أخبــار جـهازى الشــرطة ومبــاحث امـن الــدولة

[pink rose]

http://www.youtube.com/watch?v=yxziuBBUA84

RT @5orm: RT @Alshaheeed: بعد الثورة مدير امن دمنهور بيقول احنا اسياد الشعب و حنضربهم بالجزمة - انشروها http://bit.ly/dGQci1 #Jan25 #Egypt

شوفتوا قلة الادب و القذارة

هما دول اللي عاوزينا في كل البرامج نقولهم عفا الله عما سلف

يا ريت حد من المحامين يرفع شكوى للنائب العام بالفيديو دا

و ان شاء الله هاحطه على صفحة القوات المسلحة عشان يعرفوا الكلاب دول بيعملوا ايه

[pink rose]

ما شاء الله على المصريين

حطيت الفيديو في صفحة القوات المسلحة فعلا و لقيت شباب و بنات بالهبل حاطين نفس الفيديو

ايوة كده لازم الجيش يشوف البلاوي دي

[fatfouta]

حبس ضابط الشرطة الذى أطلق النار على سائق المعادى

أمر محمد عبد المنعم، رئيس نيابة البساتين، بحبس ضابط الشرطة صلاح الدين أشرف صلاح الدين الذى أطلق النار على سائق ميكروباص بالمعادى، بسبب مشادة كلامية بينهما، لاختلافهما على أولوية المرور، 4 أيام على ذمة التحقيق.

بدأت الواقعة ظهر أمس، الخميس، أثناء سير ضابط شرطة بسيارة جيب بميدان الجزائر أمام محلات أولاد رجب، ونشبت مشادة كلامية بينه وبين سائق سيارة ميكروباص لاختلافهما على أولوية المرور، مما أدى إلى إشهار الضابط سلاحه النارى وإطلاق عيار نارى على سائق الميكروباص أصابه فى كتفه الأيسر.

كشفت تحقيقات النيابة أن المشاجرة نشبت بين الضابط والسائق لاختلافهما على أولوية المرور، وأثناء ذلك قام قائد السيارة الجيب بدفع سائق الميكروباص فأسقطه أرضا، وعندما حاول الأهالى المتواجدون بالمكان التدخل قام بإشهار سلاحه النارى وأطلق منه عيارا ناريا أصاب سائق الميكروباص فى كتفه الأيسر، مما دفع الأهالى للابتعاد، ثم حاول حمله فى سيارته والهروب به، إلا أن الأهالى قاموا بمهاجمته، واستولوا منه على السلاح النارى، بالإضافة إلى بعض الأعيرة النارية.

وقام الأهالى بالتعدى على الضابط بالضرب، وأشعلوا النار فى سيارته حتى وصل رجال الجيش، وتمكنوا بصعوبة من تخليصه من بين أيديهم قبل الفتك به، بينما قام الأهالى بحمل السائق المصاب، ونقله إلى المستشفى من خلال سيارة أجرة.

[شرف الدين]

محمود وجدي

ولد اللواء محمود وجدي عام 1946 في قرية النجيلة مركز كوم حمادة محافظة البحيرة وقد تخرج عام 1968 من كلية الشرطة ومحمود وجدي لواء متقاعد عين في منصب وزير الداخلية في مصر إثر اندلاع ثورة 25 يناير عام 2011 م التي طالبت برحيل الرئيس محمد حسني مبارك. جاء تعيينه في محاولة لاسترضاء الشعب خلفاً للواء حبيب العادلي الذي يعد مكروهًا بالنسبة للشعب. جاء ذلك بعد 14 عامًا من تولى العادلي وزارة الداخلية التي تولاها عام 1997. وكان آخر منصب تولاه قبل ذلك هو منصب رئيس مصلحة السجون.^[1]

وجدي والعادلي

بدأ وجدي بالعمل في مباحث القاهرة وتدرج في ترقياته حتى عين مفتشًا لمباحث مصر الجديدة عام 1958 أيام الوزير أحمد رشدي، قبل أن ينتقل لمصلحة الأمن العام ليبقى بها عدة سنوات.

ثم أصبح مديرًا لمكتب مساعد وزير الداخلية لمناطق القناة وسيناء قبل ان يعود إلى العاصمة وكيلا لمباحث القاهرة لقطاع الشرق ثم رئيسًا للمباحث الجنائية ثم مديرًا للإدارة العامة لمباحث القاهرة وقت أن كان حبيب العادلي مديرًا لأمن القاهرة وحسن الألفي وزيرًا للداخلية وحدثت مشادات بينه وبين العادلي الذي كان يتهمه بالسيطرة على القاهرة سيطرة تامة.

