جمعة الخلاص والمحاكمة...لإسقاط شفيق وردا على الشرطة

[fatfouta]

| شبكة رصد

عاجل || رصد | مظاهرات في اسوان بجوار ميدان المحطة، وتفريق المتظاهرين بالغاز المسيل للدموع

[Ahmed Anwer]

أنا شايف موقف محمود سعد ،،، مش صحيح

كإعلامي دوره إنه يناقش أي حد ،،

مفيش حاجة أسمها ارفض إجراء حوار مع شفيق لأن الشعب مش عايزه

حاوره و اكشفه قدام الناس ،،،

يعني اللي بيحاور مجرم في برنامج وراء الأسوار ،،، يبقي كده بيأيده ؟؟

[Om Zayd]

رصد | الجيش و الشعب ولعبه المستهبله

بقلم محمد دياب

_______________________

لو بتقري المقاله دي، ارجوك تحاول تحرر نفسك من اي افكار مسبقه ... تعالي ننقاش اللي بيحصل بمنتهي الحياديه ... هنتكلم عن اكتر ملف حساس دلوقتي... الجيش

كلنا تقريباً متفقين علي وطنيه الجيش و اهميه دوره في الوقوف الي جانب الثوره ... و من كتر ما احنا كشعب دايماً نفسياً محتاجين لكبير، فبسرعه عملنا الجيش كبيرنا و بصراحه الناس كانوا قد المسؤليه، وانا شخصياً و عقلاء كتير طلعنا بندعو بالتهدئه و اهميه الثقه في الجيش

دايماً كلامهم مطمأن، و تأكيد ان كل المطالب هتتحقق بس المشكله الوقت ... و كان ناس بتطلع و تقول المشكله مش مشكله وقت ولا حاجه دول بيطبخوا حاجه و ده جزء من الثوره المضاده ...بصراحه مكانش عندي رأي قاطع و بل بالعكس فضلت اني ابدأ العلاقه بالثقه

بس الواحد بدأ يلاحظ بعض الاشياء

بماتفسر: ان يتم تغيير جميع الوزراء الا وزراء الوزارات السياديه(الوزارات التتي تتحكم حقيقه في مقاليد الامور

وزاره العدل "السلطه التشريعيه" علي رأسها ممدوح مرعي -المعروف بأنه اكثر من نكل بالقضاه المعارضين

وزاره الداخليه "السلطه التنفيذيه" علي رأسها محمود وجدي – وزير الداخليه يوم موقعه الجمل والذي فاجأ الجميع منذ ايام بتصريحات من العصر القديم عن القله المندسه و القناصه الاجانب و لم يعترف بأي تقصير من جانب الشرطه مما ادي لإعاده الاحتقان بين الشرطه والشعب ... و ظهر مدير امن دمنهور بعدها بنفس الطريقه القديمه يهدد و يتوعد بل و يقر انه يحاول الايقاع بين الشعب والمتظاهريين

وزير الخارجيه "الاتصال بالعالم" علي رأسها احمد ابو الغيط، الذي بشهاده الخبراء هو اسوأ من تولي وزاره الخارجيه، و هدد المتظاهريين اثناء الثوره ان الجيش لن يسمح بالفوضي – أي التظاهرات

عدم تغيير رؤساء الصحف القوميه (المطبلاتيه) حتي الآن – عندما صرح احد قاده المجلس العسكري في العاشره مساءً طالباً منهم ان يستقيلوا اتصل به رئيس الشئون المعنويه اللواء اسماعيل عتمان(علي الهواء) يعاتبه علي تصريحه، و يطلب من رؤساء الصحف القوميه الا يستقيلوا

اللي هيقرا اهرام السبت هيعرف هما مغيروهمش ليه؟؟ الاهرام بتستعبط و تقول ان الناس نزلت امبارح عشان تحاكم مبارك و الفساد!!!!!!! مجابوش السبب الرئيسي و الوحيد للمظاهره و هو اسقاط حكومه شفيق ... يعني نفس العاب زمان

