25 يناير ... موعد المصريين (8)

[aimen]

[hOuSsAm]

مكالمة تلفونية عاملها مع صديق فى التحرير

ملخص المكالمة

1- الناس معنويتها مرتفعة جدا

2- عددهم الان الساعة 9 الصبح وصل حوالى 70 الف

3- فيه مندسين بيدخلوا وسط المظاهرات بسنج ومطاوى والناس بتقبض عليهم بمساعدة الجيش وكلهم هيتاحكموا محاكمة عسكرية (اعدادهم كبيرة لعلمكوا)

4- فيه ناس من امبارح بتحاول تحبط فى المظاهرين وتقولهم كفاية كدة والبلد هتخرب والنتايج كدة كويسة (بس دول قلة مندسة) :)

5- فيه ناس جاية من الاقاليم مشى (متورجل يعنى) اللى عرفته انهم من القليوبية والاسماعيلية (بقيت الاقاليم معرفتش عنها حاجة)

6- الناس مش ناويين يطلعوا مصر الجديدة لانهم لو طلعوا هيدخلوا فى اشتباكات مع الحرس الجمهورى وهتبقى العواقب مش سليمة (الناس ناضجة وفاهمة شغلها كويس)

7- الناس فاهمة وواعية بالاعيب الحكومة وعايزة تعرف كل الناس الحجات دى وعارفة ان الحكومة بتروج اشاعات كتيرة (ولكن هيهات هيهات مش مع شباب مصر المنظمين)

الناس بجد بجد بجد بترجوكم ادعولهم اعدولهم ادعولهم

كلنا ندعيلهم ان ربنا ينصرهم ويحميهم

امين يارب العالمين

[se_ Elsyed]

للاهمية

يا جماعة ... أي حد عاوز يساعد قرايبة في مصر .. بدل ما يحول فلوس والبنوك قافله .. ممكن يتوكل على الله ويروح اقرب مطار له ويشوف الراحلات اللي رايحه مصر ... ويختار حد طيب من المسافرين ويبعت معاه الفلوس على أن يستلمها الناس اللي هناك ...

عارف إنها مخاطرة .. لكن المصريين رجالة وجدعان وبيظهروا وقت الأزمات .. ومستحيل حد يطمع في الفلوس دي .... ده أنا متأ:د منه مليون الميه ...

[م تيمور المراغي]

مكالمة تلفونية عاملها مع صديق فى التحرير

ملخص المكالمة

1- الناس معنويتها مرتفعة جدا

2- عددهم الان الساعة 9 الصبح وصل حوالى 70 الف

3- فيه مندسين بيدخلوا وسط المظاهرات بسنج ومطاوى والناس بتقبض عليهم بمساعدة الجيش وكلهم هيتاحكموا محاكمة عسكرية (اعدادهم كبيرة لعلمكوا)

4- فيه ناس من امبارح بتحاول تحبط فى المظاهرين وتقولهم كفاية كدة والبلد هتخرب والنتايج كدة كويسة (بس دول قلة مندسة) :)

5- فيه ناس جاية من الاقاليم مشى (متورجل يعنى) اللى عرفته انهم من القليوبية والاسماعيلية (بقيت الاقاليم معرفتش عنها حاجة)

6- الناس مش ناويين يطلعوا مصر الجديدة لانهم لو طلعوا هيدخلوا فى اشتباكات مع الحرس الجمهورى وهتبقى العواقب مش سليمة (الناس ناضجة وفاهمة شغلها كويس)

7- الناس فاهمة وواعية بالاعيب الحكومة وعايزة تعرف كل الناس الحجات دى وعارفة ان الحكومة بتروج اشاعات كتيرة (ولكن هيهات هيهات مش مع شباب مصر المنظمين)

الناس بجد بجد بجد بترجوكم ادعولهم اعدولهم ادعولهم

كلنا ندعيلهم ان ربنا ينصرهم ويحميهم

امين يارب العالمين

يارب احفظهم وانصرهم ,,

ممكن تسال صديقك سؤالين يا حسام لو امكن

1 - هل المتظاهرين اختاروا ممثلين وقاده لهم في المظاهره ؟

2 - ماهي المطالب المتفق عليها من الجميع كنقاط للتفاوض ,,

تسلم يا جميل وكويس ان لينا اتصال مباشر مع الثوار هناك ,,

تم تعديل 1 فبراير 2011 بواسطة architect

[mekkawy]

