حكايتك إيه مع الثورة؟؟

[لماضة مصرية جدا]

السلام عليكم و رحمة الله و بركاته

كلنا عشنا الثورة

عشناها في اللقطات الاخبارية

و في صفحات الفيس بوك

و بقينا خايفين لا يفوتنا خبر من هناو لا هناك علي تويتر

و في وسط الزخم ده

كنت حاسة دايما ان فيه حاجة ناقصة

ناقص حتة

ايوة

حكايتك...انت.....

حكايتك انتي

يا تري الثورة غيرت فيك...فيكي ايه

الثورة اللي اتولدت فينا كلنا كشعب يا تري جوانا ايه اللي اتولد معاها

لحظاتنا الشخصية و حكايانا الخاصة هي وقود الروح اللي لازم تستمر

يمكن احنا منزلناش في الميدان....و لا شفنا الضحكة اللي اترسمت علي وش العروسة مصر

لكن كل واحد فينا جواه حاجة اتغيرت

التوبيك هنا....مساحة لينا كلنا....احكولنا....الثورة عملت في حياتكم انتم ايه؟؟

سيبوا الكلام يطلع من غير حساب....بلاش تعدلوا المداخلة....سيبوا الحروف تنساب زي ما هي

خلونا نوثق ثوراتنا اللي اتولدت جوانا

يمكن عشان نتلمس طاقة نور....تخلينا نحافظ علي الروح اتولدت دي

و في يوم ما تتوه مننا....نرجع نلاقيها هنا تاني

مصدقة دايما ان البني آدم هو اللي بيعمل الفرق....و مصدقة ان مساحاتنا اللي بنصنعها في المحاورات....اكيد بتعمل فرق

اكتب....طلع ثورتك من جواك...و خلينا نوثق اهم ثورة لاهم ثروة....ثروة مصر هي الناس

و ثورتها هي الافكار اللي بتتغير....و الحياة اللي بتتبدل

الموضوع بتاعكم

صباحكم.....مساكم...حكايا....استثنائية جدا...لانها منكم أنتم

[Dreamwithme]

الله عليكي يا لماضة أنت ومواضيعك الجامدة اللي بتخلي الواحد يدخل في أعماق أعماق نفسه

حكايتي أيه مع الثورة .........يمكن لغاية دلوقتي مش قادرة أحكي مواقف حقيقية

يمكن لأني لغاية دلوقتي غير متزنة ...... ولم أعد لطبيعتي الهادئة السابقة ولأني مابحبش أتكلم وأنا منفعلة

ولسه لغاية دلوقتي جواية ثورة وقلق وترقب ومش قادرة أهدي

عندي حكايات كتيرة منها المؤلم ومنها المضحك لأني ربنا أراد أني أكون ساكنة بالقرب من ميدان التحرير ووزارة الداخلية

فبالتالي عشنا أيام رعب حقيقية لم أكن أتخيلها

الحمد لله ربنا رزقني التواجد في الميدان نفسه لبعض الأيام وليس كلها

حكايات كثير وذكريات أكثر كلها داخلة في بعض

أحيانا وأنا ساكتة مع نفسي أفتكر موقف أضحك وأفتكر منظر تاني أبكي في الثانية اللي بعديها

لكن الأكيد أن جوايه حاجات كتير أتغيرت وده اللي ممكن أقوله

أن الخوف انطرد من قلبي ولم يصبح له مكان لأن خلاص لم يعد هناك وقت ولا مكان للخوف

لأن حتي لم لو تبادر للثورة وكنت قاعد في بيتك في البداية زي حالاتي في الأول

فالرعب والخوف اقتحم منزلك وأمانك واكتشفت أن الطوفان مستعد يأخد أي حد معاه في مقابل أنه يفضل علي الكرسي

حاجة تانية جملة ماليش في السياسة دي اتشطب عليها للأبد في قلوب كل المصريين

أنا مامتي طول عمرها مالهاش دعوة بأي شئ وماكنتش تعرف أن في حاجة اسمها قانون طوارئ ( أه والله أنا كمان مش مصدقها)

لكن هي نفسها دلوقتي اللي كانت بتساعد في التحرير واللي دلوقتي مصرة أن شفيق لازم يمشي

النقطة المهمة جدا اللي صحيت جوانا من تاني أن البلد دي بلدنا بتاعتنا يعني معادش ينفع الواحد يقول ماليش دعوة

ودي حاجة يمكن مهما وصفت مش هأقدر أعبر عنها أزاي الناس اللي طول عمرهم سامحوني في اللفظ متنقعرين وطبقييين لأقصي درجة

دلوقتي أنا شايفاهم بعيني ماسكين مقشة وبيكنسوا الشارع و بيأخدوا تعليماتهم من البواب بتاع العمارة

أعرف واحد قريب ليا شاب وهو طبقي جدا وطول عمره ينظر باحتقار لمن أقل منه أجتماعيا قالي بالحرف الواحد

بعد أول ليلة في اللجان الشعبية قال لي جه عليا الوقت اللي أقول لواحد اسمه كعبورة شكرا .....وكعبورة ده يبقي صبي الجزار

اللي فتح محل الجزارة وسلح شباب المنطقة بالساككين لحماية المنطقة من هجوم البلطجية

وبالتالي بما أنه هو المسيطر علي السلاح وهو اللي علمهم كيفية استخدامه أصبح قائد المقاومة الشعبية

سؤال لوذعي في دماغي مش قادرة لغاية دلوقتي أفهمه أزاي شباب بعصيان المقشات وسكاكين قدروا يقفوا ويخوفوا بلضجية معاهم رشاشات؟!