وأتت الرياح بما لا تشتهي السفن، حيث عين العادلي وزيرًا للداخلية بعد حادث الأقصر 1997، وقرر العادلي نقل وجدي مديرًا لأمن القليوبية قبل أن ينقله مديرًا لأمن كفر الشيخ ثم المنيا وبعدها عاد مديرًا لمصلحة السجون، ثم أحاله للمعاش بعد بلوغه سن الستين منذ خمس سنوات.

ويقول محللون أن وجدي من أكفأ ضباط الشرطة ولديه قدرة كبيرة على التعامل الراقي مع المواطنين وأن اختياره وزيرًا للداخلية جاء لمصالحة الشعب.

------------------------------------------------------

بعد أن قرات هذا المقال على ويكيبيديا فإنني أعتذر للواء محمود وجدي لأنني ظننت أنه كان أحد المسؤولين عن إطلاق سراح السجناء ... وفتح السجون ... في حين أن الرجل كان محالا للمعاش أثناء حدوث هذا

وإن كانت تصريحاته الأخيرة بأن من أطلق النار على المتظاهرين هم مليشيات أجنبية ما زالت تزرع في قلوبنا الشك في نواياه الإصلاحية لجهاز الشرطة

[fatfouta]

http://www.youtube.com/watch?v=yxziuBBUA84

RT @5orm: RT @Alshaheeed: بعد الثورة مدير امن دمنهور بيقول احنا اسياد الشعب و حنضربهم بالجزمة - انشروها http://bit.ly/dGQci1 #Jan25 #Egypt

كلنا ضد مدير امن دمنهور والخونه من الشرطه

[شرف الدين]

يا ريت لو أهالي دمنهور الأحرار بكرة ينظموا مظاهرة واعتصام أمام مديرية أمن دمنهور حتى إقالة هذا الرجل ... الذي ما زال يتكلم بلغة الأسياد والعبيد

هذا الرجل وأمثاله طالما ظلوا موجودين في جهاز الشرطة فلا أمل في إصلاحه

[fatfouta]

الضابط اللي قتل سواق الميكروباص ما ماتش، هو في المستشفى بس، واتقبض عليه، بس على فكرة يا وجدي.. حتمشي برضه

- مبارك قال: عليكم ان تختاروا بيني وبين الفوضى

- واحنا قلنا خلوا بالكم فيه ثورة مضادة

- الجيش قال مافيش ثورة مضادة بس طولوا بالكم

- تلات حوادث طائفية في يوم واحد

- اختلاق فوضى واختلاق ازمة في مسألة الدير

- محمود وجدي يبرئ ساحة الشرطة تماما من اي مسئولية فيما يخص موقعة الجمل

- امناء شرطة بيحرقوا مبنى تابع لوزارة الداخلية، مش فاكرة كان ايه

- ضابط شرطة يقتل سائق ميكروباص فالناس تتلم عليه وتقتله

الحل الوحيد ان المجلس الاعلى للقوات المسلحة يقيل حكومة شفيق، بما فيهم يحيى الجمل - او خصوصا يحيى الجمل - اللي المخلوع عينه في لجنة التعديلات الدستورية، ثم قبل انه يبقى نائب شفيق... روح بقى يا عم جون

لو ما كانش ظباط الداخلية فتحوا السجون - الظباط اللي برأهم محمود وجدي - ما كانش الدير اضطر يبني سور على ارض مخالفة لانه في وادي النطرون وجنبه سجن، ولو كان محمود وجدي قال كل ظابط فتح سجن للمعتقلين حيتحاسب ويتقدم للتحقيق بدل ما يبرأهم، ما كانش الدير وقف قدام الجيش وهو جاي يهد السور المخالف، لان كانوا حيبقوا مطمئنين

لو كان أمن الدولة اتحل، او تم دمجه في الجيش، ما كانش راح عمل في نفس اليوم تلات حوادث طائفية

لو ما كانش محمود وجدي برأ الشرطة من كل جرائمها ما كانتش الناس مسكت الظابط اللي قتل سائق الميكروباص وقتلته بايديها لانها عندها احساس ان حقها حيضيع

واساسا لو شفيق عمل لجنة عاجلة لتنقية جهاز الشرطة ما كانش ظابط قتل سائق ميكروباص في الشارع

