25 يناير ... موعد المصريين (8)

[pink rose]

أعتذر للشعب المصري

لأنني صدقت أنكم أمة ميتة، ما كان لها أن تبعث من جديد بين صفوف طابور العيش المدعم، وغرز الحشيش الرخيص!

أعتذر لأنني صدقت هذه الصورة الحقيرة، ولأنني شاهدتها أصلا، أو لأنني دفعت قرشا واحدا ثمنا لتذكرة دخول فيلم، كان يظهركم كمجموعة رعاع تركضون خلف أكياس اللحم.. وتتناوبون على سيجارة "بانغو"، وتبيعون لحمكم الغض، بشهادات زواج مزورة، لأول مستثمرعربي!

أعتذر لأنني لم أركم جيدا، لم أتلمسكم، لم أسمع أصواتكم الحقيقية، لم أتمعن بعيونكم، في كل مرة كنت أزور فيها القاهرة. أعتذر لأنني فكرتها "القاهرة" من الأساس. أعتذر لأنني ركضت خلف مشاهد اعلان "مصر.. البيت بيتك"، أبحث عن الأفراح والراقصات والكازينوهات والحمام المحشي، ومولات سيتي ستارز، وقوارب النيل ودريم لاند، ومدينة الانتاج وصور الفنانين!.

أعتذر لأنني كنت أستاء من الزحمة وتكوم الأجساد في الشوارع، ولأنني كنت أتشاطر وألتقط بكاميراتي المتعالية، صور الفقراء وهم يعشقون على "كورنيش" النيل، ومشاهد نساء ممتلئات، يركضن خلف حافلة المواصلات.

سحقا لي ولكاميرتي ولفرق العملة الذي أوهمني بأنني.. أنظف!

تبت يد كل من استهزأ بأبناء قومه، وأضحكنا على عجز الغلابة وعشوائية أيامهم، خاصة ذلك الذي ضحك علينا حتى صدقنا أنه في نهاية الفيلم، قاد مظاهرة ضخمة ضد النظام السائد. كيف لم ننتبه أنه ومن خلفه الآلاف لم يرددوا كلمة "لا "، بل كانوا يهتفون بملء حناجرهم حرفا واحدا: آآآآآآآآآآآآ !!!!

اليوم وأنا أكتب لكم، دموعي تحجب الرؤية عن حروف الطباعة، فالصورة على شاشة الأخبار أمامي واضحة وصادقة وقاسية.. لكم ألوم نفسي وأوبخها، ربما نهرت يوما ما على عامل بسيط، تأخر في تغيير حجر نرجيلتي.. ربما كان اسمه محمد وهو الآن يفترش أرض ميدان طلعت حرب، ويحلم بالخلاص. أو ربما تكبرت على ابتسامة صبية اسكندرانية، ظننت بفوقية السواح، أنها تريد غرضا مني، لماذا لم أبادلها الابتسامة؟، لماذا لا نبتسم للضعفاء، يا الله! أهي نفسها الشهيدة التي أرى صورتها الآن تحملها أختها المكلومة ؟؟

أعتذر للشعب المصري، الذي انكسر بالفقر والفساد والقمع والخوف، وغالب ثورة صدره على الظلم القابع فوقه، يوما بعد يوم، عاما بعد عام، عقدا بعد عقد. لكنه لم يتأخر لحظة، حين استشعر ظلما طال شعبا عربيا.. آخر!

أعتذر لكم، وأنحني أقبل رؤوسكم واحدا واحدا، بل وأحسدكم على غضبكم وعصيانكم وتكاتفكم ولجانكم.. أحسدكم على قراركم وعلى.. ميدان تحريركم

حنان كامل الشيخ....الغد الاردنية

مبروووووك الشعب الاردني.....تغيير الحكومة....و البقية تأتي

و الله العظيم دموعي مش عارفه اداريها من الكلام اللي بيتقال دا

[Diab]

فريد الديب

الهام شاهين

سلمي الشماع

ههههههه يا نهار ابيض دي اللستة طويلة

تم تعديل 1 فبراير 2011 بواسطة Diab

[fatfouta]

R.N.N | شبكة رصد

مصادر للجزيرة || عمر سليمان يعقد إجتماعا مع مساعديه منذ ساعات وأنباء عن كلمه لمبارك الليلهabout a minute ago

[الغريب]

هو لوجو المحاورات راح فين

هي الرمانة أشتغلت ولا أيه

أن بقول مبارك حلو يا جماعة واللي نعرفه أحسن من اللي منعرفوش :)

[لماضة مصرية جدا]

المقالة روعة يا لماضة والله انا علي التلفيون مش قادر اديكي تقييم .... علي النوتة بقي

انا مش عايزة بوينتات.....

