25 يناير ... موعد المصريين (8)

[hOuSsAm]

الصورتين دول كفاية

حسبى الله ونعم الوكيل

الصورة صعبة اوى يا غريب

بالله عليك بس اتاكدلنا ان الصورة دى تخص الاحداث الماضية

يعنى محدش خادها من حروب تانية وقال نهيص مع الهوجة واهى اى صور وخلاص

عشان لو كدة حساب الكلاب دول هيبقى عسير اوى

حرام فيهم انهم يموتوا

لازم يتعذبوا عشان يبقوا عبرة لامثالهم

[م تيمور المراغي]

هو فيه حد من الناس اللى فى مصر بيقرأ الكلام بتاعنا ده

ياريت حد يرد عليا

تحياتى

عنبو

ايوه يا عنبي انا فاتح التوبيك ده مخصوص بتوجيهات من حركة شباب 6 ابريل وفيه ناس منهم متابعين كلامنا ده وبينقلوه

اطمأن ,,

بس هى مصر فيها نت دلوقتى يا تيمور

طمنى الله يكرمك اصل مينفعش نقعد نتكلم هنا ومافيش حد بيمسعنا اساسا

التواصل لم ينقطع بين الحركه وافرادها لحظه واحده من بداية الثوره حتى الان ,,

و كل كلمه بتتكتب هنا بتوصل لناس متابعينها والحمد لله ,,

حبقى اطلب منهم يشاركوا بعد مالدنيا تروق ونحاورهم كلنا ,,

ان شاء الله ,,

[jasmin hamed]

العربيه مظاهرات مع الرئيس مبارك فى الاسماعليه

[Alshiekh]

هو فيه حد من الناس اللى فى مصر بيقرأ الكلام بتاعنا ده

ياريت حد يرد عليا

تحياتى

عنبو

الإجابة ( لأ )

لكن من خلال اتصالى بابنائى واصدقائى واقاربى بابلغهم والاقيهم عارفين معظم اللى بنقوله هنا.

[الغريب]

حسبى الله ونعم الوكيل

الصورة صعبة اوى يا غريب

بالله عليك بس اتاكدلنا ان الصورة دى تخص الاحداث الماضية

يعنى محدش خادها من حروب تانية وقال نهيص مع الهوجة واهى اى صور وخلاص

عشان لو كدة حساب الكلاب دول هيبقى عسير اوى

حرام فيهم انهم يموتوا

لازم يتعذبوا عشان يبقوا عبرة لامثالهم

والله يا حسام أنا جايبهم من الصور اللي بتغطي الأحداث مش حرب قديمة ولا حاجة ، وفي أشد من كدة كمان بس الشاب ده فكرني بالصحابة لما بيلاقوا جثثهم بعد المعركة ليس بها موضع إلا وبه طعنة سيف أو ضربة رمح

[الغريب]

الإجابة ( لأ )

لكن من خلال اتصالى بابنائى واصدقائى واقاربى بابلغهم والاقيهم عارفين معظم اللى بنقوله هنا.

كلام مظبوط تماما نفس اللي أحنا بنتداوله هنا هما بيتداولوه في مصر

لأننا أحنا وهما مصريين

[م تيمور المراغي]

هو فيه حد من الناس اللى فى مصر بيقرأ الكلام بتاعنا ده

ياريت حد يرد عليا

تحياتى

عنبو

الإجابة ( لأ )

لكن من خلال اتصالى بابنائى واصدقائى واقاربى بابلغهم والاقيهم عارفين معظم اللى بنقوله هنا.

