25 يناير ... موعد المصريين (8)

[se_ Elsyed]

بيقول إن قوى المعارضة رفضت الحوار

حوار إيه يا حمار ؟

ما أنت إتحاورت لمدة 30 سنة ... وعملت إيه ؟ سحقتهم ولبستهم طُرح ومافيش حد فيهم بقى في البرلمان لذر الرماد في العيون

العصابة مفهمينه إن في ناس بتركب الموجه ونظرية المؤامرة وعاوزين يزعزعوا الأستقرار و و و

يعني كل الشعب عميل وخائن

على فكره ... قبل الخطاب بنص ساعة تم تسريبة على شريط البي بي سي والجزيرة بالنص ... فيما يتعلق بعدم نيته الترشح وتعديل مادتي الدستور

بجد ..... ذهول وتوقع من كائن مثل هذا

[لماضة مصرية جدا]

حد يطمنا علي الاهل اللي في التحرير

خلاااااااااااص انا ضعت...!!!

[عنبو]

لا اجد اما اكتبه

[pink rose]

كرامة ايه اللي انتوا بتتكلموا عليها و عاوزينا نستحمله عشان كرامته واجعاه

الله و احنا كرامتنا فين من 30 سنة

هوووووو ما عملش كرامة لينا ليه

المصري اللي متهان في كل بلد يروحها

افتكروا قتيل كترمايا

كان فين كرامته داااااااااااااااااااا

شهداء العبارة كان فين كرامتهم و كرامة اهلهم لما كانوا بيصوتوا في الغردقة ان كلب يروح يبعت انقاذ ليهم و لا حياة لمن تنادي

كرامة ايه اللي عاوزينا نعملهاله

كرامة ايه

حرام عليكم

عاوز يموت في ارض مصر هو دا سبب يخلينا نسيب حقنا بقى و حق الشهداء اللي ماتوا من كلابه هو و العادلي

باقولكم ايه

نظام يا عيني صعب عليا دا انسووووووووووووووووووووووووووه بقى

كفاية عاطفية

كفاية طيبة

كفاية هبل

قال كرامته قال

و كرامتنا احنا مين يعمل حسااااااااااااااااابنا

مييييييييييييييييييييييييييييين

عاوزين كلابه يطلعوا ينهشوا بقى في اهلنا

مش كفاية اللي حصل

تم تعديل 1 فبراير 2011 بواسطة remo

[ريمون]

مبارك غير امين

نعم لن يرشح نفسه مره اخرى لكنه سيتأكد ان الحكم سيبقى بيد بطانته من بعده حفاظا على كرامته

و هل مجلس الحراميه سيغير الدستور و القانون عالميين انهم اول من سيخسر مناصبهم؟

ثانيا هو غير صادق فى الاصلاحات

لو كان صادق فى الاصلاح كان التليفزيون المصرى بدأ يصلح نفسه الاول

او كان رجع الاتصالات

او كان عمل حكومه وحده وطنيه مش تعديل وزارى سخيف

الشعب لا يجب ان يصدقه

فقد ادمن مبارك الكذب

ارحل ارحل يا مبارك

[jasmin hamed]

ارحموا عزيز قوم ذل

[المهندسه]

بس هو قال كله مخليانى افكر شويه قال

"التاريخ هيحكم و هيقول على الحكام ما ليهم و ماعليهم"

دى معناها ايه تفتكروا ممكن نلاقيله حسانات بعد ما يمشى و نكتشف انه كان مانع علينا بلاوى من بره

علشان كده كان بيورينا بلاوى جوه

حد و النبى يفهمنى الجمله دى

تم تعديل 1 فبراير 2011 بواسطة المهندسه

[pink rose]

اسمعوا نوارة نجم على الجزيرة

[se_ Elsyed]

كالمعتاد لم يهتم بالدماء التي سالت

كالمعتاد لم يتحدث عن قانون الطواريء

كالمعتاد لم يشر إلى خيانة الكلب العادلي

كالمعتاد لم يهمه إلا نفسه

كالمعتاد نسي الشعب

------

إنتوا متخيلين أمن الدولة لما يرجع ؟

متخيلين لما الشرطة ترجع ؟

تخيلوا جهاز مكون من ملايين علموه إنه سيدنا وإننا عبيد عندهم ...... تخيلوا لما إضطروا للبس ملابس الحريم والنقاب عشان يهربوا من بطش الناس

أطلقوا لخيالكم العنان وتصوروا أبشع نهايات أفلام الرعب والدماء .. وستكون تلك التخيلات كلها تعتبر أفلام رومانسية حالمه بالنسبة لما يحدث

اتوقع هرجات جماعية من مصر خلال الأيام القادمة لو ظل بها حتى لو اضطًُر الناس لرمي أنفسهم في البحر للهروب من الجحيم الذي سيحدث

[fatfouta]

