25 يناير ... موعد المصريين (8)

[se_ Elsyed]

الحمد لله يا عنبي

مش هو ده الشعب المصري اللي راهننا عليه ؟

مش هو ده الشعب المصري اللي كتير من المصريين اللي قالوا عليهم عمرهم ما ثاروا وحتى 1919 وغيرها وغيرها كانت فشنك ؟

لن نستعبد بعد اليوم ..

ولن تضيع كرامتنا بعد اليوم

ولن نقبل بالذُل ولا المهانة خارج أو داخل مصر بعد اليوم ...

هذه ليست شعارات جوفاء .... لكنها حقائق تُسطر وتكتب في التاريخ الأن بإذن الله

لإن المستقبل لنا نحن

أما هذا الكهل المُخرف فمصيره هنا .>>>>>>>>>>>>>>>>>>>> خلال ساعات قليلة بإذن الله

[hOuSsAm]

- الجزيرة، الي قفلولها مكاتبها و سحبو تراخيصها و تراخيص مراسليها، والي كل شوية يلغو ترددتها على النايلسات، مش محتاج اتكلم عنها كتير، و كفاية اقولكو انها رغم كل ده، القناة الوحيدة التي يتم بثها على شاشات في ميدان التحرير

صراحة لابد لها من وسام بعد قضاء الثورة على خير ، مع العلم أنهم كانوا بالأمس يكررون أنهم يحاولون الإتصال بالمسؤولين المصريين ولكنهم لا يجيبون عليهم ويرفضون الحوار على الجزيرة ، وده فخر ليهم لأن هؤلاء يخافون الإحراج على الجزيرة..

وأكتر حاجة عجبتني لما جابوا عادل إمام قال كلمتين عن التصريح المنسوب ليه ، ولما جه يتكلم عن الثورة ويغني على نغمة ركوب الموجة قطعوا عليه السكة ..

شكرا الجزيرة

طيب الجزيرة مشغلة برنامج غريبة اوى كدة ملناش علاقة بيه

مفيش قناة تانية تكون جايبة ميدان التحرير

عايزين نتطمن على اخواتنا

ربنا معاهم

[م تيمور المراغي]

بسم الله الرحمن الرحيم

الأخت/ أغابي

نفس الملاحظة اللي قالها الأخ ليكي... كنت لسه هقولها... بس خلاص... سماح

الباشمهندس/ تيمور ( تحية كبيرة قوي لتيمور )

مفيش تراجع دلوقت يا باشمهندس

لازم نعرف ونتأكد تماما ان لو المطلب الأساسي لم يتحقق... كأن مفيش حاجة اتحققت

كل الطقم ده يا باشمهندس هم في الأصل رجالة مبارك

حتى اللواء عمر سليمان ( وانا بحترمه من زمان عشان سيرته العسكرية الرائعة )

لكن مبارك هو كمان كانت سيرته العسكرية أكثر روعة ... لكنه للأسف بعد اللي حصل اليومين اللي فاتوا دول وتشتثبه بالسلطة ولو على حساب جثث الشعب المصري كله سقط من نظري كل تاريخه العسكري

ومسأله إنك تاخد تعهد على مبارك بعدم الترشح دي... مع كامل احترامي حبر على ورق

مبارك أول ما مسك الحكم تعهد انه مش هيفضل أكتر من فترتين

واديك شفت الفترتين بقوا اد ايه.

يا باشمهندس مبارك لا يؤمن بشيء اسمه الديمقراطية وافتكر نصايحه لأميركا انها تختار ديكتاتور لحكم العراق

لازم نعرف دلوقت حاجة أساسية

عمر خطر الأفعى ما بينتهي إلا لما تقطع دماغها.

مبارك دلوقت يأمر بفتح حوار مع المعارضة

من شهر واحد بس كان بيقول خليهم يتسلوا

يا باشمهندس... اللحظة التاريخية دي مش هتتكرر تاني بسهولة

فاكر لما رديت عليك في أول مداخلة عشان موضوع 25 يناير

كل اللي كتبته عجبك ما عدا إني اعترضت على المظاهرات وقلت ننظم اضراب أحسن - وقلت لك بالحرف - مفيش ثورة شعبية بتكون بميعاد سابق - اللي بيكون بميعاد سابق هو الانقلاب العسكري وليس الثورة الشعبية

