أخبــار جـهازى الشــرطة ومبــاحث امـن الــدولة

[fatfouta]

من شاهد عيان في مبنى أمن الدولة بالإسكندرية ضرب نار بـاتجاه الجيش واصابة 3 من الجيش

متهيألى يا جيشنا بعد ما كلاب أمن الدولة ما ضربوا على جنودك و ضباطك نار يبقى مش أقل من إغلاق كل مقراتهم لحين حله

[fatfouta]

صورة من داخل جهاز امن الدولة والاف المستندات اللى تم التخلص منها

[fatfouta]

وصول اعداد كبيره لدعم المتظاهرين عند مقر أمن الدولة بالاسكندريه والعدد اصبح بالاف الان

[ComingSoon]

أحد ضباط أمن الدولة تم القبض عليه من قبل المتظاهرين أمس وقاموا بتسليمه للجيش

ا

[Om Zayd]

أمر النائب العام، المستشار الدكتور عبد المجيد محمود، بتشكيل فريق من أعضاء النيابة العامة للتحقيق فى الأحداث التى شهدتها مقرى جهاز أمن الدولة فى كل من شارع جابر ابن حيان بالدقى بمحافظة الجيزة، وبمنطقة الفراعنة بالإسكندرية، وأسفرت عن نشوب حريق فى أحدهما وسقوط عدد من المصابين، وقال مصدر قضائى، إن النيابة ستباشر التحقيق فور هدوء الأحداث .

[fatfouta]

قال اللواء رمزى تعلب، مدير أمن القليوبية، إن بعض ضباط الشرطة "بيقلوا أدبهم" فى التعامل مع الناس فى الشارع وداخل الأقسام، ولذلك كانت تعليمات وزير الداخلية بتعيين ضابط للعلاقات العامة فى كل مركز شرطة لتقديم المساعدة للمواطنين، مؤكداً أن ما حدث فى الشارع خلال ثورة 25 يناير ليس تخاذلاً، لكن رجل الشرطة وجد نفسه فجأة فى مواجهة شقيق له قام بثورة.

المصرى اليوم

[شرف الدين]

خالد دياب يكتب : الضباط السنافر وفيلم ''احمي بيتك ''

قمة الغباء في السينما ان تنتج فيلما فيسقط جماهيرا ويفشل فشلا ذريعا ثم تنتج له جزء تاني...طبعا الي يفكر بالطريقه دي يبقي ناقصله بردعه بس ويخش حكومة شفيق. تم انتاج فيلم "احمي بيتك" الجزء الاول يوم 28 يناير بانتاج ضخم من كامل ابو علي السينما المصرية عمو حسني مع سيناريو وحوار حبوب العادلي والفيلم تدور احداثه حول الفوضي العقابيه التي أحدثها عمو حسني وحبوب بسحب رجال الشرطة وفتح السجون لاخراج البلطجيه لينتشرو ويرهبو الناس بل ونشر الآلاف من عساكر أمن الدولة بسيارات لاطلاق النار في الشارع لاخافة المواطنين حتي يلقي الجميع اللوم علي متظاهري التحرير بأنهم سبب الفوضي لتكون رسالة الفيلم هي الحرية أو الامان وفشل الفيلم ولم يدخله او يصدقه الا القليلين.

ذهب المنتج عمو حسني منتج الجزء الأول اللي طبعا مدفعش مليم في الفيلم بعد اخترع طريقة جديدة في الانتاج وهو الانتاج علي حساب المشاهدين وهي احنا( علي حساب الشعب) لنري الفيلم يعاد انتاج جزء آخر له باسم "احمي بيتك" الجزء التاني ...لكن من هو المنتج ؟؟ لا يوجد منتج يمكن انتاج الجزء الثاني سوي اصحاب السلطة العليا..ايه ده قصدك الجيش؟؟

لأ طبعا الجيش المصري الذي نحبه ونقدره مابينتجش الأفلام الهابطة دي. طب قصدك مين يا ريس؟؟ اصابع الاتهام تتوجه للسلطة الثانية .. يعني مين !! يعني سبكي السينما المصريه الجديد ... الفنان شفيق السبكي الذي استعان في كتابة هذا الفيلم بالسيناريست الذي شارك في الحوار في الجزء الاول من فيلم احمي بيتك وهو السيناريسيت الشاب محمود وجدي الذي شعرنا معه فعلا باختلاف عن الجزء الاول فالشرطة الان غير متواجدة في الشارع لكنهم يظهرون في التليفزيون يتحججون كما ان وجدي وجه بعض الكومبارس البلطجيه الي اتوبيسات المدارس ليخيفو اولياء الامور لتثور الناس ضد متظاهري التحرير. وكما قلت سابقا سقط الجزء الاول من الفيلم ويسقط الان الجزء الثاني بجدارة بالرغم من رغبه شفيق السبكي في ابقاء الفيلم اكبر فتره في السينمات.

