فين الوطن

[arabgirl]

انا عايشة فى بلد اوروبى من وانا عندى ١٨ سنة احساسى بمصر مش يتعدى يكون اكتر من ان جنسيتى مصرية

حاولت كتير احس بالانتماء لكن مش عارفة

انا من غير وطن ! بتفرج على تليفزيون عربى احس انى غريبة

اتكلم عربى مع اى حد فى الجالية العربية احس انى غريبة كأنى مش فهماهم

العقلية مختلفة تماما هما بيقولو ابيض انا اقول اسود او العكس

افكارى فى عقلى مش بالعربى

من اسبوع اتعرفت على عائلة اردنية هنا (عرب يعنى ) عزمونى على غدا وانا بتكلم معاهم لاقيت وشوشهم عليها علامات استفهام اصل لسانى قلب انجليزى من غير ما احس وفى نفس اليوم اقابل صحبتى وبتكلم معها فى موضوع وشها قلب علامة استفهام اصل قلبت عربى فى نص الكلام

لخبطة ما بعدها لخبطة

مين الصح ومين الغلط

العرب اللى انا منهم وتماما مختلفة عنهم

ولا الانجليز اللى انا مش منهم لكن متوافقة معاهم

لية مش عارفة اعمل موازنة

لية فى قلبى لما بفكر هو انا هعيش طول عمرى فى البلد دى الاقى افكارى بترض عليا وبتقول لا هتروحى بلد تانى بس مش بلدى

انزل مصر فى اجازات بكون حزينة

بتفرج على ناس فى الشوارع عايشة حياة مش حياتى بيتكلمو لغة مفهومة لكن من مفهومة ليا

بيضحكو على حاجات مبتضحكنيش وزعلانين على حاجات مبتهمنيش

وبستنى الاسبوع ولا الاسبوعين يخلصو عشان امشى مع انى مش بكرة البلد والله ما بكرها لكن بحس انى غريبة جواها اكتر ما بحس انى غريبة براها

هل هو التعليم الاجنبى اللى سلب هويتى

ولا ان مفيش انتماء دينى عندى مسيحى زى مسلم زى بوزى ولا بتفرق

ولا ان فكرى فكر غربى

لية انا معنديش الاحساس بالوطن

لية مش زى كل المغتربين العرب يقولو نعيش زى ما نعيش برا هنرجع بلدنا لكن انا لا

ارجع بلدى عشان اكون غريبة !!

طيب يمكن انا هنا غريبة بالاسم لكن بالفعل لأ

انا عندى شغلى واصحابى وحياتى وبيتى لكن فى وكنى فية اية ليا ؟

نفسى احس ان فى بلد بتاعتى

انا مش عارفة هل انا عربية ولا انا انجليزية بهوية عربية ؟؟؟؟؟

المغتربين اللى عايشين فى بلاد اوروبيا هل بتحسو كدة زيى ولا دى مشكلتى لوحدى

[raouf]

اكيد هتحسى بكده طالما مش بتنزلى اجازات فى مصر

علشان تقتلى الاحساس ده انصحك بشدة بقضاء اجازة سنوية لمدة شهر فى مصر

تقضيها فى زيارة اقاربك

مواقع الاثار

شوفى مصر على حقيقتها

ساعتها فقط مش هتحسى بالغربة وهتحنى انك ترجعى مش كل سنة بس

لا هتحنى انك ترجعى الى وطنك نهائيا

[اكون او لا اكون]

انا عايشة فى بلد اوروبى من وانا عندى ١٨ سنة احساسى بمصر مش يتعدى يكون اكتر من ان جنسيتى مصرية

حاولت كتير احس بالانتماء لكن مش عارفة

انا من غير وطن ! بتفرج على تليفزيون عربى احس انى غريبة

اتكلم عربى مع اى حد فى الجالية العربية احس انى غريبة كأنى مش فهماهم

العقلية مختلفة تماما هما بيقولو ابيض انا اقول اسود او العكس

افكارى فى عقلى مش بالعربى

من اسبوع اتعرفت على عائلة اردنية هنا (عرب يعنى ) عزمونى على غدا وانا بتكلم معاهم لاقيت وشوشهم عليها علامات استفهام اصل لسانى قلب انجليزى من غير ما احس وفى نفس اليوم اقابل صحبتى وبتكلم معها فى موضوع وشها قلب علامة استفهام اصل قلبت عربى فى نص الكلام