لما شفيق يوقف اعاده برنامج واحد من الناس اللي كان فيه ابراهيم عيسي بيطالب بإسقاط شفيق!!!و يتوقف عمرو الليثي من الخروج علي الهوا عشان الباقيين يخافوا

لما وزير الاوقاف "الازهري" يتعمد ان يدعوا الشيخ محمد حسان "السلفي" في مسجد النور، و هو عارف ان هيجيي ملايين وانه هيتكلم عن الماده اتنين من الدستور ... عشان يخوفوا بيه المسيحيين ... مع ورود معلومات عن ان فيه جهات امنيه بتسخن المسيحيين عشان يصروا علي تغيير الماده اتنين، فتحصل مواجهه بينهم و بين السلفيين

الا يثير كل هذا الشك في النفوس ... ارجوك فسرلي لماذا يختار شفيق ان يظل في مواقع السيطره الحقيقيه اشخاص تابعيين لأقصي درجه للنظام القديم؟!!! مش طبيعي ان الفار يبدأ يلعب في عب ناس كتير؟؟

و هبقي اكثر وضوحاً و اسأل بصراحه: لماذا يريد (الجيـــــــــش) مش (شفيق) ان يظل رجال النظام القديم في السلطه؟

الحقيقه ان الشعب و الجيش بيلعبوا مع بعض لعبه (المستهبله ) الجيش هو اللي بيعمل كل حاجه بس يروح مستهبل و ملبسها لشفيق ... يقوم الشعب عشان عاوز و محتاج يصدق ان الجيش هو بابا و ماما وانور وجدي، يروح مستعبط و مهاجم شفيق و ينزل في مظاهرات ضده ... و يعمل انه مش واخد باله ان المسؤل الحقيقي هو الجيش

الثوره المضاده اللي الناس بتتكلم عليها، بتحصل تحت سمع وبصر الجيش و الشعب يروح مستهبل تاني وفرحان قوي بالبيان اللي بيؤكدوا فيهم تصديهم للثوره المضاده ... طب فيييييين!!!!! عاوزين تقضوا علي الثوره المضاده شيلوا اي واحد ليه علاقه بالنظام القديم

لما يطلع فيديو لمدير امن دمنهور بيقول فيه صراحه انه بيحاول يقوم الناس علي المتظاهريين ... ده مش محاولات ثوره مضاده!!!! دي لوحدها يتشال فيها وزير الداخليه

بعد ده كله ما تفتكروش ان من حق الناس انها تطالب بإقاله حكومه شفيق!!! مش من حق الناس انها تخاف علي ثورتها!!! مش من حق الناس انها تبقي متأكده ان فيه مؤامره ولااااااازم يتصدولها .... مش من حقها انها اضعف الايمان انها تظن ان لو النظام القديم في ايده كل ده، ممكن يدعم مرشح في انتخابات الرئاسه و يبقي كأنك يا ابو زيد ما غزيت! ... مش من حق الناس انها تتظاهر و تطالب بالتصدي لمحاولات إجهاض الثوره دي و تبات كمان في الميدان زي ما هي عايزه؟

طبعاً كل ده كوم و اللي حصل الجمعه 25 فبراير كوم تاني ... الجيش ضرب المتظاهريين و طردهم بالقوه!!!! انا مش مصدق عدم الحكمه بتاعه اللي خد القرار ده!!!! تضربونا عشان شفيق!!!! هو شفيق اهم من مبارك؟؟؟ هو شفيق اهم من مصر؟؟؟؟ ولا فيه حاجه بتدبر؟؟؟؟؟؟؟؟؟؟؟؟ للأسف مفيش تفسير تاني

هتقولي الكلام الخايب بتاع اصلهم كانوا بيتظاهروا بعد الحظر ... هقولك ان لولا الناس اللي فضلت تتظاهر 18 يوم بعد الحظر مبارك عمره ما كان هيمشي

