ردود أفعالهم مبالغ فيها

و كأنهم

ياي عمرهم ما شافوا أي شغب في حياتهم

و بتقول للمذيعة برعب: عصابات بيدخلوا البيوت!!!

رغم أن هذا التقرير لا يمثل الشعب اللبناني بالطبع

لكن حقيقي

لا تعليق

[بركة]

ياجماعة حد شاف برنامج 48 ساعة كان مستضيف اسماء محفوظ

صاحبة مبادرة يوم 25 يناير

[شرف الدين]

ياجماعة لايوجد بديل بلاش ننفعل ونمشى ورا شعارات كاذبة وبعض المنتفعين من ثورة الشباب امثال البرادعى وطلعت السادات والاخوان وغيرهم

الرئيس اخد مبادرة جيدة للاصلاح وكلف نائبه بفتح باب الحوار دعونا نستفيد من تلك الفرصة

ثانيا تعيين نائب اقفل باب التوريث وهو انجاز كبير فى حد ذاته

ثالثا ولاية الرئيس تنتهى رسميا بعد عدة شهور دعوه يكمل تلك الفترة حفاظا على استقرار البلد

لا يوجد بديل

ههههههههههههههههههههههههههههههههههههههههههههههههههههههههههههههههههههههههههههههههههه

نفس كلمة حسني مبارك طول كل السنين اللي فاتو

مفيش حد مناسب ينفع أعينه نائب رئيس.

لدرجة في مرة أنا فاكر في حوار صحفي. صحفي سأله لماذا لا يتم تعيين نائب للرئيس. رد عليه وقاله. انا مش لاقي حد مناسب. تقدر انت ترشح لي حد.

ودلوقتي مرة واحدة اكتشف ان في بديل اسمه عمر سليمان.

زي ما فتحي سرور اكتشف مرة واحدة انه يجب احترام أحكام القضاء

الرئيس أخذ مبادرة جيدة للإصلاح

ههههههههههههههههههههههههههههههههههههههههههههههههههههههههههههههههه

خرج الثعلب يوما فى ثياب الواعظين * يمشي فى الارض يهدى ويسب الماكرين.

مبادرة الإصلاح هذه ما هي إلا وسيلة لتضييع الوقت.

وخلال وقت الإصلاح ده. يتم واحدة واحدة شوية شوية تصفية كل شباب المعارضة.

يمكن مبارك بعد كل السنين دي هياخد مبادرة إصلاح.

أما مسألة تعيين النائب دي أغلق باب التوريث

هههههههههههههههههههههههههههههههههههههههههههههههه

نائب جه نائب راح نائب عليه العوض

( مع كامل احترامي لعمر سليمان )

لكن اللي حضر العفريت يقدر يصرفه بمنتهى السهولة.

يا أخ أبو العز

بالله عليك في حد مسؤول يفضل يشوف كل اللي بيحصل في البلد ده. ويعرف إن المطلب الوحيد له هو تنحيه عن الحكم.

ومع ذلك يفضل مستمسك بالحكم !!!

هيكون أفضل من الحسن بن علي رضي الله عنه ... اللي تنازل عن الخلافة حقنا للدماء.

سؤال للأخ: أبو العز

تضمن منين سيادتك أن مبارك هيسيب الحكم في نهاية الفترة دي

في اول خطاب لمبارك بعد ما تولى الحكم أول فترة قال: هما فترتين وبس !!!

فترتين وبس !!

والفترتين بقوا 3 و 4 و 5

ممكن حضرتك تسأل: طب نعمل ايه

أقول لسيادتك حاجة مهمة.

الجيش مالوش دعوة بالبلد: الجيش مهمته حماية حدود البلد. مش حماية النظام

الشرطة ورجالها الشرفاء مهمتهم حماية البلد من الداخل. مش حماية النظام

هيفرق ايه بقى لو اللي اتولى الحكم عمرو موسى مثلا

اهو ده واحد كان من رجالة مبارك قبل كده. ولا هو اخوان ولا هو احزاب ولا هو أي حاجة

وايضا البرادعي موجود: ولا هو منتفع ولا حاجة .. ده راجل معاه قلادة النيل وكان لو هو منتفع فعلا .. كان ممكن عمل صفقات مع الحكومة من زمان.