انا اعترضت ليه على المظاهرات ساعتها - لأني مكنش متخيل إن الشعب هيستجيب وهيخرج

وهي دي اللحظة التاريخية اللي مش بتتكرر كتير في حياة الشعوب

لحظة ان الشعوب تقلع جلابية الخوف -

وعشان كده اللحظة دي لازم نستغلها حتى النهاية

ونستفيد بيها للدرجة القصوى

مش عايزين نتراجع في مطالبنا أبدا

لأنك متضمنش إن الناس تتوحد تاني بالشكل ده لو مبارك قرر الاستمرار في الحكم

وبعدين يا باشمهندس

ازاي يفضل في الحكم بعد كل اللي ماتوا دول

دم الشهدا دول كان في سبيل ايه

مش كان في سبيل إنهاء حكم مبارك

خلاص هنرجع في كلامنا ونقول لأ - ممكن يفضل اوكي

انا كتبتها كذا مرة قبل كده

لو مبارك فضل لنوفمبر صدقوني - الموضوع هيقلب تاني 180 درجة

هيتم تشتيت المتظاهرين فكريا - وتشتيتهم معنويا - لحد ما يتم تصفيتهم كلهم جسديا أو اعتقالهم

مش هنخسر أي حاجة لو مبارك مشي وعمر سليمان مسك مكانه ( على أساس طبعا إن عمر سليمان يحظى بمساندة الجيش )

( على فكرة لما شفت خطاب عمر سليمان افتكرت تخيلوا مين - الراحل العظيم السادات - أسلوبه في الكلام يشبه اسلوب السادات - وحتى صحيح يشبهه في الشكل )

ولو إني من ناحيتي أفضل السيد عمرو موسى

ده بجد اللي اقدر اقولك انه فعلا ممكن يتزعم حكومة انتقالية لحد ما تحصل انتخابات حرة بالإضافة للبرادعي طبعا

( لكن البرادعي لن يحظى بثقة الجيش )

إنما عمرو موسى كان من رجالة مبارك قبل كده

ويقال إنه خرج من وزارة الخارجية بسبب خلافات بينه وبين عمر سليمان

غير كده مفيش لا حكومة انتقالية ولا يحزنون

ولو انت على اتصال بأسماء محفوظ

اولا: بلغها تحياتي وبلغها ان التراب اللي هيا بتمشي عليه انا احطه فوق راسي وفوق راس كل مصري حر شريف فخرا واعزازا وتقديرا واجلالا

ثانيا: خليها تطلع من الفخ اللي تم نصبه ليها امبارح ده

اي جلوس مع الوزراء والكلام ده معناه انك اعترفت بيهم وطالما اعترفت بيهم يبقى اعترفت باللي عينهم وبكده هنبتدي نتنازل من مطالبنا بإجراء إصلاح سياسي

إلى مطالب تانية بالعيش والجبنة والخبز والمورتة

يا باشمهندس:

اعتصام *** اعتصام

حتى ** إسقاط النظام

أوجه نداء للسيد عمرو موسى أن ينزل للمظاهرات ليكون قائدا لها

والراجل ده أنا واثق فيه وواثق في شرفه وهو اللي يقدر يقود المظاهرات حقا.

ويقدر يتحدث بإسمنا

ولا يمكن يعمل صفقات مع النظام

وده راجل سياسي هيقدر يتفهم مصالح البلد ويقدر ساعتها يتفاهم مع النظام

وجهة نظر لها كل التقدير والاحترام و تحمل من الفكر الراقي الكثير ولا ينقصها ايضا حماس الثوره ,,

تحيتي استاذ شرف وانا قلت يتم نقل اغلب صلاحيات مبارك الرئاسيه الى اللواء الداهيه عمر سليمان حتى موعد الانتخابات المقبله ,,

وقلت يحل مجلس الشعب الحالي وتتم الانتخابات تحت الاشراف الدولي الكامل ,,

ا عتقد ده الكلام الذي استقر في ضمير معظم قيادات الحركه دلوقتي ,,

واراه الحل الامثل الذي سيرضي جميع الاطراف في ا لنهايه ,,

ان شاء الله

[شرف الدين]

على البي بي سي دلوقت / أسماء محفوظ

قالت ان الشباب بعد ما عرضت عليهم دعوة قناة المحور انقسموا لقسمين

1- رفض تام لأي حوار إلا بعد تنحي مبارك ( ودول اللي أنا معاهم )

2- جزء تاني بيقول إننا ناخد تعهد على مبارك قدام شاشات العالم اجمع وانه يحلف انه مش هيترشح تاني ( ودول اللي انا مش معاهم )

وبتقول لو تم رفض المطالب في شقين

1- إما التوجه بالمظاهرة للقصر الجمهوري ( وده اللي أنا معاه )

2- أو البقاء اعتصاما في ميدان التحرير

ووجهت الدعوة للسيد / عمرو موسى

وأنا ادعو السيد / عمرو موسى

كلنا نوجه الدعوة للسيد عمرو موسى

يا ريت يا أستاذ / عمرو

انت راجل سياسي من الدرجة الأولى

وفي نفس الوقت عند الشموخ والكرامة المصرية

وكل الناس بتحبك ( بحب عمرو موسى )

