اين قواتنا المسلحة من ليبيا

[se_ Elsyed]

بلد في الظروف اللي زي اللي إحنا فيها وخارجين من مشاكل وما زلنا في مشاكل أخرى

مستحيل نضرب طلقة في حرب لا ناقة لنا فيها ولا جمل

واحسبها إنت يا ياسر . مين هايدفع تكاليف غزو دولة جاره لنا ؟

ومين هايتحمل خسائر إسقاط ولو طائرة واحدة مصرية هناك ؟

ولو المجنون مسك مليون مصري من اللي شغالين هناك وعملهم دروع بشرية .. يبقى إزاي الحال دلوقت ؟

اخي الكريم .. قليل من الحكمة ستفيد كثيراً ... فالشعب الليبي سيتكفل بالموضوع بإذن الله ..

الاهم من ذلك ... تخيل ليبيا أثناء ثورة الغضب بعتت كام طيارة دمروا لنا مطار ألماظة ومطار القاهرة على اساس إنها مجاملة يعني .. وقتلوا لهم كام الف مصري في الطريق ..

كنت هاتقول إنت دول جايين يخلصونا من مبارك .؟

فكر فيها وشوف العواقب كانت هاتبقى إزاي ؟

[الباشمهندس ياسر]

مرحبا يا س س

بص يا سيدي

احسبها انت ان الليبية هما اللي طلبوا ده و المكالمات مسجلة ع التلفاز

يعني بناءا علي طلب م الشعب .. ده اولا

الموقف عندنا اختلف تماما عن عندهم

عندنا الجيش اعلن حياده التام و حماة المتظاهرين .. رغم انهم اعونا يوم الاربعاء و والله لو المرجلة اللي ربنا نزلها ف قلوب الشباب... كنا هنضيع و كان زمانكم بتقروا عليا الفاتحة لما تفتكروني

انما الجيش بتاعهم .. نصه مرتزقة و اللي رفض الاوار اديك شفت الصور بنفسك و عمليات القتل و الحرق كمان

الكلب ابن الكلب عامل نفسه ربنا و بيحرق الناس بالنار

تالتا بقي يا زعيم ... احنا مش هندمر ليبيا البلد.... انما نوقع شوية المطارات علي مباني وزارة الداخلية علي شوية الحاجات الحساسة و بكده نبقي قضينا علي سلطة الكلب نفسه

بالنسبة للمصاريف ... متقلقش يا سيدي

انا هرفه سماعة التليفون و اطلب اي واحد م الامراء العرب و الشيك هيوصلك بكامل المبلغ .. و نبقي ناخده تاني من ليبيا لما تستقر اوضاعها

تم تعديل 21 فبراير 2011 بواسطة الباشمهندس ياسر

[doha]

عاجل | ليبيا | رصد :بوادر تدخل دولي في ليبيا .. النيتو يلمح لذلك#libya

لو ده حصل .. يبقي الجيش المصري ملوش كلمة و ملوش لزمة و معاك 300 سنة تانية عشان تلاقي فرصة زي دي

ااااااااااه يا بلد مفيهاش راجل بيفهم و يملي العين و يبقي قد اسمها

معليش ياباشمهندس اسمح لي .. بلد مين الي تقصدها حضرتك والي على كلامك مفيهاش راجل ؟؟؟؟

اتمنى لما يكون الموضوع في غايه الخطورة زي الي حاصل في ليبيا دلوقت اننا نفكر خمستلاف مرة قبل مانرمي اي كلام والسلام ..

حضرتك دلوقت عاوز مصر تتدخل عسكريا في ليبيا بمعنى آخر عاوز مصر تعلن الحرب على ليبيا .. ملهاش تفسير تاني في الاوساط الدولية .. هل انت قدر دعوة على هذا الحجم من الخطورة ؟؟؟؟

بعدين انت مستعجل على رزقك ليه .. النهرده ليبيا بتلمح وتصرح بان مصر وراء مايحدث على ارضها ويوم مايخلصوا على شعبهم ويرموا عليه قنبلتين هيتديروا على الي اشعل فتيل الازمه من وجهة نظرهم ومش مستبعد ابدا ساعتها ان ليبيا هي الي تعلن على مصر الحرب ده لو ربنا ستر .. اما لو مسترش وكانت القصة كلها ذريعه للتدخل الاجنبي في ليبيا بحيث تبقى الجبهة الغربية لمصر محاصرة زي ماحاصل للشرقية فقول ربنا يرحمنا جميعا برحمته ..

