جمعة الخلاص والمحاكمة...لإسقاط شفيق وردا على الشرطة

[se_ Elsyed]

هل برضوا تبقى فتنه لما قيادات الجيش تحاكم اللوا أفندي اللي هدد اللي عالمنصة أمبارح إهم هايقتلهم ؟

وهل تبقى فتنة لما أجيب مدير امن دمنهور واسحله قدام الناس اللي قال عليهم إنهم عبيد وإن الشرطة اسيادهم ؟

هي دي يا جماعة مش مطالب عادلة من الشعب ولا كتير كده وتجاوز للحدود ؟

هل الجيش المحترم كان هايبقى حد يطلع بميكرفون ويتصور وهو بيهدد الجيش بالقتل .... هي كانوا سيقبلوا هذا ؟

أما أننا سنتسمر 30 سنة أخرى نجعل الجيش والشرطة درجة أولى .. أما الشعب فترسو أو درجة ثالثة ؟

أيها الزملاء الأفاضل .... حان الوقت لإسترداد كرامتنا .. ولفرضها على الجميع بكل إحترام وأدب

[fatfouta]

التغييربالثورة استحقاق مش هبة تعطي حبة حبة عنداللزوم طنطاوي مش عاوز يغيريبقي هويتغييرمش شومان قالوا كفاية 20سنة يامشير

[aimen]

ايوه يا أيمن فاكرة الصور اللى كنت حاططها بس ماكانوش ملثمين

وليه يعنى بيستخدموا الصاعقة فى فض المتظاهرين

أرجو إني ما أكونش فاهم غلط ..

ستحيل دول ينزلوا لفض الإعتصامات .. لإنهم ما يعرفوش التهريج وبيخلصوا على طول ..

لكن اعتقد إنهم إما نزلوا لحماية شخصيات رفيعة المستوى في الجيش .. أو لحماية مُنشآت ..

زنوبيا - قوات خاصة بجوار سيتى ستارز

الخبر بتاريخ 8 فبراير لكن انا فعليا معرفش هل هم اللى الناس اتكلمت عنهم امس ام لا

I was quite shocked when I knew that there are special forces at Heliopolis , protecting City Stars , I would not believe it except when I see it by own eyes. But thanks to our friends in the Facebook , we know that the army special forces are at Heliopolis , at City Stars.

Courtesy : Ahmad Salah

Courtesy: Ahmad Salah Courtesy : Ahmed Salah Courtesy : Ahmed Salah They can scare any child in this counter strike outfits , I can stop thinking if a little baby girl sees them !!

There are two points I must clear :

1// City Stars is located besides army buildings and even an army compound for army and intelligence officers.In fact I have always wondered that one of the buildings in front of the City stars had restricted area no photos where as City Stars got two hotels any foreign would see from his balcony what is behind this wall

2// These are the notorious 777 , what are they doing in the street ?? in fact why are they in the street at !!? It will be insulting to them to protect City starts or even the army compounds and buildings.

God bless the 777 , God bless the army , God bless Egypt and long live City Stars !! [/quote ]

[fatfouta]

أسرة مبارك تفشل فى بيع أملاكها بشرم الشيخ

[fatfouta]

R.N.N | شبكة رصد من هو وزير الداخليه الجديد؟؟ بقلم عمر عفيفي

===============

محمود وجدى محمد محمود

عمل مدير لمباحث القاهرة ثم مدير لأمن كفر الشيخ ثم مدير أمن احد محافظات الصعيد

...متزوج وله بنت وهو من النجيلة بحيرة ويبلغ 70 سنه تقريبا

زوجته صديقة شخصية لسوزان مبارك وهو صديق شخصي لزكريا عزمي

كان شريكا من الباطن لحوت مدينة نصر

شقيقه يعمل ضابط بالمخابرات كان يعمل ضابط بالمخابرات الحربية وحاليا بالمخابرات العامه ومقرب جدا لعمر سليمان

عملت معه أكثر من عشر سنوات بمباحث القاهرة وهو ذكي جدا اكثر من العادلي ويعتمد علي الحيلة ودموي لو أضطرته الأمور

شارك في تصفية اللواء محمد أمام

ملياردير و متضخم ماليا

يسكن بمصر الجديدة

اللواء محمد إمام ونجله رائد الشرطة تم قتلهم بالرصاص وحرقهم بمسكنهم بتعليمات سوزان مبارك لأن نجل اللواء محمد أمام ضابط شرطه رفض ترك طاولته بفندق شيراتون المطار لثابت شقيق سوزان مبارك وتجرأ علي الرفض