هتقولي حرام عليك اديهم وقت ... هقولك فووووووووووووووق ... هما كان عندهم وقت يغيروا كل الوزارات و معندهمش وقت يغيروا التلات وزارات المتحكمين في البلد!!!؟

هما ليه اتحججوا قانونياً بأنهم ميقدروش يعزلوا حد من الصحف القوميه و في ثانيه لما حبوا راحوا عزلوا نقيب الموسيقين منير الوسيمي!!!؟

هتقولي حرام عليك الجيش هو اخر حاجه نتسند عليها ... هقولك نفس الكلام اللي كنت بقوله ايام اسقاط مبارك .. وجه اتهاماتك و احباطاطك في المكان السليم .. للي بيحاولوا يسرقوا الحلم .. مش المطالبين بالحق ..

للأسف ضرب الجيش للمتظاهريين تسبب في بدايه النهايه للعبه المستهبله ... و الناس هتبدأ تكسر خوفها من ان ميكونلهاش ضهر و هيبدئوا يواجهوا تخوفاتهم الحقيقيه

و اوعي تقولي الجيش اعتذر، الاعتذار يكون بتحقيق المطالب اللي الناس عاوزاها ... مشوا حكومه شفيق انهارده قبل بكره ... قبل ما الناس تفقد الثقه تماماً فيكوا و ساعتها هيبقي مطلب اساسي تكوين مجلس رئاسي و هو بصراحه عين العقل

في اعتقادي ان فيه انقسام حاد بين قيادات الجيش، بل انا متأكد ان ده حاصل و بدعي ربنا ان الجانب اللي مع الحق ينتصر بسرعه، لأن الحق و الشعب هينتصر هينتصر بإذن الله

علي فكره معظم اللي بيقولوا نسيب حكومه شفيق، و بيصفوا القرار ده انه عين التعقل هما اللي مش بيفكروا بعقلهم بل بيحركهم العاطفه .. عاطفه الخوف ... اقولك علي دليل؟ فاكر لما كنت بتتفرج علي الثوره في تونس و مشي بن علي و جه الغنوشي .. بذمتك كنت مع التونسيين في انهم يسقطوا الغنوشي ولا لأ؟ طبعاً كنت مع اسقاط الغنوشي، و الغنوشي بالظبط هو شفيق ... بس عشان كنت شايف من بره، من غير خوف و عارف تحكم بعقلك

و الله العظيم انا بقول الكلام ده عشان بتمني ان صوره الجيش متدمرش تماماً في عنين الناس ... و ده مش هيحصل الا بالتخلص من النظام القديم بجد مش كده و كده

و نصيحه : ابوس ايدك ما تكونش رأيك من علي الفيس بوك ... كون رأيك من الجرائد المستقله، من مثقفين حقيقيين ... كون رأيك من المحللين الموثوق في استقلالهم ونزاهتهم ... عمرو حمزاوي، مأمون فندي، عمرو الشبكي، حسنين هيكل ، فهمي هويدي، وائل قنديل ... انا ذكرت بعض المستقليين مش معارضيين عشان متقولش دول كانوا معارضين مالأول .

ننصيحه اخيره للساده الزملاء الثوار "العصبيين" بالراحه علي الناس شويه ... لو اختلفوا معاكوا و مش فاهمين وجهه نظركوا فهموهم .. محدش يتعامل انه معاه صك الحقيقه المطلق، هتخسر كده الناس ... و طبيعي ان الناس تبقي متلخبطه، و طبيعي ان خوف الناس كلها بما فيهم انا مخلينا بنتمني نلاقي ضهر نتسند عليه ... حتي لو معني كده اننا نغمي عنينا عن حقايق واضحه ... متخلوش الناس تكره الثوره ، انا عارف انكوا بيصعب عليكوا انكوا بتضحوا و بيطلع عينيكوا و فيه ناس بتنتقدكوا بس القفش هيخسرنا الناس ... اللي من غيرهم مفيش ثوره

