25 يناير ... موعد المصريين (8)

[م تيمور المراغي]

قناه الجزيره تقول ان مليونى شخص فى ميدان التحرير و قناه العربيه تقول ربع مليون طيب نصدق مين ؟

تصدقي عينك يا مغتربة

دا منظر ربع مليون؟

ادوني 10 دقايق يا ريمو وححسب لكم العدد الموجود حاليا في ميدانا لتحرير ان شاء الله

الانسانا لواحد بيشغل مساحه قدرها متر في متر لو مرتاح ونصف متر في نصف متر لو زحمه

من جوجل ايرث حطلع مساحة ميدان التحرير بالامتار المربعه ونضربها في 4 يطلع عدد الافراد الموجود حاليا ,,

دقايق

برب

[مغتربة]

تعرض باقه الجزيره على عرب سات للتشويش

[se_ Elsyed]

مش من حقه

سكن العزاب مافيهوش تشريط وده عاوز أوضه بتبص عالبحر ودكهو عاوزها بحري ..

هو يتلقح مطرح ما احنا نعوز ...

ما هو بكره ممكن يتنطط ويقول لك : مش عاوز أوضه مع علي عبد الله صالح أصلة بيضرب قات وبانجو بالليل

ولا مش عاوز أوضه مع القذافي أصله بيجيب جمال ونوق حمر عشان يحلبهاوالجمال مبهدله الأوضة

او مش عاوز أوضه مع البشير عشان أصحابه السودانيين بييجوا بالمئات كل يوم يزوروه ومش بأعرف أخد راحتي في أوضتي

وبرضوا ما بندفعش بدل سكن للعمالة اللي زي دي ...

كله بالقانون ... وقانون العمل في جيبنا ومعانا

[فيصل]

السلام عليكم ورحمة الله وبركاة

معكم اخوكم فيصل الراجحي من السعودية - الظهران

اتشرف اني اكون بينكم وان شاء الله ماراح تلقون مني الا كل خير

الا مصر ..

والله ليست مجامله او لأني في منتدى مصري ,,

ولكن مصر كبلد تعني الكثير فهي روح الأمه الاسلامية مهما انهكتها الحروب والأزمات الأقتصادية

فمتى ما نهضت مصر نهض العرب من كبوتهم

لا شك ان الشعب المصري معذور في ثورته ضد مبارك فقد طفح الكيل 30 عاما ومصر في انحدار ببركة حسني مبارك ومن معه بالرغم مما قدمه مبارك قبل حكمه من خدمات جليلة لبلده

ولكن لا يعني اذا كنت طيارا مهارا اني اصلح لأدارة بلد ! فالأدارة فن لا يجيده الكثير من حكام الدول العربية

وحتى بعد ما استلم الحكم لا ننكر له ايجابيات خاصة في سياسته الخارجية معنا كدول مجلس التعاون الخليجي

فنحن في دول الخليج نقدر حسني مبارك لأنه لا يملك مواقف عدائية ضدنا بالعكس كانت له مواقف مشرفه معنا ولكن هذا لا يعني انني لا احترم رغبة الشعب المصري واضرب به عرض الحائط فهذه قمة الأنانية .. فكما اسلفت لهم الحق بالثوره وليس لي حقا بالاعتراض عليهم فمن يده بالماء ويعيش حياة مرفهه من العيب ان يقف ضد من يده بالنار ويصرخ منها..

