اراؤكم بخصوص اجراء انتخابات مبكرة

[aimen]

الدستور الأصلى

البرادعي:إجراء انتخابات مبكرة يقضي على مكتسبات الثورة ويعيد نظام مبارك بقناع جديد

البرادعي قال المعارض محمد البرادعي ان تنظيم انتخابات مبكرة في مصر سيقضي على مكتسبات "الثورة" وسيعيد الحكم إلى انصار الرئيس السابق حسني مبارك.

وحذر البرادعي في مقابلة مع صحيفة ملييت التركية قائلا "ان تسرعنا ونظمنا انتخابات في غضون أربعة او خمسة اشهر فان الثورة ستصبح بحكم المنتهية والنظام السابق سيستمر تحت قناع جديد".

وأضاف البرادعي الحائز على جائزة نوبل للسلام أن حزب مبارك الذي تنحى تحت ضغط الشارع "يعتزم العمل على عودته تحت شعار جديد، هؤلاء الناس يملكون اصلا كل شيء المال ووسائل الاعلام والذهاب سريعا الى الانتخابات يعني السماح للنظام السابق بالعودة مجددا الى الساحة بوجه جديد".

ودعا البرادعي إلى تشكيل "مجلس رئاسي" مؤلف من مدنيين اثنين وعسكري لادارة مرحلة انتقالية تتضمن تشكيل مجلس تأسيسي واستفتاء على دستور جديد وتقوية الاحزاب السياسية قبل اجراء انتخابات في غضون سنة باقل تقدير

[Alattar]

أنا كنت معتقد ان اجراء انتخابات حرة و نزيهة مبكرة هيقضي بإذن الله علي حالة الفوضي الموجودة

لأني بصراحة ما كنتش شايف أي فائدة لإن القوات المسلحة تحكم البلاد لمدة طويلة 6 شهور

و بعد إجراء الانتخابات يتم تشكيل حكومة جديدة..لنبدأ العمل..لكن دلوقتي أي حد بيعمل اي حاجة

نقول أصل دي حكومة مؤقتة..و الوزراء لما بيشتغلوا ممكن يحطوا في دماغهم النقطة دي

ولو اني شايف انهم لحد دلوقتي بيتصرفوا كأنهم قاعدين 30 سنة كمان

أنا شايف ان اجراء انتخابات مبكره هينظم الوضع شوية ان شاء الله..و هيقضي علي حالة الفوضي

و الناس هتطمئن ان الثورة فعلا نجحت..لما يلاقوا رئيس شرعي جه عن طريق صناديق الانتخابات

و حكومة جيدة تم تشكيلها يدون مجاملات من الكفاءات الموجودة في البلد..لكن استمرار الوضع

علي ما هو عليه..أنا شايف انه استمرار لحالة الفوضي..و حالة الغموض المحيطة بوضع الرئيس الراحل علي رأيك يا أيمن..

تم تعديل 21 فبراير 2011 بواسطة Alattar

[أبو محمد]

ودعا البرادعي إلى تشكيل "مجلس رئاسي" مؤلف من مدنيين اثنين وعسكري لادارة مرحلة انتقالية تتضمن تشكيل مجلس تأسيسي واستفتاء على دستور جديد وتقوية الاحزاب السياسية قبل اجراء انتخابات في غضون سنة باقل تقدير

 

 

نفس خطة بول بريمر (2003 فى العراق)

وهى التى أنتجت ديموقراطية العراق التى أرادها بوش نموذجا لدول المنطقة

الحمد لله أننا "فشلنا فشلا ذريعا" فى تطبيق هذا النموذح الديموقراطى

[باهى الطائر الحزين]

زي مبارك ما قعد في الحكم تلاتين سنه

السيسي تلاتين سنه ويوم هنعمل ثوره ...

[suma]

بسم الله الرحمن الرحيم

سبحان الله..سبحان الله ! ما هذا !؟ هل هانت مصر الى تلك الدرك على بعض من ينتسبون اليها؟الى تلك الدرجة. في عز ماحركة البناء في اماكن كثيرة تسير على قدم وساق ونةاجه مشكاة السيولة والاحتياطي النقدي. نسمع اصواتا مثل النقيق تريد هدم كل ما كان وما نتمناه ان يكون ونرجع النقطة البداية وانتخابات ودعاية ولجنة للانتخابات واموال هنا وهناك !!

