جمعة الخلاص والمحاكمة...لإسقاط شفيق وردا على الشرطة

[عبير يونس]

شكراً يا أحمد على أمانتك في سرد الأحداث والتفاصيل .. لكن دي مش إشاعات أو أخبار ... لإن الفيديوهات بتوثق كل حاجه وأديك شوفت إنه مش كلام بس وإن الشرطة العسكرية كانت بتعمل شغل الامن المركزي الغشيم وبتطارد الشباب ... وبأعتراف المجلس العسكري نفسه .. قالوا إنه في 70 شاب تم إعتقالهم إمبارح وسيتم الإفراج عنهم اليوم ...

إذن كل ده بيبقى بلالين إختبار من الجيش تحديداً

والناس لو قبلت كده .. يبقى بها ونعمه ومافيش مظاهرات ولا إعتصامات تاني وهايأمموا ميدان التحرير والامور هاتبقى زبادي في الخلاط بالنسبة للجيش ...

ولو الناس فضلت على عنادها .. يبقى ما فيش مفر إلا من الإستجابة لطلباتهم بحذافيرها .. لإنهم الأقوى والأبقى والأحق ..

أؤيد الرأي ده تماما

فعلا هي بالونة اختبار

الجيش مش شخص

ده مؤسسة بحالها

و همة المحافظين و رؤساء المجالس المحلية و رؤساء الأندية

و الفساد متغلغل في المؤسسة العسكرية زيها زي باقي المؤسسات

في ناس بتفتكر إن كلمة حسبي الله و نعم الوكيل ضعف و قلة حيلة

بس الموقف فعلا فوق مستوى البشر

و يحتاج بشدة للعناية الإلهية للخلاص

و أحب أذكر إن العناية الإلهية لا تتحقق إلا بالإرادة

الإرادة البشرية القوية مع اليقين الكامل في الله

و مبتتحققش للخائفين والمحبَطين

[Ahmed Anwer]

شكراً يا أحمد على أمانتك في سرد الأحداث والتفاصيل .. لكن دي مش إشاعات أو أخبار ... لإن الفيديوهات بتوثق كل حاجه وأديك شوفت إنه مش كلام بس وإن الشرطة العسكرية كانت بتعمل شغل الامن المركزي الغشيم وبتطارد الشباب ... وبأعتراف المجلس العسكري نفسه .. قالوا إنه في 70 شاب تم إعتقالهم إمبارح وسيتم الإفراج عنهم اليوم ...

إذن كل ده بيبقى بلالين إختبار من الجيش تحديداً

والناس لو قبلت كده .. يبقى بها ونعمه ومافيش مظاهرات ولا إعتصامات تاني وهايأمموا ميدان التحرير والامور هاتبقى زبادي في الخلاط بالنسبة للجيش ...

ولو الناس فضلت على عنادها .. يبقى ما فيش مفر إلا من الإستجابة لطلباتهم بحذافيرها .. لإنهم الأقوى والأبقى والأحق ..

لأ عادي أنا مبنكرشي اللي حصل أنا بقول بس شهادتي لحد الساعة 11 و نص تقريبا ،،

و أنا كنت في أسخن منطقة اللي هيا عند مجلس الوزراء ،،

و معلومة الساعة 2 بالليل مصدرها مدونة مالك اكس

(( واحد محترم أووي كده بحبه زي نوارة نجم و بقية الناشطين ))

بس مش هينفع احط اللينك عشان كاتب كلمة مش ظريفة اللي أنا عاملها نجوم

واحد, اتنين, الجيش ضرب الشعب

النهاردة كان في مليونيه, زي اي جمعه, وكان الطلب بسيط

إقالة احمد شفيق

اليوم عدى باحتفالاته, ع اخر النهارد كان في مجموعة معتصمة في شارع القصر العيني, عند مجلس الوزراء, عساكر من الشرطة العسكرية, والجيش, طوقونا لمدة ساعه, بعدين جه لواء جيش لطيف, قرر انه يفك الكردون, ويعمل نفسه انساني لأقصى درجة :-)

نفس اللواء الانساني, بعديها بساعتين"الساعه 2 بعد نص الليل", ادى تحذير ان لو الناس لو مافضتش بالزوق, حيفضوا بالعافية, وان الاحسن لنا نمشي.