حضرتك بتقول الاجابه لأ وبكل ثقه !! :happy:

تحيتي لحضرتك لكن كلامك تنقصه الدقه مع كل احترامي ,,

[الغريب]

النظام انكسر خلاص في مقتل والناس داقت طعم الحريه وعرفت السكه ,,

الفوضى وعدم تنظيم الصفوف هي اكبر عدو للثوره حاليا ,,

لازم التركيز والاخذ بالاسباب وتكوين اجنده قويه وشامله ومحكمه وطرحها على النظام وعلى المجتمع الدولي ,,

النوايا الطيبه وحدها لاتكفي ,, ولا تصنع مستقبل الشعوب ,,

مش فاهم ، هل ترى توقف الثورة يا بشمهندس على هذا الوضع والاكتفاء بالمنجزات وتغيير الاستراتيجية، ولا أيه بالظبط ؟؟

[aimen]

دولا الورد الحر البلدي -

يصحى يفتح اصحى يا بلدي

- دولا خلاصة مصر يا ولدي

- دولا عيون المصريين

- دولا مين ودولا مين

[م تيمور المراغي]

النظام انكسر خلاص في مقتل والناس داقت طعم الحريه وعرفت السكه ,,

الفوضى وعدم تنظيم الصفوف هي اكبر عدو للثوره حاليا ,,

لازم التركيز والاخذ بالاسباب وتكوين اجنده قويه وشامله ومحكمه وطرحها على النظام وعلى المجتمع الدولي ,,

النوايا الطيبه وحدها لاتكفي ,, ولا تصنع مستقبل الشعوب ,,

مش فاهم ، هل ترى توقف الثورة يا بشمهندس على هذا الوضع والاكتفاء بالمنجزات وتغيير الاستراتيجية، ولا أيه بالظبط ؟؟

حاضر يا غريب رغم انها حتكون المره الرابعه والله اللي حعيد فيها نفس كلامي ,,

صباح الوروود عليكم

حقول اللي في بالي للمرحله الجايه

المتظاهرين لابد ان يختاروا فردا او افرادا تمثلهم وتتكلم باسمهم في اي مفاوضات تجرى مع النظام

المطالب عديده اهمها :

نقل اغلب صلاحيات الرئيس الى نائبه اللواء عمر سليمان

تعهد الرئيس بعدم الترشح في انتخابات نوفمبر المقبله

تعديل الدستور لكي يتيح الترشح باقل الشروط الممكنه

محاسبة كل من اجرم في حق الشعب من خلال لجنه محايده و مشهود لها بالنزاهه ولها كل الصلاحيات الممكنه لمحاسبة اي مسئول تحت رئيس الجمهوريه

حل مجلسي الشعب والشورى واجراء انتخابات تشريعيه تحت اشراف دولي ,,

مش كفايه التظاهر وخلاص لازم يكون هناك آليه وتخطيط سليم على اعلى مستوى ,,

احنا بنقول نفس الكلام على فكره يا هندسه وان اختلفت الصيغه

حضرتك صيغتك حماسيه وكلها حيويه وده مطلوب ,,

بس اتمنى تراجع كلامي بنظره تانيه هاديه ومحايده وقابله للتطبيق ,,

الانتقال لابد ان يتم بالاسلوب السليم لكي لا تسقط الدوله في بركه من الفوضى ,,

تاني حقول الكلام معلش وحغير الصيغه ,,

1 - يتعهد الرئيس بعدم خوض انتخابات الرئاسة المقبلة ,,

2 - يتم تكوين لجنه شعبيه تحمل مطالب الثوار وتتكلم باسمهم امام النظام وامام المجتمع الدولي

3 - يتم تشكيل لجنه لمحاكمة المجرمين ومن يثبت تواطئه ايا كان منصبه ويكون لها كافة الصلاحيات للتحقيق ثم القصاص

4 - حل مجلسي الشعب والشورى اوجراء انتخابات تشريعيه مجددا تحت الاشراف الدولي الكامل ,,

5 - تعديل مواد الدستور لكي تسمح بترشح اي مصري بادنى الشروط الممكنه ,,

ده بعض من كل ومنتظر رأيكم الكريم ,,

ويتابع التقرير الاستخباري بالقول إن مبارك قال لهؤلاء الجنرالات إنه "لا ينوي التخلي عن السلطة مثل مجرم هارب بعد ربع قرن" أمضاه فيها، وإنه "سيتنازل عن السلطة بمحض إرادته بعد أن تهدأ الأوضاع".