ايه اللي يمنع ان البرادعي يكون هو رئيس البلد لفترة انتقالية ؟

تقدر تقولي ايه اللي يمنع.

بلاش البرادعي

عمرو موسى: تقدر تقولي: ايه اللي يمنع

بلاش: خلينا في عمر سليمان.

وهو راجل تاريخه العسكري مشرف.

لكن للأسف مبارك هو كمان كان تاريخه العسكري مشرف اكتر منه.

ومع ذلك شفنا عمل ايه

وهو ده اللي بيخوفني من رجال الجيش بصفة عامة.

[ على الهامش: أسماء محفوظ دلوقت على قناة المحور دلوقت مع الاتنين هناء السمري وسيد علي. والاتنين بيحاولوا يحاصروها. وهي بتحاول تهرب منهم.

للأسف مكانتش قوية بما يكفي. وللأسف تم استدراجها لعمل حوار غدا - وعضو من مجلس الشعب اتصل وقال احنا على استعداد نحاور الشباب وكل الكلام الفاضي ده ]

اقولها مرة تانية:

احذر مرة تانية: إذا تم الالتفاف على المطلب الرئيسي

هيتم الالتفاف على كل المطالب الفرعية

والحجة واحدة: الحفاظ على الاستقرار.

وباقولها تاني: هيتم تصفية كل الشباب اللي زي الورد دول واحدة واحدة ... لو النظام القائم استمر

وبعد كل التضحيات دي

هننتقل من حكم ديكتاتوري لحكم ديكتاتوري آخر.

[بركة]

ياجماعة حد شاف برنامج 48 ساعة كان مستضيف اسماء محفوظ

صاحبة مبادرة يوم 25 يناير

اسماء محفوظ بكرة الثلاثاء على قناة المحور في برنامج 48 ساعةالساعة الواحدة بتوقيت مصر

ومعاها 9 من شباب الثورة هيناقشو مستقبل مصر مع الوزراء على الهواء مباشرة

تم تعديل 31 يناير 2011 بواسطة بركة

[fatfouta]

ياجماعة حد شاف برنامج 48 ساعة كان مستضيف اسماء محفوظ

صاحبة مبادرة يوم 25 يناير

ايوه انا شوفتها بس ماقدرتش اكمل للاخر بصراحة عشان سيد وهناء بيعلوا عليا الضغط

[عبير يونس]

لسه شايفة تقرير على بي بي سي عربي

وفيه لبنانيون عائدون لبلدهم في مطار لبنان

بجد دمي اتحرق

بيتكلموا كما لو كانوا نجيوا من جهنم

بصراحة ردود أفعالهم مبالغ فيها

و كأنهم

ياي عمرهم ما شافوا أي شغب في حياتهم

و بتقول للمذيعة برعب: عصابات بيدخلوا البيوت!!!

رغم أن هذا التقرير لا يمثل الشعب اللبناني بالطبع

لكن حقيقي

لا تعليق

أُذيع التقرير مرة أخرى

بإضافة

رأيين لثنين من الرجال

واحد بيقول:

بدنا نترحم على أيام مبارك!!!!

التاني بيقول: الاوضاع مش سيئة كما تنقل التلفزيونات

بس في النهاية في قلق

و زودوا الكلام بتاع السيدتين

واحدة قالت فوضى مش طبيعية

و التانية عمالة تتكلم عن العصابات و اضطرارهم لحماية أنفسهم

و واحد كانت خايفة من عدم وجود الأن

طالب اتصل بالجامعة عشان مشروع التخرج

قالوا له:

اخلع

:closedeyes:

كده التقرير بقى طبيعي

لأنه يضم وجهات نظر متنوعة و متباينة

هذا شيء طبيعي تماما

[بركة]

ياجماعة حد شاف برنامج 48 ساعة كان مستضيف اسماء محفوظ

صاحبة مبادرة يوم 25 يناير

اسماء محفوظ بكرة الثلاثاء على قناة المحور في برنامج 48 ساعةالساعة الواحدة بتوقيت مصر

ومعاها 9 من شباب الثورة هيناقشو مستقبل مصر مع الوزراء على الهواء مباشرة

[بركة]

انتو فين يا جماعة حد يتابع المحور معايا

تم تعديل 31 يناير 2011 بواسطة بركة

[شرف الدين]

ياجماعة حد شاف برنامج 48 ساعة كان مستضيف اسماء محفوظ

صاحبة مبادرة يوم 25 يناير

اسماء محفوظ بكرة الثلاثاء على قناة المحور في برنامج 48 ساعة

ومعاها 9 من شباب الثورة هيناقشو مستقبل مصر مع الوزراء على الهواء مباشرة

للأسف الشديد

فخ وتم استدراج أسماء ليه بمنتهى السهولة

والبنت المسكينة للأسف مكانتش عارفة تتكلم وسيد علي وهناء السمري دول عمالين يقاطعوها ويحاصروها من هنا لهنا.

