يعني إيه تنمية؟

[Sherief AbdelWahab]

أثناء قراءة الكتاب المعجزة -كتاب الجيولوجيا و علوم البيئة للثانوية السامة-وردت كلمة التنمية في فصل واحد ما يعادل عشرين مرة!

يعني إيه تنمية؟...أم أن تدريسها للمصريين و تطبيقها عليهم يتم بطريقة شفيق يا راجل اللي كل ما يستعجل يمد؟

تنمية اقتصادية أم تنمية خدمية أم تنمية بشرية أم تنمية إدارية أم تنمية ملوخية؟..

هل هناك تنمية بحق و حقيق أصلا ، أم هو افتكاس للحكومات السابقة مثل افتكاسات كل مرحلة؟

خلص الكلام

[Mohammad Abouzied]

بالتأكيد يا شريف التنمية مفروض تكون هدف في حد ذاته ولو مفيش تنمية يبقى فيه انكماش يعنى تأخر ويوجد تنمية سريعة وعلشان كده لازم ازالة المعوقات امام هذه التنمية علشان تنطلق بأقصى سرعة وفيه تنمية بطيئة وهوا نتيجة تغير الظروف القتصادية ومجبر اخاك لا بطل يعني اذا مكنشي فيه تنمية ها يبقى فيه مجاعة ودا الي عندنا وفيه توقف او تأخر هو ما تعاني منه بعض دول افريقيا حاليا وهي نتيجة لحروب اهلية وطائفية وهذا ما يحاول اخونا في الغرب واسرائيل تصديره لنا

وبصراحة الموقف يدعو للتشاؤم تماما

ويظهر هذا من حديث المسئولين عن الاستثمار وكمان موضوع انشاء وزارة للأستثمار

وانا في راي ان كل هذا كلام فارغ للتمشي مع مجريات الاحداث العالمية

فقد سمعت امس حديث للدكتور محمد يوسف عميد المركز القومي للدراسات الاستثمارية في جامعة القاهرة واستشفيت منه انه مفيش فايدة

وقد بدأ حديثه عن الكلام عن شروط الاستثمار مع ان مفروض مفيش شروط الا ما جرمه القانون ولكنه تكلم بأسم سيطرة الحكومة على مجريات التنمية في البلد

وبصراحة انا من خمسة وعشرين سنة تقريبا سمعت نفس الكلام من عدد كبير من المسئولين وايقنت انها اسطوانة مشروخة حتى اعتقدت انه يوجد علم يدرس للمسئولين في الحكومة عن فن القاء التصريحات الرنانه والفارغة من مضمونها حتى يستمر الحال كما هو عليه وسلملي على المترو

[amir]

هل هناك تنمية بحق و حقيق أصلا ، أم هو افتكاس للحكومات السابقة مثل افتكاسات كل مرحلة؟

خلص الكلام

سيبك أنت من التنميه و الملوخيه

و قولى الاول

يعنى ايــــه افتكاسات ؟؟

[Cleo]

التنمية دى هى خامس الاستحالات بعد الغول و العنقاء و الخل الوفى...