الوضع جد خطير ومش متحمل عنتريات او خطوات غير محسوبه ومنها تهييج الرأي العام في قضية لسه ابعادها لم تتضح وممكن جدا تمس امن مصر بالكامل مش بس المصريين الي عايشين في ليبيا ..

عن نفسي مش عارفه ايه المفروض بينا كأفراد نعمله .. عماله ادعي لربنا من ساعة ماسمعت ان الحكومة الليبية ناوية تقصف بنغازي .. معرفش هترسى على ايه ولا الخطة دي كلها معموله لايه .. بس الي متأكده منه ان ربنا موجود وان مهما كان مكرهم فالله سبحانه قادر يرده في نحرهم واكيد مكره هيكون اعظم ..

الله يكرمك ويرضى عليك ياباشمهندس .. فكر لو دقيقة قبل ماتكتب كلام ان لم ينفع فعلى الاقل قاعد بتحرق بيه دم الي بيقراه على الفاضي ..

تم تعديل 21 فبراير 2011 بواسطة doha

[Alshiekh]

باشمهندس ياسر

الأمور لاتؤخذ بالطريقة التى تتصورها ولا بالسرعة التى تتوقعها.

الشعب التونسى تظاهر وحارب النظام لأكثر من شهر

الشعب المصرى استمر فى التظاهر والتصعيد لمدة 18 يوم على الرغم من وقوع أكثر من 400 شهيد وأكثر من 6 آلاف مصاب

الشعب اليمنى مستمر فى المواجهة لما يقرب من الشهر

الشعب الليبى لم يمضى على مواجهته مع النظام الليبى الا 4 ايام.

لاأرى أى داع لتدخل مصر فى الوقت الحالى والا فمن الممكن أن ندخل فى مواجهة مع الشعب نفسه الذى قد يكون مقتنع بما قاله لهم رئيسهم بأن مصر لها أطماع فى ليبيا.

كل الشعوب تضحى من أجل حريتها ومن أجل ازاحة حكوماتها المستبدة ، فلندع الشعب الليبى يفعلها كما فعلها ما المحتل الإيطالى فى الماضى.

ويكفى مصر أن توفر وسائل نقل للمصريين الرغبين فى العودة.

نقطة أخيرة مهمة يحب أن تضعها فى الإعتبار الا وهى: جيش مصر مهمته الأساسية هى حماية أمن البلاد ، وقيامه بالدفاع عن ارض الوطن لايستوجب أوامر بالدفاع ، ولكن قيامه بشن الحرب لايتم إلا بموافقة نواب الشعب.

[الغريب]

يا بشمهندس كلامك صحيح وأنت معاك حق في حماستك على دم إخوانك

ولكن ...

الجيش المصري الآن منتشر في أرجاء البلاد ، أمبارح واحد في الجيش بيتعامل مع أخويا بيقولو "أحنا بقينا شغالين على المخدرات وعلى الآداب وعلى كل حاجة وده مش شغلنا ولا أحنا بنفهم فيه أحنا أتعودنا على المعاملة الميري والمجرمين ميناسبهمش الميري"

تخيل لو الجيش أنشغل بلبيا وترك الوضع الداخلي

أو لو ترك الجبهة الشرقية في سيناء

صدقني .. أنا عارف أن مكاسب ما تدعوا إليه مكاسب كبيرة لمصلحة مصر قبل لبيا، ولكن المشكلة في الوضع الداخلي في مصر التي تعتبر خارجة من عملية والجرح لسه مفتوح ، ولا شك أن مصر أهم من ليبيا ليس عندنا كمصريين ولكن عند العرب والمسلمين جميعا ..