مجرد جلوسك مع الوزراء الجداد دول

يبقى ده معناه مباشرة انك اعترفت بيهم

وطالما اعترفت بيهم يبقى اعترفت باللي عينهم

تقدر تقولي ازاي بعد كده هنطالب بتنحي مبارك عن الحكم مرة تانية.

أعود وأكرر: حذار من السيناريو الذي يتم استدراج الشباب إليه، وهو الدخول في محاورات ( بس مش زي محاورات المصريين ) وحوارات عن استقرار البلد وأمن البلد وتوفير السلع وفك حظر التجوال وكل الكلام ده.

ده كله هدفه الالتفاف على المطلب الرئيسي

اتوقع ومتأكد إن في مندسين بكرة هيحاولوا ياخدوا المظاهرة لمنحى تاني وهو الحفاظ على الاستقرار ... والانتظار لنوفمبر.

وفي خلال الفترة دي هيكون تم تفكيك المتظاهرين فكريا.

اول مطلب: هو خروج مبارك من الحكم

تاني مطلب: حل مجلسي الشعب والشورى ( وهما أصلا ملهمش لازمة - يعني حله مش هيخسر حاجة ).

بعد كده نبقى نتكلم في اللي بعد كده

يا جماعة: افتكروا دماء الشهداء

لو رجعنا دلوقت يبقى كل دم الشهداء دول راح هدر ( زي ما دم شهداء حرب 73 راح هدر )

كل الشهدا دول: كان ممكن يكون فيهم واحد مننا لو كنا في المظاهرات اللي بتطالب بإسقاط مبارك

تفتكروا لو اننا كنا متنا واستشهدنا في سبيل الهدف ده

وتخيلوا كده إننا بعد كده لقينا صحابنا اللي كنا متعاهدين معاهم على الثبات على المبدأ والهدف

تراجعوا وتخلوا عن الهدف.

يا ترى كنا هنقول لهم ايه. هنقول لهم انتو خنتونا ... ولا هنقول لهم ايه.

ويا ترى لو قابلنا الشهدا دول اللي اتعاهدنا معاهم على الثبات على المبدأ .. هنقول لهم ايه. !!

[شرف الدين]

الآن على البي بي سي

خروج مظاهرات الآن في مصر تدعو لعدم خروج المظاهرة المليونية غدا

تدعو لبقاء مبارك في الحكم.

مش قلت لكم.

في ناس هيندسوا في المظاهرات

من الآن: أنا متوقف عن سماع الأخبار حتى مساء الغد.

بكرة هعرف إذا كانت أغنية شادية

( ولا شاف العناد في عيون الولاد وتحدي الزمن ). خلاص معادتش تنطبق علينا.

ولا احنا لسه على العهد والعند.

[بركة]

يعني ماهو الكلام له منطق مسترسل

الحكومة انتقالية

لا يجددالرئيس ترشيح نفسه

لابد من القضاء على الفساد

نرشح ناس للنظام ونطالب بدخولهم

لو ما اتحققتش المطالب يبقى فيه مظاهرة سلمية تانية

هو يعني اللي جمعهم اولاني مش هيجمعهم تاني

[fatfouta]

الآن على البي بي سي

خروج مظاهرات الآن في مصر تدعو لعدم خروج المظاهرة المليونية غدا

تدعو لبقاء مبارك في الحكم.

مش قلت لكم.

في ناس هيندسوا في المظاهرات

من الآن: أنا متوقف عن سماع الأخبار حتى مساء الغد.

بكرة هعرف إذا كانت أغنية شادية

( ولا شاف العناد في عيون الولاد وتحدي الزمن ). خلاص معادتش تنطبق علينا.

ولا احنا لسه على العهد والعند.