البلد محتاجة ليك دلوقت

مصر محتاجة ليك يا سيد / عمرو

تخل عن الحذر فليس هذا وقت الحذر

وتذكر المثل ( أذل الحرص أعناق الرجال )

ليس هذا وقت الديبلوماسية يا سيد / عمرو

الشعب المصري كله بيحبك

وانت الوحيد اللي ممكن تقنعهم

شباب - معارضة - اخوان

كلهم مش هيختلفوا عليك

انزل يا سيد / عمرو

انزل يا سيد / عمرو

انزل يا سيد / عمرو

[م تيمور المراغي]

اخواني التمس منكم مراعاة حرمة اجساد الشهداء الثوار ,,

وارجوا عدم وضع اي صوره صادمه او قاسيه لنا ,,

ولكم كل الاحترام ,,

[se_ Elsyed]

مفيش قناة تانية تكون جايبة ميدان التحرير

عايزين نتطمن على اخواتنا

شوف الجزيرة مباشر .. أو قناة الحُره أو بي بي سي

[se_ Elsyed]

اخواني التمس منكم مراعاة حرمة اجساد الشهداء الثوار ,,

وارجوا عدم وضع اي صوره صادمه او قاسيه لنا ,,

ولكم كل الاحترام ,,

أتفق معاك يا تيمور

ولا حد يضع صور خادشة للحياء زي دي كمان لإن معانا بنات وستات وأطفال

[عنبو]

عاااااااااااااااااااااااااجل ومهم للغايه

هناك مظاهره حااااااشده ( 200 فرد ) اما مبنى التليفزيون

تؤيد الرئيس محمد حسنى مبارك

وتهتف ببقاء الرئيس

تحياتى

عنبو

[hOuSsAm]

يا غيرب باله عليك مش مستحملين الصور دى

الصورة صعبة اوى

دول الكفرة مش بيعملوا كدة

ومحدش يقولى دى غلطة سواق

كل ده مقصود

القصد ارهاب شعب باكلمه

ياريت لو حد من الادارة بعد اذن اخونا الغريب يشيل الصورة دى ويكتفى انه يحط اللينك بس

[الغريب]

أنا آسف لو الصورة آزت مشاعر أي أحد من المتابعين

نسأل الله أن يرحم شهدائنا

[م تيمور المراغي]

عاااااااااااااااااااااااااجل ومهم للغايه

هناك مظاهره حااااااشده ( 200 فرد ) اما مبنى التليفزيون

تؤيد الرئيس محمد حسنى مبارك

وتهتف ببقاء الرئيس

تحياتى

عنبو

والله ياعنبي روعه انك على اتصال مباشر بالثوار هناك ,,

فعلا كده التوبيك بقى متميز ,,

تحيتي ليك ولاصدقائك الابطال اللي هناك ,,

ربنا يحميهم

[الغريب]

وجهة نظر لها كل التقدير والاحترام و تحمل من الفكر الراقي الكثير ولا ينقصها ايضا حماس الثوره ,,

تحيتي استاذ شرف وانا قلت يتم نقل اغلب صلاحيات مبارك الرئاسيه الى اللواء الداهيه عمر سليمان حتى موعد الانتخابات المقبله ,,

أستفسار تاني يا بشمهندس

هو ليه الثقة دي كلها في عمر سليمان؟

ألم يكن محل ثقة من مبارك ؟

ألم يكون لبنة أساسية في النظام الفاسد ؟

أترضى عن آداء الجهة التي كان يتولاها من قبل ؟

لديك أية ضمانات أنه لا ينسق مع الغرب ضد الثورة ومطالبها ؟

[عنبو]

عاااااااااااااااااااااااااجل ومهم للغايه

هناك مظاهره حااااااشده ( 200 فرد ) اما مبنى التليفزيون

تؤيد الرئيس محمد حسنى مبارك

وتهتف ببقاء الرئيس

تحياتى

عنبو

والله ياعنبي روعه انك على اتصال مباشر بالثوار هناك ,,

فعلا كده التوبيك بقى متميز ,,

تحيتي ليك ولاصدقائك الابطال اللي هناك ,,

ربنا يحميهم

يعنى مش عامل خاطر للعيش والخراسانه اللى بينى وبينك ده احنا ولاد شركه واحده

اصحابى الثوار فى ميدان التحرير

لكن اللى قدام مبنى الاذاعه دول اصحابى ميكاوى ( مكاوى سابقاً)