وخلص التقرير إلى أن جنرالات الجيش المصري يدركون أن استقالة مبارك بفعل الضغط قد تهدد النظام، ولذلك أجابوه إلى طلبه، وهم يريدون أن يتم هذا الأمر بطريقة منظمة.

جميع حقوق النشر محفوظة، الجزيرة 2011

طيب الحمد لله ان توقعاتنا اللي فاتت كلها كانت سليمه ,,

الراجل عاوز مخرج محترم يحفظ ماء الوجه بعد كل سنين عمره اللي - من وجهة نظره - اعطاها للبلد كطيار مقاتل ثم قائد قوات جويه ثم نائب رئيس ثم رئيس جمهوريه ,,

واحنا كشعب اصيل ومتحضر سنترك له تلك الوسيلة الكريمه للتنحي واعفائه من المحاكمه ,, وسنتركه يغادر البلاد بسلام في مقابل ترك السلطه وعدم الترشح في نوفمبر المقبل وايضا ترك جميع الثروات التي اكتسبها هو بحكم منصبه الرئاسي وكل من حوله من اقطاب النظام الفاسد السابق ,,

[aimen]

RT @SaudiCitizen قلب لا يتعاطف مع الناس في ميدان التحرير قلب فيه خلل ما

!! #egypt #jan25

من تويتر

تم تعديل 1 فبراير 2011 بواسطة aimen

[عنبو]

هو فيه حد من الناس اللى فى مصر بيقرأ الكلام بتاعنا ده

ياريت حد يرد عليا

تحياتى

عنبو

ايوه يا عنبي انا فاتح التوبيك ده مخصوص بتوجيهات من حركة شباب 6 ابريل وفيه ناس منهم متابعين كلامنا ده وبينقلوه

اطمأن ,,

بس هى مصر فيها نت دلوقتى يا تيمور

طمنى الله يكرمك اصل مينفعش نقعد نتكلم هنا ومافيش حد بيمسعنا اساسا

التواصل لم ينقطع بين الحركه وافرادها لحظه واحده من بداية الثوره حتى الان ,,

و كل كلمه بتتكتب هنا بتوصل لناس متابعينها والحمد لله ,,

حبقى اطلب منهم يشاركوا بعد مالدنيا تروق ونحاورهم كلنا ,,

ان شاء الله ,,

طيب تمام كده

لازم الناس تعرف حاجه مهمه قوى ان الثوره وسيله وليست غايه

بمعنى ان الثوره وسيله للحصول على الحريه والديمقراطيه والكرامه

ولذا يجب علينا الانتقال الى تحقيق اهداف الثوره

من خلال انتخاب ناس من جميع المشاركين فى الثوره

مثلا عن حركة 7 ابريل فلان وعن الاخوان فلان ...........الخ

او حتى يقسموها محافظات يعنى عن محافظة القاهره فلان , الشرقيه فلام ......الخ

ويطلعوا على مبارك يتكلموا معاه بما انهم موكلين من الشعب ويقولوا له على مطالب الشعب

وعلى ما اعتقد ان الشعب مطالبه واحده مافيش عليها اى خلاف

رحيل النظام الحالى وعيش وحريه وكرامه وديمقراطيه

ده الخطوه اللى لازم تتاخد الجموع تظل فى ميدان التحرير واللى فى المحافظات فى المحافظات

والناس اللى اختيريت علشان تمثل المحافظات تروح لمبارك او اى حد ينوب عنه ويتكلموا معاهم