شبكة رصد عــــــاجل || صرح مصدر فى مجلس شورى جماعة الاخوان المسلمين لراصدنا فى ميدان التحرير ان الاخون لن يسعوا لاى مشاركة فى اى منصب من قريب او من بعيد فى اى حكومة مقبلة

ايكش المفسدين يتهدوا بأة و يبطلوا بحث عن الفرقة

[aimen]

[se_ Elsyed]

يارب يارب

اللهم أنصر إخواني وأخواتي المتظاهرين المطالبن بالحرية

أنا حاسس بمعاناتهم بجد وهما بايتين في ميدان التحربر من امبارح من غير لا أكل ولا شرب ولا دورات مياه ولا نومه كويسه

لكن معليش .. إنما النصر صبر ساعة ....

نصبر ساعة عشان نرتاح باقي عمرنا وترتاح الأجيال الجاية كلها

إدعوا لهم بالنصر على الطاغية

---------

باكلم البيت عندنا وحماتي الصبح .. بتقول لي حتى الأطفال الصغيرين ماشيين في الشارع معاهم قطع صفيح وبيطبلوا عليها ويقولوا " مش عاوزينك مش عاوزينك "

طبعاً البارد لو شاف المنظر ده هايضحك ويقولوا " اللي يمشي را العيال " ... عشان كده مش ماشي ...

كلب وسفاح وشخصية لن تتكرر في تاريخ الإنسانية كلها

[moory]

السلام عليكم،

انا تابعت امبارح اغلب القنوات من ساعة ما رجعت من الشغل، لحد ما بقت قادر افتح عينيا بالليل و انا على السرير،

تابعت التلفزيون المصري الرسمي، و تلفزيونات رجال الأعمال المصرية، و القنوات الاخبارية، وحتى بعض القنوات العربية الأخرى في بعض نشرات الأخبار و البرامج الحوارية الي بيجيبوها متعلقة بما يحدث في مصر.

و انا حابب ارصد الحاجة دي ليكو زي ما انا شفتها امبارح و الايام الي فاتت كمان، و بعض الحاجات الي لاحظتها في هذه الأحداث.

التلفزيون المصري:

-نبتدي بتلفزيونا العظيم، التلفزيون المصري الرسمي، كل من الفضائية المصرية و قنوات النيل كاملة، كان كل الي هيا مركزة عليه امبارح القبض على الخارجين على القانون و توضيح ازاي هربو على لسان المقبوض عليهم "شوية عرب ملثمين هجمو علينا كسرو البيبان و كانو عاوزين يهربو ناس بعينها و فتحو علينا النار".

-اتصالات مع محافظي و المسؤولين، وكلهم بييأكدو كلو تمام و الأمن مستتب و مافيش اي أعمال تخريب عندهم.

-اتصالات مع الفنانين و مسؤولين الكورة، كابتن حسام حسن مجدي عبدالغني و غيرهم، والغريبة انهم كلهم بينصحو الناس ماحدش يروح بكرة المظاهرات و انهم بكده بيخربو البلد.

- طبعا في حاجت كتير تانية، بس اكتر حاجة نفرزتني، تقارير التلفزيون، مع شباب و ناس في الشارع بيقولو الريس مالوش زنب، و كمان محافظ مش فاكر ايه كان ماشي في احد الجمعيات الاستهلاكية و بيتكلم مع مواطنة بتقولو كلو تمام و السلع كلها موجوده و العيش و انا فاتحة الصيدلية بتاعتي النهارده. كلو في الكلتش يا بيه...

[aimen]

[أسد]

هذا هو الجزء الثاني من صور الثورة

http://totallycoolpix.com/2011/01/the-egypt-protests-part-2/

[se_ Elsyed]

السلام عليكم،

انا تابعت امبارح اغلب القنوات من ساعة ما رجعت من الشغل، لحد ما بقت قادر افتح عينيا بالليل و انا على السرير،

تابعت التلفزيون المصري الرسمي، و تلفزيونات رجال الأعمال المصرية، و القنوات الاخبارية، وحتى بعض القنوات العربية الأخرى في بعض نشرات الأخبار و البرامج الحوارية الي بيجيبوها متعلقة بما يحدث في مصر.