السؤال المحير لم وما الذي جد على الساحة المصرية لكل هذا ؟ قارنوا بين مصر التي كان مبارك يخشى التوسع في زراعة القمح مخافة ان امريكا تعترض مصر التي خضعت لاتفاقية الكويز قهرا لان دي رغبات ماما امريكا ..مصر التي هرب بمباركة حكومتها اكبر قاتل في ذاك الوقت...صاحب العبارة !!

فلم تلك الاصوات وكانت موجوده على الساحة تصدر صوتا يعبر عن الرفض ولو كان حتى همسا؟!!!

لا يا سادة. لا يا محترمين الثلاثون مليونا التي نزلت لانتخاب الريس كان تبغى الاستقرار وقبلها كانت عرفت من هو الريس .هؤلاء لن يوافقوا ولن يسيروا على دربهم لانهم متمسكون باستقرار مصرهم .

ولو جمعت اسماء ههؤلاء وبحثت في كنههم لوجدتهم كلهم آتون من معين واحد فلا نبالي بهم .ولا نلتفت لما يتفوهون به من تراهات.

سومه

[أبو محمد]

هذا موضوع مناسب .. أغنانى عن فتح موضوع جديد

 

كنت أفكر فى فتح موضوع تعليقا على المقابلة التليفزيونية "الخايبة" (على هامش الجمعية العمومية للأطباء)

والتى تفلسف فيها مقاول الهدم - فى وقت البناء - ممدوح حمزة

وأعطانا محاضرة عن الخلع بالقاضية والخلع بالنقاط والانتخابات المبكرة

 

أفكار الموضوع الذى كنت أنوى فتحه جاهزة فى رأسى وهى قليلة وبسيطة

وكنت قد اخترت لطرحها عنوانا :

باقى من الزمن أقل من 30 شهرا .. فماذا أنت ورفاقك فاعلون يا "دوحة"

=========================================

وكنت - ولا زلت - واثقا من ذكاء أعضاء "محاورات المصريين" فى تفسير اختيار "كنية" ممدوح حمزة

 

السيد المقاول يخطط - فى ظرف الـ 30 شهرا الباقية - لإسقاط عبد الفتاح السيسى

ويتمنى أن يكون هذا "الإسقاط" من خلال انتخابات رئاسية مبكرة

 

مازال يتكلم بمنطق مقاول الهدم الذى يدخل بـ "جاك هَمَر" و "لودر" و "كباش" و "دنابر"

ويا لله ياجدع نجيب عاليها واطيها .. مدة المقاولة 30 شهر .. بس بعون الله نخلَّص بدرى بدرى

 

معلِّمُه زمان كان داخل بتكتيك (بول بريمر) علشان يهد اللى يقدر يهده فى سنة (أو أكثر) يكون استعد فيها "للكرسى"

 

وحذر البرادعي في مقابلة مع صحيفة ملييت التركية قائلا "ان تسرعنا ونظمنا انتخابات في غضون أربعة او خمسة اشهر فان الثورة ستصبح بحكم المنتهية والنظام السابق سيستمر تحت قناع جديد".

........................................................................................

........................................................................................

ودعا البرادعي إلى تشكيل "مجلس رئاسي" مؤلف من مدنيين اثنين وعسكري لادارة مرحلة انتقالية تتضمن تشكيل مجلس تأسيسي واستفتاء على دستور جديد وتقوية الاحزاب السياسية قبل اجراء انتخابات في غضون سنة باقل تقدير

 

 

معلم .. عايز ياخد وقته .. مش مستعجل زى الواد "دوحة" الصبى

ووقتها طلع باقى "عمال الترحيلة" ينظمون "المليونيات" للمطالبة بتأجيل الانتخابات

حتى تستعد "القوى الثورية" وتنشئ كيانا سياسيا يستطيع أن يخوض الانتخابات ويكسبها

خوفا من عودة "الفلول"

وقتها قالوا : إعطونا فرصة سنة نستعد .. واحنا ضامنين المكسب 

 

كان إنشاء "الكيانات السياسية" سهلا فى ذلك الوقت .. بأمارة تكوين أكثر من 230 إئتلاف "لشباب الثورة"

لم يجتمعوا على شئ سوى أن ثورتهم "اتركبت" .. يا حرام

:)

ما سبق كان استهلالا لابد منه

الآن يا "دوحة" .. من حقك تنزل الماتش وانت راسم على الفوز بالنقط

ومن حقك كمان إنك تأمل وتخطط لانتخابات رئاسية مبكرة

أقولكشى .. بلاها مبكرة .. خَطَّط واتعلم من معلمك وخد وقتك .. قدامك 30 شهر

يا ترى جاهز ؟ .. ولا لسه هتجهز نفسك ؟ .. إنت اللى هترشح نفسك فى الانتخابات المبكرة أو اللى فى موعدها ؟

