25 يناير ... موعد المصريين (8)

[م تيمور المراغي]

إلهام شاهين || متسمعوش كلام البرادعي ولا ايمن نور ولا الإخوان المسلمين , والناس رايحه التحرير تتفرج وعشان تشوف اصحابها مش عشان المظاهرات

استلم يا اوزو واتوصى وحياتك دي بتاعت الهلفوت

[تامر مصطفى]

إلهام شاهين || متسمعوش كلام البرادعي ولا ايمن نور ولا الإخوان المسلمين , والناس رايحه التحرير تتفرج وعشان تشوف اصحابها مش عشان المظاهرات

استلم يا اوزو واتوصى وحياتك دي بتاعت الهلفوت

يا باش مهندس

تصدق اول مرة اعرف ان في رمانه 3 اكس لارج

[jasmin hamed]

احمد شفيق ( الحلزونه ياما الحلزونه ) ده شعار المرحله الجايه

[م تيمور المراغي]

و الله كنت في الاول باقول زيكم كده

نشوف كل الارآء و نفهم بيقولوا ايه و بيتكلموا ازاي

بس بصراحة لقيت معدتي بتقلب بجد و الله مش مجرد تشبيه

مش ممكن كم النفاق و التطبيل

واحد زي مجدي الدقاق و لا بباوي دا اعوذ بالله

حتى سيد افندي بعد ما طلع مبارك في كلمته الخايبة اللي اتحفنا بيها

ساب كل حاجه و لقيته بيقول شايفين الراجل طالع محترم ازاي و لابس بدلة

نعم يا سيدي ايه الكلام دا امال المفروض يطلع بالبوكسر و لا ايه

اي كلام هبل في هبل و الواحد اصلا لا بياكل عدل و لا بينام عدل و على اعصابنا كلنا

فا الحوار مش ناقص عاهات يطلعوا يشلونا

انا باعمل كده لاني بجد باتعب

انتوا بقى و الله ابطال بجد ربنا يقويكم و تستحملوا الكلام الفقع دا

ياخبر يا ريمو هيا وصلت للبوكسر والفقع ههههه

لا انا اديكي بصراحه كل الحق انتي وصلتي لمرحله متقدمه جدا من الغضب :happy:

[Simba]

ليقولوا خطاب الريي الليلة عبارة عن كلمتين ... فهمتكوا .. فهمتكوا

[SoSo R]

شبكة رصد رئيس وزارء مصر في الحكومة اللاشرعيه شعبيا:

ما اعرفش حد في الوزراء رجل اعمال او لا

الحكومة الجديده ليست تعديل وزاري

ازاى الحكومة الجديدة ليست تعديل وزارى؟؟؟

إزااااااااااااااى

هيا أصلا جديدة بأمارة أيه؟؟

ماهم تقريبا كلهم قاعدين على قلبنا

ما تحترموا ذكائنا شوية

الرحمة من عندك يارب

[عنبو]

و حتى أولادي دلوقت

كانوا متأكدين إن ( يا مصري)

دي واحدة من الشتايم

عمرى ما اعتبرتها كده خالص

ولما كنا بندخل فى نقاش حول مصر

كنا بنوصل لنقطة كلنا فى الهوا سوا

بالدليل والحكمه

[الغريب]

ليقولوا خطاب الريي الليلة عبارة عن كلمتين ... فهمتكوا .. فهمتكوا

طيب ياريت يقولها يا عم سمبا دهي دي كلمة السر

[fatfouta]

ليقولوا خطاب الريي الليلة عبارة عن كلمتين ... فهمتكوا .. فهمتكوا

او مش هترشح.......مش هترشح

واحنا نقوله لازم تقول

هتنحى.....هتنحى

[اغابي]

اه نسيت اقولكم زمايلى جنسيات كتير - سوريين ولبنانيين وفلسطينيين - فى الشغل زعلانين ومهمومين وفعلا مفيش ضحك ولا كلام ولا هزار

- الشركة عندى حالة ترقب وحزن غريب - الناس بتحب مصر اوى اوى

اللى حاصل داه مأثر جدا عليهم - مديري نهارده بيقولى اى اخبار قوليلي اول باول انا قلقان اوى على مصر