5 دقايق, واخدت عساكر الجيش وضع الاستعداد, ووقفوا صف جنب بعض, وبدأوا يصعقوا الناس بالصاعق الكهربائي, ويجرونا في الشارع.

طلعنا نجري وهم ورانا, وكل شوية يصطادوا حد فينا, انا بطلت جري شوية, وكنت ماشي, وقدامي بشوية شريف عازر.

فجأة لقيتهم جم علي, وضابط جيش زغنون "حوالي 170 سنتيمتر, وعمره 23-24 سنه"شاور علي, وقال لعساكره هاتوه من شعره.

لقيت فجأة اربع عساكر من خيرة جنود جيشنا المصري الهمام, نازلين علي بإكعاب البنادق, وواحد فيهم ضربني في ****** , وقعني ع الارض, والباقيين قرروا يكملوا علي الحفلة شوية :-).

اللي انقذني منهم,تدخل شريف عاذر, واللي دخل معاه ضابط تاني صغير برضه, وفض العساكر من علي, وجرونا تاني.

بعديها بـ 5 دقائق, الضابط الزوغنن الاولاني كان مشاور ع شريف عاذر, وجايبه, وسط عساكره ونزلوا فيه ضرب.

وكملوا تجريه فينا لحد اخر ش القصر العيني, واجمل حاجه حقيقي عملوها, انهم قرفصوا ع ركبة واحدة في نص الجري دا, واخدوا وضع استعداد ضرب النار, عشان يرعبونا.

اللي انضربوا قدامي من صحابنا, مصطفى حسين, و

صديق تاني عرفني ع نفسه انه اسمه Cer

ع تويتر.

احلى هتاف سمعته النهاردة, واحنا بنجري

"1, 2 الجيش ضرب الشعب"

الشعب بس هو اللي ايد واحده....

و برده أنا شخصيا بكرر تاني إن كان فيه شوية عيال صيع بيحاولوا يحتكوا بكردون الجيش اللي حاولين مجلس الوزراء

و شكلهم مش ثوار ابدا عيال عندها 14 سنة ،،

ههههههه ،،، كانوا جايبين حاجز مرور حديدي و عايزين يخشوا بيه في المدرعة

الثوار بهدلوهم طبعا ،، أنتا عبيط يا بني عايز تضرب الدبابة بتاعتنا

مش مبرر للجيش طبعا ،، لأن أنا بأكد إن المتظاهرين كانوا قمة الوعي و سيطروا علي اي محاولة هبلة من هذا القبيل

و عسكري الجيش مش هيتحرك غير بأمر

يعني حتي لو فرضنا إن بعد ما الناس مشيت ،، رجع ناس تاني احتكوا بالجيش

يبقي آخر الجيش إنه يهشهم أو حتي يعتقلهم

لكن مش يفض الميدان بطريقة منظمة و أعداد كبيرة

و أكمل برده شهادتي ،،

الناس اللي كانت جاية إمبارح مش جاية لهدف واحد كلا لسببه

أنا كنت رايح بس عشان أوصل رسالة إن الثورة مستمرة و مش مهم الأهداف كلها تتحقق حالا

الثوار الحقيقين جايين عشان تحقيق أهدافهم المعلنة من مية سنة (( دوول مرابطين لحد تحقيق آخر مطلب و مبيتزعشاعوش ربنا يباركلهم ))

معظم الشعب بقه البسطاء جااي عشان مراراته مفقوعة من الشرطة و خاصة فيديو بتاع مدير أمن البحيرة

و بقية بوادر إن الشرطة عايزه ترجع بنفس الأسلوب و متغيرتش

سبحان الله ،،، الناس دي ربنا مسلط عليهم غبائهم يكشفهم و يقوي الثورة

[ام سلمي]

أكبر تغطية "مصورة" للثورة المصرية| الثورة مستمرة ... التغطية مستمرة...