انا زورى تاعبنى قووى مش عارف لا اكل ولا اشرب ولا حتى اشرب سجاير

تفتكر اللى عندى ده بسبب ايه ؟

[م تيمور المراغي]

وجهة نظر لها كل التقدير والاحترام و تحمل من الفكر الراقي الكثير ولا ينقصها ايضا حماس الثوره ,,

تحيتي استاذ شرف وانا قلت يتم نقل اغلب صلاحيات مبارك الرئاسيه الى اللواء الداهيه عمر سليمان حتى موعد الانتخابات المقبله ,,

أستفسار تاني يا بشمهندس

هو ليه الثقة دي كلها في عمر سليمان؟

ألم يكن محل ثقة من مبارك ؟

ألم يكون لبنة أساسية في النظام الفاسد ؟

أترضى عن آداء الجهة التي كان يتولاها من قبل ؟

لديك أية ضمانات أنه لا ينسق مع الغرب ضد الثورة ومطالبها ؟

كلام جميل اوي يا غريب والرد عليه منطقي جدا ,,

عمر سليمان نائب رئيس ,,

بالتالي منصبه ده مؤقت حتى نوفمبر المقبل ويسقط تلقائيا بمجرد حلول الفترة الرئاسيه المقبله

الانتخابات المقبله سواء التشريعيه او الرئاسيه ستكون تحت الاشراف الدولي الكامل و المباشر حاجه زي استفتاء الانفصال بتاع جوبا كده

كلمة التواطئ مع الغرب دي مابقتش تخوفنا خلاص لان الحكومات الغربيه دي دي بتعمل الف حساب لشعوبها واطمنك واؤكد لك ان كل الشعوب الحره في العالم تدعمنا بكل قوه

وتحت امرك في اي استفسارات تانيه ,,

[م تيمور المراغي]

انا زورى تاعبنى قووى مش عارف لا اكل ولا اشرب ولا حتى اشرب سجاير

تفتكر اللى عندى ده بسبب ايه ؟

:happy:

:happy:

[moory]

انا زورى تاعبنى قووى مش عارف لا اكل ولا اشرب ولا حتى اشرب سجاير

تفتكر اللى عندى ده بسبب ايه ؟

:happy:

:happy:

هيا اييه حكاية الرمان الي زرع في التوبيك ده؟

نرجو التوضيح smk:

[moory]

مراسل الجزيرة توك | اطراف ميدان التحرير : تاكيد تجاوز العدد المليون في ميدان التحرير ومحيطه

<br class="Apple-interchange-newline">

[se_ Elsyed]

- بأتصل بأهلي وأصدقائي في مصر وبيقولوا لي إن الوضع مذري لإن السفاح يحاول تجويع الشعب .. لا بنوك فاتحه يسحبوا منها فلوس ... ولا مرتبات إتدفعت خصوصاً إننا في أول الشهر .. ولا سلع غذايئة أساسية متوفرة .. وبالتالي كلها أيام بسيطة ونضطر للسرقة أو الهجوم على محلات الأغذية أو الهجوم على بيوت بعض عشان نقدر نعيش وولادنا يعيشوا

ولسه باقيين عليه وتحاولوا تختلقوا له أعذار .... حسبي الله ونعم الوكيل

- بيقول لي نزلت في الشارع لقيت ضباط المرور متواجدين في الميادين وبجانبهم شركاءهم في الحكم .. بلطجية واقف بسنج والسيوف عشان لو حد قرب منهم ينتقم منهم ......

والشعار هو " البلطجية في خدمة الشرطة "

- تأكيدات من ناس في مصر إن الجياع والمهمشين في منطاق كثيرة هجموا على الشقق والعماير اللي عارفين إنها فاضية واصحابها بعيد عنها ونقلوا عفشهم فيها وأستولوا عليها ....

---------------

الخبيث بيلعب على لعبة النفس الطويل وبيزهق الناس وبيضغط عليهم أكتر وأكتر .. ومش بعيد يقطع الكهربا والمياه أو يفتح السدود ليغرق البلد ... ده طبعاً حل افضل من ضرب النار أو الهجوم بالدبابات ...

[se_ Elsyed]

أردوغان دخل في اللعبة وبيلقي خطاب على شعبه بخصوص هذه الاحداث وبيوجه كلمة للشعب المصري

أردوغان | أيها الشعب المصري .. الديموقراطية ليست هبة من السلاطين ، إنها حققكم ويجب أن تحصلوا عليه بأنفسكم

[mekkawy]

يا رب مدد من عندك .. يا رب رزق من عندك .. يا رب نصر من عندك

يا رب .. ابعدني عن العنبي يا رب و متخلينيش أديله ف وشه عشان احنا اخوات مع بعض و في وقت ضيقة يا رب