ولو من الاصل اتسمع كلامنا وحكومة شفيق كلها اتحلت وجابوا حكومة كفاءات مالهاش علاقة بالنظام القديم

ولو من الاصل اتسمع كلامنا وتم الغاء العمل بالدستور القديم والتعديلات اللي اتعملت دي بقت دستور مؤقت

لو الحاجتين دول بس اتعملوا ما كانش اذناب النظام حيبقى عندهم الامل ده في الرجوع، ومن ثم كانوا حيحاولوا يتعايشوا مع الوضع الجديد ويلبسوا توب الثورة بدل ما يفضلوا يحاولوا يهدوا فيها لان لسه فيه ثغرة قانونية مدياهم امل انهم يرجعوا

انا مقدرة رد المجلس العسكري على الكلام ده:

1- مش عايزين نقيل حكومة شفيق دلوقت لان دول عارفين تفاصيل الوزارات ومع مراقبتهم حيبقوا اقدر على تسيير الاعمال

2- لو عملنا دستور مؤقت حيبقى فيه فراغ دستوري وحيضطر المجلس العسكري يطلع قرارات وكده حيبقى حكم عسكري واحنا مش عايزين حكم عسكري

ده كلام رائع... بس ده يتقال في مجتمع انبياء، مش مجتمع الفساد فيه متجذر بالطريقة دي

لان الحكومة دي عشان هي عارفة تفاصيل الادارات حتستغلها لصالح النظام البائد اللي هي على ولاء له

واذا كان المجلس العسكري مش عايز شبهة حكم عسكري، ادي اذناب النظام بيخلقوا فوضى عشان يجبروا المجلس العسكري انه يعمل حكم عسكري

اما عن حل امن الدولة، الجيش مش عايز يخلق منهم مافيا - على حسب كلامه - دي ناس مسلحة، ولها رجالة، وهم مش عايزين يحلوهم والا حيبقوا مافيا

كلام جميل.... بس هم مافيا بالفعل

وقلنا يتم دمجهم في الجيش والجيش اولى بميزانيتهم المهولة واللي مش بتتصرف على حاجة غير على الخراب

الجيش قال: لا... احنا بقى لو فتحنا الفاتوحة دي حيبقى حكم عسكري بجد.. ندمج كل مؤسسة فاسدة بقى معانا؟

لا.. ماحدش قال ندمج كل مؤسسة فاسدة.. امن الدولة بس.. امن الدولة بس

الجيش له اراضي، وله مشاريع، يشتغلوا فيها، ومن غير ذل ولا حاجة، اللي كان ظابط يشتغل شغلانة في المشاريع دي ما يوازي مقام الظابط واللي كان عسكري يشتغل مزارع ولا بنا ولا اي حاجة تنفع البشرية بدل ماهم عايشين يرازوا في مخاليق ربنا كده

الكلام ده قلناه قبل ما تحصل الكوارث دي وماحدش سمعنا

طيب... الشعب يريد حل امن الدولة

الشعب يريد اقالة حكومة شفيق ومحاسبتهم

الشعب يريد دستور مؤقت

والكلمة كلمة الشعب والشورة شورة الشعب... مش ممكن المناهدة دي في كل نقطة نطالب بيها

وائل خليل قال اللي بيطالب باننا نخلص الثورة عامل زي اللي واقف على باب اودة العمليات يقول للدكتور اللي بيشيل ورم: يالا خلصنا بقى يا دكتور، المهم يخلص مش المهم يشيل الورم؟

ماهو حيروح لوحده، لا مش حيروح لوحده، ما انت شلت نص الورم كفاية كده

هو ايه اللي كفاية؟ احنا بنفاصل في تلاتة كيلو اوطة؟

نوارة نجم

[aimen]

http://www.youtube.com/watch?v=N9R-_bMRuY8

الفيديو السابق لكن بعد ان تم تنبيه مدير الأمن الى وجود من يصور وبالتالى غير كلامه لكن للأسو أ

Omar Mohamed فى الدقيقة 1:58 الراجل اللى ورا مدير الامن قاله فى واحد بيصور فى الدقيقة 2:01 مدير الامن نظر للى بيصور فى الدقيقة و غير كلامه على طول 2:04 الراجل اللى ورا مدير الامن بدأ يرفع ايده ويحك بصباعه جنب عينه وفى مناخيره - هذه حركات لا ارادية تعبيرا عن الاحراج او التوتر - وفى الدقيقة 2:27 بدأ الراجل اللى ورا مدير الامن يلمع فى شخص مدير الامن غير كلامه على طول

تم تعديل 25 فبراير 2011 بواسطة aimen

[أحمد سيف]

أعتقد أن كثيرون قد وصلوا الى قناعة الآن أنه لا أمل في إصلاح جهاز الشرطة الحالي لأن الفساد والسلطوية والإجرام متجذرين فيه ولا سبيل لتغيير عقلية أفراده ومنهجهم في التعامل مع الناس.