أزاي ماما اللي بتخاف علي ابنها لدرجة مرضية هي هي نفسها تديله أيد المقشة وتنزله تحت البيت وهي سامعه صوت الرصاص حوالين البيت

وشايفين الحرائق حوالين البيت وبالرغم من كده تشجع الثورة وتقولي الراجل ده (مبارك) لازم يمشي

طولت عليكم بس لماضة هي اللي فتحتني وللقصص بقية إن شاء الله

[م تيمور المراغي]

الحكاية بدات قبل الثورة

اليوم : الاحد

التاريخ : 16 يناير 2011

الساعة : التاسعة صباحا - توقيت القاهرة

الرسالة :

تم تامين وسيلة الاتصال ,,

الرقم الجديد هو :******0122

المرسل :

نور حمدي

مسئول التنسيق في احد الحركات الشبابية الداعية للثورة ,,

10 ثوان من التفكير ,,

10 سنين من التفكير

و ,,

يتبع ...

[لماضة مصرية جدا]

الله عليكي يا لماضة أنت ومواضيعك الجامدة اللي بتخلي الواحد يدخل في أعماق أعماق نفسه

حكايتي أيه مع الثورة .........يمكن لغاية دلوقتي مش قادرة أحكي مواقف حقيقية

يمكن لأني لغاية دلوقتي غير متزنة ...... ولم أعد لطبيعتي الهادئة السابقة ولأني مابحبش أتكلم وأنا منفعلة

ولسه لغاية دلوقتي جواية ثورة وقلق وترقب ومش قادرة أهدي

عندي حكايات كتيرة منها المؤلم ومنها المضحك لأني ربنا أراد أني أكون ساكنة بالقرب من ميدان التحرير ووزارة الداخلية

فبالتالي عشنا أيام رعب حقيقية لم أكن أتخيلها

الحمد لله ربنا رزقني التواجد في الميدان نفسه لبعض الأيام وليس كلها

حكايات كثير وذكريات أكثر كلها داخلة في بعض

أحيانا وأنا ساكتة مع نفسي أفتكر موقف أضحك وأفتكر منظر تاني أبكي في الثانية اللي بعديها

لكن الأكيد أن جوايه حاجات كتير أتغيرت وده اللي ممكن أقوله

أن الخوف انطرد من قلبي ولم يصبح له مكان لأن خلاص لم يعد هناك وقت ولا مكان للخوف

لأن حتي لم لو تبادر للثورة وكنت قاعد في بيتك في البداية زي حالاتي في الأول

فالرعب والخوف اقتحم منزلك وأمانك واكتشفت أن الطوفان مستعد يأخد أي حد معاه في مقابل أنه يفضل علي الكرسي

حاجة تانية جملة ماليش في السياسة دي اتشطب عليها للأبد في قلوب كل المصريين

أنا مامتي طول عمرها مالهاش دعوة بأي شئ وماكنتش تعرف أن في حاجة اسمها قانون طوارئ ( أه والله أنا كمان مش مصدقها)

لكن هي نفسها دلوقتي اللي كانت بتساعد في التحرير واللي دلوقتي مصرة أن شفيق لازم يمشي

النقطة المهمة جدا اللي صحيت جوانا من تاني أن البلد دي بلدنا بتاعتنا يعني معادش ينفع الواحد يقول ماليش دعوة

ودي حاجة يمكن مهما وصفت مش هأقدر أعبر عنها أزاي الناس اللي طول عمرهم سامحوني في اللفظ متنقعرين وطبقييين لأقصي درجة

دلوقتي أنا شايفاهم بعيني ماسكين مقشة وبيكنسوا الشارع و بيأخدوا تعليماتهم من البواب بتاع العمارة

أعرف واحد قريب ليا شاب وهو طبقي جدا وطول عمره ينظر باحتقار لمن أقل منه أجتماعيا قالي بالحرف الواحد

بعد أول ليلة في اللجان الشعبية قال لي جه عليا الوقت اللي أقول لواحد اسمه كعبورة شكرا .....وكعبورة ده يبقي صبي الجزار

اللي فتح محل الجزارة وسلح شباب المنطقة بالساككين لحماية المنطقة من هجوم البلطجية

وبالتالي بما أنه هو المسيطر علي السلاح وهو اللي علمهم كيفية استخدامه أصبح قائد المقاومة الشعبية

سؤال لوذعي في دماغي مش قادرة لغاية دلوقتي أفهمه أزاي شباب بعصيان المقشات وسكاكين قدروا يقفوا ويخوفوا بلضجية معاهم رشاشات؟!

أزاي ماما اللي بتخاف علي ابنها لدرجة مرضية هي هي نفسها تديله أيد المقشة وتنزله تحت البيت وهي سامعه صوت الرصاص حوالين البيت

وشايفين الحرائق حوالين البيت وبالرغم من كده تشجع الثورة وتقولي الراجل ده (مبارك) لازم يمشي

طولت عليكم بس لماضة هي اللي فتحتني وللقصص بقية إن شاء الله

السلام عليكم و رحمة الله و بركاته

مين قال انك طولتي

يا بنتي طولي براحتك....طلعي اللي جواكي

فاكرة يا دريماول مشاركاتك هنا دخلتي و حطيتي اغنية حمزة نمرة "احلم معايا"

و قولتيلنا ان اختيارك للاسم بتاعك هنا للمحاورات هو عشان دايما نفكر....و نحلم

و الحلم دلوقتي بقي علم

بقي حاجات كتيرة ملموسة....عبرتي عنها بعفوية جدا في شخص ماما و كعبورة و سلاح السكاكين الميداني....و حاجات كتيرة اتغيرت جواكي انتي كمان

بطلتي تخافي....سؤال بقوله لنفسي و بقوله ليكي

طب هو احنا قبل كده كنا خايفين من ايه؟؟؟

مش قادرين نصدق احلامنا اوي كده ليه

مش يمكن كنا اختصرنا الوقت....ووصلنا لحلمنا اسرع

اكتبي يا دريم....و سعيدة جدا بتواجدك هنا....لانه تواجد "احلم معايا"

و مش عايزين اكتر من كده

نحلم.....نكتب....ندون....نصدق احلامنا....عشان لسه المشوار طويل...و لازم ليه روح قتالية

صباحك....بكل قوة و حلا و غلا...."احلم معايا"

[لماضة مصرية جدا]

الحكاية بدات قبل الثورة

10 ثوان من التفكير ,,

10 سنين من التفكير و ,,

يتبع ...