علي المستوي الشخصي، لو اللي بيقري متابع مواقفي، فأنا بحاول ابقي متزن و ناديت مع مجموعه من الناس الي التهدئه والتسامح مع فكره القوائم السوداء و فتح صفحه جديده مع الشرطه بعد ما يعتذروا ويتحاسب المخطيء ... "يعني انا مش من المعاندين" بس انهارده بقولها بمنتهي الوضوح ... الثوره في خطر ومحتاجه كل واحد فينا ... و بلاش الناس تكرر اخطائها تاني و تفتكر ان الوطنيه هي التهدئه ... الوطنيه هي التعقل قبل اصدار احكام، و مسانده القرار اللي يحافظ علي مكاسب الثوره .. بدل كل التضحيات دي ما تبقي راحت هدر ... و انا عن نفسي في الشــــــــــــــــــــــــــــــــــارع و يا ريت مصر كلها تبقي في الشارع يوم الجمعه

[fatfouta]

ماهى ثورة 25 يناير وقامت ليه؟؟؟

الفيديو ده يخص البسطاء و اللى مش فاهمين الثورة حصلت ليه واللى وسائل اعلامنا للاسف بيشوهوا ادامهم صورة الثورة

http://www.youtube.com/watch?v=SgVOw7Gj76U&feature=player_embedded#at=224

http://www.youtube.com/watch?v=1ipNi4eiC-E&feature=player_embedded

[أحمد سيف]

أنا شايف موقف محمود سعد ،،، مش صحيح

كإعلامي دوره إنه يناقش أي حد ،،

مفيش حاجة أسمها ارفض إجراء حوار مع شفيق لأن الشعب مش عايزه

حاوره و اكشفه قدام الناس ،،،

يعني اللي بيحاور مجرم في برنامج وراء الأسوار ،،، يبقي كده بيأيده ؟؟

اللي فهمته إن محمود سعد كان لديه ضيوف بالفعل من شباب وقيادات الثورة ... ثم أتته التعليمات ليلغي لقاءه معهم ويستضيف أحمد شفيق

السيد أحمد شفيق من موقعه كرئيس مؤقت للوزراء وسيطرته على وسائل الإعلام المسموعة والمرئية والمقروءة يستطيع أن يعقد ما يشاء من مؤتمرات صحفية يقول فيها ما يريد ... ولكنه فعل ذلك لاستغلال شعبية محمود وبرنامجه بعد موقفه المشرّف في الثورة ... ومحمود رفض أن يتم استغلاله في محاولات الالتفاف على الثورة وتخدير الجماهير التي يقوم بها شفيق ومعاونيه الآن ... وقدم استقالته وهذا طبعا من حقه

[pink rose]

أنا شايف موقف محمود سعد ،،، مش صحيح

كإعلامي دوره إنه يناقش أي حد ،،

مفيش حاجة أسمها ارفض إجراء حوار مع شفيق لأن الشعب مش عايزه

حاوره و اكشفه قدام الناس ،،،

يعني اللي بيحاور مجرم في برنامج وراء الأسوار ،،، يبقي كده بيأيده ؟؟

اللي فهمته إن محمود سعد كان لديه ضيوف بالفعل من شباب وقيادات الثورة ... ثم أتته التعليمات ليلغي لقاءه معهم ويستضيف أحمد شفيق

السيد أحمد شفيق من موقعه كرئيس مؤقت للوزراء وسيطرته على وسائل الإعلام المسموعة والمرئية والمقروءة يستطيع أن يعقد ما يشاء من مؤتمرات صحفية يقول فيها ما يريد ... ولكنه فعل ذلك لاستغلال شعبية محمود وبرنامجه بعد موقفه المشرّف في الثورة ... ومحمود رفض أن يتم استغلاله في محاولات الالتفاف على الثورة وتخدير الجماهير التي يقوم بها شفيق ومعاونيه الآن ... وقدم استقالته وهذا طبعا من حقه