تمهل ، وأدعوا الله ، الليبيين قدها وقدود ويستحقوا الشهادة

[jasmin hamed]

الطائرات التى تقذف ليبيا ايطاليه ليست ليبيه

[الباشمهندس ياسر]

طب يا جماعة الخير

انا غلط و حضراتكم كلكم صح

و فعلا احنا دولة قزمة و اخرنا الدور اللي كان معيشنا فيه حسني مبارك

لكن ده رايي و دي وجهة نظري

و انا سجلتها ف التاريخ و بكره نعرف مين صح و مين كان غلط

[الغريب]

الطائرات التى تقذف ليبيا ايطاليه ليست ليبيه

كنت متوقع أي رد فعل مشين من إيطاليا، لأنها ترتبط مع القذافي بالرباط المقدس

أستطاعت في الفترة الأخيرة الحصول على عدة صفقات وعقود ليبية تقدر بمليارات الدولارات

في زيارة القذافي لإيطاليا عندم أصطحب معه حفيد عمر المختار ، قام القذافي كعادته بعمل عدة مواقف "عبيطة" منها مثلا التأخر لمدة ساعة عن موعد إجتماعه مع رئيس إيطاليا، ولما سأل الصحفيين برلسكوني عن رد فعل إيطاليا على مثل هذه الأفعال الصبيانية التي يقوم بها القذافي في إيطاليا، رد عليهم قائلا "حينما تريد أن تكسب زبون جديد فعليك ببعض التنازلات"

تم تعديل 22 فبراير 2011 بواسطة الغريب

[ام سلمي]

شبكة رصد |غيرمؤكد:العقيد /المبروك الطرابلسي ـ أمر كتيبة أمن لواء الدروع"كتيبة علي بن ابي طالب" ببدء تحرير طرابلس و إقصاء القذافي

شبكة برق | B.R.Q

برق:إجلاء عاجل للدبلوماسيين السعوديين من ليبيا

شبكة برق | B.R.Q

برق:عاجل الان الثوار يطالبون قناة الجزيرة بزيارة المناطق الشرقية المحررة من ليبيا لا سيما بني غازي والبيضاء من جهة حدود مصر للاطلاع على حجم المجازر الرهيبة التي اقترفها نظام القذافي مجرم الحرب

[ام سلمي]

والله انا نفسي جيشنا يساعدهم لأن المسلم اخو المسلم لا يظلمه ولا يسلمه

ولكن الامر ليس بيدنا

احنا حتي لسة مش قادرين نخلي الجيش ينفذ طلباتنا الخاصة بمحاسبة الرئيس واقالة شفيق حنخليه ازاي يتدخل في شون ليبيا

لنا الله ولهم الله

[شرف الدين]

الأخ العزيز / الباشمهندس ياسر

أنا أقدر تماما حماستك للدفاع عن مواطني ليبيا الأشقاء ضد هذا القمع البربري الذي يواجهونه

ولكن الدعوة للتدخل العسكري في شؤون بلد مجاور هي دعوة غير محمودة على الإطلاق ... ولن يقبل بها الشعب الليبي نفسه

لو فرضنا إن الجيش المصري تدخل في ليبيا عسكريا ده هيؤدي إلى

أن نظام القذافي هيقوم باستغلال الفرصة لاستثارة بقايا الجيش الليبي ضد الجيش المصري بحجة إنه جاي عشان يستغل الفرصة ويحط لنفسه رجل في ليبيا بحجة مساعدة الشعب وساعتها هتسمع كل الأغاني الوطنية في ليبيا كلها بتدعو للجهاد ضد الجيش المصري وهنلاقي نفسنا قصاد جبهة مفتوحة ضدنا تماما

وعلى فكرة ده حصل قديما للجيش المصري عندما تدخل عسكريا في اليمن ( أيام عبد الناصر ) بمغامرة عسكرية غير محسوبة دفعت مصر ثمنها غاليا جدا جدا من اقتصادها وقوة جيشها في الوقت ذاته

ومن ناحية تانية هتلاقي اتباع النظام هيستغلوا الفرصة دي عشان يقوموا الشعب الليبي على الجيش المصري بحجة إن الليبيين مش أقل من المصريين وإنهم يقدروا يحسموا مواجهتهم مع النظام بنفسهم من غير تدخل خارجي وده على الأقل هيعمل انقسام بين الشعب الليبي في وقت هو محتاج فيه للاتحاد أكتر من أي وقت فات

من ناحية أخيرة

بكل صراحة الجيش بتاعنا لو اللي حضرتك بتدعو ليه حصل هيبقى الحمل عليه كبير قوي

الجيش بتاعنا ربنا يكون في عونه

بيأمن البلد من جوه

وبيأمن قناة السويس

وطبعا عينه على الحدود الشرقية

فصعب قوي تفتح عليه جبهة رابعة

وبعدين لو فرضنا إن ليبيا بطياراتها ردت وضربت مطروح مثلا ( وهي عندها طيارات بدليل الطائرات اللي راحت مالطة )

هيكون الوضع ايه

هتتحول حرب بين بلدين...