السلام عليكم و رحمة الله و بركاته

طب هتنزل بيها في 10 حلقات و لا ايه....(وش عيل لمض و مشاكس)

متابعة بشغف جدا.....عشان عندي سؤال نط في دماغي....

10سنين من التفكير....

حسمتهم 10 ثواني من التفكير برضه

يبقي ايه شكل الحلم....و ايه شكل التغيير

منورنا وجودك باشمهندس....و في انتظار البقية

صباحك......لحظات تفكير حاسمة

[fatfouta]

عارفة يا لمضوضة عاوزة احكى حاجات كتييييير هريتبها وارجع تانى

بس العيال ماكانوش بياكلوا والرز كان بيتحرق ويشيط

لدرجة ان محمد ابنى كان عاوز يخرج فى يوم وقاللى قلتله لا استنى لما نشوف بس هيحصل ايه

راح اوضته وقعد ومعدية بالصدفة لقيته بيقول.....الله يخرب بيتك يا مبارك

هرجعلك تانى ان شاء الله

تم تعديل 24 فبراير 2011 بواسطة fatfouta

[Om Zayd]

دي كانت مشاركة في رسائل زيد

أكبر .. أكبر

يعلو صوت زيد بهذا الهتاف

الله أكبر .. الله أكبر

ترتفع اليه أعين متوترة .. وجوه قلقة و ابتسامات مغتصبة

رجال الحي و فتيانه يجوبون الشارع حاملين ما تيسر من أسلحة

عصي هوكي.. سكاكين .. شوم

بابا .. بابا

داديييييييييييي

لمح والده في آخر الشارع

مشغول بتنظيم الدوريات و النوبات

الأنباء تتوالى عن بلطجية يقتربون من منطقتنا

لم يسمعه

يلتفت زيد اليّ متسائلا .. بابا جاي يا حبيبي بعد شوية

يرتعش صوتي قليلا و أنا أضيف

بالسلامة بإذن الله

أحاول ادخاله من الشرفة .. بعد صراع و صراخ .. و كثير من الاقناع .. يستجيب أخيرا

عيناه معلقتان بالباب ..مع كل صوت يهرع اليه صائحا ..بابا

ليس بعد صغيري .. أمامه ليلة طويلة

تمر الدقائق بطيئة .. يرفض زيد النوم

ينتظر حكايات والده

أحاول الانشغال بمتابعة التلفاز

القنوات تغطي المظاهرات الحاشدة و الأحداث الدامية

مسر .. مسر

يهتف زيد في حماس ملوحا بيديه

أمنع الدموع من الانهمار

فجأة

ينتفض زيد .. هزتنا أصوات رصاص في منطقتنا الهادئة

أتمالك أعصابي و أحتضنه و أنا أقلد صوت الرصاص

طاخ طاخ

أتضاحك معه

و أنا أدعو .. يا رب .. يا رب .. يا رب

لا زالت المشاعر مضطربة

قلق و أمل

يقين بالله و أنه لن يضيعنا

خوف ألا نستمر .. أن نتوقف قبل أن نحقق ما نريد

أن نُسرق

لكن

كلما نظرت لابني .. أحسست أن المستقبل أفضل

أنني لا أتركه لبلد يريدون الرحيل عنه

بل يفخرون بالانتماء اليه

ربنا يعيننا و يتم لنا على خير

[Howayda Ismail]

نداء للماضة

اعذري خروجى عن الموضوع مش عارفة ارسلك على الخاص

باكتب لك يوميا من 5 ايام وتظهر عبارة ( لماضة لاتستطيع استقبال رسالة جديدة )

حتى مكان كتابة تعليق لك غير موجود ولما فشلت سألت عليك دريم

شوفى صندوق الرسائل

لنا عودة للحديث عن الثورة ان شاء الله

[لونا]

موضوع جميل كالعادة يا لماضة

أنا حبدأ بدري أوي .. قبل الثورة

لما بدأت الدعوات لتنظيم مظاهرات يوم 25 يناير

كنت قلقانة جدًا و أنا باشوف الدعوة بتملى كل مكان على النت

و كنت خايفة ..

كنت خايفة زي ناس كتير من إن البلد تتدمر ..

وتنقلب من ثورة سلمية إلى ثورة كما يطلق عليها للرعاع ..

و اللي كان مخوفني أوي .. الفرق الكبير بين طبقة الأغنياء و الفقراء و المهمشين جدًا في مصر

الفرق اللي ترك عن قصد يزيد .. ليزداد الفقير فقرًا .. و الغني غنىً

و كمان لأن الطبقة المتوسطة مشغولة جدًا بلقمة العيش

و الطبقة دي كانت خايفة كمان من الانخراط في أي شيء له علاقة بالسياسة

و كنت مرعوبة كمان إن العدد اللي يطلع يكون قليل .. كام ألف في القاهرة و خلاص..