مع انه كويتي

بجد مصر غالية على كل الناس

حبيبتى يا مصر

تم تعديل 1 فبراير 2011 بواسطة اغابي

[م تيمور المراغي]

ليقولوا خطاب الريي الليلة عبارة عن كلمتين ... فهمتكوا .. فهمتكوا

او مش هترشح.......مش هترشح

واحنا نقوله لازم تقول

هتنحى.....هتنحى

هو لازم يسهرنا كل ليله ابن الحلال لوش الفجر ..؟

ما يخلص بقى فعلا ورانا بلد عاوزين ننضفها ونبنيها من الصفر من جديد

ايه العطله وتضييع اوقت ده ؟؟

[mohamedmohsen]

يا جماااااااااااعة انا لاقيت يوتيوب برغم انه قديم يعنى قبل 25 يناير - بكتير - لكن مش ممكن فيه كلام خطير لحبيب العدلى وشلة الفساد

اهو دلوقتى اتفهمت فعلا كل كلمة اتقالت عن الفاسد حبيب العدلى

مش ممكن رررررررررروعة كل كلمة قالها فعلا اللى احنا اكتشفناه دلوقتى

http://www.youtube.com/watch?v=30lKSQR6hDs

روعة انه من وقت طويل يعنى قبل 25 يناير ومع ذلك قال كلام خطيررررر

بيقول كمان ان العدلى متوغل داخل البلد زى السرطان وموظف مليون ونص شرطى ويشك ان مبارك يقدر يقيله اصلا

وبيقول ان العدلى هيخرب مصر وهيولع البلد

سلام عليكم احب اقول ان العقيد عمرو عفيفي غني عن التعرييف وله مواقف كثيرة ضد النظام

تم تعديل 1 فبراير 2011 بواسطة mohamedmohsen

[jasmin hamed]

احمد شفيق قطع شعرة معاويه

[المهندسه]

هو ليه كل ما يقول خطاب يبقى الفجر ... فى حد قده صاحى لغايه دلوقت ...

مش المفروض ال زيه كده راجل كبير و كبره يشرب كوبايه اللبن الدافى و يغطوه و ينام نينه هووه

[SoSo R]

احمد شفيق قطع شعرة معاويه

عمل ايه؟؟

[المهندسه]

رئيس الوزراء بيقول ان المفروض دخل الاسره المتوسطه يكون 3000جنيه فى الشهر

هو قصده ايه؟؟؟؟

ممكن فى يوم نلاقى الناس ال مرتبتهم 400 و 500 جنيه و مش لاقيين يبقى مرتبهم 3000 جنيه

و لا هو قصده ايه؟؟؟

بيقول سلامه المتظاهرين على رقبتى و اعدكم وعد رجولى بالاصلاح.

تم تعديل 1 فبراير 2011 بواسطة المهندسه

[عنبو]

احمد شفيق قطع شعرة معاويه

عمل ايه؟؟

جاب مقص وجاب معاويه وقطع شعره من شعره

ازيك يا دوك

[م تيمور المراغي]

هو ليه كل ما يقول خطاب يبقى الفجر ...ايه الصياعه دى فى حد قده صاحى لغايه دلوقت ...

مش المفروض ال زيه كده راجل كبير و كبره يشرب كوبايه اللبن الدافى و يغطوه و ينام نينه هووه

عندنا في جده رايب هايل هايل ,,

بن علي قاعد بيستجم واخر تمام

واهو يبقى جنب الحرم ويعدي بالمره يسلم على مصريه متغربه وتعزمه عالغدا :happy:

[fatfouta]

بتقوله هو الاحتكار مش فساد؟؟

رد عليها وقالها....احتكار من المحتكر ولا من اللى ساكتين عليه؟؟

انا تعبت والله الناس دى بجد بتستهبلنا عالااااااااااخر :Head:

[pink rose]

يا راجل اتقي الله فينا

نفسي انام ساعتين على بعض

قاعدة في الحارة باسقط اهو مش شايفه قدامي و مستنين معاليك تتكرم و تقول كلمة فهمتكم بقى

بالنسبة للاخوة اللي بتسأل عن ان الراجل في سنه دا المفروض ينام بدري

احب افهمكم انكم فاهمين غلط

الناس كل ما بتكبر نومها بيقل

جدي الله يرحمه كان كده نومه خف جدا من ساعه ما دخل في التمانين