مبارك نعرفه ويعرفه المصريين فأن كان في ذهابه خيرا لمصر ولشعبها وللأمة الاسلامية وعودة مصر الى سابق عهدها كدولة تعتبر منارة للعلم والثقافه ومفخرة للعرب فأسأل الله ان يعجل برحيله

وان كان في ذهابه غير ذلك بل مزيدا من الفوضى والدمار ورؤساء احزاب بتقاتلون على الحكم بدماء الشعب كما نرى بالعراق فأتمنى ان يبقى مبارك "شئ احسن من شئ"

لا اشك بحب المصريين لبلدهم بل ان مصر محسوده على هذا الشعب ولكن اتمنى اذا نجحت الثوره ان لايخطئ المصريين ويأتوا بمن لا يختلفون عن حسني مبارك ويذهب جهدهم هباء منثورا ومن امثالك ذلك البرادعي اتمنى ان لا تكون كلماته يصدقها الشعب المصري فهو خيار امريكي اذا ذهب مبارك .. واتمنى ان لا يلتفت المصريين الى قناة الجزيرة ويظنون انها تقف في صفهم كلا فهي استغلت هذه الأحداث للأنتقام من النظام المصري فسياسة الجزيرة بل حكومة قطر بأكملها هو تحييد دور مصر الأقليمي واضعافه سواء كان ذلك مع نظام مبارك او غيره ستستمر قطر بمحاولة استفزاز مصر وتشويه دورها .. كذلك ايران وابنها صاحب حزب الله الذين يأيدون مظاهرات مصر ليس حبا في المصريين بل املا منهم ان تكون مصر "عراق" اخر لا سمح الله وسقوط مصر ودورها التاريخي فوالله لا يتمنون لمصر خيرا ويخافون من حاكم غير حسني مبارك يقود مصر كي لسابق عهدها .. هؤلاء لايعرفون من الحرية شئ بل ان حسني مبارك نفسه افضل منهم ولكم ان ترون كيف تعاملت طهران مع مظاهرات شعبها عام 2009م وكيف سحلت بجثث المتظاهرين بالشارع ..

نتمنى لكم كل خير ويشهد الله انه قبل يومين عندما حدثت اعمال النهب والسلب لم اهنأ بالنوم مع انه لا يوجد لي قريب او صديق هناك ولكن توقعت ان مصر سقطت وكأني ارى سقوط بغداد يتكرر عام 2011م وقلت حينها ذهبت مصر ولكن الحمدلله لم تدهور الأوضاع اكثر من ذلك .. نحن في السعودية نتابع كل مايجري في مصر وكأنه يجري لدينا فالعالم العربي مثل الطائرة جناح مصر والجناح الأخر السعودية .. فأن سقطت احدى الاجنحه سقطت الأمة العربية اكثر مما هي عليه الان

تقبلوا تحياتي

..

تم تعديل 1 فبراير 2011 بواسطة فيصل

[hOuSsAm]

البرادعي | أنا لا أرغب في تولى حكم فترة انتقالية أو بعد ذلك ولكن ارغب في الاستقرار لمصر الآن

الراجل عداه العيب بصرف النظر انه الانسب ولا لاء

ياريت يا جماعة محدش يظلم الراجل ويقول مقضى حياته بره مصر

وسمعت كلام الضهر من محمد مهدي عاكف مرشد الإخوان السابق .. بصراحة كلام يثلج الصدر والله ... الراجل بيقول إحنا زي أي مصري لا نسعى إلى مكاسب ولا سلطة ولم ولن نرفع شعارات دينية في المظاهرات لإن هدفنا هو صالح مصر فقط ....

يا سين سين

ما الناس حلوة اهى

وبتحب بعض وبتسامح بعض

محدش داخل على طمع ولا سلطة

عارفين ان الكرسى فانى

وان البقاء لله سبحانه وتعالى

امال صدعونا ليه بطمع وطموح الاخوان فى الكرسى

وانهم هيبدلوكوا

يارب يا منان ابعد عننا الشيطان الرجيم

يارب ابعد عننا الوساوس

كله هيبقى كويس وكله هيبقى بخير

محدش هيبقى طماع انه ياكل حق حد

معتش حد هياخد رشاوى

الناس هتبقى متسامحه

وكله هيحب الخير لكله

الناس اللى مش بتصلى هتصلى

الناس اللى بتحرق فى البانجو هتبطله

تجار البانجو هيحرقوه

معتش منه فايدة

الشعب قالها

وكلمة الشعب اقوى من اى حاجة

بكره هتحلو

[fatfouta]