و ده يؤدي لاحتمالين :

إما ينزل الأمن عليهم و يلم اللي يقدر عليه .. و كنت خايفة عليهم لأنهم صفوة الشباب ..اللي أخيرًا إتحرك

أو إن الموضوع يعدي زي أي مظاهرة صغيرة .. و خلاص و تعدي

و بكدة نفقد كلنا أي أمل في التغيير السلمي

و كنت حاطة إيدي على قلبي لغاية يوم 25

إيه ده ؟

أنا طولت أوي .. :blink:

TO BE CONTINUED

تم تعديل 24 فبراير 2011 بواسطة لونا

[المهندسه]

لماضه حبيبتى موضوع جميل اوى

عارفه يا لماضه...اول ما الثوره حصلت و بدأت احس ان الوضع بقه خطر فعلا و انها مش مجرد ثوره بسيطه او مظاهره و بعدين كل واحد هيرجع يتلخم فى لقمه العيش

اول ما حسيت ان الموضوع بجد فعلا و بدأت اقرأ شويه على المنتدى و شويه على الفيس بوك و اشوف التليفزيون و اتكلم مع زوجى ...اكتشفت ان كتير اوى مننا و انا منهم ماكانش عندنا اى وعى سيايى خالص ..مش فاهمين حاجات كتير فى بلدنا ...مش عارفين حكوماتنا ايه عيوبها او حتى مميزاتها ...لقمه العيش شاغلانه كلنا سواء عايشين فى مصر او بره مصر..

اكتشفت اننا مش شايفين الوضع فى بلدنا مضبوط ..فى غيامه و غيوم امامنا ..ال حطها هو النظام القديم...شغلنا اوى و لهانا اوى فى توفير لقمه العيش و خلانا نتشغل اوى عن الفساد ال فى البلد او على الاقل شايفينه بس عاملين مش شايفين و لا فاهمين و مشغولين فى حياتنا و توفير سكن مناسب و توفير حق العلاج و غيره..

لما لقيت كل حاجه فى دماغى متلخبطه ..ما بقتش عارفه ايه الصالح للبلد ..ايه الصح ..الثوره هى ال صح و لا هى ال غلط و ادينا كنا عايشين و خلاص!!!...تايهه جداا

ساعتها قولت لزوجى ..احنا لازم نربى ولادنا غير ما اتربينا ..لازم نعلمهم ازاى يكونوا فاهمين الوضع فى بلدهم و يفهموا فين مصلحتهم و مصلحة بلدهم و يعرفوا مين ال معاه مصلحتهم و مصلحة بلادنا ...يقدروا يميزوا و يفهموا و يكون عندهم وعى سيايى ...شايفين طريق صح يمشوا عليه علشان ما يضربوش على قفاهم زى ما احنا حصلنا..

انا كل شويه كنت بتصدم من حقائق فساد كانت بتظهر و ساعتها كنت بحس انى اضربت على قفايا!!!

وما اكدبش عليكم انا لغايه دلوقت خايفه جداا و مش مبسوطه ..خايفه نكون دفعنا تمن غالى اوى اوى اوى هو ارواح ولادنا و اخواتنا و خراب كبير حصل فى البلد

خايفه يكون التمن ده اكبر من ال هنحصل عليه او بمعنى اصح ما يساويش ارواح ولادنا...القلق جوايا كبيييير اوى ..مش هبقى فعلا مرتاحه او مبسوطه غير لما يعدى كام شهر و اشوف الانجازات الحقيقيه حصلت..

انا بعترف ان سلوكياتى اتغيرت ...نظرتى للامور اتغيرت كتير ...كنت دايما اعيب على الافلام ال فى الاخر الخير بينتصر على الشر و اتريق و اقول "شغل افلام و سينما"ده مش بيحصل فى الواقع ...سشلكن لقيت انه بيحصل فعلا فى النهايه الحراميه اهم شوفتهم فى القفص بعد مجد و عزه ...صدقت ان مفيش حق بيضيع وراءه مطالب

[عبير يونس]

مليش حكاية مع الثورة

و لا عايزة يبقى ليا

انا كنت باتابع من ورا الكيبورد

زي ملايين الناس من كل الجنسيات ما كانت بتتابع

قعدت 18 يوم ما بانامش

و هاملة بيتي و اولادي و بأتلف في اعصابي من غير لزمة

و في الاخر حأفضل متغربة قبل و بعد

مليش صوت و لا نفس

ضيفة على البلد اللي قاعدة فيها

و ضيفة غير مرغوب في وجودها على أرض مصر

ما هو أصل الناس في مصر ما شاء الله كتير

همة ناقصين كمان المغتربين؟؟!!

يموتوا في الغربة أكرم لهم من تسول العودة لمكان لا يرغب في عودتهم

دي ضريبة الغربة دايما

و كنت غلطانة لما فكرت ان ممكن يبقى لها نهاية

مصر حتفضل بالنسبة لي معنى و ذكرى حلوة

و حاضرها و مستقبلها الجميل للي فضلوا قاعدين فيها و ما اختاروش الهروب

يمكن افضل في السعودية

جايز

يمكن ادور على لقمة عيش في مكان تاني

جايز

بس الأكيد إني حأفضل طول عمري متغربة

ما أنا أصلي اتعودت خلاص على الهروب

و حيفضل وطني مجرد صفحات على النت في محاورات المصريين

كانت معكم

مصرية متغربة

مواطنة كيبوردية

[المهندسه]

مليش حكاية مع الثورة

و لا عايزة يبقى ليا

انا كنت باتابع من ورا الكيبورد

زي ملايين الناس من كل الجنسيات ما كانت بتتابع

قعدت 18 يوم ما بانامش

و هاملة بيتي و اولادي و بأتلف في اعصابي من غير لزمة

و في الاخر حأفضل متغربة قبل و بعد

مليش صوت و لا نفس

ضيفة على البلد اللي قاعدة فيها

و ضيفة غير مرغوب في وجودها على أرض مصر

ما هو أصل الناس في مصر ما شاء الله كتير

همة ناقصين كمان المغتربين؟؟!!

يموتوا في الغربة أكرم لهم من تسول العودة لمكان لا يرغب في عودتهم

دي ضريبة الغربة دايما

و كنت غلطانة لما فكرت ان ممكن يبقى لها نهاية

مصر حتفضل بالنسبة لي معنى و ذكرى حلوة

و حاضرها و مستقبلها الجميل للي فضلوا قاعدين فيها و ما اختاروش الهروب

يمكن افضل في السعودية

جايز

يمكن ادور على لقمة عيش في مكان تاني

جايز

بس الأكيد إني حأفضل طول عمري متغربة

ما أنا أصلي اتعودت خلاص على الهروب

و حيفضل وطني مجرد صفحات على النت في محاورات المصريين

كانت معكم

مصرية متغربة

مواطنة كيبوردية

ليه بس كده يا متغربه...