ولا يمكن حمدين ؟ .. يكونش "تتح" ؟ .. ولا خالد على ؟ .. يمكن ابن القرضاوى ؟ .. أو حتى أيمن نور ؟

إوعى تكون محضَّر المفاجأة الكبرى ويكون الزغلول الكبير بيسخن عالخط !.. "المعلم البرادعى" .. أبو عرام بذات نفسه ؟

 

قدامك 30 شهر .. وانا فى انتظارك .. إن كان فى العمر بقية

 

خد بالك .. السنة اللى معلمك كان عايزها عشان يستعد للانتخابات

بقالها خمس سنين ولسه ما خلصتش :) .. لسه بيستعد

بس بصراحة .. هو عشان معلم .. قال سنة على أقل تقدير

 

شوفت بقى ليه أنا باقول ان مقابلتك التليفزيونية على هامش الجمعية العمومية  مقابلة "خايبة" ؟

أنا فى انتظارك .. هو احنا ورانا إيه ؟

[التونسى]

حقا وصدقا .. ورغم قرفى ((الفعلى)) وليس المجازى من حاجات وامور  كتير سلبيه بتحصل فى مصر على المستوى الامنى والاقتصادى والسياسى  .. الا انى شايف ان الدعوه لانتخابات رئاسيه مبكره  لا محل لها من الاعراب تماما .. فرغم العيشه اللى ((بتتنغص)) علينا يوم بعد يوم .. ورغم الفشل او الاخفاق او التعثر فى ملفات كتيره للنظام الحالى بقيادة السيسى .. الا ان تغيير السيسى بشخص اخر مش هو الحل لحل مشكلات البلد العده على كافة الاصعده .. قلت قبل كده ولسه بقول .. الراجل لسه جديد على ((كار)) السياسه والحكم .. وعجن وبيعجن وحيعجن  لحد ما يتوتك  فى الصنعه  .. زيه زى اللى قبله واللى قبل قبله وحتى اللى حيجى بعده .. بس يشفع له ((اى السيسى))انه متوافق عليه من جانب المنظومه الحكوميه والحاكمه باعمدتها السياسيه والعسكريه والقضائيه والامنيه والتنفيذيه الخ الخ .. عكس مرسى مثلا اللى كان كل اركان الدوله تقريبا غير متقبله وجوده كرئيس .. طبعا ولا نغفل ان قطاع كبير من الشعب مازال يؤيد السيسى .. ولو الاقتراح الفانتازي ده حصل وتمت انتخابات مبكره .. 99 % السيسى حيكسب .. ويبقى كده ضيعنا وقت وجهد وحرق اعصاب عل  فاضى .. الى جانب ان الدنيا حتتعطل ..و((عم ايوب)) اللى ما صدقنا إنه بدأ يمشى جوه الجزمه ..تجيله انتكاسه ويرجع لورا اكتر واكتر بدل ما يطلع لقدام .. والحمد للللللللللللله الحمد لللللللللللللللللله .. ربنا اخد مننا كل حاجه وادانا السيسى       

 

 

https://www.youtube.com/watch?v=cgXdJE5qTqU

تم تعديل 17 فبراير 2016 بواسطة التونسى

[أبو محمد]

حقا وصدقا .. ورغم قرفى ((الفعلى)) وليس المجازى من حاجات وامور  كتير سلبيه بتحصل فى مصر على المستوى الامنى والاقتصادى والسياسى  .. الا انى شايف ان الدعوه لانتخابات رئاسيه مبكره  لا محل لها من الاعراب تماما .. فرغم العيشه اللى ((بتتنغص)) علينا يوم بعد يوم .. ورغم الفشل او الاخفاق او التعثر فى ملفات كتيره للنظام الحالى بقيادة السيسى .. الا ان تغيير السيسى بشخص اخر مش هو الحل لحل مشكلات البلد العده على كافة الاصعده .. قلت قبل كده ولسه بقول .. الراجل لسه جديد على ((كار)) السياسه والحكم .. وعجن وبيعجن وحيعجن  لحد ما يتوتك  فى الصنعه  .. زيه زى اللى قبله واللى قبل قبله وحتى اللى حيجى بعده .. بس يشفع له ((اى السيسى))انه متوافق عليه من جانب المنظومه الحكوميه والحاكمه باعمدتها السياسيه والعسكريه والقضائيه والامنيه والتنفيذيه الخ الخ .. عكس مرسى مثلا اللى كان كل اركان الدوله تقريبا غير متقبله وجوده كرئيس .. طبعا ولا نغفل ان قطاع كبير من الشعب مازال يؤيد السيسى .. ولو الاقتراح الفانتازي ده حصل وتمت انتخابات مبكره .. 99 % السيسى حيكسب .. ويبقى كده ضيعنا وقت وجهد وحرق اعصاب عل  فاضى .. الى جانب ان الدنيا حتتعطل ..و((عم ايوب)) اللى ما صدقنا إنه بدأ يمشى جوه الجزمه ..تجيله انتكاسه ويرجع لورا اكتر واكتر بدل ما يطلع لقدام .. والحمد للللللللللللله الحمد لللللللللللللللللله .. ربنا اخد مننا كل حاجه وادانا السيسى       

