25 يناير ... موعد المصريين (8)

[hOuSsAm]

مش ملاحظين حاجه ؟

إن إمبارح ولا النهاردة وبعون الله وفضله نعمته .. مافيش حتى طوبة إتحدفت من حد غير مسئول ؟

مش ملاحظين إن سفارة أمريكا على بُعد حجر من ميدان التحرير ... أو سفارة إسرائيل اللي في الجيزة أمام جامعة القاهرة ... ومع ذلك مافيش حد قرب من هناك

وده لإن هدفنا لا تخريب ولا إرهاب لحد ...

غحنا هدفنا خلع النظام الديكتاتوري الظالم وهدفنا التخلص من الكابوس المفزع

ايه ده

تصدق اول مرة اخد بالى اننا كمصريين مش ارهابيين

اننا مش دعاة تخريب

يعنى انت قصدك مش المصريين اللى فجروا الكنيسة فى الاسكندرية

رسالة الى امريكا من سين سين

يا شعب يا امريكى السفارة بتاعكوا لو المصريين هتفوا جنبها ممكن تتمحى من على وش الارض

لكن مش المصريين

عمر ما المصريين كانوا دعاة تخريب

عمرهم ميرضوا الخراب او قتل المدنيين

المصريين عندهم شهامة وادب واخلاق الفرسان

عشتوا لمصر احرار يا شباب مصر

اسمعوا يا عااااااااااااالم وشوفوا المصريين

[fatfouta]

الله يرحمك يا شيخنا محمد متولى الشعراوى

لو معانا دلوقتى كان زمانه وجه له كلمة حكيمة يمكن كانت هزت مشاعره او خلته يحس بالشعب

لكن الحمد لله على كل شئ وربنا يرحمك يا شعراوى

تم تعديل 1 فبراير 2011 بواسطة fatfouta

[mekkawy]

مــــلــــحـــــمــــة

[aimen]

RT @ShmpOngO: اضحك مع التلفزيون المصري المذيع : الحكومة ستتفاوض مع الجماعة المحظورة #jan25

[م تيمور المراغي]

الله يرحمك يا شيخنا محمد متولى الشعراوى

لو معانا دلوقتى كان زمانه وجه له كلمة حكيمة يمكن كانت هزت مشاعره او علته يحس بالشعب

لكن الحمد لله على كل شئ وربنا يرحمك يا شعراوى

الشعب المصري اليوم كله الشيخ الشعراوي ,,

عاش الشعب المصري العظيم ,,

عاش الشعب صاحب الكرامه والحضاره ,,

اللي شايفينه دلوقتي يفوق الاساطير ,,

الرصيد الوجداني الجمعي عبر الوف السنين يتجسد امام اعيننا لا اله الا الله ,,

من اليوم مافيش غير الكرامه والعزه والحريه لكل مصري ولكل مصر ,,

رفعتم راسنا يا ابطال يا ثوار يا احرار ,,

تحيا مصر ,,

[fatfouta]

R.N.N | شبكة رصد

الشعب المصري يخرج عن بكرة أبيه فى كآفة المحافظات...على قلب رجل واحد...ليسقط بوحدته .. النظام الفاسد7 minutes ago

[aimen]

من حكمدار القاهرة إلي السيد أحمد إبراهيم القاطن بدير النحاس ... الدواء فيه سم قاتل

يا جماعه بالله عليكم حرصا على صحة اولادكم واولادنا ابوس ايديكم محدش يحاول يتفرج على التليفزيون المصرى ولا قناة الCNN

[mekkawy]

المصريون ...... يعزفون على أوتار التحضر و تخرج منهم أنغام التقدم

المصريون ...... يعلمون الناس الحب و العشق حينما هاموا في عشق بلادهم

المصريون ...... يخاطبون قلوب 5 مليار إنسان و يؤدبون فيهم الغضب

المصريون ..... يكيدون للشيطان و يدحرونه بصبر نادر الوجود و حكمة منقطعة النظير

المصريون ..... أعلنوا افتتاح مدرسة الانسانية و جامعة البشرية للعلم و الحضارة و القوة و العزيمة

المصريون ..... ياااااااااااه يا بلدي .. وحشتيني أوي

أنا مصري ... أنا مصري .. أنا مصري ... راسي مرفوعة .. هامتي عالية ... فخوووووور أوي بمصريتي

كلنا مصر يا شباب

تم تعديل 1 فبراير 2011 بواسطة mekkawy

[samehmagdy]

اسمع يا اللى بتقول ان البراداعى والاخوان بيركبو الموجه وعاوزين مصلحتهم الشخصيه

البرادعي |

أنا لا أرغب في تولى حكم فترة انتقالية أو بعد ذلك ولكن ارغب في الاستقرار لمصر الآن