و انا حابب ارصد الحاجة دي ليكو زي ما انا شفتها امبارح و الايام الي فاتت كمان، و بعض الحاجات الي لاحظتها في هذه الأحداث.

التلفزيون المصري:

-نبتدي بتلفزيونا العظيم، التلفزيون المصري الرسمي، كل من الفضائية المصرية و قنوات النيل كاملة، كان كل الي هيا مركزة عليه امبارح القبض على الخارجين على القانون و توضيح ازاي هربو على لسان المقبوض عليهم "شوية عرب ملثمين هجمو علينا كسرو البيبان و كانو عاوزين يهربو ناس بعينها و فتحو علينا النار".

-اتصالات مع محافظي و المسؤولين، وكلهم بييأكدو كلو تمام و الأمن مستتب و مافيش اي أعمال تخريب عندهم.

-اتصالات مع الفنانين و مسؤولين الكورة، كابتن حسام حسن مجدي عبدالغني و غيرهم، والغريبة انهم كلهم بينصحو الناس ماحدش يروح بكرة المظاهرات و انهم بكده بيخربو البلد.

- طبعا في حاجت كتير تانية، بس اكتر حاجة نفرزتني، تقارير التلفزيون، مع شباب و ناس في الشارع بيقولو الريس مالوش زنب، و كمان محافظ مش فاكر ايه كان ماشي في احد الجمعيات الاستهلاكية و بيتكلم مع مواطنة بتقولو كلو تمام و السلع كلها موجوده و العيش و انا فاتحة الصيدلية بتاعتي النهارده. كلو في الكلتش يا بيه...

نصيحة لكل شاب ولكل فتاة ..

أنا الشيطان لعب في دماغي وسلمت له دماغي نص ساعة بس وإتفرجت على قنوات مصرية ( فضائية .. محور .. دريم )

أقسم بالله أنا كان هاين عليه أروح مشي لأبويا الحج مبارك وأحب على راسه وأقول له : سامحني يابا أنا قليل الأدب وما أتربيتش وإنت سيدنا وتاج راسنا بس إحنا مش فاهمينك

حاجه تقرف وإعلام مأجور متخلف . وناس كتيره إنكشفت على حقيقتها القذرة وهاتتسحل بعد ما النصر يتم بإذن الله لأن لا مكان لهم وسط مجتمع الشرفاء المنتصرين ..

[moory]

التفزيون المصري - القنوات الخاصة (الحياة - دريم - المحور)

- يعني كان أهون شوية من التلفزيون المصري، بس كان باين عليه انو واقف في النص، خايف يبين انو مع الشعب و في نفس الوقت خايف يصرح بموقفه للنظام يستمر و تيجي على دماغهم كلهم

- امبارح كانو مستضيفين أسماء محفوظ على المحور في برنامج 48 ساعة، البنت فعلا بـ 100 راجل زي ما سمعنا عنها، عفوية و تلقائية و قالت الكلام الي بتكلم عنه، بس المشكلة في المذيع السخيف الي كان كل شوية يقاطعها و يستظرف و كان بيعيش دور الأب بالإجبار، انا اتخنقت منه بصراحة. انا مش هاتكلم على الي قالته أسماء لأن موقفها ثابت ما اتغيرش، بس انا هتكلم على المذيعين الي كانو عايشين دور العقل و الرزينة وكلن كل هدفهم انهم يحاولو يقولو احنا يا جماعة بنهدي اهو، احنا مش وحشين زي الجزيرة الكخة، و راحو عاملين موضوع النقاش بتاع بكرة ده الساعة 1 الظهر.

- المفجأة على المحور، ضباط عملو مداخلات على برنامج 48 ساعة، و اعترفو انهم اتخانو، وان حبيب العادلي كان بيسجد الريس و يقولو كلو تمام، و طالبو بمحاسبته و محاكمته، وحكو هوايل بصراحة..