الناس كانت بتحلم بثوره يسقطوا بيها النظام...فضلوا يحلموا لغايه ما حلمهم بقى حقيقه

اتعودى تحلمى ..احلمى ترجعى بلدك و يبقى لك فيها عيشه اكرم و احسن من العيشه الكريمه ال موافراها لنا الغربه

احلمى بكده و حاولى تحققى الحلم ده..واكيد هيتحقق فى يوم من الايام ...بشرط ...تكونى عاوزه كده فعلا من جواكى

انتى عارفه ان المصرى هو المغترب الوحيد ال مهما خدته الغربه بيرجع لمصر تانى

احنا المغتربين الوحيدين ال بنوفر القرش علشان نحوش و نجيب بيت و عربيه و فلوس فى البنك فى مصر مش فى الغربه

غيرنا من ال لبانيين و السوريين و الفلسطينين و غيرهم بيعيشوا فى الغربه احسن عيشه وكأنها بلدهم الحقيقيه

مش بيبقى عندهم حلم الرجوع لبلدهم ..لانها مش ام الدنيا...لكن المصرى لاء عكس كده

حد يبقى بلده ام الدنيا و يفضل بعيد عنها طول عمره

احلمى

[Dreamwithme]

مليش حكاية مع الثورة

و لا عايزة يبقى ليا

انا كنت باتابع من ورا الكيبورد

و في الاخر حأفضل متغربة قبل و بعد

مليش صوت و لا نفس

ضيفة على البلد اللي قاعدة فيها

و ضيفة غير مرغوب في وجودها على أرض مصر

ما هو أصل الناس في مصر ما شاء الله كتير

همة ناقصين كمان المغتربين؟؟!!

يموتوا في الغربة أكرم لهم من تسول العودة لمكان لا يرغب في عودتهم

دي ضريبة الغربة دايما

و كنت غلطانة لما فكرت ان ممكن يبقى لها نهاية

مصر حتفضل بالنسبة لي معنى و ذكرى حلوة

و حاضرها و مستقبلها الجميل للي فضلوا قاعدين فيها و ما اختاروش الهروب

يمكن افضل في السعودية

جايز

يمكن ادور على لقمة عيش في مكان تاني

جايز

بس الأكيد إني حأفضل طول عمري متغربة

ما أنا أصلي اتعودت خلاص على الهروب

و حيفضل وطني مجرد صفحات على النت في محاورات المصريين

كانت معكم

مصرية متغربة

مواطنة كيبوردية

أختي الفاضلة جدا جدا والمتفائلة دائما ومعلمتي في الايجابية مصرية متغربة

اسمحيلي بقي أعترض علي رد حضرتك وأنا عارفة أن ليا معزة خاصة عندك تسمح لي أني أقول لك ماينفعش أنتي بالذات تقولي الكلام ده

مصر بتاعتنا كلنا .....كل المصريين ......والمتغربين يوم ما اتغربوا اختاروا اختيار شديد المرارة أنهم يبعدوا بجسدهم

لكن في رأيي أنهم في نفس الوقت ربنا زرع في قلوبهم اقتراب وارتباط بمصر أكثر بكثير من ناس كثير عايشين جوا مصر ونفسهم يسيبوها

الثورة دي اللي قامت .... ثورة كل المصريين .....سواء اللي نزل في المظاهرات أو اللي وقف في لجنة مراقبة شعبية

أو كل واحد كتب كلمة مصر علي صفحته في الفايسبوك أو أي مكان في الفضاء الالكتروني

الثورة شارك فيها كل قلب خاف واتخض وانقبض ودعا ربنا بينه وبين نفسه من غير ما حد يسمعه يارب احفظ مصر

الثورة أنتي بالذات شاركتي فيها لما كنتي بتقولي كل كلمة ايجابية

الثورة دي بتاعتك أنتي بالذات ......في كل لحظة كنت بتفكري في مصر وعندك ثقة أنها هتنجح وأننا هنتخلص من مبارك والنظام الفاسد

كل فكرة فكرتي فيها كانت بتشكل دعوة لربنا .....دعوة مظلوم لأن في وجهة نظري معظم المغتربيين اتظلموا لأنهم أكرهوا أنهم يسيبوا مصر ويتغربوا

وبرضه فكرتك هي هي دي شكلت طاقة ايجابية كانت بتقول لكل واحد موجود في ميدان التحرير أنتم بتمثلوا الشعب أنتم بتمثلوني فأرجوكم أثبتوا

بصي أكثر حاجة كانت بتحز في نفس الناس في ميدان التحرير أنهم يحسوا أن الناس في البيوت والناس خارج مصر تكون شايفة أنهم عملا وخونة ومضحوك عليهم

ومبيحبوش مصر ......أنا شخصيا بطلت أتكلم مع ناس كتير وبطلت أقول لحد علي اللي بعمله عشان محدش يتهمني بالتهم دي

فكرتك الصغيرة دي كانت بتبعت طاقة حب ايجابية عشان تحمي مصر

ياناس ياخلق هوه اللي كان في ميدان التحرير يوم الأربعاء الدامي كان شباب أخره يلعب بلاي استاشين يلعب كورة

الشباب الفافي زي ما بيقولوا ........أزاي دولوا قدروا علي البلطجية ؟؟؟؟؟؟؟؟؟؟؟؟؟؟؟؟؟!!!!!!!!!