هام: قرر ائتلاف شباب الثورة فى اجتماعه صباح اليوم انه بدءا من اليوم 26 فبراير ستكون فى ميدان التحرير وكل اماكن التجمعات فى انحاء الجمهورية كل يوم مظاهرات حاشدة منها 3 مظاهرات مليونية ايام الاحد والثلاثاء والجمعة. كما اعلن ائتلاف شباب الثورة عن تشكيل محكمة شعبية ستصدر احكاما لها قوة القانون سيكون الم...شرع والمنفذ لها الشعب. وسيتم الاعلان عن هذه الاحكام تباعا.See More

[capitshino]

يسلم فمك يا س

رصيدي من النقاط خلص للاسف

رصيدنا لديكم يسمح يا ارش :closedeyes:

[امير مجروح]

الجزيرة مباشر تتحدث عن ما حدث امس من الجيش المصرى ضد المتظاهرين

http://www.tv96.tv/2011/02/aljazeera-mubasher-2.html

تم تعديل 26 فبراير 2011 بواسطة امير مجروح

[Ahmed Anwer]

يا جماعة فيه مشكلة كبيرة أوووي

المحافظات !!!!

ميدان التحرير محمي بالتغطية الإعلامية و المتابعة المستمرة

المحافظات بيتبهدلوا

و مفيش حد بيحميهم

[aimen]

الخطر ليس فى (شرم الشيخ مبارك)

http://www.shorouknews.com/Columns/column.aspx?id=397156

كما لا يستقيم الظل والعود أعوج فإنه لا يكفى أن نغطى الرأس ونترك الجسم يلعب.

أما الرأس فهو الرئيس المخلوع الذى استقر به المقام فى شرم الشيخ ــ مؤقتا ــ وأما الجسم فهو كل ما تبقى من نظامه مسيطرا ومهيمنا ولاعبا وفاعلا وخطيرا، بعيدا عن ميدان التحرير وميادين الثورة الشهيرة.

فالحاصل أن هناك قطاعا هائلا من «ألتراس» النظام السابق لا يريدون الاعتراف بأن ثورة قامت فى 25 يناير وغيرت وجه الحياة على أرض مصر.. وإن اعترفوا فإنهم لا يريدون التسليم بأن لهذه الثورة قانونها وشرعيتها، وما جرى فى المعادى أمس الأول من ضابط شرطة لايزال يعتنق عقيدة الحوار بالطبنجة إذا اختلف مع مواطن من عباد الله الغلابة، وأيضا ما تصرخ به المواقع الإلكترونية عما جرى فى مديرية أمن البحيرة، وغيرها من أحداث هنا وهناك تؤكد أن هناك جيشا جرارا من الكارهين للثورة لايزال يقاومها حتى الآن.

وكل ذلك خطير ومخيف، غير أن الأكثر خطورة أننا نركز كل الجهد والانتباه فى المراكز وننسى الأطراف، ننشغل أكثر بميدان التحرير ولا نعطى الصعيد والأقاليم اليقظة الكافية.

وعلى عهدة صديقى الجميل سليمان شفيق العائد توا من الجنوب فإن المسافة بين ميدان التحرير والصعيد بعيدة جدا، بعيدة بشكل يثير الفزع والقلق على الثورة، ذلك أن المنطق الأمنى العتيق لايزال سائدا، وفلول الحزب الوطنى لاتزال مسيطرة وحاكمة ومتحكمة فى تفاصيل الحياة اليومية.

وهؤلاء يعملون بمنتهى الخبث على إغراق المصريين فى أوعية الأزمات التقليدية من إشعال حرائق طائفية، وإيقاد نزاعات عائلية، وما حادث قتل راهب أسيوط إلا نموذج لأساليب الحروب القذرة ضد الثورة.

وأخشى أن نكون قد اهتممنا بتأمين القلب وأعنى القاهرة بميدان تحريرها، والإسكندرية بميدان منشيتها، وأهملنا الأطراف البعيدة، وبشكل خاص فى الصعيد الذى يمكن أن يتحول بين عشية وضحاها إلى ترسانة ضخمة لأسلحة الثورة المضادة، عن طريق شياطين تصنيع وتخليق الفتن الطائفية من بقايا الأمن والحزب الوطنى ممن ضربت الثورة مصالحهم فى مقتل.