ايوه انا كمان سمعت عن الموضوع ده بس بعد كده لما سمعت ان الجيش وقفهم ولم يعطى لهم الفرصة للدخول لمظاهرة التحرير اطمنت

توقعوا بكرة اى شئ ومافيش حاجة مش متوقعة وربنا يستر

الخبر اهو

R.N.N | شبكة رصد قام الامن بتجميع البلطجية وتوجيه مظاهرة تاييد للرئيس مبارك الي ميدان التحرير والغرض تفريق وارهاب المتظاهرين

و بدأت التظاهره تتوجه الى ميدان التحرير

و بدء المتظاهرون الأحرار استعداد للدفاع عن أنفسهم

رافعين أكفانهم في الهواء

وده خبر منعها

شاهد عيان: من موقع الحدث : المسيرة المزعومة لتاييد مبارك تكونت من اعداد قليلة جدا وحاولت الوصول للتحرير ومنعها الجيش منعا لقيام المتظاهرين بالفتك بهم

تم تعديل 31 يناير 2011 بواسطة fatfouta

[شرف الدين]

هو يعني اللي جمعهم اولاني مش هيجمعهم تاني

على ما يكون جمعهم تاني مش هيلاقيهم أساسا.

عارف نظرية فرق تسد يا استاذ بركه

هي دي نظرية الأمن القمعي في جميع العصور

فرق تسد: هديهم دلوقت - وبعدين فرقهم فكريا - تفرقهم معنويا - تقدر تستفرد بيهم واحدة واحدة

من مراسل البي بي سي ( وهو صحفي ) اسمه اسلام شفيق علام

على مسؤولية البي بي سي

سيارات القوات المسلحة تحمل جنودا من القوات المسلحة يرتدون ثيابا مدنية ويهتفون - الجيش والشعب يريدك يا مبارك - تطوف شوارع المهندسين - وتسير وراءها دبابة

وكذا في مجموعة دخلت ميدان التحرير وتهتف لمبارك

على مسؤولية المراسل أيضا

المتظاهرون سيحملون اكفنة شهداء انتفاضة الحرية وسيتجهون بها إلى القصر الجمهوري

[طبيبة بالخارج]

ياجماعة لايوجد بديل بلاش ننفعل ونمشى ورا شعارات كاذبة وبعض المنتفعين من ثورة الشباب امثال البرادعى وطلعت السادات والاخوان وغيرهم

الرئيس اخد مبادرة جيدة للاصلاح وكلف نائبه بفتح باب الحوار دعونا نستفيد من تلك الفرصة

ثانيا تعيين نائب اقفل باب التوريث وهو انجاز كبير فى حد ذاته

...

ثالثا ولاية الرئيس تنتهى رسميا بعد عدة شهور دعوه يكمل تلك الفترة حفاظا على استقرار البلد

هو عمر سليمان راجل محترم وتاريخه نضيف فعلا

يعنى كمان ميزة تانية محتاجينه جدا فى الفترة دى لان الملفات كلها خاصة ملف المخابرات والملفات الدولية

واللى بتخص دول الجوار لازم واحد يكون محنك وفاهم ويقدر يسد الفراغ السياسي اللى ممكن يخلفه مبارك ماهو مبارك اه وحش ومتفقين

لكن فى السياسة الدولية وحفظ السلام لمصر فترة كبيرة اكيد راجل خبرة

علشان كدا محتاجين الفترة دى واحد زى عمر سليمان

ولغاية ما الانتخابات ميعادها يهل يبقى قدامنا

البرادعى او احمد زويل وكمان مصر ولادة و فيها كتير يصلح سواء مدنين او عسكريين

وكمان الشعب بيثق فى الجيش ممكن واحد من الجيش ينتخب غير اللى قدامنا دول

انتم اكيد بتهزروا انتخابات ايه اللي منتظرين تكون مضبوطة لو فضل النظام لغاية وقتها انتوا نسيتوا انتخابات مجلس الشعب؟

و بعدين مين قال ان مصر محتاجة لرئيس سياسي و بس؟ ممكن عمر سليمان يكون مثلا وزير الخارجية مستشار سياسي مش لازم الرئيس

احنا الفترة الجاية عايزين حاجتين مهمين عشان نحس ان الثورة عملت نتائج استحقت موت شهداءنا و الا شعب مصر عمره ما حيثور تاني