وهتكون النتائج وخيمة

ولا تحزن يا عزيزي

أبناء وأحفاد عمر المختار قادرون تماما على حسم المسألة بأنفسهم ... وسوف ترى أن القذافي سيسقط بسرعة أكبر كثيرا من سقوط المبارك والزين

[عصام أبوالفتح]

لحظة واحدة

يجب علينا فعل المستحيل لانقاذ المصريين من ليبيا ونجدة اخواتنا الليبين المستغيثين بالمال والغذاء

لكن جيشنا يتدخل .... لأ وألف لأ

ده اختبار ارادة للشعب الليبى ولازم يخوضه بنفسه

بنفسه

بكرر ... بنفسه

احنا مش هانمن على حد تانى ان احنا اللى حررناه ولا هانتذكر بألم النتائج السلبية زى ما حصل فى اليمن قبل كده

الحرية المطلوبة من الشعوب دلوقتى .. هى حرية الارادة

ودى بالذات لا يصنعها الاخرون مهما كانوا حبايبهم وقرايبهم واخواتهم وكل الكلام ده

فاذا تحررنا جميعا بارداتنا المنفردة اصبح المجموع قوى ويعتمد عليه

[محمد عبدالعزيز]

أنا ضد إن جيشنا يتحرك للتدخل فى دولة أخرى بدافع إننا بنحملهم جميل ولازم حيردوهولنا بعدين.

جيشنا الحمد لله مش جيش مرتزقة ولا احنا منتظرين جميل يترد لنا بمكاسب أياً كانت نوعها, يكفينا اللى حصل فى اليمن وفى الكويت وشوفوا لغاية دلوقتى الأخوة الكويتيين بيقولوا "بفلوسنا".

ده لا يعنى إن أنا معارض للثورة الليبية على القذافى المجرم, وزى ماحنا رفضنا أى تدخل أجنبى ولو حتى بالإشارة زى ما حصل مع إيران ومع أمريكا ومع حسن نصر الله, أكيد الأخوة الليبيين حيرفضوا ده وممكن يبقى شكلنا وحش.

أعتقد المهمة ذات الأولوية القصوى لجيشنا فى الوقت الحالى هى إجلاء المصريين الراغبين فى العودة فى أسرع وقت ممكن.

بصراحة الوضع حالياً متأزم ومحتاج أفكار خارج الصندوق عشان نقدر نتصرف بأسرع وقت ممكن.

مش عارف, مثلاً ممكن عملية للقوات الخاصة لأسر ابن القذافى اللى طلع حرض على قتل المصريين فى التليفزيون وعرض مبادلته مقابل تأمين خروج المصريين من ليبيا بسلام, هل هو حل مقبول ولا لأ.

تم تعديل 22 فبراير 2011 بواسطة محمد عبدالعزيز

[عصام أبوالفتح]

أنا ضد إن جيشنا يتحرك للتدخل فى دولة أخرى بدافع إننا بنحملهم جميل ولازم حيردوهولنا بعدين.

جيشنا الحمد لله مش جيش مرتزقة ولا احنا منتظرين جميل يترد لنا بمكاسب أياً كانت نوعها, يكفينا اللى حصل فى اليمن وفى الكويت وشوفوا لغاية دلوقتى الأخوة الكويتيين بيقولوا "بفلوسنا".

ده لا يعنى إن أنا معارض للثورة الليبية على القذافى المجرم, وزى ماحنا رفضنا أى تدخل أجنبى ولو حتى بالإشارة زى ما حصل مع إيران ومع أمريكا ومع حسن نصر الله, أكيد الأخوة الليبيين حيرفضوا ده وممكن يبقى شكلنا وحش.