وعليه، فإنه من اللازم بل ومن الفريضة الآن أن ينتقل ميدان التحرير وميدان القائد إبراهيم إلى مختلف ربوع مصر، وأعنى أن تسرى روح ودماء ثورة 25 يناير فى عروق كل محافظات وأقاليم مصر، كى لا نفيق من الاحتفالات الصاخبة فى قلب القاهرة، على كابوس مخيف فى الصعيد مثلا، ونفاجأ بأننا فى حاجة إلى استهلال الثورة من جديد بعد أن تكون ذيول النظام القديم قد تجمعت واحتشدت ووجدت لها رأسا جديدا يقودها ويخوض بها معركة الانقضاض.

إن الشعار الجميل الذى انطلق فى ميدان التحرير «الجيش والشعب إيد واحدة» لابد أن يسرى ويتدفق فى كل خطوط الخريطة المصرية.

إن ميدان التحرير هو عنوان المستقبل الجميل.. وشرم الشيخ هى عنوان الماضى الكئيب.. بينما الصعيد هو عنوان لحاضر فاسد يوشك أن ينقض على المستقبل.. فانتبهوا ولتمتد اليد الواحدة «جيشا وشعبا» لإزالة أوكار الأفاعى قبل أن يفقس البيض.

[امير مجروح]

مصادر موكدة : المشير طنطاوى هو الذى اعطى اوامر بضرب واعتقال المتظاهرين امس ....

[أحمد سيف]

مصادر موكدة : المشير طنطاوى هو الذى اعطى اوامر بضرب واعتقال المتظاهرين امس ....

أيا من كان أعطى هذه الأوامر فقد وصله الجواب واضحا

الشعب لن يقبل بعودة الأمور الى ما كانت عليه قبل رحيل مبارك

وإن عدتم عدنا

[fatfouta]

مصر | مراسل رصد | التحرير : المتظاهرون يحذرون بعضهم من المندسين المتواجدين داخل الميدان الآن لإحباط المتظاهرين .. والذين يرددون نداءات "ساكت ليه ساكت ليه .. خدت حقك ولا أيه"

[fatfouta]

| شبكة رصد

عاجل || رصد | مراسلنا فى التحرير : المتظاهرين بدأوا فى نصب الخيم فى الميدان ..... ويبدو انهم يدخلون فى اعتصام مفتوح

[fatfouta]

RT @memam8: #Egypt #Jan25 مسئول إسرائيلي : إتفاق الغاز مع مصر وفر علينا ١٠مليارات دولار وسقوط نظام مبارك سيكلف إسرائيل مليارات

[أحمد سيف]

http://www.youtube.com/watch?v=ghRQVcZcKxE&feature=player_embedded

غصبن عنك يا أحمد يا شفيق الناس هتسمع اللي ابراهيم عيسى بيقوله

انت فاكر نفسك في الستينات بمكالمة تليفون تقدر تسكت محطة تلفزيون

النهارده هتسكت محطه هتتكلم ميت محطه

ومش عاجبك اخبط دماغك في الحيط

[Alattar]

http://www.youtube.com/watch?v=ghRQVcZcKxE&feature=player_embedded

غصبن عنك يا أحمد يا شفيق الناس هتسمع اللي ابراهيم عيسى بيقوله

انت فاكر نفسك في الستينات بمكالمة تليفون تقدر تسكت محطة تلفزيون

النهارده هتسكت محطه هتتكلم ميت محطه

ومش عاجبك اخبط دماغك في الحيط

هو الموضوع بتاع مكالمة أحمد شفيق ده حصل ازاي يا أستاذ أحمد

أنا سمعت عنه بس ما أعرفش ازاي حصل..يعني المكالمة بتاعته كانت عالهوا؟؟

[أحمد سيف]

http://www.youtube.com/watch?v=ghRQVcZcKxE&feature=player_embedded

غصبن عنك يا أحمد يا شفيق الناس هتسمع اللي ابراهيم عيسى بيقوله

انت فاكر نفسك في الستينات بمكالمة تليفون تقدر تسكت محطة تلفزيون

النهارده هتسكت محطه هتتكلم ميت محطه

ومش عاجبك اخبط دماغك في الحيط

هو الموضوع بتاع مكالمة أحمد شفيق ده حصل ازاي يا أستاذ أحمد

أنا سمعت عنه بس ما أعرفش ازاي حصل..يعني المكالمة بتاعته كانت عالهوا؟؟

شفيق اتصل بالمحطة أثناء إعادة اذاعة الحلقة وطلب ايقاف بثها

والمحطة استجابت فورا وأوقفت البث

[fatfouta]