احنا عايزين نخرج من دائرة الحكم العسكري و نكون حكم مدني و عايزين رئيس يكون عنده فكر اداري متميز عشان نخرج من حالة التخلف التعليمي و الاقتصادي اللي تعتبر دلوقتي اهم من اي سياسة خارجية لأنهم لو انضبطوا فسياستنا الخارجية حتنضبط معاهم اتوماتيكيا عايزين ناس فكرها يرجعنا في مصاف الدول المتقدمة في كل المجالات و ده هو اللي حيعمل لنا وزن كبير في السياسة

تم تعديل 1 فبراير 2011 بواسطة طبيبة بالخارج

[fatfouta]

حسبى الله ونعم الوكيل فى التليفزيون المصرى والقائمين عليه هو مافيش حد فيه بيحب بلده ويقول لأ ؟؟؟

رصد |التلفزيون المصري | هل هناك شخص غير مبارك بحكمته وخبرته يستطيع أن يقودها في هذه المرحلة ؟

R.N.N | شبكة رصد

التليفزيون المصرى وعدد من القنوات المصرية الفضائية الخاصة تمارس حملة إحباط و اكاذيب مسمومة على شاشاتها لإثناء الجماهير عن المشاركة فى المظاهرات المليونية بميدان التحرير وسط القاهرة وباقى المحافظات،و عشرات الألاف من المتظاهرين يبيتون الأن فى ميدان التحرير مصرين ومستمرين فى اعتصامهم بميدان التحرير حتى رحيل مبارك ونظامه، وينتظرون بقية التجمعات إستعداداً للمظاهرة المليونية غداً

R.N.N | شبكة رصد التلفزيون المصري | هل هناك شخص غير مبارك بحكمته وخبرته يستطيع أن يقودها في هذه المرحلة ؟ ....37 minutes ago

تم تعديل 1 فبراير 2011 بواسطة fatfouta

[fatfouta]

جووجل تطلق خدمة للمصريين لارسال رسائل تويتر من الجوال من بالإتصال بالارقام التالية: (+16504194196 or +390662207294 or +97316199855

http://www.saynow.com/

http://www.saynow.com/playMsg.html?ak=RXhyMU9pRjhQWHpHQmRzOHh6bHVKZz09

تم تعديل 1 فبراير 2011 بواسطة fatfouta

[Simba]

التلفزيون بتاعنا جايب اغنية

ما تقولش ايه ادتنا مصر قول هندي ايه لمصر

[Simba]

القاهرة (رويترز) - بدأ نائب الرئيس المصري حسني مبارك محادثات يوم الاثنين مع المعارضة بشأن اجراء اصلاحات شاملة فيما يشير الى ان الضغوط الهائلة من المحتجين في الشوارع والحلفاء الغربيين والجيش بدأت تنهي حكمه المستمر منذ 30 عاما.

وبعد أسبوع من الاحتجاجات الحاشدة على الفقر والفساد والقمع في عهد مبارك (82 عاما) الذي يسانده الجيش قال نائبه المعين حديثا عمر سليمان في كلمة بثها التلفزيون ان الرئيس طلب منه بدء اتصالات مع القوى السياسية لبدء حوار بخصوص الاصلاح.

وذكر التلفزيون في وقت لاحق أن المحادثات بدأت. كما ذكر سليمان أن الحكومة الجديدة التي عينها مبارك وأدت اليمين يوم الاثنين ستحارب البطالة والتضخم والفساد.

لكن الخصوم من أول الشبان العلمانيين المعارضين الى معظم الحركات الاسلامية يريدون أن يتنحى مبارك ويأملون حشد مليون شخص في الشوارع يوم الثلاثاء بعد أن شجعهم تأكيد الجيش أنه لن يطلق النارعليهم أثناء تعبيرهم عن مطالبهم "المشروعة".

وفي ميدان التحرير بوسط القاهرة حيث يظل الاف المحتجين مستيقظين خلال الليل في تحد لحظر للتجول قال المحامي أحمد حلمي (45 عاما) ان وقت التنازلات قد فات وان الامر الوحيد الذي سيقبله المحتجون هو أن يستقل طائرة ويرحل.

ولا يبدو مرجحا أن يحكم مبارك وقتا طويلا في ظل نظام جديد تجرى في اطاره انتخابات حرة في أكثر الدول العربية سكانا.