لي اصدقاء واقارب ضباط شرطة وبحبهم والله العظيم ونفسي أول واحد يرجعو الشارع عشان نفسنا كلنا نعيش في أمان واستقرار و المفاجأة ان هم كمان نفسهم يرجعو....طب ايه الي مانعهم ؟؟ الي مانعهم هو الجزء التاني من فيلم احمي بيتك ..السيناريست مقالش للضباط ارجعو قالهم مثلو انكو عايزين ترجعو بس مش عارفين طب قامو سألوه ولما يسألونا مش عارفين ترجعو ليه نقول ايه يا حودة ؟؟....هنا حوده تقريبا جالو تليفون وقرر يكتب المشهد ده بعدين فالضباط معرفوش لما يسألوهم مش عارفين ترجعو تاني يقولو ايه وطبعا القصة ما انتهتش.

طلع ضابط مع خيري رمضان امبارح وانا لا أشكك فيه لكن دعونا نروي الاحداث...مصر النهارده عمل لقاء مع ضابط محترم وده اكيد..بس لقيت مصر النهاردة عامل تقرير فيه ناس عامله مظاهرة وشايله لافتات بتشيد بالضابط...طب ايه سبب المظاهرة قالك انه مواطن لقي العسكري بتاعه بيجيب في كيس بعض الاغراض الشخصية للضابط فعرف انه الضابط مقدم علي اجازة فعملو مظاهرة عشان مايطلعش اجازة سنة....عصرت علي نفسي 25 لمونه لغاية ما حمضت طبعا مش قادر اصدق...لاني انا مثلا عمري ما عملت مظاهرة عشان ضابط القسم الكويس عندنا كان هايطلع اجازة ..المهم قولت يا واد طنش دي وكمل يمكن أهل المنطقة بتاعة الضابط كلهم خريجين اقتصاد وعلوم سياسية ...الضابط اتكلم وانا سمعت لغاية ما وصلنا لنقطة الفرقان..والسؤال بيقول للضابط - ليه انتو مش متواجدين في الشارع - فاكرين !! ده السؤال الي جه للسيناريست وجدي فيه تليفون فمردش فيه علي ابطال الفيلم لنسمع رد الضابط - الضباط خايفين من نظرة الناس ليهم - قولت نعمممممم؟؟ علي اساس ان الضباط دول مرهفي الحس والمشاعر وقلبهم قلب خساية ولا ايه مش فاهم؟؟ خايفين من ايه يا حبة عيني؟؟من نظرة الناس!!...يعني تسيبو الناس تموت عشان خايفين من نظرتهم ليكو..يا سلام علي المنطق !!

ده عذر اقبح من ذنب ... وبعدين ايه ؟؟ خايفين ؟؟عيب..عيب ده انتو ضباط شرطة ... ماشوفتوش رجالة مصر في اللجان الشعبية شباب مصر الي عمره ماشال سلاح نزل ومخافش من السنج والمطاوي وانت خايف من نظرة الناس!! ماشوفتوش الشباب في الزمالك لابسين شورتات وماسكين كلب لولو ويقولك معاك آي دي ومخافش من سنجه ومطوة؟؟ يعني الفرافير مخافوش انتو بأه ايه ؟؟. ضباط من السنافر؟؟ عايزينا نتحايل عليكو !! طب تعالو وهانديكو شكليته.... استرجلو شويه مترددوش جملة خايفين من نظرة الناس دي...وبعدين نظرة الناس دي انتو الي عملتوها ودوركو دلوقتي تغيروها بمعاملتكو مش بهروبكو...الي عنده رسالة فعلا عايز يأديها الناس كلها هاتديله تعظيم سلام وهاتبصله احسن نظره. وكلامي ده كله معناه انزلو وماتسمعوش كلام السيناريست الشاب حودة وجدي الي بيقولكو مثلو انكو عايزين تنزلو...حوده في طريقه للزوال لأنه خسر الناس لما كذب ونفي كل الجرائم عن الشرطة مع انه كان مفروض يقول هانحاسب المتورطين وكان مفروض يعتذر للشعب المصري الطيب الي بيسامح مهما حصل. بقول لكل ضابط شرطة اياك تمثل في الجزء التاني من فيلم احمي بيتك وبدل الحجج الواهية و جملة نظرات الناس والكلام الاهبل ده استرجل كده واستجدع...طبعا مش بقولك اشرب بيريل بقولك عيش لرسالة ...ورسالتك أمن الناس.. انزل يا ضابط انزل يا مصـــــــــــــري... بأعلي صوتي يا ضابط مصــــــــــــــــــــــــــــــــــــري سامعني ؟؟؟ انزل يا مصري احمي اهلك واختك وناسك واصحابك وبلدك...احمي مصر.