وبالتالي يكون الحل هو إنشاء جهاز شرطة جديد على أسس مختلفة تماما ... مع إحالة كافة أفراد الجهاز الحالي الى التقاعد ... ومن يرغب منهم في الانضمام للجهاز الجديد يتقدم كغيره وتجرى له الاختبارات النفسية والجسدية اللازمة والمراجعة القانونية لما ارتكبه من جرائم وتجاوزات في العهد البائد قبل قبول طلبه.

العماد الرئيسي للجهاز الجديد يمكن أن يكون من ضباط الاحتياط الذين أنهوا فترة خدمتهم العسكرية ... يضاف اليهم الشرفاء من الشرطة الحالية الذين يتم انتقائهم بعناية شديدة والقوة الأساسية لأفراده هم من الشباب المتعلمين المتربيين خريجي الجامعات الذين حموا الأمن ونظموا المرور في مدنهم عندما اختفت الشرطة من الشوارع خلال الثورة. يتم اختيار الشباب بواسطة القيادات المحلية المنتخبة وأعيان المدن والقرى وتدريبهم على مهامهم بواسطة الشرطة والجيش وتسليحهم بشكل مناسب. وتكون لكل محافظة شرطتها التي تكون تحت سلطة المحافظ المنتخب شعبيا مع وجود هيئة تنسيق مركزي بين أجهزة الشرطة المحلية.

والمهم أن يكون الجهاز الجديد مدنيا أي يخضع افراده للقانون المدني وليس العسكري ... وأن يكون دخول جميع الأفراد الى قوة الشرطة (باستثناء القيادات الاولى التي تكون من الجيش أو الشرطة الحالية) على درجة (أمين شرطة) للقيام بالعمل الميداني بعد تدريبهم لدة 3-6 شهور على مهامهم ... ثم يتم تصعيدهم بالتدريج خلال خمسة أو عشرة سنوات بعد اكتساب الخبرة الميدانية وحضور الدورات التدريبية المطلوبة نظرية كانت أو عملية لدرجة (محقق). وبعد فترة أخرى يتم اختيار المتميزين من المحققين بعد تأهيليهم ليكونوا قادة لمراكز الشرطة ... وأخيرا من تثبت كفاءته من قادة المراكز يتم اختيارهم قادة للأمن سواء في المحافظات أو على مستوى الجمهورية.

مش عايزين رتب عسكرية ولا باشوات ولا تشريفات ... عايزين ناس تؤدي عملها بإخلاص وضمير وتواضع واحترام للمواطنين.

تم تعديل 25 فبراير 2011 بواسطة أحمد سيف

[doha]

أعتقد أن كثيرون قد وصلوا الى قناعة الآن أنه لا أمل في إصلاح جهاز الشرطة الحالي لأن الفساد والسلطوية والإجرام متجذرين فيه ولا سبيل لتغيير عقلية أفراده ومنهجهم في التعامل مع الناس.

وبالتالي يكون الحل هو إنشاء جهاز شرطة جديد على أسس مختلفة تماما ... مع إحالة كافة أفراد الجهاز الحالي الى التقاعد ... ومن يرغب منهم في الانضمام للجهاز الجديد يتقدم كغيره وتجرى له الاختبارات النفسية والجسدية اللازمة والمراجعة القانونية لما ارتكبه من جرائم وتجاوزات في العهد البائد قبل قبول طلبه.

العماد الرئيسي للجهاز الجديد يمكن أن يكون من ضباط الاحتياط الذين أنهوا فترة خدمتهم العسكرية ... يضاف اليهم الشرفاء من الشرطة الحالية الذين يتم انتقائهم بعناية شديدة والقوة الأساسية لأفراده هم من الشباب المتعلمين المتربيين خريجي الجامعات الذين حموا الأمن ونظموا المرور في مدنهم عندما اختفت الشرطة من الشوارع خلال الثورة. يتم اختيار الشباب بواسطة القيادات المحلية المنتخبة وأعيان المدن والقرى وتدريبهم على مهامهم بواسطة الشرطة والجيش وتسليحهم بشكل مناسب. وتكون لكل محافظة شرطتها التي تكون تحت سلطة المحافظ المنتخب شعبيا مع وجود هيئة تنسيق مركزي بين أجهزة الشرطة المحلية.