أنا نفسي ساعات بسأل نفسي أنا كان بيجيلي قلب أعمل حاجات عملتها اليومين دول أزاي؟

ده كله من عند ربنا ومن طاقة الحب اللي كانت جوه قلب كل مصري سواء علي أرض مصر أو لا

لكن طالما في دم مصري بيجري في عروقك يبقي سامحيني أنت متهمة بأنك بتأكلي كنتاكي ومعاكي أجندة وكنت بتضربي البلطجية بقنابل بلوتوث

وإذا كان للأسف دلوقت مفيش آلية قانونية أن أخواننا المغتربين يشاركوا في الاستفتاء علي التعديل الدستوري

فأحنا لن نقبل إلا بدستور يسمح بمشاركة 8 مليون مغترب مصري في الانتخابات

ماتحاوليش تنكري التهم الموجهة إليكي أتفقنا؟!

[لماضة مصرية جدا]

السلام عليكم و رحمة الله و بركاته

الله عليكم

و علي مفردات حياتكم اللي اختارتو انكم تشاركونا بيها هنا

فتفوتة

مستنينك....متربيش...احكي اللي بتحسيه و احساسك العفوي هيوصل لينا كلنا

ع جنب بقي

رز شاط....و العيال مكنتشي بتاكل....يا امي يا ضنايا....مش عايزة اشوفك بره باب المطبخ :P ;)

****************

ام زايد...الخير دايما يا رب...(دياما مع زايد بنحب نقول زايد الخير ع فكرة)

خليني اقتبس منك

كلما نظرت لابني .. أحسست أن المستقبل أفضل

ايه نتمني تاني غير كده؟؟؟

مش كده قتلنا كل خوف جوانا يا تري بكرة لونه إيه؟؟؟

**********************

تانت هند علي.....

علم يافندم و تم فتح الصندرة و تهوية الايميل ...و علي راي مصراوية ربنا يرد غيبتها بخير...و شلنا الهلوس :)

***********************

لونا

اجمل ما في مشاعرنا لما نحس ان احنا مش لوحدنا اللي مرينا بيها....نفس الاحساس...الخوف و القلق و مليون سؤال بيدور في دماغك و خايفة تاخدي قرار غلط....و لحظات كتير كانت ضبابية يمكن عشان كانت فتنة حقيقية و كان اختبار عنيف

بليز بلاش...طولت عليكو.....انا هرفع يافطة علي باب التوبيك.....ابوس ايديكم طولوا...اصله توبيك طويل التيلة...احنا عايزين نغزل افكارنا و نطلع منها احلي قماشة مش عشان دلوقتي....عشان كمان تعيش معانا لسنين جاية قدام

مساكم بجد حالة ونس....و لمة....حلوة اوي

بحبكم علي فكرة... :wub: (مبقولهاش كتير...وش حد باصص في الارض و بيبص علي صوابع رجليه :closedeyes: )

[لماضة مصرية جدا]

ساعتها قولت لزوجى ..احنا لازم نربى ولادنا غير ما اتربينا ..لازم نعلمهم ازاى يكونوا فاهمين الوضع فى بلدهم و يفهموا فين مصلحتهم و مصلحة بلدهم و يعرفوا مين ال معاه مصلحتهم و مصلحة بلادنا ...يقدروا يميزوا و يفهموا و يكون عندهم وعى سيايى ...شايفين طريق صح يمشوا عليه علشان ما يضربوش على قفاهم زى ما احنا حصلنا..

السلام عليكم و رحمة الله و بركاته

اتصدقي ياهندسة...عجبتني اوي الجملة دي

و ده سؤالي...هنربي ولادنا ازاي

احنا اتربينا في اوقات كتير علي ان مبدأين..."من خاف سلم"...."و امشي جنب الحيط"

اهالينا مقصروش معانا....حتي في وقت الاحداث كنت بحس انهم بيخافوا علينا من مجرد ان فكرة التمرد...فكرة الثورة...اندفاع الحماس....كانوا بيخافوا....مع انهم مكنوش واخدين بالهم ان احنا كنا قاعدين جنبيهم يعني...

هعيد نفس السؤال...تاني...هنربي ولادنا ازاي

هنعلمهم ازاي يدوروا علي الحقيقة وسط الزيف

هنعلمهم ازاي...يثبتوا وقت الفتنة

هنعلمهم إزاي ان مصر مش بس علم و اغنية....و ماتش كورة....و يعني ايه اصلا وطن بتاعهم هما

هنعلمهم ازاي....يرفضوا....يثوروا....يعترضوا.....بمنتهي الرقي الانساني

مشوار طويل

بس هما يستحقوا....عشان المستقبل بتاعهم

انا معنديش ولاد حاليا....بس عندي حلم بيكبر و نفسي يكبر جوه مصر

مسااااكي....يقين ان من حق كل حد فينا يحلم ان فيه بكرة اجمل....للي بنحبهم

[لماضة مصرية جدا]

مليش حكاية مع الثورة

و لا عايزة يبقى ليا

انا كنت باتابع من ورا الكيبورد

كانت معكم

مصرية متغربة

مواطنة كيبوردية

السلام عليكم و رحمة الله و بركاته

عارفة يا مصرية....نفس الحالة اللي انتي بتحكي فيها دي جاتلي الاسبوعين اللي فاتوا و انقطعت عن المكان اللي بحبه جدا...(اينعم محدش سال فيا....بس مش مشكلة.....صوت ضحكااااات شقية ع الاخر)

عارفة بقي امتي حسيتها اوي

لما بتصل علي واحدة صاحبتي هنا لقيتها بتقولي انا في مصر يا ريهام....مقدرتش استني...كان لازم انزل و اشوف بعيني

و من يومين بقلب في القنوات شفت "شهير جورج"....و ده شاب كنا اتدربنا مرة في القاهرة....بجد حاجة تفرح.....لانه كان بيتكلم من قلب الثورة

اتصدقي وقتها فعلا حسيت كل اللي بتقوليه....هو انا فين.....انا ايه اللي بحكي عنه....و اوقات تانية كنت بقول لنفسي....انا مش من حقي اصلا اتكلم في الثورة مش انا اللي عملتها

