ماذا حدث في البنوك بمصر ؟؟؟؟؟

[se_ Elsyed]

كلنا طبعاً ملاحظين عدم إنتظام العمل في البنوك من بعد رحيل الرئيس المحظور ...

وكنا فاكرين إنها عملية أمنية أو ما شابه .. وما حدش فاهم حاجه ...

لكن كنت أمبارح مع ناس حضروا وشافوا الموضوع ده في مصر وحكوا لي على اللي حصل .... وخلوني أشك في نفسي وأقول " ما يمكن أنا كمان بأمشي وأنا نايم مثلاً وبالتالي سقعت لي قد الفين فدان موالح في 6 أكتوبر ... على مليار جنيه قروض على شوية المظات ومجوهرات ... وأهو أبقى شاركت في اليغمه دي طالما الفساد طايل كل شبر وكل خرم في مصر "

- نرجع للموضوع .... الفضيحة بدأت أيها السادة بأعتصام 60 موظف كبير من موظفي بنك الإسكندرية أمام المقر الرئيسي للبنك في وسط البلد من أسبوعين كده ... ومن المعلوم إن الدولة لا تملك الان غير 4 بنوك وهما ( القاهرة والأسكندرية ومصر والأهلي ) ... وطلب الموظفين دول مقابلة رئيس مجلس الإدارة لرفع مطالبهم ومطالب موظفيهم له .. وبالفعل نزل الراجل لهم بكل ترحاب ... لكن للأسف حسب ما شاهدوه .. كان سكران طينه - واخدين بالكم .. حد بيسكر الضهر إلا لما يكون خلاص مدمن أراراي ؟ - وأول ما شافهم راح طايح فيهم شتيمة من أفظع ما يمكن الإستماع إليه ولم يفرق بين رجل وأمراة وبهدلهم جامد والناس ما بقيتش مصدقة نفسها من اللي بيحصل ( عنده حق .. ما هم قطعوا عليه الشرب والمزه وعكروا صفو مزاج معاليه ) .. لحد ما هجموا عليه وكانوا هايموتوه .. راح جري منهم والناس تدخلت لفض الأشتباك ... فصمم المتظاهرون على مقابلة فاروق العقدة محافظ البنك المركزي للشكوى ... وبالفعل جاء الرجل .... وأستمع لهم ... وكان السكير طلع مكتبه ... لكن مدير مكتبة المحترم تحفظ على جميع أصول المستندات في المكتب وسلمها لفاروق العقدة اللي بص فيها سريعاً وأكتشف بلاوي مسيحة ..

تاني يوم أضرب كل العاملين ببنك الإسكندرية على مستوى الجمهورية عن العمل تضامناً مع زملاءهم .. وأصدر فاروق العقدة قرار بفصل رئيس مجلس الإدارة والتحقيق معه في تهم الفساد دي ...

ملحوظة : مرتب السفنجه السكير ده هو .. مليون وثمانمائة الف جنيه سنوياً .... ومش عاوزين قر .. ربنا ياخده

- تاني يوم ثار موظفي البنك الاهلي مطالبين بالتحقيق مع طارق عامر رئيس مجلس الإدارة اللي لم أوراقه كلها بسرعة وحاول الهروب .. وأعطاها لمدير مكتبه .... وشافوهم الموظفين ومسكوا مدير مكتبه كلوه علقه محترمة وخدوا منه كل الأوراق .. وطاردوا طارق عامر وكسروا عربيته ... وأستطاع الإفلات وراح مقدم إستقالته هو كمان ..

هنا تدخل محافظ المركزي وأمر بعمل الجرد السنوي اللي مقرر له في 30/6 .. عمله الأسبوع الماضي وأكتشف كوارث طبيعية وصناعية في كل البنوك ....

وأعتقد إن هو كمان كان مشارك فيه لإنه الجهة الرقابية الأولى على كل بنوك مصر ...

مش قلت لكم ... أنا بقيت أشك في نفسي !!!

[dawn walker]

طيب انا سمعت حاجة مشابهة ..التخلص من بيانات بعض العملاء ..!! مش عارف لسرقتها ..والا الطرمخة على المليارات المنهوبة .

الفساد فى البلد بعد الرئيس المخلوع عاملة زى خراج كبير ..واتفتح ...

[shiko]

...ملاحظتش من خلال كل الاحداث دى ان فاروق العقدة نفسه .....حرس قديم

فهو احد رجال النظام القديم .....والايدى الخفية التى كانت تتلاعب بمصير اقتصاد البنوك فى مصر ....