والمهم أن يكون الجهاز الجديد مدنيا أي يخضع افراده للقانون المدني وليس العسكري ... وأن يكون دخول جميع الأفراد الى قوة الشرطة (باستثناء القيادات الاولى التي تكون من الجيش أو الشرطة الحالية) على درجة (أمين شرطة) للقيام بالعمل الميداني بعد تدريبهم لدة 3-6 شهور على مهامهم ... ثم يتم تصعيدهم بالتدريج خلال خمسة أو عشرة سنوات بعد اكتساب الخبرة الميدانية وحضور الدورات التدريبية المطلوبة نظرية كانت أو عملية لدرجة (محقق). وبعد فترة أخرى يتم اختيار المتميزين من المحققين بعد تأهيليهم ليكونوا قادة لمراكز الشرطة ... وأخيرا من تثبت كفاءته من قادة المراكز يتم اختيارهم قادة للأمن سواء في المحافظات أو على مستوى الجمهورية.

مش عايزين رتب عسكرية ولا باشوات ولا تشريفات ... عايزين ناس تؤدي عملها بإخلاص وضمير وتواضع واحترام للمواطنين.

كلام جميل .. طيب احنا دلوقت هننقي جهاز الشرطه ونجيب ناس نظيفة تبدأ معانا من اول وجديد .. هنعمل ايه بقى في البلطجية والمسجلين الخطر الي مفروض الجهاز النظيف ده هيتعامل معاهم والي بكل اسف مش هنعرف ننقيهم ولا نحيلهم تقاعد ونجيب بدالهم بلطجية سنة اولى متعلمين وعلى سنجة عشرة ؟؟؟

سيدي الفاضل اعاده هيكلة جهاز الشرطه مش حل كافي ابدا لمواجهة اجرام اعتاد على الردع باسلوب معين مبيخافش غير منه .. يعني متخيل ناس بيحركها الجوع والفقر معندهاش اي قيم او مباديء او تربية وراسمالها الوحيد هو القوة الجسدية وغياب الضمير اضف لها اعدادهم الغفيرة والي في حد ذاتها تعتبر قوة لهم بتزيد يوم عن يوم .. تفتكر ناس زي دي ممكن يردعها تغيير كادر الشرطه بالكامل واستبداله بآخر مستأنس مبيقولش غير صباح الخيروباردون ؟؟

في رأيي فالحل الوحيد هو اعاده هيكلة القانون نفسه الي بينظم العلاقه مابين جهاز الشرطه وبين الشعب .. تغلظ العقوبات وبقوة على حالات التعذيب او الضرب ويتم مراقبة تنفيذها بدقة وحسم ومفيش مانع ابدا ان يكون في محاكمات عسكرية او ماشابه للي يثبت تورطه في امور زي كده ..

وعلى الجانب الآخر برضه تغلظ العقوبة على من يثبت تورطه في عمليات البلطجه ويفضل لو يختفي من قاموسنا اساسا مصطلح المسجل الخطر والي بيعني ان الشخص ده خلاص مجرم حتى النخاع ومفيش امل في اصلاحه تقريبا .. بتمنى ان الي يوصل لهذه المرحلة اما يحكم عليه بالاعدام او على اقل تقدير يطبق فيه الحكم الشرعي وهو قطع اليد مع القدم ليكون عبرة لملايين غيره بتستسهل طريق الجريمه وترويع الآمنين ..

مصر مليانة فقهاء دستوريين وقانونيين عظام اعتقد من اسهل مايكون بالنسبة لهم صياغة قانون جديد يحدد الظوابط والاجراءات الي بيها ممكن نحكم العلاقه الي فسدت مابين الشرطه والي مفروض انهم تحت حمايتهم ..

[سقراط المصري]

في رأيي فالحل الوحيد هو اعاده هيكلة القانون نفسه الي بينظم العلاقه مابين جهاز الشرطه وبين الشعب .. تغلظ العقوبات وبقوة على حالات التعذيب او الضرب ويتم مراقبة تنفيذها بدقة وحسم ومفيش مانع ابدا ان يكون في محاكمات عسكرية او ماشابه للي يثبت تورطه في امور زي كده ..