أعتقد المهمة ذات الأولوية القصوى لجيشنا فى الوقت الحالى هى إجلاء المصريين الراغبين فى العودة فى أسرع وقت ممكن.

بصراحة الوضع حالياً متأزم ومحتاج أفكار خارج الصندوق عشان نقدر نتصرف بأسرع وقت ممكن.

مش عارف, مثلاً ممكن عملية للقوات الخاصة لأسر ابن القذافى اللى طلع حرض على قتل المصريين فى التليفزيون وعرض مبادلته مقابل تأمين خروج المصريين من ليبيا بسلام, هل هو حل مقبول ولا لأ.

لأ خش جوه الصندوق يامحمد احسن ... :)

انت كنت ماشى كويس لحد اخر سطر وبعدين اول ما طلعت بره الصندوق افتريت

قوات خاصة وتبادل اسرى

انسوا بقى تاريخ القرارات الهوجاء دى .. وابن مين ده اللى دمه يوازى دم 2 مليون مصرى هناك

دم واحد مصرى بس يثبت بالدليل انه اتقتل يكفى انه يجرجر نظام ليبيا كله مش القذافى بس فى المحاكم الدولية

انا متوقع ان فيه مبالغة شديدة وشامم ريحة ازمة الجزائر فى الموضوع ده

نفس الدعوات العنترية وكأنه مفيش دول تانية بتجلى رعاياها غيرنا ولم تعلن اى منها اصابة واحدة

[محمد عبدالعزيز]

أنا ضد إن جيشنا يتحرك للتدخل فى دولة أخرى بدافع إننا بنحملهم جميل ولازم حيردوهولنا بعدين.

جيشنا الحمد لله مش جيش مرتزقة ولا احنا منتظرين جميل يترد لنا بمكاسب أياً كانت نوعها, يكفينا اللى حصل فى اليمن وفى الكويت وشوفوا لغاية دلوقتى الأخوة الكويتيين بيقولوا "بفلوسنا".

ده لا يعنى إن أنا معارض للثورة الليبية على القذافى المجرم, وزى ماحنا رفضنا أى تدخل أجنبى ولو حتى بالإشارة زى ما حصل مع إيران ومع أمريكا ومع حسن نصر الله, أكيد الأخوة الليبيين حيرفضوا ده وممكن يبقى شكلنا وحش.

أعتقد المهمة ذات الأولوية القصوى لجيشنا فى الوقت الحالى هى إجلاء المصريين الراغبين فى العودة فى أسرع وقت ممكن.

بصراحة الوضع حالياً متأزم ومحتاج أفكار خارج الصندوق عشان نقدر نتصرف بأسرع وقت ممكن.

مش عارف, مثلاً ممكن عملية للقوات الخاصة لأسر ابن القذافى اللى طلع حرض على قتل المصريين فى التليفزيون وعرض مبادلته مقابل تأمين خروج المصريين من ليبيا بسلام, هل هو حل مقبول ولا لأ.

لأ خش جوه الصندوق يامحمد احسن ... :)

انت كنت ماشى كويس لحد اخر سطر وبعدين اول ما طلعت بره الصندوق افتريت

قوات خاصة وتبادل اسرى

انسوا بقى تاريخ القرارات الهوجاء دى .. وابن مين ده اللى دمه يوازى دم 2 مليون مصرى هناك

دم واحد مصرى بس يثبت بالدليل انه اتقتل يكفى انه يجرجر نظام ليبيا كله مش القذافى بس فى المحاكم الدولية

انا متوقع ان فيه مبالغة شديدة وشامم ريحة ازمة الجزائر فى الموضوع ده

نفس الدعوات العنترية وكأنه مفيش دول تانية بتجلى رعاياها غيرنا ولم تعلن اى منها اصابة واحدة

ماهو المشكلة ياباشمهندس إننا بنتعامل مع عائلة مجنونة, تتصرف معاهم إزاى دول؟ يبقى لازم نطلع لهم بره الصندوق وفوق الصندوق كمان :)

يارب يكون فى مبالغة والوضع يكون أحسن مما نتصور.