ولا يتنازلوا عن مطالب الشعب

على هامس نقل الاخبار يعنى

لسه مكلم واحد صاحبى فى التحرير دلوقتى

بيقولى الجيش بيتعامل مع الناس بمنتهى الادب والاحترام وبيأمن المظاهره وفيه لجان شعبيه بتفتش قبل دخول ميدان التحرير

تحياتى

عنبو

[الغريب]

حاضر يا غريب رغم انها حتكون المره الرابعه والله اللي حعيد فيها نفس كلامي ,,

طيب متزوقش طب :sad:

[عنبو]

صاحبى قالى وهو مسافر الى ميدان التحرير

طلع عليهم بلطجيه بالسلاح الابيض

والجيش حماهم برده

تحياتى

عنبو

[aimen]

قناة CNN

تنقل بث النيل والمصرية

وطبعا الإثنين عايشين فى مياة البطيخ

[م تيمور المراغي]

حاضر يا غريب رغم انها حتكون المره الرابعه والله اللي حعيد فيها نفس كلامي ,,

طيب متزوقش طب :sad:

هههههههه عسل

حبقى اشيل لك نصيبك من الرمان ان شاءا لله ههههههه :happy:

[moory]

القنوات الاخبارية:

- العربية في اول يومين من المظاهرة كانت فعلا مواكبة و ناقلة موضوعية،لكن بقى واضح جدا في مداخلتها انها تلقى رضا من النظام و المسؤولين في مصر، وانهم كلهم - المسؤولين- وصفوهم بالحيادية، لأنها بتسمع ليهم و أكاذيبهم و تعرضها على الناس، و كمان كانت بتجيب الاحتجاجات في مصر و مراسليها بيغطو، بس كانت حنينية شوية في التغطية، بس قوتهم دلوقتي بقت في ان ليهم مراسلين و كاميرات و مكتب في مصر و ليهم صلاحيات كبيرة بالذات مع وجود ناس زي راندا ابو العزم و حافظ الميرازي الي ليهم علاقات و اتصلاات واسعة مع وزارة الاعلام و المسؤولين فيها، كان وضح ان عندهم تسهيلات كبيرة في التصوير و النزول للساحة. واشتغلو دلوقتي زي التلفزيون المصري على الممثلين و الشخصيات العامي الي عمالة ترهب الناس و تحثهم على عدم الذهاب.

- المستفز جايبين غادة عبدالرازق و طنط رجاء و ناس غريبة، ايييه العك ده، ومين دول اصلا، وتفتكرو ان لو في بتحب الناس دي ممكن تسمع كلامها في موقف زي ده...

- bbc - الحرة و غيرها كانو اغبهم بيغطو زي بيحيلو يكونو موضوعين و حيادين، شغاال، مع افضلية ل bbc عنهم كلهم.

- الجزيرة، الي قفلولها مكاتبها و سحبو تراخيصها و تراخيص مراسليها، والي كل شوية يلغو ترددتها على النايلسات، مش محتاج اتكلم عنها كتير، و كفاية اقولكو انها رغم كل ده، القناة الوحيدة التي يتم بثها على شاشات في ميدان التحرير

- بشهادة الأغلبية، الجزيرة هي القناة الوحيدة التي تعبر عن النبض الحقيقي للشارع، ان مداخلتها و الشخصيات الي بتجيبها، كلامها يسمع و عقلاني و حاسم في اتخاذ قرار النزول للمظاهرات و الاعتصام.

- CNN كانت في اغلب تقاريرها و مراسلتها بتركز على الدور الأمريكي، و كانت بتجيب الأحداث اول بأول، و اخر حاجة سمعتها عنها انهم ارسلو جنود مارينز لحماية السفارة الأمريكية بالقاهرة. وأغلب نقلها كان من التلفزيون المصري قناة النيل للأخبار

القنوات العربية:

- تقريبا كان موقفهم واحد، كل بلد الرئيس بتاعها شغال اصلاحات و امدادات شعبية، و عند تغطية الحدث المصري، يجيبو كام تصريح مع ناس في الشارع، تصاريح هادئة لطيفة خفيفة ظريفة، وان الناس عايزة تغيير و اصلاح بدون التركيز على التفاصيل و الأعداد و المطالب الحقيقة للشارع.