كل ده حقيقي

بس خليني اقولك.....بنفس الروح اللي كانت في مداخلاتك فاكراها في توبيك موعد المصريين عن الثبات و اليقين و حسن الظن بالله

خليني اقولك....يمكن ده قدرنا ان احنا نتواجد في المنطقة الكيبوردية....مش هتعب نفسي في التصنيف...مين احسن و مين مؤثر

لكن اللي هشغل نفسي بيه الفترة الجاية.....انا مواطنة مصرية....جدا....و حتي و انا بعيد....هقدر اغير

هقدر اغير في فكرة...اطرحها

في راي اكتبه

في حوار يفتح عيون و عقول ناس انها تفكر

في تذكرة للبعض لما همته تفتر ان حسن الظن بالله هو مجداف قاربك

الرحلة لسه مخلصتشي....دي يا دوبك بتبتدي

و كل واحد ليه دور.....لان مصر جوانا.....منين ما بنروح....و شم هتبعدنا مسافة و لا شاشة لاب توب...ان احنا نفكر فيها....و نحلم بيها و لولادنا فيها

مستنية عودتك....بطاقة نور...آد الكون بحاله

مسااااكي....كل الرضا

[Om Zayd]

بمناسبة نربي اولادنا غير ما اتربينا

فاكرة موقف في حفلة تخرجي

أصريت ألبس شال فلسطين و أنا باتكرم و بقدم كلمة الخريجين

ماماأصرت اسيبه قبل ما اطلع المسرح

و للأسف ضعفت و سمعت كلامها

في المقابل

كنت في القطر(قبل الثورة) .. وسمعت الست اللي ورايا بتخوف ابنها بالظابط

لقيتني بقوم و اقولها .. مينفعش يطلع بيخاف من الشرطة

علميه ان الشرطة في خدمته

اللي يعمل حاجة غلط هو اللي يخاف

و رغم ان صوتي ماكانش عالي .. لقيت ناس بتبصلي باستغراب و قلق

يا ريت نربي اولادنا صح

يفهموا دينهم اوي

ساعتها هيحبوا بلدهم اوي

و هيحبوا بعض اوي

[tarek hassan]

مليش حكاية مع الثورة

و لا عايزة يبقى ليا

انا كنت باتابع من ورا الكيبورد

الثورة كانت كيبوردية كلها باستثناء أيامها الأخيرة التي كانت فيها هتافية ثم تحولت مع البعض القليل إلى صدامية

فمثلا وائل غنيم لم يدرك الثورة إلا من خلال الكيبورد وكذلك القرضاوي لكونه تحدث خلف الميكرفون فقط

الكيبورد والقلم مثل السيف والرمح كان لهم الدور العظيم ليس في وقت الثورة فقط أو قبلها بقليل ولكن منذ وقت طويل

الكثيرون قدموا كثيرا قبل الثورة ولم يكونوا في الصورة وقت الحصاد ولم يظهروا في الكادر ولا يريدون مكافأة إلا من الله

الثورة لم تكن منازلة بين جيشين لكي نقول من حمل السلاح ومن لم يحمل السلاح ومش عايزين حد يقول لنا زي القذافي لما قال لشعبه :

( وين كنتم لما كان عبد الفتاح ببندقيته بيعرض نفسه للخطر و بيحارب السادات و امريكا وأسرائيل عبد الفتاح كان بيحرر البلد و يحارب على الحدود من أنتم ياأهل بنغازي لما عبد الفتاح كان بيحررنا من أنتم أين كنتم انتم يا ...... لما دخلت أنا وعبد الفتاح إذاعة ليبيا..أنا وعبد الفتاح حررناكم من الأمريكان و الإنجليز و الإيطاليين ..أين كنتم .. أين كان آبائكم و أجددكم يا ..... )

تم تعديل 24 فبراير 2011 بواسطة tarek hassan

[لونا]

دي مداخلة سابقة لي في الموضوع ده

مكاسب شخصية غير مباشرة من الثورة المصرية

تم الارسال 21 February 2011 - 09:02 AM

1- ازداد فخري و إيماني ببلدي .. أقول ازداد .. لأني و الحمد لله لم أكن في يوم خجلة من مصريتي.

2- الثورة جعلت أولادي يشاهدون نشرات الأخبار - مرغمين طبعًا - و جعلتنا نتكلم معهم في السياسة و التاريخ

و أشياء أخرى لم نكن لنتكلم فيها معهم و هم في هذا العمر.

3- أيضًا أتمنى الآن أن أربي أولادي مثل هذا الشباب (اللي فتح في جناين مصر )..

و لن أخاف عليهم كما كان يخاف علينا آباؤنا من الدخول في الحياة السياسية.

4- بالرغم من أنني لم أخجل من مصريتي في يوم من الأيام..

و لكن للأسف كنت بدأت أن أصدق ما يقال عن الشخصية المصرية من عيوب و اتهامات من بعض الكتاب مثل إبراهيم عيسى ..

و من عامة الشعب .. و المغتربين منا يعلمون ما يقوله المصريون عن أنفسهم.

5- الثورة جعلتني أفكر في العودة لبلادي في أقرب فرصة.

6- أصبحت متفائلة جدًا جدًا بمستقبل بلادي .. و أشاهد في مخيلتي صورتها الجديدة بعد مدة ليست طويلة .

7- كنت أتمنى أن يحضر والدي رحمه الله هذه الثورة ليفخر بها كما فعلنا .

تحياتي

[مغتربة]

كالعاده مواضيع مميزه يا لموضه تخلى الواحد يدخل سندره جمجمته يدعبس فيها لغايه ما يجمع كل الكلام الى عايز يقوله

حكايتى ايه مع الثوره ؟؟؟؟؟؟؟

صدقينى لو قلت لك انه سؤال صعب جدا ان انا اجاوب عليه !

