25 يناير ... موعد المصريين (8)

[Alshiekh]

فيديو يعبر عن التليفزيون المصرى

http://www.youtube.com/watch?v=Y_R5PiIDYD0&feature=player_embedded

الله عليكى يافتفوتة

خرجتنى من الإكتئاب اللى أنا عايش فيه بسبب قلقى وقلة نومى

[aimen]

RT

@dr_anwar:

سجل برأس الصفحة الأولى أنا لا أكره الناس و لا أسطو على أحد و لكن إذا ما جعتُ آكل لحم مغتصبي، حذار حذار من جوعي و من غضبي محمود درويش #Jan25

من تويتر

[عبير يونس]

يا نهار أبيض

شوفوا الجدعنة و الشهامة المصرية

اللي كانوا بيوهمونا إنها انتهت

محلات الطعام توزع الأكل و العصير على المتظاهرين

الفرحة مختلطة بدموع و أمل و ترقب

اللهم احمي مصر و شعبها

لم أفرح طوال سنوات عمري كما أشعر اليوم

عايزة أصرخ و أقول أنا مصريييييييييييييييييييييييية

أنا مصريييييييييييييييييييييييية

أنا مصرييييييييييييييييييييييييييية

[شرف الدين]

والله ما عارف الناس تعمل أيه تاني ، صبرنا يارب على البارد..

الجزيرة : كشري التحرير يوزع ببلاش على المتظاهرين (ياريتني كنت في مصر :))

وانا كمان يا الغريب يا خويا اصلها مش كشرى بس :blush2:

R.N.N | شبكة رصد

التحرير | محلات الأطعمة توزع الوجبات والمشروبات مجاناً على المتظاهرينabout a minute ago

هو ده الشعب المصري العظيم

الشعب اللي كان النظام الفاسد دافن قدراته وإمكانياته

احنا كبار قوي قوي

قوووووووووووووووووووووووووووووووووي

الشعب المصري العظيم

كله ضد مبارك

ونظام مبارك

وأتباع مبارك

[fatfouta]

فيديو يعبر عن التليفزيون المصرى

http://www.youtube.com/watch?v=Y_R5PiIDYD0&feature=player_embedded

الله عليكى يافتفوتة

خرجتنى من الإكتئاب اللى أنا عايش فيه بسبب قلقى وقلة نومى

ربنا يخليك يا استاذ محمد والله كلنا مش بننام ومنهم لله اللى كانوا السبب

ربنا يكرمك واتفضل دى ولا تكتئب ان شاء الله فرجه قريب :clappingrose:

[fatfouta]

خلاص مبارك واعوانه دلوقتى بقوا قلة مندسة

تم تعديل 1 فبراير 2011 بواسطة fatfouta

[شرف الدين]

خلاص مبارك واعوانه دلوقتى بقوا قلة مندسة

الله يضحكك يا فتفوتة

[aimen]

[شرف الدين]

قصيدة "أغنية الكعكة الحجرية" دنقل: "نحن فداؤك يا مصر" متظاهرون في ميدان التحرير بوسط القاهرة يهتفون بسقوط مبارك (الفرنسية)

في العام 1972 انتفض الشعب المصري لكرامته الوطنية والقومية التي جرحتها هزيمة حزيران 1967، فخرج ضد الرئيس أنور السادات ليحسم قرار معركة التحرير الموعودة. كان ميدان التحرير هو موعد الكبرياء الجريحة في تحركات المصريين آنذاك، تماما كما هو اليوم عنوان الغضب ضد نظام حسني مبارك.

ومن بين الحشود الغاضبة آنذاك خرج الشاعر المصري الراحل أمل دنقل (1940-1983) بقصيدة "الكعكة الحجرية"، في إشارة إلى ميدان التحرير مركز الحدث الذي يصنع فيه المصريون قدر مصر ومستقبلها، وهي القصيدة نفسها التي يستذكرها الوجدان المصري في هذه الأيام وتعبر عن أحلام الحرية والكرامة (المحرر الثقافي).

أغنية الكعكة الحجرية

أمل دنقل

(الإصحاح الأول)

أيها الواقفون على حافة المذبحة

أشهروا الأسلحة!

سقط الموت، وانفرط القلب كالمسبحة.

والدم انساب فوق الوشاح!

المنازل أضرحة،

والزنازن أضرحة،

والمدى.. أضرحة

فارفعوا الأسلحة

واتبعوني!