تم تعديل 1 فبراير 2011 بواسطة moory

[عنبو]

الحمد لله انك جعلتنى افتخر انى مصر قبل مماتى

الحمد لله ان جاء عليا اليوم لكى اقولها باعلى صوتى انا مصر وافتخر

امبارح واحنا بنصلى العصر فى الشركه لقيت مدير المشاريع بيقدمنى علشان اصلى بيهم امام

مع انى اصغرهم سنا وانا المصرى الوحيد اللى بينهم

ولقيت الكل مصمم انى اصلى بيهم مع انهم جميعا افضل منى فى كل شىء

تحيه الى الثوار اللى رفعوا راسنا فوووووووووق

تحيه الى كل من ضحى بنفسه من اجل هذا الوطن

تحيه الى كل من قال كلمة حق عن سلطان جائر

علينا الا ننسى هؤلاء مدى الحياه مهما كانت النتائج

تحياتى

عنبو

[شرف الدين]

بسم الله الرحمن الرحيم

الأخت/ أغابي

نفس الملاحظة اللي قالها الأخ ليكي... كنت لسه هقولها... بس خلاص... سماح

الباشمهندس/ تيمور ( تحية كبيرة قوي لتيمور )

مفيش تراجع دلوقت يا باشمهندس

لازم نعرف ونتأكد تماما ان لو المطلب الأساسي لم يتحقق... كأن مفيش حاجة اتحققت

كل الطقم ده يا باشمهندس هم في الأصل رجالة مبارك

حتى اللواء عمر سليمان ( وانا بحترمه من زمان عشان سيرته العسكرية الرائعة )

لكن مبارك هو كمان كانت سيرته العسكرية أكثر روعة ... لكنه للأسف بعد اللي حصل اليومين اللي فاتوا دول وتشتثبه بالسلطة ولو على حساب جثث الشعب المصري كله سقط من نظري كل تاريخه العسكري

ومسأله إنك تاخد تعهد على مبارك بعدم الترشح دي... مع كامل احترامي حبر على ورق

مبارك أول ما مسك الحكم تعهد انه مش هيفضل أكتر من فترتين

واديك شفت الفترتين بقوا اد ايه.

يا باشمهندس مبارك لا يؤمن بشيء اسمه الديمقراطية وافتكر نصايحه لأميركا انها تختار ديكتاتور لحكم العراق

لازم نعرف دلوقت حاجة أساسية

عمر خطر الأفعى ما بينتهي إلا لما تقطع دماغها.

مبارك دلوقت يأمر بفتح حوار مع المعارضة

من شهر واحد بس كان بيقول خليهم يتسلوا

يا باشمهندس... اللحظة التاريخية دي مش هتتكرر تاني بسهولة

فاكر لما رديت عليك في أول مداخلة عشان موضوع 25 يناير

كل اللي كتبته عجبك ما عدا إني اعترضت على المظاهرات وقلت ننظم اضراب أحسن - وقلت لك بالحرف - مفيش ثورة شعبية بتكون بميعاد سابق - اللي بيكون بميعاد سابق هو الانقلاب العسكري وليس الثورة الشعبية