بالتاكيد ان اول اجابه هتكون عندى هى ان انا مشاركتش فى الثوره و مقدرش ادعى دا و لا حتى عشتها فى الرقعه الى كانت بتحصل فيها يعنى اكيد لا عندى حكايات عن ليالى المبيت فى الميدان و لا طعم الهتاف فى المظاهرات و لا حتى عن لحظات الرعب او الخوف من صوت الرصاص او منظر البلطجيه

لكن حاسه ان مش دى كل الحكايا

فى زوايا تانيه محتاجه اتكلم عنها محتاجه ان انا اقول اه انا مشاركتش فيها لكن باما حلمت بيها و من زمان قوى

مش شرط حلمت بيها بنفس السيناريو الى حصلت بيه لكن حلمت و اتمنيت بشده ان انا اشوف اهل بلدى واخدين موقف من كل الفساد الى كا ناخر فى بلدنا سواء كان فساد اقتصادى او و دا الاهم فساد سياسى لان انا كنت دايما بقول ان الفساد السياسى هو البوابه الى دخل لينا منها كل انواع الفساد التانيه

كنت لما اشوف ناس طالعه مظاهره علشان تهتف لفلسطين و لا العراق و لا و لا اقول و الله جميل جدا بس ليه بقى ما دام انتوا عنكوا ثقافه الخروج فى مظاهرات للتنديد او اعلان الرفض ليه مبتعملوش كدا ضد الفساد و الظلم الى مالى بلدنا هى البلاد التانيه اهم عندكم و لا انتم فاهمين ان اكيد تعامل السلطات مع مظاهره موجهه لنصره الغير اكيد مش هيكون زى ما تكون انتقاد ليها شخصيا

انا بتكلم بصراحه و بعترف ان انا كنت ساعات بوصل لمرحله الياس من ان ممكن اى حاجه ايجابيه زى دى تحصل عندنا بالشكل الجميل دا

بالتاكيد احداث المحله فى 2006 غيرت شويه من النظره دى لكن برضه فضلت فى نطاق انها احداث لمطالب اقتصاديه فى الدرجه الاولى و مكنتش بالكثره الى كنت بتمناها انها ممكن تحدث عدوى عند الاخرين

و بالتاكيد ان انا اتفاجئت من الاعداد الى خرجت فى الثوره دى من اول يوم مكنتش متوقعه ان ممكن العدد دا كله يكسر مع بعضه حاجز الخوف او السلبيه بالشكل دا و على قد ما انا اتفاجئت بالعدد لكن اتفاجئت اكتر بالتزام الكل برقى المظاهره بدون تنسيق

الكل كان نازل المظاهره بشكل حضارى نابع من نفسه قبل ما يكون التزاما باى تعليمات طلبت قبل المظاهره

هههههههه فكرتينى بايام الثوره و الحماسه الى كنت بتكلم مع جوزى عنها فيها و ازاى كان بيبص ليا بقلق كانه لسه بيتعرف عليا لاول مره و انا بحلف له على المصحف ان انا لو كنت فى مصر ساعتها كنت 100 % نزلت شاركت معاهم فى المظاهرات

صحيح كنت حاسه بقلق على بلدى و انا بعيده عنها و لكن فى نفس الوقت كنت حاسه بفخر حقيقى بولاد بلدى الشجعان سواء الى نزلوا المظاهرات او الى و على غير ترتيب و لا تخطيط و فى ثوانى بمجرد ما وصلت اخبار عن ان انسحاب الشرطه خلى فى حاله من تواجد للبلطجيه فى الشوارع نبعت فكره اللجان الشعبيه الى بجد شايفه انها تجربه لازم تدرس لانها مبهره بحق من حيث سرعه ارتجالها و سرعه انتشارها و عمق التزام كل من انخرط فيها الكل اتصرف صح رغم انه لا كانت فيه خطه واضحه مرسومه و لا تجارب سابقه

الارتجال المنظم و شده الالتزام بيه لازم لازم بجد كل الناس تتعلمه منالانه اكاد اقسم انها لو خطه تم تدريب الشعب عليها ميت مره مكنتش هتنجح و قت تطبيقها بالشكل الباهر الى حصل فعلا

دى حكايت ايام الثوره المعجونه بقلق و ترقب و تمنى و ياس و فرحه فى الاخر و لله الحمد

انما بعد الثوره اقدر اقول ان المشاعر اصبحت خليط من التفائل الشوب بحذر بالاضافه لفرحه كبيره جدا مش هلاقى كلام حقيقى يعبر عنها فرحه بالانداز و فرحه بالاحساس انه من هنا و رايح هيكون ليا و على فرديتى اهميه فى صياغه تاريخ بلدى

من هنا و رايح هستخدم بطاقه الانتخاب بتاعتى الى طلعتها من زمان قوى رغم ان انا ممكن اكون الوحيده من عيلتى الى طلعتها و الكل كان بيبص ليا باستغراب و انا بطلعها لكن صممت اطلعها علشان دا حق من حقوقى السياسيه لازم متخلاش عنها و الى برضه بنفس الحماسه لاستخراجها عمرى ما استخدمتها لانى كنت زمان متاكده ان صوتى هيتزور و لا هيكون ليه لازمه لكن دلوقتى هطلعها من محفظتى و ان شاء الله مش هبطل استخدام ليها لغايه اخر يوم فى عمرى فى كل مناسبه للاستخدام لان اكيد صوتى هيعمل فرق و هيحترم

هى دى حكايتى مع الثوره ( من عير اختصار هههههههههههه )

تمنى ......عدم تصديق ..........حماسه .........فخر ........نيه للايجابيه

بس خلاص

ايه دا انت نمتى منى و لاايه :sad:

طيب دا انا فى حاجات طتير اختصرتها علشان مطولش و كدا يعنى :P

لانه بصراحه حكايتى مع الثوره مينفعش تتحكى كلها فى قاعده واحده