 

 

https://www.youtube.com/watch?v=cgXdJE5qTqU

 

أدينا بندردش .. ورانا إيه

[أبو محمد]

تم حجب مداخلة خارجة عن السياق للعضو "حمزة عباس"

(فريق الإشراف والتنسيق)

[التونسى]

 

تم حجب مداخلة خارجة عن السياق للعضو "حمزة عباس"

(فريق الإشراف والتنسيق)

 

يا مان انا قريت مداخلة الراجل قبل حجبها .. والراجل مشكورا كان فيها بيعقب على كلامي منتقدا وجهة نظرى .. وانا احترمت وجهة نظره .. على الاقل معقبش عليا برد حمال اوجه  أو مبهم  قائلا

 

https://www.youtube.com/watch?v=HtXd2pAr6Ig

 

بس فى النهايه كل الاحترام لقرار فريق الاشراف والتنسيق بحجب المداخله 

[أبو محمد]

يا مان انا قريت مداخلة الراجل قبل حجبها .. والراجل مشكورا كان فيها بيعقب على كلامي منتقدا وجهة نظرى .. وانا احترمت وجهة نظره .. على الاقل معقبش عليا برد حمال اوجه  أو مبهم  قائلا

 

https://www.youtube.com/watch?v=HtXd2pAr6Ig

 

بس فى النهايه كل الاحترام لقرار فريق الاشراف والتنسيق بحجب المداخله 

 

حاضر يا مان .. أكلملك ابو محمد "المشرف"

بس لو ردك على المداخلة الخارجة عن سياق "الانتخابات المبكرة"

كان فى سياقها وليس فى سياق الموضوع مااقدرش اضمنلك إن المداخلتين يتحجبوا

وتشوفولكم موضوع تانى من المواضيع المفتوحة عن المؤسسة العسكرية

وفشلها حتى فى تخصصها .. هاكلمهولك

بس خد كوبى من ردك عشان لو حذفهم ابو محمد "المشرف" ما يبقاش مجهودك ضاع على الفاضى

خلينا فى موضوعنا بقى

:)

إزاى بقى ردى كان مبهم أو حمال أوجه ؟

إسأل ، تجاب

[أبو محمد]

الا انى شايف ان الدعوه لانتخابات رئاسيه مبكره  لا محل لها من الاعراب تماما

 

 

 

أدينا بندردش .. ورانا إيه

كده لسه الرد مبهم وحمال أوجه يا شاعر ؟

مش هى دى فكرتك ورأيك من المداخلة ؟

[التونسى]

حبيب قلبى وعشرة السنين   ابو محمد .. اذا كنت تقصد بجملة(( أدينا بندردش ورانا ايه ))ردا على جملتى  الا انى شايف ان الدعوه لانتخابات رئاسيه مبكره  لا محل لها من الاعراب تماما  .. فكده يبقى الامور اتحددت ووضحت بالنسبه ليا .. ولو اننا فى الايام الغبراء دى لا مجال لدينا للاستمتاع  ب ((ترف)) الدردشه  فى ظل ازمات كتيره بتواجه مصر شعبا وحكومة .. ولو انى اشك ان الاخ الفاضل وايت هارت كان قاصد يرفع الموضوع بغرض الدردشه .. هو اكيد جاد فى مأربه .. ولكن شطحت منه برده المره دى .. الانتخابات الرئاسيه المبكره مش هى الحل يا وايت  ..بالعكس تماما تماما .. اللى بيعارض السيسى((بجد)) وفى نفس الوقت بيحب مصر ((بجد بجد)) وخايف عليها من قلبه ..لازم يكون احرص على تواجد السيسى فى اعلى هرم السلطه اكتر من حرص المؤيدين له ذات انفسهم  .. دى  طبعا كلمه من كلماتى للتاريخ ..وفى يوم من الايام حتصدق زى ما كلمات كتير تاريخيه صدقت ليا  فى المحاورات رغم انها لاقت فى الاول اعتراضات وتسفيه .. لكن ده قدر العباقره مثلى ممن يجيدون استقراء المستقبل واستنباطه  