اصلا شفيق نزل من نفسه جدا لما اتصل و قال محمود استقال عشان هايقلله مرتبه

بصراحة استهبلته اوي

[Om Zayd]

الأول كنت بقول ان ممكن يكون التركيز على شفيق و تعبئة الرأي العام ضده شغل على كبير و تمهيد لحد تاني

بس بعد تصرفه بالغباء ده لقيت انه اكبر عدو لنفسه

هيبان من اللي هييجي بعده

[امير مجروح]

بيان ائتلاف شباب الثورة بشأن أحداث فجر السبت 26-2 بسم الله الرحمن الرحيم

في الوقت الذي كانت جموع الثائرين في ميدان التحرير وشوارع مصر كلها تهتف "الجيش والشعب إيد واحدة"، فوجئنا بتصرف غير مسئول من أفراد الشرطة العسكرية والجيش، أعاد إلى الأذهان الصورة السيئة لأفراد الشرطة والأمن المركزي من ضرب وصعق بالعصي الكهربائية واعتقال لأفراد استخدموا حقهم في التظاهر السلمي، الحق الذي انتزعوه بدماء طاهرة سالت في ربوع هذا الوطن، ولم يعد ممكنا سلب هذا الحق بعد هذه التضحيات.

إننا إذ نقدر الاعتذار الذي قدمه المجلس الأعلى، إلا أننا لا نرى كفايته لرد الاعتبار لا لدماء الشهداء ولا جموع الشعب ولا للمتظاهرين الذين حدثت بحقهم هذه المأساة، وما تلاه من ظهور المجلس الأعلى بمبررات غير مقبولة مما كان له الأثر السيء في شرخ جدار الثقة، وأعاد للأذهان أسلوب تعامل النظام السابق مع هذه الأحداث وهو ما ننزه المجلس عنه.

إن الاعتذار الحقيقي عما حدث يكون بمحاسبة من أقدم على هذا التصرف ووجود ضمانة لعدم تكرار ما حدث من أفراد قواتنا المسلحة وكذلك تحقيق مطالب الثورة العاجلة التي أكدت عليها الجماهير والتي تتمثل في:

1.إقالة رأس الحكومة واستبعاد بقايا النظام القديم تماما منها أو من غيرها من الحكومات.

2.توجيه تهم واضحة للمتسببين في قتل المتظاهرين منذ بداية الثورة وتقديمهم للمحاكمة.

3.حل جهاز أمن الدولة

4. الإفراج عن جميع المعتقلين السياسيين والمحبوسين على ذمة قضايا سياسية

5.وجود نص في التعديلات التي سيتم الإعلان عنها يشير إلى كون هذا الدستور دستورا مؤقتا للبلاد.

وكذلك نطالب جماهير الثورة في شتى أنحاء مصر بالمشاركة في تظاهرات حاشدة الجمعة القادمة للتأكيد على مطالب ومكتسبات الثورة والحفاظ عليها، والاعتصام في حال لم تتم الاستجابة لتلك المطالب.

إن تحقيق هذه المطالب العاجلة يعضد الثقة بين الشعب وقواته المسلحة، ويقطع الطريق أمام محاولات مثيري الفتن من بقايا النظام السابق، كما نؤكد أن تحقيق تلك المطالب هي الوسيلة الوحيدة لاستعادة الهدوء في الشارع.

ونؤكد على أن الثقة المتبادلة بين الشعب وقواته المسلحة أولوية لنا جميعا لأن غياب هذه الثقة خطر يهدد مصر كلها.

ائتلاف شباب الثورة

26 فبراير 2011

http://www.facebook.com/note.php?note_id=167683666617333&id=165263783525988

[fatfouta]

الحملة الوطنية للقضاء على جهاز أمن الدولة

[fatfouta]

يا الف خسارة يا دكتور يحيى

يحيى الجمل: الدعوة لإقالة حكومة شفيق الآن فى غير محلها

قال الدكتور يحيى الجمل نائب رئيس الوزراء إن الدعوة لإقالة حكومة الفريق أحمد شفيق فى غير محلها، وإذا كان يؤخذ عليها أنها تشكلت بقرار من الرئيس السابق مبارك وحلفت اليمين أمامه وذلك لأن مبارك كان وقتها صاحب الشرعية، ولكن فى هذه الأيام كانت القوات المسلحة صاحبة الرأى.