انا عايزة انزل مصر

تكرم استاذي

[pink rose]

اتفضلوا حرق الدم جالي لحد عندي

انا فاتحة الجزيرة

نط علينا سعادة الباشا رئيس الوزراء

و بيتكلم بشكل مستفز

كأن اللي في القاهرة و اسكندرية و السويس و الاسماعيلية و المنصورةوالمحلة و طنطا و المنوفية و كل محافظات مصر 7 او 8 بالكتير

[Diab]

أحمد شفيق ع الحياة

بس شكله كدة بيتكلم كدة في الوقت الضايع

تم تعديل 1 فبراير 2011 بواسطة Diab

[jasmin hamed]

فريد الديب

الهام شاهين

سلمي الشماع

ههههههه يا نهار ابيض دي اللستة طويلة

عمرو اديب

[الغريب]

رئيس الوزراء على الجزيرة والله العظيم صعب عليا

الشباب المصري خلو الراجل هيعيط علشان يهدوا

أيه جبروت الشباب المصري ده

الثورة الآن تملي شروطها وليس تعرض مطالبها

تم تعديل 1 فبراير 2011 بواسطة الغريب

[لماضة مصرية جدا]

دي صفحة الرئيس اوباما علي الفيس بوك

http://www.facebook.com/BarackObamaForPresident2012

لو تحبوا تكتبوا كلمتين علي الوول بتاعه

انا الي لفت نظري ان السيد الرئيس....عنده صفحة علي الفيس بوك.... :blink:

لا و كمان عامل موقع علي اليو تيوب....اي زائر ممكن يحط فيه سؤال...و بعدين هو بيرد علي كل التساؤلات دي في مقابلة برضه هتتعرض علي اليو تيوب

بس لااسف ملحقتهوش لانهم بيقفلوه بعد موعد معين

تفتكروا السيد الرئيس عنده ايميل؟؟؟؟

[fatfouta]

هو لوجو المحاورات راح فين

هي الرمانة أشتغلت ولا أيه

أن بقول مبارك حلو يا جماعة واللي نعرفه أحسن من اللي منعرفوش :)

وانا كمان cr((: cr((:

[jasmin hamed]

أحمد شفيق ع الحياة

بس شكله كدة بيتكلم كدة في الوقت الضايع

مافيش فايده

[pink rose]

استاذ دياب

اكتب عندك في الليستة

هشام يكن

[شرف الدين]

انا اسفه انى اقولكم ان الراجل ده مش هيطلع الا بالدم

وهو ده اللى انا خايفة منه لان كده الموضوع زاد قوى وهو بيلعب على اعصاب الناس

وكل مايزيد عناد الناس بتعند والواحد بقى خايف من نهاية الوضع

ياريت حد بقى يبقى حكيم كده من قيادات الجيش اللى حوايه ويخلصنا منه يا بالتحفظ عليه او اى طريقة تانى ونخلص

خلاص ماعتقدش ان الاعداد الكبيرة دى هتسكت وكل يوم هييجوا يقفوا وبس كده لأ أكيد الناس هتتحرك بس الخوف بقى بأى طريقة وايه النتائج اللى هترتب على أى تحرك يعملوا الشعب

منه لله ربنا يريحنا منه بأى طريقة

مهو عشان كده لازم الموضوع يتطور

لازم رجالة المحافظات التانية يطلعوا على القاهرة من دلوقت ( ان شالله يطلعوا مشي )

وتبقى الحكومة تعطل كل المواصلات بقى لحد يوم الجمعة ( عشان الناس تشعلل أكتر )

ولازم المظاهرات تطلع على القصر الجمهوري

ومش عارف أقولها ولا لأ

لازم نعلنها صراحة: إنه هيتم اقتحام القصر الجمهوري لو لم يرحل

ويبقى الجيش بقى ساعتها يواجهنا

بكده هنخلي الجيش غصب عنه يتخلى عن الموقف المايع ده

وساعتها لابد أن الجيش ينحاز لطرف ضد طرف

وساعتها كل حاجة هتبان

إما أن ينحاز الجيش للشعب

وإما أن يكون ضد الشعب

[fatfouta]