بالله عليكم لا تبصوا عالصورة بتاعة المظاهرة المويدة لمبارك....مش ملاحظين حاجة؟؟؟

هسيبها لذكائكم وركزوا عالشرطة

[Alattar]

قناه الجزيره تقول ان مليونى شخص فى ميدان التحرير و قناه العربيه تقول ربع مليون طيب نصدق مين ؟

لاده و لاده

طبعا نصدق التليفزيون المصري..اللي من غير ما أشوفه أكيد بيقولوا

ان التحرير مافيهوش غير عربية بطاطا..و اتنين حبيبة

[Ahmed Anwer]

طيب كلموا اهاليكم جوه و اصحابكم بره فهموهم كده

[م تيمور المراغي]

قناه الجزيره تقول ان مليونى شخص فى ميدان التحرير و قناه العربيه تقول ربع مليون طيب نصدق مين ؟

تصدقي عينك يا مغتربة

دا منظر ربع مليون؟

ادوني 10 دقايق يا ريمو وححسب لكم العدد الموجود حاليا في ميدانا لتحرير ان شاء الله

الانسانا لواحد بيشغل مساحه قدرها متر في متر لو مرتاح ونصف متر في نصف متر لو زحمه

من جوجل ايرث حطلع مساحة ميدان التحرير بالامتار المربعه ونضربها في 4 يطلع عدد الافراد الموجود حاليا ,,

دقايق

برب

عالسريع كده

ميدانا لتحرير مساحته تعادل مربع طول ضلعه 300 متر تقريبا ,,

والعهده على اداة القياس في جوجل ايرث

مساحة الميدان فقط بدون الشوارع المحيطه او التي تصب فيه = 90الف متر مربع

نقول 100 الف والمتر المربع بسبب الزحمه نقول يشغله 4 افراد يبقى عدد الافراد الحالي 400 الف نقول 500 الف فرد

نشيف اليهم مثلهم في الشوارع المجاوره يبقى العدد فاق المليون مصري والحمد لله

بسم الله ماشاء الله ,,

يارب انصر الثوار ,,

[mekkawy]

مرحباً يا أخ فيصل

اليوم يا سيدي يوم البشرية كلها .. يوم التحرير من كل ظالم .. اينعم هو يومنا أوي أوي .. لكننا هنعلم فيه العالم كله .. أينعم اللي ماتوا مصريين بس همن عرب بردو و كلنا إخوات

تونس بدأت و مصر كملت و النهاردة عاهل الأردن أقال الحكومة .. و الدور جاي .. إن شاء الله العالم الاسلامي العربي هيرجع لمكانته المتقدمة .. و هنكون دول عظمي مة تانية

تعالى يا أخي اقف معانا و ادعي لإخواتك و انسى مصري و سعودي و يمني و أردني و ليبي ... كلنا النهاردة إنسان ثائر ضد العبودية

بس معلش ههههه .. و الله بحبك و بحب الكل .. كلنا النهاردة مصري

[Alattar]

عميد شرطة وفريق من الحرامية التابعين للشرطة يحاولوا سرقة بنك فى دمنهور

الحمد لله الجيش مسكهم وقتل العميد

هناك مظاهرة ل70-100 فرد مؤدين لمبارك امام صيدلية الاسعاف فى ميدان التحرير

قناة الحرة

كويس انهم عملوها أما صيدلية الاسعاف..عشان بعد كده ما يبقوش يشتكوا

انهم مالقوش علاج أو أطباء

العالم دي أكيد ضاربة حشيش عالصبح

[م تيمور المراغي]

طب حد عارف الخطوة اللي جايه إيه لو فضل متنح ومطنش وبيراقب الناس وهي بتحدفه بالجزم بس ؟

يعني لا قدر الله هايكون في عنف ويتجهوا من ميدان التحرير لقصر العروبة أو قصر القبة ولا إيه بالظبط ؟