تصريح القوات المسلحة في التلفزيون

قالوا اللي فضيناهم ما كانوش متظاهرين، دول كانوا متواجدين بعد حظر التجول وعادة مافيش تظاهرات بعد حظر التجول، وقالوا قبضنا على 27 واحد طلع منهم تمانية بلطجية، وكان فيه ناس بتحدف ازايز فارغة على الجيش، واحنا بنأسف اذا كان سباب حد من شباب الثورة اتأذى بس كان فيه بلطجية مندسين وسطهم

طيب.. انا مش حادخل في مناقشات ولا مهاترات في الحادثة، الاعتصام كان دايما بيبقى بعد ساعات حظر التجول وكنا بننام في الشارع وكانوا بيسيبونا، فيه 8 بلطجية وسط 27، ده ممكن يصاغ بجملة تانية: فيه 19 بريء اتقبض عليهم، انا ما شفتش ازايز فارغة اتحدفت على الجيش عن المجلس، بس الله اعلم، يمكن حصل في الميدان، اذا كان فيه بلطجية اندسوا وسط المتظاهرين.. الله اعلم، بس البلطجية كانوا بيندسوا وبيدخلوا على المتظاهرين وبيضربوهم وبيقتلوهم زي يوم الاربعاء الدامي.. وما شفناش ضرب من القوات المسلحة لا للمتظاهرين ولا للبلطجية

على اي حال

خلاص... الموضوع ده اتقفل، واللي حصل حصل، وياريت ما يتكررش تاني، ماحدش يمد ايده علينا تاني، احنا ما اتبهدلناش كل البهدلة دي عشان نفضل ننضرب، ولو فيه بلطجية احنا اول الناس بنمسكهم ونسلمهم للقوات المسلحة، واذا كان الجيش بيأسف لشباب الثورة، شكرا وعلى راسنا، بس شباب الثورة مش عايز اسف من القوات المسلحة

شباب الثورة عايز مطالبه تتحقق، واذا كان القوات المسلحة مش عارفة تسرع في تحقيق مطالبنا، ممكن تستعين بمجلس رئاسي

1- صفوت الشريف وجمال مبارك يتقبض عليهم...... اييييييوووووووةةةةةةة اييييييييييوووووووووةةةةةة

اذا كان الجيش بيتكلم عن اندساس بلطجية، انا مصدقاه، بس احنا عشرة مع النظام ده ونعرفه اكتر منهم، ماحدش بيحرك البلطجية غير صفوت الشريف وجمال مبارك

وجمال مبارك رفض يقدم اقرار ذمة مالية... تتجمد كل فلوس جمال مبارك، وبما انه رفض تقديم اقرار ذمة مالية، يبقى يتقبض عليه، وصفوت الشريف يتقدم للتحقيق وتتجمد امواله، ويتحقق بالذات في موضوع البلطجية ده ويتجاب صفوت الشريف وجمال مبارك

2- حل امن الدولة

3- اقالة حكومة شفيق وتشكيل حكومة كفاءات من شخصيات مالهاش علاقة بالنظام البائد

4- المطلب الرابع محتاجة اتأكد انه اتحقق، اللي هو الدستور المؤقت، المستشار طارق البشري قال حاجة بالمعنى ده، بس عايزة ايضاح اكتر عشان نفهم كلنا، احنا مش قانونيين

بس كده

انا شخصيا باقترح جدول زمني

الاسبوع ده يتم تجميد اموال جمال مبارك واعتقاله لانه رافض لتقديم ذمة مالية وتقديمه بتهم التورط في الفساد بوصفه امين السياسات السابق، ويتم القبض على صفوت الشريف والتحقيق معاه في قضايا الفساد (وماحدش يدخل يحط لي اسامي كل واحد غايظه، كفاية قوي نجيب جمال مبارك وصفوت الشريف عشان العجلة تكر لوحدها، دول في ديلهم بلاوي، نجيبهم بس وربنا يسهل)