- باليل برده كانت المحور جايبة عماد أديب و كان يتكلم كلام عقلاني جدا، مع بعض التحيز للرئيس و الطبقة الارستوقراطية في التعامل مع الموقف بحكم قربه من الرئيس و مستواه المادي.

- الحياة حلوة، نيجي للحياة الي كل شوية تذيع مؤتمر لعم بدوي بيه، امبارح كانو عاملين برنامجين واحد على حياة1 مع شريف و لبنى، و كانو عماليني يجبو برده شوية معارضة على شوية مسؤولين وكان اغلبهم بيحاول دلوقتي يثبت وطنيته وانو مع الشعب، و التاني على الحياة2 مع رولا و المفاجأة، عمرو اديب الي كان باين ان arab got talnet كانت عاملة عمايلها معاه، كان منتهى الأفورة و السخافة و كان كل كلامه هلس في هلس، بصراحة ما تابعتوش لانه كان مستفز جدا.

- دريم و منى الشاذلي والي ابتدت اخيرا و بعد ما حست ان النظام راحل لا محالة تتكلم على المفتشي، و تستمع لناس تمثل نفس الموقف زي مداخلة عمار الشريعي و غيرهم.

- بس عموما موقف التلفزيون الخاص كان احسن شوية من التلفزيون المصري، بس مازال يعلن ضمنا مولاته للرئيس و النظام، و ان مصالح رجال الأعمال كانت طاغية على توجه القناة عموما

[hOuSsAm]

مكالمة تلفونية عاملها مع صديق فى التحرير

ملخص المكالمة

1- الناس معنويتها مرتفعة جدا

2- عددهم الان الساعة 9 الصبح وصل حوالى 70 الف

3- فيه مندسين بيدخلوا وسط المظاهرات بسنج ومطاوى والناس بتقبض عليهم بمساعدة الجيش وكلهم هيتاحكموا محاكمة عسكرية (اعدادهم كبيرة لعلمكوا)

4- فيه ناس من امبارح بتحاول تحبط فى المظاهرين وتقولهم كفاية كدة والبلد هتخرب والنتايج كدة كويسة (بس دول قلة مندسة) :)

5- فيه ناس جاية من الاقاليم مشى (متورجل يعنى) اللى عرفته انهم من القليوبية والاسماعيلية (بقيت الاقاليم معرفتش عنها حاجة)

6- الناس مش ناويين يطلعوا مصر الجديدة لانهم لو طلعوا هيدخلوا فى اشتباكات مع الحرس الجمهورى وهتبقى العواقب مش سليمة (الناس ناضجة وفاهمة شغلها كويس)

7- الناس فاهمة وواعية بالاعيب الحكومة وعايزة تعرف كل الناس الحجات دى وعارفة ان الحكومة بتروج اشاعات كتيرة (ولكن هيهات هيهات مش مع شباب مصر المنظمين)

الناس بجد بجد بجد بترجوكم ادعولهم اعدولهم ادعولهم

كلنا ندعيلهم ان ربنا ينصرهم ويحميهم

امين يارب العالمين

يارب احفظهم وانصرهم ,,

ممكن تسال صديقك سؤالين يا حسام لو امكن

1 - هل المتظاهرين اختاروا ممثلين وقاده لهم في المظاهره ؟

2 - ماهي المطالب المتفق عليها من الجميع كنقاط للتفاوض ,,

تسلم يا جميل وكويس ان لينا اتصال مباشر مع الثوار هناك ,,

بص يا سيدى اول حاجة ملهمش اى ممثلين ولا قادة ولا حد بيوجههم (الثورة دى شعبية مية فى المية) وقالى سيبك من اللى بيتقال فى الاعلام هما مختاروش حد يمثلهم

بالنسبة للمطالب المتفق عليها حاجة صغنططة خالص ( يا مبارك ارحل بعد ازنك) بس

الناس طلباتها مش كتيرة يا تيمور

هو طلب واحد

ارحل

وبعد كدة لما يرحل كل حاجة هتتحل (وهما مش معترضين على عمر سليمان ولا متفقين عليه) دى مش قضيتهم دلوقتى قضيتهم كلها انه يرحل

كمان ابهات الشهداء (150 شهيد بتوع يوم الجمعة) جم فى ميدان التحرير واتكلموا وقالوا ان دم ولادهم مش هيروح هدر