وكان علي رأس المأمورية اللواء فادي الحبشي مدير مباحث العاصمه ومعه اللواء محمود وجدي (وزير الداخلية الحالي) وكان وقتها رئيس المباحث الجنائية بمديرية أمن القاهرة

ومحمود وجدي عمل تحت رئاسة العادلي لمدة 3 سنوان كمدير مباحث القاهرة وقت أن كان العادلي مدير أمن القاهرة

وهو من اهم مهندسي تزوير أنتخابات 1995 و 2000

تخلص منه العادلي بعدما اختلفا لأنه كان يطمح ان يكون وزير للداخلية

المصدر/ عمر عفيفى

يا حلاوة يا ولاد اقروووو الكلام ده كويس

[م تيمور المراغي]

http://www.youtube.com/watch?v=7TEwUtMzNo8

[fatfouta]

اشترك احمد شفيق مع أصدقائه المقربين إبراهيم كامل , و أبو العنين , و كمال الجبرى , ومعهم جمال مبارك فى التخطيط و تنفيذ هجوم يوم الأربعاء الأسود بالرغم من إنكاره ذلك أهان المعتصمين بميدان التحرير وقال على قناة البى بى سى "كأنهم فى الهايد بارك و ممكن أجيب لهم بونبون كمان "

[se_ Elsyed]

التغييربالثورة استحقاق مش هبة تعطي حبة حبة عنداللزوم طنطاوي مش عاوز يغيريبقي هويتغييرمش شومان قالوا كفاية 20سنة يامشير

نرجع فلاش باك كده كام يوم لورا

نفس البؤين الحمضانين بتوع " يعني إستحملتوا الراجل 30 سنة .. مش قادرين تستحملوه 6 شهور لحد ما يكمل مدته ويخرج بكرامته ؟ "

وكأن الشعب هو اللي مكتوب عليه يستحمل ويشيل الطين طول عُمره !!!

وكأن الشعب هواللي لازم يقدم تنازلات على طول

ما سمعتوش نغمة " لازم نتعاون مع الشرطة ... ولازم ترجع مهابة الشرطة .. ولازم الناس تحترم الشرطة " ؟

إيه هو في إيه ؟

وماحدش بيكلم الشرطة ويقول لهم كفايه بقى حرام قتل في الناس وإحتقار للناس وإهانة للناس اللي لحم أكتافكم من خيرهم وهما دول اللي بيدفعوا مرتباتكم وملبسينكم بدل بتتعايقوا بها ؟

إذا الجيش لحد دلوقت ما فهمش الرسالة اللي ملخصها بيقول " إن الثورة يعني تغيير ... والثورة تجب ما قبلها ... والثورة ما ينفعش تبقى ثورة إلا ربع ... او ثورة مع تقديم تنازلات "

لإن ببساطة أيها الأعزاء الفرق بين الثورة والدبلوماسية ..

الدبلوماسية هي " هات وخد .. وسيب وأنا أسيب أو أستحمل شويه وانا أستحمل شويه أو بالأنجليزي يعني Compromise يعني حلول وسط ... بُص بُص .. يالله يا سيدي .. هاشيل لك وزير الري ووزير السياحة .. بس عشان خاطري .. سيب الزبالة أحمد أبو الغيط والضلالي ممدوح مرعي زي ما هما ... وخليها عليك وما تجيش ناحية مبارك وعياله واللي حواليهم .. وكمان سيب اللواءات المفسدين المحافظين زي ما هما .. وكمان سيب رؤساء مجالس وتحرير الصحف الصفراء القومية ... وتبقى أنت كسبت وأنا كسبت ... ها مبسوط يا عم ؟ "

دي السياسة ..

أما الثورة فهي عبارة عن مقشة بتكنس كل الزبالة ولا تذر ولا تُبقي على أي مخلفات ولا ذيول .... ولو سيبت شوية زبالة ولو لفترة بسيطة .. يبقى أنت كده ما عملتش حاجه وزي اللي رقصوا على السلم .. لا اللي فوق شافوهم ولا اللي تحت سمعوهم ..

