بلاغة عامة المصريين

[Gharib fi el zolomat]

كنت فين يا لاه لما قلت انا الاه

مثل سويدى جديد نوفى

[Farida]

فيه ايه يا كليو مواطن جمال ايه و استعارة و كنايه ايه المثل المصرى هو بعبله كده جميل .....اقولك احنا نقولك على المثل و انتى طلعى اللى نفسك فيه منه ايه رأيك فى المثل ده :

-يا مستنى السمنه من بطن النمله يبقى عمرك ما حا تقلى

[G.G]

لو كل واحد ما طلعش مواطن الجمال بتاعته,, كليو هتيجي توررينا!!! mf)

المثل بتاع البصل و التفاح يقابله عندنا : إدي العيش لخبازه! صح eey::

[kfaya]

الى جىجى القاطنه بناحية دير النحاس .....

طلعى مواطن الجمال من نفسك بدل التفتيش و البهدلة .....

ما هو موطن الجمال فى العيش ؟؟؟؟ هل كان مفقع مثلا ؟؟؟ ولا طرى ؟؟؟؟ كان عيش ابو شلن ولا طباقى ببريزه ولا أبو ربع جنيه ؟؟؟؟ قولى يا جىجى ...قولى

ثم خبازه ؟؟؟؟؟ هل الجمال مثلا فى الشوال الملفوف حول وسطه ؟؟؟؟ ولا بياض وجهه من أثر الدقيق ؟؟؟؟؟ ولا أحمرار و جنتيه من أثر الفرن ؟؟؟؟

لو قلتى أنا أضمنلك صاحبة الدكان مش هتعملك حاجة ..... mf)

[Cleo]

فيه ايه يا كليو مواطن جمال ايه و استعارة و كنايه ايه المثل المصرى هو بعبله كده جميل .....اقولك احنا نقولك على المثل و انتى طلعى اللى نفسك فيه منه ايه رأيك فى المثل ده :

-يا مستنى السمنه من بطن النمله يبقى عمرك ما حا تقلى

كلام جميل....

نبتدى من بكرة عشان انا لسة جاية من اسكندرية وهامووووت من التعب...

[kfaya]

الأمثال الأجنبية حينما نقولها .... ليس لها طعم و لا مزاق الأمثال المصرية اللذيذة و التى تذهب مباشرة الى المعنى المراد ايصالة ... يعنى مثلا حينما تريد أن تدلل على أن البعيد عن المشكلة ليس كمن بداخلها , و مع ذلك عمال يتفلسفف و مش عاجبة الحلول التى أتخذها صاحب المشكلة ...... نستغنى عن كل ذلك بقول :

" اللى على البر عوام "

أظن مواطن الجمال باينة و واضحة .....

[kfaya]

فى كام مثل بحبهم و دائما بقولهم لنفسى .... ممكن أقولهم بس من غير جمالات و لا حاجة ؟؟؟؟

أجرى يا بن أدم جرى الوحوش ... غير رزقك لن تحوش

حط اصبعك فى عينك ...زى ما يوجعك , يوجع غيرك

الل ما بيشوفش من الغربال ... يبقى أعمى

[kfaya]

و فى كام مثل ناس كتير مش بتحبهم ....

أمشى فى جنازة .. و لا تمشى فى جوازة

المثل ده بيخوف ناس كتير ... و مع أنهم يعرفون شبان مناسبين لشابات من كافة الوجوه ... لكن هذا المثل يجعلهم يأخذون بالأحوط و لا يقدمون على خطوة التقارب و التعريف ..... و هذا يحرمهم من ثواب كبير فى حالة اتمام الزواج و ذلك خوفا من اللوم فى حالة الفشل ....

و كمان المثل القائل :

صباح الخير يا جارى ... انت فى حالك و أنا فى حالى

اللى بيطبق المثل ده بيخسراخوة و أصدقاء , ربما كانوا له أقرب من الأهل .... و طبعا كما فى العائلة الواحده , الطيب و الخبيث , كذلك فى الجيره ......

أسف يا جماعة انا خرجت برة الموضوع خالص .....

[mohamed]

انا هذكر كلمة يتفرد بها المصريون عن باقى شعوب العالم

واشك انك تلاقى لها مقابل فى اللغات الاخرى

هى مش مثل الحمد لله عشان معدش اطلع مواطن جمال

كفاية اللى جرى لنا فى الثانوية العامة

نرجع لموضوعنا

كلمة ( البتاع )

انا مرة كنت داخل على منتدى كل اللى فيه من الشام المهم لقيت واحد كاتب بيقول انا بحسد المصريين على كلمة البتاع

لانهم بيقدروا يوصفوا اى حد هما عايزيينه من غير اما يضطروا انهم يذكروا اسمه

وطبعا كلنا عارفين قصيدة البتاع للفاجومى نجم النجوم

لما وصف فيها البتاع من غير اما يذكر اسم البتاع ده بس الناس كلها فهمت مين البتاع

عقبال البتاع اللى كاتم على نفسنا ما يغور