وعلى الجانب الآخر برضه تغلظ العقوبة على من يثبت تورطه في عمليات البلطجه ويفضل لو يختفي من قاموسنا اساسا مصطلح المسجل الخطر والي بيعني ان الشخص ده خلاص مجرم حتى النخاع ومفيش امل في اصلاحه تقريبا .. بتمنى ان الي يوصل لهذه المرحلة اما يحكم عليه بالاعدام او على اقل تقدير يطبق فيه الحكم الشرعي وهو قطع اليد مع القدم ليكون عبرة لملايين غيره بتستسهل طريق الجريمه وترويع الآمنين ..

مصر مليانة فقهاء دستوريين وقانونيين عظام اعتقد من اسهل مايكون بالنسبة لهم صياغة قانون جديد يحدد الظوابط والاجراءات الي بيها ممكن نحكم العلاقه الي فسدت مابين الشرطه والي مفروض انهم تحت حمايتهم ..

حل تستاهل عليه وردة

واضيف علية أستبعاد عناصر الشرطة اللي عندها خلل نفسي وسوء استخدام السلطة والعنف

وفيه مشكلة البعض مش واخد باله منهاوهي: لما جهاز كامل هفترض ان الظباط حوالي عشرة آلاف شخص .... لما نستبعدهم هيروحوا فين.... ليس من المنطقي نقعدهم في بيوتهم... وبالتالي هيتوزعوا في حركة تنقلات واسعة على المحافظات... وبالتالي هيزيد حقدهم وغضبهم على الشعب.

والاول كانت الشرطة بتضرب وتعذب في القسم..... بعد كدة سيصبح اضرب.... ثم شعار الموتى المدفونين لايتكلمون

[ام سلمي]

انا ما اعرفش مدي صعوبة تغيير جهاز الشرطةوالامن بالكامل دلوقتي اد ايه بس علي الاقل لازم زي ما قالت الاخت ضحي يبقي في ردع لاي شرطي اثناء عمله يعتدي او يتطاول علي اي مواطن اعتقد افضل شئ يبقي الفصل الفوري من العمل يعني مدير امن دمنهور ده لو اترفد دلوقتي علشان الكلمتين دول ما يتهيأليش حد تاني حيجرأ يفتح بقه مع اي مواطن بعد كدة بدليل هما نفسهم ما حدش يقدر يفتح بقه مع اللي اعلي منه علشان لقمة العيش

[Simba]

انا ما اعرفش مدي صعوبة تغيير جهاز الشرطةوالامن بالكامل دلوقتي اد ايه بس علي الاقل لازم زي ما قالت الاخت ضحي يبقي في ردع لاي شرطي اثناء عمله يعتدي او يتطاول علي اي مواطن اعتقد افضل شئ يبقي الفصل الفوري من العمل يعني مدير امن دمنهور ده لو اترفد دلوقتي علشان الكلمتين دول ما يتهيأليش حد تاني حيجرأ يفتح بقه مع اي مواطن بعد كدة بدليل هما نفسهم ما حدش يقدر يفتح بقه مع اللي اعلي منه علشان لقمة العيش

والله الحل بسيط خالص

انه بس ما ينفعش يتاخد اعترافات من اي متهم الا في وجود المحامي بتاعه

[Simba]

10 سنوات لرئيس مباحث حلوان و7 لضابط و6 أمناء

المحكمة: المتهمون عذبوا المواطن حتي الموت ولا سبيل للرأفة معهم

أحمد مراد

ثبت في يقين المحكمة واطمأن وجدانها لارتكاب ضابطي شرطة و6 أمناء جريمة احتجاز عامل داخل القسم بدون وجه حق والتعدي عليه بالضرب وتعذيبه مما أدي لوفاته.. فقضت بمعاقبة المقدم ياسر الشناوي رئيس مباحث حلوان ومعاون مباحث المعادي سابقا بالسجن المشدد 10 سنوات ومعاقبة النقيب أحمد الشبراوي بشرطة تأمين المعادي وأمناء الشرطة وليد محمد سالم وعبدالنبي عبدالحميد ومحمد شعبان وياسر رمضان والمجندين محمد حسن وزكريا شعبان بالسجن المشدد 7 سنوات.