[عصام أبوالفتح]

أنا ضد إن جيشنا يتحرك للتدخل فى دولة أخرى بدافع إننا بنحملهم جميل ولازم حيردوهولنا بعدين.

جيشنا الحمد لله مش جيش مرتزقة ولا احنا منتظرين جميل يترد لنا بمكاسب أياً كانت نوعها, يكفينا اللى حصل فى اليمن وفى الكويت وشوفوا لغاية دلوقتى الأخوة الكويتيين بيقولوا "بفلوسنا".

ده لا يعنى إن أنا معارض للثورة الليبية على القذافى المجرم, وزى ماحنا رفضنا أى تدخل أجنبى ولو حتى بالإشارة زى ما حصل مع إيران ومع أمريكا ومع حسن نصر الله, أكيد الأخوة الليبيين حيرفضوا ده وممكن يبقى شكلنا وحش.

أعتقد المهمة ذات الأولوية القصوى لجيشنا فى الوقت الحالى هى إجلاء المصريين الراغبين فى العودة فى أسرع وقت ممكن.

بصراحة الوضع حالياً متأزم ومحتاج أفكار خارج الصندوق عشان نقدر نتصرف بأسرع وقت ممكن.

مش عارف, مثلاً ممكن عملية للقوات الخاصة لأسر ابن القذافى اللى طلع حرض على قتل المصريين فى التليفزيون وعرض مبادلته مقابل تأمين خروج المصريين من ليبيا بسلام, هل هو حل مقبول ولا لأ.

لأ خش جوه الصندوق يامحمد احسن ... :)

انت كنت ماشى كويس لحد اخر سطر وبعدين اول ما طلعت بره الصندوق افتريت

قوات خاصة وتبادل اسرى

انسوا بقى تاريخ القرارات الهوجاء دى .. وابن مين ده اللى دمه يوازى دم 2 مليون مصرى هناك

دم واحد مصرى بس يثبت بالدليل انه اتقتل يكفى انه يجرجر نظام ليبيا كله مش القذافى بس فى المحاكم الدولية

انا متوقع ان فيه مبالغة شديدة وشامم ريحة ازمة الجزائر فى الموضوع ده

نفس الدعوات العنترية وكأنه مفيش دول تانية بتجلى رعاياها غيرنا ولم تعلن اى منها اصابة واحدة

ماهو المشكلة ياباشمهندس إننا بنتعامل مع عائلة مجنونة, تتصرف معاهم إزاى دول؟ يبقى لازم نطلع لهم بره الصندوق وفوق الصندوق كمان :)

يارب يكون فى مبالغة والوضع يكون أحسن مما نتصور.

اوكيه بس بالعقل : ) انا على فكرة عجبنى تعبير الصندوق وعلقت عليه عشان كده

بس هل الصندوق ده نقصد بيه القلب ام العقل ولما تخرج من ايهما فلأين تذهب ؟ ... لأحدهما أم لشئ آخر ؟

على فكرة توقيعك فيه الاجابة .. لازم اللى يريد هو الشعب واللى يستجيب هو القدر لا إحنا ولا الراجل اللى واقف ورا عمر سليمان

:)

على فكرة انا منتظر على أحر من الجمر الانتفاضة الفلسطينية الثالثة

انتفاضة الارادة هذه المرة وليس انتفاضة الحجارة

واتوقع انها تشد انتباه وتأييد العالم كله اذا سلكت نفس سيناريو ثورتنا

سلمية حرية

[عنبو]

طب يا جماعة الخير

انا غلط و حضراتكم كلكم صح

و فعلا احنا دولة قزمة و اخرنا الدور اللي كان معيشنا فيه حسني مبارك

لكن ده رايي و دي وجهة نظري

و انا سجلتها ف التاريخ و بكره نعرف مين صح و مين كان غلط

طيب نعمل ايه دلوقتى نخلص من عبدالناصر يطلع لينا ياسر علام والاتنين صعايده ههههههههههههه

بص يا هندسه انا مع ان الجيش يتدخل فى حالة انه يملك القوه للتدخل

ولكن بما اننا خارجين مع عصر مبارك ابن المتضايقه ومن قبله عصر السادات ابن المتصايقه برده فاعتقد ان الجيش يادوب عليه انه