[fatfouta]

RT @wal0m0: هام لكل المتظاهرين اليوم والمعتصمين .. يجب التكتل حول أي عنصر مخرب أو متحرش بالجيش وطردها هذه عناصر مدسوسة حزب واطي #Jan25 #Egypt

[م تيمور المراغي]

يسلم فمك يا س

رصيدي من النقاط خلص للاسف

[tarek hassan]

كل ما أقرأه اليومين دول

عن شفيق

عن حكومتة فرد فرد وأسس اختياراتهم وملفاتهم

عن مبارك وسفره للنمسا بطائرة الرئاسة - إن صح -

عن تجاوزات أسيادنا بتوع الداخلية

أحسن تعليق سمعته ( لا مؤاخذه وآسف )

الثورة كده بتنضرب على قفاها

تم تعديل 26 فبراير 2011 بواسطة tarek hassan

[hOuSsAm]

كل ما أقرأه اليومين دول

عن شفيق

عن حكومتة فرد فرد وأسس اختياراتهم وملفاتهم

عن مبارك وسفره للنمسا بطائرة الرئاسة - إن صح -

عن تجاوزات أسيادنا بتوع الداخلية

أحسن تعليق سمعته ( لا مؤاخذه وآسف )

الثورة كده بتنضرب على قفاها

انت عارف المشهد عامل زى ايه

زى جنين جديد

وكل ما امه تقول للدكاترة عايزة اشوفه يقولوها شوية بنعمله تحاليل او بعض الفحوصات

وهما من الخلف بيدبروا لتبديله بجنين اخر لام تانية

-------------------

فيه حجات بتتعمل من تحت لتحت

محدش فاهمها ومحدشراضى يتكلم

زى مبقيت الزملاء قالوا لازم الثورة تكمل بنفس القوة

ولو الثورة هديت يبقى النظام هيرجع تانى واقوى من ذى قبل

هما مستنين ايه؟

الانتظار ليس له غير تفسير واحد الا وهو ان فيه حاجة غير شرعية بتتعمل

[fatfouta]

مسامحينك من قبل ما تعتذر... الخناقة مش معاك.. احنا عارفين طريقنا كويس، وعارفين عدونا كويس، وعشان كده كنا بنطلب منك تسمع كلامنا... كله خير ان شاء الله

---------

مبارك بيتناصح علينا؟

ما عاش ولا كان اللي يفتكر نفسه بيضحك علينا... ده احنا المصريين، نودي اتخن تخين البحر ونرجعة عطشان، احنا طيبين اه، عبط لا، ومش عشان كل اللي حواليه اغبيا افتكر نفسه نبيه

ها؟ اخر حلقات الثورة المضادة ان تحصل مواجهة بين الجيش والشعب؟ ها؟ ده اخر ما جادت عليك بيه المنوفية يا مبارك؟ طب احنا عندنا منايفة انبه منك كتير، ده انت عريت المنايفة

احنا شايلين اكفانا وحافرين قبورنا

وآدي رسالة للجيش المصري باسم الشعب المصري، وايوة باتكلم باسم الشعب لاول مرة في حياتي، وانا ضامنة برقبتي، باسم الخمسة وتمانين مليون بني ادم:

مش حنرفع ايدنا على الجيش المصري، ولا حيطلع من بقنا له غير كل خير، وكل بر، وكل طيبة... واذا احنا هُنّا عليه وقرر يموتنا، احنا بنوعده اننا رافعين ايدينا لفوق، ايادي عزل، وحننام له كمان تحت الدبابة عشان ما نتعبوش في الجري

لئن بسطت يدك إلي لتقتلني ما أنا بباسط يدي إليك لأقتلك... ولا أزقك، ولا حتى أمنعك إنك تقتلني

مش احنا... مش احنا ابدا، ومافيش حد، مهما يعمل، حيعرف يلتف على ثورتنا، واللي احنا عايزينه هو اللي حيحصل، احنا اصحاب الثورة، واحنا اصحاب التضحية، واحنا اصحاب الفلاح... واللي عايزينه هو اللي حيحصل إن شاء الله

يا ريتك بقى يا مبارك تلم تعابينك عشان ما تتعبش قلبك.. سنك ما يستحملش

احنا قلبنا ما بيتعبش، ما عادش خلاص، قلبنا تعب لحد ما نحس، وبعد ما شفنا الجيش بيضربنا مش باقيين على الدنيا دي

اللي عايز يموتنا يموتنا... ويبقى كسب فينا جميلة، واحنا مش حنمنعه يقتلنا، ولا حنمد ايدنا بالسوء، ولا حنلطخ صوابعنا بالشر

مبارك كان دايما يقول للامريكان: انتوا اصلكم ما تعرفوش الشعب المصري

وانت يا مبارك ما تعرفش الشعب المصري

مصر ام الخير... واحنا الخير

والخير له الكلمة الاخيرة

نوارة نجم

[fatfouta]

ولا قناة جايبة ميدان التحرير انا مش عارفة فى ايه والله

وطبعا قنواتنا احنا نايمين ومعاهما اوامرمن شفشق اللى بيقفل قناة بمكالمة تليفونية

[Ahmed Anwer]