الأستاذ محمد مهدي عاكف المرشد السابق لجماعه الإخوان المسلمين

دور الإخوان المسلمين في الإحتجاج دور رائد ولكنهم طيف من الأطياف وهم مع الشارع لا يتقدمون خطوة ولا يتأخرون خطوة ومتواجدين مع اللجان الشعبيه التي تحمي المواطنين , الإخوان المسلمين موجودين ولكن لا هدف ولا غايه لهم يريدون ان يخدمو هذا الشعب

بيان الإخوان | تولى رئيس المحكمة الدستورية العليا رئاسة الجمهورية

تكوين حكومة وحدة وطنية

إجراء إنتخابات مجلس الشعب

إعادة صياغة الدستور

إجراء إنتخابات رئاسية

[fatfouta]

الجيش المصرى يضع اسلاك شائكة حول القصر الجمهورى....الجزيرة

[aimen]

[quote name='samehmagdy' timestamp='1296564508' post='688082']

اسمع يا اللى بتقول ان البراداعى والاخوان بيركبو الموجه وعاوزين مصلحتهم الشخصيه

البرادعي |

أنا لا أرغب في تولى حكم فترة انتقالية أو بعد ذلك ولكن ارغب في الاستقرار لمصر الآن

الأستاذ محمد مهدي عاكف المرشد السابق لجماعه الإخوان المسلمين

دور الإخوان المسلمين في الإحتجاج دور رائد ولكنهم طيف من الأطياف وهم مع الشارع لا يتقدمون خطوة ولا يتأخرون خطوة ومتواجدين مع اللجان الشعبيه التي تحمي المواطنين , الإخوان المسلمين موجودين ولكن لا هدف ولا غايه لهم يريدون ان يخدمو هذا الشعب

بيان الإخوان | تولى رئيس المحكمة الدستورية العليا رئاسة الجمهورية

تكوين حكومة وحدة وطنية

إجراء إنتخابات مجلس الشعب

إعادة صياغة الدستور

إجراء إنتخابات رئاسية

تم تعديل 1 فبراير 2011 بواسطة aimen

[مغتربة]

مراسل الجزيره الشرطه العسكريه تنصب اسلاكا شائكه حول مقر الرئيس مبارك بمصر الجديده

[Ahmed Anwer]

يا جماعة فيه راي عام في مصر

ان المظاهرات لازم تتوقف عشان الحياة ترجع

و كفاية المكاسب اللي اتحققت

ده راي عامة الشعب الستات و الاطفال المحبوسين في بيوتهم

و الرجال السهرانين لحراسة الشوارع

[se_ Elsyed]

تيمور

بتحب الرمان بقشرة .. ولا عصر عشان يتهضم بسرعة ؟

شكل الرمانة قربت منك يا زعيم ... واول الغيث هو إختفاء وشاح النيل اللي منحه لك سيادة الرئيس الراحل .. أه والله .. شايف مكانه علامة X

ما هو مش معقول يزقلوك في المالح وإنت بكامل اناقتك ومعلق الوشاح ...

هاتوحشنا يا تيمو .... وإبقى إحكي لنا عن إحساسك وإنت تحت ...

روح إنت وإحنا مكانك

[wsadani]

انا حاطط أيدى على قلبى

يا رب سترك

[اغابي]

الجيش المصري : مطالب الشعب المصري مشروعة ولن نستخدم القوة ضد المتظاهرين

[م تيمور المراغي]

الناس دي مش حتسكت فعلا الا لما مبارك يتنحى وحكومته تستقيل ,,

اعتقد والله اعلم ان فكرة المفاوضات مع النظاما لحالي قد انتهت الى غير رجعه ,,

على حركة شباب 6 ابريل مراجعة اجندتها طبقا للمستجدات الحاليه ,,

[hOuSsAm]

العاهل الأردني يقيل الحكومة الحالية بالكامل ويكلف حكومة جديدة

الناس الاردنيين اللى اعرفهم بيشكروا مصر

شكرا يا مصر

[مغتربة]

قناه الجزيره تقول ان مليونى شخص فى ميدان التحرير و قناه العربيه تقول ربع مليون طيب نصدق مين ؟

[hOuSsAm]

البرادعي | أنا لا أرغب في تولى حكم فترة انتقالية أو بعد ذلك ولكن ارغب في الاستقرار لمصر الآن

الراجل عداه العيب بصرف النظر انه الانسب ولا لاء

ياريت يا جماعة محدش يظلم الراجل ويقول مقضى حياته بره مصر