تم تعديل 5 مارس 2011 بواسطة شرف الدين

[fatfouta]

مكرر اسفة

تم تعديل 5 مارس 2011 بواسطة fatfouta

[fatfouta]

العيسوي يؤكد قصر دور مباحث امن الدولة على مكافحة الإرهاب

[Sidi Bouzaid]

الشرطة في مصر حوالي 1,5 الى 1,7 مليون

ياسيدي احنا مصدقينهم ان 99% شرفاء - خليها علينا

يعني كده 1% مفسدين ومجرمين

يبقى على اقل تقدير احنا محتاجين نحاسب ونحاكم 15000!!!!!!!!!!!!!!!!!!!!!!!!!!!!

[أحمد سيف]

منقول

أتسمحون لى أن أبشركم أن الأمن لن يعود إلى الشارع؟؟

لماذا؟؟

لأن كل شائعة عن حادثة خطف ربطة فجل أصبحنا نعتبره انتهاكا صارخا غير مقبول للأمن كأن قبل الثورة ماكانش فيه صفحة حوادث

معاييرنا لعودة الأمن لن تسمح بعودته

[fatfouta]

منقول

أتسمحون لى أن أبشركم أن الأمن لن يعود إلى الشارع؟؟

لماذا؟؟

لأن كل شائعة عن حادثة خطف ربطة فجل أصبحنا نعتبره انتهاكا صارخا غير مقبول للأمن كأن قبل الثورة ماكانش فيه صفحة حوادث

معاييرنا لعودة الأمن لن تسمح بعودته

تسلم ايدك والله

لا ولسه امبارح مطلعين عالفيس بوك التحذير

مش هنقل الصفحة هنا بصراحة لكن هحط اسمهاوبعد ما الناس سألت ادمن الصفحة انت ليه بتروع البنات كده ماردش وقفل الول على التعليقات شغل ضباط بصحيح

إسمها هو....تحذير لكل فتاه - هام جدا و يرجى النشر

عاملين خطة لترويع الناس فعلا وبكل فئاته

حسبى الله ونعم الوكيل

[pink rose]

رصد |الاسكندرية | مؤكد | اعتقال الضابط وائل الكومى قاتل شهداء الثورة و رئيس مباحث رمل ثاني بالاسكندرية أثناء محاولته الهرب عن طريق مطار الأسكندريه

دا من المجرمين اللي قتلوا الناس في المظاهرات

يالا خبر حلو اهو على بالليل

تصبحوا على خير

[fatfouta]

مجلس الوزراء يقرر عودة الشرطة للشارع بكامل قواها بدءا من يوم الخميس

تم تعديل 10 مارس 2011 بواسطة fatfouta

[عنبو]

مجلس الوزراء يقرر عودة الشرطة للشارع بكامل قواها بدءا من يوم الخميس

انا لسه مكلم خطيبتى دلوقتى بتقولى فعلا الشرطه متواجده بكثافه ومسيطره على الامور (( القاهره ))

شايفين الناس المحترمه لما بتوعد بحاجه بتتنفذ ازازى ؟

ومافيش بقى اصل الضباط اخدين على خاطرهم ولا الكلام ده هتنزل يعنى هتنزل او هتتقدم لمحاكمه

تحياتى

عنبو

[fatfouta]

خاص لشبكة رصد | الشرطة تظهر في ميدان التحرير لأول مرة بعد انسحابها في جميع محافظات مصر فى احداث يناير

[fatfouta]

وزير الداخلية للوفد: انتهى عصر "التصنت" والاعتقال ولا حماية لضابط فاسد..