كلهم جم واتكلموا

مشغلين شاشات كبيرة فى نص الميدان (قناة الجزيرة) وجايبين سماعات

الناس اعدادها بتزيد باضطراد والناس روحها المعنوية عالية جدا

الناس بترجوكم بحاجة صغيرة

الدعاء

الدعاء

الدعاء

الدعاء

ادعولهم بالله عليكم

يا مسيحين ويا مسلمين ادعولهم باخلاص

مش طالبين منكوا حاجة اكتر من كدة

والله المستعان

[عنبو]

هو فيه حد من الناس اللى فى مصر بيقرأ الكلام بتاعنا ده

ياريت حد يرد عليا

تحياتى

عنبو

[الغريب]

الصورتين دول كفاية

[م تيمور المراغي]

بسم الله الرحمن الرحيم ,,

كابتن نايس يحيكم ويشرح ما المقصود بجملة انما النصر صبر ساعه ,,

هي من الكلام المأثور عن سعد بن ابي وقاص رضي الله عنه المقاتل الصلب والقائد الفذ ,,

وذلك انه كان اذا التحمت جيوشه واختلط الحابل بالنابل واوشك اليوم على الانتهاء وكادت الشمس ان تغرب وبلغت القلوب الحناجر واستعد الجميع لفك الاشتباك في الجيشين كما هو متعارف عليه بحلول الظلام قام بن ابي وقاص وقال كلمته ( انما النصر صبر ساعه ) فيحمل الجنود المسلمون بدم جديد على عدوهم فيدحروه ويهزموه لذا فكلمته تعني اكمال المسيره وطولة الامل وطلاوة اللسان ,,

انما مش معناها الناس تصبر ساعه بريك خفيف كده وترجع بيوتها تاني :happy:

[م تيمور المراغي]

هو فيه حد من الناس اللى فى مصر بيقرأ الكلام بتاعنا ده

ياريت حد يرد عليا

تحياتى

عنبو

ايوه يا عنبي انا فاتح التوبيك ده مخصوص بتوجيهات من حركة شباب 6 ابريل وفيه ناس منهم متابعين كلامنا ده وبينقلوه

اطمأن ,,

[jasmin hamed]

لكل المغتربين

http://www.youtube.com/watch?v=_GoOg_0Ksa8&feature=related

انا اسفه يا مصر انى مش معاكى

[م تيمور المراغي]

الناس طلباتها مش كتيرة يا تيمور

هو طلب واحد

ارحل

اللهم انصر الثوار ,,

يا حسام حقول لك على مثال بسيط جدا ,,

تخيل انت رايح تستلم عهده من موظف مرتشي و فاسد ومعاه ملفات وصادر ووارد ومراسلات واوراق كثيره وقلت له امشي حالا ,,

هل من الحكمه انك تمشيه فورا ولا تقول له افعل كذا وكذا وتستلم منه كل شيئ بالاسلوب النظامي السليم

مصر دي بقى دي مش مجرد عهده في شركه لا دي اكبر دوله في المنطقه فلازم انتقال السلطه فيها يكون بالاسلوب الامثل والسليم ,,

الحماس جميل وهو روح الثوره واساس الحريه لكن المرحله المقبله دي عاوزه مفاوضين على اعلى درجه من الاحترافيه والحكمه والحنكه والدهاء

حنشوف كلام شباب 6 ابريل الليله ان شاء الله ولن نكون ملكيين اكثر من الملك ,,

يارب يتم لنا النصر على خير وبدون اي دماء تراق من اي طرف كان ,, فكلنا مصريين والمجرم من ابسط حقوقه المحاكمه العادله

[عنبو]

هو فيه حد من الناس اللى فى مصر بيقرأ الكلام بتاعنا ده

ياريت حد يرد عليا

تحياتى

عنبو

ايوه يا عنبي انا فاتح التوبيك ده مخصوص بتوجيهات من حركة شباب 6 ابريل وفيه ناس منهم متابعين كلامنا ده وبينقلوه

اطمأن ,,

بس هى مصر فيها نت دلوقتى يا تيمور

طمنى الله يكرمك اصل مينفعش نقعد نتكلم هنا ومافيش حد بيمسعنا اساسا