المسخرة والتسطير ... في طريقة إختيار الوزير

[se_ Elsyed]

طبعاً معظمنا عرف دلوقت إزاي مبارك وأل بتيه كانوا بيختاروا الوزراء ؟

واللي ما يعرفش نعرفه ... ذوق عافية هانعرفه

- عارفين كلنا دلوقت وزير التعليم والتعليم العالي د / أحمد جمال الدين اللي ما كملش سنة قبل كده وتم خلعه .... طيب .. حلو قوي

عشان نرجع للقصة من اولها ... من أول مبارك لما أبتدا يشرك إبنه في إدارة المحل ... كانت المدام أو زي ما بيسموها الهانم الكبيرة بتشارك في الإدارة هي روخره ... وأبويا الحج مبارك كان سايب لها التعليم والثقافة والصحة تلعب فيهم ... الناس لبعضيها في فندم وأهو تشيل عنه شويه والست مالهاش غير بيت جوزها .. وضل راجل ولا ضل حيطه .. والست الجدعة هي اللي تقف جنب جوزها في الازمات .. يعني ممكن لما يتعذر في قرشين تروح خالعة غوشتين وبايعهم له وكده يعني ... يتعذر في وزارتين تروح متدخله ومشكلة هي كمان .. كدهوت يعني

حصل إيه بقى ؟

في مره إتصلت الهانم باحمد نظيف وقالت له شيل وزير التعليم يا حج ... وعشان كل الوزرا من أول نظيف لحد لطيف لحد خفيف .. كانوا بيعملوا بيبي على نفسهم لما الراجل الكبير يكلمهم او حد من اهل بيته .. فنسي يسألها أنهو فيهم بالظبط التعليم العالي ولا التربية والتعليم ؟ ... أه والله ... راح مدي أوامرة بخلع عمرو عزت سلامه اللي كان رئيس جامعة القاهرة وتولى منصب وزير التعليم العالي والبحث العلمي .. وبالفعل بلغوا الراجل وقالوا له روح عند مامتك عشان عاوزاك ...

راحت إتصلت تاني الهانم برضوا وقالت لهم .. يخرب بيوتكو .. أنا قصدي أحمد جمال الدين .... ههههههههههه . راحوا متصلين وشايلين الراجل هو كمان .. ومعاه عصام شرف وزير النقل اللي قالوا عليه إنه من الإخوان المسلمين . وقالوا على أحمد جمال الدين إخوان هو كمان وهو كل علاقته بالإخوان إن الدكتور جمال حشمت الإسم البارز في الأخوان يبقى إبن خالته ..

المهم شالوه وإتصلت هي تاني وقالت لهم : هاتوا لي بقى دكتور الأطفال اللي كان بيدي التطيعم لعلاء وجمال وهما صغننين ... اه والله .. راحوا جايبين لها حسين كامل بهاء الدين اللي قعد فترة كبيرة في الوزارة ..

المهم .... جه تغيير وزاري وكان حسين كامل بهاء الدين في بطنه بطيخه صيفي إنه مش هايشال ... راح إتشال بورقة معفنه وإترمى بره من غير ما حد يعرف السبب لحد دلوقت .. إحتمال جمال قال لها : ماما ماما . الراجل ده كانت إيده تقيله في الحقن ومره قولت أي لما أدني تطيعم الجدري وأنا عندي سنة ونص ... ...

وطول ما التليفون مع المدام كانت بتسلي نفسها وتتصل برئيس الوزرا .. بدل ما تكلم فلانه وعلانه وتجيب في سيرة الناس وكده ... المهم إتصلت وقالت لهم في دكتور حاسب ألي في إسكندرية كدهوت أنا شوفته مره .. هاتوه ....

راحوا جايبين يسري الجمل .. وخلاص الوزارة إتشكلت وهايحلفوا اليمين ...

راحت شافت يسري الجمل وقالت مين ده ؟

قالوا لها ده اللي حضرتك إخترتيه يا هانم وزير للتعليم ...

قالت لهم : الله يخرب بيوتكو .. مش هو ده .. أنا اقصد واحد تاني هههههههههههههههههههههههه

وهي كانت تقصد حسن ندير خير الله وبرضوا بيشتغل في مجال الهندسة الكهربائية بالأكاديمية البحرية بإسكندرية

فقالت لهم : خلاص طالما اللي حصل حصل ... راضوه الراجل ده بأي حاجه يا أغبيا

راحوا معينينه بعد سنة رئيس لجامعة الإسكندرية

وطبعاً ما كانش في وقت .. فيسري الجمل لبس البدلة وبقى وزير ....

------------------

نكمل بعدين وهاقول لكم على شوية عك للراجل الكبير هو كمان . إشمعنى هو يعني

ملحوظة : الكلام اللي فوق ده مش تهريج .. لكن ده حقيقة كاملة ومن مصادر موثوق فيها يا حضرات

[م تيمور المراغي]

آآآآآه يا بلدي !!