تم تعديل 17 فبراير 2016 بواسطة التونسى

[أبو محمد]

حبيب قلبى وعشرة السنين   ابو محمد .. اذا كنت تقصد بجملة(( أدينا بندردش ورانا ايه ))ردا على جملتى  الا انى شايف ان الدعوه لانتخابات رئاسيه مبكره  لا محل لها من الاعراب تماما  .. فكده يبقى الامور اتحددت ووضحت بالنسبه ليا .. ولو اننا فى الايام الغبراء دى لا مجال لدينا للاستمتاع  ب ((ترف)) الدردشه  فى ظل ازمات كتيره بتواجه مصر شعبا وحكومة .. ولو انى اشك ان الاخ الفاضل وايت هارت كان قاصد يرفع الموضوع بغرض الدردشه .. هو اكيد جاد فى مأربه .. ولكن شطحت منه برده المره دى .. الانتخابات الرئاسيه المبكره مش هى الحل يا وايت  ..بالعكس تماما تماما .. اللى بيعارض السيسى((بجد)) وفى نفس الوقت بيحب مصر ((بجد بجد)) وخايف عليها من قلبه ..لازم يكون احرص على تواجد السيسى فى اعلى هرم السلطه اكتر من حرص المؤيدين له ذات انفسهم  .. دى  طبعا كلمه من كلماتى للتاريخ ..وفى يوم من الايام حتصدق زى ما كلمات كتير تاريخيه صدقت ليا  فى المحاورات رغم انها لاقت فى الاول اعتراضات وتسفيه .. لكن ده قدر العباقره مثلى ممن يجيدون استقراء المستقبل واستنباطه  

 

ماهو احنا قلنا بدل المرة 22 مرة

هناك فرق بين المعارض والرافض

وقلنا إن كل رافض معارض

ولكن

ليس كل معارض رافض

:)

حط دى كمان على اللستة بتاعة "المأثورات"

[White heart]

 ... يشفع له ((اى السيسى))انه متوافق عليه من جانب المنظومه الحكوميه والحاكمه باعمدتها السياسيه والعسكريه والقضائيه والامنيه والتنفيذيه الخ الخ ..

وهو دة بيت القصيد يا عزيزي ... وهو أنك هنا إعتبرت أن المنظومة العسكرية هى واحدة من ضمن ... في حين أنها واحدة فوق الكل !!!

المسألة بسيطة جداً ... مؤسسة من ضمن مؤسسات الدولة .. ولكنها ليست تحت حُكم وسيطرة وإدارة الدولة  ... بل العكس .. أذن عن ماذا تتحدث انه متوافق عليه من باقي المنظومات؟؟؟

سنظل ندور في داخل تلك الدائرة المغلقة (أنت تزعم وتؤكد انها مدنية، وانا في المقابل أزعم واؤكد انها عسكرية) الى أن يقضي الله أمراً كان مفعولاً ... 

وطبعاً من هنا وحتى يحدث يوماً ما ان عاجلاً ام آجلاً هذا التغيير المنشود ... لا مانع لدى بالمرة أن "تُشعِر" كما تريد وتقول:

 .. فى يوم من الايام حتصدق زى ما كلمات كتير تاريخيه صدقت ليا  فى المحاورات رغم انها لاقت فى الاول اعتراضات وتسفيه .. لكن ده قدر العباقره مثلى ممن يجيدون استقراء المستقبل واستنباطه   

وستجدني حتى أصفق لك clp::بعدها وأرفع لك القبعة :hi:

تم تعديل 19 فبراير 2016 بواسطة White heart

[التونسى]

 

ا (أنت تزعم وتؤكد انها مدنية، وانا في المقابل أزعم واؤكد انها عسكرية)

بجد يا مان انا زعمت انها ((مدنيه)) !!!!؟.. معلش أصل أنا اليومين دول ((بزعم وبنكر)) زى القطط كده 

 

انا بقى هنا بؤكد على حقيقه تاريخيه سرمديه أزليه  أنها لا مدنيه ولا عسكريه .. بل هى ((كُشريه)) ((خلطبيطيه)) ((بزرميطيه))((فرعونيه)) ((مركزيه)) ((نصف إلهيه))  

تم تعديل 19 فبراير 2016 بواسطة التونسى