وقال المحلل عمر عاشور متحدثا لقناة الجزيرة الفضائية انه يعتقد أنها بداية النهاية.

وكان قائد الجيش قد أعلن قبل كلمة سليمان أن مطالب المحتجين " مشروعة" وقال ان الجنود لن يطلقوا النار على المحتجين المسالمين الذين دعوا الى خروج مليون محتج الى الشوارع اليوم الثلاثاء للضغط على مبارك ليتنحى.

وطالما ساندت الولايات المتحدة مبارك كدعامة راسخة في مواجهة التشدد الاسلامي وصديق لاسرائيل بمليارات الدولارات من المعونات العسكرية. وقالت واشنطن يوم الاثنين بوضوح انه يتعين على مبارك أن يلغي قانون الطواريء الذي استمر يحكم في ظله منذ عام 1981 وأن يجري انتخابات حرة. كما أرسلت واشنطن مبعوثا هو فرانك ويزنر السفير الاسبق لدى مصر لمقابلة الزعماء المصريين

[Simba]

مصر: تعتيم "إنترنتي وخلوي" لإحباط المسيرة المليونيةالثلاثاء، 01 شباط/فبراير 2011، آخر تحديث 05:20 (GMT+0400)

مصر بلا إنترنت ولا خلوي استباقا للمسيرات المليونيةالقاهرة مصر (CNN) -- أعلن وزير الإعلام المصري في تصريح لـCNN الثلاثاء أن شبكات الاتصال الخلوي في مصر سوف تغلق خلال الساعات القليلة المقبلة، واتخذت إجراءات أخرى استباقاً للتظاهرات "المليونية" في القاهرة والمدن الكبرى التي أعلنت عنها جماعات وقوى المعارضة في مصر.

ووفقاً لوزارة الإعلام المصرية، فقد أغلقت مجموعة "نور"، الشركة المزودة لخدمة الإنترنت في مصر، وتحديداً آخر شركة عاملة في هذا المجال، بوقف خدماتها بالكامل، وتأتي هذه الخطوة لتشكل "تعتيم إنترنتياً كاملاً.

كذلك أوقفت الحكومة شبكات الاتصالات الخلوية العاملة في البلاد قبيل المسيرات المذكورة، بحسب ما قالت الوزارة.

ووضعت قوات الأمن المصرية حواجز اسمنتية على مداخل المواقع الاستراتيجية في وسط القاهرة وبالقرب منها.

كذلك أمر الرئيس المصري حسني مبارك بوقف القطارات لأجل غير مسمى، بما يساعد في منع المتظاهرين من الوصول إلى ميدان التحرير الثلاثاء.

يذكر أن محتجين في "ميدان التحرير" بوسط القاهرة، قالوا الاثنين، لـCNN إنهم يعملون على تنظيم مسيرة مليونية، الثلاثاء، بعد أسبوع منذ انطلاق "يوم الغضب" الثلاثاء الماضي حيث خرج الآلاف في احتجاجات غير مسبوقة للمطالبة بتنحي الرئيس، حسني مبارك، بعد ثلاثة عقود في السلطة.

يعتقد خبراء ومواطنون مصريون يعيشون في البلاد إن الحكومة نسقت حجب مواقع إلكترونية معينة، وقطعت الاتصال بالإنترنت تماما عن أجزاء من مصر.

وعمد المحتجون الخميس الماضي إلى توثيق مظاهراتهم على موقعي "تويتر،" و"فيسبوك،" والتي جرت في شوارع القاهرة والإسكندرية ومدن أخرى، إلا أن نشاطهم ما لبث أن خبت، في نفس الوقت الذي اختفت فيه العديد من المواقع التي تعمل على خوادم مركزية في مصر.

وقد استمر تدفق المعلومات إلى فيسبوك وتويتر، فيما قال مشغلو الهاتف الخليوي إنهم تلقوا طلبا من السلطات لتعليق الخدمات في أجزاء من مصر، وفقا لبيان من شركة فودافون العالمية التي تعمل في مصر عبر وحدتها المحلية

[jasmin hamed]

شباب بولاق تعرفوا على سارق الاسواق الحره و اعادوا البضائع

(احنا بولاقيه احنا مش حراميه )

و الله الناس بجد من كل حته حاجه

تفرح حاجه ماتوصفهاش كلام

تم تعديل 1 فبراير 2011 بواسطة jasmin hamed