[ذهبية]

بما انك واصل بقى وعارف كل الاسرار

ياريت يا سين سين

تكمل جميلك زى ما جيبت سر تقليب وزير من وزير

عايزة سر تثبيت وزير ووزير

الوزراء اللى متثبتين سنين و سنين فى الكرسى كانوا قاعدين و متبتين

اية سرهم بقى

على سبيل المثال و ليس الحصر

فاروق حسنى

صفوت الشريف

فتحى سرور

[م تيمور المراغي]

على سبيل المثال و ليس الحصر

فاروق حسنى

صفوت الشريف

فتحى سرور

سوزي

الكنترول

موافقة

!!

[fatfouta]

مش ده الفيلم بتاع احمد زكى اللى هو ماعرفش اسمه

باين....سيادة الوزير ولا ايه؟؟؟؟

[mustafagamiel]

لكن ده حقيقة كاملة ومن مصادر موثوق فيها يا حضرات

ممكن نعرف هذه المصادر لان احيانا في اخبار لايتقبلها العقل

والاخبار دي بصراحة صعبة جدا مع احترامي الشديد لكم لكن من حقنا نعرف المصادر

[aimen]

ممكن اعرف ايه حكاية الكنترول دى ؟؟؟ :blush2:

انا عامل زى الأطرش فى الزفة بقالكم شهر بتكلموا عليها وانا مش فاهم

[Alattar]

يا وقعة طين

مش بعيد تقوللنا ان وزير التجارة ده كان صاحب محل و عجبتها طريقته في تربية الزبون قامت خلته

وزير تجارة...

[YOUR BROTHER]

ممكن اعرف ايه حكاية الكنترول دى ؟؟؟ :blush2:

انا عامل زى الأطرش فى الزفة بقالكم شهر بتكلموا عليها وانا مش فاهم

خد عندك حكاية الكنترول

صفوت الشريف

[fatfouta]

ممكن اعرف ايه حكاية الكنترول دى ؟؟؟ :blush2:

انا عامل زى الأطرش فى الزفة بقالكم شهر بتكلموا عليها وانا مش فاهم

وانا كمان عشان من اول ما الثورة ابتدت وسى السيد هو وبعض الاعضاء يقولوا انا جبتها من الكنترول ويطلع الكلام صح

لا انا ماحبش التعتيم الاعلامى ده مش هتبقوا انتوا والتليفزيون المصرى

:protest: :protest:

[عنبو]

ممكن اعرف ايه حكاية الكنترول دى ؟؟؟ :blush2:

انا عامل زى الأطرش فى الزفة بقالكم شهر بتكلموا عليها وانا مش فاهم

وانا كمان عشان من اول ما الثورة ابتدت وسى السيد هو وبعض الاعضاء يقولوا انا جبتها من الكنترول ويطلع الكلام صح

لا انا ماحبش التعتيم الاعلامى ده مش هتبقوا انتوا والتليفزيون المصرى

:protest: :protest:

بما انى لسه ارجع من الموقع والشمشه ضربتنى وحاسس انى شارب سيجارة بانجو اخضر بالعرانيس بتعته المهم

الكنترول يتكون من مقطعين

الكنت : وهو نوع من انواع السجاير

رول : وهى اللفه يعنى

ولذا الكنترول معنها سجاير كنت ملفوفه

وصفوت( الشريف ) كان اساسا بيبع سجاير كنت ملفوفه ( كنترول يعنى )

وكان كل زبون يشترى منه سجاير كنت ملفوفه كان يقوم بتصويره

ولو العضو ده فكر بس انه يشترى سجاير كنت ملفوفه من اى واحد بره يقوم يهدده بالصور اللى عنده

والسلام عليكم ورحمة الله وبركاته

_________________________________________________________________________________________

كمل بقى يا سين سين عاوزين نعرف ازاى تم اختيار على المصيلحى لانه معرفه شخصيه ؟

[dongol]

علي ما أتذكر ان احمد جمال الدين دخل الوزارة بعد حسين كامل بهاء الدين بفترة طويلة وليس العكس

[عنبو]

علي ما أتذكر ان احمد جمال الدين دخل الوزارة بعد حسين كامل بهاء الدين بفترة طويلة وليس العكس

فعلاً احمد جمال الدين جه بعد حسين كامل بهاء الدين

يعنى سين سين كان بيسرح بينا بقى

الواحد لازم يكون دبوس على رأى احمد سيف

كنت فاكرك فاكرك طلعت اتاريك اتاريك

[م تيمور المراغي]

http://www.youtube.com/watch?v=BVJfSwDbc6c&feature=player_embedded

[se_ Elsyed]

علي ما أتذكر ان احمد جمال الدين دخل الوزارة بعد حسين كامل بهاء الدين بفترة طويلة وليس العكس

عندك .. حق ... كنت بأكتب وأنا مستعجل عشان نازل .... أحمد جمال الدين جه مباشرةً بعد حسين كامل بهاء الدين ...

ههههههههه

بس مش فارقه ....