واقتراحي ان لو ده حصل الاسبوع ده يبقى ما ننزلش الجمعة الجاية

الاسبوع الجاي اقالة حكومة شفيق وتشكيل حكومة كفاءات وطنية مافيهاش ولا رمز واحد من رموز النظام ولا عضو واحد في الحزب الوطني

ولو اقيلت الاسبوع الجاي ما ننزلش الجمعة اللي بعدها

الاسبوع اللي بعده يتم حل جهاز امن الدولة ولو ده حصل الاسبوع البعد الجاي.... يبقى كل واحد يروح بيتهم

اظن وقت كافي اهو، وجدول زمني، بمطالب واضحة، وكل مطلب يتحقق في اسبوعه ما ننزلش جمعته

ده مجرد اقتراح مني، وشايفة اننا لو نفذناه يبقى عدانا العيب وقزح، وفيه وقت كافي للمجلس الاعلى للقوات المسلحة مدام هو بيحب يعمل كل حاجة بالراحة وعلى مهله.. اهم تلات اسابيع طوال عراض اهم، بس نحس ان فيه استجابة لمطالبنا

وبكده، احنا نستعيد الثقة، وهم يستعيدوا الثقة برضه

---------

ملحوظة:

امبارح في وقت الضهر كده لما كنت في الميدان بعت لخالد عبد الحميد - عضو ائتلاف شباب ثورة الغضب - اقترح عليه موضوع الجدول الزمني ده - واللي هو اقتراح بلال فضل اساسا - عشان ما يبقاش مولد سيدي جمعة كل جمعة وما ردش عليا

يا ريت بما ان ائتلاف شباب ثورة الغضب هم دلوقت اللي بينظموا وبيتكلموا مع الجيش وبيتكلموا في الاعلام، يبقى هم الملزومين بموضوع الجدول الزمني ده وهم اللي يقولوا عليه للمجلس الاعلى للقوات المسلحة بما انهم على اتصال بيهم، وهم يعلنوا عنه بما انهم هم اللي بيتكلموا مع الناس والاعلام المصري قابلهم يوجهوا الناس

وكده يبقى احنا ارتاحنا وريحنا القوات المسلحة

ولا ايه؟

انا شخصيا... مقموصة.. اه.. زعلانة.. زعلانة زعلانة زعلانة وحاسة ان كل حاجة بتضيع وان كل حاجة بتتوضب عشان جمال مبارك او عمر سليمان يمسك وصفوت الشريف يطلع لنا تاني بما انه مستر اكس مالوش نهاية، اقصد من ناحية الثورة المضادة

ومن ناحية الجيش حاسة انه بيطبق حظر التجول والظبط والربط في الشارع اسرع ما بيستجيب لمطالب الناس

ومن ناحية الثوار حاسة ان كل واحد بيهوبص وبيجتهد بدماغه وما عمالين يفصلوا من بعض ويفكوا من بعض وده مش عاجبني

وانا شايفة ان ائتلاف شباب ثورة الغضب مسئول مدام حمل نفسه المسئولية، مدام قرر ان الناس تثق فيه، وقرر انه يتكلم مع القوات المسلحة، وقرره يطلع بيانات مع وضد، يبقى هو مسئول يصلح وضع الثورة والا لو ما عملش كده يبقى ذنبنا في رقبته، اللي يشيل مسئولية يسأل عنها

فدلوقت بقى اذا ما كانش الثوار يوحدوا نفسهم تاني ويعملوا حاجة لها راس ورجلين

واذا ما كانش الجيش يعبرنا وبدل ما كل اللي يهمه انه يمسك لنا الساعة لحظر التجول يبتدي يطبق لنا مطالبنا

انا حاقفل ضرف المدونة دي ومش عايزة ابص في خلقة حد تاني... يالا بقى اشربوها، وعليه العوض ومنه العوض

عليه العوض ومنه العوض

عليه العوض ومنه العوض

نوارة نجم

[Ahmed Anwer]

أنا خلاص جالي إحباط

التعديلات الدستورية

روحوا شوفوها

[ComingSoon]

أنا خلاص جالي إحباط

التعديلات الدستورية

روحوا شوفوها

انا شفت التعديلات الدستورية من شوية وكانت تعديلات رائعة

[fatfouta]

من تويتر

عاجل إقالة مديرأمن البحيرة مجدي ابوقمروتعيين اللواءمحمد صلاح الدين زايد بدلاً منه..