أصل ده لوح تلج بعيد عنكم وحاجه هُلامية ما حصلتش

هو مش قصر العروبه

هو في غرفة عمليات القوات المسلحه على ما اعتقد

ودي مستحيل حد يقدر يقتحمها ولو بالدبابات ,,

المظاهره لو العنف دخلها حيروح فيها ابرياء ,,

عاوزينها سلميه وحضاريه زي ماهي كده ,,

ان شاء الله

,,

[fatfouta]

R.N.N | شبكة رصد عـــــــــــــــــــــاجل || فى اتصال هاتفى مع احد المنظمين وسؤاله ماذا لو لم يتم الاستجابه لمطالبكم اليوم فأجاب سنعلن عن عصيان مدنى يبدأ من اليوم والدعوة لجمعه الرحيل

[arkan]

معلش ياجماعة

انا كل يوم اجي اسألكم عن الجزيرة بطلت تشتغل

وجربت ترددات فتفوته ومنفعش

عندكم فكرة عن ترددها

[hOuSsAm]

طب حد عارف الخطوة اللي جايه إيه لو فضل متنح ومطنش وبيراقب الناس وهي بتحدفه بالجزم بس ؟

يعني لا قدر الله هايكون في عنف ويتجهوا من ميدان التحرير لقصر العروبة أو قصر القبة ولا إيه بالظبط ؟

أصل ده لوح تلج بعيد عنكم وحاجه هُلامية ما حصلتش

بص يا عمى

هقولك اللى هيحصل بالظبط

تبعا لتداعيات خسارة البورصة فى كل الدول

واهتزاز الاقتصاد العالمى بالمظاهرات فى مصر

زعماء كل الدول هيجوا قدام القصر الجمهورى ويقولوا له روح يا شيخ ربنا ينتقم منك زى ما احرجتنا قدام شعوبنا

هيرفوعوا اللافتات ويقولوا يا مرابرك ارحل

ارحل

ارحل

هتلاقى اوباما يقوله GO AWAY

هتلاقى بتاع الاردن يقوله يا زلمة ما تعصبنى ... ارحل وخلصنا

هتلاقى بتاع السودان يقوله يا زول ليش تقهر شعبك.... شنو هالرجال مايردونك ..... ارحل ربنا ينتقم منك

وتيجى الجزيرة وتقول زعماء العالم قاموا بمظاهرة قدام القصر الجمهورى ويطالبون مبارك من الرحيل من الكرة الارضية

تفتكروا هيلاقى فندق فى المريخ يسكن فيه ؟؟؟؟؟؟؟؟؟؟؟؟؟

[Alattar]

R.N.N | شبكة رصد عـــــــــــــــــــــاجل || فى اتصال هاتفى مع احد المنظمين وسؤاله ماذا لو لم يتم الاستجابه لمطالبكم اليوم فأجاب سنعلن عن عصيان مدنى يبدأ من اليوم والدعوة لجمعه الرحيل

هو البني آدم مش ناوي يتهد بأه..و يحس علي دمه ..و ياخد أول ميكروباظ علي بلدهم

احنا هنقعد بأه ندي لكل جمعة اسم؟؟

جمعة الغضب..و جمعة الرحيل.. و جمعة الشوان

ايه وجع القلب ده

[fatfouta]

معلش ياجماعة

انا كل يوم اجي اسألكم عن الجزيرة بطلت تشتغل

وجربت ترددات فتفوته ومنفعش

عندكم فكرة عن ترددها

انتى جربتى دول يا اركان؟؟؟

جربى تانى كده وشوفى

10911 v

11393 v

حاولى تانى

تم تعديل 1 فبراير 2011 بواسطة fatfouta

[Diab]

البوليس لابس نص كم وابيض في الشتا

[jasmin hamed]

انا زهقت

[م تيمور المراغي]

بالله عليكم لا تبصوا عالصورة بتاعة المظاهرة المويدة لمبارك....مش ملاحظين حاجة؟؟؟

هسيبها لذكائكم وركزوا عالشرطة

لابسين ابيض ؟؟