يا جماعة أنا لسه راجع من ميدان التحرير ،،،

مشيت من هناك الساعة 11 تقريبا

مكنشي فيه اي ضرب و لا اي حاجة و الجيش متحضر جدا

و شارع مجلس الشعب أو القصر العيني مفتوح و فعلا كان فيه مظاهرة هناك

و اللي مقفول فقط الشارع الفرعي اللي فيه مجلس الشعب و مجلس الوزراء

والله الواحد مش عارف يصدق مين ولا مين

ربنا يستر على البلد

و الله ده اللي حصل فعلا ،،،

و فعلا و أنا هناك كانوا نور الميدان اتطفي ،،

و عموما الكلام إن الضرب ابتدي الساعة 2 بالليل

اللي جنني إني يدوب رجعت فتحت النت ،، لقيت اخبار الضرب ،،

قبل الساعة 2 حتي ،،

واحد صاحبي من الثوار ،، بيقولي ده اسلوب بيتبعوه

أول ما يحسوا بحركة غدر ،، يطلعوا عالطول أخبار ضرب

منها لو فيه نية يأما تتمنع أو تخف

و منها الناس تجيلهم مؤازرة

عيال عفاريت ولاد اللذينا ،،، أنا معجب جدا بيهم

[fatfouta]

RT @full_moon11: كان الشعار في تونس الجيش والشعب يد واحدة، النتيجة بقاء الحزب الحاكم ورموزه، والأمن مازال ينتقم من الناشطين #egypt #25jan #jan25 #tahrir

[fatfouta]

اللواء طارق المهدي مشرفا على اتحاد الإذاعة والتليفزيون

بيعينه لواء جيش مشرف عالتليفزيون ليه؟؟؟؟

يعنى هو ناقص ماتخافوش هو بينفذ الاوامر من غير مشرف ولاحاجة

[se_ Elsyed]

يا جماعة أنا لسه راجع من ميدان التحرير ،،،

مشيت من هناك الساعة 11 تقريبا

مكنشي فيه اي ضرب و لا اي حاجة و الجيش متحضر جدا

و شارع مجلس الشعب أو القصر العيني مفتوح و فعلا كان فيه مظاهرة هناك

و اللي مقفول فقط الشارع الفرعي اللي فيه مجلس الشعب و مجلس الوزراء

والله الواحد مش عارف يصدق مين ولا مين

ربنا يستر على البلد

و الله ده اللي حصل فعلا ،،،

و فعلا و أنا هناك كانوا نور الميدان اتطفي ،،

و عموما الكلام إن الضرب ابتدي الساعة 2 بالليل

اللي جنني إني يدوب رجعت فتحت النت ،، لقيت اخبار الضرب ،،

قبل الساعة 2 حتي ،،

واحد صاحبي من الثوار ،، بيقولي ده اسلوب بيتبعوه

أول ما يحسوا بحركة غدر ،، يطلعوا عالطول أخبار ضرب

منها لو فيه نية يأما تتمنع أو تخف

و منها الناس تجيلهم مؤازرة

عيال عفاريت ولاد اللذينا ،،، أنا معجب جدا بيهم

شكراً يا أحمد على أمانتك في سرد الأحداث والتفاصيل .. لكن دي مش إشاعات أو أخبار ... لإن الفيديوهات بتوثق كل حاجه وأديك شوفت إنه مش كلام بس وإن الشرطة العسكرية كانت بتعمل شغل الامن المركزي الغشيم وبتطارد الشباب ... وبأعتراف المجلس العسكري نفسه .. قالوا إنه في 70 شاب تم إعتقالهم إمبارح وسيتم الإفراج عنهم اليوم ...

إذن كل ده بيبقى بلالين إختبار من الجيش تحديداً

والناس لو قبلت كده .. يبقى بها ونعمه ومافيش مظاهرات ولا إعتصامات تاني وهايأمموا ميدان التحرير والامور هاتبقى زبادي في الخلاط بالنسبة للجيش ...

ولو الناس فضلت على عنادها .. يبقى ما فيش مفر إلا من الإستجابة لطلباتهم بحذافيرها .. لإنهم الأقوى والأبقى والأحق ..

[rewsha]

ولا قناة جايبة ميدان التحرير انا مش عارفة فى ايه والله

وطبعا قنواتنا احنا نايمين ومعاهما اوامرمن شفشق اللى بيقفل قناة بمكالمة تليفونية

http://bambuser.com/channel/emadmubarak/broadcast/1450745

الميدان اهو يا فتفوته

[fatfouta]