[Howayda Ismail]

"العيسوى": الداخلية تعتزم إصدار بيان اعتذار عن عنف الضباط

أعلن اللواء منصور العيسوى، وزير الداخلية اليوم، أن وزارته بصدد إصدار بيان رسمى تعتذر فيه عما اقترفه

ضباطها فى عهد وزير الداخلية السابق حبيب العادلى، ضد المواطنين العزّل، الذين خرجوا فى تظاهرات سلمية

منذ يوم 25 يناير، وحتى تنحى الرئيس السابق حسنى مبارك.

فى سياق آخر، أكد العيسوى أن ضباط الداخلية روحهم المعنوية مرتفعة بعد استقرار الأوضاع بشكل كبير، مشدداً

على ضرورة عودة الثقة بين الشرطة والشعب، لأن الشرطة دورها حماية المواطنين ومنشآت الدولة، وأن أى قسم

من أقسام الشرطة يتعرض لاعتداءات من قبل الخارجين عن القانون، سيتصدى الضابط بحزم، وهذا يأتى فى إطار الدفاع

عن النفس ولمصلحة استقرار امن الوطن.

ونفى العيسوى كل ما يقال حول تجاوز أعداد القوات النظامية للشرطة تعداد القوات المسلحة، وقال إن عدد

القوات النظامية للداخلية لا يتجاوز 292 ألف عسكرى، من الإسكندرية إلى أسوان ومن سيناء إلى مطروح.

وأكد أن الشرطة نزلت إلى الشوارع منذ الأمس، وهناك دوريات متحركة فى محافظتى الجيزة والقاهرة، كما أن قوات

الأمن المركزى منتشرة على طول الطرق الرئيسية الطوالى مثل مصر إسكندرية الصحراوى وطريق المنيا الصعيد،

لمواجهة أعمال البلطجة والسطو.

[fatfouta]

وزير الداخلية يزور رئاسة قوات الأمن المركزى بالدراسة

__________

قام وزير الداخلية السيد منصور العيسوى بزيارة لمقر رئاسة قوات الأمن المركزى بالدراسة، حيث التقى بعدد كبير من قيادات وضباط الأمن المركزى والعمليات الخاصة، واستمع لشرح حول خطط الانتشار والتأمين بمختلف أنحاء الجمهورية وإطمأن على توافر كافة الاستعدادات والتجهيزات بمختلف القطاعات.... وشدد على أهمية التعامل الحضارى والالتزام بضبط النفس.

[aimen]

:blink:

نظم المئات من ضباط الشرطة بالإسكندرية الجمعة اعتصاما أمام مبنى قوات الأمن غرب المدينة والمحتجز فيه 3 ضباط شرطة، أمرت النيابة بحبسهم 4 أيام على ذمة التحقيق، بعد اتهامهم في قتل عشرات المتظاهرين العزل والتسبب في إصابة آخرين.

وتوجه عدد من القيادات الأمنية بالإسكندرية لمكان الاعتصام في محاولة لتهدئة الضباط المعتصمين الذين أكدوا أن زملاءهم «كانوا يدافعون عن أقسام الشرطة وعن أنفسهم خلال التظاهرات» ورفضوا تقديم هؤلاء الضباط «كبش فداء للبعض».

وكانت النيابة العامة قد اصدرت قرارا بحبس 3 من ضباط الشرطة وهم وائل الكومي رئيس مباحث قسم شرطة الرمل ومعتز العسقلانى معاون مباحث قسم شرطة الجمرك ومحمد سعفان معاون مباحث قسم المنتزة بعد البلاغات التي وجهت ضدهم من عشرات المواطنين تتهمهم فيها بقتل ذويهم.

في الوقت نفسه، تباشر النيابة التحقيقات حاليا مع اللواء محمد إبراهيم مدير امن الإسكندرية السابق و اللواء عادل اللقانى مدير الأمن المركزي بالمحافظة لاتهامهما بإصدار تعليمات بإطلاق الرصاص الحي على المتظاهرين.

RT @orthotox: طارق عبد اللطيف كان زوجا وأبا لطفلتين.. قتل برصاصة في الرقبة وظل في إحدى المشارح 40 يوما تحت اسم "مجهول"... وقاتله ما زال طليقا #jan25

تم تعديل 11 مارس 2011 بواسطة aimen