محاربه الفساد فى مصر: بين العداله و محاكم التفتيش

[ريمون]

كواحد من الشعب الغلابه اللى نشأ فى اسره متوسطه

لا اخفى عليكم سعادتى الغامره كل ما اسمع ان النائب العام بيحقق فى قضيه فساد و احتمال ارجاع الثروات للشعب

بس من شويه كده قريت مقال على التايمز

محاربه الفساد فى مصر بين العداله و محاكم التفتيش

الملخص ان كلنا عارفين ان مفيش حاجه كانت بتمشى فى مصر من غير رشوه

حتى العبد لله علشان يخلص ورق التجنيد كان لازم يدفع المعلوم رغم اننى ابن وحيد ووالدى فوق الستين

على كده اغلب رجال الاعمال (لو مش كلهم) اشتركوا فى ارشاء رجال الدوله

السؤال الان هو. عند اى حد تقف ملاحقه الراشين؟

مع العلم ان ملاحقه الجميع قد تؤثر سلبا على الاقتصاد

حيث سيهرب كثير من رجال الاعمال بفلوسهم لو شعروا بالتهديد مما قد يسبب انهيار اقتصادى لا قدر الله

هناك اقتراحات

1- ملاحقه اى راشى مهما كان السبب ومهما كان المبلغ

2- ملاحقه من رشى للحصول على امتيازات باسعار بخسه (اراضى بالمليارات او رخص لصناعات معينه) و العفو عن من رشى للحصول على تصريح بالعمل (يعنى دفع حق الشعب تالت و متلت بس دفع رشوه علشان الشغل يمشى)

3- الاعلان عن عفو شامل لكل من قدم رشوه بشرط ارجاع حقوق الشعب

4- تأجيل فتح هذه الملفات حتى تستقر الاوضاع لتجنب انهيار اقتصادى تام

انا مع الحل الثانى و هو ملاحقه من اضروا باقتصاد البلد بفسادهم

و اغماض العين عن ما هو غير ذلك

ما هى ارائكم؟

[ريمون]

منع عاطف عبيد وفاروق حسني وأسامة الشيخ و 9 رجال أعمال من مغادرة البلاد

وادى خبر اهه عن منع 9 رجال اعمال من مغادره البلد

ايه رأيكوا يا جدعان؟

انا نفسى نحارب الفساد و المفسدين

بس بصراحه خايف من تطفيش رأس المال