صدر الحكم برئاسة المستشار عادل عبدالسلام جمعة وعضوية المستشارين محمد حماد ود. أسامة جامع وبحضور مراد عبدالحي وكيل اول النيابة وأمانة سرر سعيد عبدالستار ومحمد فريد..قالت المحكمة في حيثيات حكمها ان المتهمون نهجوا في عملهم نهجا معوجا قوامه اهدار كرامة المواطن وحقه في الحياة الكريمة الآمنة والحرية التي كفلها الدستور وأنه في غير حالة التلبس لا يجوز القبض علي احد أو تفتيشه أو حبسه أو تقييد حريته بأي قيد أو منعه من التنقل إلا بأمر من القاضي المختص أو النيابة العامة..اضافت المحكمة ان كل اعتداء علي الحرية الشخصية أو حرمة الحياة الخاصة للمواطنين جريمة لا تسقط بالتقادم وان سيادة القانون اساس الحكم في الدولة إلا ان المتهمين قد أهدروا تلك المبادئ فقبض المتهم الأول علي المجني عليه واحتجزه 4 أيام بقسم الشرطة بحجة متابعته امنيا خلال تكالب المتهمون علي تعذيبه بلا رحمة أو شفقه وبقسوة وغلظة إلي أن فارت قواه وشل جسده وسكنت حركاته إلي أن خرجت روحه إلي بارئها شاكية جراحها صارخة للمحكمة بأمانة القصاص فحق عقابهم.. حيث ان المحكمة لم تجد ما يشفع للمتهمين باستعمال الرأفة معهم ولم تأخذ بانكار المتهمين بالتحقيقات وفي جلسات المحاكمة إذ هو وسيلتهم للتنصل من مغبة الاتهام في محاولة للإفلات من العقاب بغير حق لما تردوا فيه من آثام جسام.

ترجع وقائع القضية لشهر اغسطس 2003 بدائرة قسم شرطة المعادي عندما قام المتهمون باستدعاء عامل لقسم المعادي وقاموا باحتجازه وتناوبوا الضرب عليه بالتعدي علي رأسه بآلة حادة وجسده حتي فارق الحياة.

[arkan]

قال شهود عيان إن اللواءمدير أمن القاهرة السابق ومساعد أول وزير الداخلية السابق إسماعيل الشاعر ، هو من كان يقود بنفسه السيارة الدبلوماسية التي دهست عدد من المتظاهرين بشارع القصر العيني في غضون مظاهرات الغضب.

وقال جمال تاج الدين، أمين عام لجنة الحريات بنقابة المحامين، في تصريحات نقلها موقع إخوان أون لاين، إن اللجنة توصَّلت إلى عدد من شهود العيان لواقعة دهس المتظاهرين في شارع القصر العيني بسيارة للسفارة الأمريكية، وكشفوا أن اللواء إسماعيل الشاعر، مدير أمن القاهرة السابق ومساعد أول وزير الداخلية السابق، هو من كان يقود بنفسه السيارة.

وأضاف جمال تاج أن المفاجأة أن الشهود من أفراد الشرطة سيدلون بأقوالهم في البلاغ الذي قدمته لجنة الحريات في وقت سابق حول الوقعة، الخميس، أو السبت، على أقصى تقدير.

وكانت بعض المصادر الطبية قد أفادت أن السيارة الدبلوماسية الطائشة خلفت حوالي 14 قتيلا، بشارع القصر العيني أثناء مشاركتهم في مظاهرة تطالب بإسقاط نظام الرئيس مبارك يوم الجمعة 28 يناير الماضي

المصدر

http://www.elbashayer.com/news-129849.html

[fatfouta]

R.N.N | شبكة رصد

شبكه رصد | مقطع فيديو يتحدث فيه اللواء مجدى أبو قمره مدير أمن البحيرة والمسؤل الأول بضرب المتظاهرين بالرصاص ويهدد بضرب وقطع يد المحتجين وان رجال الامن اسياد البلد ويظهر بيمينه العميد محمد بدراوى رئيس ادارة البحث الجنائى والمشارك فى جرائمه ببدله بيج وفى نهاية المقطع يظهر بيساره اللواء طارق هيكل مفتش مباحث امن الدولة بالبحيرة والذى أمر باطلاق النار على فلاحى العمرية منتزعا اراضيهم

[تامر مصطفى]