ممكن اعرف ايه حكاية الكنترول دى ؟؟؟

ذاكر بقى يا أيمن

صفوت اللاشريف من ايام عبد الناصر وهو ظابط مخابرات .. ومسئول عن إدارة إسمها " الكنترول " يعني السيطرة

السيطرة على مين ؟

على الفنانات الستات يعني ... وكان بيسرحهم .... على بلاطه كده ... ويستغلهم في إقامة علاقات جنسية غير مشروعة مع رجال السياسة والمعارضين وأحياناً كثيرة رجال سلك دبلوماسي من دول أخرى عشان يحصلوا منهم على معلومات ...

قواد يعني

----------

ممكن نعرف هذه المصادر لان احيانا في اخبار لايتقبلها العقل

ليه يا ريس ... هو كل الأفلام دي وهات وخد وشيل وودي .. مش حصلت ؟

بعض هذه المصادر من اصدقاء لي قريبين من مراكز صنع القرار ......

وبعضهم مازالوا يعملون في مكتب وزير التعليم

وبعدين أنا كنت فاكر إن موضوع أجمد جمال الدين وعمرو عزت سلامه معروف للجميع .. على فكرة اللي فكرني بالموضوع ده اللي كنت عارفه من زمان أحد البرامج الحوارية بالأمس وإتقالت القصة بإختصار ....

---------

مش ده الفيلم بتاع احمد زكى اللى هو ماعرفش اسمه

باين....سيادة الوزير ولا ايه؟؟؟؟

لأ يا فتفوته ... فيلم معالي الوزير توجد أخبار قوية على إن المقصود به فاروق حُسني .. فعلاً كان بالغلط هو كمان .. ولما جربوه وشافوه حلو بالنسبة لهم خلوه معاهم

-------------

طب خدوا دي ...

لما في التعديل الوزاري الموسع جاب ممدوح البلتاجي من وزارة السياحة وودوه الإعلام في يوليو 2004 وأنس الفقي مسك وزارة الشباب والرياضة في نفس التوقيت .. وبعدها في فبراير 2005 جابوا الفقي الإعلام ... وودوا البلتاجي الشباب والرياضة

وبعدها بيومين .... شال البلتاجي - قالوا عشان ظروف صحية - ولغوا وزارة الشباب والرياضة خالص وقسموها إتنين

جهاز الشباب وتولاه صفي الدين خربوش

وجهاز الرياضة وتولاه حسن صقر

حصل ولا لأ ؟

[Alattar]

علي ما أتذكر ان احمد جمال الدين دخل الوزارة بعد حسين كامل بهاء الدين بفترة طويلة وليس العكس

عندك .. حق ... كنت بأكتب وأنا مستعجل عشان نازل .... أحمد جمال الدين جه مباشرةً بعد حسين كامل بهاء الدين ...

ههههههههه

بس مش فارقه ....

ممكن اعرف ايه حكاية الكنترول دى ؟؟؟

ذاكر بقى يا أيمن

صفوت اللاشريف من ايام عبد الناصر وهو ظابط مخابرات .. ومسئول عن إدارة إسمها " الكنترول " يعني السيطرة

السيطرة على مين ؟

على الفنانات الستات يعني ... وكان بيسرحهم .... على بلاطه كده ... ويستغلهم في إقامة علاقات جنسية غير مشروعة مع رجال السياسة والمعارضين وأحياناً كثيرة رجال سلك دبلوماسي من دول أخرى عشان يحصلوا منهم على معلومات ...

قواد يعني

----------

ممكن نعرف هذه المصادر لان احيانا في اخبار لايتقبلها العقل

ليه يا ريس ... هو كل الأفلام دي وهات وخد وشيل وودي .. مش حصلت ؟

بعض هذه المصادر من اصدقاء لي قريبين من مراكز صنع القرار ......

وبعضهم مازالوا يعملون في مكتب وزير التعليم

وبعدين أنا كنت فاكر إن موضوع أجمد جمال الدين وعمرو عزت سلامه معروف للجميع .. على فكرة اللي فكرني بالموضوع ده اللي كنت عارفه من زمان أحد البرامج الحوارية بالأمس وإتقالت القصة بإختصار ....

---------

مش ده الفيلم بتاع احمد زكى اللى هو ماعرفش اسمه

باين....سيادة الوزير ولا ايه؟؟؟؟

لأ يا فتفوته ... فيلم معالي الوزير توجد أخبار قوية على إن المقصود به فاروق حُسني .. فعلاً كان بالغلط هو كمان .. ولما جربوه وشافوه حلو بالنسبة لهم خلوه معاهم

-------------

طب خدوا دي ...

لما في التعديل الوزاري الموسع جاب ممدوح البلتاجي من وزارة السياحة وودوه الإعلام في يوليو 2004 وأنس الفقي مسك وزارة الشباب والرياضة في نفس التوقيت .. وبعدها في فبراير 2005 جابوا الفقي الإعلام ... وودوا البلتاجي الشباب والرياضة

وبعدها بيومين .... شال البلتاجي - قالوا عشان ظروف صحية - ولغوا وزارة الشباب والرياضة خالص وقسموها إتنين

جهاز الشباب وتولاه صفي الدين خربوش

وجهاز الرياضة وتولاه حسن صقر

حصل ولا لأ ؟

أهي الحتة الأخيرة دي يا س س ..فكرتني بلعبة المكعبات..أو الميكانو