أنا ندم الغد والبارحة

رايتي: عظمتان.. وجمجمة،

وشعاري: الصباح!

(الإصحاح الثاني)

دقت الساعة المتعبة

رفعت أمه الطيبة

عينها..!

(دفعته كعوب البنادق في المركبة!)

… … … …

دقت الساعة المتعبة

نهضت؛ نسقت مكتبه..

(صفعته يد..

- أدخلته يد الله في التجربة!)

… … …

دقت الساعة المتعبة

جلست أمه؛ رتقت جوربه..

(وخزته عيون المحقق..

حتى تفجر من جلده الدم والأجوبة!)

… … … … …

دقت الساعة المتعبة!

دقت الساعة المتعبة!

(الإصحاح الثالث)عندما تهبطين على ساحة القوم؛ لا تبدئي بالسلام.

فهم الآن يقتسمون صغارك فوق صحاف الطعام

بعد أن أشعلوا النار في العش..

والقش..

والسنبلة!

وغدا يذبحونك..

بحثاً عن الكنز في الحوصلة!

وغدا تغتدي مدن الألف عام.!

مدنا.. للخيام!

مدنا ترتقي درج المقصلة!

(الإصحاح الرابع)

دقت الساعة القاسية

وقفوا في ميادينها الجهمة الخاوية

واستداروا على درجات النصب

شجرا من لهب

تعصف الريح بين وريقاته الغضة الدانية

فيئن: "بلادي .. بلادي"

(بلادي البعيدة!)

… … …

دقة الساعة القاسية

"انظروا .."؛ هتفت غانية

تتلوى بسيارة الرقم الجمركي؛

وتمتمت الثانية:

سوف ينصرفون إذا البرد حل.. وران التعب.

… … … … …

دقت الساعة القاسية

كان مذياع مقهى يذيع أحاديثه البالية

عن دعاة الشغب

وهم يستديرون؛

يشتعلون -على الكعكة الحجرية– حول النصب

شمعدان غضب

يتوهج في الليل..

والصوت يكتسح العتمة الباقية

يتغنى لأعياد ميلاد مصر الجديدة!

(الإصحاح الخامس)

اذكريني!

فقد لوثتني العناوين في الصحف الخائنة!

لونتني.. لأني -منذ الهزيمة– لا لون لي..

(غير لون الضياع!)

قبلها؛ كنت أقرأ في صفحة الرمل..

(والرمل أصبح كالعملة الصعبة،

الرمل أصبح: أبسطة.. تحت أقدام جيش الدفاع)

فاذكريني؛.. كما تذكرين المهرب.. والمطرب العاطفي.

وكاب العقيد.. وزينة رأس السنة.

اذكريني إذا نسيتني شهود العيان

ومضبطة البرلمان

وقائمة التهم المعلنة

والوداع!

الوداع!

(الإصحاح السادس)

دقت الساعة الخامسة

ظهر الجند دائرة من دروع وخوذات حرب

ها هم الآن يقتربون رويدا.. رويدا..

يجيئون من كل صوب

والمغنون -في الكعكة الحجرية- ينقبضون

وينفرجون

كنبضة قلب!

يشعلون الحناجر،

يستدفئون من البرد والظلمة القارسة

يرفعون الأناشيد في أوجه الحرس المقترب

يشبكون أياديهم الغضة البائسة

لتصير سياجا يصد الرصاص!..

الرصاص..

الرصاص..

وآه..

تغنون: "نحن فداؤك يا مصر"

"نحن فداؤ…"

وتسقط حنجرة مخرسة

معها يسقط اسمك –يا مصر– في الأرض!

لا يتبقى سوى الجسد المتهشم.. والصرخات

على الساحة الدامسة!

دقت الساعة الخامسة

… … …

دقت الخامسة

… … …

دقت الخامسة

… … …

وتفرق ماؤك –يا نهر– حين بلغت المصب!

* * *

المنازل أضرحة،

والزنازن أضرحة،

والمدى أضرحة،

فارفعوا الأسلحة!

ارفعوا

الأسلحة!