من اسيادك .الى اللقاء في عمليات اخرى.

انتهى

تم تعديل 26 فبراير 2011 بواسطة fatfouta

[fatfouta]

المجلس العسكري يوافق على جعل فترة الرئاسة 4 سنوات لمدتين فقط وتعديل شروط الترشح

عدم تجديد حالة الطوارئ لأكثر من 6 أشهر إلا باستفتاء شعبي

وضع نص يوجب على رئيس الجمهورية ومجلسي الشعب والشورى انتخاب جمعية تأسيسية خلال 6 أشهر لوضع دستور جديد للبلاد

وافق المجلس العسكري في اجتماعه بلجنة تعديل الدستور اليوم برئاسة المستشار طارق البشرى على تعديل 11 مادة بالدستور وهى المواد 75 ، 76 ، 77 ، 88 ، 93 ، 179 ، 189 ، 189 مكرر ، 189 مكرر 1 ، 139 ، 148

وتشترط المادة ( 75 ) من الدستور على من يرشح نفسه لرئاسة الجمهورية أن يكون مصري الجنسية هو ووالداه وزوجته مع منع ازدواج الجنسية.

والمادة ( 76 ) والخاصة بشروط الترشيح لانتخابات رئاسة الجمهورية ، فقد حددت 3 طرق للترشح لمنصب الرئيس، وهى إما أن يحصل المرشح على تزكية من30 عضواً في مجلس الشعب، أو جمع 30 ألف توقيع من 15 محافظة على مستوى الجمهورية، أو أن يكون المرشح عضواً في حزب له مقعد واحد في مجلس الشعب أو الشورى.

أما المادة (77 ) نصت على أن تكون مدة الرئيس 4 سنوات تجدد مرة واحدة . والمادة( 88 ) نصت على الإشراف القضائي الكامل على الانتخابات بداية من إعداد الجداول وحتى إعلان النتيجة.

والمادة ( 93 ) نصت على أن تكون الفصل في صحة عضوية البرلمان من اختصاص المحكمة الدستورية العليا، ولا يوجد ما ينص على أن مجلس الشعب سيد قراره.

المادة ( 179 ) تم إلغاؤها تماما من الدستور ، وهى التي كانت تتضمن طرق الإحالة للمحاكمة في الجرائم المرتبطة بالإرهاب .

المادة ( 189 ) والخاصة بطريقة تعديل الدستور

المادة ( 189 ) مكرر وهى ضمت أحكام مضافة ، حيث تم إضافة نص يوجب على رئيس الجمهورية ومجلسي الشعب والشورى انتخاب جمعية تأسيسية خلال 6 أشهر لوضع دستور جديد للبلاد .

المادة ( 189 ) مكرر 1 وهى تتضمن أحكام انتقالية ، حيث اعطيت الحق لمجلس الشورى فى ممارسة مهامه من دون المعيينين بالمجلس وهم البالغين ثلث المجلس ، حتى يتم انتخاب رئيس جديد للبلاد ويتم تعيينهم .

و المادة ( 139 ) فنصت على وجوب تعيين نائب لرئيس الجمهورية

والمادة ( 148 ) والخاصة بإعلان حالة الطوارئ ، حيث جاء بالتعديل عدم جواز تجديد حالة الطوارئ أكثر من 6 أشهر إلا باستفتاء عام بين أبناء الشعب .

وسوف تقدم اللجنة غدا للمجلس العسكري التشريعات التى تم إدخال التعديلات عليها والمكملة للتعديلات الدستورية وهى القوانين الخاصة بانتخابات الرئاسة ومباشرة الحقوق السياسية ومجلسي الشعب والشورى