انا اعترضت ليه على المظاهرات ساعتها - لأني مكنش متخيل إن الشعب هيستجيب وهيخرج

وهي دي اللحظة التاريخية اللي مش بتتكرر كتير في حياة الشعوب

لحظة ان الشعوب تقلع جلابية الخوف -

وعشان كده اللحظة دي لازم نستغلها حتى النهاية

ونستفيد بيها للدرجة القصوى

مش عايزين نتراجع في مطالبنا أبدا

لأنك متضمنش إن الناس تتوحد تاني بالشكل ده لو مبارك قرر الاستمرار في الحكم

وبعدين يا باشمهندس

ازاي يفضل في الحكم بعد كل اللي ماتوا دول

دم الشهدا دول كان في سبيل ايه

مش كان في سبيل إنهاء حكم مبارك

خلاص هنرجع في كلامنا ونقول لأ - ممكن يفضل اوكي

انا كتبتها كذا مرة قبل كده

لو مبارك فضل لنوفمبر صدقوني - الموضوع هيقلب تاني 180 درجة

هيتم تشتيت المتظاهرين فكريا - وتشتيتهم معنويا - لحد ما يتم تصفيتهم كلهم جسديا أو اعتقالهم

مش هنخسر أي حاجة لو مبارك مشي وعمر سليمان مسك مكانه ( على أساس طبعا إن عمر سليمان يحظى بمساندة الجيش )

( على فكرة لما شفت خطاب عمر سليمان افتكرت تخيلوا مين - الراحل العظيم السادات - أسلوبه في الكلام يشبه اسلوب السادات - وحتى صحيح يشبهه في الشكل )

ولو إني من ناحيتي أفضل السيد عمرو موسى

ده بجد اللي اقدر اقولك انه فعلا ممكن يتزعم حكومة انتقالية لحد ما تحصل انتخابات حرة بالإضافة للبرادعي طبعا

( لكن البرادعي لن يحظى بثقة الجيش )

إنما عمرو موسى كان من رجالة مبارك قبل كده

ويقال إنه خرج من وزارة الخارجية بسبب خلافات بينه وبين عمر سليمان

غير كده مفيش لا حكومة انتقالية ولا يحزنون

ولو انت على اتصال بأسماء محفوظ

اولا: بلغها تحياتي وبلغها ان التراب اللي هيا بتمشي عليه انا احطه فوق راسي وفوق راس كل مصري حر شريف فخرا واعزازا وتقديرا واجلالا

ثانيا: خليها تطلع من الفخ اللي تم نصبه ليها امبارح ده

اي جلوس مع الوزراء والكلام ده معناه انك اعترفت بيهم وطالما اعترفت بيهم يبقى اعترفت باللي عينهم وبكده هنبتدي نتنازل من مطالبنا بإجراء إصلاح سياسي

إلى مطالب تانية بالعيش والجبنة والخبز والمورتة

يا باشمهندس:

اعتصام *** اعتصام

حتى ** إسقاط النظام

أوجه نداء للسيد عمرو موسى أن ينزل للمظاهرات ليكون قائدا لها

والراجل ده أنا واثق فيه وواثق في شرفه وهو اللي يقدر يقود المظاهرات حقا.

ويقدر يتحدث بإسمنا

ولا يمكن يعمل صفقات مع النظام

وده راجل سياسي هيقدر يتفهم مصالح البلد ويقدر ساعتها يتفاهم مع النظام

[الغريب]

- الجزيرة، الي قفلولها مكاتبها و سحبو تراخيصها و تراخيص مراسليها، والي كل شوية يلغو ترددتها على النايلسات، مش محتاج اتكلم عنها كتير، و كفاية اقولكو انها رغم كل ده، القناة الوحيدة التي يتم بثها على شاشات في ميدان التحرير

صراحة لابد لها من وسام بعد قضاء الثورة على خير ، مع العلم أنهم كانوا بالأمس يكررون أنهم يحاولون الإتصال بالمسؤولين المصريين ولكنهم لا يجيبون عليهم ويرفضون الحوار على الجزيرة ، وده فخر ليهم لأن هؤلاء يخافون الإحراج على الجزيرة..

وأكتر حاجة عجبتني لما جابوا عادل إمام قال كلمتين عن التصريح المنسوب ليه ، ولما جه يتكلم عن الثورة ويغني على نغمة ركوب الموجة قطعوا عليه السكة ..

شكرا الجزيرة