وكل عاملين الجهاز المصرفى فى مصر .....يؤكدون على ذلك ....

فاروق العقدة ...هو الذى حدد مرتبات كل رؤساء مجلس البنوك الاربع ...

بما فيهم طارق عامر الذي يتقاضى شهريا 180000 بخلاف السيارات الفارهة والمخالفات المالية التى

ادت بالنك الاهلى لتخفيض حجم الودائع وبالتالى الى ميزانية مضروبة يتحقق ارباحها من بيع الاصول ...

طارق عامر...كان مساعد لفاروق العقدة نفسه ....

وحتى محمود عبد العزيز الرئيس السابق لمجلس ادارة البنك الاهلى

الذى يدعى البطولة فى الوقت الحالى .....كان احد رؤوس الفساد فى البنك الاهلى .....

على العموم

الجهاز المصرفى من اهم اجهزة الدولة ...وتم نهبه خلال الحقبة الاخيرة بشكل مفزع

ومن الواضح انه محتاج ما يزيد عن برميل ديتول علشان يطهر من الفساد....

[المهندسه]

هو فى ايه ....مفيش اى جهه فى مصر الا بان فيها فساد و نهب مليارات و ملايين

هى دى كانت دوله و لا كانت طابونه

حاجه فعلا مقرفه و مستفزه ..ايه مفيش مسئول واحد فى البلد دى عنده ضمير و امانه وبيخاف ربنا

للدرجه دى الشهره و الجاه فتنه كبيره؟؟؟

والله العظيم انا بقيت اشك فى نفسى انى مثلا لو اتحطيت مكانهم ممكن ابقى زيهم و اسرق مال الشعب

كل وزاره فيها بدل المشكله 100 وكل وزاره لقوا فيها سرقه بالملايين

منهم لله جعوا الشعب و جابلوا امراض الدنيا كلها

نفسى اسأل واحد فيهم ...انت ايه مكنتش تعرف ان فى حكم و عدل شايفك و انت بتنهبنا؟؟

حسبى الله و نعم الوكيل...والله اتغميت على الصبح يا استاذ س س

[أبو عمر المصري]

عندي قريب بيشتغل ف بنك ... لو تتذكرواول يوم تفتح فيه البنوك بعدالثوره على طول قالوا ماحدش هايسحب او يحول اكتر من 50 الف ..فاقلت حلو هما ناويين يطوئوهم اهو .. فاقال لى قريبي ان مدير البنك كان بيسمح بسحب بالملايين من البنك وحصل تذمر عليه فجائت احداث بنك الأسكندريه واتقفلت البنوك تاني .. اكيد البنوك والكثير من رؤسائها متورطين مع النظام البائد ف الفساد عشان كده محافظ البنك المركزي لازم يعمل أجراءات صارمه بحيث يردع من تسول له نفسه على ممساعدة الهاربين بأموال الشعب وبعدين ايه حكاية البنك العربي الدولى بتاع عاطف عبيد ده كمان ؟؟؟ هو فيه بنوك في مصر مش خاضعه لأشراف البنك المركزي ؟؟؟؟ بجد يبقا ده تهريييج !!! معنى كده كل الهليييبه والنهييبه هايكونوا زباين عنده بالتأكيد ومن بنكه على بنوك بره دايركت بدون أي رقابه ... والله هزولت

[لونا]

هو فى ايه ....مفيش اى جهه فى مصر الا بان فيها فساد و نهب مليارات و ملايين

هى دى كانت دوله و لا كانت طابونه

حاجه فعلا مقرفه و مستفزه ..ايه مفيش مسئول واحد فى البلد دى عنده ضمير و امانه وبيخاف ربنا

للدرجه دى الشهره و الجاه فتنه كبيره؟؟؟

والله العظيم انا بقيت اشك فى نفسى انى مثلا لو اتحطيت مكانهم ممكن ابقى زيهم و اسرق مال الشعب

كل وزاره فيها بدل المشكله 100 وكل وزاره لقوا فيها سرقه بالملايين

منهم لله جعوا الشعب و جابلوا امراض الدنيا كلها

نفسى اسأل واحد فيهم ...انت ايه مكنتش تعرف ان فى حكم و عدل شايفك و انت بتنهبنا؟؟

حسبى الله و نعم الوكيل...والله اتغميت على الصبح يا استاذ س س

اتصوري يا مهندسة ..

إن الواحد بعد ما بقى بيشوف كمية الفساد اللي بقينا نفتح الحنفية تنزل فساد

بقى الواحد يدعي ربنا يبعد عننا و عن من نحبهم أي منصب