ارحموا عزيز قوم ذل

وانتوا بيخيل عليكم الكلام ده؟؟؟؟؟؟؟؟؟؟ظ

وهو مارحمناش ليه لما اتذلينا؟؟؟؟؟؟؟؟؟

مارلاحمش اطفال السرطان ليه؟؟؟؟؟؟؟؟؟

مارحمش ضحايا العبارة ليه؟؟؟؟؟؟؟؟؟؟؟؟؟

مارحمش خالد سعيد ليه؟؟؟؟؟؟؟؟؟؟؟؟

مارحمش مروة الشربينى ليه؟؟؟؟؟؟؟؟؟؟؟؟؟

مارحمش شهداء كنيسة القديسين ليه؟؟؟؟؟؟؟؟؟؟؟؟؟؟؟

مارحمش سيد بلال ليه؟؟؟؟؟؟؟؟؟؟؟؟؟؟؟؟؟؟؟؟؟

مارحمش الشعب لما جاع ومالقاش العيش ليه؟؟؟؟؟؟؟؟

ومارحمش ال300 واحد اللى ماتوا فى ثورة الغضب ليه؟؟؟؟؟؟؟؟؟؟؟؟؟؟؟؟؟

الله يحرقة مش يرحمه يااااااااااااااااااااااااارب

تم تعديل 1 فبراير 2011 بواسطة fatfouta

[عنبو]

ارحموا عزيز قوم ذل

رجعى الناس اللى ماتت

اضمنى للناس ان اللى قال عليه هيتنفذ

اضمنى للناس ان مافيش حد فيهم هيتخطف وميتعرفش عليه حاجه

ده فخ والله العظيم لو لبسنا فيه هنتسحل

الشخص اللى بالعقليه دى والعند دى عمره ما هينسى فى يوم الناس وهى بتقطع صوره

صدقنى هتبقى بحور من الدم

وتحياتى

عنبو

[لونا]

يعني إنت لم يكن لك مطامع في السلطة.. طب متمسك ليه دلوقت؟

عشان خاطر إيه؟.. خايف على البلد؟

عمر سليمان حيمسك البلد بيد من حديد.. ما تخافش علينا

طيب لو كان قال المادة 88 عشان نضمن إنتخابات نزيهة

كان ممكن نقبل شوية

لكن نعيد الانتخابات في الدوائر اللي عليها طعون

و نعمل انتخابات و تتزور مرة تانية؟

يبقى يابو زيد ما غزيت

[لماضة مصرية جدا]

الجزيرة انترناشونال

احد المتظارهين.....يعلنها صراحة سنواصل الاعتصام

لقد ادركنا ما يمكن للقوة ان تفعله

و نحن نري اننا في موقف قوي

و يمكننا ان نفعل المزيد

كيف يمكنك وصف موقف الشرطة و الجيش حتي هذه اللحظة؟؟؟؟

لا تبدو منهم اي بادرة عنف

ننوي البقاء في الميدان الليلة بحالها

و اري ان هناك تزايد في الاعداد

و قد احضرنا معنا الخيام و الطعام...و يمكننا شراء المزيد

دي كانت ترجمة سريعة لاحد المعتصمين هناك و ده بث مباشر علي الجزيرة انترناشيونال

[مغتربة]

ايه الى قاله دا

طير النوم من عينى ربنا يجازيه

[المهندسه]

حد يقولنا رأى الشباب ال فى التحرير لو تعرفوا

[se_ Elsyed]

فلنتخيل مصر واحد مثل هذا

تعرفوا إن مبارك كقائد اعلى للقوات المسلحة هايعدمه رمياً بالرصاص .. وبكره هايتنفذ فيه

تعرفوا كده ؟

[لماضة مصرية جدا]

ارحموا عزيز قوم ذل

رجعى الناس اللى ماتت

اضمنى للناس ان اللى قال عليه هيتنفذ

اضمنى للناس ان مافيش حد فيهم هيتخطف وميتعرفش عليه حاجه

ده فخ والله العظيم لو لبسنا فيه هنتسحل

الشخص اللى بالعقليه دى والعند دى عمره ما هينسى فى يوم الناس وهى بتقطع صوره

صدقنى هتبقى بحور من الدم

وتحياتى

عنبو

ابتديت دلوقتي استوعب كده برضه يا عنبو

[se_ Elsyed]

حد يجيب لي تليفون عمي مجدي الدقاق .. واونكل نبيل لوقا باباوي باشا ... عاوز أربط معاهم من دلوقت واستسمحهم

طبعاً الأشكال الوسخه دي زمانها بترقص وتقول : وضحكنا عليكو وقاعدين على قلبكم وهانوريكم من هنا لحد نوفمبر

[fatfouta]

ياللى بتقولوا ارحموا شايفين دول؟؟؟

دول ضحايا قطار الصعيد

ودول ضحايا العبارة

فاكرين ولا نسيتوا اجيب لكم كمان؟؟؟؟؟؟؟؟؟؟

تم تعديل 1 فبراير 2011 بواسطة fatfouta

[mezo]

حد يقولنا رأى الشباب ال فى التحرير لو تعرفوا

اخى فى التحرير اخبرنى ان خطاب هذا المخلوق زاد حماس الناس اكثر بكثيير من الاول وكلهم يقولون انهم لو وافقوا على استمراره سينتقم من كل الشعب بالاضافة انه سوف يقوم فى الاشهر القليلة المتبقية بسرقة باقى اموال الشعب وارضها واخبرنى اخى ان الشباب مصممون على الاستمرار فى ثورتهم ولن يذهبوا لبيوتهم الليلة حتى رحيل هذا الديكتاتور