لخبطة ما بعدها لخبطة

مين الصح ومين الغلط

العرب اللى انا منهم وتماما مختلفة عنهم

ولا الانجليز اللى انا مش منهم لكن متوافقة معاهم

لية مش عارفة اعمل موازنة

لية فى قلبى لما بفكر هو انا هعيش طول عمرى فى البلد دى الاقى افكارى بترض عليا وبتقول لا هتروحى بلد تانى بس مش بلدى

انزل مصر فى اجازات بكون حزينة

بتفرج على ناس فى الشوارع عايشة حياة مش حياتى بيتكلمو لغة مفهومة لكن من مفهومة ليا

بيضحكو على حاجات مبتضحكنيش وزعلانين على حاجات مبتهمنيش

وبستنى الاسبوع ولا الاسبوعين يخلصو عشان امشى مع انى مش بكرة البلد والله ما بكرها لكن بحس انى غريبة جواها اكتر ما بحس انى غريبة براها

هل هو التعليم الاجنبى اللى سلب هويتى

ولا ان مفيش انتماء دينى عندى مسيحى زى مسلم زى بوزى ولا بتفرق

ولا ان فكرى فكر غربى

لية انا معنديش الاحساس بالوطن

لية مش زى كل المغتربين العرب يقولو نعيش زى ما نعيش برا هنرجع بلدنا لكن انا لا

ارجع بلدى عشان اكون غريبة !!

طيب يمكن انا هنا غريبة بالاسم لكن بالفعل لأ

انا عندى شغلى واصحابى وحياتى وبيتى لكن فى وكنى فية اية ليا ؟

نفسى احس ان فى بلد بتاعتى

انا مش عارفة هل انا عربية ولا انا انجليزية بهوية عربية ؟؟؟؟؟

المغتربين اللى عايشين فى بلاد اوروبيا هل بتحسو كدة زيى ولا دى مشكلتى لوحدى

حضرتك متزوجة؟؟

[عاشق النيل]

الاخت الفاضلة

الوطن يعنى جذوور

واصل ومنبت

لكن اللى بيحسسنى ببلدى وانا مغترب طبعا تفرق لانى متغرب بعد ما كبرت

وحنينى لبلدى لان لى فيها اهلى وناسى وذكرياتى واصدقائى وكل احبابى ولان جزء منى اهلى وعائلتى مدفونة ف ترابها

بحبها بكل الالام والاحزان اللى فيها وبرضة فية لحظات سعادة كتيير فيها

بحبها وبغير عليها وباعشق ترابها ونيلها

وكل ناسها

وانتى طبعا لكى كل العذر لكن انصحك بقراءة تاريخها اهم الاحداث فيها وبعد كدة لازم حد كبيير يكون له ذكريات فيها يحكى ليك عن ماضيها وعظمتها واصل وطيبة وجدعنة شعبها وكفاية الاحداث الاخيرة اللى خلتنى ف غربتى ابكى واحن ليها

واحس بجد لاول مرة حقيقى انى فخور انى مصرى

وكمان لازم زى ما نصحوا الزملاء بالاجازات لفترة طويلة لزيارة المعالم والاختلاط بالعامة الطيبة بحرى وقبلى

[ahlawycatalony]

يمكن لكن

انا مش شايف انه فيه مشكله مستعصيه فى التأفلم

او الاحساس بوطن او بلد تنتمى له رغم الاختلافات

الفجه بين ثقافه وعادات وطباعنا وطباع المجتمعات التانيه

انا برضه زيى مئات الالاف من المصريين عايشين فى اوروبا

الاغلبيه متأقلمه

بيكنوولاء لوطنهم الام

وعلى ما اعتقد ان حتى الناس اللى ما اندمجتش فى المجتمعات اللى هى عايشه فيها مع الوقت هيندمجوا

الا لو كان فى عوامل محيطه بالشخص نفسه او اختلاف تفكيره او عقليته..

الخلاصه ان فى ناس كتيير انا منهم بيختلفوا فى وجهات النظر

لكن مش لازم نختلف بمبرر وبدون مع الاراء ووجهات النظر الاخرى

لان كدا هنظهر بالشكل المذكور فى الموضوع دا