[akramgroup]

طيب ياجماعة تفتكروا ممكن يعدى انهارده

وميكونش فى اى جديد

مش معقول

اكيد لازم تحصل حاجه ولا ايه

حد يقول حاجه

[أسد]

http://www.youtube.com/watch?v=5pN1taODJcY

أنا المصري

[الغريب]

بصراحة بقى كدة كتيير

المفروض الناس تبدأ الزحف على ماسبيرو أو القصر الجمهوري علشان نخلص

الراجل ده بارد ، وأحنا مش فاضيين ورانا بلد عاوزة تتبني على نضيف

رحتك ياااااااارب

[aimen]

ارحل يا حسني وعارك في يديك

فاروق جويدة

ارحل كزين العابدين وما نراه أضل منك

ارحل وحزبك في يديك

ارحل فمصر بشعبها وربوعها تدعو عليك ارحل فإني ما أرى في الوطن فردا واحدا يهفو إليك

لا تنتظر طفلا يتيما بابتسامته البريئة أن يقبل وجنتيك

لا تنتظر أمّا تطاردها هموم الدهر تطلب ساعديك

لا تنتظر صفحا جميلا فالخراب مع الفساد يرفرفان بمقدميك

ارحل وحزبك في يديك

ارحل بحزب امتطى الشعب العظيم

وعتى وأثرى من دماء الكادحين بناظريك

ارحل وفشلك في يديك

ارحل فصوت الجائعين وإن علا لا تهتديه بمسمعيك

فعلى يديك خراب مصر بمجدها عارا يلوث راحتيك

مصر التي كانت بذاك الشرق تاجا للعلاء وقد غدت قزما لديك

كم من شباب عاطل أو غارق في بحر فقر وهو يلعن والديك

كم من نساء عذبت بوحيدها أو زوجها تدعو عليك

ارحل وابنك في يديك

إرحل وابنك في يديك قبل طوفان يطيح

لا تعتقد وطنا تورثه لذاك الابن يقبل أو يبيح

البشر ضاقت من وجودك.. هل لابنك تستريح؟

هذي نهايتك الحزينة هل بقى شيء لديك؟

ارحل وعارك أي عارْ

مهما اعتذرتَ أمامَ شعبكَ لن يفيد الاعتذارْ

ولمن يكونُ الاعتذارْ؟

للأرضِ.. للطرقاتِ.. للأحياءِ.. للموتى..

وللمدنِ العتيقةِ.. للصغارْ؟!

ولمن يكونُ الاعتذارْ؟

لمواكب التاريخ.. للأرض الحزينةِ

للشواطئِ.. للقفارْ؟!

لعيونِ طفلٍ

مات في عينيه ضوءُ الصبحِ

واختنقَ النهارْ؟!

لدموعِ أمٍّ لم تزل تبكي وحيدا

فر أملا في الحياة وانتهى تحت البحار

لمواكبِ العلماء أضناها مع الأيام غربتها وطول الانتظارْ؟!

لمن يكون الاعتذار؟

**

ارحل وعارك في يديكْ

لا شيء يبكي في رحيلك..

رغم أن الناس تبكي عادة عند الرحيلْ

لا شيء يبدو في وجودك نافعا

فلا غناء ولا حياة ولا صهيل..

ما لي أرى الأشجار صامتةً

وأضواءَ الشوارعِ أغلقتْ أحداقها

واستسلمتْ لليلِ في صمت مخيف..

ما لي أرى الأنفاسَ خافتةً

ووجهَ الصبح مكتئبا

وأحلاما بلون الموتِ

تركضُ خلفَ وهمٍ مستحيلْ

ماذا تركتَ الآن في أرض الكنانة من دليل؟

غير دمع في مآقي الناس يأبى أن يسيلْ

صمتُ الشواطئ.. وحشةُ المدن الحزينةِ..

بؤسُ أطفالٍ صغارٍ

أمهات في الثرى الدامي

صراخٌ.. أو عويلْ..

طفلٌ يفتش في ظلام الليلِ

عن بيتٍ توارى

يسأل الأطلالَ في فزعٍ

ولا يجدُ الدليلْ

سربُ النخيل على ضفافِ النيل يصرخ

هل تُرى شاهدتَ يوما.. غضبةَ الشطآنِ من قهرِ النخيلْ؟!

الآن ترحلُ عن ثرى الوادي

تحمل عارك المسكونَ

بالحزب المزيفِ

حلمَكَ الواهي الهزيلْ..

***

ارحلْ وعارُكَ في يديكْ

هذي سفينَتك الكئيبةُ

في سوادِ الليل تبحر في الضياع

لا أمانَ.. ولا شراعْ

تمضي وحيدا في خريف العمرِ

لا عرش لديكَ.. ولا متاعْ

لا أهلَ.. لا أحبابَ.. لا أصحابَ

لا سندا.. ولا أتباعْ

كلُّ العصابةِ تختفي صوب الجحيمِ

وأنت تنتظرُ النهايةَ..