يحمى مصر مش عاوزين نحمل الجيش اكتر مما يطيق

الحل اللى انا شايفه دلوقتى عن طريق جامعة الدوله العربيه

وكل دوله عربيه تتبرع ب لواء من الجيش بتاعها ويدخلوا يخصلوا على ابن الهبله دى

ويفتحوا باب التظوع للشباب ده هو الحل الامثل

لكن مصر تشيلها لوحدها هيبقى خطر على امن مصر

اما بالنسبه للمكاسب وهيشيلوا لنا جميل والكلام ده اديك سافرت كتير وشوفت المصريين بيتعاملوا ازاى فى الدول العربيه

التدخل يكون عن طريق جامعة الدول العربيه وكل دوله تتبرع بلواء من عندها ومافيش جميله لحد لان اساسا مافيش

خد بيشيل جميله

مش تقيس كل الناس عليك فليس كل الناس بيشيلوا الجميل

وتقبل تحياتى يا صاحبى

عنبو

[tarek hassan]

بلا شك أن أمن ليبيا هو بالضرورة أمن لمصر من ناحية الغرب وماذا ننتظرنا الآن كأمة عربية وكوطن عربي وكأمة إسلامية مهددة

القذافي الأب والأبن يهددان أمن العالم العربي ويتوعدانه ويخوفان الغرب بكذبة الأمارات الإسلامية والغرب العبيط أو المستعبط مصدق

والأمر الآن ينذر بتدخل أجنبي أشم رائحته وأظن أن له سيناريو يطبخ الآن في ظل الصمت العالمي وإن لم نتدخل سريعا كوطن عربي ستفرض علينا أمور كثيرة وسنجد عراقا آخر وتهيدا أمنيا كبيرا

وسواء اليوم أو غدا إن كان قد حدث تدخل أجنبي في ليبيا أو سيحدث فإن شعب مصر لن يقف مكتوف الأيدي ومنا من يرى أن هذه فرصته

فعلى الغرب والأوربيون بخاصة أن يحسبوا حساباتهم قبل الإقدام على التدخل الذي أتمنى أن يكون خيالا

[الباشمهندس ياسر]

انتوا عارفين المشكلة فين

المشكلة اني من ساعة ما استقريت ف الوطن ... بقالي 10 شهور كده

و الواحد اعصابه مبقتش بتستحمل و خلقي ضاق

عشان اقعد ارد علي كلامكم كله يبقي مش هخلص

انما

مش كفاية ان كبار الشعب الليبي يطلبوا فرض الوصاية المصرية عليهم لحين انتهاء مأساة ليبيا مع المجنون ده

طب بلاش دي حتي

قضية تأمين الرعايا المصريين في ليبيا ... متستحقش ؟؟؟

انا كنت غسلت ايدي زمان

بس اظاهر لسه في نصيب لاحوال لا يعلمها الا الله

ليبيا جزء من مصر و مصر جزء منها

و مش ليبيا بس

ده الشام و ليبيا و السودان اجزاء من مصر

كانوا زمااااان بيسموها مصر و تخومها

و بكره هيرجع الزمان تاني و افتكروها مني

بكره هيرجع الزمان تاني

و يبقي بتاعنا

بس اظاهر ان مش كلنا رجال هذا الزمان الذي اراه قريبا و ترونه بعيدا

[سكر]

1- اجلاء جميع المصريين من ليبيا عن طريق الجيش بكل الطرق الممكنه بريه او بحريه او جويه (بدون التدخل العسكرى)

2- تقديم كافه المساعدات الطبيه الممكنه لاهالى ليبيا

فى حاله استمرا هذا الوضع بين القذافى والشعب واستمرار هذا المجرم فى ابادة شعبه ولم يستطيع الشعب التخلص منه

3- القيام بعمليه عسكريه مخابراتيه للتصفيه القذافى

4- دة بقى حلمى القديم

التطور الطبيعى لمصر هو (مصر- ليبيا - السودان)

ازاى بقى مش عارف بس اعتقد دى فرصه للتودد للشعب الليبى من اجلاء الاندماج ولو على المستوى

فتح الحدود وانتقال رؤس الاموال

تم تعديل 22 فبراير 2011 بواسطة موعود