وأضاف الجمل خلال تصريحات له عقب عودته اليوم من الكويت أنه لم ير فى حياته رئيس وزراء يخرج على الشعب ويعتذر مطالبا بالتريث ومراقبة أداء الحكومة حتى لا تتخذ قرارات متسرعة، مشيرا إلى أن شفيق من أكفا الشخصيات التى عرفتها مصر ومحل تقدير شديد لدى الناس جميعا.

[Simba]

يبدو أن من يحاول اقناع غيره بضرورة رحيل شفيق وحكومته لن يتعب كثيرا فالرجل ومن معه يقومون بذلك بشكل سريع ومثمر وربما أفضل مما تقوم به القوى السياسية المعارضة، بداية من البونبون والهايد بارك وتجنب وصف ما حدث بالثورة والحديث عمن قاموا بالثورة وكأنهم أطفال سذج والحديث عن"الرئيس مبارك" مما صنع حالة من عدم التعاطف مطلقا مع الرجل وأفراد حكومته ناهيك عن المبرر الساذج الذى يسوقه الداعون لبقاء الرجل من حزب "كفايه مظاهرات تعبنا" وهو أن شفيق "كان عامل شغل حلو فى المطار".

أتى اتصال شفيق مع برنامج العاشرة مساء معلقا على خبر استقالة الاعلامى محمود سعد اعتراضا على فرض الأول ضيفا على برنامجه مصر النهارده ليؤكد أن معظم رجال النظام السابقين والباقين بحاجه الى تعلم فنون التعامل مع وسائل الإعلام، فالرجل اتبع نفس الخطوات التى اتبعها رفيق النظام القديم أنس الفقى – الموجود حاليا في سجن طره- باللعب على وتر المقابل المادى الذى يتقاضاه سعد مقابل عمله فى ماسبيرو مشيرا بشكل ظنه ذكيا أن سعد يحاول ادعاء البطولة وهو يتقاضى مبلغا خرافيا من أموال الشعب، هذا التصريح انقلب على صاحبه فقد خرجت معظم التعليقات لتبين أن تضحية سعد بهذا المبلغ قبل اندلاع أحداث الثورة هو أمر يستحق الاشادة والتحية ولتخرج كذلك دعوات على مواقع تويتر وفيسبوك تطالب بمعرفة الراتب الذى يتقاضاه شفيق ومن بين هذه المجموعة واحدة تحمل اسم "طيب إحنا كبرت في دماغنا بقا و عايزين نعرف شفيق مرتبه كام" والتى يطالب أعضاؤها بالكشف عن اقرار الذمة المالية لشفيق والراتب الذى يتقاضاه.

ومن بين تعليقات المشاركين فى المجموعة جاء الحديث عن امتلاك شفيق لقصر فى التجمع الخامس وآخر فى مارينا وثالث فى باريس فيما سخر تعليق آخر من اهتمام الرجل بالبرامج التلفزيونية فى إشارة لمنعه اعادة حلقة "واحد من الناس" كان ضيفها الصحفى ابراهيم عيسى وانتقد أداء شفيق، واصراره على اجراء مداخلة بالعاشرة مساء وقام عضو آخر بوضع فيديو لمداخلة شفيق مع cnn التى تهرب فيها من سؤال مذيع القناة عن الاعتداءات على الصحفيين الأجانب.

http://www.facebook.com/home.php#!/pages/%D8%A3%D8%AD%D9%85%D8%AF-%D8%B4%D9%81%D9%8A%D9%82-%D9%83%D9%85-%D8%AA%D8%A8%D9%84%D8%BA-%D8%AB%D8%B1%D9%88%D8%AA%D9%87-/167622886623285