بعد أن سقط القناعْ.

[عبير يونس]

يا شباب

يا ريت لو حد يقدر يتصل بأي شخص من الناس اللي في ميدان التحرير

يقول لهم يهتفوا باسم عمرو موسى

يقولوا له عايزينك

يا ريت

وفي واحد كمان قديم نضيف محترم يبقى هو رئيس الوزارة

كمال الجنزوري

هو ده رئيس الحكومة الانتقالية

وعمرو موسى

هو ده رئيس مصر في الفترة الانتقالية

ننادي كلنا باسم ده

يافندم ترشيح أسماء الآن سيقودنا للخلاف

رئيس المحكة الدستورية العليا من السلك القضائي

يعني لا يمت للنظام الفاسد بصلة

و بعدين ده شيء مؤقت

لحد ما نعمل انتخابات حرة نزيهة

و نختار بإرادتنا الحرة من يمثلنا و يخدمنا

لا من يستعبدنا

أخت الفاضلة المتغربة زيي بسبب حكم المبارك

الاسمين دول صدقيني مش هيكون عليهم أي خلاف

دول اسمين محترمين وكل الناس هتتفق عليهم

البرادعي ممكن يكون في خلاف عشان هو كان عايش بره مصر ( مع إن في رأيي الشخصي دي مش سبة )

لكن طالما ممكن يكون في خلاف على البرادعي خلاص مش مهم البرادعي

عمرو موسى رئيسا للجمهورية

كمال الجنزوري رئيس الحكومة

مع حضرتك يافندم

و الناس دي باحترمهم جدا جدا

بس لابد ان يكون حاكم مصر بانتخاب أغلبية الشعب

[شرف الدين]

دكتور فاروق الباز كان بيتكلم دلوقت على البي بي سي

وقال: لازم مبارك يمشي وعمر سليمان يمسك فترة بسيطة لحد ما نصلح الدستور ونعمل انتخابات وكده.

لأن الناس مش هتمشي إلا لما حسني يمشي

عمرو خالد دلوقت على البي بي سي كان في ميدان التحرير

أنا رأيي زي ما قلت قبل كده

عمرو موسى رئيس جمهورية

كمال الجنزوري رئيس وزارة

[شرف الدين]

عمرو موسى رئيس جمهورية

كمال الجنزوري رئيس حكومة

يا ريت لو الشباب يهتفوا بكده

تم تعديل 1 فبراير 2011 بواسطة شرف الدين

[لونا]

على العربية البرادعي يلتقي مع السفيرة الأميركية

ثم عدلتها القناة إلى أن السفيرة تحدثت إليه هاتفيًا

اللقاء بين البرادعي و السفيرة كان سيجعل الكثيرين يعيدون التفكير في البرادعي

تم تعديل 1 فبراير 2011 بواسطة لونا

[المهندسه]

انا كتبت من شويه مشاركه و مش عارفه اتحذفت عن قصد و لا فى مشكله ما فى السيستم على العموم

انا كنت بقول ان البنت ال اسمها "اسماء محفوظ" البتقول انها صاحبه الشراره الاولى لحمله يوم الغضب

اتفرجت عليها امبارح فى قناه المحور و رأئيي فيها انها معلوماتها السياسيه معدومه وليس عنها اى وعى سياسى

اطلاقا و لو سألتها عن اسم محافظ القاهره مش هتعرف...وان بيها او بدونها كان الشباب هينزل و يثور

كانوا واخدين منها وعد انها تيجى مع بعض الشباب الى القناه و يعرضوا مطالبهم و يتصلوا تليفونيا

برئيس الوزراء و الوزراء لكن مجوش..لانهم عيال مش علشان واقفين فى المظاهرات و لا شىء

البرنامج شغال من اكثر من 3 ساعات و للاسف مجوش و ضيعوا حوار كان ممكن يساعد باقى الشباب المتظاهر فى التحرير

الشباب بيهم او من غيرهم هيثور و هيفضل واقف فى الميدان ...

[الغريب]

يا جماعة الجزيرة تعلن أن هناك قنوات تلفزة عربية تعرض بث الجزيرة .. حد عنده علم بالقنوات دي

[fatfouta]

شكرا ليك يا اخ شرف الدين

اتفضل دى كمان بصراحة معبرة جداااا