فريد الديب

الهام شاهين

سلمي الشماع

ههههههه يا نهار ابيض دي اللستة طويلة

عمرو اديب

هانى رمزى

حسن يوسف

عماد الدين اديب

هشام يكن

بيباوى

لوقا

مجدى الدقاق

اسامة سرايا

تم تعديل 1 فبراير 2011 بواسطة fatfouta

[عبير يونس]

تغير نظرة الإخوة العرب لينا من أهم المكاسب

امبارح كنا في سوبر ماركت

و بنحاسب عند الكاشير

و لقيت واحد سعودي بكل الذوق اللي في الدنيا بيطلب من زوجي انه يتركه يحاسب قبله عشان مشتري حاجة واحدة

الراجل على وشه ابتسامة كلها اجلال و احترام عمري ما حأنساهم

أنا عشت سنين

أتعاير إني مصرية

و إني من بلد هز الوسط

و يا حرام الناس عندنا مش لاقيين ياكلوا

و انهم اتسرقوا في مصر

و اتنصب عليهم

و قرفوا من كتر الشحاتين اللي بيتلموا حواليهم

و ان خدامتهم مصرية

و حتى أولادي دلوقت

كانوا متأكدين إن ( يا مصري)

دي واحدة من الشتايم

مكنش عندي غير كلمة

ما تعمموش يا جماعة

و أخفي جوايا كل الحسرة والألم

لسه من أسبوعين بس

حكيتلكم عن زميل زوجي

اللي قال له

المصري يبيع نفسه عشان عشرة ريال!!!

متتصوروش نفس الشخص ده

قد ايه بيقول قصايد في الشعب المصري

سبحانك يارب

تُغيّر و لا تتغيّر

[اغابي]

يا جماااااااااااعة انا لاقيت يوتيوب برغم انه قديم يعنى قبل 25 يناير - بكتير - لكن مش ممكن فيه كلام خطير لحبيب العدلى وشلة الفساد

اهو دلوقتى اتفهمت فعلا كل كلمة اتقالت عن الفاسد حبيب العدلى

مش ممكن رررررررررروعة كل كلمة قالها فعلا اللى احنا اكتشفناه دلوقتى

http://www.youtube.com/watch?v=30lKSQR6hDs

روعة انه من وقت طويل يعنى قبل 25 يناير ومع ذلك قال كلام خطيررررر

بيقول كمان ان العدلى متوغل داخل البلد زى السرطان وموظف مليون ونص شرطى ويشك ان مبارك يقدر يقيله اصلا

وبيقول ان العدلى هيخرب مصر وهيولع البلد

[تامر مصطفى]

اخواني واخواتي النشطاء في هذا الموضوع

كان نفسي اتعرف عليكم واقابلكم كلكم في مكان افضل من اللي هنتقابل فيه

بس في جونينه قريبة من مبنى امن الدولة

اللي يخرج فينا الاول ينتظر الباقيين هناك

بس المشكلة اني مش هعرف اميزكم جوة علشان نظري بيضعف لما بتكون رجليا لفوق ودماغي لتحت

ممكن اميز الباش مهندس تيمور

علشان هيكون تحتيه برميل فيه مياه

ربنا يسترها على الجميع

ياريت متعتبروش كلامي ده محبط

الى الامام

عبروا عن نفسكم

فحرية التعبير مكفولة للجميع

اخرها علقتين بخرزانات الامن المركزي

بس في ناس فينا هتاكل ضرب

للصبح

[الغريب]

R.N.N | شبكة رصد

عـاجل : الرئيس مبارك سيعلن بعد قليل في خطاب له بإنه لن يعيد ترشحه للرئاسة لفترة قادمة

[fatfouta]

R.N.N | شبكة رصد

مصادر أخبارية : مبارك سيلقي خطابا الليلة يعلن فيه عدم ترشحه للإنتخابات القادمةabout a minute ago

عمال يتنازل واحدة واحدة عن كل شئ يا ريت يتنازل خالص بقى ويخلصنا لان كل ده بيزيد الناس عند واصرار

يا اخى منك لله