تم تعديل 27 فبراير 2011 بواسطة سمبا

[أحمد سيف]

يا الف خسارة يا دكتور يحيى

لا والله يا مدام فتفوته مش خساره ولا حاجه

ده خير لإنه اتكشف على حقيقته بدل ما كنا نفضل مخدوعين فيه ... وكنا ممكن نرفعه لمرتبه عاليه نتيجة ثقتنا به

أهو غلط غلطة عمره ... وإن شاء الله شفيق هياخده في ايده وهو خارج من الوزارة

[الغريب]

يا الف خسارة يا دكتور يحيى

يحيى الجمل: الدعوة لإقالة حكومة شفيق الآن فى غير محلها

قال الدكتور يحيى الجمل نائب رئيس الوزراء إن الدعوة لإقالة حكومة الفريق أحمد شفيق فى غير محلها، وإذا كان يؤخذ عليها أنها تشكلت بقرار من الرئيس السابق مبارك وحلفت اليمين أمامه وذلك لأن مبارك كان وقتها صاحب الشرعية، ولكن فى هذه الأيام كانت القوات المسلحة صاحبة الرأى.

وأضاف الجمل خلال تصريحات له عقب عودته اليوم من الكويت أنه لم ير فى حياته رئيس وزراء يخرج على الشعب ويعتذر مطالبا بالتريث ومراقبة أداء الحكومة حتى لا تتخذ قرارات متسرعة، مشيرا إلى أن شفيق من أكفا الشخصيات التى عرفتها مصر ومحل تقدير شديد لدى الناس جميعا.

شئ متوقع يا مدام فتفوتة ، الدكتور كان ليه تصريح -أورده هنا أحد الزملاء- قال نفس الكلام عن مبارك حينما كان عضوا في لجنة التعديلات الدستورية

فعلا من ألطاف الله بهذه الثورة أن الكروت المزورة تحرق نفسها أمام الشعب وعلى الملء ، ولسه

[Simba]

http://www.youtube.com/watch?v=N8VDeyr7aVs

[ComingSoon]

يا الف خسارة يا دكتور يحيى

يحيى الجمل: الدعوة لإقالة حكومة شفيق الآن فى غير محلها

قال الدكتور يحيى الجمل نائب رئيس الوزراء إن الدعوة لإقالة حكومة الفريق أحمد شفيق فى غير محلها، وإذا كان يؤخذ عليها أنها تشكلت بقرار من الرئيس السابق مبارك وحلفت اليمين أمامه وذلك لأن مبارك كان وقتها صاحب الشرعية، ولكن فى هذه الأيام كانت القوات المسلحة صاحبة الرأى.

وأضاف الجمل خلال تصريحات له عقب عودته اليوم من الكويت أنه لم ير فى حياته رئيس وزراء يخرج على الشعب ويعتذر مطالبا بالتريث ومراقبة أداء الحكومة حتى لا تتخذ قرارات متسرعة، مشيرا إلى أن شفيق من أكفا الشخصيات التى عرفتها مصر ومحل تقدير شديد لدى الناس جميعا.

علي فكرة هو ده يحي الجمل علي حقيقتة ويمكن الحقيقة اسوأ بكتير كمان

سبق وصرح انه يرفض تنحي مبارك واليوم يصرح انه يرفض تنحي شفيق

وان شاء الله كما تنحي مبارك سيتنحي شفيق لكن مايفعلة فقط هو انه يكشف نفسة امام الناس

[أحمد سيف]

http://www.youtube.com/watch?v=N8VDeyr7aVs&feature=player_embedded

صاحب مخبز ذو رأي وفكر وثقافة وبلاغة أفضل مما لدى رئيس وزرائنا المحترم السيد شفيق

مين قال أنه لا يوجد بديل لمن يحتلون المناصب القيادية اليوم ... مصر ولّااااااااااده يا جماعه

[Simba]

فى تصرف غريب أثار تساؤلات الكثيرين عمن أزال بعض صور الشهداء من اللافتة التى تم وضعها على لوحة إعلانات بدوران كفر الشيخ كان عليها صورة الرئيس السابق حسنى مبارك ومُزقت فى ثورة 25 يناير وتم تعليق لافتة للشهداء تضم صورهم وأسماءهم لكن مجهولين قطعوا بعض الصور المتواجدة فى اللافتة الكبيرة.