R.N.N | شبكة رصد

شبكه رصد | مقطع فيديو يتحدث فيه اللواء مجدى أبو قمره مدير أمن البحيرة والمسؤل الأول بضرب المتظاهرين بالرصاص ويهدد بضرب وقطع يد المحتجين وان رجال الامن اسياد البلد ويظهر بيمينه العميد محمد بدراوى رئيس ادارة البحث الجنائى والمشارك فى جرائمه ببدله بيج وفى نهاية المقطع يظهر بيساره اللواء طارق هيكل مفتش مباحث امن الدولة بالبحيرة والذى أمر باطلاق النار على فلاحى العمرية منتزعا اراضيهم

اللي يقع في ايده الفيديو ده ياريت يحطه

بس الله يخليكي يا فتفوتة بلاش على الفيس بوك

علشان فيديوهاتك اللي على الفيس بوك كلها مش بتشتغل عندي

اليوتيوب....اليوتيوب حلو

[fatfouta]

R.N.N | شبكة رصد

شبكه رصد | مقطع فيديو يتحدث فيه اللواء مجدى أبو قمره مدير أمن البحيرة والمسؤل الأول بضرب المتظاهرين بالرصاص ويهدد بضرب وقطع يد المحتجين وان رجال الامن اسياد البلد ويظهر بيمينه العميد محمد بدراوى رئيس ادارة البحث الجنائى والمشارك فى جرائمه ببدله بيج وفى نهاية المقطع يظهر بيساره اللواء طارق هيكل مفتش مباحث امن الدولة بالبحيرة والذى أمر باطلاق النار على فلاحى العمرية منتزعا اراضيهم

اللي يقع في ايده الفيديو ده ياريت يحطه

بس الله يخليكي يا فتفوتة بلاش على الفيس بوك

علشان فيديوهاتك اللي على الفيس بوك كلها مش بتشتغل عندي

اليوتيوب....اليوتيوب حلو

ماهو ده يا تامر اللى ايمن حاطه هنا امبارح

اهو يوتيوب اهو يا سيدى

انا اول ماشوفت الفيديو امبارح قولت هو مين اللى وراه ده اللى عمال يرغى فى التليفون وتقريبا سمعونى

http://www.youtube.com/watch?v=yxziuBBUA84&feature=player_embedded

[تامر مصطفى]

R.N.N | شبكة رصد

شبكه رصد | مقطع فيديو يتحدث فيه اللواء مجدى أبو قمره مدير أمن البحيرة والمسؤل الأول بضرب المتظاهرين بالرصاص ويهدد بضرب وقطع يد المحتجين وان رجال الامن اسياد البلد ويظهر بيمينه العميد محمد بدراوى رئيس ادارة البحث الجنائى والمشارك فى جرائمه ببدله بيج وفى نهاية المقطع يظهر بيساره اللواء طارق هيكل مفتش مباحث امن الدولة بالبحيرة والذى أمر باطلاق النار على فلاحى العمرية منتزعا اراضيهم

اللي يقع في ايده الفيديو ده ياريت يحطه

بس الله يخليكي يا فتفوتة بلاش على الفيس بوك

علشان فيديوهاتك اللي على الفيس بوك كلها مش بتشتغل عندي

اليوتيوب....اليوتيوب حلو

ماهو ده يا تامر اللى ايمن حاطه هنا امبارح

اهو يوتيوب اهو يا سيدى

انا اول ماشوفت الفيديو امبارح قولت هو مين اللى وراه ده اللى عمال يرغى فى التليفون وتقريبا سمعونى

http://www.youtube.com/watch?v=yxziuBBUA84&feature=player_embedded

يعني بتنقلي اخبار بايته؟

وبعدين ما دام سمعوكي

يبقى بجد خافي على نفسك

انا امبارح حاولت اطمنك

لكن النهاردة بقولك وضعك مقلق

اختفي بقى

[تامر مصطفى]

انا اول ماشوفت الفيديو امبارح قولت هو مين اللى وراه ده اللى عمال يرغى فى التليفون وتقريبا سمعونى

http://www.youtube.com/watch?v=yxziuBBUA84&feature=player_embedded

الراجل الاهبل ده بيتكلم زي اللمبي

بيخرف ومش عارف يقول حاجة

خصوصا وهو بيقول احنارجالة وبندافع عن مواقعنا صح ومفيش اي عرسة تقدر تقرب

ههههههههههههههههههه

ابن العرسة

عايز اقوله : قولي جملة مفيدة الله يرحمك با يونس شلبي

سوري يا فتفوتة

الواد ده نرفزني

تم تعديل 25 فبراير 2011 بواسطة تامر مصطفى