ايه اللي بيحصل ده ولصالح مين

وازاي الناس هناك ساكتة ان مفيش اي اتهام اتوجه لحد

وليه الاخوان بعد ما خلاص هيعملوا حزب سياسي انسحبوا من الميدان

مكانش العشم :sad:

تم تعديل 27 فبراير 2011 بواسطة سمبا

[رضوي]

«البسطويسى» يحذر من «خطة مدروسة» للانقضاض على الثورة.. ويطالب بقطع الاتصالات عن «مبارك» وعائلته

كتب طارق أمـين ٢٧/ ٢/ ٢٠١١

>البسطويسىأكد المستشار هشام البسطويسى، نائب رئيس محكمة النقض، أن هناك محاولة لضرب ثورة ٢٥ يناير، وإجهاض مكتسباتها، مشيراً إلى وجود «خطة مدروسة» تستهدف الوقيعة بين الجيش والشعب، مطالباً بقطع الاتصالات عن «مبارك» وعائلته، والتحفظ على جميع مقار الحزب الوطنى.

واستدل «البسطويسى» على كلامه بالأحداث «المؤسفة» التى شهدها ميدان التحرير، مساء أمس الأول، من تفريق للمتظاهرين بالقوة من قبل أفراد الشرطة العسكرية، والقبض على عدد منهم، مشيراً إلى اعتذار المجلس العسكرى عن هذه الأحداث، وإعلان المجلس تخوفه من محاولة بعض «العناصر المدسوسة» إفساد الثورة وإثناءها عن أهدافها وإحداث الوقيعة بينها وبين القوات المسلحة.

وقال «البسطويسى»، فى تصريحات خاصة لـ«المصرى اليوم»، إن ما شهده ميدان التحرير وما حدث فى مدينة المنصورة «خطة مدروسة» تستهدف الوقيعة بين الجيش والشعب، أو الانقضاض على الثورة.

أضاف «البسطويسى» أننا أمام احتمالين، فإما أن يكون المجلس العسكرى على علم بهذه «الخطة» وموافقاً عليها، وإما أن تنفيذها جرى دون علمه، مرجحاً الاحتمال الثانى، خاصة بعد صدور عدة بيانات إدانة واعتذار عن الأحداث المؤسفة.

وطالب نائب رئيس محكمة النقض، المجلس العسكرى، باتخاذ عدة إجراءات حاسمة لحماية الثورة، فى حالة عدم موافقته على خطة إفسادها، وهى: «فرض الإقامة الجبرية على مبارك وعائلته، وقطع جميع وسائل الاتصال عنهم، والتأكد من عدم وجود غرفة عمليات لوضع هذا المخطط وإصدار أوامر تنفيذها، وإقالة شفيق وحكومته، بعد أن تبين من اختياراته لبعض الوزراء أنهم موالون للنظام السابق، والتحفظ على جميع مقار الحزب الوطنى وبعض قياداته، التى شكلت الميليشيات المسلحة من البلطجية.

http://www.almasry-a...rticleID=289110

[محمد عبدالعزيز]

http://www.youtube.c...h?v=N8VDeyr7aVs

ماشاء الله

فعلاً مصر ولادة والمستقبل أفضل إن شاء الله مادام من أبنائها أمثال هذا الرجل.

[raouf]

يالهوىىىىىىىىىىى

الحقوا عمرو اديب شوفوا بيقول ايه

كوارث فى تصريحات محمد رجب والشربينى امين الحزب الوطنى وامين السياسات

مصايب